روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

[Sarooii]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

امبيييييييه مو قادره انطر البارت الياي
بليييز لا تطولين علينا ..
و مشكوووره يعطييج الف مليووون زلييووون عافيه

 

[~*~الملكة~*~]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

واخيرا صحت بس ان شاءالله ماتردله

متااااااااااابعه بشوق بعرف متى اتوب ؟؟؟؟

 

[opera]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

الف مبرووك الملجه

وان شالله تقر عيوونج بردت زوجج وخالتج بالسلااامه







نقاء شكلها في بدايه التوبه .. الحمدلله .. يارب تستر عليها وتسهل امورها وتفكها من حمد

 

[نملة زقرتية]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

ان شاء الله نقاء تكون خذت درووووس من اللي مرت فيه
والله هداها يا رب

يعطيج العافية
ويالله نبي بعد

 

[sara3]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

ربى يفرح قلبك برجعة ريلك وتسمعين الاخبارالزينه يا اميرة

وخلال هذى الفترة اشغلى نفسك ببنتك وطلعى علشان الايام تعدى بسرعه لان سفر العلاج يطول

اهم شلى اكتبى لنا من هالبارتات الطيبه

ونقاء بدت تصحى واتفكروتطلع من الظلمه اللى كانت عايشه فيها واتروح صوب النور والامل

بالتوبه والحياة النظيفه يا رب اتثبتها

وهالحمد هذا قاظى موليه

 

[عثمان حبي]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

ياألله وين اهلها عنها وربي قهر ليــــش.... احسها طيبه وطيبتها زااايده


عجيييييبه
ناطره التكمله

 

[أميرة البجع]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

السلام عليكم بنات ورحمة الله وبركاته
شلونكم حبايبي؟
أول شي مشكورين كلكم على دعواتكم.. بس حبيت أوضح شغلة
ريلي صج مسافر مع خالتي بس مو علاج.. اهم مسافرين عند اهلهم
بس ريلي أول مرة يسافر فترة طويلة جذي (8 أيام) عشان جذي صاكة فيني الدنيا
والحمدلله باجر راح يرجع ان شاء الله بالسلامة
سوري اني ما وضحتلكم هالشغلة في البداية.. وصار عندكم التباس
والشغلة الثانية اليوم مو نهاية القصة احتمال باجر
بس ان شاء الله اليوم راح انزل بارتين
والحين تفضلو البارت
***************


البارت الثالث والعشرين
*************


وتمت نقاء عايشة حياتها بين الدوام والبيت وطلعات خفيفة مع ريم

لين بيوم دقت عليها ريم: ألووو

نقاء: هلا وغلا

ريم: هلا فيج شلونج؟ شخبارج؟ وينج يالقاطعة يعني اذا آنا ما أسأل انتي ما تسألين؟

نقاء: ههههههههههههههه تدرين والله ماروح مكان كله بالبيت والدوام واذا بطلع الشوق أو شي كاني قاعدة أطلع معاج

ريم: حبيبتي والله ليه متى بتعيشين جذي؟ خليه يولي وشوفي حياتج

نقاء (تنهدت): الله كريم

ريم: انزين بقولج تعرفين أم ناصر؟

نقاء: لأ منو هاذي؟

ريم: أم ناصر سلوى؟

نقاء: اي اي شفيها؟

ريم: عازمتنا غدا في بيتها

نقاء: ويي لا فشلة انا ماعرف المرة

ريم: شنو ما تعرفينها؟ صج اهي شافتج مرة أو ثنتين بس أصرت علي اني أييبج معاي

نقاء: ريموو والله مالي خلق

ريم: أووووووووووف يعني ليه متى؟ خلاص عاد نقاء انسييه

نقاء: والله ريم مو بيدي آنا صج حبيته واايد حبيته.. مو قادرة أنساه.. ربي يصبرني على فراقه

