روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

[The purple]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

اموره متى البارت


دوام باجر

 

[~{GooShTa}~]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

ويع ويع شهالعيشه الوصخه .. و الله انا يحليلي عبالي هالسوالف بس تصير بدول الغرب لانهم مو مسلمين
طلعوا المسلمين العن منهم .. ناطرين

 

[ba6re8a]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

ناطريييييييييين

 

[Sarooii]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

Na6reen ilpart , shwagteena ameera ;p .. 7amad mbadi3 umbaii mo mn 9ija! ..o y36eech il3afya 7bebti ma g9rty t3bnaach weyana
=)

 

[برونزيه كويتيه]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

ما اقوؤوؤوؤول غير الله يهديج ويثبتج ع دينج يا نقاء..
استغفر الله العظيم..
ناطريينج حبوو على احر من الجمر

 

[أم@الحلوين]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

مافي بارت؟

 

[نملة زقرتية]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

امورة وين البارت ؟؟؟

 

[واحشني مووووت]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

ناطريييييييييييييييييييييييين

 

[كويتيه منكم وفيكم]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

:lkmnkl:اهئ اهئ اهئ اهئ اهئ اهئ اهئ اهئ اهئ اهئ اهئ نبي بارتين عفيه عفيه عفيه لا تردين من يطلبج ياعسل المندى حبيبتي ناطرينج على احر من الجمر يقمر منتدى كويتيات

 

[jtbnmk]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

غريبه اميره تتاخر علينا بالبارت
العاده ماشالله عليها تنزل اكثر من بارت
انشالله مايكون فيها شي ونطمن عليها هذا اهم شي

 

[أم@الحلوين]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

امووووووووووره شوقتينا عالاحداث

نبي بااااااااااااارت

 

[cute princess]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

بنات يمكن تعبانه او المنتدى الجميل قاعد يستخف دمه عليها
انشالله ماراح تطول :×

 

[DALLY]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

ناطرينج امورررره

والمنتدى مللنا يعلق حييييييييييييييل

 

[jtbnmk]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

تري صج المنتدي صاير جميل جمال:>
وايد يعلق معنه بالدوام شغال
مانلوم اميره يالله انشالله باجر ينزل بارت

 

[ba6re8a]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

يومييييين ماكو باااااااارت:s

 

[أميرة البجع]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

ألف الصلالالالاة والسلالالالالالام عليييك يا حبيييب الله محممممممممممممد
كلولولولولولولولولولولولوش
والله منتداكم يننيييييييييييي.. كرهني عيشتي
وااااااااااااااااااااااااااااااي المنتدى لووووووووووووووووووووعة
ترى يومييييييين شبكت بس من أكتب البارت مو راضي ينزل
والله ان وراي دوام بس سهرت لعيونكم قلت يمكن يصير اوكي بالليل وعلى الله ينزل البارت هالمرة
ترى بنات والله مو مني من المنتدى لا تلوموني
وانا كاتبة بارتين بالوورد عشان بس يفتح امنتدى انزلهم.. وسامحوني على القصور وتفضلو حبايب قلبي
اي صح.. سامحوني اذا ما قدرت ارد على ردودكم الأكثر من رائعة بس المنتدى شلخنييي.. ذبحنيي.. بجانييي <==== وانتي كله تبجييييييين يام دميعة
هههههههههههههههههههههههه
**************


البارت العشرون
**************

وظلو مع بعض يوم حب ويوم غيره ويوم مشاكل

بس هم نقاء كانت تحبه حيييييل ومستانسة معاه اكثر

ماكان مقصر معاها.. يطلعها كل مكان.. يشتريلها أي شي بخاطرها

وغيرة نقاء كانت لالا تصف.. لدرجة ان أي مكان يطلع حمد مع زوجته .. لالالالالالازم تكون هناك

تشوفهم شيسوون.. تشوفه شيسويلها.. وتموووت من القهر

عشان جذي مع كل اللي يسويه فيها وما تهده تموووت عليه تحبه

وتمت نقاء معاه وتمادى معاها .. قام يحرقها بالزقاير.. قبل لا ينام معاها

قام يغزها بالابر الصينية الضعيفة.. اللي يسمونها الفراشة

قام يطقها بتفنن.. (مينوووووووووون قطيعة أكرهااااااااااااا)

من كثر الطق.. نقاء قامت تخاف منه.. وكل ما تقوله بهدك يطلعله في كل مكان

وكان يطلع برنت على تليفونها يتأكد تكلم منو وتسولف مع منو.. كان يجيك على حسابها في البنك يتأكد فيه فلوس وا ساحبه
أو أحد حاط لها فلوس

