ليش الحامل اذا احملت اتخش

[om el7elwen]

بنات صراحه سؤال امحيرني ليش اخشون الحريم اذا احملوا انا صراحه ما اقدر احب افرح كل اللي حوالي بس لاحظت وايد بنات مايقولون الا لما يصيرلها 3 شهور

 

[nonia]

والله يا حبيبتي الناس هالأيام صارت ما ترحم فالوحده بصراحه تخاف على نفسها , أنا عن نفسي ما قلت حق أحد الا لما دخلت الثالث وكل يوم أقرى على بطني لأني لما كنت حامل بأول حمل لي الناس كلتني لأني حملت على طول لا وكانوا توأم والله والله من كثر ما انصدمو الناس ان اللي فيني توأم وانا توني متزوجه كانوا يشهقون ببطني وامي كانت تحذرني اني ما اقول حق احد واتحصن بالآيات وانا من فرحتي ما خليت احد ما قلت له والنتيجه توفوا اليهال ببطني بأول السادس والله الناس ما ترحم جني مسويه معجزه مو حامل بتوأم من رب العالمين بس الوحده شتقول , أدري بتقولون لي قضاء وقدر وانا مؤمنه بكتبة الله وألف الحمد والشكر بس هم ارد وأقول العين حق .

 

[حمرة الورد]

وانا نفس الشى قمت اخاف بس صراحه مااخش الحمال حملت بتوام والناس كلها درت وشفت الموت ونزف نزيف مو طبيعي الناس ماتعطي خير والله بس الواحد يقرا على نفسه الخش في الايام هذي صعب والله
والله الحافظ ان شاء الله

 

[om el7elwen]

والله يا حبيبتي الناس هالأيام صارت ما ترحم فالوحده بصراحه تخاف على نفسها , أنا عن نفسي ما قلت حق أحد الا لما دخلت الثالث وكل يوم أقرى على بطني لأني لما كنت حامل بأول حمل لي الناس كلتني لأني حملت على طول لا وكانوا توأم والله والله من كثر ما انصدمو الناس ان اللي فيني توأم وانا توني متزوجه كانوا يشهقون ببطني وامي كانت تحذرني اني ما اقول حق احد واتحصن بالآيات وانا من فرحتي ما خليت احد ما قلت له والنتيجه توفوا اليهال ببطني بأول السادس والله الناس ما ترحم جني مسويه معجزه مو حامل بتوأم من رب العالمين بس الوحده شتقول , أدري بتقولون لي قضاء وقدر وانا مؤمنه بكتبة الله وألف الحمد والشكر بس هم ارد وأقول العين حق .

حبيبتي انا معاج العين حق والله يعوض عليج بس انا اللي صدمني ان اللي اكونون اقراب منج وانتي عادتهم مثل خواتج وماتقصرين معاهم بشي بس اهما العكس.انا معاج في بعض الناس من تقولين لهم يحسبولج متى بتولدين هذيل مرضى بس الحمدالله والشكر.

 

[om el7elwen]

وانا نفس الشى قمت اخاف بس صراحه مااخش الحمال حملت بتوام والناس كلها درت وشفت الموت ونزف نزيف مو طبيعي الناس ماتعطي خير والله بس الواحد يقرا على نفسه الخش في الايام هذي صعب والله
والله الحافظ ان شاء الله

حبيبتي انا معاج اتخافين بس حق اهلج مااتوقع انهم بيحسدونج والتؤام صج لازم تعطينهم مقدمات لان اذا دروا بالولاده اهنيه بيعطونج عين.وصراحه الحمال ما احب اخشه عن اهلي او اهل ريلي ابيهم يفرحون والحافظ الله

 

[love love]

مثل ماقالو الناس ماترحم واقرب وحده تحسدج وماتحبلج الخير ليش ماادري !!!
والواحد يخاف الصراحه

 

[&رعبوووبه&]

