روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

[cute princess]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"


:ch12:
اي حرب بعد :ch12: يالله صباح خير :ch12:
خوش بارتين اموره :eh_s(22): والله يعين نقاء :eh_s(22):

 

[PinKiSHo]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

كح كح انا عمررري 19 بس بقرااااااا مالي شغل بأحد


اخيييه بجيتووووني خاصه لما مسكت الياهل بيدها واااي والله تعور القلب

الله يعينها نقااء عالي اهي فيييه والله معوره قلبي والله ما الوومها بنات شوي شوي عليها

ترى ظرووفها موهينه وخاصه انها كانت صغيره وقت الي غلطت مع جاسم وماكان عندها احد ينصحها ويوجها بليز لاتقسوون عليها

ام جاسم واهل نقاء شيبوون لييش جذي يخربوون حرام عليهم

عبدالله خووش واحد مبين بس الي صار جرح كرامته ومهما حاول يقسى بس بالاخر يلين لانه يحبها

وصرااااااااحه انتي مبدعه حييييييييييييييييل يعطيج العافيه ونااطرين البارت الياي

 

[HYoOoN:*]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

مشكووووره على احلى بارتين o_o ناطرينج

 

[رفيف الورد]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

عبدالله ليش سويت جذي يا الغالي وليش خنت زوجتك أنا اللي بعرفه ليش اللي يتزوجون أغلبيتهم مع الأسف يخونون بعض يا إن الزوج يخون ويا إن الزوجه تخون زوجها ونقاءتصبري وتحملي من اللي اييلج من عبدالله وتوكلي على الله ودايما خلي لسانج بذكر الله والله يعوضج بالراحه والأمان مع عبدالله ويا حبيبتي نقاء الغلطه غلطتج يوم كان عبدالله بيتسامح منج ويتقرب منج إنتي تصدينه والرجال دم ضرسه اللي زوجته تصد عنه ويا نقاء لا اتسوين حرب بينج وبين عبدالله ويا نقاء بلعي المر وخلي الحلو فوق واصبري يا حبيبتي على اللي اييج من عبدالله

حسبي الله عليك يا عبدالله قلنا إنك زوجها مو إنك تقعد تطقها طق ما يرحم ترا بنات الناس مو لعبه بإيدكم وحتى البنات ترا شباب الناس مو لعبه بإيدينكم

حسبي الله ونعم الوكيل ربي يصبر كل مظلوم وينصره عالظالم بالتفاهم المنطقي عاجلا غير آجلا آمين يا رب العالمين

تسلمين حبيبتي دمايع عالروايه الحلوه اللي فيها عظه وعبر ومنها المآسي وربي يخلي لج ما بين عينج وقلبج ويحقق لج كل اللي يتمناه قلبج عاجلا غير آجلا آمين يا رب العالمين

 

[The purple]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

حده مو شي يكون خالد دش بالسالفه !!

عورت قلبي بس قويه شلون فكرت تدق بس عشان تقوله بشوف عندك خط ثاني ولا لأ

الله يوفقج وييسر امورج ~

ناطرين .,

 

[Beautifulgirl]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

مشكوره وايد الرواية وايد حلوه يعطيج العافية

 

[~*~الملكة~*~]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

يعطيج العافيه

متاااااابعه

 

[انامل كويتيه]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"



عبدالله تغير للأحسن لو ما سالفة اللي دقت عليه
هم نقاء تعتبر خاينه لانها دقت على جاسم يعني اثنينهم متعادلين
ما راح اوقف مع احد بهالبارت حدي حقانيه
اكثر شي عجبني جاسم لما قالها مافي ريال يصبر على جذي قصده غلطته اللي سواها معاها
احس انه عااااااااارف شنو طبيعة الريال كونه ريال
ونصيحته لها بالصبر وفوق كل هذا يحبها بس نصحها تبقى عند ريلها وقالها ريلج مبين يحبج