واهي من أول ما تعرفت عليه قطعت القهاوي والحفلات ورفيجاتها وكل شي

كان متحكم بحياتها لآخر درجة

وطبعا نقاء من كثر ما زهقت منه على قولتا طلعتلها خط باسم هندي وياها بالدوام

وقامت تدق على ريم وباجي البنات

وتطلع معاهم لما يكون بالبيت أو نايم

بس مو دايما.. مرة أو مرتين بالشهر

كانت تبي تنسى تبي ترتاح شوي

وحمد كان شاك ان فيها شي متغير

وبيوم.. حمد: يلا نقاء آنا وصلت البيت.. الحين ماقدر أكلمج.. أوكي

نقاء: أوكي حبيبي.. عيل آنا بحط راسي وأنام

حمد: أوكي باي

نقاء: باي.. (وسدته سيده دقت على ريم) ألوو

ريم: هلا نقوووء انتي وينج؟

نقاء: آنا كاني.. انتي اللي وينج؟ بالقهوة؟

ريم: طبعا يلا ما تبين تيين؟

نقاء: امبلا.. يلا كاني ياية باي.. سدته وراحت لبست.. وراحت القهوة

نقاء: هااااااااااي

ريم: هااااااااااااي انتي وينج يالقاطعة؟

نقاء: سكتي كاتم على نفسي.. أشوه انه متزوج عشان يفج شوي.. وأقدر أتحرك شوي

ريم: هههههههههههههههه الله يعينج

نقاء طلعت تليفونها الثاني وقامت تسولف فيه.. وهي تدخن الشيشة

وفجأة لقت حمد فوق راسها.. يخزها وعينه كلها شر

التليفون طاح من ايد نقاء.. وحلجها تبطل.. عيونها تبققت.. وقلبها قام يرقع

حمد: هاذي اللي تبي تنام؟ (وعطاها طرااااااااااااااق على ويها)

وكان بيسحب هوز الشيشة يطقها فيه.. بس بسرعة يه صاحب القهوة(مسك حمد): لو سمحت خلو مشاكلكم بره القهوة.. مابي يصير شي هني

حمد (يحاول يفك ايده.. واهو حده معصب): وخرررررر.. هدني.. آنا ذابحها اليوم

صاحب القهوة: اطلع بره معاها.. مابي مشاكل هني

حمد سحب نقاء جدام الناس

والقهوة كانت شوي عالية.. يعني فيها مثل دري تصعدين جم دريه.. وفيها سور

بغى يقطها من السور.. ونقاء تمسك بحديدة السور وتصاااارخ.. و ركضت ريم ووخرته والناس يصارخون وراه

نقاء (تصاارخ): رييييييييييييييم تكفييين لا تخليني.. بيذبحنييييييي.. رييييييييييييم

ريم: وخر عنهااااااااا.. هدهااااااا.. الله يخليك خلهااا

حمد: آنا ذاااابحها اليوووووووم.. ذاااااابحها بنت الك....

بس حمد قدر يفلت من ريم طبعا.. ويتل نقاء من شعرها يقطها بالسيارة.. وطقها على خشمها حست الدنيا دارت فيها

وخشمها قام يصب دم.. وحطت ويهها بالدريشة تنادي ريم: رييييييييييييم تكفيييييييين تعاااااااااااالي.. لا تخليني معاااااه راح
يذبحني

بس حمد طاااااار بالسيارة.. وطول الطريج ولا كلمة.. بس يطقها

ليما وصلو الشقة.. فتح باب السيارة وسحبها قطها بالأرض.. ورد شالها قطها بالاسانسير

شافه ريال (يحاول يوخره): خلها.. لاتوهق عمرك مع بنت الناس

حمد: أدخل فيها سجن هاذي.. ماعندي مانع

وسكر الاسانسير وقطها تحت ريوله قام يرفس فيها

ولما دخلها بالشقة.. ركض للحمام عزكم الله وسحب هوز الحديد مال الحمام (وااااااااااي آنا جسمي قام يعورني)