ريم: هههههههههههه مو قالوها القطو ما يحب الا خناقه

نقاء: ريموو وويعه

ريم: هههههههههههه انزين خلصيني متى تبيني أمرج؟

نقاء: لالا فشلة

ريم: شنو فشلة؟ أقولج اهي طالبتج بالاسم.. يلا عاد عن الملاقة والله راح تستانسين

نقاء: خلاص متى الغدا؟

ريم: باجر

نقاء: خلاص عيل مريني عالساعة وحدة ونص


وراحو ثاني يوم الغدا.. دشت نقاء.. ورحبت فيها حيل سلوى

سلوى: يا هلا ومسهلا تو ما تبارك البيت

نقاء (تسلم وتبوسها ): البركة بوجودج حبيبتي

سلوى: شلونج شخبارج؟ ما بغيتي تيين؟

نقاء: هههههههههههه الحمدلله انا بخير

سلوى: حياكم حياكم ليش واقفين بالباب؟

نقاء (واهي داشة): الله يحييج

وقعدو تغدو .. وعقب الغدا حطو الجاي والحب والكيك.. وقعدو يسولفون

كانت اليمعة حيل حلوة.. حريم كبار.. وبنات صغار.. وبنات شابات من عمر نقاء

وكانو كل شوي يحطون أغنية ويقومون يرقصون

وتمو على هالحال لين بالليل
***************


وبعد جم يوم دقت سلوى على نقاء (لأنها خذت رقمها باليمعة)

نقاء: هلا والله أم ناصر

سلوى: هههههههه هلا فيج .. قولي سلوى يكفي يعني لازم أم ناصر

نقاء: ههههههههه هلا سلوى شلونج؟

سلوى: الحمدلله انتي شلونج؟

نقاء: والله تمام

سلوى: أقول نقاء شعندج اليوم؟

نقاء: ماكو شي.. ليش آمريني؟

سلوى: ما يامر علي عدو. بس عندنا يمعة مثل ذاك اليوم حياج شرفينا

نقاء: واااااااي سلوى فشلة مابي أثقل عليكم

سلوى: شهالكلام؟ منو قال تثقلين علينا؟ أقول أقول يلا يلا تعالي الحين

نقاء: ههههههههههه ان شاء الله مشكورة

سلوى: العفو على شنو؟ يلا ناطرينج باي
*********************


وتمت نقاء على هالحال كل يومين ثلاث تروح لهم وتقعد معاهم سوالف وضحك ووناسة وفرفشة ورقص

وشوي كانت تطلع مع ريم وصديقاتها الثانيين تروح قهاوي وجذي

بس قطعت الحفلات ما قامت تروح.. ماتبي تصادف أي أحد مثل حمد.. خافت منهم كلهم

وعقب فترة انقطاع من سلوى.. يه يوم كانت فيه نقاء متمللة.. دقت على سلوى

نقاء: قوة

سلوى: الله يقويج يا هلا.. شلونج شخبارج؟

نقاء: الحمدلله تمام.. انتي شلونج؟

سلوى: بخير. أقولج وينج؟ ليش ما تيين؟ عندنا يمعة

نقاء: صج؟ عاد حدي متمللة ومادري شسوي

سلوى: وييييييييه لا تحتارين ولا شي.. تعالي حياج استانسي

نقاء: أوكي عيل شوي ويايتكم.. باي
*******************


ولما دشت عندهم.. انصدمت بواحد قاعد معاهم

كان طويل ومعضل بس على حلو.. ويهه شوي طويل وعنده قفل.. شفايفه مليانين وعيونه كبار

كملت قاء.. سلمت على الحريم.. وما سلمت عليه

سلوى: نقاء أعرفج ولدي ناصر

نقاء: اي هلا والله

ناصر: هلا فيج

وقعدت مع الحريم.. تسولف.. بس حست ان في نظرات تطالعها وين ما تروح أو تلتفت

وكانت تدري ان هالنظرات من ناصر بس ما افترت ولا طالعته كلش

وخلصت العزيمة من غير ما تكلمه او يكلمها.. بس ما طيح عينه منها

وبعد فترة راحت نقاء عند سلوى.. دشت وهم لقت ناصر قاعد بينهم.. سلمت على الكل الا اهو

