روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

[Riooma]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

yalla na6reen

 

[أميرة البجع]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

هاااااااااااااااي قلبي
شلونكم؟؟
يلا حبي تفضلو بعد شتبوون صايرة أنزله مبجر؟؟
آمروووووووني يا عيوووووووني
****************


البارت الثامن
*********


عبدالله: ها في دم؟

نقاء (ترجف): مادري.. (مدت ايدها سحبت كلينكس.. مشت المنطقة) ماكو شي

عبدالله: يعني شلون ماكو شي؟ ما يصيير

نقاء: بعد كا جدامك.. آنا شكو؟

عبدالله (يطالعها بريبة.. وشك): نقاء.. شالسالفة؟

نقاء: شفيك تطالعني جذي؟ شذنبي يعني مافي دم؟

عبدالله: لازم كل بنت لما تصير مرة يطلع دم

نقاء (بغت تبجي تمثيل.. لكنها بجت صج من الخرعة باللي راح يصير الحين): شقصدك يعني آنا مو بنت؟ انت تشك فيني؟

عبدالله: لا تبجييين وقوليلي.. ليش مانزل شي عيل؟

نقاء: مادري

عبدالله: ما تدرين هااا؟؟ آنا حماااار عندج؟؟ الحيييييين تلمين اغراضج وتروحين بيت اهلج

نقاء (زاد بجيها بصراخ.. وطاحت على ريوله): الله يخلييك لا تفضحني.. آنا تعذبت بدنيتي وااااايد.. لا تعذبني أكثر من جذي.. والله أصيرلك خدامة تحت ريولك بس لا توديني بيت اهلي

عبدالله (رفسها): ذلفي عن ويهي .. أكرهج.. استغفلتيني.. عبالج آنا مدمغ ما أفهم.. قلتي هذا يحبني يمووت علي خل ألعب عليه

نقاء: لالالا حرام عليك.. مو ذنبي.. آنا ما سويت شي

عبدالله (مسك شعرها.. ورفعها منه)

نقاء (ايدها على راسها.. تبجي): آآآآآآآآآآآي

عبدالله (قربها من ويها): قتلج ذلفي بيت أهلج.. مابي أشوف رقعة ويهج

نقاء (تبوس ايدها.. تبوس ريله): أبوس ايدك.. أبوس ريولك لا توديني بيت أهلي.. والله قول آمر.. باللي تبيه.. أمرك مطاع. بس استر علي .. ولا تفضحني

عبدالله (سكت شوي): شوفي لأني انسان أخاف ربي.. وبخليه بميزان حسناتي بتمين عندي شهرين. وبعدين أطلقج.. قولي حق أهلج أي مشكلة صارت.. بس انتي الغلطانة

نقاء: الله يخليك لا تطلقني.. آنا مابي أتطلق

عبدالله: سمعي يا نقاء.. كثر ما حبيتج كثر ما الحين أكرهج.. ولا أشتهي أطل بويهج.. أحس انج انسانة وصخة.. نجسة.. مثل ما قلتلج
شهرين مافي غيرهم.. وهااااااا أي شي أسويه انتي مالج شغل.. واذا أبي حقي بهالشهرين غصبا عليج تعطيني اياه.. فاهمة؟؟

نقاء (ارتاحت شوي.. قالت يمكن بهالشهرين يغير رايه): حاضر ان شاء الله.. اللي تامر فيه

عبدالله: والحين طلعي من الغرفة .. مابيج تنامين عندي.. مو مشتهي أطل بويهج

نقاء خذت مخدتها.. وسحبت لها شرشف.. وطلعت تنام بالصالة
*************************


عبدالله طول الليل يتقلب .. موقادر ينام " يمكن البنت فعلا مظلومة.. يمكن ماكو شي بس آنا أتوهم.. لأ لأ عاد مو لهالدرجة الغباء.. لا تصير غبي.. عيل ليش ما نزل منها شي؟ صدقني اهي لاعبة من قبل.. آنا ليش مخليها عندي؟؟ خل تذلف تروح بيت أهلها وأرتاح"

عبدالله قام من السرير وراح الصالة بسرعة.. لقى نقاء نايمة على الغنفة ومتكورة من البرد جنها ربيانة.. طالعها فترة .. كسرت خاطره.. ومشى بيرجع غرفته

بالممر وقف فترة.. وبعدين رد معصب الصالة.. وخر الشرشف من نقاء.. ودزها بقوة: قومي قوووووومي

نقاء (فزت مخترعة.. حاطة ايدها على قلبها): بسم الله الرحمن الرحيم.. شصاير؟

عبدالله: هه انتي تعرفين الله؟؟ قومي لمي أغراضج مابيج تقعدين عندي

نقاء (طالعته.. ونزلت دموعها): ليييش؟ شصار؟

عبدالله: أكثر من اللي صار شيبي يصيير؟؟ أقولج قوووومي

نقاء: ليش عبدالله.. مو انت قلت بتخليني شهرين على الأقل؟

عبدالله: ولا دقيقة.. آنا غبي أخليج عندي؟؟ روحي حق أهلج يعابلون فيج.. وفي مصيبتج

نقاء (تبجي): حرام عليك عبدالله ارحمني.. بس خلني شهرين.. بس شهرين.. وماراح تسمعلي أي صوت ولا تشوفلي أي طيف

عبدالله: ولا دقيقتين يالجلبة.. طلعي بره بررررررره

نقاء (قامت تبجي.. وتلطم على ويهها): ارحمني.. ارحم يتمي.. استر على يتيمة

عبدالله: أمج ماتت من دهر.. وانتي بتحطينها شماعة.. كل ما غلطتي تبين الناس تسامحج لأنج يتيمة؟

نقاء: لا تقول جذي.. أمي الله يرحمها.. ولو اهي عايشة جان ماصار فيني كل هذا

عبدالله: الحين خلصييييييييييينييييي.. ذلفي بيت أهلج

نقاء (طاحت على ريوله تبوسهم): الله يخليك.. والله أصيرلك خدامة.. بس خلني عندك شهرين بس شهرين.. وبعدين اللي تبي تسويه فيني سوه

عبدالله رفسها.. وخرها عنه.. وراح الغرفة.. ورقع الباب وراه
*************************


بعد اسبوعين.. كانت حياة نقاء جحيم بكل معنى الكلمة.. طق واهانات وسب.. ووقت مايبي حقه الشرعي ياخذه
مع هذا كانت نقاء مستحملة.. ماكانت تبي تتطلق.. تلبس.. وتتكشخ.. عشان تسعده

دخل عبدالله الشقة.. في بيت أهله.. لقى نقاء لابسة وكاشخة.. وقاعدة تطالع تلفزيون بالصالة

نقاء (ابتسمت له): مسااء الخييييير

عبدالله طالعها بنظرة احتقار ومشى عنها

نقاء (لحقته للغرفة.. لمته من ورا): أحبك. شدعوه.. ما سألت عني طول اليوم؟

عبدالله (شم ريحتها ذاااب.. اهو يحبها.. بس الشك ذابحه.. دزها عنها): وخري

نقاء: عمري ليش تعاملني جذي؟ شنو ذنبي؟

عبدالله: لالالا يا حرااااام مسكييييينة.. ظلمتج.. ما تعرفين شنو ذنبج؟؟ (راح لها.. وحط ويها بويهها) ذنبج يا محترمة انج استغفلتيني.. ذنبج انج وصخة

نقاء (بجت.. بس هالمرة تمثييييييل عشان تستميل قلبه): حرام عليييييك.. انت ليش ظالمني؟ ليه متى راح تغلط علي؟ ترى بعض الظن اثم

عبدالله: ذلفي زييييييييييين.. (هدها وطلع من الغرفة.. راح المطبخ.. قام يصارخ) نقاءوووووو نقااااااؤوو ويهد

نقاء (ركضت للمطبخ): خير عمري

عبدالله (طررررررررااااخ على ويهها.. طيحها على الأرض): يا حيوااانة وين العشا؟

نقاء (حطت ايدها على خدها.. ودمعت عينها من العوار.. لكنها مسحت دمعتها بسرعة.. ووقفت قباله): بعد

عبدالله: قاعد أكلمج آنااا.. وين العشا؟

نقاء: وانا بعد قاعدة أكلمك.. أقولك بعد.. طق بعد (تصارخ.. ودموعها تنزل حيل غصبا عنها).. بعدددد طقنييييييي بعد.. طقني لما تشبع.. بععععععععدددددد

عبدالله (يطقها حيييييل.. يبي يطلع القهر اللي فيييييه): اييييييي مو لأنج حيواااانه ما تحسيييييييييين.. (طراااااااخ.. طاااااخ.. طاحت نقاء على أرضية المطبخ تبجي.. وعبدالله هدها وطلع)

