بأي عمر تتمنين تتزوجين؟وليش؟؟؟

[$$ صعبة الوصوف $$]

انا حابه اطرح موضوع :بأي عمر تتمنين تتزوجين وليش؟

بعـد الـ 20


تفضلين تتزوجين وانتي للحينج تدرسين وماخلصتي دراسه ولا؟

لا . . الا في حال اني خريجـه

وشنو تتمنين يكون زوج مستقبل من ناحية الشهادة والوظيفه والشكل والعايله؟

الشهاده عاليه عشان يتحمل المصاريف ومثقف ومتفهم والشكل مقبول ماني طماعه من نفس القبيله والعايله محترمه ومعروفه

متى تحسين انج تتسرعين بلزواج ومتى تحسين انه اختيارج صحيح؟

ماتزوجت عشان ارد على السؤال

هل تؤمنين بأستقلاليتك ولاتربطينها في زوجك؟يعني تخافين تكونين مقيده؟

الحياة الزوجيه شرآكه

جم طفل تبين؟ ولا ماعندج عدد معين يعني عادي لو تيبين اكثر من 5؟

مافكرت بهالشي للحين

واذ زوجك طلب اكثر من عدد الي تبينه توافقين؟حتى لو انتوا ماتقدرون على مصاريف اكثر من 3 اطفال؟؟؟

أجيب وآحد زيـآده

متى يكون زواج نعمه ونقمه؟

نعمه اذا فيه احترام وثقه وتعاون
نقمه عكس اللي قلتهم

هل لديكي مخاوف من زواج؟ماهي شاركينا؟

مرآت اي . الخوف من الحياة الجديده وتحمل المسؤليه وطبيعة الشخص اللي بيشاركج .

برايج متى البنت ماتزوج؟وشنو تنصحين البنات؟؟

اذا قصدج بالعمر بعد الـ 20
وانها تكون قادره على تحمل مسؤليه اشخاص غيرها
ماتزوجت عشان أنصح

برايج تفضلين البنت ماتزوج وتأخر عن زواج على انه تتزوج شخص اللي يناسبها



مشكوره على الموضوع

 

[tolay]

بأي عمر تتمنين تتزوجين وليش؟

21 22 احسه عمر مناسب للزواج ... لا ياهل ولا كبيره



تفضلين تتزوجين وانتي للحينج تدرسين وماخلصتي دراسه ولا؟

وانا اخلص طبعا ... بنت وغصب ادرس هههههههه



وشنو تتمنين يكون زوج مستقبل من ناحية الشهادة والوظيفه والشكل والعايله؟

حلو الوحده تاخذ احلى المواصفات بس الشهادة والوظيفه ماتكون عائق للرفض ... اهم شي يكون راتبه زين ويكفينا
وشكله اهم شي اتقبله وارتاحله
والعايله اهم شي نفس مذهبي





متى تحسين انج تتسرعين بلزواج ومتى تحسين انه اختيارج صحيح؟

اذا تزوجت وانا موموافقه تماما هنيه اكيد تسرعت
اختياري صحيح اذا تزوجت عن قناعه تامه





هل تؤمنين بأستقلاليتك ولاتربطينها في زوجك؟يعني تخافين تكونين مقيده؟

في امور لازم استقلاليه وفي امور لاا لازم اربطها بالزوج





جم طفل تبين؟ ولا ماعندج عدد معين يعني عادي لو تيبين اكثر من 5؟

ودي 3 او 4



واذ زوجك طلب اكثر من عدد الي تبينه توافقين؟حتى لو انتوا ماتقدرون على مصاريف اكثر من 3 اطفال؟؟؟

احاول اقنعه انه مانييب وايد وطاقتي ماتتحمل وايد يهال



متى يكون زواج نعمه ونقمه؟

الزواج نعمه اذا تزوجت شخص خلوق محترم يحبني واحبه ومعيشني بسعاده
نقمه اذا تزوجت بواحد مايخاف الله ولايخاف علي



هل لديكي مخاوف من زواج؟ماهي شاركينا؟

واااااااااااااااااااايد ..... مادري وايد امور :/ اخاف من الحياة اليديده اخاف من الزوج اذا يطلع زين ولاموزين اخاف من اهله اخاف من الزواج بكبره




برايج متى البنت ماتزوج؟وشنو تنصحين البنات؟؟

مافهمت هالسؤال :/



برايج تفضلين البنت ماتزوج وتأخر عن زواج على انه تتزوج شخص...................(اكملي الفراغ وقولي )

ايي طبعاااا ماتتزوج احسن من تتزوج ........

