ملتقى عرايس 2010 شهر 3 مارس

[حلاتي بحركاتي..]

اي غلاوي هذول اهم شي لاتنسنهم انا متذكره الطقم من اللحين لان صايرلنه موقف يوم عرس اختي كانت ناسي طقمها اللي بتلبسه وماتذكرته الا عالمغرب يوم جات تلبس بدلتها وبتصور ومن حظها كنا بالبيت تونا واصلين من الصالون جان اطرشلها الطقم مع السايق صج موقف عشان جذي مستحيل انسى طقمي

 

[غلاوي الديره]

حلاتى الحين بصور لج الديو درنت اللي بالفرواله والوردى اي بجمعيتنا حلاتى موجود<<ركزى على جمعيتنا

 

[حلاتي بحركاتي..]

ههههههههههههههههههه اي خلاص جا وقت الجد ماعاد في لعب يانتكلم بمواضيع مفيده ولانقلب وجيهنا احسن

انا اللحين علي الدوره يعني بعرسي راح تكون علي واحنا يمكن نروح عمره عاد انا مشتاقه للعمره حيييييييييييل يارب اتأخر عالاقل لين اعتمر

 

[حلاتي بحركاتي..]

ههههههههههههههه اهم شي جمعيتنا احلى شي بالموضوع ان احنا بنسوق من جمعيه وحده يعني اللي بتقولينه بلاقيه هناك

مع ان في ناس يقولون سوقي من ستي سنتر او لولوهيابر ماركت ارخص
بس انا احب جمعيتنا انتي مثلي ماعرف اسوق الا منها صج غويليه بس احبها احس بالراحه

 

[حلاتي بحركاتي..]

ترى حتى ديودرنت مال بايوت انا استخدمه من زمان صج ماله ريحه بس يفتح حيييييل ويمنع العرق انا تفتحت عندي المنطقه الحمدالله صايره لون واحد من بديت استخدمه يعني من كنت بالمتوسط من اول تجهيزي شاريته بس شكلي بشتري مالج هذا شكله حلو بعد

 

[غلاوي الديره]

نفس حالتى ماحب الا جمعيتنا
حلاتى جيكى عالخاص الصوره وصلتج...

 

[حلاتي بحركاتي..]

اللهم اصلح زوجي اللهم وثبته على الايمان اللهم اجعله رجلا مؤمنا صادقا صدوقا جواد كريما اللهم وزده حبا لي وصراحه معي وتعلقا بي اللهم مد بعمره على زود عمل صالح

عشان اذا ادخلوا البنات وقروا يعرفون ان احنا مانسهر على الفاضي لسهرنا سهرنا على افاده المجتمع


اماااااانه بناااات اللي تدخل وتقرا الدعاء تقوووول اميييين اجمعيين لي ولجمييع بنااات الملتقى والمقبلات على الزواج حرام ماننساهم<<<حلوة مقبلات

 

[غلاوي الديره]

حلاتى وصلتج؟
وبسألج شرايح المعقمه للفم وين صايره بجمعيتنا؟

 

[غلاوي الديره]

اللهم امين ولجميع المسلمات.
اي حلاتى الله يدوم السنع علينا
تدرين احاتى شوشو وجدتها؟؟!! .

 

[حلاتي بحركاتي..]

غلاوي اول مره اشوفه وين صاير بالرف اللي فيه مزيلين العرق معاهم؟؟

الشرائح تلاقينها جنه جنه مع الصوب اللي فيه المعجون والمضمضه واذا مالقيتيه معاهم دوريه مع رف العلوج وحلاو المص لان انا دايما اشتريه من جمعيه رقم2 ولا مره شريته من رقم 3 عشان جذي ماعرف وين مكانه فيها بس اتوقع مع هالاشياء
استخدامه تحطينها عاللثه من فوق عالسطح يعني وهي تذوب من كيفها حيييل ريحتها حلوه وقويه

اي والله حتى انا اليوم افكر فيها الله يعينها ويشفي جدتها عشان تكمل فرحتهم

 

[أحساس مجروحهـ]

حلاتي

امممممممممممين يارب

اجمعين يارب لج ولي ولكل البنات
تسلمين ع الدعاء الحلووو

,,
والله يووفقكم يارب



غلاووي شخباااارج
وشلون التجهيز معاج

وشلووون معنوياتج هذه الايام هههههه
احساسج وش تحسين فيه

يااارب يسهل عليكم ِ

 

[غلاوي الديره]

