مـ سهله ـو
*عضــوة شرف في منتديات كويتيات*
امها متوتره حيل وقاعده على اعصابها
احنا ناطرين زينه تطلع !!
مريم تهز بريولها !!....
**
خلصت العمليه وطلع الدكتور ..
الدكتور : الحمدالله العملية انجحت واهي الحين نايمه من تأثير البنج عليها الحين راح تطلع
ام زينه : الله يبشرك بالخير يا دكتور مشكور
بو زينه : يعطيك العافيه وقواك الله ما قصرت
مريم : واي كنت احاتيها حيييل
لولو : سكتي انا بغيت اموت من النطر (( لفت ويها )) كاهي طلعت ..
كانوا الستتر يدزون السرير وكانت زينه نايمه على السرير كانت حالتها صج تكسر الخاطر
الويه اصفر
والبراطم ناشفه
وكانت تهلوس وتتكلم وما تدري عن نفسها من تأثير البنج ....
ام زينه باست راس بنتها : الحمدالله على سلامتج يالغاليه
وكانت زينه تهذر وايد
لفت زينه على لولو ومسكت لولو ايدها وقالت لها : وين حسون ابي حسووون ابيييه
لولو تطالع ام زينه : أي حسون ياي مع امه وين حسون خالتي بيي مع دلال ؟
ام زينه : أي ياي يمه لا تحاتين بتشوفينه
زينه كانت دايخه حييل.....
الدكتور قالت لهم لا توكلونها ولا تشربونها الا بعد 6 ساعات وركبت لها المغذي ...
زينه : لولو وين تلفوني ؟
لولو : حبيبتي انتي ارتاحي الحين مو اله تلفونج الحين
زينه : ابيييه بكلم حسون وينه عطيني اياه ؟
لولو : انتي ارتاحي نامي شوي انتي لي الحين تعبانه
زينه : اقولج ابيه شنو يمكن داق ؟
لولو : نزين اففففففف سكتي فضحتينا جدام خالتي بعدين اعطيج اياه بس خلاص خمدي شوي
ونامت زينه ..
كانت لولو خايفه تعطي التلفون حق زينه وتنصدم انه حسن ما عبرها حتى بمسج كان ناسيها مافي ولا مكالمه ولا مسج ...
بعد 3 ساعات تقريبا قامت زينه
لفت ويها لقت علياااء يمها
زينه : ابي ماي عليااء عطشاانه
علياء : حبيبتي ما يصير تاكلين ولا تشربين الا لمن يمر 6 ساعات
بس علياء ما هان عليها وبللت كلنكس وحطتها على شفايف زينه
زينه لفت على لولو بعصبيه : عطيني تلفوني
لولو : انتي شفيج فشله الحين الناس يايه تزورج والله فشله تشوفج ماسكه التلفون بقولون خوش مريضه والله !!
زينه حست انه في شي صاير فسكتت وتحملت ..
وبدوا الناس يزورون زينه .. وزينه حدها مالها خلق وفوق كل هذا من اللي زاروها ام علي وعلي وشيماء
ام علي : حبيبتي والله ما تشوفين شر خطااج السو يا قلبي
زينه : مشكوره عميمه
ام علي : الحين في شي يعورج ؟
زينه : لا بس دايخه شوي
علي : سلامتج زينه ما تشوفين شر خوفتينا عليج
زينه : الله يسلمك
علي : أي والله خوفتينا قمنا نحاتيج طولتي
زينه ابتسمت بسخريه ولفت ويها على لولو وقامت تسولف معاها ..
علي تفشل وطلع بره ...
وقعدوا الناس يسولفون ... وكانت زينه على اعصابها ...
صار المغرب
ويه ابو زينه واخوانها ..