 

[ЄŊg.Đσ`3Ч]

الآسئله وآآيد يبيلهم قعده ووراي امتحآن
ارد عليج بوقت ثآني بس بقولج متى حآبه
اتزوج لمآ اتخرج ويكون عمري 21 << اشلون لانه انا داخله المدرسه امبجر ..
وبسس

 

["اسطورة العشق"]

احسن عمر للزواج 25 .. عشان اعيش حياتي عرض و طول ( و اكون دلوعه ماما وبابا الي يشيلون كل الحمل عني اشبع دلع يعني ) و انهي مرحلة الشطانه و الشقاوه و اكون جاهزه لمرحله الالتزام و المسؤوليه ..


مستحيل اتزوج و انا ادرس .. احب كل مرحله تكون متكامله بذاتها ماحب اخلط الامور .. مرحله الدراسه وايد حلوووه ابي اعيشها كاااااااامله و استانس فيها اما الزواج مرحله لاحقه لتخرج و حلوو اكون متفرغه تماما حق المرحله اليديده يعني لا امتحانات و لا هموم .. اكون متفرغه حق حياه يديده كل شي فيها مختلف .. يعني خلي الامور تاخذ مجراها الطبيعي ماله داعي استعيل

ابي اتزوج شخص يكون رجـــل في زمن الذكور .. اذا كان رجل كل الامور الي بعدها سهالات ..
ما احب الاستقلاليه المطلقه .. احب يكون زوجي سند لي او شخص اعتمد عليه في اموري .. ما راح اعتبره يقيدني لان الوحده اذا تزوجت 25 تكون عاشت سنها عدل و استانست و طلعت و تمكيجت و كل شي سوت و بهالعمر يكون التفكير نضج و النظره للامور اختلفت عن قبل و تقديم تنازلات امر لازم في الزواج ..

ابي اربع اطفال .. ما اتوقع راح يفرض علي اكثر لان العدد منطقي و الرياييل الحين مو نفس قبل مالهم خلق مسؤوليه ..

عندي مخاوف .. عندي مخاوف .. امممممم
لا ما عندي لان اكيد بختار الشخص المناسب او الي انسجم معاه و لاني مقتنعه ان الزواج مو وناسه و ادري ان مسؤوليه و ادري انه زياده هموم فاكيد اكون مهيأه روحي عن حياه عكس حياة الطيش و اللا مبالاه الي اعيشها عند اهلي
بس هم خايفه افقد راحه البال و دلع امي و ابوي و حياه بلا مسؤوليات و لا هموم .. يعني اكيد بفقد حياتي الحلوه الي عايشتها عرض و طول و بدون محاتاه و لا مشاكل ..

 

[ba6a 7elwa]

بأي عمر تتمنين تتزوجين وليش؟

انا الحين 23 و اشوف 25 زين اكون قد المسئوليه اكثر<<<<يعني الحين مو قدها:eh_s(3):


تفضلين تتزوجين وانتي للحينج تدرسين وماخلصتي دراسه ولا؟

ما افضل الزواج وقت الدراسه!! (مخلصه دراسه)

وشنو تتمنين يكون زوج مستقبل من ناحية الشهادة والوظيفه والشكل والعايله؟

اكيد ابي نفس شهادتي أو اعلى(جامعيه) كيفه اهوا و وظيفته عادي اهم شي يقدر يعيشني,شكله مقبوول مابي وايد حلو و لو جيكر اكون سعيده و العايله هم عادي!!


متى تحسين انج تتسرعين بلزواج ومتى تحسين انه اختيارج صحيح؟

مادري

هل تؤمنين بأستقلاليتك ولاتربطينها في زوجك؟يعني تخافين تكونين مقيده؟

اي حدييي اؤمن بالاستقلاليه و اهوا لو يحبني يقدر شخصيتي و يخليني على راحتي ايي واايد اخاف اكون مقيده اصلا اكره الزواج بسبة هالسالفه
جم طفل تبين؟ ولا ماعندج عدد معين يعني عادي لو تيبين اكثر من 5؟

2 كافي و الحمدلله!!
مابي اكثر من 4

واذ زوجك طلب اكثر من عدد الي تبينه توافقين؟حتى لو انتوا ماتقدرون على مصاريف اكثر من 3 اطفال؟؟؟

كل يااهل ايي و اييب رزقه معاه و كل شي الله كاتبه

متى يكون زواج نعمه ونقمه؟

نعمه اذا متفاهمين!! نقمه اذا بخيل و عقله صغير

هل لديكي مخاوف من زواج؟ماهي شاركينا؟

اي والله فكرة اني اعيش مع انسان طول حياتي و اتحمل عيوبه يخوفني مو معناته ما فيني عيوب لأ بس اخاف تكون عيوبه ما اتحملها!!
اخاف يتحكم فيني و ما يحط اعتبار حق شخصيتي و يمشيني على كيفه<<<اقتله والله

برايج متى البنت ماتزوج؟وشنو تنصحين البنات؟؟

ما تتزوج اذا همها الاول و الخير دراستها و شغلها!!
مابي انصح احد كل وحده كيفها ! حياتها و اهيا تختار شلون بتعيشها :eh_s(17):



برايج تفضلين البنت ماتزوج وتأخر عن زواج على انه تتزوج شخص..ما يخاف الله...

 

[يمة يادلبي]

السلام عليكم بنات


انا حابه اطرح موضوع :بأي عمر تتمنين تتزوجين وليش؟

لما اتخرج من الجامعة يعني عالـ 23 او الـ 22​

تفضلين تتزوجين وانتي للحينج تدرسين وماخلصتي دراسه ولا؟

لا عقب الدراسة اول شي عشان يكون المعاش بإيدي وبلا مذلة هالرياييل وثاني شي لان زواج ومسئولية وبيت وعيااال ودراسة كلش ماينفع :eh_s(22):​

وشنو تتمنين يكون زوج مستقبل من ناحية الشهادة والوظيفه والشكل والعايله؟

الشهادة عادي جامعي او دبلوم بس مو اقل
والوظيفة هم مو مهم اهم شي حلال خخخخ والمعاش يوكل خبز
والشكل مو مهم لان الرياييل مخابر مو مناظر بس اتمنى لو يكون طويل عشان نعدل النسل والعايلة ابيها خوش عايلة وناس محترمة ومؤدبة ومو شرية تدرين بعد اعيالي بيشيلون اسمهم​

متى تحسين انج تتسرعين بلزواج ومتى تحسين انه اختيارج صحيح؟

أحس اني متسرعة إذا ماتوفقت باختياري والعكس صحيح​

هل تؤمنين بأستقلاليتك ولاتربطينها في زوجك؟يعني تخافين تكونين مقيده؟

لا اكيد ابي احس اني مستقلة ومابيه يحركني مثل مايبي لاني لي كيان وشخصية :eh_s(3):​

جم طفل تبين؟ ولا ماعندج عدد معين يعني عادي لو تيبين اكثر من 5؟

انا ابي ااثنينا بس​

واذ زوجك طلب اكثر من عدد الي تبينه توافقين؟حتى لو انتوا ماتقدرون على مصاريف اكثر من 3 اطفال؟؟؟

لا لان حضرته شراح يسوي بس بيصرف عليهم
وانا الي ببحمل وبطلق وبولد وبربي وبدرس يعني انا الي اختار العدد مو اهوا بس اتهمني موافقته​

متى يكون زواج نعمه ونقمه؟

نفس الجواب عالسؤال القبلي إذا كنت سعيدة بحياتي بيكون نعمة وإذا كنت تعيسة بيكون نقمة​