ركب سيارته.. ودااس بالسيارة بسرعة.. يبي يطلع.. يبي ينحاش من وضعه.." ليه متى آنا عايش بعذااب؟؟ ماقدر أستمر معاها بس أحبها" رفع راسه ودمعت عينه " ياااربي أحبهااا.. شييييل حبها من قلبي.. أبعدها عني.. ابعدني عنها"

قام يبجي ويطق ايده بالسكان حيل " ليش طقييتها لييييش؟؟ مسكينة قايمة بواجبي على أكمل وجه.. بس ياربي لو تعترف وتريحني.. اهي ليش مو بنت.. والا اهي بنت؟؟ يا ربي اهي شنو؟؟ آناااا شنو؟؟"

بعد ما تعب من البجي.. والفرارة بالسيارة بدون هدف.. رجع البيت.. سفط السيارة.. وسند راسه على الكشن.. وبعد فترة نزل الشقة

دخل الغرفة لقى نقاء نايمة على السرير.. واهو قايلها ما تنام عنده بالغرفة.. يعني اهي كل ليلة تنام بالصالة.. حتى اذا بغى شي.. بعد ما يخلص يطردها بره

لكن هالمرة كسرت خاطره حيل.. وحس انها فعلا تعبانة.. وانها مظلومة بالطق اللي كلته.. خلاها دش الحمام تكرمون خذاله شاور.. قعد فترة تحت الدوش.. جنه يبي يغسل.. نفسه.. يبي يغسل تفكيره وقلبه من الشك

عقب ما خلص ولبس.. دش الفراش يم نقاء.. وتلحف بنفس الكفر.. فر ويها يطالعها واهي نايمة.. كانت كل البراءة فيها " ياربي شلون وحدة بهالجمال.. والبراءة تسوي جذي؟؟" حط ايده ورا ظهرها بتردد.. لكن حبه لها خلاه يلمها ..ياخذ راسها على صدره ويناام
**********************


الصبح قعدت نقاء من الصداع.. لكنها مسرع ما نسته يوم لقت راسها على صدر عبدالله.. وان لامها.. ابتسمت بفرح.. وباسته على خده

عبدالله (فتح عيونه..لقى نقاء تبتسم له.. ابتسم لها..ولمها): أحبج

نقاء (دمعت عينها): حتى آنا .. أموووت فيك

عبدالله قرب من رقبتها.. قعد يشمها.. رفع راسه.. قرب شفايفه من شفايفها.. باسها بوسة حب.. نقاء بادلته البوسة بكل حب

أول مرة تحس انه يحبها ويبيها.. لكن يا فرحة ما تمت.. بعد ما أخذ حقه منها

عبدالله (دزها عنه بقوة): يلا وخري

نقاء (مصدومة): شفيك؟

عبدالله: اي متعودة عال... وخرررررري

نقاء (دمعت عينها): عبدالله عيب آنا زوجتك

عبدالله (مسكها من شعرها.. وتله حيل): مو انتي تعلميني العيب. فاهمة؟؟ وماراح اتمين زوجتي على طول.. حمدي ربج ساتر عليج

نقاء: آآآي عبدالله شعري

عبدالله وخر ايده عن شعرها.. دزها ودش الحمام
********************


بعد شهرين

عبدالله (توه داخل الشقة): نقااااء.. ياااااا نقاااااااااء

مالقى رد.. راح المطبخ.. مالقى غدا.. دش الغرفة.. لقاها منسدحة على السرير

عبدالله (معصب): انتي صمخة؟؟ ما سمعتيني اناديج؟

نقاء (صوتها تعبان): سامحني ما انتبهت

عبدالله: هاذي بالله وين أصرفها؟ ليش مو مسويه غداي؟

نقاء: ماقدرت

عبدالله: ليش ان شاء الله؟ خايفة أظافرج تتكسر؟

نقاء (متضايقة.. ومالها خلقه): حرام عليك.. كل يوم ترجع تلقى غداك جاهز.. لكني اليوم تعبانه

عبدالله (راح لها.. رفع ايده.. وعطاها طراااق.. سحبها من السرير): حرمت عليج عيشتج.. غصبا عليج.. ألقى غداي.. (توه ياي بيطقها)

نقاء (صرخت): لالالالالا آنا حاااااامل

عبدالله وقف.. الصدمة شلت حركته.. وقف تقريبا دقيقتين

عبدالله (يرد مثل الببغاء.. وعيونه بالفضا): حامل؟

نقاء (تبجي): اي عبالله حامل.. والله حامل

عبدالله: من منو؟

نقاء (بققت عيونها): يعني شنو من منو؟

عبدالله (زرها من ملابسها ورفعها بويها.. يصارخ): من منو يالحقييييييييرة؟؟ انتي حامل من منو؟