قام يطقها فيه حييل.. وهي تصاااااارخ تحاول تترجاه بس مو معطيها مجال كلش

لين بعدين ما حست بروحها.. وطاحت غشيانه

حمد لما شافها ما تتحرك.. قط الهوز من ايده وراحلها يبي يتأكد انها ما ماتت

ولما درى انها مو ميته.. شالها حطها على السرير

دق على رفيجه (دكتور).. حمد: ألووو سلووم تعال شقتي ابيك

سالم: خير شصاير؟

حمد: تعال شوف نقاء.. ماتت أو لأ

سالم: الله يغربل ابليسك.. انت شمسوي؟

حمد: طقيتها.. بس اهي للحين تتنفس.. بس تعال جيك عليها

سالم: أوكي اوكي كاني ياي

ويه رفيجه جيك عليها وتأكد انها ما ماتت.. سالم: انت شمسوي؟

حمد: أحسن تستاهل.. بس الحين قولي بتعيش؟

سالم: استغفر الله.. اي اي بتعيش.. والله انك مينون.. الحين تبي مني شي؟

حمد: سلامتك مشكور.. باي

سالم (واهو طالع): لا توهق روحك معاها. باي

وبعد فترة فتحت نقاء عينها.. والا اهي على السرير.. وحمد قاعد يتعبث بتليفونها

وراسها صداع مو طبيعي.. نقاء: حمد.. آنا وين؟

حمد: ها صحيتي.. توقعتج متي

نقاء: وعادي عندك أموووت؟

حمد: اي عادي.. تستاهلين الموت.. خلصيني قومي اخذيلج شاور

نقاء: مو قادرة أقوم

حمد: عن الدلع..ريحي شوي وقومي اخذيلج شاور

ولما صحصحت عدل.. قامت خذت لها شاور.. طبعا بالغصب تقوم وبالغصب تتحرك.. وخشمها كان وارم.. أو بالأصح
كل مكان بجسمها كان وارم

وبعد ما خلصت: حمد: تعالي قعدي هني أبيج

نقاء قعدت عالغنفة

حمد: ليش تسوين جذي؟ ليش تطلعين من وراي؟

نقاء: آنا تعبت من وضعي وياك.. تعبت من تحكمك.. تعبت من غيرتي.. قلت اغير جو

حمد: وتغيرين جو من وراي؟ ما تبين تغيرينه معاي

نقاء: آنا قلت أرتاح شوي.. انت كلش مو حاس بشي.. وآنا أبي حل لعلاقتنا.. يا تتزوجني يا نترك بعض

حمد: زواج ماقدر أتزوجج.. وانسي أتركج


تحبني ومعذبني لو تكرهني جان شسويت؟
يمكن تموتني كافي والله آنا مليت
هذا مو حب انتقام.. لا تعذبني حرام
لتوبها لتوبهاا.. والله روح الغرام
ماريد تطلع شمس وانت علي زعلان
مليون مرة اعتذر لو قلبي عنده لسان
ماريد أخلي الزعل يترك بقلبك أثر
وماريد أخلي الحصل أن يجبرك عالسفر
لوبيدي الغي الزعل من قلب كل انسان
مليون مرة اعتذر لو قلبي عنده لسان
ياللي نويت تبيع.. ما عدنا شرايه
عدنا المحبة أطباع ما بيها كل غاية
ابتعد عني وروح.. ماظل صبر بالروح
حتى النهر وياك جف ونشف مايه

http://www.youtube.com/watch?v=da4HvGi7XkM&feature=related


نقاء: انزين مايخالف أروح البيت الحين؟

حمد: اي روحي.. بس مو تسوين شي من وراي.. ترى المرة الياية موتج على ايدي

نقاء: مابي شي.. بس بروح بيتنا

حمد: أوكي

نقاء دقت على ريم.. وقالتلها تيي تاخذها من الشقة اللي دلتها اياها.. يت خذتها ودتها البيت
****************

يلا حبي رايكم

 

[أميرة البجع]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

وهذا البارت الثاني لعيونكم
وسامحوني على القصور
تفضلو
*********


البارت الواحد والعشرين
************


ظلت فترة نقاء ما تطلع من البيت

بس من البيت للدوام.. ومن الدوام للبيت

وكان حمد ماخذ منها الموبايل ويدق على تليفون البيت.. ويايولها اذا ما شالته أو مشغول

لين مع الأيام خلاص زهقت منه حيييييييل

ما قامت ترد على حمد.. ولا تكلمه ولا تشوفه

لكنه ما كان يعتقها.. يطلعلها في طل مكان..ياذيها ويقولها "والله ماراح أخليج. ولا تفكرين تهديني"