هل لديكي مخاوف من زواج؟ماهي شاركينا؟

امممم مخاوفي ان الريال الي آخذه يكون شين حلايا وجعص و.... استحي اقول :eh_s(3):​

برايج متى البنت ماتزوج؟وشنو تنصحين البنات؟؟

كل بنية اتحصلها فرصة زينة للزواج تتزوج لان الزواج ستر البنية واكيد لا كبرت محد بينفعها الا عيالها اللي بيشيلونها

وانصح البنات الي ما اتزوجوا ان مابيزعلون وتصير حياتهم كآبة بكآبة لان هذي نصيبج بالدنيا وحاولي اتطورين من نفسج واتهلين عمرج واتكثرين علاقاتج الاجتماعية عشان ماتحسين بالفراغ واتفكرين بموضوع الزواج
اهو اكيد بيطري على بالج جم مرة بس ماراح يكون مثل الهوس عندج​

برايج تفضلين البنت ماتزوج وتأخر عن زواج على انه تتزوج شخص...................(اكملي الفراغ وقولي )​

الريال الي مثل عصعص الجلب مافيه امل ان يتعدل​

وثانكس يا أمورة عالموضوع الحلو

 

[vogue grl]

مشكورين على تفاعل لاحظة اكثر بنات يفضلون يتزوجون واهما مخلصين دراسه

 

[كويتيه مذهله 87]

أحلى عمر 21

اكون مخلصه دراسه ومشتغله واسوق

 

[tolay]

مشكورين على تفاعل لاحظة اكثر بنات يفضلون يتزوجون واهما مخلصين دراسه

انتي بعد جاوبي على الاسئله

 

[vogue grl]

انتي بعد جاوبي على الاسئله

لوووووووول اوكي


انا حابه اطرح موضوع :بأي عمر تتمنين تتزوجين وليش؟


يمكن 30؟!:eh_s(3):
انا صراحه لو ابي اتزوج فايكون بلوقت الي احس اني مستعده للزواج اذ خلصت دراستي ورسيت على وظيفه زينه ويمكن مااتزوج مادري مااحس اني راح اتزوج لول


تفضلين تتزوجين وانتي للحينج تدرسين وماخلصتي دراسه ولا؟



لا ماافضل خاصه انا جدامي طرريج

وشنو تتمنين يكون زوج مستقبل من ناحية الشهادة والوظيفه والشكل والعايله؟

ابيه يكون جامعي انشالله اذ عدلت حالي مع دراسه ويبت معدل وصرت بلجامعه اتمنى يكون زوجي نفسي جامعي
الوظيفه عادي انه تكون وظيفته زينه والشكل يكون مقبول والعايله تكون خوش عايله محترمه


متى تحسين انج تتسرعين بلزواج ومتى تحسين انه اختيارج صحيح؟

التسرع لمن يتقدم لج خاطب وماتميلين له ولا تحسين بشي ولا انج تقبلتيه ويكون الي حولج يضغطون عليج عشان توافقين اهني لمن بنت بتوافق عليه تكون تسرعت ماتخلي تأثيرات خارجيه تأثر بقرارها خاصه انه اهيا الي بتعيش معاه"
ويكون الاختيار صح لمن تتقبله وتحس في اشياء مشتركه بينهم وفي وفاق"

هل تؤمنين بأستقلاليتك ولاتربطينها في زوجك؟يعني تخافين تكونين مقيده؟

لازم كل مره يكون لها وقت تقضيه بينها وبين نفسها وقت حقها اهيا ترتاح وتسوي شي الي تبيه يعني مايصير وقتها كله لزوجها وبيتها وعيالها وتنسى نفسها وتحاول جاهده انه تكون المراه المثاليه "...لكل شي وقت
وانا اؤمن بستقلالية المراه انه تفهم ريلها انه في وقت لها اهيا بس عشان تنفس عن نفسها.
اي اخاف اكون مقيده مااحب ريال الحرج والي يفرض ومايتقبل اي شي من زوجته .حلو يكون في تفاهم واخذ وعطى"


جم طفل تبين؟ ولا ماعندج عدد معين يعني عادي لو تيبين اكثر من 5؟

اتمنى ايب 2 واذ كلش كلش 3 وبسس ماكوا زياده مااحب العايله الكبيره

واذ زوجك طلب اكثر من عدد الي تبينه توافقين؟حتى لو انتوا ماتقدرون على مصاريف اكثر من 3 اطفال؟؟؟

ماراح اوافق !

متى يكون زواج نعمه ونقمه؟

يكون زواج نعمه اذ زواج نفسه فيه كل من الاحترام وتفاهم والاخذ والعطى و تحمل مسؤليه"
يكون نقمه اذ انعدم تفاهم وفرض القيود وسيطرة وعدم الاحترام وعدم تحمل مسؤاليه ويكون كل شي على المراه"


هل لديكي مخاوف من زواج؟ماهي شاركينا؟

اي اكيد دايم اخاف من انه اندم على زواج او يطلع الانسان الي اخترته عكس الي كنت اتمناه "

برايج متى البنت ماتزوج؟وشنو تنصحين البنات؟؟

اذ كانت ماتحس نفسها جاهزه ولاتخلي احد يؤثر فيها او تصير نفس بعض البنات الي يبون يتزوجون عشان فلانه تزوجت ولا عشان احر فلانه
زواج مولعبه زواج مسؤليه"

برايج تفضلين البنت ماتزوج وتأخر عن زواج على انه تتزوج شخص..يطلع عكس الي تبيه..(اكملي الفراغ وقولي )

 

[حلا طيبة]

انا بجاااااااااااااااااااااوب على جم سؤال مو كلهااااااااااااا

تمنيت اني تزوجت مبجر لكن قدر الله ماشاء فعل انا الحين على ابواب 26سنه وتوني مخطوووووووووووبه:jbdwjbd:

وابغاااااااااه يكون عنده شهااااااااااده وظيفه محترمه<<<<<<<<<<<<<العكس الصحيح اللي تقدملي إهي إهي إهي:nocommint:

اما مسألة الاولاد ياحبي لليهااااااااااااااااااااااااااااال انا انشاء الله بترس البيت كله يهااااال :fun:
وابي اجيب 12ولد و6 بنااااات <<<<<<<ما اتغشمررررررررر صدق :O_SHH_::eh_s(17):
يعني كل سنة بيب واحد ومراااات انشالله ربي يعطيني تؤام:27d66a9c24b146327bf

وبس:eh_s(17):

 

[خالة حبيبتها]

بأي عمر تتمنين تتزوجين وليش؟
18 ,, أحسه العمر المثالي بالنسبة لي للزواج ^_^

تفضلين تتزوجين وانتي للحينج تدرسين وماخلصتي دراسه ولا؟
على حسب النصيب ,, بس عادي عندي مع دراسة او بدونها

وشنو تتمنين يكون زوج مستقبل من ناحية الشهادة والوظيفه والشكل والعايله؟
الشهادة : يكون عالية ويكون اهوة مثق يعني يقرا كتب ويسمع محاضرات وجذي يعني
الوظيفة : ما تاخذ من وقته أكثر من 7 ساعات باليوم والله يرضى عن هالشغل
الشكل : حتى لو جيكر عادي المهم محترم وثقيل وخوش واحد ومثقف
العايلة : يكونون متدينين بس بنفس الوقت منفتحين عالدنيا ومتحضرين

متى تحسين انج تتسرعين بلزواج ومتى تحسين انه اختيارج صحيح؟
بعد شهرين من الزواج يمكن << مو مجربة ^_^!
أو اذا شفت موقف منه

هل تؤمنين بأستقلاليتك ولاتربطينها في زوجك؟يعني تخافين تكونين مقيده؟
أؤمن بنفسي وأكيد الاستقلالية راح تتغير بعد الزواج ,, وانا ما راح اوافق على واحد متعقد بالدين ,, راح اوافق على واحد حب الدين فالتزم فيه

جم طفل تبين؟ ولا ماعندج عدد معين يعني عادي لو تيبين اكثر من 5؟
3 او 4 بالكثير

واذ زوجك طلب اكثر من عدد الي تبينه توافقين؟حتى لو انتوا ماتقدرون على مصاريف اكثر من 3 اطفال؟؟؟
عادي بعد شسوي له :d