زينه : هلا بابا
بو زينه : هلا حبيبتي خوفتينا عليج ما تشوفين شر بابا
زينه : الشر ما ايييك
عباس : خوفتينا تخيلي اليوم ما تغدينا من سبتج تخيلي يعني
زينه : احسن ههههههههه
عباس : واهو عليج يعني شوفيني شلون تعبانه هزلت هزلت
زينه : عباااسوه ويعه طالعه لك كرشه اصلن
عباس منصدم : لا عاد صج ؟
زينه : ايي شوف
عباس نزل راسه يبي يشوف
زينه : ههههههههههههه ماكو ثقه كلش
عباس طالعها متفشل : هاذي مريضه وجذي ملسونه وخبيثه
ام زينه : سماله على بنتي اذكر الله
عباس : لا اله الا الله شقلت انا :>
ام زينه : عينك والقبر
عباس : تؤبرني زيوون
زينه : تنقبر انت
عباس : هههههههههه ترى قاعد امدحج
زينه : عباسوا دوختني روح كلم جمانه
الكل قام يضحك على عباس وزينه ...
لمن بلليل وكان الكل تقريبا رايح
زينه : عطيني التلفون الحييين فاهمه الحييين يالله ... ؟؟؟
لولو قعدت تتساسر مع مريم وطنشت زينه !!
زينه : هييي شفييييكم حسن فيه شي شفيييكم ابي تلفوني
لولو : الصراحه زيون اصلن هالتبن لا دق ولا شي خليه يولي شيليه من بالج ..
زينه : لا مو معقوله اكيد في شي عطيني التلفون انا بدق
لولو : هاج فكيني بس
زينه خذت التلفون ودقت على حسن
ما يرد
دقت مره ثانيه
ما رد
ثالثه رابعه خامسه 10000000000 ما رد !!
وينه
فيه شي
شفتوا قعدت تحاتي حسن !! واهي المفروض تزعل منه !!
قامت تطرش مسجات بهستيريا
بس للأسف ولا رد من ( هالحسن )
واستمر هالشي اسبوعين تقريبا تدق عليه ولا يرد عليها
ردت زينه حالتها القديمه مع خواتها (( الدموع والحزن والكآبه ))
كانت بأي شي تبجي
حتى لمن ينكت اخوها عباس تبجي
لمن احد يكلمها تبجي
السلام عليكم يبجيها !!
كانت تبي حسن
خلاص لا اكل لا شرب ما اهتمت بعمرها من سبة حسن ...
وماكان في أي رد منه
سألت مريم خل تسأل حموود بس حموود كان مسافر ما يدري عن حسن !!
بعد شهر بالضبط !!
زينه دقت على حسن من رقم غريب
رد عليها
زينه اول ما سمعت صوته بجت بجت قهررررر : حسوووووووووب حبيبي ويييييييينك ليش ما ترد علي ليش ما سألت عني شسويت لك انا شفيييييييك حبيبي ؟ قووووولي
حسن : زيوون اهدي ... ارد البيت وافهمج
زينه : اوكي ناطرتك
حسن : باي
زينه : باي
http://www.4shared.com/file/84638870/634fcb8e/___-__.html?s=1
حسن صكر التلفون ...
زينه شريط حياتها بدى يمر جدامها واللي يدور في بالها شللي صار وليش ... ؟؟؟ وين راحت احلامنا !! شفيك حسون شفيني انا !! ليش حبيت يعني الحب كان وهم شللي قاعد يصيرلي ؟؟!! يا ترى شنو اللي صاير يا حسون !! ......
فجأة رن تلفونها
واله يطلع (( حبيبي ))
زينه بخوف : الو
حسن : الحمدالله على السلامه حبيبتي ..
زينه : انطرني اموت وبعدين قولي الحمدالله على السلامه !!
حسن : زيون بقولج شي وابيج تسمعين للآخر ممكن ؟
زينه : شنو خوفتني حسوون .. حسووون مابي اسمع والله كافي انك معاي الحين وانك رجعت لي ..