وقعدت تسولف شوي.. وبعدين فتحت لابتوها.. وشبكت وقاعدة تشرب شيشتها

واهي مندمجة باللاب توب حست في أحد قرب منها

لفت ويهها والا ناصر قاعد على الأرض قعدة الضفدع ويطالعها

نقاء (فزت): بسم الله خرعتني

ناصر: هههههههه ليه هادرجة آنا اخرع؟

نقاء: لا بس ماتوقعت في أحد يمي

ناصر(بكل برود): سويلي ايميل

نقاء (طالعته مستغربه.. وحدها مرتبكة.. جسمها صار حار.. وويهها صار أحمر): أوكي

واهي قاعدة تكتب كانت ترجف عالخفيف بس حس فيها ناصر: شفيج؟ ليش مرتبكة؟

نقاء: ها؟ لا ماكو شي

وكانت طول ما اهي تسوي الايميل عينه عليها.. ماشالها.. وكان تليفونه بيده.. وكل شوي يرن بس ناصر يسكره من غير ما يرد عليه

ولما خلصت نقاء.. عطته الايميل وراح من غير حتى ما يشكرها

نقاء " شفيه هاذا؟ موصاحي؟ هههههههههههههه"

ومن يومها انحرجت نقاء.. ماقامت تدق على سلوى ولا تروح لها وايد.. ماكانت تبي تشوف ناصر
******************************


لما بيوم كانو معزومين عند وحدة ثانية من رفيجاتهم.. وطلبو من نقاء انها تمر سلوى تييبها معاها

واهي بطريجها حق سلوى.. كانت تدق على موبايلها كله مغلق.. ففكرت تدق على البيت

دقت وشاله واح.. ونقاء ما حطت في بالها انه ناصر: ألوو سلام عليكم

ناصر: وعليكم السلام يا هلا

نقاء: سلوى موجودة؟

ناصر (يستعبط): لا النمرة غلط

نقاء: آسفة.. وسكرته من غير ما تشوف شقال

ودقت مرة ثانية وهم نفس الصوت شاله: ألو

نقاء: أخوي هذا مو بيت سلوى؟

ناصر (استعباط أكثر): لا هذا الخباز الايراني

نقاء (مصدقة من صجها ههههههههههههه): سوري

ودقت مرة ثالثة والا يشيله واهو ميت من الضحك: ألووووووووو

نقاء (شكت): شالسالفة؟ منو معاي؟

ناصر: معقولة ما عرفتيني.. بس أطويفها يا جميييل.. آنا ناصر.. انتي نقاء عددل؟

نقاء (حدها مفتشله من اللي صار): سامحني ما عرفتك. بس ما شاء الله عليك شلون عرفتني؟

ناصر: صوتج مميز

نقاء: زين.. وين الوالدة؟

ناصر: هههههههههههه اتعب عالدقرة.. أمي راحت العزيمة

نقاء: ويييييييي انا يايتلها

ناصر: اي حياج

نقاء: لا ماكو شغل؟ عيل انا بروح العزيمة باي.. وسكرته
**********************


لما وصلت هناك.. قالتلهم السالفة وقعدو يضحكون عليها.. ودرت انه اهم اللي مسوين فيها المقلب

وبالليل أصرت ام ناصر.. انهم يحولون القعدة في بيتها.. بما ان كان ويك اند والكل يسهر

والكل راح.. وريم راحت يابت عشا فلافل وفول وحمص وسوالف مطعم كناري

لما بغو يتعشون.. ناصر قام ومسك صحن: نقاء

نقاء (التفتت عليه): هلا

ناصر: شنو تبين أحطلج؟

نقاء: ما يحتاي آنا احطلي

ناصر: لالالا آنا احطلج على ذوقي

طبعا اهني كانت نقاء بقمة الاحراج.. وماتدري وين تودي ويهها.. وسلوى تطالعها مبتسمة

والكل كان يسولف ولاهي.. بس اهي من الاحراج حست ان الكل قاعد يطالعها

حطالها وقعدت تاكل.. وبس ترفع راسها تلقاه قاعد يخزها.. ويتبوسم

ولما طلعت من هناك.." وييييييييييييه فشلة بعد ماني داقة عالمرة ولا بروح لها.. أوووف شفيه هذا كله يخز؟"
************************

يلا حبي رايكم؟

 

[G!RLooNa]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

خخخخخ عجبتني سالفه الخباز

بعد ريال يديد عقب ال 3 مادري 4اللي قبله !

