روايتي الثالثة (( يا دنيا ارحميني )) .. قصة واقعية .. ReRez

[أدووويا]

ناطرين

شلونج الحين عسى صرتي احسن

 

[انامل كويتيه]

الله يلعن ابليسج يا دلال هذي نتيجة اللعب بالنار يا الغبيه
ودي اعرف الا بموت واعرف شقايله حق امها ؟؟؟ يايه تلعلع في بيت الناس
ندى قلعتج وتستااااااااااااااااااااااااهلين احسن محد قالج تصكين اذنج عن نصايح فرح
ياما نصحتج وعذرج مالي شغل بسوالفها اكليها الحيييين خلي كلمة مالي شغل تنفعج
فرح وحمد يا عسى السعاده دوم مو يوم

ريريز ما ادري شقولج قصصج تحفه روعه قمه يعطييييييييييج العافيه

 

[انامل كويتيه]

الله يلعن ابليسج يا دلال هذي نتيجة اللعب بالنار يا الغبيه
ودي اعرف الا بموت واعرف شقايله حق امها ؟؟؟ يايه تلعلع في بيت الناس
ندى قلعتج وتستااااااااااااااااااااااااهلين احسن محد قالج تصكين اذنج عن نصايح فرح
ياما نصحتج وعذرج مالي شغل بسوالفها اكليها الحيييين خلي كلمة مالي شغل تنفعج
فرح وحمد يا عسى السعاده دوم مو يوم

ريريز ما ادري شقولج قصصج تحفه روعه قمه يعطييييييييييج العافيه

 

[so_what]

waiting

 

[MC ANFAL]

waiting

 

[baby johnson]

الذين تشاهدون محتوى الموضوع الآن : 27 ( العضوات 9 والزائرات 18)
‏baby johnson, ‏bentalnoor, ‏الصبر له حدود, ‏cute princess, ‏G!RLooNa, ‏Loooo, ‏سهر الليل


ناطريييييينج يا الغاليه

 

[روح الدنيا]

القصصصصه صج رووعه حلووه حلووه


بانتظارج عساج ع القوه

 

[كويتية و النعم]

مستخدمين موجودين حالياً يشاهدون الموضوع: 28 (10 أعضاء و18 ضيوف)
كويتية و النعم+, bentalnoor, الصبر له حدود, cute princess, G!RLooNa, دنيتى زوجي M, سهر الليل, so_what, warood

ناطريـــــــــــــنج ريريز

ان شاء الله صرتي احسن ؟؟!

 

[The purple]

‏cute princess

el na6eq ilrasmii ., ha shno fii ;p ?

 

[decemberq8]

من بداية القصه و انتي مريضه و تتأخرين عن الموعد المتفقه عليه ..
انا اقول اخذي بريك وكتبي على راحتج نما تخلصينها حطيها علطول ...

 

[أدووويا]

انطرج و لا انام لاني تعبانه

 

[^ليلاس^]

هذي دلال بتقط بلاويها على ندى صج مو هينة

ما تشوفين شر حبيبتي

 

[بلووونه]

حياتي ريريز ما تشوفين شر
والله يحفظج من العين
وناطره البارت

 

[ReRez]

قوه بنات .. اختي راحت المستشفى بس ردوها يقولون اذا زاد الالم ترجع .. المهم اتوقع الفير او الصبح تولد ان شاءالله
فاليوم آخر يوم وبغيب 3 ايام لأن في استقبال وعفسه .. المهم ادعولها

تفضلوا ..
---


- 15 / غيبوبة -

- تمت ندى تسوق واهي تبجي .. مو عارفة وين رايحة بالظبط –

ندى : ( واهي تشاهق ) زين انا شكو ؟؟ ليش يت بيتنا تسبني ؟

- بيت ندى –
( أمل وسامي توهم رادين البيت .. وتفاجئو من وجود ام دلال بالصالة )

