¨°•√♥ مشكله للمناقشه - موضوع متجدد¨°•√

[Dancing^Queen]

رد: مشكله للمناقشه - موضوع متجدد

ريلي كلشي فيه زين بس عيبه الوحيد








يحب الحريم

ياليت تشرحين المشكله اكثر علشان نقدر انساعدج

 

[Dancing^Queen]

رد: مشكله للمناقشه - موضوع متجدد

ااااااااااااااخ من حمولتي الشريرة .. شسوي فيهم .؟؟؟ لا تقولون طنشي ماقدر اطنش ! عموما ماكو علاقه بيننا بعد مشاكل عديده ... واللي غاثني انهم مايسالون عن بنتهم ... عيل في عمه بالعالم ماتدري عن بنت اخوها صارلها جريب السنه ماشافتها !!!!!!! بعد قلبي يا بنتي ...

وفي خاله تقول حق مرت ولدها باخذ غرفتج النوم خخخخ

وفي وحده متزوجة تنام بالصالة في بيت اهلها اهي وبنتها وماعندها مكان في بيت ريلها ....

مدام ماكو علاقه ليش عيل قاثه عمرج! اذا اهم عايشين وجنه الود انتي ليش متعبه عمرج:eh_s(20): والعمه للي ماسالت عن عييييييييييالللللللللللللللللج اهي اللي خسراااااااااااااااااااااااانه كيفها وبنتج ياهل ماحست لاتحرين عمرج ، وخالتلج قالتلج اخذ دارج قوليلها اي والله ودي اجدد حلاااااااااااااااااالج خالتي اخذيها خل اروح اشتري شي يديد عططيها اياها بسرعه اخاف تغير رايها واخذي ريلج واشتري شي يديد حلو وغيري ديكورج بعد شتسوين امه خذت غرفتج :eh_s(9): :eh_s(1):


عيش حياتك كوكاكولا، لاتدوريلج مشاكل اهم ماشين وعادي انتي اللي موقفه الصوره عليهم ، انتي اللق اثه عمرج مو اهم اللي قاثينج

 

[امون حبيبة زوجها]

رد: مشكله للمناقشه - موضوع متجدد

الله يعينكم بنااات ويسخرلكم ازواجكم يارب

انا الحمدالله زوجي كل شي زيين فيه اللهم بارك

بس المشكله مانطلع كلش مانطلع مع بعض الا بالشهر مرتين بس وبالظروره

يقعد معاي بالشقه وااجد ونسولف ونسهر على افلام ونطلب مطعم وووكل شي
بس مانطلع طلعتنا موواجد

اذا قتله سينما قال عندنا سينما منزليه وافلام جديده اصليه ديفيدي ومؤثرات واشتريلج ناتشوز ونفيش خخخخخخخخخخخخخخخخخخخخخخخ

واذا قتله مطعم قال يصير خير واذا رحنا مطعم والله يابنات سبعين الف مكالمه ربعه واحد ورى الثاني يدقدقون عليه جنه مافي احد غيره!! يلا تعال وينك!!

واذا قتله نتمشى بمجمعات جنج قارصته عاد اهو طفارته المجمعات والهياته طبيعته اهو ديوانيه وبيت نادي ومرات الجاخور عند طيوره وحمامه مايفرفر ويحوس
وكله بيسوي مشاريع خخخخخخخخخخخخخخخخخخخخخ فديته

والسوق انا مااحب اخذه كله يالله خلصي ماصارت يعني مافي شي عجباج !! وانا طبيعيتي مااحب رجال بالسوق احب بنات اخذ رايهم
حتى خالتي امه تقولي خو ريلج مره قتله ودني الجمعيه مابقى واحد من ربعه مادق عليه وينك وينك جنه مافي غيره زعيمهم خخخخخخخخخخخخخخخخخخخخخخخخخخخخخخخخخخخخ

يعني كلش ماانطلع الا بالشهر مرتين حدي حتى امي متظايقه كله تقولي طلعي مع زوجج تمشو اقولها زين
وانا طبعي مااحب احن كلش يعني اقوله امش نطلع يقولي بعدين واسكت خلاص ماارد اقوله مااحب احن

شلون اخليه يتعود يطلعني

 

[%عسولة الحلوة%]