متى يكون زواج نعمه ونقمه؟
النعمه : لمن ريلي يثبت لي حبه ورجولته و تدينه وصدقه وغلى آخره من هالصفات
نقمة : لمن يثبت لي عكس الصقات هذي ^^^^

هل لديكي مخاوف من زواج؟ماهي شاركينا؟
اي , أن ما اعرف اربي عيالي عدل فيطلعون صايعين وعيال آخر زمن

برايج متى البنت ماتزوج؟وشنو تنصحين البنات؟؟
لمن ترفض الزواج لين توصل العشرينيات ,, بهالمرحلة صعبة الوحده تتزوج بسهولة
التزموا بالعفة والاخلاق وخلوا قدوتكم السيدة فاطمة الزهراء ع


برايج تفضلين البنت ماتزوج وتأخر عن زواج على انه تتزوج شخص...................(اكملي الفراغ وقولي )

كافر , أو سكير وزاني



مشكورة عالموضوع الروعه

 

[om reem 86]

انا تزوجت وعمري19 سنه

 

[كويتية اكيد]

بأي عمر تتمنين تتزوجين وليش؟
ودي اتزوج لما اكون بالجامعة يعني 19 او 20 هذول احلى سنين يعني اول سنة جامعة العب فيها ولي عجبني الوضع وحسيت للحين موقد المسؤولية اتزوج بسن 20 او 21 :icon30:
تفضلين تتزوجين وانتي للحينج تدرسين وماخلصتي دراسه ولا؟
شوفي الاحسن انج تشتغلين بس انا ودي اكون ادرس ماادري ليش لوول
وشنو تتمنين يكون زوج مستقبل من ناحية الشهادة والوظيفه والشكل والعايله؟
ابيه جامعي ووظيفته راتبها زين يعني يقدر يصرف علي والشكل لازم طويييييييل وابيه مملوح بس عاد موحيل حلو ولا جيكر بس فيه شي يجذب والعايلة اهم شي محترمة وسمعتها زينة :eh_s(15):

متى تحسين انج تتسرعين بلزواج ومتى تحسين انه اختيارج صحيح؟
ماادري لي تزوجت اقولج بس شوفي راح احس يمكن اني تسرعت لي حسيت اني توني ياهل يعني موياهل ياهل بس توني صغيرة على هالمسؤولية واحس اختياري صحيح لي ماحسيت اني ياهل لوول :eh_s(9):
هل تؤمنين بأستقلاليتك ولاتربطينها في زوجك؟يعني تخافين تكونين مقيده؟
شوفي انا ماعندي مانع اذا ريلي فرض علي قيود بس الشي لي زاد عن حده ينقلب ضده يعني قيود بالشكل المعقول

جم طفل تبين؟ ولا ماعندج عدد معين يعني عادي لو تيبين اكثر من 5؟
امم 3 او 4 لاموعادي فوق 5 ماادري يمكن انا قايلة ان شاء الله فوق 26 ماكو بجه لوول وبعد الزمن يخرع اللحين وين اقدر اجابل فوق 5 خليني على 3 او 4 احسن :ioljnmlk:
واذ زوجك طلب اكثر من عدد الي تبينه توافقين؟حتى لو انتوا ماتقدرون على مصاريف اكثر من 3 اطفال؟؟؟
:flower:افهمه الوضع واقوله الاسباب اللي خلتني ارفض لان الرياييل مايحسون بالتعب كثرنا اهم يتعبون ماديا اكثر بس احنا اللي نتعب من كل النواحي واذا ماوافق حده زيادة ياهل :ioljnmlk: << كريمة اسم الله علي لوول
متى يكون زواج نعمه ونقمه؟
الزواج نعمة اذا حسيتي بالامان والاستقرار والراحة :friends:ونقمة لي كان كله شك وهواش ومشاكل
هل لديكي مخاوف من زواج؟ماهي شاركينا؟
اممم موخايفة من الزواج خايفة من عريس الغفلة لووول يعني ابيه مثل اللي فبالي واهله ابيهم مثل اللي فبالي يعني ماابي اللي فبالي مايصير :sfg:

برايج متى البنت ماتزوج؟وشنو تنصحين البنات؟؟
ماتتزوج اذا شافت نفسها للحين موقادرة تنظم وقتها وحست انها للحين ماعقلت يعني همها اللعب موصوب الجد :eh_s(9):


برايج تفضلين البنت ماتزوج وتأخر عن زواج على انه تتزوج شخص..مسلم بس بالبطاقة المدنية.................(اكملي الفراغ وقولي )


وشكراااااااااااا على هالموضوع الحلو مثلج :s142:
:bye22:

 

[إحســاسـ أُنثـى]

انا تزوجت وعمري 18 ... والحين انا 23
تمنيت لو اني اتزوج بعمر 25 ... اكون ناضجة مخلصة دراستي ومشتغله
جان قضيت مراهقتي بالوناسه والطلعه والدراسه ... بس الحين انا صار لي 5 سنين بس ابي اكمل دراستي مو قادره سنه حامل
سنه وااالد سنه ارضه سنه مراااكض ورااا البيبي واحس انه مسؤووووليه حملتها نفسي قبل الآوان
جان الحين انا مخلصة دراستي ومشتغله ومارسه هواتيااتي التي لا تعد ولا تحصى
بس بسبة زوجي احس اني محاااصره من كل الجهات ما اقدر اشك خيط بابره الا لمن اقوووله وهذا اذا رضاا!!


نصيحتي حق البنات لا تستعيلون على المسؤووليه ( الزواج) وعفيه لا تسمووونه زووواج سمووو مسؤوووليه

 

[حنطاااويه]

الحين ممتاااااااااااااااز
خلصت دارسه
واشتغلت
وصارلي دهر بالموظيييييييفه
وصكيييييت ال 25
بس وييييييييييييييييينه
سعييييييد الحظ لووووووووول

 

[Sparkle]

انا حابه اطرح موضوع :بأي عمر تتمنين تتزوجين وليش؟

22-23

تفضلين تتزوجين وانتي للحينج تدرسين وماخلصتي دراسه ولا؟
لا بس اذا كنت اب اخر سنه أو قبل الأخير ما عندي مانع

وشنو تتمنين يكون زوج مستقبل من ناحية الشهادة والوظيفه والشكل والعايله؟

شهاده بكالوريوس
العايله أهم شىء متفتحين

متى تحسين انج تتسرعين بلزواج ومتى تحسين انه اختيارج صحيح؟

هههه الحين أنا اب مشكله يا ساتر ما أدري اوافق ولا لا :cxxxp: للحين أدرس

هل تؤمنين بأستقلاليتك ولاتربطينها في زوجك؟يعني تخافين تكونين مقيده؟
ما فهمت شنو يعني

جم طفل تبين؟ ولا ماعندج عدد معين يعني عادي لو تيبين اكثر من 5؟
ولا واحد ما أحبهم واذا غيرت رايي بعدين واحد بس ونسكر الموضوع

واذ زوجك طلب اكثر من عدد الي تبينه توافقين؟حتى لو انتوا ماتقدرون على مصاريف اكثر من 3 اطفال؟؟؟

لا ما يحبهم

متى يكون زواج نعمه ونقمه؟
أهم شىء يكونون متفاهمين

هل لديكي مخاوف من زواج؟ماهي شاركينا؟
ما يكون عندي وقت

برايج متى البنت ماتزوج؟وشنو تنصحين البنات؟؟

هممم فوق ال 20 وأنصح اذا أحد يبي يتزوج بوقت الدراسه خل يخلص ووراها ييب عيال أعرف بنات وايد وياي بالجامعه ما يشووفون عيالهم كله غاطينهم على الأهل وحده قالت لي قبل جم يوم بنتها الي عمرها جنه سنه توه تدري أن هذي أمها وأن أم البنت يدتها لوول

 

[bent_ayawed]