ناطرين البارت عسى الله يصلح بينهم وتهدى النفوس
تسلمين اميره عالبارت

 

[أميرة البجع]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

هاااااااااااااااااي حبيبات قلبي
شدعوووووه اشوووف وايد بنات تحت.. يعني يقرون القصة.. بس ماشوف تفاعل ليييييييش؟
ليش تستخسرون فيني ردكم اللي يشرفني
بنات مثل ما احنا قاعدين نوسنكم بالقصص والروايات.. نبيكم تونسونه بالردود
والباجي شرفتوني بردودكم.. أحبكم
تفضلو
*************


البارت الحادي عشر
**********


دخلت لقت عبدالله وخالد قاعدين بالصالة والنار شابه فيهم

أول ما شافوها.. عبدالله (وقف على حيله): وينج؟ كنت احاتيج؟

نقاء (قبل لا يتعشى فيني خل أتغدى فيه): تحاتيني والا تحاتي حبيبة القلب؟ خايف أروحلها البيت؟ ترى آنا ماني مدمغة أعرف كل شي

خالد: نقاااء.. عيب شهالكلام؟ كاني ياي اتفاهم معاه

نقاء: انا مابي أتفاهم بشي

خالد: لا تقولين جذي.. وقعدي خل نتفاهم.. اهو دق علي.. وقالي كل السافة.. وقال ان غلطان بعد شتبين؟

نقاء: وانت صدقته ياخوي؟؟ تتوقع ان بيوقف عن سوالفه؟ (قامت تطلع حجي من عندها.. بس طلع الكلام صج) اهو كل يوم يطلع معاها..
ويونسها.. ويكلمها 24 ساعة.. ومطنشني

خالد: مايخالف.. اهو قالي كل شي

نقاء: آنا مابيه.. خلاص تحملت وايد.. وانا متأكد ان ماراح يوقف خياناته

خالد: سامحيه .. وكل انسان يغلط

نقاء (بعصبية): لالالا الا الخيانة.. ما أسامح فيها

عبدالله: عطيني فرصة ثانية.. صدقيني مو مني.. اهي اللي كانت تحن.. وتدقدق علي.. وكانت تبي تيي هني البيت.. بس آنا ما رضيت

نقاء: بعددد؟ بتييبها البيييت؟ لكنها جبانة.. ماتقدر تيي البيت.. بس آنا اللي بروحلها بيتهم وبفضحها

خالد: الحين نقاء هدي.. وتعالي قعدي.. تفاهمي مع ريلج

عبدالله: لالا لا تقعدين.. آنا عندي لج مفاجأة

نقاء (ابتسمت من داخل.. بس للحين مسويه روحها معصبة): مابي مفاجأتك

عبدالله: الله يخليج.. لاتخربين المفاجأة وتضيعينها علي.. وعليج

نقاء: انزي خلصني شنو مفاجأتك؟

عبدالله (مسك ايدها وسحبها معاه ليه بره): مع السلامة خالد .. اخذ راحتك.. البيت بيتك

خالد: هههههههههههههه لا يبا مشكور.. بروح بيتنا.. مع السلامة وديرو بالكم على روحكم

عبدالله: ان شاء الله.. (فتح باب السيارة حق نقاء) يلا ركبي

ركبت نقاء السيارة.. وركب يمها عبدالله فرحان.. وتمو يمشون ويمشوون

نقاء: انت وين موديني؟

عبدالله: بوديج البحرين.. نغير جو.. ونفتح صفحة يديدة

نقاء استانست حيل بقلبها.. " اي والله يا جاسم كلامك عدل.. ان شاء الله.. الله بيعوضني خير عن اللي شفته.. وصج حاس بغلطته"

كان تليفون عبدالله يم نقاء.. ومحد دق عليه كلش

وطول الطريج عبدالله كان يعتذرلها

نقاء: خلاص حبيبي.. الله يسامح البشر.. ليش آنا ما أسامح؟

عبدالله: صدقيني هاذي وحدة قديييييييييمة.. كنت اعرفها من زمان.. وبغيت أخذها.. بس أهلها مارضو