ام دلال : ( اوقفت وبدت تصرخ ) و اخيرا الأهل شرفو
أمل : منو حضرتج ؟
ام دلال : انا ام دلال .. دلال اللي قصت عليها بنتكم و دخلتها بعالمها الوصخ
سامي : ( بصوت عالي ) هيي انتي استحي على ويهج شهالكلام
ام دلال : ( تصرخ حيل ) بنتكم الوصخه اللي ماعرفتو تربونها اضحكت على بنتي و خذتها شقة
أمل : ( شايلة عبود واهو يبجي ) انتي اشقاعده تخربطين ؟؟
سامي : ( يصرخ ) شيريل شيريل
شيريل : نام بابا
سامي : أمل عطيها عبود
أمل : ( عطتها اياه ) ممكن تفهميني اشقاعده تقولين ؟
سامي : ( حده معصب وواقف يطالع ام دلال )
ام دلال : بنتكم اللي عبالكم انكم عرفتو تربونها .. ضاحكة على بنتي الخبله .. وماخذتها معاها شقه الظاهر انها متعودة تروح لها
أمل : ( داخت جان تقعد ) سامي قولها تطلع بره مابي اسمع اكثر
سامي : روحي ارتاحي داخل .. انا بقعد اسمعها
أمل : ( تصرخ ) لا ماتسمعها .. داشه اتجذب و تقط بلاوي بنتها على ندى
ام دلال : ( تصرخ من قمة راسها ) بنتي طول عمرها ما اغلطت .. والحين اهي بالفترة الاخيره كله مع بنتكم 24 ساعه معاها .. اتييني بيوم وليلة شرفها ضايع واهي بين الحيا والموت ؟؟؟ و قاعده تنزف .. ( بجت واهي تصرخ ) والله شكلها انغصبت على هالشي من تحت راس بنتكم
سامي : وليش متأكده ان بنتي السبب ؟؟
ام دلال : ( بصراخ ) اقولك اهي 24 ساعه مع بنتكم .. كله تطلع معاها .. منو يعني علمها على هالاشياء ؟؟ وليش بنتكم صارلي جم يوم ادق عليها مسكره جهازها ؟؟؟ والحين يوم شافتني انحاشت .. كل هذا شيدل عليه ها ؟
أمل : سامي دق على ندى نادها
سامي : ( معصب حده ومسك التلفون يدق عليها بس يطلع الجهاز مغلق )
أمل : ها ردت ؟
ام دلال : لا اكيد ما ترد هالوصخه ام الشقق
سامي : ( يصرخ ) لو سمحتي طلعي بره
ام دلال : انا بطلع الحين .. وكنت اقدر ادخلكم مخافر بس مابي بنتي تتأذى بسبتكم اكثر من جذي .. ونصيحة مني .. روح افحص على بنتك
سامي : ( يصرخ ) طلعي بره
ام دلال : ( خزتهم مده بعدين اطلعت من البيت )
أمل : ( اقعدت تبجي ) يارب رد بنتي سالمة .. اكيد خرعتها وخلتها تطلع
سامي : ( بصراخ ) وهذي دام مو مسوية شي ليش اطلعت ؟؟ و ليش جهازها مغلق ؟
أمل : ( مصدومة ودموعها تنزل ) سامي انت مصدقها ؟؟؟
سامي : لا طبعا مو مصدقها بس ليش خذت السياره وراحت واحنا موصينها ماتسويها ؟؟؟ و شنو الدم اللي كان بسيارتها وقالت عنه شاني ؟؟
أمل : ( ماعرفت شتقول بس اقعدت تبجي )

- تم سامي رايح راد ينطر ندى و اهو على اعصابه –

سامي : دقي على اختج يمكن راحت اهناك
أمل : فرح مو بالكويت .. اكيد ماتروح لهم بس بشوف .. ( دقت على فاطمة )
فاطمة : الوو هلا أمول
أمل : اشلونج فاطمة
فاطمة : الحمدلله متملله والله .. البيت فضى علي من عقب البنات
أمل : يعني ماكو احد عندج ؟
فاطمة : والله نوره طالعه مع ريلها السينما يحليلها .. ومشعل وفهد طالعين وهذي انا قاعده بروحي مجابلة التلفزيون
أمل : ( تأشر حق سامي ان ندى مو اهناك ) فاطمة سامي قاعد ينادي .. اكلمج بعدين .. مع السلامه
فاطمة : مع السلامه ( سكرت الخط )
سامي : ( يصرخ ) وين بنتج يعني ؟؟؟
أمل : سامي اهدى شوي .. الحين بترجع
---