رد: مشكله للمناقشه - موضوع متجدد

والله يا امون
زوجج طيب ومحترم لازم تحمدين ربج عليه
ف يحريم ما يشوفون رياييلهم
وفي حريم ازواجهم يخونونهم من وراهم
وفي حريم
ما يحبون يشوفون رقعه ويه حريمهم
وفي رياييل هياته 24 ساعة مع ربعه
وفي رياييل ما يشوفون حريمهم ولا يقعدون معاهم
الله عطاج واحد بيتوتي
ويحب الححمام والطيور
انتي على شانه
حبي الطيور والحمام
وصدقيني لما تقعدين تسالينه عن الطيور ويقعد يتكلم
حتى لو انتي ما تحبين هالسوالف اهوا راح يستانس ويندمج معاج بالسوالف

والله يوفقكم ويسعدكم
يا رب

وادعولي ان الله يوفقني مع ريلي
وعرسي شهر 11 حياكم الله لا تخلون تعالو

 

[عرووووس الكون]

رد: مشكله للمناقشه - موضوع متجدد

وادعولي ان الله يوفقني مع ريلي
وعرسي شهر 11 حياكم الله لا تخلون تعالو

الله يوفقج ويسخر لج ويكفيكم ربي شر كل ذي شر

واموووون ام خدود قالت نقطه حيل مهمه يعني اهتمي باهتماماته وهذا من آداب الحديث انج تكلمين اللي جدامج بالشي اللي يهمه ويعنيه


والله يوفق الجميع ويوفقني عرسي يمكن شهر 1 ادعولي انا واختي ام خدود نظيفه

 

[امون حبيبة زوجها]

رد: مشكله للمناقشه - موضوع متجدد

ام الخدود وعروس الكون مشكورين بعد عمري

ام الخدود وعروس الكون عسى ربي يهنيييكم يارب ويوفقكم اللهم اميين

واذا على الاهتمامات لاتخافون انا اسولف عن الطيور والبر اكثر منه نطقها سوالف بالساعات خخخخخخخخخخخخخخخخخخخخخخخخخخخخخخخخ وكل شي يهمه اسولف معاه فيه واهتممم بعد وانفعل ويصير جني احب هالسوالف صج عشان جذي يحب يطقها سوالف معاي

وانا الحمدالله زوجي حبيبي عسى الله لايغيره كل شي فيه زين بس سالفة الطلعه يعني هم لماتشوفين ناس بالسوق حريم ورياجيلهم الله يهنيهم يحز بخاطرج انه زوجج مايطلعج الانااااارد
يعني ودي نطلع نتمشى نقز ونهيت وندوج<<<<قلتها بكل اللغات خخخخخخخخخخخخخخخخخخخخخخخخ

اهو اساسا مايطلع ولايحب الطلعات فمايهيت واذا طلعنا بس مطعم راقي وعقبها فرفراه بشارع المطاعم عصاير وهالسوالف او عالبحر ونرد يعني مافي تمشي تمشي بمجمعات وكافيهات لا كلش هالسوالف طفارته اهو بسرعه يمل ويقول خنرد !!!

 

[Dancing^Queen]

رد: مشكله للمناقشه - موضوع متجدد

امخون
مومهم الطلعه علي طول
مهم انكم متوافقين ومامليتو من بعض !
ليش الناس تطلع؟ علشان اتسولف اتغير جو
انتو مسوين جوكم ابيتكم خلاص ليش كمكدره عمرج
الا الطلعه لازم!
وعلي كل في طرق اخري
عزيمه انتي قوليله اليوم انا عازمتك المكان الفلاني بمناسبه الفلانيه (انشاءالله تتراهنون وانتو تلعبون اونو وغلبيه علي عزيمه) او حتا عزمي اخوه ومرته او انتي وواخوج ومرته وروحو قوليله يالله نبي نطلع انعزمنا
شوي شوي
ويامعوده مدامه مرتاح وياج وانتي مرتاحه وياه ومتفاهمين لاتفتحين بيبان مسكره

 

[رنين]

رد: مشكله للمناقشه - موضوع متجدد

أمون عساج دوم حبيبة ريلج دنيا و آخره

حبيبتي الناس يطلعون عشان يستانسون....و مو كل من طلع استانس...فدام نكم بفضل الله وناستكم ببيتكم خلاص الحمدلله حصل المراد


و الطلعات تقدرين مع اهلج رفيجاتج تغيرين جو....

و مرتين بالشهر حلوين...خاصه انج تشوفينه باجي الشهر....في ناس ما يشوفونه الا مرتين بالشهر و هم ببيت واحد

خليهم من الصبح لليل اذا قدرتي.....


عموما... زين تسوين انج ما تحنين....أصلا اذا ما طلعتوا الا عقب حنة تطلع الطلعه من جبدج.....و لا يصير لها طعم أصلا..