حسن : زيووووووون بس ذبحتيني بهالطيبه خلييييج قويه لي متى انتي جذي ضعيفه !! تعذبيني والله عذبتيني اسمعيني للآخر ,,
زينه كانت ساكته وتبجي ,,,
حسن : انا لي متى جذي موقف نصيبج ... زيون روحي بنصيبج خلاص حرام اللي قاعد يصير فيج ..
زينه شهقت : هييييييييييي حسووون انا زينه شفيك ؟؟؟
حسن : زيون سكتي خليني اكمل .. انا خطبت !! @@ .. بنت خالتي ..
زينه صرخت : جذااااااااااب شلون متى وليش واناااااااااااااا اناااااااااا يا حسن انااااااااااااا اللي تعبت وصبرت انا اللي ضحيت انا اللي حبيتك من كل قلبي !!!!!!!! انا وال 6 سنين وين راحت قوولي ؟
حسن : ابوي يبي يشوف عيالي ومستحيل يوافق عليج ... روحي بنصيبج ..
زينه : امك وين امك ليش ما تقنعه مو اهي تدري اني احبك وانت تحبني !!!!! مو كانت تبيني شللي تغير يعني ؟
حسن : زيوووون خلاص روحي بدربج ترى في احسن مني بوااايد !!
زينه بجت حييييييييييل
حسن : زيووون كافي صيري قويه لا تبجين يا قلبي لا تبجين صيري قويه لي متى بتظلين بهالضعف لي متى ؟؟
زينه : انا قويه فيك حسن لا تخلينييييييييييي (( تبجي حييييل )) حسن انت لي الحين على البر الله يخليييك اقنع ابووك ما اقدر اهدك والله ...
حسن : خلااص ما اقدر
زينه صكته بويها ... !!
حست نفسها منهاااره
تبي تصرخ
تبي تموت نفسها
خلاص مو قادره
ودها تشييييييييل الارض وتحذفها بالجوووووو
ركضت لي دار اختها مريم
بطلت الباب حيييل
حذفت التلفون عليها
وصرخت
حسسسسسسسسسسسن خطب بنت خاااااااااااالته
مريم : شفيج زيووون اهدي شللي صاير شتقولين
زينه واهي تبجي : حسن خطب بنت خالته اااااااااااااااااااااه يا مريم اااااااااااااااااه
مريم : شسمهااا
زينه تصرخ : انا شدرااااااني شسمهااااااااااا
مريم : نزين انتي اهدي الحين انا اشوف شالموضوع
زينه راحت دااارها وقعدت تبجي بتعبببببب وقهر السنييييين
http://www.4shared.com/file/110847335/d231b1cc/______.html?s=1
مو صج الاغنيه بهالموقف ..
نص ساعه
ورن تلفونها
واله حمود اخو حسن
زينه ترد بعصبيه : نعم شتبي انت بعد !!
محمد : زيون حبيبتي اهدي انا الحين اشوف الموضوع عدل لا تخافين
زينه صكته بويه ...
قامت وطلعت الصندوق (( عباره عن اغراض حسن من تيشيرتات وعطور وهداياه ورسايله وكل شي وصوره طالعتهم بحسره قعدت على ركبهاا وقامت تشوف اغراااضه وتلمهم وتبجي وتقعد تشم تيشيرته ... )) وقامت تقول : ليشش يا حسون ليش انا شقصرت معاك فيه قولي بشنو قصرت كل شي عطيتك اياه والله سويت اللي تبيه شفيييييك ليش بعتني بهالسهوووله ااااااااااااخ ااااااااااااااااه ............
طبعا حسن ما اتصل ولا دز مسج ... طول هاليوم
قامت زينه طلعت كانت بتييب لها ماي مرت من غرفة مريم واله تسمعها تقول : حمود والله ان صار باختي شي يويلكم منييييي الله ياخذني دمرت حيااة اختي ضيعتها مع اخووك النذلللللللللللللل عقب ما شبع منها قاال لها هالكلام وامك وينها هااااذي بعد ليش ما وقفت معاها مو كانت تبيها !! شللي تغير ؟؟ واله عشااان بنت اختها بس الله فووق وراح ياخذ حوبتها منكم ...