اللهم امين
حلاتى اي موجود صوب مزيل العرق تلاقينه وفي اكثر من ريحه
الشارئح مجربتها عند اختى بس اختى جنه تاخذها من الصيدليه
انزين وخيط اكسترا وين احصله؟

 

[غلاوي الديره]

هلا والله
احساس شخبارج ياقلبى؟؟
انا تمام والتجهيز هانت ماباقى شي
النفسيه طال عمرج عالطاعه
مضربه عن النوم بس انام ساعتين
ومضربه عن الاكل مااشتهى الاكل كلش كلش
وعن الضحك
وعن البجى
وصايره جبريت
اتنرفز بسرعه ومحاتاه
اما المعنويات في تدنى دائم عكس الاوادم
بس يقولون شي طبيعي
انتى شلونج مع التجهيز ؟؟

 

[حلاتي بحركاتي..]

هلا والله احساس شلونج زين طحتي علينا واحنا نتكلم بسوالف حلوه ههههههههههههههه

غلاوي الخيط تلاقينه ياعند الكاشير او مع المعجون والفرشاة وهالسوالف

انا ضاعفه حيييييييييييل امس خالتي عندنا يوم شافتني عصبت قالت اختفي اختفي اكثر بعد انا شسوي بعمري والله يابنات اني اكل وانام وماافتر بالسوق واجد بس مدري ليش اضعف عاد موحلو العروس حيل ضعيفه وخاصه بعد العرس اكيد راح اضعف وييييع شلون راح اكون ان اشاءالله امتن قبل العرس عشان اخلي مجال للضعف بعد العرس

 

[غلاوي الديره]

ثانكس حلاتى اي اشكالنا مو مصدقين مواضيع مفيده تطلع منا
انا مو راح اختفى اختفيت وخلصت
مادري عقب العرس الظاهر بالعرس يشوفون بس بدله تمشى ويدورونى داخلها ههههههههههههههه
^^
فصلت الاخت
يلا بنات سي بو قفلت بنام اخيرا
تصبحون ولاتمسون على خير اختاروا كيفكم

 

[أحساس مجروحهـ]

^
^
^
ياعمري

ان شاءالله ربي يسهل عليج وتصيرين احسسسسسن وماتشووفين الا كل خير يااارب

لا تحاتين واايد

واهم شي ريييييلاكس وان شاءالله اموورج طيبهـ

انا ماشي الحال
لان تدرين انا مجهزه كل شي بس باقيلي المسكه وحجز مصوره وصالون ونفنوف حق المسائيهـ

,,

تدرين قبل 3 اسابيع رحت الصالون حفيت ويهي
وهذه اول مره حسييت موتتني من العوار
وعلى مارجعت البيت ولا ويهي كللللله حبوووب
واشوف اثر الخيط تصدقين اسبوع ماراح !!
احس حيل اضغطت علي بس تبي تخلص
وحاسه خيطها مو نضيف ماتقطعه !! علشان جذي ويهي قلب حب

الحين راح الحب بس بقى آثار مو رااضيه ترووح

يعني اللي يشوفني يقول لي ويهج ليش كله حب ؟ بس اهوه مو حب بس آثاره
صار بقع وبشرة ويهي صار لونها مو موحد

اماااااااانه اذا تعرفين اي شي خلطه او غسول او اي شي يزيل الاثار اللي بقى ؟

حدي اخربت نفسيتي من ورا ويهي

 

[أحساس مجروحهـ]

حلاتي انتي جم وزنج ؟؟

تصدقين حتى انا ضعفانه حيل وامي كله تصارخ علي تقول لي اييه بعد اختفي هههههههههههههههههههه

شسوووي مااشتهي الاكل كلش

ودي اسمن شويه

 

[حلاتي بحركاتي..]

نووووم العوافي غلاوي احلام سعيده

احساس استخدمي صابونه بابايا حلوه اناا عن نفسي حيييل صفت بشرتي وفتحتها بس هديتها لانها تنشف بشرتي حيييل وتخليها جافه

احساس انا وزني59 بس مو حلو على طولي انا احلى وزن على طولي 62 اطلع تتووووت بس يالله شسوي ماادري ليش ماامتن

احساس لازم تاكلين موحلوه يجي العرس ويكون وجهج شاحب وتعبان ترى يبين حتى بالمكياج

 

[حلاتي بحركاتي..]

^
^
^
^
^
جم مرة قلت احساس بالرد ههههههههههههههههه
حدي فصلت جتني الدوخه

 

[حلاتي بحركاتي..]

يالله ماتشوفين شر اشوفج على خير