.·:*¨`*:·. دوانيه المغتربات .·:*¨`*:·.

[chocolate fondue]

غلاتي ولكم بااااك عيل

عليكم السلااااااام و رحمة الله و بركاته هلا والله بالمهندسه الكويتيه و حياج الله معانا حبيبتي

 

[غلاتي ♥ الكويت]

غلاتي ولكم بااااك عيل

عليكم السلااااااام و رحمة الله و بركاته هلا والله بالمهندسه الكويتيه و حياج الله معانا حبيبتي

يسلموووو ^_^

 

[irresistible]

المهندسة الكويتية حياج الله

غلاتي هم حياج الله

كوكي زين دقيتي علي فرع واشنطن شنو قالولج

 

[المهندسة الكويتية]

حبيباتي والله


الله يحييكم​

 

[غلاتي ♥ الكويت]

المهندسة الكويتية حياج الله

غلاتي هم حياج الله

كوكي زين دقيتي علي فرع واشنطن شنو قالولج

الله يحيـــيج حبيبتي :eh_s(22):

 

[كندية]

فديتج انا راح اكون بسااااابع نووومي لووول

ان شااءالله نتلاقى مره ثانيه...واحلام سعييده..

هاااااااي بناااااااااات

مشكورين و الشر ماييكم والله على قولت كنديه بعد من إيي الليل أتعب زياااده

و هذا كل سوائل دافيه و متلحفه بس الحمدلله اليوم واااايد أحسن

بطتنا بسج مجابل المطبخ لا زوجي دكتور يتخصص مو علاج الحمدلله على العافيه وتعالي ليش ما تشتركين بدش نتووك أو تلفزات ترى من غير دش عربي ملل و ضيقة خلق

irresistable شفتي باب النجار مخلع ههههههههههههه

اليوم مرينا مطعم أفغاني فاتح عندنا يحليله المنيو طول و عرض و 3 أرباعه مو موجود يقول هههههههههه نقوله ليش حاطهم يقول بعدين راح يسوي يعني ألحين بس دعاية و تشويق عموما زينه المشاوي أحلى من مشاوي الباكستانيين و تغيير

رفيجتي تقوول الكل حايشه جذي...
تدفي عدل الجوو مالنااا يمرض المريض

كنديه حبيبتي شهادتج لازم تتصدق من المكتب الثقافي بدي سي


ان شاءلله اكون فدتج

مشكووره حبيبتي...شكله بسوي جذي مع ان قاالو شكو كندا يدزون حق امريكا...شكله اللي كلمني شاام دلاغااته ههههههه

السلام عليكم ورحمة الله و بركاته

ممكن تقبلوني بينكم

انا مغتربة بامريكا​

حيااااج الله معاانااا

المهندسة الكويتية حياج الله

غلاتي هم حياج الله

كوكي زين دقيتي علي فرع واشنطن شنو قالولج

سكتي قاال انتوو في كنداا شكو ادزوون حق امريكا...المصيبه رفيجتي دزت لهم ..اقوولج شاام شيء الحبيب ...المصببه مااتدرين منو تكلمين كل سفااره تقوول كلام وتحذفج على الثاانيه...اللي يسمع هم بيدفعوون شيء انا بدفع 30 على كل شهااده


سؤاااااال داش عرض هههههههههه بعرف الطياره الكويتيه فيهااا بلاك ههههههههههه ابي اعرف اقدر اشغل الابتوب..مافي بطااريه 8 سااعاات هههههههههههه
​

 

[irresistible]

لااااااااا جن مافي لان مرة خلص شاحني بعد او عيارة بس لو في يقولون لاااااا بس الغالب لا زين خلاص صدقيها من اوتاوا و بس

 

[كندية]

ههههههههههههه خلاص بروووح اقعد عند الطياااار واركب وايري في مكينه الطيااره ماالي شغل... زوزو شووفي يمكن احد من الاهل يطيير فينااا يقعدني عنده هههههههههههههههههههههههههههههههههه

خلاص بسوي جذي وبس واخلي نسخه احتيااط اذا قاالووا شيء ادز ....​

 

[De3La^85]

كنديه
اخذي بطاريتين معاج لي خلصت الاولى ركبي الثانيه وليش بتشغلين لابتووبج طول الـ 8 ساعات وعليه ريحيه وريحي عيونج لول

المهندسه الكويتيه حياااج لله معانا ماقلتيلنا باي ولايه انتي ؟ >>>> على امل القا احد بولايتي

 

[كندية]

كنديه
اخذي بطاريتين معاج لي خلصت الاولى ركبي الثانيه وليش بتشغلين لابتووبج طول الـ 8 ساعات وعليه ريحيه وريحي عيونج لول

المهندسه الكويتيه حياااج لله معانا ماقلتيلنا باي ولايه انتي ؟ >>>> على امل القا احد بولايتي

ماتسوى اخذ ثنتيين لان مدام تشتغلين سااعه ماطووول...لوووووووووووول حلوه هذي ريحي عيوونج الحلوه جنها اغنيه...واناا مااناام في السفر اظل موااصله طوول الطريج ..على شان جذي قلت استفييد من وقتي واخلص ابحااثي مداام قااعده خل اشتغل....او اقعد اللعب شكثر منزله اللعااب هههههههههههههه
مايصير اوصل وااير حق طيااره ثانيه هههههههههههههههههههه يسون لنا اشترااك....