مشت زينه وكانت تبجي حيييل ...
ردت دارها
قعدت بالزاويه واهي ناثره اغراضه
قعدت على الارض (( سراميك ))
ولامه اركبها وتبجي من غير صوت
لمن نامت ... على السراميك ..
مريم دشت الصبح على زينه وشافت حالتها
دمعت مريم وراحت لها : زيوون حياتي قومي ليش نايمه اهني الله ياخذك يا حسن الله ياخذك .. قومي حياتي لا تيي امي وتشوفج بهالحاله ..
وقومتها واسدحتها على السرير وقعدت يمها ..
مريم : زيون الله يخلييج قومي الحين تسبحي وبدلي اهدومج ونزلي الله يخليج مابي امي وابوي يحسون بشي والله مراح يتحملون اكثر من جذي و الحين عليااء بتيي ..
زينه بتعب : اوك
قامت تسبحت وصلت
ولبست برموده جنز
وبدي اسود
وسوت شعرها عنقوص ونزلت ...
اول ما قعدت مع امها وابوها واخوانها وجذي ...
اهم يسولفون واهي دموعها اربع اربع
ام زينه : ماما شفيج شالدموع حياتي ؟
زينه : ماكو شي يمه بس متضايقه انه علياء بتسافر بره وبتطول اهناك ..
(( ملاحظه : علياء بتروح مع زوجها دوره بأمريكا وبتطول شوي ))
ام زينه : ما عليه ماما بتروح وترجع ان شاء الله وبتكلمنا كل يوم
وتيمعوا العايله كلهم
وقعدوا يسولفون
لولو : انتي شفيج ويهج اصفر جذي ؟
زينه : شوي متضايقه
لولو :من الغبر صح
زينه : مممممم (( وقعدت تبجي ))
لولو : الله ياخذك يا حسن ولا يوفقك لا دنيا ولا اخره
وقالت لها السالفه
لولو : خلاص انسيه خليه يولي بلعنه مليون جوتي غيره خلااص !!
مريم : الله ياخذه
لولو : من قلب
زينه كانت سرحانه
وكل ساعه تشوف تلفونها مافي ولا اتصال من حسن ولا مسج
ومرت الايام
كانت زينه تطرش له مسجات مره حب مره كره
ماكانت عارفه شنو شعورها واحساس انعدم الاحساس عندها ...
مرت الايام وصار رمضان كانت زينه تاخذ اخبااار حسن من اخوه محمد وكانت كل يوم تتعذب ولت الضحكه من عندها حبته من كل قلبها وعطته كل اللي يبيه شللي قصرت فيه اهي !!
وتدري انه حسن ما ملج لان كان مخليها ورى رمضان
وصار العيد
طبعا فرحة العيد مرسومه على الكل الا زينه كانت حزينه بهاليووم ولا جنه عيد !!
رن تلفونها (( حبيبي )) !!!
استغربت
بس ما ردت
معنها ولهااااااااانه موووووووووووووت بس ما ردت !!!
وطنشت ...
كان الكل مستانس ويسولف
الا زينه
مريم ميته ضحك على لولو كانت تقلد كل وحده من اهلها
مريم : زيوووووووون تعالي بسرعه لولو تقلدج
لولو : يالله زيووووون شمقعدج بروحج جنج عيوز ماكلين عشاهاا
عباس : يالله كملي هههههههههههه
لولو : يالله
وقعدت تقلدها واهم يضحكون كانت زينه تطالعهم بس ماكو ولا تعبير بويها وكانت دموعها تنزل
http://www.4shared.com/file/198036665/af48eba8/___online.html?s=1
يمكن عايشه بجسمها
بس تتوقعون عايشه بروحها وقلبها ؟
وقعدوا سوالف وضحك والحياة ولا اروع ...
وصارت الساعه 12
ودق حسن بس هم ما ردت عليه ..
ملاحظه : اليوم عيد ميلاد زينه
فكانت تدري انه داق عليه بيقولها كل عام وانتي بخير ...
طنشت
سمعت صوت عباس يناديها
عباس : زيوووووون تعااالي ابوي يبيج
قامت زينه واول ما راحت الصاله كان ظلمه وقامت تسمع اصواتهم يغنون لها بعيد ميلادها ...
واهي تظاهرت انها مستانسه واله اهي بقلبها ودها تبجي من بعد 6 سنوات كان يعايدها حسن الحين ... اختفى هالشي ...
زينه راسمه الابتسامه عليها وتضحك وقلبها من داخل يبجي ونااااااار وعليه وعلى حالي بروحي اهني روحي بروحي كل عام وانا بخير وعسااااني انسى جروحي !!
بعد ما خلصت الحفله وخذت هداياها
راحت دارها واله تلقى 12 مس كول من حسن و3 مسجات
المسج الأول : ردي حبيبي بكلمج
المسج الثاني : ردي يا قلبي يا بعد طوايفي ابيج تعبان
المسج الثالث : ردي
قطت التلفون على الفراش وراحت تسبحت لعل وعسى المااي يمحي حسن !!
كانت تحت الدوش تقول : اااه يا حسن تعبت والله تعبت خلني بحاالي خلاص ابي انسااك ابي انسااك لعبت فيني شنو تبي اكثر من جذي !!
طلعت نشفت جسمها وبدلت ولبست بجامتها وطلعت الصندوق
وعلى السان زيون : هاات يا بجي ..
ورن تلفونها واله تشوف (( حبيبي )) يتصل بك
ردت بس سكتت ..
حسن : كل عام وانتي بخير زيون
زينه : وانت بخير ..
وصمت ..... طويييل
حسن : عبالج نسيت لا والله ما اقدر انسى
زينه : تزوجت ؟
حسن : لا باجر بنروح نقص المهر (( بس الرياييل يروحون ))
جان تسده بويه
ورد دق عليها
وقامت تصرخ من قمة راسها ااااااااااااااااااااااااااااااااااااااااااه وقامت تبجيي بصوت عالي
يت لها مريم مخترعه : شفييييج شصاير ؟
زينه : بااااااجر بروووووحوووون
مريم : خل يولي ليش رديتي عليه ؟
وقامت تبجي حيييل لمن طاحت غشيانه وراحت للمكان اللي اتوقع مل منها وزهق منها (( المستشفى ))
وردت زينه على حالتها القديمه ...
ومريم ولولو يدقون على حسن وما يرد عليهم ...
مريم دقت على محمد : شوووف قول لاخوك يطلع من حياتنا ما نبي منكم شي عووووع لا انته ولا اخوك ما نبيكم الله ياخذكم زينه بتمووت والسبه انتو الله ياخذكم ان شاء الله !!
محمد : مريوم انا مالي شغل وانت تدرين
مريم : فكنااااا زين
وسدته بويه ..
وتمت زينه اسبوع بالمستشفى
وكل يوم علي يزورها
ومسجات حب
مثل (( والله لا انسيج تعبج ))
(( وافقي علي زينه واريحج والله ))
(( والله احبج والله يا زينه الله يخليييج حسي فيني ))
ومسجات حب واايد
وزينه تشوف هالمسجات وتتحسر على عمرها وتبجي ...
ويه يوم طلعة زينه ..
زينه : ماما بطلع مع زينه الله يخليج بشم هوااا صارلي اسبووع بالمستشفى
ام زينه : يا يمه انتي تعبانه المفروض الحين ترتاحين
زينه : الله يخليييج يمه
وقعدت تحن عليها لمن وافقت امها وراحت حق دانه ودقت عليها وقالت لها اوكي
البست هدومها وكانت حيييل ضعفانه وويها اصفر
وصلت دانه
ركبت السياره ..
زينه : طلبتج يا دانه وديني بيت حسن الله يخليييج
دانه عصبت : بس لي اهني وكفاااااااايه شفيج انتي اسمحيلي ما اقدر
زينه : الله يخليييج بسوي شغله وحده واوعدج اخر مره
دانه : اوووووووووف الله ياخذك يا حسن ...
وصلتها بيت حسن ونزلت زينه وطقت الباب ..
طلعت لها الخدامه
زينه : نادي ماما
الخدامه : ماما داخل تعالي انتي داخل
زينه : لا قولي لها ما اقدر
شوي ويت ام حسن
زينه : ليش يا خالتي ليش حرقتي قلبي انتي تدرين اني احب حسن ليش ما اقنعتي ابوه
ام حسن توهقت : ها حاولت يمه ما قدرت خلاص روحي بنصيبج
ورجعت زينه السياره وقامت تبجي وتحس هم شريط حياتها يمر جدامها تعبت من هالدنيا خلاص لي متى جذي شللي خذيته من حبك يا حسن شللي خذيته !!
اول ما دخلت زينه بيتهم راحت دارها واله تدش عليها مريم ..
مريم : رحتي بيتهم صح ؟
زينه : اييييي قلت لامه ليش ما انقعت بو حسن قاااالت لي روحي بدربج
مريم : تقول انا اسفه ضيعت حياتج والله بس هاذي امهم كانت تبي تنتقم مني والله و الانتقام طلع فيج حرقوا قلبي عليج
زينه : وانا شنو ذنبي خلااااص عادي
وتمر الأيام والاسابيع
جمانه مرت عباس يابت بنوته حلوه ..
ودلال وعمار سمن على عسل وعايشين حياتهم ..
ومريم تلوم نفسها
وزينه تبجي على حالتها ...
وعلياااء مع ريلها بامريكا ولا تدري بللي صار ..
لمن يااا اليوم وحسن يدق على زينه اكثر من مره
استغربت زينه
وردت
حسن : زينه ابي اشووفج ضروري تعالي بيتنا الحييين ..
زينه : ليش مابي
حسن : ضروووووري اقولج
وبعد حنه رضت وراحت بيتهم
اول ما دخلت غرفته
طبعا كانت زينه ضعفااانه حييييل وويها اصفر
كسرت خاطر حسن !!
يا حسن يبي يلمها
جان تدز وتقوله : يالله قولي شتبي وخلصني يالله ؟
حسن : والله احبج يا زينه بس الظروف ضدنا
زينه : واي لي الحين انت تجذب ارحم عمرك شتبي خلصنييي ياللللللللللللله ؟؟
حسن : زيون اخذي اغراضج اخاف املج وتيي زهراء وتشوفهم
زينه تبجي : وااااي انت من صجك تبييييع العشره اللي بينه .. شلون هنت عليك
حسن : لا تخافين عندي اللي يذكرني فيج
وطلع لها تلفون عليه قفل : هاذي كل صورج من اول ما تعرفنا على بعض ليومنا هذا
زينه تبجي حيييييل
جان يقرب منها ويلمها حيييل
حسن : والله احبج
زينه : وانا بعد بس انت حقير واايد
قعدت معاه شوي لمن هداها شوي مسكت تلفونه
حسن : شبتسوين
زينه : بتعبث شوي
حسن : لا خلاص عطيني اياه زينه
زينه شافت مسج بتلفونه مكتوب (( حبيبتي و الله انا احبج بس انا طبعي جذي و لانج بعيده عني بس خل نملج كلشي بيتغير والله يالله عااااد بتول خلاص ارضي عني ))
زينه لا شعوريا حذفت التلفون على حسن وقامت تبي تمشي
جان يقول حسن : شفيييج شنو شفتي
زينه : شفت حقارتك وقذارتك يالواطي يالحقير
ولا شعووووووريا
زينه تعطي حسسسسسسسسن ((( طراااااااااااااااااااااااق ))
حسن : يبه شفيج هاذي ترضيه ولا شي انتي الحب واهي ولا شي ..