انا صارلي موقف على هالموضوع
وراح تعرفين ليش من عذري لو الله رزقني وحملت بخش عدل مو مثل خبالي قبل
هذي الله يسلمج لما كملت بنتي سنه ونص حملت وطبعا من الفرحه علمت خالتي واهلي اهلي اكيد بيخشون عن الناس لي فتره بس الصدمه خااااااالتي الله يهداها ما بقى احد ماقالت له
عاد اقولج
بنات عم ريلي 4 بنات تزوجوا وما حملوا مسكينات الله يرزقهم
وعند ريلي عمه مشفوحه وموشايفه خير وحسوووووووووووده لما درت اني حامل وكنت انا وحماتي حميل
قالت عفيه على هالارحام ما تعطون بنات فلانه المسكينات
ما كملت كلمتها يومين تهاوشت مع ريلي ورحت لاهلي وتعبت واكتشفت انه حمل خارج الرحم​

​

 

[&رعبوووبه&]

صج وحتى حماتي سقطت وللحين ما حملنا انا وياها

 

[@ دهن العود @]

فعلا انا ملاحظه هالشى

انا بصير لى 6 سنوات ما حملت واهلى واهل زوجى يقولون اذا الله رزقج وحملتى لا تقولين لحد الا عقب 4 شهور لين يثبت

وانا قلت لهم مستحيييييييييييييييييييييييل والله ما يبقا احد ما اوريه ورقة التحليل ههههههههه ملقوفه

بس ادعولى يا بنات

 

[جروح تبتسم]

سالفه الخش هذي موووضه
ههههههه تخيلوو وحده تحمل وقريب تولد
وماتتكلم ... طبعا كل وحده وكيفها بس الصراحه لمن تييج وحده خاشه عن اختها ولا رفيجتها الروح بالروح عاد هذي الي تمصخها عدل
انا ماخش والله العظيم ولا احب هالسوالف .. الحمدلله القطوه تحمل وتولد
ورغم اللي صار لي اخر مره ارد واقول انا ماخش واللي يصير كله بكتبت الله

 

[@الياسمين@]

والله يابنات لو بنسمع كلام الناس راح نتعب
انا صج ما احب اخش بس شفت وااايد ناس ما تستاهل انج تقوليلهم
لانهم ما يعبرونج اذا عندهم شي بس يبون يعرفون شعندج
بس الله الحافظ من كل شر

تــــــحـــــــــيـــــــــــــــــــاتـــــي

 

[أحلى عيون]

بصراحه انا حملت 3 مرات وعلى طول اول مااحلل اقول ومن فرحتي الناس على طول عين والـ 3 مرات هذي ما يكمل عندي النمو الجنين واجهض وبعدها الثالث بنت عمي تقول والله زين انتي تحملين والله ما كمل معاي الشهر الا اجهضت


بعدها في بنتي الحمدلله عالجت وما علمت احد وبعدها يوم تطمنت اني حامل والجنين بخير قلت خيره اني ما قلت لاحد وربي سهل لي حمالي وعلمت اهلي وانا لي 4 شهور

اما في ولدي بصراحه نفس الشي لانه اطفال انابيب وطولت يعني قعدت اكثر من 13 سنه ما حملت لكن يوم حملت الكل قعد يبجي لاني طولت وايد والكل قعد يقولي زين انج خشيتي وما علمتهم الا لي 3 شهور
والله عندي حماتي ما تعلم يعني يوصل لها السابع يالله تعلم

والرسول اوصي بالكتمان

وربي يسهل على الجميع

 

[احلى كويتيه]

يوووووووووووه يابنات انا ودي اعلم كلل الناس بس هالمره حدي مستحيه اقول لامي وخواتي وانا قبل فتره كنت اقولهم ماراح احمل الا بعد سنه ونص بس الله كتب وحملت حسيت نفسي كذابه ابي طريقه حلوه اقول لهلي فيها اني حامل
بس بنات الدوام طبعا كلهم يدرون وهلي لما الحين مستحيه في وحده غبيه مثلي

 

[Fouz]

صدقيتي اللي تأذت من حنة الناس و عيونهم بتخش الموضوع عن اللي حواليها لأن فعلا الناس ما ترحم ما جنه كل الناس تحمل بس لي عندج و يصير شي غريب كل شوي جم لج شلونج مع النساة بنت ولا ولد و انتي توج ام شهرين ولا 3 فمن جذيه التكتم في البداية افضل بنظري

 

[b6o6a]