بس هذا شكله غير انشالله يكون سنع :d

يعطيج العافيه :*

 

[فديتني فطومة]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

الله يستر من هالنصوووور اتوقع راح يتزوجها وتكوون مسك الختام وتوب الله علي الله اهبل وانا أألف على كيفي امووره ناطرين البارت بكل حراره وشكرا عالبارت حلو وخفيف

 

[عثمان حبي]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

انا بفهم وين اهلها تعقدت

 

[cup-cacke]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

ياااااااخوووووووووووفي من هالناصر

لا لا ما ادري شكله سنع..والله الله يستر منهم

ناطرينج حياتو

 

[جمال رباني]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

waiting

 

[cute princess]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

بعد ؟؟ وبعدين يعني ؟؟ خلصو الرياييل !!
ما بقالنا شي
بنات ابشركم عنسنا ! نقاء قضت عليهم كلهم
مشكوره اموره والله يردلج ريلج بالسلامه :**

 

[أميرة البجع]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

بعد ؟؟ وبعدين يعني ؟؟ خلصو الرياييل !!
ما بقالنا شي
بنات ابشركم عنسنا ! نقاء قضت عليهم كلهم
مشكوره اموره والله يردلج ريلج بالسلامه :**

حدي مشغولة وقاعدة اكتب البارت الثاني
بس لما شفت ردج ضحكت من قلب وبصوت عاااااااااااالي
وماقدرت ما أرد على تعليقج
هاهاهاهاهاهاهاهاهاهاهاهاهاهاهاها
الله يقطع ابليسج يا كيوووووت صج ضحكتيني حبيبتي
شرفتيني

 

[UNiQe^PRiNceSs]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

خلصنا من حمد يالنا ناصر

يا الاهي
كملي حبي ناطريييييييييييييييييييييييييييييييييييييييينج
:ada::ada:​

 

[cute princess]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

حدي مشغولة وقاعدة اكتب البارت الثاني
بس لما شفت ردج ضحكت من قلب وبصوت عاااااااااااالي
وماقدرت ما أرد على تعليقج
هاهاهاهاهاهاهاهاهاهاهاهاهاهاهاها
الله يقطع ابليسج يا كيوووووت صج ضحكتيني حبيبتي
شرفتيني

لووووووووووول
انشالله دوم تضحكين جذي :$

 

[UNiQe^PRiNceSs]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

بعد ؟؟ وبعدين يعني ؟؟ خلصو الرياييل !!
ما بقالنا شي
بنات ابشركم عنسنا ! نقاء قضت عليهم كلهم
مشكوره اموره والله يردلج ريلج بالسلامه :**

اي والله كيوتو !!!
ما بقالنى شي هني بالكويييت نقاء ما خلت لنا شي :eh_s(4):

قومي نهاجر ندورلنا ريل قوووومي:krkrkr:​

 

[cute princess]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

اي والله كيوتو !!!
ما بقالنى شي هني بالكويييت نقاء ما خلت لنا شي :eh_s(4):

قومي نهاجر ندورلنا ريل قوووومي:krkrkr:​

يعني ؟ :gr4uu:
تهقين نقاء ما راح تقضي على الي بره بعد بالبارت الياي ؟ :gr4uu:
باقي بارتين جنه ... يعني يمديها تقضي على رياييل العالم :gr4uu:
نطري نخلص من القصه ونشوف وين نهاجر :gr4uu:

 

[UNiQe^PRiNceSs]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

يعني ؟ :gr4uu:
تهقين نقاء ما راح تقضي على الي بره بعد بالبارت الياي ؟ :gr4uu:
باقي بارتين جنه ... يعني يمديها تقضي على رياييل العالم :gr4uu:
نطري نخلص من القصه ونشوف وين نهاجر :gr4uu:

اخاف يخلصووون لي بعد القصه ؟؟:gr4uu:
انزيييين امشي نحجز واحد على الاقل :gr4uu:
نظمن مستقبلنا :gr4uu:​

 

[cute princess]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

اخاف يخلصووون لي بعد القصه ؟؟:gr4uu:
انزيييين امشي نحجز واحد على الاقل :gr4uu:
نظمن مستقبلنا :gr4uu:​

ماكو الا افريقيا :gr4uu:
هذا اضمن مكان اتوقع انها ما راحتله يعني :gr4uu:
ولا تدرين :gr4uu:
مابقى الا اخواني واخوج :gr4uu:
انتي تعالي اخذي واحد منهم :gr4uu:
وانا اخذ اخوج :gr4uu: