روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

[T-flower]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

اهم شي انها تااااااااااااااابت لله توبة نصوح تعليقنا ما يفيد

حبيتي انتي مبدعه ناااااااااااطرين

 

[!pink-card!]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

سؤاااااال ابي نقاء ما اتوب


كل اللي صار لها وما تابت



ثانكس حياتي على البارت وننطر اللي ورااه :******

 

[الصبر له حدود]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

بناااااااااااااات البنيه قاعد تقول القصه ع اساس ان فيها عبره بالنهااايه لاطبون بالبنيه وااايد بتعرفوون النهااايه وعقبها حكمواااا وكان بالبدااااية أميره قالتكم لاطبون فيها قبل لاتكلموون عنها عرفواا انها تابت توبه نصووحه وعسى ربي يثبتها .. وادعوا هالدعاااء دايما "اللهم يامثبت القلوب ثبت قلبي ع دينك يارب "" وبعدين كان جداااامها مغريات وااايد وماكو احد ينصحها ورفقاااء السوء حواااليها والشياطين بعد شنو تبون بانسااانه مااااكو احد يوجها بالصح والغلط ؟؟؟ او يزفها او حتى يطقها ع الغلط ؟؟؟
ع فكرة انا ترى مثلكم مااعرف القصه ولااعرف البنيه ولاحتى الكاتبه نفسها !!! بس والله الله يغفر ويسامح ويستر واحنا البشر مانسامح ونعاتب ولانغفر لاي شخص كااان؟؟
تحيااااتي وسوري ع اذا كاان في كلامي كلام غلط ؟؟اعذروني؟؟

 

[Low_Fat]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

الله يستر عليها

 

[so_what]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

نقاء تبط جبدي وبنفص الوقت تكسر خاطري ، تكسر خاطري لان اهلها جنها مو اهلها ولا معبرينها و تبط جبدي لان هذا مو عذر وغلطاتها وايد المفروض تعلم منها مو تزيد غلطاتها ، والحمدالله انها تابت

 

[AnGel GirL]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

واااي ما اقدر اعلق

نوووووووووووووو كمنت

 

[ba6re8a]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

امبييييييييييييييه ددددددددددددددم؟؟؟؟؟؟؟

ما اتووووووووووب هذيييييييييييييييييييييييييييييييييي قطيييييييييييعه

وثاني شي البارت قصصصصصصصصصصصير

 

[وبعديين]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

الحمد لله والشكر
منتهيه

 

[ReRez]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

الله يثبتج نقاء

ومشكوره اميره حبي

 

[بوجي وطمطم]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

يلا الغاليه ..انا متابعه بصمت,,,,,,,نبغي البارتات اليايه..........كويكلي....

 

[G!RLooNa]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

ناطرين

 

[أم@الحلوين]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

وااااااااي نقاء تطلع من مشكله اتقط روحها بمشكله اكبر منها استغفر الله يارب
من صجها@@@@@@@@@@ ماكو عقل ماتفكر ترا القلب يحب مره بس نقاء حطمت الرقم القياسي الله يستر من اللي ياي ؟؟؟؟
يسلمو اموره عالبارت

 

[النظره الخجولة]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

نااااااااااااااطره البارت

 

[أميرة البجع]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

صباح الخير يا حلوات
شلونكم؟ والله اني حدييييييييي تعبااااااانه ومريضة.. حتى مو قادرة انام من البارحة.. لكن قلت خل أكتب لكم البارت دام اني صاحية.. لأن مادري هالمرض شبيسوي فيني بعدين

بس حبيباتي قبل لا أكتب لكم البارت
بقولكم شغلة.. أبيكم تحطونها في بالكم
شفتو شلون ان بزواج نقاء من عبدالله ماطلع دم.. بس مع حمد طلع
ترى مو شرط.. وهاذي حكمة ربج.. وترى حمد درى انها موبنت.. وأعتقد انكم فاهمين قصدي.. بس انصدم لما شاف الدم
حبيت أوضح لكم هالنقطة
************