ونقاء كانت مالة من هالوضع وتبي تفتك منه بأي طريقة

نقاء: ريموو قوليلي شنو أسوي؟ ويييييييييع مللني زهقني.. عووووع كرهته

ريم: يبا انتي ليش ما تسوين الحل اللي عطيتج اياه؟

نقاء: شنو شسوي؟ ذكريني نسيت.. والله هذا مدودهني

ريم: قتلج اشتكي عليه

نقاء: هاا؟ والله أخاف منه.. أخاف يذبحني

ريم: شنو يذبحج يالمينونة الديرة فيها قانون.. روحي اشتكي عليه خل يفكونج منه

نقاء: يعني انتي رايج جذي؟

ريم: ايييييي وهذا أحسن شي تسوينه

نقاء: اوكي خلاص عيل.. بشتكي عليه

وفعلا راحت نقاء حق الأدلة الجنائية.. ودشت على الضابط

الضابط: السلام عليكم.. آمري أختي

نقاء (مترددة): وعليكم السلام.. آنا آنا

الضابط: اي انتي شنو؟ عسى ما شر؟

نقاء: آنا اأعرف واحد.. ووايد متعبني.. والحين مهددني.. ويبي يذبحني.. وقالتله بعض التفاصيل.. بس طبعا بعيد عن الشقة وجذي

بعد ما خلصت.. الضابط: خلاص ولا يهمج.. كتبي الحين كتاب بالشكوى.. وأحولج الحين على ضابط ثاني عطيه كل المعلومات اللي
تعرفينها عن حمد

نقاء: أوكي

وحولها الضابط على ضابط ثاني أخذ كل معلوماتها ومعلومات حمدو قالها: الحين خلج تكلمينه عادي

نقاء: بس آنا مابيه

الضابط: أدري.. بس على ما نمسكه

نقاء: أهاا أوكي


وردت نقاء تكلم حمد عادي مثل قبل

وقام يتأسفلها.. واهي عند كلامه تخق.. لأنها تحبه وكان على طرف لسانه تقوله عن الشرطة

بس ترد تمسك روحها.. وتفكر ان هذا لمصلحتها

لما بيوم دق عليها الضابط: رى احنا بعد شوي بنمسكه

نقاء: شلون؟

الضابط: دقينا عليه وقلناله في لك عندنا قضية قيمة تعال راجعنا عشانها.. عن الريل اللي كان ناصب عليه.. وحم ان مشتكي.. ذكرتي؟

نقاء: اي اي .. بس معقولة صدقكم؟

الضابط: هذا شي أكيد


وبطريجه للمخفر.. دق حمد على نقاء .. اللي كانت بالبيت قاعدة مع ريم..جمد: الو هلا حبيبتي

نقاء (متدودها بس تحاول م تبين): هلا فيك

حمد: شلونج؟ شيمسويه؟

نقاء: الحمدلله بخير

حمد: حبيبتي انتي.. أوعدج كل شي بيتغير.. وعلاقتنا بتصير للأحسن.. وانا مابي أخسرج

نقاء: حتى انا عمري مابي اخسرك.. احبك (وكان على طرف لسانها تقول حق حمد عن الشرطة.. لما ريم يمه قرصتها وخزتها يعني لا
تقولين شي.. جان خارته نقاء)

وتم حمد يسولف معاها وقالها ان المخفر داقين عليه على سالفة هذاك النصاب.. حمد: يلا حبي انا وصلت.. خل اروح اشوف شصاير واكلمج باي

نقاء: باي.. وسدته قامت تبجي

ريم: وليييييييييه انتي الحين شفيج؟

نقاء: ماقدر ريموو أحبه

ريم: ياخي حبته القرادة من زينه.. يا معودة قولي الحمدلله انج افتكيتي منه.. صج ماعندج سالفة

ودش حمد المخفر.. وهناك مسكوه يومين.. بخصوص سالفة نقاء.. والعنو خيره (بس لا تسألوني شلون لأني مادري).. وكتبوه تعهد ان ما
يتعرضلها وأي صور تخصها بتليفونه مسحوها وطلبو منه كل شي يخصها

حتى سويج سيارتها خلوه يعطيهم اياه

وهددوه انه ما يتعرض لها.. وبعد يومين طلعوه

وأول ماطلع دزلها رسالة بالايميل " نقاء.. آنا ما كنت أبي أضرج.. بس كنت أسوي جذي عشان تخافين مني وما تسوين شي غلط.. انتي تعرفين غلاتج ومعزتج عندي.. انتي تدرين شكثر آنا حبيتج وللحين أحبج.. وأبيج وشاريج.. ليش سويتي كل هذا؟ ليش أبعدتيني عنج؟ انتي ما تحبيني؟ يعني كنتي تجذبين علي؟ تكفين حبيبتي تكفين بس بشوفج مرة وحدة.. بس مرة وعقبها شوي اللي تبينه.. لاترديني تذكري انا حمد حبيبج"