نقاء (مصدومة منه.. تبجي وتصارخ.. حطت ايدها على بطنها): هذاااااااااااااا منك.. هذااااا ولدك.. حراااااام عليييييييك.. يننتني ذبحتني.. دمرتنيييييييييي
************

يلا رايكم حبي؟

 

[yooyoo]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

امبيه كملي الله يستر عليج نقاء الله يستر عليج

 

[HYoOoN:*]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

واااااااي عذااب ناطرينج

 

[cute princess]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

اهم شي من منو !!
ما عندي تعليق ! :\

 

[7sawya 3sal]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

moooo 9ij el.bartain 9ij alla y36ech el.3afya ;*.. o plz nbe part 6weeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeel lol kmlay ;*

 

[ReRez]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

ثاااااااااانكس حبييي عالبارت .. الله يعييينها

مشكووره فديتج امووور

 

[UNiQe^PRiNceSs]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

امتنع عن التعليييق ​

 

[cup-cacke]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

امبييييييييييييييييييييييييييييييييييه شنو هذا

ما الومه..بس حرااام انت عايش معاها شهرين وشفت منها كل خير

شنو راح يصير ع الياهل

 

[البارونه*_^رونه]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

وي حرااااااااااااااااااااااام الله يستررررررررر عليج يانقاااااااااااء

يسلموو اموره نااطرينج

 

[DALLY]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

كرهت عبدالله امحق رجوله الا بيموت يبي يشوف الدم ماصار هالدم هذا


يعطيج العافيه اموررره

والله يرحم عذاب نقاء اللي صج تعور القلب


الزواج ستر لكن اكوا شباب يبون يخربطون وكأن حلال عليهم وعقب يتزوجون على ابو ان ستر ولما البنت تخربط وتتوب وتتزوج ستر حرام عليها!!!!!!!

 

[زهور الكويت]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

البارت قصيــــــــر
اهــــــــــئ اهـــــــــئ

 

[نملة زقرتية]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

مرة اقول نقاء كاسرة خاطري
ومرة اقول هذا نتيجة غلطتها لازم تتحملها

الله يعينها ويستر عليها

يعطيج العافية عالبارت
يالله امووووورة نبي بعد بارت

 

[أم@الحلوين]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

وااااااااااااي حرام عليه عبدالله صج اهيه غلطت بس المسامح كريم ولويعيد الزمن ليه ورا جان نقاء مافكرت تسوي هالمصيبه بروحهااا
وعبدالله من صجه الا يبي يطلع دم خو في ناس يطلع وناس لأ@@
ويسلمووووو حبي عالبارت وناطره البارت الياي على نار

 

[~RouNa~]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

يمااااااااااااااااااااااااااااااااااااااا :|

نوو كومنت :|

 

[!pink-card!]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

بعد اهيا الله يهديها جان قايلتله اي يعني اهي تدري انها مو بنت قولي اي


ثانكس حياتي على البارت

و ننطر البارت الياي :***

 

[T-flower]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

امبييييييييييييه شلون تحط نفسها بالموقف الخايس هاذا اهيا تدري انها مو بنت شلون بكل سهولة ترظى بالعرس
وتتزوج بدون ما تشوف لها دبره
وحتى فكرت انها تقوله اي شي
مررة تكسر خاطري مررة تبط جبدي
وعبدالله انت رضيت طول هالفترة انك تعيش معاها مثل ما كل اي زوجين تحت سقف واحد وشنو اللي يدور بينهم
الحين ياي بكل بساطة تسال من منو؟؟؟؟؟؟؟؟؟؟؟؟


يبط الجبد

ناطرينج اموورة بعد جبدي

 

[مجروح ياقلبى]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

وى ليش جذى عبدالله الله يستر مااقدر اعلق بعد

 

[zooz92]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

ادري انا under age بس قصتج ما تتطووف امورة

والصراحة كنت اتابع بصمت :$

نقااء غلطت واايد بس هم تكسر خاااطري واايد لانها يتييييمة الله يعيييينها

يعطيييج العااافية حبيبتي على البااااارت

نااااطرينج :**

 

[cute princess]

رد: روايتي الواقعية الجريئة الثانية "فقدان.. ضياع.. دمار .. شتات .. عذاب.. نقاء"

البنات مصدومين من البارت مو وايد الي علقو لووووووووووووول
اموره مو تتحبطين بس ترا مصدومين ونصهم اندر ايج :$ تحملي لول