والحين تفضلو البارت
**********


البارت الثامن عشر
***********


وتمو نقاء وحمد مع بعض سمن على عسل.. على قولتها

وتعلمت نقاء الغوص عملي

وبيوم.. حمد: حبيبتي باجر زهبيلج جنطة صغيرة

نقاء: ليش؟

حمد: انتي بس زهبي

نقاء: اي مو قولي ليش عشان أعرف شزهب؟

حمد: باجر راح تعرفين

نقاء: خلاص.. أمري لله.. أوكي


وصار اليوم الثاني

حمد أخذ نقاء.. وسيييده عالمطار

نقاء: حمد انت وين موديني؟

حمد: بنسافر

نقاء: شنو؟ نسافر؟

حمد: هاهاهاهاها اي نسافر شفيج مخترعة؟

نقاء: لا مو مخترعة.. بس غريبة

حمد: ليش غريبة؟ انتي مو تعلمتي الغوص؟ ما تبين تغوصين وتشوفين الشعب المرجانية؟

نقاء: الللللللللللله امبلا.. ودي حديييييي

حمد: خلاص بنروح شرم الشيخ.. وتغوصين هناك

نقاء (قطت روحها عليه.. لمته): مشكووووور مشكوور حبيبي

حمد: هاهاهاهاها انزين وخري خليني أعرف أسوق

نقاء:هههههههههههههه

وسافرو شرم الشيخ.. 3 أيام.. غاصو هناك

واستانست نقاء حيل.. شافت دنيا يديدة تحت البحر

وتكررت سفراتهم.. وطلعاتهم.. وغلطاتهم مع بعض
************************


وبيوم كانت طالعة معاه.. نزل يشتريلهم غدا

ومن الملل.. قامت تتعبث نقاء بالسيارة.. فتحت الدرج.. لقت دفتر التموين

فتحته.. لقت اسم حمد وزوجته " ايييي يمكن مو شايلها من البطاقة التموينية"

بس بعدين لقت اسم بنته.. ولقت اسم بنت ثانية له.. اهني انصدمت

واللي زاد الطين بله ..لقت صورة حق زوجته.. شكلها كان جواز أو شي جذي.. استغربت نقاء حيييييل

ركب حمد السيارة .. لقى ويه نقاء مقلوب: شفيج؟

نقاء ساكته

حمد: نقووء قاعد اكلمج.. شفيج؟

نقاء نفسيتها بخشمها.. ومو قادرة تكلمه

بس لما حن عليه وااايد.. نقاء (ودها تنفجر من القهر): انت عندك بنت ثانية؟

حمد (انصدم.. جنه واحد معطيه طراق): شنو؟ ليش؟

نقاء (طلعت دفتر التموين.. أشرت على اسم البنت الثانية): هاذي منو؟

حمد (بلع ريجه): حبيبتي.. اي انا عندي بنتين

نقاء (دمعت عيونها): يعني ليش ما قتلي؟ ليش جذبت علي؟

حمد: خفت أقولج وتكشين

نقاء: بلا أعذار.. آنا لو بكش.. جان كشيت من قتلي عندك بنت أصلا

حمد: خلاص حبيبتي سامحيني عاااد

نقاء: حمد قولي الصج.. انت صج مطلق

حمد: اي اي صج مطلق

نقاء (هدت شوي): والبنات عند أمهم.. والا عندك؟

حمد: لا عند امهم طبعا

نقاء: حمد الله يخليك لا تخش عني شي

حمد: لا تخافين والله مو خاش شي.. خلاص انتي الحين عرفتي كل شي

نقاء سكتت.. وطوفت الموضوع
***************


بس بعده بيوم.. حست نقاء ان حمد متغير.. مو طبيعي فيه شي

" يمكن متضايق من الدوام.. او ويا أحد من ربعه"

اليوم اللي وراه.. حمد: نقاء وينج؟

نقاء: موجودة .. بالبيت خير آمر

حمد: تعالي الشقة بشوفج

نقاء: أوكي دقايق وأكون عندك

راحت نقاء الشقة.. واهي كلها شوق.. ولهفة.. لأن أمس بطوله ما شافته.. وكان متضايق.. فمابغت تضايقه أكثر

دشت الشقة.. نقاء (مبتسمة): قوة حبيبي

حمد (ويها مقلوب.. لحيته طالعة شوي.. وشكله تعبان): هلا

نقاء (اخترعت من شكله): شفييييك؟

حمد: آنا يومين مو نايم

نقاء: ليش عسى ما شر؟

حمد: نقاء بقولج شي

نقاء (قعدت يمه.. وحاوطت جتوفه بذراعها): قول حبيبي

حمد (طالعها فترة): نقاء آنا.. آنا.. متزوج

نقاء (طالعته مو مستوعبة): يعني شنو متزوج؟ يعني تزوجت توه؟

حمد: لا متزوج.. ماطلقت زوجتي.. وفي ياهل بالطريج

هني الصدمة حاشت نقاء بشكل مو طبيعي

وقفت طالعته.. قامت دموعها تنزل بسرعة بسرعة: شنووووووووو؟ شنو متزوج.. وما طلقت

قامت تصارخ وأي شي جدامها تكسره: ليش جذبت علي ليييييييش؟ ليش خليتني أحبك ليييييييش؟

قامت تبجي بهستيريا: ليش ما قتلي من البدااااااااااية؟ آنا قتلك ما أتم مع واحد متزوج.. لييييييييش سويت فيني جذيييييييي