نقاء (حست بغصة.. تذكرت سالفتها مع جاسم): يعني انت تميت بعد الزواج تكلمها؟ يعني اهي اللي دقت أول ليلة

عبدالله : لا والله مو اهي.. هذيج والله ا اعرفها يه يومج.. وهاذي والله ما كنت أكلمها.. بس لما زادت بيننا المشاكل.. كانت تدقدق علي..
لما حنيت لها وكلمتها.. لكن وربي.. آنا عمري ما حبيت وحدة مثلج.. والا كثرج.. حتى هاذي ما توصل ظفرج

نقاء (ابتسمت له): خلاص انا بعطيك فرصة ثانية.. (قربت منه وباسته على خده بنعومة ودلع.. عبدالله قام يدووووووووس بالسيارة)

نقاء: شوي شوي.. شفيك؟

عبدالله: مو قادر.. موصل حدي.. بوصل البحرين بسرعة

نقاء: هههههههههههههه انزين خفف يالمينوووووون

عبدالله: تسلملي هالضحكة والله.. عسى دووووووووم

نقاء: بس هاااااااااا؟ لاعبالك نسيت السالفة؟ خلني على بالك

عبدالله: أكيييييييييد حبيبتي.. يلا عاد سامحيني

نقاء (بدلع): مسااامحتك

عبدالله: أموووووووووووووت

ووصلو البحرين.. وصج استانسو مع بعض.. أخيرا حست نقاء انها متزوجة.. ولها ريل يخاف عليها.. ويحبها

بعد جم يوم رجعو عبدالله ونقاء للديرة

دشو البيت.. ونقاء كانت حيل تعبانه

نقاء: حبيبي آنا بروح أنام.. أحس مو قادرة أبطل عيوني

عبدالله: خلاص حبيبتي انتي روحي نامي.. وانا بطل على أخوي واييلج

نقاء: خلاص تمام.. باي

عبدالله (راح غرفة أخوه): سعودو عطني تليفونك؟

سعود: ليش؟ وين تليفونك؟

عبدالله: مو شغلك.. عطني بسرعة

سعود (عطاه التليفون): هاك

عبدالله: انزين اطلع بره شوي

سعود: انت شفيك؟

عبدالله: مافيني شي.. بس اطلع بره بتكلم شوي.. وتعال

سعود طلع من الغرفة.. وعبدالله دق بسرعة

عبدالله: ألووو.. هلا حبيبتي اشتقتلج

---: وانا أكثر حبيبي.. ليش تأخرت علي؟

عبدالله: قتلج.. بودي العلة جم يوم البحرين أنسيها.. وأرجعلج.. لا تحاتين ماراح أخليج كلش

---: وييييييييع.. وعسى استانست المسعدة؟

عبدالله: ههههههههههههههههههه اي تدرين مسكينة احسها وايد غبية.. بسرعة صدقت

----: ههههههههههههه سجييييييينة شكو مسكينة؟

عبدالله: تغاااارين؟

---: طبعا اذا ما أغار على حبيبي وحياتي.. على منو اغار؟؟ على الشيفة مالتك؟

عبدالله: ههههههههههههه عمري والله.. انزين اخليج الحين خل أروحلها.. ترى هذا رقم أخوي.. لاتدقين

---: أوكي حبيبي.. بس لا تطول علي.. بكلمك مشتاقتلك

عبدالله: أوكي حبي باي

عبدالله سكره.. وطلع من الغرفة راح جناحه.. لقى نقاء منسدحة بالفراش وبعدها ما نامت

شافته ابتسمت له.. رد ابتسم لها.. بدل ملابسه وانسدح يمها

قرب منها باسها.. نقاء (بدلع.. وأنوثة طاغية): عبدالله.. وخر عني تعبانه

عبدالله (كمل يبوسها): أحلى وانتي دايخة

نقاء: هههه يووز.. والله تعبانة

مارد عليها.. كمل يبوسها.. يلمها حيل على صدره.. واهي ما قاومت
***********************