و على فكره....يمكن انتي حتى مو حاسه بحاجه أو رغبه بالطلعه لكن التعليقات و اللي تسمعينها تخليج تحسين ان لاااااااازم نطلع و اذا ماطلعنا في شي غلط!!


بس هذا مو صحيح....أهم شي انكم مرتاحين و مستانسين عسى الله يخليكم لبعض...


الحين شبعوا من القعدات و السوالف..و لخلصت السوالف تلقينه اهو يقولج خل نطلع.نغير جو.

 

[امون حبيبة زوجها]

رد: مشكله للمناقشه - موضوع متجدد

كوكو ورنين الله يجبر بخاطركم كلامكم ونسني وعلى راي رنين

و على فكره....يمكن انتي حتى مو حاسه بحاجه أو رغبه بالطلعه لكن التعليقات و اللي تسمعينها تخليج تحسين ان لاااااااازم نطلع و اذا ماطلعنا في شي غلط!!

فعلااااااااااااااااااا هذا اللي احس فييه عيون الناس وتفكيرهم انه زوجي مايطلعني خلاني اصير نفسهم

تخيلو يابنات انا من تزوجت سنه وثلاث شهور سافرت مرتين مع زوجي مره العمره ومره يوم رحت مع اهلي مصر الصيف اللي طاف لحقني زوجي اسبوع كان ماعنده الا اسبوع ماخذ اجازته كلها وسكنا باحلى فندق واستانسنا والناس تقول زوجها ماوداها الا العمره!!! زين ومصر يقولون لااا هذي موسفره انتي مسافره مع اهلج واهو لحقاج
وانا صراحه وحده اتاثر بالحجي يعني انقهر انتو شتبون يسفرني مايسفرني
يعني الحين اللي يسفر مرته يموت فيها ويحبها واللي مايسفرها مقعدها بطراق ومنومها بطراق؟؟؟
والمشكله ياليته مومسفرني ممكن تعدي الرجال ماقصر وهذول حاطين وبهم دوبي

 

[امون حبيبة زوجها]

رد: مشكله للمناقشه - موضوع متجدد

يابناااااااااااااااااات الحين صارت عندي مشيكييله مومشكله مع خالة زوجي

يابنات هذي اخت خالتي ام زوجي من ابوها وخالتي ماشالله سنعه ماعندها هذي اختي من ابوي ولا من امي كلهم خواتها وتحبهم بعد قلبي

المهم اهي جايه تنام عند خالتي لاني بيتها ترممه وتبنيه
انا صراحه احترمها واستانس عليها اهي غشمرجيه وتونس بس ماعاشرتها اشوفها بزوارات ومناسبات بس ومابيني وبينها اكثر من جذي

المهم صرت شوي شوي الاحط عليها اشياء واكش منها

تخيلو يابنات انا سالتها قبل فتره قتلها يافلانه تحبين اناديج باسمج ولا بام فلان ؟؟ جان تقولي لا لا ناديني باسمي ليش تكبريني
وصرت اناديها باسمها
انصدمت رايحه قايله حق حمواتي ياحليلها امون انا مره ام عيال تناديني باسمي على الاقل خل تقولي يام فلا؟؟؟؟؟؟؟؟؟

انا نصدمتتتتتتتتتتتتتتتتتتتتتتت حماتي ام حنون قالتي جان ابقق عيوين قتلها ياام حنوووووووون انا قايله لخالتج وسالتها وقالتلي ناديني باسمي!! جان تقول حماتي انا قلت امون مايطلع منها العيب
ترى اهي مومن كبرها فيها 31 او33 يعني موكبيره حيل شدعوى !!

سكتنا

السالفه الثانيه
اهي رايحه الجمعيه وشاريه خرابيط كيك وهالسوالف جان تعطيني كيك وكاكو يوم جيت بنزل جان اقولها انعم الله عليج مشكوره
جان تقولي على شنو؟؟
قتلها على الكيك وهالسوالف
جان تقولي جنج تتطنزين
انصدمت جان اقولها لااااااااااااا انا طبعي جذي سالي ام حنون جان تسكت ماردت علي!!