راحتله.. قامت تله من قميصه: جااااوبني كلمنييييييي.. شفييييك ساكت؟

حمد بس يطالعها وعيونه مغورقة.. مايدري شيقول

نقاء (تبجي وتطق روحها): ليش خليتني أتعلق فييييك.. حراااااام عليك.. حمد حس فينيييي.. قلبي يعورننننننييييي

يوم شافها جذي خاف عليها.. راح لها ولمها .. حمد: مابي اخسرج.. حبيبتي مابيج تهديني.. جذبت عليج لأني أحبج وأبييييج

نقاء (تبجي): وانا .. وانا يا حمد.. ما فكرت فيني؟ مافكرت شبيصيرلي؟

حمد: انتي حبيبتي وماراح يصيرلج شي.. وانتي معاي

نقاء (طاحت تحت ريوله.. تبوسهم وتبجي): تكفى حبيبي تكفى عشاني.. قولي قاعد تجذب علي.. تكفه قول انك ما تبيني وتبي تهدني عشان جذي قاعد تجذب علي.. الله يخليييييك الله يخليك.. قولي انك مسوي فيلم عشان تهدني.. بس أترجاك أبوووس ريولك لا تقولي انك متزوج.. لالا حمد انت مو متزوج

حمد (قام يبجي معاها.. رفعها من الأرض وقام يلمها): بس خلاص حبيبتي لا تسوين بعمرج جذي.. صدقيني مو قادر أهدج.. وايد حاولت ما
اكلمج بس ما قدرت.. والله أحبج.. نقوء والله

نقاء (دزته): لا تقول تحبني.. اللي يحب ما يعذب

حمد (رد لمها.. وكمل كلامه): والله انتي البنت اللي أتمناها.. من شفتج بطريج الشاليهات وانتي ما غبتي عن بالي لحظة.. كل شي أحبه
انتي تحبينه.. وكل شي أكرهه انتي تكرهينه.. مابي أخسرج نقوء والله مابي

نقاء تمت فترة بس تبجي.. وخرت عنه وقعدت عالغنفة.. تطالع جدامها.. تطالع المجهول

حمد قعد يمها.. بس يطالع جدام.. وتمو فترة ما يتكلمون

كل واحد فيهم سرحان بشي جدامه.. بعد فترة.. طالعته نقاء وعيونها متروسة دموع

حمد مسك ايدها

نقاء (بصوت متقطع): آنا.. آنااا

حمد (حط ايده على شفايفها): آنا ماقدر أهدج

نقاء (نزلت دموعها): حتى آنا بعد ماقدر

باسها على عيونها.. ومسح دموعها.. ولمو بعض حييييييييل.. فترة طوييييييييييييلة
************************************


وتمو مع بعض نفس قبل وأكثر.. تمو يسافرون ويروحون واييون

وكل مالها نقاء وتتعلق فيه أكثر وأكثر

وبيوم نقاء: حمد احنا لازم نتزوج

حمد: ليش؟

نقاء: شنو ليش؟ مو انت تقول تحبني وما تحب زوجتك؟

حمد: اي

نقاء: خلاص عيل.. تزوجني

حمد: ماقدر حبيبتي

نقاء: شنو ماتقدر؟ مو الشرع محللك أربع؟ يعني شنو ما تقدر؟

حمد: نقووء حبي.. انتي تدرين اذا تزوجتج.. رح تطلب الطلاق.. وأخسر عيالي.. وانتي تدرين ان روحي وحياتي هاليهال

نقاء (متنرفزة): يعني عادي تخسرني؟

حمد (لمها.. باسها): انتي روحي مستحيل اخسرج.. تبيني أموت؟

نقاء: اسم الله عليك لا تقول جذي.. بس انا تعبت من هالوضع

حمد: صبري.. وان شاء الله راح نلقالنا حل

وسكتت نقاء مثل كل مرة

لكن في شي دش بينهم وما تقدر تسكته

دشت الغيرة.. غيرة نقاء من زوجته

ما كانت تنام الليل.. كل يوم تقعد تبجي " أكيد الحين قاعد عندها.. أكيد الحين نايم معاها.. أكيد الحين قاعد يلمها.. أكيد الحين.. وأكيد الحين"

لما قربت على حافة الينون.. الا قولو ينت وقعدت

تدرون ليش؟

شوفو طلبها من حمد
*************

رايكم حبايب قلبي
ادعولي أتشافى.. ولا تنسون باجر اجازتي.. أشوفكم على خير
أحبكم

 

[أميرة البجع]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

واااااااااااي كاسره خاطري نقاء احس الدنيا لعبت فيها لعب لدرجة ماقمت تفرق بين الحلال والحرام والصح والخطأ
انشالله النهايه تكون احسن
وبانتظار التكمله اموووووووووره