تمو جم يوم.. عبدالله يحاول ما يبين حق نقاء أي شي

بس قلب المرة دليلها مثل ما يقولون.. حست ان فيه شي غريب.. خصوصا ان ماقام يقعد معاها بالجناح وايد

نقاء: عبدالله.. انت وين تروح؟ انا كله بروحي

عبدالله: كاني ياعمري عندج

نقاء: لا انت مو موجود.. تطلع ببجامتك.. وين تروح؟

عبدالله: لا ياعمري ماطلع.. أروح أقعد عند سعودو أخوي

نقاء: ليش شفيه؟

عبدالله: لا مافيه شي.. بس هالأيام ضايق خلقه وكله يبيني عنده

نقاء: أهااا.. أوكي

عبدالله (قام باسها): يلا حبيبتي بروح له شوي.. تبيني بشي؟

نقاء: لا سلامتك.. سلم

عبدالله: على منو؟

نقاء: على سعود بعد منو؟

عبدالله: اهااا هههههه ان شاء الله يوصل.. يلا باي

نقاء: باي.. وبعد ماطلع عبدالله.. قعدت نقاء قلبها مقمووت


" ليه هالدرجة يا عبدالله.. آنا رخيصة عندك؟ ليه هالدرجة ماتقدر تستغنى عنها" وتمت فترة طويلة تفكر.. وعبدالله ما رجع.. قامت لبست
دراعة وطلعت من شقتها

راحت تحوس بالبيت متمللة.. وتفكيرها كله في عبدالله.. بس تستحي تدش غرفة اخوه.. وسعود موجود

لين نزلت تحت جان تلقى سعود بالصالة

نقاء (مستغربة): السلام

سعود: وعليكم السلام.. هلا نقاء شلونج؟

نقاء: الحمدلله بخير.. انت شلونك؟

سعود: انا تمام

نقاء: عيل وين عبدالله؟

سعود: والله مادري عنه.. ىنا صارلي ساعة ونص هني ما تحركت.. وما شفته طلع.. عيل يحوس بالبيت

نقاء نغزها قلبها.. وافترت من غير ما تتكلم.. مشت بسرعة صوب غرفة سعود.. ومن غير ما تطق الباب افتحته

لقت عبدالله منسدح على فراش سعود.. يبتسم واهو يسولف بتليفون اخوه

نقاء (راحت صوبه.. وبعصبية): من تكلم؟

عبدالله (لما شافها انصدم.. تدوده.. وقط التليفون على السرير): انتي شفيج داشة جذي غرفة اخوي؟

نقاء ما ردت عليه.. خمطت التليفون.. لقت الخط مسكر.. ردت دقت سند.. لقت نفس رقم البنت

نقاء (حذفت التليفون على عبدالله): ماكو فايدة فيييييييك

وركضت.. ليه غرفتها.. ركض وراها عبدالله

عبدالله: سمعيني نقاء

نقاء (طلعت جنطة كبيرة.. وقامت تحط أغراضها): مابي أسمع شي خلالالالالاص

عبدالله: انتي شقاعدة تسوين؟

نقاء (دموعها أربع أربع): خلالالالالاص مالي قعده عندك.. بعد اليوم

عبدالله: ليييييييييييش؟

نقاء (تصارخ): وبعدددددد؟ تسأل ليييييش؟؟ شنو انت يا خي؟؟ بس لوووووووووعة.. عووووووووووووع مااااااابيك.. طق وكليت منك..
سب وسبيتني.. اهانة وتحملت بعد شنو؟؟ كل هذا رضيت فيه الا الخيانة يا عبدالله الا الخياااااانة.. وهم بعد سامحت أول مرة.. ليش تكررها
ليييييش؟

