تجمع أولياء أمور مدرسة التكامل(صباح السالم)للعام الدراسي2009-2010

[شانيل نمبر 5]

.........تصدقين انا ولدي كذا مره طاح بالمدرسه وبعدين اكتشفت ان الجوتي اكرمكم الله اهو السبب
بيبي بوب شوفه يمكن من الجوتي لانه انتي قلتي كذا مره يطحه......ياعمري اسمه الله بسم الله عليه

 

[باونتى]

وااااي اليوم المدرسة دقوا علي الصبح قالوالي ولدي قاعد يلعب وطاح على راسه واسمع صوته يبجي طار قلبي قمت اترايف وانا اكلمها عاد انا دوامي بالديرة ودقيت على ريلي اشوة كان توه طالع من البيت قلت له يمر يشوفه وخذاه من المدرسة وداه بيت امي بصراحة انبطت جبدي حيييييييييييييل مو اول مرة يطيح مرة على عينة مجروح وهالمرة راسه الله ستر
بس الصراحة مس جاكي ما قصرت دقت على ريلي اسالت عنه وبليل دقت ابلة العربي اسالت عنه يزاهم الله خير بس على السؤال ,,,,

حبيبى سلمانى ما يشوف شر وخطاكم السو

 

[شانيل نمبر 5]

مناره......
اليوم فريت الافينوز كلها مالقيت قميص احمر......
بس تقول بنتي يصير نلبس بنطرون احمر وقمبص او بلوزه بيضاء...
وشريت بنطرون احمر من زارا

والله العظيم انيا دور حق بينتج........وسامحيني مالقيت شئ

 

[Baby^Bop]

بيبي بوب....
حمدالله علي سلامه ولدج؟؟بس شلون طاحه اسمه الله عليه؟
شلون رأسه بس جرح او خياط بعيد الشر عنه يارب

الله يسلمج حبيبتي شانيل لاجرح بسيط الحمدلله

يزاج الله خير حبيبتي على السؤال

 

[manarah]

مناره......
اليوم فريت الافينوز كلها مالقيت قميص احمر......
بس تقول بنتي يصير نلبس بنطرون احمر وقمبص او بلوزه بيضاء...
وشريت بنطرون احمر من زارا

والله العظيم انيا دور حق بينتج........وسامحيني مالقيت شئ

شانيل نمبر 5 تسلمين يالغاليه ما قصرتي انا عندي اشياء ممكن تفي بالغرض بعد شسوي هم افتريت كذا مكان وما حصلت ,,, ما تشوفين شر انشالله وطمنينا على صحتج .

 

[Baby^Bop]

.........تصدقين انا ولدي كذا مره طاح بالمدرسه وبعدين اكتشفت ان الجوتي اكرمكم الله اهو السبب
بيبي بوب شوفه يمكن من الجوتي لانه انتي قلتي كذا مره يطحه......ياعمري اسمه الله بسم الله عليه

والله ماا دري من الجوتي والا من طريقة لعبة اسم الله عليه ... بغيره له وبشوف اخرتها مع هالنتفة

 

[Baby^Bop]

حبيبى سلمانى ما يشوف شر وخطاكم السو

خطاج اللاش بعد قلبي

 

[om-3bod&yoyo]

السلام عليكم
شلونكم شخباركم انشالله بخير
انه ولدي kg1 متى يعطلون

 

[Pissy Missy]

السلام عليكم

عندي جم استفسار لاني قاعده ادور حق ولدي مدرسة خاصه قريبه انا ساكنه بالشهداء واظن انه صباح اسالم راح تكون

اقرب شي مني..و حبيت ابدي رايي بشغله انا متخرجه من مدرسة البيان ثنائية اللغه وليما مرحلة رابعه متوسط كنت بالخليج الانجليزية

يعني جربت النظامين وبصراحه فرق السمه عن الارض

اول شي كان مستوي البيان وايد توب بالانجليزي وبالعربي

لما كنت بالنظام البريطاني وايد شغلات ما كنت اعرف معناها بالعربي لما كنت اقعد مع بنات خالتي الي يدرسون بالحكومه

وبعدين انا برايي انه النظام البريطاني صج انه في انضباط وصرامة اكثر بس مو حديث

لان مادة الاجتماعيات الي كنت بالبيان اخذها بالعربي

في الخليج كنا ناخذ عن الملكة اليزابيث وتاريخ بريطانيه والسوالف هذي...عفيه احنا شكو فيها!!!