نقاء كانت تقرا الرسالة وتبجي

كانت متضاربه من داخلها.. تبيه وتحبه وودها ترجعله..بس خايفة منه ومن تصرفاته معاها

بالأخير رفعت السماعة ودقت عليه

حمد: الووووووووووو.. حبيبتي نقاء..لا تهديني تكفين لا تهديني

نقاء (بغت تنهار لكنخا مسكت أعصابها بقدرة قادر): حمد آنا داقة بعرف ليش تبي تشوفني؟

حمد: تكفين خل أشوفج مرة وحدة وبعدين اللي تبينه سويه.. حتى لو ماتبين تردينلي راضي بس اشوفج

نقاء: اوكي بس مو بالشقة.. نروح مطعم

حمد: راضي اللي تشوفينه المهم أشوفج

نقاء:خلاص نتشاوف اليوم المغرب اوكي باي

حمد: باي حبيبتي احبج

وفعلا المغرب دقت عليه واتفقو على مطعم.. وراحو



ملينا البعد قاسي والله البعد قاسي علينا وعليكم يا بعد كل ناسي
احجيلي بغيبتي وشقد تغيرتو.. احجيلي شلون الدنيا بيكم
احجيلي ولهان لسوالفكم والا لا لا لا تحجي مدري قلبي شلي اجاه
خاطره قلبي يضمك خاطره صدري يلمك
ماريد قبل احجي الا أضمك
بكيت فرقاك مرة وطاحت دموعي على تراب
كانت الدمعة مرة وزرعت حب وسط السحاب
همن على لقياك ابكي.. ودمعي على كتفك يطيح
اشكيلي عالبعد وأشكي.. ودي هالجليد يسيح

http://www.youtube.com/watch?v=LNhms0x6vBg



وقعدت معاه.. وعلى قولتها (عور قلبها بكلامه)

كان متحسف ويطلب منها تسامحه ويقولها شكثر يحبها ويبيها.. ومن هالكلام

حمد(دمعت عينه): نقوء والله وربي وربي احبج لا تخليني

نقاء (شافت دمعته بغى قلبها يوقف): حمد لاتبجي تكفى.. والله انا احبك وابيك.. بس قمت اخاف منك

حمد: ليش تخافين مني؟ آنا حبيبج

نقاء: اخاف من الطق.. أخاف من الحرق.. جسمي صار مشوه

حمد: أوعدج ماجيسج.. خلاص حبيبتي والله والله مافي طق ولا حرق ولا شي بعد.. آنا أبيج انتي واحبج انتي تكفين لا تهديني

نقاء: توعدني؟

حمد: وعد والله وعد.. الله يخليج انا ابيييج.. ما تدرين آنا شكثر تعبان

نقاء: ليش خير شصاير؟

حمد: هبة

نقاء (عفست ويهها): شفيها؟

حمد: تخوني.. طحت عليها تكلم واحد

نقاء (طقتها البوهة): صج؟

حمد: اي والله

نقاء: شلون؟

حمد: مو مهم شلون.. المهم اني دريت

نقاء: وشسويت لها؟

حمد: ولا شي.. بس طردتها من البيت.. وقتلها مابي أشوف ويهج

نقاء: اييييي لو آنا جان ذبحتني

حمد: شفيج مو راضية تصدقين.. انتي غييير.. آنا أحبج انتي.. عشان جذي ماكنت أسمح لأي خطأ منج

وفعلا قدر يأثر عليها.. ورجعتله.. بس كانت علاقتهم سرية محد يدري عنها

ردو يروحون الشقة مثل قبل وتنام معاه..بس ماكان يطقها كلش

وبيوم بعد ما خلصو (أو خلص منهم ابليس) حمد: حبيبتي بطلب منج طلب
******************************

رايكم يا حلوين.. وان شاء الله باجر راح اكتب بارتين وانزلهم
بس سامحوني اذا مانزلو وتأكدو ان مو مني من المنتدى اذا علق

 

[ba6re8a]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

امبييييييييييه لالالالالالاااااااااا

NO comment

 

[ba6re8a]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

لايكون مصوررررررررررها ويبي يفضضضضضضضضضحهههههههها

 

[~{GooShTa}~]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

واي لا نقاء مو صاحية ! ما تيوز يعني !
مشكوره حبيبتي و ناطرين البارتين باجر