- ندى كانت ناسية تلفونها بغرفتها واهو مغلق من 3 ايام .. و بعد ما بجت و ارتاحت .. قررت ترجع البيت .. اول ما اوصلت سمت بالرحمن وانزلت –

ندى : ( بقلبها ) يارب مو صاير شي ( دشت الصاله )
سامي : ( اول ماشافها كان حده مفوّر .. فصخ عقالة وطقها فيه على زندها ) وين كنتي ها؟؟
أمل : ( امسكت ايد سامي ) سامي انت اشقاعد تسوي ؟
ندى : ( صرخت من الألم )
سامي : ليش طلعتي من البيت ؟؟ وانا قايلج ماتاخذين السياره ؟؟ الا اذا كان كلام ام دلال صح
ندى : ( تصرخ واهي تشاهق ) صدقتها ؟؟ وييت اتطقني ؟؟؟
سامي : ( حده معصب ) ليش طلعتي من البيت اذا ما كنتي غلطانه
ندى : ( واهي ميته بجي ) كيفي .. كيفي بطلع متى ما ابي اطلع هذا مو بيتي
سامي : ( ماقدر يمسك اعصابه وطقها طراق قوي خلاها تطيح )
أمل : ( اشهقت ) سامي لييش ؟
ندى : ( واهي عالارض .. امسكت خدها واقعدت تخز سامي ودموعها تنزل )
أمل : ( انزلت يم ندى تبي تقومها ) يمه قومي معاي فوق
ندى : ( دزت ايد أمل ) و اركضت غرفتها

- ندى دشت غرفتها واهي ميته بجي .. اقفلت عليها الباب و قطت عمرها عالسرير .. وبعد ثواني حست ان كل شي فيها بدى ينمل .. درت انها بعد شوي راح تنصرع .. ملت من حالتها واقعدت تصرخ حييييل –

ندى : ( بصراخ ) خلاااااص بس تعبت تعبت

( اوقفت واقعدت تكسر كل شي واهي تصرخ .. بعدها امسكت القطعه اللي عطاها اياها الدكتور وحطتها بحلجها بآخر لحظة و طاحت .. وبدت ترجف )

أمل : ( يت على صوت الصراخ والتكسر بس لقت الباب مقفول ) ندى يمه بطلي الباب .. ندى بطلييه حبيبتي

( أمل حطت اذنها على الباب اسمعت صوت ندى وقت النوبه .. يكون مثل صوت ونات مقموته )

أمل : ( تصرخ ) سامي تعال اكسر الباب ندى يتلها النوبة
سامي : ( يه بسرعه .. وحده خايفه عليها ) اهدي الحين تقوم وتبطل لنا
أمل : ( اقعدت عالارض وحطت ايدها عالباب واهي تبجي ) ندى امج اهني لا تخافين حبيبتي
سامي : ندى والله يبه ماقصدت بس انقهرت لأنج طلعتي وانتي مو غلطانه .. يبه كان المفروض تقعدين وتفهمينا السالفه عدل

- مرت تقريبا 5 دقايق و أمل للحين تسمع الصوت نفسه اللي يطلع من ندى وقت النوبه –

أمل : ( حدها خايفه ) سامي اشفيها للحين ماقامت .. الطبيعي 3 دقايق
سامي : اخاف اكسر الباب تكون وراه
أمل : ( قامت وامسكت سامي من دشداشته ) سو شي .. انت المسؤول عن اللي صارلها
سامي : ( خر أمل عنه وبدى يشوت الباب ويدزه بجتفه بقوه )

- بعد اكثر من 10 محاولات .. انكسر القفل وتبطل الباب –

( دشو لقو ندى بنص الغرفة طايحة وطالعة رغوه من حلجها .. واهي للحين ترجف بس عالخفيف )

أمل : ( راحت لمتها واهي تصرخ ) يمه بنتي قومي ندوي
سامي : ( قعد يمها وانزلت دموعه ) يبه ندى انا آسف والله ماقصدت خلاص حبيبتي قومي