زينه عطته طرااااااااااااق ثاني وصرخت : بسك جذب ارحم نفسك يالواطيييي
ودمووووووعها اربع اربع ... !!
وطلعت من داره واهي نازله اهو لاحقها وماسك جيس اغراضها
خذت الجيس منه
وصرخت : ما تعرف تقطهم بالزباله (( تكرمون )) انا اقطها
ونثرت الاغراض بالشارع ولفت عليه : الله على الظالم وحوبتي ما تتعداك ..
وطبعا هذا البارت من بداية المستشفى كان في شهر 6 __ 2009
لي شهر 1 __ 2010
لمن شافته زينه ..
طبعا اهو لي الحين ما ملج وكان يدق على زينه ..
حالة زينه لي يومكم هذا حزن وكآبه ومنقهره ومتحسفه على كل اللي سوته
يلعن الساعه اللي شافتك فيها زينه يا حسن
عرفتوا الحب الحين ..
في حب بس وين انا اقولكم
بالعشره
بالصدق
بالامانه
(( بالحلال ))
مو كل من قال احبج ركضتي وراه ولا من قالت (( احبك )) صدقتها ... الحب شي كبير للأسف الدنيا وبلاويها صغرته لا نركض ورى الحب خلو الحب يركض وراه زينه لي الحين تحب حسن ولا اتوقع راح تنسااه
زينه تبي تقدم اهدااء حق (( بتــول)) خطيبة حسن
اهداااء من قلبها امانه سمعوها عدل
http://www.4shared.com/file/151486654/dd14ab66/-_online.html?s=1
سمعنا انه يحبك وانا ادري هم تحبينه ** بقولك شي في قلبي رجاءا لا تعلمينه ** انا اللي من عمر اغلاه ترى ما جيت ابتعاتب ** ابطمن عليه وانساه مادام انه مو قادر **وابدعلي له يلاقي فيك اللي ما لقاه فيني **ولا تزعلينه ما اوصيك ابي اخباره ترضينه **واذا مره تخاصمتوا ولا انتي عارفه ترضيه ** تعالي وقولي شللي صار اعلمك ليه وشللي فيه **
بالنهايه
زينه مراح تسامح ولا تسمح لنفسها تعيش مره ثانيه بللي عاشته قبل
حسن كل يوم يطرش لها مسج سامحيني
تسامحك على شنو وعلى شنو !!
زينه حزينه بس ان شاء الله تلقى اللي يعوضها وبتلقى النصيب اللي بعوضها على كل اللي صار
لها
علي لي الحين يحبها ويطرش لها مسج من حين لآخر حب وجذي وزينه تطنش ...
حسن يتصل
متصل فيني تقول ان وجودي يهمك /
و انا اقول ان وجودك ما له داعي
تبيني بوقت ضيقتك اكون يمك !!
و وقت اللي احتاجك تلوي لي ذراعي
حلّفتك بالله و غلاة الغاليه امك
ليه الحين جاي تبي تفهم اوضاعي
مو انا اللي كنت السبب في همك
و اني في جحيمك و حزنك الساعي
يا اخي انت الدم اصلاً مات بدمك
من متى كنت لوجودي مهتم و واعي
لا تقول احبك و تكفى اقفل فمّك
ما عاد لي خاطر ابكي و اذرف ادماعي
صحيح سنين شربت من سمّك
لك
من سمّك
لكن اليوم بأشر لك كذا بأصباعي
يعني ما ابيك روح الله لا يسلمك
قراءة ممتعه ... فديتكم وراح اوله عليكم :fun: حيييل
الله يوفق الجميييع ياارب
ويعطيكم العافيه على التشجييييع الحلووو :fun:
i will miss you all 