 

[irresistible]

تصدقين كوكي ابوي و عمي يطيرون علي خط نيورك و لندن و لاااااااااامرة صادفتهم كل اصادف ناس ثانية و الله و لا مرة كنت معاهم بنفس الرحلة حظ عوي المهم شنو قررتي علي الشهادة بتصدقين بس من اوتاوا انا اقول خلج علي اوتاوا و اذا الكويت تفلسفو خل التعليم العالي يدزها يصدقها وكيفهم

 

[كندية]

لوووووووووووول عااد هذا مو خطي ....انا مالي شغل منو موجود بقعد عنده هههه

لالا خلاص ان شااءالله بدز على اوتاوا وبس ..انا بخلي كل الاصلي عندي واذا صاار شيء ادزهم من الكويت ...كل نفس الشيء ان شااءالله...بصرااحه مااعندي وقت ...ومثل ماقلتي كيفهم هم يتصرفوون...غلطتهم مو غلطتي كل سفااره قوانينهم على كيفهم...
وانا متخرجه من كنداا شكو ارووح امريكااا ...تحسين من امه مخربطيين...
جنه عندي احد في التعليم العاالي بشووف شنو يقوولون...​

 

[Filakawyia]

كندية اشكرة اخذي لابتوبج

من زين الكويتية . . . تلفزيوناتها كله خربانه تلوع الجبد

تعالوا . . .صج الديوان مايعطي تذاكر رده حق الكويت الا عقب سنتين اوللللللللللللللللله

في ادمي و بالاخص كويتي مايشوف اهله سنتين

 

[بطه فيها نطه]

هاي بنات ... شو الاخبار


شوكولا ... وي سوري مي سوري ... ماعليكم الا العافيه ... قلت ياربي فيها مستشفيات ...

كنديه ... شخبارك حبيبتي والله يعطيك العافيه ... سفاراتنا ماتفرق عن وزارتنا ... نفس اللويه ... وكل واحد يقط

الموضوع والمعامله على الثاني ... ومهم عارفين كوعهم من بوعهم ... والله ان قبل لانيي امريكا

حسنا حوسه مع الديوان ... الله لايوريك ... بس بالاخير تفرج ... تعالي نسيت اقولك

على طاري البلاك اللي بالطياره ... مره كنت رايحه سنغفوره ... وشاحنه طول الطريج ... تدرين من وين

عاد انتي وحظك ... ساعات في بلاك تحت بالارضيه ... يستخدمونه حق المكنسه ... دوري يمكن الكرسي

بتاعك يصادف او قريب منه ...


De3La^85 مشكوووووووووووووووووووره ياحبي ... والله يسعدك بالدنيا وبالاخره

ماقصرتي خوش موقع والله ...


مهندسه كويتيه ... حيالله من زارنا وعلى قولة ام خماس حيالله ملايييين

 

[بطه فيها نطه]

كندية اشكرة اخذي لابتوبج

من زين الكويتية . . . تلفزيوناتها كله خربانه تلوع الجبد

تعالوا . . .صج الديوان مايعطي تذاكر رده حق الكويت الا عقب سنتين اوللللللللللللللللله

في ادمي و بالاخص كويتي مايشوف اهله سنتين

اي في ... اذا انتي عن طريق الديوان

انا وياك ههههههههههههه

 

[بطه فيها نطه]

وتعالي ليش ما تشتركين بدش نتووك أو تلفزات ترى من غير دش عربي ملل و ضيقة خلق

انا الله يسلمك مشركه بكيبل كوم كاست ... اذا تعرفينه

اغلب القنوات شوتايم وفي سوالف ثانيه ...

 

[بطه فيها نطه]

ريحة الديوانية صارت حمسسسسسسسسسسسسسسسسسسسسسسسسسسسسسسسسسه

و يقولون هل تؤيدين الدواوين للمرأة ؟ بتنقلب مطببببببببببخ

امس وحده مسوية يمعه انترناشونال . . . و اعزمتني . . . يمنيات و سعوديات و من بنغلادش

نسولف بالعربي و نترجم السوالف انجليزي لوووول

كانت قعده حلللللللوة خاصه انهم اول قروب تعرفت عليهم

غيرت جو و استانست و انشالله تنعاد

عاد فكرت شنو اودي وياي . . . ( اقلبت على المطبخ . . حريم ماكو فايدة )

قلت بسوي سويت . .بس لما شفت مقاديري . . يحليلنا كله حق شخصين مايكفيهم ماشالله عليهم

رحت سيفويه و خذيتلي كيكه من اللي مافيهم واين . . .لان الحجي اللي يبيع يقول هذول مافيهم و الباجي مو متاكد

و قعدنا من الساعه 6 و نص و احنا نقرق لي 11 و نص . . . انا طلعت 11 و نص و اهمه تو النااااس قاعدين

والله قعدتهم ماتنمل . . . بس تدرون اول لقاء لازم ماثقل . . .لما تطيح الميانه عادي أأذيهم لووووول

سلامات فوندوووووو دفي روحج ولا تحكرين روحج بالبيت لان البيت يمرض زيادة .. . غيري جو اشوي

اما الجوتييييي . . .عادي تشوفينهم كاشخين فيه بالافنيوز . . .

