افكار حلوه و مميزه لطلعة البررررررررر

[حبيبة ملوكي]

صباااحكم ورد وفل ياحلووووووووووووين حبايبي انا لي سنه من تزوجت يعني عروسه للحين وحمولتي طالعين للبر ابيكم تساعدوني بترتيب غرفتي اقصد خيمتي ماعندي اي فكره ابيها مرتبه ومميزه وتفتح النفس من كل النواحي بلللللللللللللللللللللللللللللللللللللللللللللليز ساعدوني طول عمري ويا اهلي وموشايله اي هم مع ماما حبيبتي تراني شاده حيلي فيني نشاط زااااااااااااايد خخخخخخخخخخخ_03ba:

 

[ورود خذلتها العاصفه]

من اي ناحيه الترتيب يبيلج غراض من محلات الي يبيعون غراض البر
مثل شي تحطين فوقه فرش النوم
قعده مخاد
وفي شغله انا مسويتها هالسنه رحت لمركز سلطان وشلت منه البطانيات الخفاف اللي يجون الوان واشكال انا اخذت التايقر وحاوط الخيمه من الداخل بهالبطانيات يعني لبست الخيمه كتغييير لون
ولازم يكون عندج جوله ام ثلاث عيون للكبتشبنو وحليب بالزنجبيل والجاي والقهوه
ومادري شتبين بالضبط انتي قوليلي وانا اعلمج

خبيره بسوالف التخيييم

 

[حبيبة ملوكي]

تسلمين لي كرستاله هاذي الناس السنعه حبوبه من كل النواحي ترتيب الملابس والسرير وابي اسوي قعده ع الارض وترتيب اغراضي المكياج وكل شي اعوذ بالله شنو اقرقه انا تحمليني حبيييييييييييبتي

 

[حبيبة ملوكي]

شدعوووووووووووووووووووووه بنات خلوها فللللللللللللللللللللللله نستفيد ونفييييييييييد شعللوها بالدوووووود والله حدي متوهقه الحموله طلعت امس وانا بعد يومين بلللللليز

 

[رهشRAHASH]

حبيبتى آنا رحت مع رفيجتى من فتره لمجمع بيروت وشرت طاوله ومفرش أوف وايت وفيه شويه تطريز عنابى وحطته بزاويه الخيمه وحطت عليه المعمول والمشعل وعلبه كلينكس حلوه ^كانت تبى نفس المفرش بس ماحصلنا^المهم شرت بعد مواعيين كشخه للحلو ومطاطير للشاى والقهوه مع ان عندها وايد بالبيت بس تقول لزوووم التنافس بالبر تبى شى يديد وبما ان حبيبتى ماعندها عيال عسالله يرزقها شرت من سوق بو100 هدايا أعتقد بتكفيها لمده سنتين بس عشان اتيمع اليهال وتسوى مسابقات

 

[ام الحاالة]

حشاااا وين رايحة مفارش وتلبيس الخيمة ومدري شنوو...حلاة البر ببساطته وتراثه.. رايحين تستانسون خلو الطلعة
طبيعية بسيطة. مافيها تكلف....تقولين غيرج يسوي خليج مميزة ولا تسوين..
الحياة حلوة بس نفهمها

 

[حبيبة ملوكي]

مشكوره حبيبتي رهش ع الرد حلوه فكرت الطاوله بالزاويه وتحطين عليها البساكيت وغيره ثانكيوا وييييين الناااااااااااس يمه منكم اذا كنتم مومشتهين الموضوع بس قاعدين تتطلطلون حلاس حلاس اثلن انا دعلت

 

[وسامي]

حبيبتي فى وحدة تبيع طاولة ارضية لصواني القهوة والشاي وتحطين عليها الحلو او البقصم او البساكيت حيل حلوة للترتيب وتلم القعدة وخليها فنتق لخيمتج تنفردين بهالفكرة اذا بغيتيها طرشي لي على الخاص اطرش لج صورة طاولتنا ورقم تليفون المرة اللي تبيعهم لا تطوفج والله مو خسارة فيها

 

[ام ناييف]

اهم شي نلبيس الخيمه يعطي منظر ويدفي بالليل
الخيمة اخذي اللي فيها قاطع تحطين اغراضك وتبدلين فيه استر وتظل الخيمه فاضية
ممكن تحطين قعدة ارضية
(بالليل تحطينها بالقاطع والصبح تحطين الفرش بالقاطع وتطلعين المساند

حطي طاولة صغيره على الزاوية للعطورات
ودوة صغيرة للشاي ةالحليب

احنا قعدتنا كلنا في الخيمة الرئيسية
لان خيامنا ننوم الصغار ونسهر احنا مع بعض بالخيمة الرئيسية
وخيامنا تكون خاصة لنا وللنوم
ومرات نجتمع فيها اذا جاء رجاجيل يسلمون على الوالدة الله يخليها لنا
وتلقين كل وحده جابت من زهابها واجتمعنا باي خيمة

 

[ام الدرر]