- بس ندى للحين كانت مغيبة –

سامي : ( طلع تلفونه ودق عالاسعاف وعطاهم العنوان )
أمل : ( لامه ندى و اهي تبجي ) يارب قومها بالسلامه .. رحمتك يارب
سامي : ( يطالعهم وعيونه تدمع )
أمل : ( تصرخ ) انت السبب باللي صارلها
---

- اوصلت الاسعاف وخذوا ندى .. و أمل اصعدت معاهم .. وسامي خذى الخدامه و عبود وداهم بيت فاطمة –

سامي : خلوه عندكم .. ةندى تعبت شوي وبنوديها المستشفى
فاطمة : ( حطت ايدها على قلبها ) اشفيها بنتي ؟
سامي : ان شاءالله نطلعها اليوم .. وراح نطمنج بالتلفون لا تحاتين .. مع السلامه ( خلاهم وطلع طاير حق المستشفى )
---

- بالمستشفى –

الدكتور : حاشها انهيار عصبي قوي و مع الحالة اللي تعرضت لها أدى هذا الى دخولها غيبوبة
أمل : ( اشهقت ) اشلون يعني ؟ راح تقوم منها ولا لأ ؟
سامي : ( توه واصل ) ها دكتور بشر ؟
أمل : ( تطالع سامي وقلبها محترق على بنتها ) انت السبب باللي صارلها كله منك
الدكتور : اهدي لو سمحتي .. ان شاءالله بتقوم من غيبوبتها
سامي : ( منصدم ) غيبوبه ؟
الدكتور : المؤشرات كلها سليمة .. و ان شاءالله جم يوم وترجع لكم مثل اول واحسن .. بس تحتاج الراحه النفسية قبل كل شي
سامي : نقدر نشوفها ؟
الدكتور : اكيد .. تعالو معاي
أمل : ( خزت سامي و دموعها تنزل ) والحقت الدكتور

- مر اسبوع .. و ندى للحين ماقامت .. و ماقالو حق فاطمة الصج .. بس اللي اعرفته ان ندى تعرضت حق نوبة وماصحت منها –

فاطمة : ( حاطه ايدها على راس ندى و قاعده تبجي ) يا بعد عمري يا بنتي
أمل : خلاص فاطمة .. الدكتور محذرنا مانبجي جدامها
سامي : ( قاعد و حاس بذنب كبير )

- فرح بهاليوم ارجعت من السفر .. و راحو بيت حمد –

فرح : ( توهم بيدشون البيت ) حمد مادري ليش احس بخوف
حمد : لا تخافين عمري والله ماراح ياكلونج ( مسك ايدها ودشو البيت )
ام حمد : هلا بولدي حبيبي
حمد : ( راح باس راس امه وايدها ) هلا فيج يمه .. هلا بشمعة هالبيت
ام حمد : ( لمت حمد ) الف حمدلله على سلامتكم
فرح : ( واقفه تطالعهم )
ام حمد : اشلونج فرح ؟
فرح : ( راحت سلمت عليها ) بخير اشلونج خالتي ؟
ام حمد : الحمدلله بخير دامكم بخير
حمد : عيل وين خواتي ؟ ماشوف احد مستقبلنا ؟
ام حمد : هدى في بيتها اتيي اليوم بالليل .. و مشاعل وعبير نايمين الساعه 4 العصر لازم يقيلون هالحزه
حمد : ( قعد و مسك ايد فرح قعدها يمه ) عاد يايبلهم هدايا بس شكلي بهون وماني ماعطيهم شي
ام حمد : وانا ؟ اشيبتلي ؟
حمد : انتي الزين كله .. يبتلج من كل دوله شيين
ام حمد : بعد عمري حبيبي انت
فرح : ( ساكته وتطالعهم واهي مبتسمه .. اعجبتها علاقت حمد بأمه )

- بعد ساعة –

حمد : خلاص عيل دامهم للحين نايمين .. عيل احنا بنروح عند خالتي ام فرح
ام حمد : على خير يمه .. سلمولي عليها
فرح : الله يسلمج خالتي
حمد : مع السلامه ( باس راس امه وقام )
فرح : مع السلامه خالتي
ام حمد : مع السلامه الله معاكم
---