عليك بالعافيه حبيبتي ... اليمعه الفال لي ... اتعرف على احد :yaaaaaarb:

 

[irresistible]

comcast حلو بطة انا اول كان عندي الحين عندنا dirct tv و نقدر نحط شي ثاني المهم شخبارج اليوم شكو ماكو

كندوش انتي لي قالو اسم الكابتن طقي و درعمي الباب افااااااا عليج و قولي تري انا رفيجة زوزو علي طول بيتوصون فيج و خصوصا لي رفستي الباب بيتاكدون من هويتج و بيقولون رفيجتها بتطلع مثلها يعني ما راح يشكون بشي ابد انا الصراحة ما اطلب من احد ولا شي لان دايما انزل درجة اولي يعني التذاكر اللي تعطينا اياها الحكومة نزيدها و نشتري فيها كراسي ثانية و لا مذلة احد اهم شي راحة الواحد و الله شفايدة الفلوس عيل

 

[بطه فيها نطه]

comcast حلو بطة انا اول كان عندي الحين عندنا dirct tv و نقدر نحط شي ثاني المهم شخبارج اليوم شكو ماكو

كندوش انتي لي قالو اسم الكابتن طقي و درعمي الباب افااااااا عليج و قولي تري انا رفيجة زوزو علي طول بيتوصون فيج و خصوصا لي رفستي الباب بيتاكدون من هويتج و بيقولون رفيجتها بتطلع مثلها يعني ما راح يشكون بشي ابد انا الصراحة ما اطلب من احد ولا شي لان دايما انزل درجة اولي يعني التذاكر اللي تعطينا اياها الحكومة نزيدها و نشتري فيها كراسي ثانية و لا مذلة احد اهم شي راحة الواحد و الله شفايدة الفلوس عيل

لك ياميت اهلين وسهلين .. والله اخباري امس طول اليوم غساله ونشافه

احط بهذي واشيل واحط بهذيك ... بس تبارك الرحمن خوش نشافه ... سيده منها

ليه الكبت ... ومايحتاجون كوي وهذا اللي مريحني ...


اما اليوم رحت وول مارت سويت شوبينغ ... صج انه بعيد تقريبا ساعه بالسياره ... بس الجو كان حلو

والربيع بين عندنا ... اول مره اشوف شير وردها يطلع قبل اوراقها لووووووووووول

اما سالفة الطياره ... انا اخر مره ركبت الكويتيه بــ 89 قبل الغزو رحنا القاهره

والطياره كان موعدها الساعه 1 الظهر وطرنا 5 الفير ... ماشاء الله مواعيدهم مضبوطه

من عقبها حرمنا ... جربت اللي اكو واللي ماكو بس ماشفت مثلها ليه الحين ... ويوم يينا

امريكا ... زدنا مثلكم على التذكره واخذنا درجه اولى ... صج راحه انك تتمددين ومباشرينك اول

باول .... بس اللي بط جبدي الطياره قديمه ... اول مره اشوف شاشه يوزعونها على الركاب

وتحطينها يمك او بحظنك ... علشان تشوفين لوووووووووووول

ياحلو السنغفوريه ... اهي كبينه اهو كرسي ... سرير بس ناقصك قميص نوم

لووووووووووووول ...

 

[المهندسة الكويتية]

مشكورين حبيباتي عالترحيب

اختي بطة فيها نطة

صاجة بهالسالفة (اول مره اشوف شاشه يوزعونها على الركاب
وتحطينها يمك او بحظنك ... علشان تشوفين لوووووووووووول )
والله طول الرحلة و انا مبتحله بهالشاشة اللي بيدي اخر شي ناديت المضيفة و قلت لها اخذيها واللي يعافيج مسويه زحمة عالفاضي ياطايحة يا زالقة مني ما يسوى علي بطالع تلفزيون اقول حق ريلي يعني طالعين فيها الكويتية بسوون حركات)

اختي De3La^85

انا بولايه اوهايو

خواتي ممكن استفسار انا ساعات ودي اسوي سويت بس اغلب السويت لازم قيمر و دريم ويب وكريم كرامل او كيك سالاري او بسكوت دايجستف
ليقيتو هالاشياء بالول مارت ؟ او مير ؟ او كروقر ؟ اذا موجودة شسمها او شلون صايرة علبهم ؟​