وفيه بعد جم سالفه بس صج انصدمت يار بي شهالناس اللي يفهمون كل شي غلط!!
صج كل من يفهم على قلبه

 

[sunshine22]

رد: مشكله للمناقشه - موضوع متجدد

امون


احمدي ربج


انا امنيتي بالحياه زوجي يقعد بيته

كله طالع
كله بالشويخ يجيب شغلات
واذا بيريح ديوانيه

وانا اااااااااااااخر شي حق الساعه 2 ونص 3 اهو بالبيت باليل فهمتي,,,

فحمدي ربج عليه

لا ويبي عشا وانا مو مقصره لا من عشيات نادرا اطلب مطاعم لاني بشهاده الكل اكلي حيل حلو وكل الانواع اطبخله اكلات قديمه شعبيه حديثه فيونكان بالصاج اكلات ايطاليه صينيه وربي وربي كل شي سويته مافي اكله بالعالم ولا حلا ما سويته ولا مر علي,,,,,,,,,

مو مقصره

الاطياب اغلى طيب عندي واغلى واحسن مكياج عندي وماني حاسده نفسي حطاطه مكياج درجه اولى وهمن بشهاده الكل,,,,,لدرجه في بنات اعرفهم اذوني اشاركهم بصالوناتهم عشان هالمكياج



باختصار

لامن طباخ
لامن جمال
لامن تكشخ
لامن توفير جو مناسب
لامن تعطر بالبيت وتنظيف24 ساعه

مو مخليه شي ياجماعه


انا يهقرني لي قالو الزوج مقصر لانه مرته مقصره يمكن مهمله يمكن وسخه ووووووووالخ


بالعكس حريم الكويت بالذات مافيهم عيبه

العيب برياجيل الكويت والغالبيه للاسف

 

[امون حبيبة زوجها]

رد: مشكله للمناقشه - موضوع متجدد

sunshine22 هلا حبيبتي

شفتي سبحان الله محد راضي بقسمته الحمدالله على كل حال

وحبيبتي بالنسبه لزوجج الله يهديه بس هم احسن من واجد ازوارج
والله لوتفكرين فيها على الاقل ازواجنا محترمينا ماعندهم خرابيط ولاخري مري ولاروحات وجيت فاضيه مالها داعي ولافراره ولابنات خلق الله بلاسواق ومغازل
الحمدالله والشكر

وزوجج تشغله الشويخ الصناعيه وديوانيه ولاغيره وصدقيييني الرجال داري انج سنعه

بس انتي عاد حني وزني حطي وقت محدد للدوانيه مايصير علمي انه هالشي يضايقج وانج تحتاجين تقعدين معاه سهرو على افلام على كوت بوسته اي شي بس المهم يستانس معاج
وعسى ربي يوفقكم يارب

 

[اميره الورد]

رد: مشكله للمناقشه - موضوع متجدد

افااااااااااا افااااااااا وانا اخر من يعلم مااااااشي ياا اموووووون انا اشوف تخشين على سوالفج هالايااام بس المهم

مدام هذي سوالفها معاج لاعاد تقولين لها شي سلمي عليها اذا شفتيها وقعدي معاها ولاتكلمين معاها الا بحدود ولا تفتحين مواضيع اذا اهي سالتج ردي على قد السؤال لانه مبين عليها حساااسه الله يخليها لعيالها واهم ماعليج خالتج ام زوجج وحمواتج واهي فتره وراح ترد بيتها وماراح تشوفينها الا فالمناسبات والله يعينج
وانتي شغلج بعدين مو اهني

 

[أوركيد الحب]

خواتى العزيزات بالنسبه لمشكلة اليوم المطروحه ترى اهى بسيطه حاولى تحطين حلول وتجربين واحد ورى الثانى مثل ( روحى انتى اشترى الأغراض واعتبريها روحه توسعة صدر لأنى اكتشفت من صديقاتى وانا مو منهم يحبون يروحون الجمعية يشترون أغراضهم ) وتذكرى حبيبتى انه وايد حريم عايشين مع رياييل مدمنين مخدرات وشرب خمر وعربده فقولى الحمد الله وصدقينى مافى احسن من الدعاء له بالهدايه وانه يكون عون وسند --------------------ودمتو ان شاء الله:eh_s(7):

 

[zhora73]

السلام عليكم انا اول مرة اشارك وأحب اقول للكل سوي خير وصبري وما يضيع عند الله وصدقوني راح اتشوفون جدام عينكم الخير بالدنيا واذا مو بالدنيا بالآخرة
حبايبي........زهورة:eh_s(17):

 

[أم فصولي]

انا مشكلتي غير وأرجو إني آخذ ردودكم الجميلة ،،
أنا زوجي بالكويت إنسان عملي جدا يعني بجيب لكم أغراض الجمعية وانتو قعدوا بالبيت وعنده الحياه أكل وملبس وبيت وبس لا طلعة لا ضحك لا نقاش يعني إنسن إذا قعدت ساكته طول اليووم عاااااااادي عندة وأنا تعلمت صراحه بعد 14 سنة زواج ،،
الحين شنو الجديد إنه أبي أسافر معاه بروحي وأهو ماعنده مانع بالعكس يرحب بالموضوع من أقوله بس لمن افكر بالجهال أقول حرام أروح وأخليهم ،، اشررررايكم الله يخليكم ردووووووووا بسرعة ،،،