يعدين بالنظام الامريكي يخلون الواحد يعتمد على نفسه اكثر وفيه نوع من الحرية واتخاذ القرار

مادري انا ارتحت من النظام الامريكي اكثر و لو بفكر ادخل عيالي ابي ادخلهم مدارس امريكيه

بس ليش ما ابي البيان لان فيها نوع من الدلع الزايد و هناك المظاهر وايد مهمة عندهم وانا مابي عيالي يكبرون بهل جو

ولا ابي اختلاط عشان جذي ابي اعرف شنو مستوى التكامل...شنو جناسي مدرسينهم و الاجتماعيات بأي لغة ياخذونه ؟

ومن متى لي متى دوامهم ؟ وعندهم انشطه (clubs ) عقب الدوام ؟ وشلون على مرحلة kg 2 والابتدائي ؟

 

[شانيل نمبر 5]

شانيل نمبر 5 تسلمين يالغاليه ما قصرتي انا عندي اشياء ممكن تفي بالغرض بعد شسوي هم افتريت كذا مكان وما حصلت ,,, ما تشوفين شر انشالله وطمنينا على صحتج .

تسلمين...انا الحمدالله زينه...والله يستر من البرد اليوم...زوجي يقول من قوه البرد اصابع اريول صارت زرق
ومشكوره علي السؤال....والله يسعد ايامج ان شاءالله

 

[ام _خلودي]

هااى بنات شلونكم

اليوم رحت مدرسه بنتى قالوا باجر راح يعطونهم شهادات

سالتها شلون اكون ناجح وسقوط جان تقول لااا بس اكو يهال قدراتهم ضعيفه

وبعدهم مو قادرين يندمجون مع غيرهم تقول هذيل مايطوفون نخليهم سنه ثانية بكى جى 1

وسالتهم عن اعاده القيد قالواا اخر شهر 2 عقب الاجازه وراح يطرشون اوراق مع اليهال

وبالنسبه ليدد اول مارس

 

[um 3li]

شلونكم بنات شخباركم

انا من زمان مو داشه لظروف الأمومه

ولدي صفه e راح يلبسون هنود الحمر من امريكا

الحمدلله حصلتله الملابس من عالم الألعاب الي بالسالمية يم محلات الوليد

بس طالبين توت بري وشكثر افترينا ما حصلنا حتى مركز سلطان ماكو

آخر شي شريتله من مركز سلطان عصير توت بري وبحط معاهم جلاسات بلاستيك وبطرشهم معاه

شرايكم ؟؟؟

هم العصير فكرة حلوة و يمكن يتشجعون اليهال يشربون اكثر من اكل التوت ؟؟؟؟؟

 

[شانيل نمبر 5]

هااى بنات شلونكم

اليوم رحت مدرسه بنتى قالوا باجر راح يعطونهم شهادات

سالتها شلون اكون ناجح وسقوط جان تقول لااا بس اكو يهال قدراتهم ضعيفه

وبعدهم مو قادرين يندمجون مع غيرهم تقول هذيل مايطوفون نخليهم سنه ثانية بكى جى 1

وسالتهم عن اعاده القيد قالواا اخر شهر 2 عقب الاجازه وراح يطرشون اوراق مع اليهال

وبالنسبه ليدد اول مارس

يعني بكره يبين اللي يروح كي جي 2 او يخلونه بكي جي 1؟؟؟؟؟
معقوله؟؟؟
بنتج عند اي مس؟؟

 

[كوكو لاتي]