عبدالله شافها تبجي وتصارخ بهستيريا.. راحلها بسرعة ولمها حييييييل

نقاء دزته بكل قوتها: وخر عنييييييي.. لاتجيسني.. لاتلمسني

عبدالله: شهالكلام نقاء آنا ريلج؟

نقاء: أي ريل واللي يعافيك؟؟ ريلي مسوي فيني كل هذا؟

عبدالله: سامحيني.. بس سمعيني

نقاء (حقرته.. خذت تليفونها.. دقت على اخوها): خااااااااااااالد تعال الحين بسرعة

خالد: ليش شنو صاير؟

نقاء قالتله السالفة.. بس عالسريع.. وكله بجي

خالد: انزين خلاص لا تبجين.. الحين ايي اتفاهم معاه

نقاء (صرخت): لالالالالالالا مابي نتفاهم.. أبي طلالالالالالالالالاق

خالد: ولييييييييييييييييه انزين هدي شوي كاني ياي

سدته نقاء وقامت تلم باجي أغراضها

عبدالله: نقاء لا تكبرين السالفة.. ماتسوى

نقاء: اذا الخيانه ما تسوى شنو اللي يسوى؟ انت تبي تذبحني؟ تبي تييبلي السكته؟

عبدالله: اسم الله عليج.. ان شاء الله فيني ولا فيج

نقاء ان شاااااااااء الله (مسكينة مقهورة)
***************

يلا حبيباتي عاد ابي تفاعل يبرد جبدي

 

[zooz92]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

ويييييي هذا عبدالله موو كفووو

مسكييييينة نقااااء كسررت خااااطري

يعطيييييج العاااافية على الباااااارت حبيبتي

ناااااااطرينج ..~

 

[cute princess]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

والله وبصراحه نقااء تكسر خاطري وما تكسر خاطري :×
مادري شلون اعبر لوووووووووول
المهم مشكوره عالبارت :$ ناطرين الي عقبه :$

 

[ba6re8a]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

لااااااااااااااااااااااااااا يووووووووووووقف
نبيييييييييييي بعععععععععععد بععععععععععععععععععععععععععد بااااااااارت بلييييييييييييييز


اوف عبدالله ما ايوووووووووز

 

[ام جوري89]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

حبي اموررررة مو غريب عليج هـ الابداع ولا شي جديد لو قلنا عن روايتج رووعه ..
تعودنا على ابداعج ياقلبي ..:eh_s(22):
وروايتج مو ناقصه شهاده مني على جمالها وروعتها .. كافي البنات الي مسنترين تحت ليل ونهار خخخخ
الذين تشاهدون محتوى الموضوع الآن : 11 ( العضوات 6 والزائرات 5)
‏ام جوري89*, ‏!pink-card!, ‏غلا العجمان, ‏غزلان القلب, ‏نوئطة عسل

بس يمكن تحت السن القانوني فـ مايقدرون يردون عليج
بس بقووولج انتي .. م ــبـــدع’ــــــــهـ .. عسى دوم هـ الابداع يارب ..
وللأمام ان شاءالله ..

وتعليقي مايحتاج الي بقوله بس " الله يستر عليها ولا يبلانا .. ويقبل توبتها يارب ..
ويحنن قلب من يحبها عليها .. "

 

[نوال]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

واي تكسر الخاطر نقاء

معقوله في ريال جذي بويهين شلون يقدر يمثل عليها الحب واهو مايحبها

 

[HYoOoN:*]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

صج بو طبيع ما ايوز من طبعه الله يعين نقاء ناطرينج حبيبتي

 

[~RouNa~]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

@@

حراااااااااااااااااااااااااااااااااااااام

لييييييييييييييييييييييييييييييييييييش

يسسسسسسسسوووووووووووييييييي جذي @@

مسكينة نقاااء

امووورة ناطرينج

ويعطيج العافية و تسلم ايدج :$

 

[Danya =)]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

وييه مسكينه نقــااء

حراام علييه عبدالله ليش يسوي جذي

ما بغينا يصيرون زينين مع بعض

تسلم ييدج اميره البجع حبيبتي

ناطريييينج

 

[أروسا]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

يا ربي هالرياييل اللي ما منهم فايده :23_asmilies-com:

جلدهم يحكهم اذا ما خانوا ,,, و اذا المره خااااانت اوووووه تصير زلازل و محن و اعاصير و يطلع من خشومهم نار !!!!