 

[همسات ليالي]

ما عليه حبيبتي رووووووووحي واستانسي ووسعي صدرج وعيالج مو قاطتهم بالشارع اكيد عن اهلج او وحدهمن خواتج

وريال ما رحب بهالفكره الا لان مشتاقه ان ياحذ راحته معاج وتردووون شهر العسل

عاد تصدقين انا لي 11سنه متزوجه واذا الله كتب ودي اروح واسافر معاه برووووووووووحي

 

[رنين]

أم فصولي....بصراحه ..انتي خايفه عاليهال؟
و الا خايفه من الملل بالسفره ..و تحاتين ان تروحون و تردون بلا طعم للروحه لأنه على ما قلتي كله ساكت و عملي؟؟؟


عموما...اتوقع الريال غير بالسفر..خاصه اذا رايح بمزاجه انشالله يونسج و تستانسين...
و انتي بعد لا تأملين منه وايد لكن سوي الاشياء اللي تونسج بدون اي توقعات خياليه منه.....
بالنسبه لليهال اذا تقدرين تخلينهم و انتي مأمنه عليهم خليهم و توكلي على الله غيريلج يومين.
و قبل كل شي استخيري و الله يونسكم يا رب بالعافيه

 

[أم فصولي]

مشكورة يا اختي رنين ويا إختي همسات أنا فرحت بردكم لي ،،
وأنا ودي أسافر وأقعد يوم مقتنعة وبعدين أهون بس اشالله الله يسهلها ،،
ويعطيكم العافيه خواتي العزيزات ،،،

 

[goodmorning]

بنااااااااات
انا ابي افتح لكم قلبي واستشيركم لان بصراحه ما عندي احد اقوله....ابي رايكم ولا ابي راي الناس اللي انا عايشه معاهم...ولا اهلي بعد
انا توني متزوجه ما تميت سنه من تزوجت ما شفت منه ولا دينار ولا سفلر ولاشي ولا حتى هديه!!!!!! انا اعرف ان العروس عادة يعطيها الزوج هدية في صباحيتها..هذي عاداتنا وتقاليدنا بحكم اني بدويه...انا ماشفت شى وحز بنفسي وانا نوعي استحي وما أعلق...بعد العرس بأسبوعين سافر بحكم انه طالب في الخارج وتوه ما تخرج..وقبل العرس كان حسبالي انه مخلص دراسته ..وانا كنت موظفه من جم شهر...المهم سافر بدون لايعطيني مصرف وحطني عند اهلي ...انا استغربت بس هم سكت لانه يقول انه طالب وماعنده فلووس...وكانت يتردد على الديره بدون لا يجيبلي معاه هدية ..وانا وحده متعوده على الصوايغ صراحه عند اهلي...مره وصيته بجنطه سودا صغيرة وتعمدت هالمواصفات عشان ما يقول الطلب صعب او غالي..وهم ما جاب معاه شي!!!!
الحين تخرج ..بس كل شي انا اشتريه لنفسي ومره طلبت منه رصيد حق تلفوني قالي:معقوله معاشج مو مكفيج!!!وسكت ..اهو نوعه يجادل ويتكلم وايد
بصراحه انا بنيه واشوف البنات واغار حتى حريم خواني الله يهنيهم مو موظفات ومو ناقصهم شي...الحياه اخذ وعطى...وانا احس اني بس اعطي بدون مقابل ..وانا لو اقصر بشي ينتقدني...مره انباق تلفوني بمصلى السوق وكنت مع خواتي ولما قلتله ..عطاني جهاز اخته القديم المكسر استعملته لما شريت لنفس تلفون...مره واجهته وقلتله بعد سالفه صارت..في عرس وحده من اهله ما وداني الصالون وقطني عند اهلي اهما يودوني ويرجعوني لبيتهم عشان اروح مع امه...
المهم انا اللي ابي افهمه واكووون مرتاحه هل معنى اني موظفه ان انا اللي اصرف على نفسي من الالف الى الياء!!!!! اذا هذا الوضع طبيعي خلاص انا راضيه واذا اقدر اسوي شي لاتبخلون علي بنصايحكم

وشي ثاني بعد شلون على زيارة الاهل ...انا اللي اعرفهم يزورون اهلهم من مغرب الاربعا لي مغرب الجمعة ...انتم شرايكم ...طبعا انا زوجي له قوانينه الخاصة في هل موضوع!!!!!!!!!!!!!!!!!