هااى بنات شلونكم

اليوم رحت مدرسه بنتى قالوا باجر راح يعطونهم شهادات

سالتها شلون اكون ناجح وسقوط جان تقول لااا بس اكو يهال قدراتهم ضعيفه

وبعدهم مو قادرين يندمجون مع غيرهم تقول هذيل مايطوفون نخليهم سنه ثانية بكى جى 1

وسالتهم عن اعاده القيد قالواا اخر شهر 2 عقب الاجازه وراح يطرشون اوراق مع اليهال

وبالنسبه ليدد اول مارس

امبيه شنو يعني سنه ثانيه كيجي ون ؟؟؟؟؟ يعني يعيد السنه ومتى انشاله يروح كيجي 2 ؟؟؟ يعني تروح عليه سنه جنا ساقط وعايد السنه ؟؟؟؟؟؟؟؟؟؟؟؟؟؟؟ظ

فهموني؟؟؟؟؟؟؟؟؟؟؟؟؟؟؟؟؟؟؟

 

[manarah]

بنات .. اول ريبورت ما كانوا يحددون منه منو اللي اوكي ومنو اللي قدراته ضعيفه ومايروح كي جي 1 بس يمكن الحين ليش بدوا الدراسه متاخر عشان جذي من الحين يحددون .. ولدي لما كان بكي جي 2 هم سوولوهم اختبار وهم كان احرف وارقام وغيره بس اهم كتابه وقالوا اللي ما يعدي منه هم ما يروح قريد 1 وهذا الحجي كان شهر 1 على ما اذكر وفعلا في ناس ما اجتازوا الاختبار ومارضوا يقيدونهم وعطوهم فرصه لي شهر 3 اذا تحسن مستواهم يسجلونهم .. فاعتقد الحين بكي جي 1 نفس الطريقه .. والله يوفق اعيالي واعيالكم انشالله .

امهات قريد 1 .. تدرون اليوم الريبورت !! بطني يعورني من الحين والله يستر .

 

[manarah]

السلام عليكم

عندي جم استفسار لاني قاعده ادور حق ولدي مدرسة خاصه قريبه انا ساكنه بالشهداء واظن انه صباح اسالم راح تكون

اقرب شي مني..و حبيت ابدي رايي بشغله انا متخرجه من مدرسة البيان ثنائية اللغه وليما مرحلة رابعه متوسط كنت بالخليج الانجليزية

يعني جربت النظامين وبصراحه فرق السمه عن الارض

اول شي كان مستوي البيان وايد توب بالانجليزي وبالعربي

لما كنت بالنظام البريطاني وايد شغلات ما كنت اعرف معناها بالعربي لما كنت اقعد مع بنات خالتي الي يدرسون بالحكومه

وبعدين انا برايي انه النظام البريطاني صج انه في انضباط وصرامة اكثر بس مو حديث

لان مادة الاجتماعيات الي كنت بالبيان اخذها بالعربي

في الخليج كنا ناخذ عن الملكة اليزابيث وتاريخ بريطانيه والسوالف هذي...عفيه احنا شكو فيها!!!

يعدين بالنظام الامريكي يخلون الواحد يعتمد على نفسه اكثر وفيه نوع من الحرية واتخاذ القرار

مادري انا ارتحت من النظام الامريكي اكثر و لو بفكر ادخل عيالي ابي ادخلهم مدارس امريكيه

بس ليش ما ابي البيان لان فيها نوع من الدلع الزايد و هناك المظاهر وايد مهمة عندهم وانا مابي عيالي يكبرون بهل جو

ولا ابي اختلاط عشان جذي ابي اعرف شنو مستوى التكامل...شنو جناسي مدرسينهم و الاجتماعيات بأي لغة ياخذونه ؟

ومن متى لي متى دوامهم ؟ وعندهم انشطه (clubs ) عقب الدوام ؟ وشلون على مرحلة kg 2 والابتدائي ؟