انا اقول نقاء خلها تتطلق احسن لها اهوا ستر عليها بس خلاص عووووووووووووع على قولتها :j013:


اميره اموره مرمر ميمي مرامي ,,,, عسى ردي برد جبدج يا بعد جبدي والله انتي:friends:

 

[أميرة البجع]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

حياااااااااااتو قصه روووووووووووووووووعه
وروياتج الاولى ولا اروع ناطره باجي البارتات بأحر من الجمر

شكراان.. حبيبتي

نبي باااااااااارت طوييييييل

يسلمووو ياقللبي على الباارت الرووعه

مشكورين الله يسلمكم

واخيراااااااااا قريت البارت من س 5 وانا احاول ابطل والحين الساعه بتصير وحده والمنتدى معلق وانا مع وضد انه يسال اكو دم ولا لاء من حقه ونفس الوقت شى يبط الجبد والله يستر واتوقع اللى دقت على عبود هذى وحده كان يكلمها قبل ةتركها او مطرشين له بنات يخربون زواجه ياكرهه هالبشر وناطرينج اموره

حبيبتي والله ادري المنتدى لوووعة

ابية صج اللة يستر او ياااااااااااارب ربي يستر عليها انشاللة او تعدي السالفة على خير ........ صج مبدعة ما شالللة عليج ... احب اسلوبج وااااااااااااااااايد حلو اللة يوفقج او يتمم عليج هالموهبة ..... او يعطيج الف عافية او ناطرينج بسرع وقت ........ مشكووووووووورة حبيبتي ما قصرتي عالقصة

الله يستر حبوبة
مشكورة حبي انتي الابداع
تسلمين وانا احبج بكبرج
انتي الأحلى.. أجمعيييييييييين
الله يعافيج.. العفووووووو

مشكووره على البارت والله يستر على نقاء عبدالله مو صج من اول يوم زواج ادق عليها وحده :x ناطرينج

العفوووووووووو .. الله يستر

لله يساااااااااااامحج
انا ما احب الطريقه هذي من القصص يعني مقطعه
حلاته كااامله عشان ندمج و نعيش القصه صح............

علقتيني ..........


بس صج صج صج يعطيج العاااااااااااااااااااااااافيه
خوووش قصه

بس عفيه لا تطولينها ..ز

سوري بعد شسوي ماقدر انزلها مرة وحدة
الله يعافيج تسلمين

لا حبيبتي اموره مو من حقه يسأل خلينا من نقاء لو اي وحده غيرها وسألها هذا جرح لها والله
يبي يتأكد يقدر بطرق ثانيه مو اشكره سؤال

اكره هالسؤال وعساني ما انسألته .. ولا بتزوج اذا احد بيسألني جذي

ملاقه الشباب زين

وجهة نظر أحترمها

واااااااااي راح ادمن قــصتين الحين
قصتج اميــره

او rerez

تسلمييييييييييييين

وااااااااااااااااااي الثصه رووووووووعه تسلم ايييييييييدج امووووره

ونقااااااااااء قلبي معاها والله كاسره خاطري الله يستر عليها ويستر على كل البنات​

:sfg:

البارتات صفحه 1،2،3،4،5،6،7:nbvppw::nbvppw:​

انتي الأروع حبي
مشكورة

 

[!pink-card!]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

Thx 7yato 3 elpart


W allah yster 3la n8aa2