ملتقى عرايس 2010 شهر 3 مارس

[غلاوي الديره]

انا شعري طويل حيل ابي ادرجه واقصره لى اخر ظهري
لان يتعب كل يوم استشوار ابى اقصره عأساس يسهل على ..

 

[غلاوي الديره]

ادعيلي تطول اظافري
مالت على قصيتهم قبل 20 يوم يمكن
مع انه كانوا طوال حيل
والحين مو راضين يطولون بس طالعين شوي
عادى اقدر اركب اظافر بس احس ماراح اعرف اتحرك فيها متعوده على اظافري ..

 

[حلاتي بحركاتي..]

عادي يمدي يطلعون على عرسج وحطي شغلات تقويها عاد حلاة الايد بالاظافر والصبغ عاد اانا اموت عالصبغ ومستحيييل اقص اظافري كلش كلش ابردهم انظفهم بس مايطاوعني قلبي اقصهم

 

[غلاوي الديره]

انا يطولون بس تصيرلي فتره ماتحملهم لازم اقصهم
واهلى يقولون لي خليهم حلوين
وانا اقولهم لا ابى اظافر يديده

 

[غلاوي الديره]

يوعانه ودى اطلب لي ريوق جباتى

وتوابعه

وعقب اكل بندول نايت وانام واقوم الظهر ع ال2
اتسبح والساعه 4
بروح السوق
بس اقص ايدي اذا صار كل شي جذي ..

 

[غلاوي الديره]

متى تنصيحينى اقص شعري؟
ومتى اشتري اغراض الجمعيه؟
شكلى على الاسبوع الياي

 

[حلاتي بحركاتي..]

احسج حيييل تعتمدين عالبندول بأنواعه ترى موزين يقلل المناعه

وشعرج قصيه يوم 10 ثلاثه او 11 احسن عشان يكون فرش على عالعرس
واغراض الجمعيه عادي اي وقت انتي فاضيه حتى هالاسبوع روحي واشتريهم افتكي منهم

 

[غلاوي الديره]

لا بالعكس
مااكل بندول الا اذا مصخنه
او منشوله لازم اكله
اما بندول نايت معروف يضر بس شسوي صارلي اسبوع ابى اعدل نومى مو راضيه..
انزين اي لون ناويه ميكاجج ؟
ومسكتج اي لون؟

 

[حلاتي بحركاتي..]

مكياجي ماادري ليلحين ماقررت محتاره والمسكه بعد ليلحين مرات اقول بخليها بيضه ومرات اقول بختارلي لون بس اللون راح يقيدني بالمكياج وانا بصرراحه متقلبه يعني ماادري يوم العرس اغير رايي بالمكياج واتوهق بالمسكه

بصراحه ماني عارفه اختار شي صايره جاهل كل شي اقطه براس خواتي اقول انتوا اختاروا ماكنت جذي دايما انا اللي اقرر بس لاني مليت وماافهم انا حيل بسوالف العروس

وانتي شنو ناويه مكياجج ومسكتج؟

 

[}{ دلــDaLo0oLـــووول }{]

صـبـــاح الخـير

شلونكم شخباركم وحشتووووووووووووني :sfg:



غلاوي الله يعافيج شهيتيني بالجباتي

متى تنصيحينى اقص شعري؟
ومتى اشتري اغراض الجمعيه؟
شكلى على الاسبوع الياي

حرام عليج إذا شعرج حلو بطوله لاتقصينه قبل العرس حسافه

قصيه ثاني يوم أحسن منها تغيرين اللوك ومنها تقصينه قبل لايعارض

كل العرايس جذي يسوون عشان تضبط التسريحه إذا شعرج ما شاء الله طويل

 

[غلاوي الديره]

حلاتى انا ناويه مكياجى سلفر بعسلى والحمره عنابي
انا بدلتى مقيدتنى باللون لانها مو بيضه لونها غريب
ومسكتى حطيتها اوف وايت وشوي عنابي وملبسه تر اوف وايت

هلا دلول حياج ترى طلبت جباتى
ادري الصالونه قالتلى شطول شعرج لان الطويل احلى للتساريح
بس انا ثانى يوم مفتشله اروح الصالون
لان ماعندى يوم ثانى مادري مسائيه عرفتى
بطلع مع زوجى..
فمايصلح اروح اقص شعري
عاد تدرين اختى يوم عرسها قصت شعرها بوي حيل قصير
وسولها تسريحه تهبل
يعرفون يتصرفون...
بنات كل وحده تقول شنو باجيلها؟؟بالضبط؟؟

 

[غلاوي الديره]

باجيلي اغراض الجمعيه
اقص شعري
اطلع دراعه من الخياط تضبط قياسها
اطلع بدلى ماخلصوا هالاسبوع يخلصون ان شاء الله
وفي بدله توها تبي بطانه بس عادى مو مستعجله عليها حتى لو بعدين تخلص عقب العرس..
بروفه بدلتى العرس قبل العرس راح يتصلون على
يعنى باجيلي استلامات

 

[حلاتي بحركاتي..]

هذا عدااااد ي :eh_s(2):

 

[غلاوي الديره]

حلاتى هونيها وتهون
انا صاير عندى برود بمسالة العرس

 

[غلاوي الديره]

امبيه عندى اساله شكثر؟
بنات عرسي فالبيت متى تنصحونى ادش؟؟؟

 

[حلاتي بحركاتي..]

انا باقيلي الدي جي
والمسكه
واستلام عبايه ودراعتين ناعمات للبيت
وشويه مكياج يعني كونسيلر وكريم اساس
ومجموعه من زهور الريف ماشريت
وعبايه ناعمه حق الطلعات والدوام
واغراض من ايكيا والاسواق الشعبيه حق شغل الشقه
وطبعا اغراض الجمعيه

وبدله العرس قبل العرس بعشر ايام بيدقون علي يشوفون القياس

 

[}{ دلــDaLo0oLـــووول }{]

عليج بالعافيه الجباتي

على راحتج وعلى قولتج الصالون يركبون من الخصل ويطلعون التساريح

وإذا جذي قصيه بيوم العرس أفضل عشان تطلع القصه

وإذا بتصبغين شعرج أصبغيه قبل العرس بأسبوع




والله مابقى لي شي الكثير الحمدلله

بس بصلح بدلتي العرس ماأقدر أقول بيضه لأنها أوف وايت :d

وباقي لي المسكه ومو شايله همها بصراحه

وللحين ماحجزت دخلتي لأني موعارفه حمولتي حاطين دي جي وإلا طقاقه

هذولا أهم شي

وبس باقي التناتيف يعني نص ونص مخلصه ومو مخلصه

.
.

 

[حلاتي بحركاتي..]

دشي عالساعه عشر او عشر ونص


يالله حبيباتي بطلع بروح انام سي يو ليتر

 

[}{ دلــDaLo0oLـــووول }{]

على حسب إذا في بيتكم تقصدين تكونين هناك على 9 أو 9 ونص

إذا في بيت حمولتج على 10 ونص أو 11

 

[}{ دلــDaLo0oLـــووول }{]

حلاتي << نوم العوافي