طريقة وضع الثيمات ع الايفون + برنامج هديه p=

[فرآبتشينوو]

مسـاء الخير





شلوونكم ؟؟




عشان تحطون ثيمات للايفون لازم تكونون مسوين جيلبريك و عندكم السيدياا




اول شي ندش السيديا و نروح لـ search و نكتب winterboard

و نحمله




بعدين على اللاب توب حملو هالبرنامج


click


و فتحوه و ثبتوه .. عشان عن طريقه راح نحط الثيمات بالايفون



نفتح البرنامج و نشبك الايفون ع اللاب و ننطر لما يتعرف عليه


بعدين روحوا للمسار نفس اللي بالصور

Raw File System
Library
Themes


و سحبوا ملف الثيم و حطوه بالمربع اللي ع اليسار




بعدين فتحوا winterboard اللي بالايفون و اختاروا اسم الثيم اللي تبونه

و ضغطوا زر الهوم و بينحط بروحه



بس تأكدوا ان فيه اشارة صح عند هالكلمه

لان اهي اللي تخلي اسم الايقونات يروح و يبقى بس شكلها



هذي طريقة الثيمات اللي تحملونها من اللاب توب

و تقدرون تحملون ثيمات دايركت من السيديا و بتقلونها بالونتربورد

بس ماجربت ولا مره


هذول جم ثيم عندي


Theme 1

Theme 2

Theme 3

Theme 4





و البرنامج الهديه


برنامج يخليكم تختارون اسم و تحطونه بدال اسم شركة الاتصالات



روحوا السيديا و search و كتبوا fakecarrier و حملوه

هذي ايقونة البرنامج

فتحوه

هني 3 خيارات



1- اسم شبكة وهمي

2- توقيت وهمي

3- اظهار نسبة البطاريه



لما ندش اول واحد

كتبوا الاسم اللي تبونه و حطوا set

و اذا بتشيلونه ضغطوا reset و طلعوا برا و بيروح





طلب من المشرفات ::

هالموضوع كله شرح .. اتمنى ماتنقلونه لقسم الاستفسارات نفس موضوعي اللي طاف

 

[فينيسيا]

يعطيج العافيه
برامج مهمه ومفيده
جهد تشكرين عليه

 

[•••MiSs ElliOtt«]

’


’’


’’’




فرآآبتشينوو

شكرآ بحجم آلسسمآء

بجد مآقصصرتي

~

 

[فرآبتشينوو]

فينيسيا


الله يعافيج

مشكووره حبيبتي 3>





q8ia cute


العفوو حياتي ثانكيوو ع الرد

 

[احساس الغلا]

فرآبتشينوو

ياعل عمرج طويل
تسلمين يالغاليه على هالجهد
تسلم ايدج حبيبتي

 

[فرآبتشينوو]

احساس الغلا


الله يسلمج حبيبتي و مشكوره عل دعوتج =)

 

[اللولو000]

يعطيج العافيه فرابتشينو بس سبيلي اول جيلبريك
وعقب السيديا

 

[MZajEyA]

ثااااااااانكس على الشرح


مبدعة

 

[فرآبتشينوو]

العفوو


و حياكم =)

 

[GaZoZiYa]

احتاج جيل بريك عشان انزل هالبرنامج مو صح ؟؟
انا مو مسوية ومادري يقولون يعلق الجهاز مع الجيل بريك ؟ صج ؟

 

[فرآبتشينوو]

GaZoZiYa


اي عدل تحتاجين تسوين جيلبريك عشان يصير عندج السيديا

بس ماادري انا ماحسيته يعلق وايد

و اهو على حسب البرامج و السورسات اللي تحملينها من السيديا .. كل مازادوو كل ماثقلو ع الجهاز

 

[الاخلاص]

مافهمت هذي

عشان تحطون ثيمات للايفون لازم تكونون مسوين جيلبريك و عندكم السيدياا

شلون اسوي جليببرك والسيديا


ادري شؤال غبي لاني توني شاريه الايفون

 

[Maryomah_q8]

يعطيج العافيه اختي

 

[<<ريماس>>]

يسلموووووووووووووووووووووووووو

 

[فرآبتشينوو]

مافهمت هذي

عشان تحطون ثيمات للايفون لازم تكونون مسوين جيلبريك و عندكم السيدياا

شلون اسوي جليببرك والسيديا


ادري شؤال غبي لاني توني شاريه الايفون

الجيلبريك تسوينه لما تحملين بلاك رين .. لو تدورين بقوقل بتعرفين له عدل

اذا تبين تسوينه بدزلج الطريقه ع الخاص



رومنسيه + ريماس


العفوو .. حياكم =)

 

[الاخلاص]

هلا فبراتشينووووووووووووووووو

مشكوره عل موضوع


عندي سؤال خارجي اذا ممكن

ابي اسوي فايل حق الالعاب كلهم بجمعهم في مجلد واحد شلون

 

[فرآبتشينوو]

فيه برنامج يخليج تقدرين تسوين فولدرات و تحطين داخلها اللي تبين


بس مو موجود الا بالسيديا

وراج وراج الجيلبريك :d

 

[kadi2007]

الف شكر على المعلووومه المميزه

 

[رسَــيــل]

فرابتشينوووو

مشكوورة يا قلبي
أنا شريت الجهاز من اسبوع وحدي متوهقة
شلوون اسوي الجيل بريك والسيديااا ؟!! والله مو عارفه ولااازم اكون شابكة من اللاب توب ولا عادي الاي فون ؟

ادري ثقلت عليج ، بس مالي الا انتم

 

[توته999]

حياتي اذا بنزل ثيمات لازم اشبك الايفون باللاب ؟ مايصير انزلهم من الايفون مباشره ؟