- اوصلت فرح بيتهم .. مالقت الا فهد بالصالة يطالع تلفزيون –

فرح : ( سلمت على فهد ) اشلونك حبيبي وين امي وابوي ؟
فهد : مادري عنهم
حمد : اشلونك فهد عساك بخير
فهد : بخير يالنسيب وانت اشلونك ؟
حمد : الحمدلله
فرح : نوره وين ؟
فهد : بدارها
فرح : اوكي بروح اشوفها

- خلت فهد وحمد قاعدين بالصالة و راحت حق نوره –

فرح : ( دشت على نورة ولمتها ) اشتقلتج وايد
نوره : انا بعد يالخايسه طولتي حيل
فرح : واي كان حده وناسه
نوره : اي اكيد تستانسين بعد صرتي مره مع الويه
فرح : ( ابتسمت ) زين فشله حمد قاعد بروحه مع فهود .. وين امي وابوي ؟ ( طالعت عبود نايم عالسرير ) و هالحلو شيسوي اهني ؟
نوره : مادريتي ؟؟
فرح : عن شنو ؟
نوره : عن ندى
فرح : ( خافت ) اشفيها ؟؟
نوره : ندى صارلها اسبوع واهي بغيبوبه
فرح : ( حدها انصدمت ) لييييش ؟؟
نوره : مادري يقولون يتها النوبه بعدين ما قامت
فرح : ( اشهقت ) الله يستر أي مستشفى ؟؟
نوره : ( قالت لها المستشفى )
فرح : اوكي انا رايحة لها الحين

- انزلت بسرعه وقالت حق حمد اللي صار و راحو المستشفى على طول –
( اوصلوا ودقت على امها ودلتها مكانهم )

( فرح دشت عليهم .. سلمت على امها و خالتها وعمها سامي .. ونفس الشي سلم عليهم حمد )

فرح : ( راحت عند راس ندى و اقعدت تبجي ) ندى حبيبتي .. انا فرح .. رجعت اليوم
أمل : يمه فرح مايصير تبجين عندها .. موزين
فرح : ( امسحت دموعها ) ندى قومي الله يخليج .. خالتي من شنو صارلها جذي ؟
أمل : ( اسكتت )
فرح : اشفيكم ؟؟ من شنو صارلها جذي ؟؟
أمل : تعرفين دلال ؟
حمد : ( طالع فرح على طول .. ماتوقع يسمع اسم دلال اهني )
فرح : ( انصدمت ) وهذي شكو بالموضوع ؟
سامي : امل خلاص مو وقته
أمل : تعالي معاي ابي اكلمج
فاطمة : اشفيكم ؟؟
أمل : لا بس بسألها عن شي

- اطلعت فرح مع أمل بره الغرفة –

أمل : اتعرفين دلال عدل ؟
فرح : اي اعرفها و ما اطيقها كلش .. وكله احذر ندى منها .. ليش اشسوت ؟؟
أمل : اشلون اخلاقها ؟
فرح : مو زينه كلش
أمل : عيل ليش بنتي تمشي معاها ؟
فرح : مادري عنها .. كله تقول انا مالي شغل بسوالفها
أمل : يعني عندها سوالف ؟
فرح : مادري خالتي بس اللي اعرفه انها مو مضبوطه .. ليش اهي شكو باللي صار حق ندى ؟
أمل : ( قالت لها كل اللي صار وقالتلها ان سامي صرخ على ندى لأنها اطلعت من البيت وما انطرتهم .. بس ماقالت شي عن الطراق والعقال )
فرح : ( انزلت دموعها ) لا حول ولا قوة الا بالله .. والله كله احذرها من هالبنت
---

- ثاني يوم بالمستشفى .. ندى حركت ايدها وبطلت عينها –

أمل : ( مو مصدقه ) ندى يمه بنيتي

( الكل يه يمها مو مصدقين عيونهم وحدهم مستانسين )