دوامهم من 7 ونص لي 1 الا ربع هذا الكي جي .. المراحل الثانيه من 7 ونص لي 2 وثلث ... احنا اعيالنا توهم باول مراحلهم فتوصلنا اشتراكات حق انشطه يوم السبت مثل السباحه والكراتيه وكره القدم وغيره ... اذا بتعرفين اكثر عن المدرسه هذا سايتهم وفيه عن جناسي مدرسينهم : http://www.atakamul.edu.kw

 

[um 3li]

السلام عليكم حبايبي

كل عام وانتوا بخير يا بنات على نهاية الفصل

شلون كان international week مع عيالكم اليوم ؟؟؟

ولدي اليوم كان حده مستانس وكل صفه لابسين الهنود الحمر حتى مدرسته مس ايرما كان شكلها وااايد حلو يونس

وطاعوا حظ ولدي اليوم بعد المدرسة وديناه المستوصف لأنه طالعه بجسمه جم حبة ولا يطلع فيه عقنقز @@

عاد قلت الحمدلله على نهاية الفصل مو أيام الدوامات

اليوم وزعوا التقارير بس والله ما فهمت شي ؟؟ شنو الفرق بين X و I ؟؟؟؟؟؟؟؟؟؟؟؟

بس الملاحظات الي كاتبينها الأبلات انه زين بس وااااايد خجول ويستحي يتكلم ( بلاهم ما شافوه بالبيت وشطانته لووووووووول )

وطبعا وزعوا عليكم اوراق اعادة القيد من بعد العطلة لي شهر 3

وان دوام الروضة صار لي الساعة 1 هم من بعد العطلة

والأقوى الرسوم صارت الروضه ب 1415 @@

الله يوفق عيالنا ياااااااااااااااااااااااااارب

C u enshallah after the holiday

 

[كوكو لاتي]

انا ولدي ما عطوه الريبورت ليييش؟؟؟؟؟؟؟؟؟؟؟؟؟؟؟؟؟؟؟؟؟؟

وليش زايدين رسوم الكي جي شسالفه الملابس بفلوس والكتب بفلوس والرحلات بفلوس والاكل علينا عيل ليش ندفع 1300 لا وزايدين الرسوم بعد ؟؟؟؟؟؟

 

[Baby^Bop]

اي والله سالفة زيادة الرسوم حدها قووووية

وحتى انا ام علي ما فهمت شنو الفرق بين x و i

وسلامة علاوي ما يشوف شر واحسن ياتله الحين دام انه باجازة والله عاد خوش دوا بصديلية مشرف صاير سبراي لونة ازرق اخذيه وايد ريح اعيالي احسن من دوا المستوصف الابيض

وكل عام وانتوا واعيالكم بألف خير

 

[رفرف]

شلونكم امهات عقب الريبورتات ؟؟


ام علي ..
حاطين لج فوق ع اليمين بالورقة شنو معنى الاكس والشرطة ..
الاكس يعني تمام اوكي الشرطة يعني يحتاج متابعة اكثر او بهالمعنى ..
ومايشوف شر علاوي

انا الحمدلله من الصبح اقولها اذا عندج سي او دي يااااااويلج عاد مخترعة سائلة المس تقولها عندي سي ولا دي ؟ المس تقولي حراام قاعدة تحاتي طول اليوم كل شوي تسألني !! بعد عمررري قبل لا اشوف الريبورت وابطله لميتها وقلت لها ماما تييبين سي ولا دي ولا حتى اف ما يهمني انتي بنتي وانا احبج بس ابيج تصيرين احسن وحدة وتدرسين وتصيرين شطورة خل تروح الخرعة منها ..

اللي عيالهم لابسين هنود حمر واااي ايننون اسمالله عليهم وفي بنوتات لابسين بوكاهنتس زووووغة ..
انا لبست بنتي بدلة نفس الالوان تقول كل التيجرز عجبتهم الحمدلله واااايد مستانسة ..
بس مطلعينهم اليوم امبجر وانا مادري !! رحت مثل كل يوم الا ماكو سيايير والصف فيه 4 كسرت خاطري تقولي اليوم وااااايد تأخرتي كلهم راحو ..