والله انا قلت من اول ما دريت

يعني بخاف من شنو الي الله كاتبه بيصير

المهم استانس

 

[شاي اخضر]

سؤال؟؟ اذا خشيتو بأول الشهور ونشرتو الخبر بنص الشهر او اخره يعني ماراح تنحسدون !! واللي بتحسد تقدر تحسدج باخر شهرج وحتى لي ولدتي بتحسدج مافرقت !!! وبالعكس تدرون ملاحظه كل اللي يخشون حمالهم وخصوصا اللي تنسأل وتنكر سبحان الله تصير فيها بلاوي ...قوله تعالى( وأمابنعمت ربك فحدث) ... القصد يابنات ما اعلم الا اللي تسألني واذا امي ولا خالتي نشرو الخبر خيره الله الحافظ احصن نفسي واللي فبطني واتوكل على الله سبحانه هو اللي عطاني واهو اللي بياخذه موالناس ولاعيونها قال الرسول صلى الله عليه وسلم ( لواجتمعت امه على ان يضروك بشي لن يضروك بشي الا كتبه الله عليك ولو اجتمعو على ان ينفعوك بشي لن ينفعوك بشي الا كتبه الله لك).... يعني نخلي الناس بحاالها والحافظ الله ونتوكل عليه وماراح يصيبنا شي الا بأذنه سبحانه واللي يقولون كل مانقول يصير فينا شي اقول اهم شي قراءة المعوذات والتحصن اللي تنشر وماتحصن واللي تقول احصن نفسي واسقط يمكن رحم من الله وخيره والله سبحانه يختار دائما لعبيده الافضل

 

[nonia]

يوووووووووووه يابنات انا ودي اعلم كلل الناس بس هالمره حدي مستحيه اقول لامي وخواتي وانا قبل فتره كنت اقولهم ماراح احمل الا بعد سنه ونص بس الله كتب وحملت حسيت نفسي كذابه ابي طريقه حلوه اقول لهلي فيها اني حامل
بس بنات الدوام طبعا كلهم يدرون وهلي لما الحين مستحيه في وحده غبيه مثلي

بالعكس حبيبتي قولي حق اهلج اهم اللي راح يفرحون لج , انا صج احس الموضوع يفشل بس من تقولين لهم يصير كل شي عادي , والله يتمم لج على خير.

 

[diorella]

العين حق ..
وطبعا الوحده اتبشر امها خواتها ريلها .. وريلها بقول حق امه وخواته و عاد وتنتقل السالفه للجميع .. بله اشلون يخشون ؟
ماتوقع وحده تخش ولو خشت بتخش على ريلها العزيز اولهم

 

[آخر ذكرياتي]

اهو صج الناس ماتعطي خير الحين انا اول مره سقطت من عين وحده الله حسيبها كان ريلي مسافر ولما رد حملت بنفس الشهر وعلمت اهلي واهل ريلي وسمعتها بأذني تقول متى امداه تحمل الريال ماله شهر من ردته على طول حملت ماتميت شهر ونص الا انا مصطقه وحملي هذا ماعلمت احد الا لما وصلت الخامس​

 

[rainbow_brite]

انا بقولكم شي مره قاعده اتابع برنامج اجنبي عن الحمل في الام بي سي وكان لرنامج عجيب عاد في البرنامج المرة الحامل تسال الدكتوره يعني متى نعلم اهلنا بهالخبر السعيد حدهم مستانسين جان ترد الدكتوره احسن وقت لم يبين نبض الجنين بالسونار لان التحليل ما يكون كافي يمكن الحمل ضعيف او خارج الرحم ويدوب ما يمديج تعلمين يطيح وما يكون ثابت يعني يبيله 6 اسابيع او ثمان اسابيع هذول الاجانب اللي ما يامنون بالعين والحسد فنا بالج احنال المسلمين ترا مره سمعت برنامج شيخ دين يقول الحمل بسرعه تييله فزه بس عاد مو لم تولدين يعني اذا صار شهرين علمي الناس بس اذا ما سالوج وتوج محلله شهاللقافه امشي واقول انا حامل انا دايما لم احمل انطر شوي اتاكد من الحمل بعدين اعلم