ان شاء الله حبي

وانا بعد ودي اعرف منو الممثل

مشكوورة حبيتي اميره عالبارت

ناطرينج

العفو دندوووش

ambaih la2 mo sij. Ween aldeen bel mawtho3

شرفتيني بحضورج

لييييييش جذي نققاااء ؟
ليش قاعده ترخص نفسها جذي !
تقعد وتكلم وتسوي علاقااات مع ناس ما تعرفهم ! ولا بينها وبينهم شي !
وماتدري منو اهم اصلا !
شي غريييب صراحه !
ثانكس قلبي كملي ناطريييينج​

الله يستر حبي

ويي ليييش صاارت نقاااء جذي الله يستــر عليييها

يعطييييج العااافية على البااااارت

ناااااطريييينج

الله يعافيج حبي

امورة : برد اوريو من باسكن اللي ذاب و فرح ما كلته

واااااي لي متى نقاء

ثانكيووووو عـ البارت

وناطرينج

هههههههههههه اي عرفته بس ماكنت قاريه هالبارت.. عشان جذي استغربت
العففووووو

امبيه من صجها من واحد لواحد
بس ما الومها موتت امها وضياعها من بيت لبيت..وحب جاسم ورفض اهلها وزواجها من عبدالله وبالاخير انكار اهلها وابوووووووووووووها لها بعد ما كانت دلوووعته

الله يستر من الياي

الله يستر

ننطر الباااجي وعقبها نعلق ..
نبي بارت

شرفتيني

الله يستر عليها

مشكورة حبي

نقاء الله يهديج مهما كانت ظروفج ما اتسوين هالشيء حبيبتي حسبي الله على إبليسج يا نقاء حسافه اتضيعين عمرج وحياتج على شيء ما وراه هدف ويا حبيبتي خير يا طير تطلقتي يمكن خيره فيما اختاره الله لج يا غلاتي ويا حبيبتي ربي يعوضج بغيره يا غلاتي ولا تروحين حق هالأشكال يا حبيبتي واستغفري ربج يا نقاء وما عاش اللي يخليج رخيصه بحياتج يا حبيبتي نقاء ترا إحنا نخاف عليج وما نبيج تهدرين صحتج وحياتج وأهلج ويا الغاليه حبيبتي نقاء ارجعي لأهلج وكوني معاهم وكوني البنت الحبوبه اللي راح تفتح صفحه يديده بحياتها وتغرق صفحات ماضيها بالبحر غرقانه ربي يخليج لأهلج تاج حياتج ودنيتج ومن غيرهم الدنيا ما تسوى شيء بدونهم يا غلاتي ديري بالج على والدج وإخوانج وحطيهم بعيونج وقلبج وفرحهم من فرحج وربي يحقق لج كل اللي يتمناه قلبج ويحقق أمنية والدج كل اللي يتمناه قلبه ويحقق أمنية إخوانج وخواتج باللي يتمناه قلبهم عاجلا غير آجلا آمين يا رب العالمين

تسلمين يا أماير يا نور الطيب والغلا عالبارت وتسلم إيدج حبيبتي ويحقق لج كل اللي يتمناه قلبج عاجلا غير آجلا آمين يا رب العالمين
ويا رب تستر على شبابنا وشاباتنا من هالزمن وتحفظهم من كل شر أجمعين وتحقق كل اللي يتمناه قلبهم من خير وبركه عاجلا غير آجلا آمين يا رب العالمين

حبيبتي كلامج مثل الثلج على صدري وصدر نقاء.. مشكوووووووووورة وااااااااايد وااااااااااايد
أجمعين يااااااااااااارب

 

[cute princess]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

يالله يا رب اميره تنام وتقوم وتصير احسن من الحصان ويصير عندها وقت فراغ شطوله عشان تكتبلنا 10 بارتات ورا بعض امييييين يا رب العالمييييييييييييين

 

[ReRez]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

نقاء احسن هديه
---

اميره عسى ربي يقومج بالسلامه يارب .. والله حاسه فيج وادري ان المرض شييين الله لا يعووده

يعطيج الف عافيه .. وهابي عطله

 

[koky 7yati]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

ماتشوفين شر ويعطيج الف عافيه عالبارت
مشكوووووووووره ماقصرتي

 

[~*~الملكة~*~]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

انا حدي متنرفزه من نقاء

الحمدلله انا تابت

بس وين اهلها وحده تسافر وتغيب عن البيت

ومحد يحس فيها معقوله ؟؟؟

 

[D!aM0nD]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

تقومين بالسلامه أميره ماتشوفين شر يالغااليه

ويعطييييج الف عاافيه

ناااطريييينج حيااتووو