حبوبه روحي سيتي سنتر في كبت نايلون بابين فوق بعض طوله متر ونص تقريبا خفيف
بس يشيل وايد هذا خليه حق الملابس الداخلية والقطع الصغيره الثانية مثل الاندروير والحجابات والامطات وغيره وتقدرين تحطين فيه عطورات وكريمات لانه الارفف الداخليه تتحرك .
واشتري ستاند ملابس ستيل اوحديد تلقينه ورا سنتر بوينت بالشويخ حق الدراريع والتريننقات ودشاديش زوجج يعني لكم اثنينكم
وعندهم تحصلين سراير تتصفط اخذي اثنين من النوع الزين والقوي هو سرير بالليل وبالنهار حطي عليه من القطع الثرو ومساند ظهر ويصير قنفه او تقدرين تحطين كراسي بلاستيك وفوقهم كوشيات وعلى فكرة في طاولات بلاستيك تتصفط احجام تقدرين تغطينها بصماطات الوان تحصلينهم بالجمعيات غطيهم بابيض سادة وعقب اخذي الالوان قصيهم وحطيهم باشكال مايلة او معينات حق شغلات العصاري واغراضكم الباقية.
هذا اللي ببالي وياقلبي لو تروحين الاسواق الحين مثل سيتي سنتر ولا المعلم او بيروت سيتي بمجمع بيروت بتشوفين اشياء تعطيج افكار اكثر​

 

[رضاهم جنه]

ام الدرر كفت ووفت

اما انا خيميتي شريت زل من سوق الجمعه والسرير حديد رخاص هناك حيل وشريت الكبت البلاستك 3 جرارات حق الاغراض ورحت لابو ميه وشريت المرايه الكبيره وعلقتها بخيمتي >>> فقر مرايا , وشريت جوله الي عين وحده الي تنعبى بغاز صغير حق الحلات المستعجله او اذا احد جاني لخيمتي , ولاتسين سطل زباله تحطينه عند باب خيمتج وتحطين فيه تراب قبل لاتحطين الكيس علشان يثبت وما يطير من الهواء

الحمام تكرمين فيه ممر مع الحمام ينباعاشبكيه بخيمتج خاص لج احسن وحطي فيه ترمس ماي كبير علشان تسخنين الماي وتحطينه فيه ما يبرد وسله صغيرونه لفراشتج والصابون والديتول

يا حلو البر بدون جهال لان ما يوصخون خيمتج

والله الله بالسنع عند الحموله يعني فترة العصاري طلعي من خيمتج مكسرات ومعمول التمر وحطيه بصحن ذرب

وفترة السهر سخني لج حليب مع الزنجبيل مع ملحقاته ترى يستانسون على هالسوالف

 

[البرنسيسه77]

صراحه انا ما احب البر ولا عمرى طلعت لان عندى مزرعه وبيت وشغل عدل لكن صراحه افكاركم تجنن وتونس وغريبه حببتونى بالبر صراحه امنيتى ان يعطونى خيمه ويقولولى اثثيها بشوف اشلون بسويها (صج متفرغه هههههههه)

 

[spain-kw]

أب أب

 

[MZajEyA]

موووضوووعج روووعة و استفدت منه وااايد

 

[وسامي]

هذي الطاوله اللي قلت لكم عنها من قبل ..

هذي صورها ..

هذا الحجم الصغير قياس 90×60 والكبيره قياسها 90×80

الصغيرة بـ 15 دينار والكبيرة بـ 20 دينار

حتى وقت العشا تقدرين تحطين فيها المشروبات والصحون والقفاش يطلع شكلها مرتب ...

اللي تبي الرقم تراسلني ع الخاص ..

 

[الشامريه]

ماشالله البنات ماقصروااا

بس انا بضيف في ابجورات تشتغل بالبطاريه حلووه تعطي منظر بالخيمه

 

[هاي لايت]

مشكورة ياوسامي أبي رقم المرة وأسعارها

 

[**ليمونه**]

الاخت الوسامي ....هل المره عندها طاولة مدورة ....لاني أخاف من الزايا على الجهال لايطحون ......
راعية البر
كان ودي أفيدج بس أنا موراعية بر .....لكن حاولي تهتميين بالخيمة يوميا وتسوين لهم ...حليب بالزنجبيل ....وشاي زنجبيل بالليل ....وإذا تعرفيين سوي خبز على الصاج ....رهيب ....أو جمري ((مفروكة )) على التاوة أو بالجدر ....حق فطور زوجج ....وأشتري حب أو فستق ....وصحون بلاستيك كثيرة عشان إذا تجمعتوا يا الحريم توزعيين عليهم ...أذكر رحت مره ووحده وزعت علينا حب مخلط .....ووحده كانت جايبه توست وحشته للجهال ..وبالعشا ...ساعدي حمولتج ....حت لو تسوين سلطات .....ترى مو أهم شيء ترتيب الخيمة ...أهم شيء يكون لج وجود ...وخلي عندج (((كريم ميبو للحروق ولزقات وتريك ومقص وووووالخ)))

 

[مروقه على الكوفي]

انامااعندي خبره اصلا مااروح البر ولااخرج كثير(مسكينه احزن لووووووول)
بس البنات مايقصرون ان شاءالله

 

[& مــشــايــخ &]

أمممم

خذي لج صندق حديد وحطي فيه اغراض خاصه فيج صحون بلاستيك اكواب بلاستيك

واكياس كابتشينو وناسكافيه عشان لاجاج احد تسوي له ويستانس وحتى حقج انتي وزوجج

واخذي لج عزبه (العزبه يكون فيها جوله واغراض حق قهوه وجاي ومواعين بس حلوه ملمومه )

حطيها عندج بالخيمه

وشنو بعد أممممم اي اخذي علاقات انا ماخذتها من طيور الجنه تعلقينها بالخيمه من داخل بحبال الرواق مال الخيمه وتعلقين عباباتج وملافعج

وشنو بعد امممم هم من طيور الجنه في السلال الخام هم تتعلق تقدرين تعلقينها بزاوية الخيمه وتقدرين تحطين فيها اغراضج اي اي اخذي لج

سليب باق مال بر احسن ماتشيلين بطانيات ولويه لانه اهوا بروحه يدفي