ندى : ( تطالعهم وماتكلمت )
فاطمة : فرح يمه نادي أي احد بسرعة
فرح : ان شاءالله يمه ( اطلعت تركض )

- يه الدكتور مع ممرضات و طلعهم من الغرفه وشاف ندى .. فحصها وشال الاجهزة عن صدرها وايدها -

الدكتور : ندى اشلونج الحين ؟ شتحسين فيه ؟
ندى : ابي امي
الدكتور : ان شاءالله الحين اناديهم بس لا تعبين نفسج ( طلع من الغرفه )

الدكتور : لا تخافون .. ندى بخير .. بس راح تقعد عندنا يومين نتطمن عليها ونكمل باجي الفحوصات .. الحين تقدرون تشوفونها بس لا تخلونها تنفعل
أمل : ( دموعها تنزل من الفرحه ) ان شاءالله

- أمل وسامي وفاطمة و فرح دشوا عليها الغرفة –

ندى : ( تبتسم حق امل ) يمه
أمل : ( باست ندى ) هلا يا عمري .. الف حمدلله على رجعتج لنا
فاطمة : ( راحت باستها ) حمدلله على السلامه
ندى : الله يسلمكم ( طالعت فرح ) متى رديتي
فرح : ( اضحكت و دموعها تنزل ) امس .. خوفتيني والله
سامي : ( باس راس ندى ) الحمدلله على سلامتج يبه
ندى : ( طالعت سامي مده طويله ) يمه
أمل : هلا يمه ؟؟
ندى : انا بعيش عند خالتي فاطمة

( يتبع )
----

تحياتي
ⓡⓔⓡⓔⓩ

من باجر راح تستلم الردود الحلوه كيوت هانم

 

[ReRez]

من بداية القصه و انتي مريضه و تتأخرين عن الموعد المتفقه عليه ..
انا اقول اخذي بريك وكتبي على راحتج نما تخلصينها حطيها علطول ...

ديسمبر انتي من النوع اللي سكت دهرا ونطق كفرا .. شفت ردج اللي قبل وهم نفس الشي كان ناشف ومافي اي شكر

انا صج اني مرضت وطحت بفراشي من اسبوع بس مع هذا كنت اقوم واعوضكم ومايمر يوم الا اكتب لكم
واليوم اللي غبته عوضته بيوم عطلتي واظن كل البنات شاهدين على هالشي

واذا عالموعد المحدد فآنا انسان مو آله واكيد اتحوشني ظروف وماقدر انزله عالوقت بس خلاص ولا يهمج مااااعندي موعد محدد .. بس البارت ينزل كل يوم بالليل ومن غير موعد محدد

و من البداية قلت انا ماعرف اكتب شي جاهز .. يا اكتب كل يوم بارت او ما اكتب والبنات الله يخليهم
اطلبوني بالخاص وبالعام اني انزل معني كنت مو مفكره اني انزل روايه ثالثه

مشكوره على مرورج ومتابعتج

 

[<> إيلاف الكويت <>]

البارت يعووور القلب

تسلم ايدج حبيبتي ريريز

والله يسهل على اختج يارب وتولد بالسلامه

 

[» miss♥f6oum «]

ريريز فديتج والله ع البارت
والله يسهل ع إختج بـ ولادتها ويقومهاا بالسلامه والله ذكرتيني بـ إختي نفس حال إختج رااحت المستشفى وردوهاا وولدت اليوم الي ورااه :eh_s(20): الله يسهل عليهاا يااارب



ماعندي تعلييق ع الباارت لانه كاان حلوو يعني كلمة روعه شويه :eh_s(22):

 

[Um Saud]

سلامات و ماتشوفين شر ومتابعه بصمت

 

[shaja]

امبيه اشسويتي فيني بليل قاعده ابجي عورت قلبي ما تستاهل اللي صار لها

والله يقوم اختج انشالله بالسلامه واتييبلكم احلى بيبي ويكون بصحته انشالله

ثانكيوو حياتي عالباارت بس صج حده يعور القلب

 

[fe7awya]

لاااااااااااااااااااااااااااااا
لا ماتوقعت منها هالرد
واااااااااااااااااااي ليش يا ندى ؟؟؟