انا ماني عارفه ترتيب الاسئله لانه وايد او حدر بعض مشالله وماحبيت اطلع بدون لا ارد
بالنسبه لي انا مو متزوجه لاني ادرس ليلحين .. او افضل اتزوج لمه اخلص دراسه يعني ان شاءالله السنه هذي ولا اللي وراها ( قولو امييين عااد ) .. وكلها توافيق من الله سبحانه يعني حلو لمه الوحده تكون مخلصه دراستها او تالي اتزوج برايي يكون افضل علشان تقدر تنسق بين بيتها او دوامها ولا تعابل امتحانات او لويه ! او شي طبيعي دامي مقبله على حياة يديده اكيد راح اخاف او بقعد افكر مليون مره بالشخص اللي برتبط فيه وبعاشر اهله .. افضل انه يكون جامعي خايف ربه فيني يدل المسيد لول
وبالنسبه حق لعيال هذا رزق من الله بس افضل انه يكونون شويه مو وايد بس مايندرا
حبيت اشكرج على هالموضوع الحلو .. او انا ادعي ربي بهاليوم الفضيل يرزقني ويرزق كل عزابيه بالمنتدى وبره المنتدى بالازواج السنعين اللي يبردون الجبد ويعجل في نصييبنا جميعا اللهم اميين ..

 

[Bent extra 3asal]

بأي عمر تتمنين تتزوجين وليش؟
21او 22 عشان لمن ايب عيال اكون قريبه من عمره واتفاهم معاهم من جه ومن جه ثانيه انا اشوفه عمر مناسب للزواج

تفضلين تتزوجين وانتي للحينج تدرسين وماخلصتي دراسه ولا؟
انا عن نفسي اي افضل اتزوج وانا ادرس صج انه لويه وتعب

وشنو تتمنين يكون زوج مستقبل من ناحية الشهادة والوظيفه والشكل والعايله؟
شهاده جامعية نفسي انشاءلله والوظيفه نفسي يكون مهندس او له شغل بالعقارات نفس ابوي

متى تحسين انج تتسرعين بلزواج ومتى تحسين انه اختيارج صحيح؟

لمن اوافق على الزواج من ناحيه المبدء اي ريل وخلاص من ناحية الصفات المشترك الي بينه وانه نكوت متفاهمين اهني احس انه احتياري صحيح

هل تؤمنين بأستقلاليتك ولاتربطينها في زوجك؟يعني تخافين تكونين مقيده؟
اكيد كل وحدده متزوج مرتبطه مع ريلها ومارح تكون لها مطلق الحريه الا يكون نوع من القيود

جم طفل تبين؟ ولا ماعندج عدد معين يعني عادي لو تيبين اكثر من 5؟
يعني من 2 لي 3
لا مو عادي اني ايب اكثر رح اعترض

واذ زوجك طلب اكثر من عدد الي تبينه توافقين؟حتى لو انتوا ماتقدرون على مصاريف اكثر من 3 اطفال؟؟؟
اكييييد مارح اوافق

متى يكون زواج نعمه ونقمه؟
تكون نقه لما يكون الزوج مفتاهم ويحترم المرأه حتى لو كان على قد حاله لان الفلوس مو شي اساسي بالساعده ولا اهي الي تحدد اذا الزواج نعمه او نقمه

هل لديكي مخاوف من زواج؟ماهي شاركينا؟
اكييد هذا شي اكيد عندي خوف من الزواج لان للحين ما اعرف نصيبي وانشاءلله يكون صالح ودين

برايج متى البنت ماتزوج؟وشنو تنصحين البنات؟؟
تتزوج لمن تكون على اقتناع تام بالريال الي رح ترتبط فيه طول حياتهاا
نصيحتي حق كل ابنيه انه لا تختار الشخص على شنو عنده شنو ما عنده لان يمكن تكون سر الساعده بقلبه مو بفلوسه وعايلته

برايج تفضلين البنت ماتزوج وتأخر عن زواج على انه تتزوج شخص...................(اكملي الفراغ وقولي )
عن نفسي ما افضل بس كل شي له ضروف يمكن صج صادق والله اعلم

بالنهايه مشكووره حبيبتي على الموضوع الرائع ​

 

[Japanese]

همم اذا بافكر وباقرر وبيجي نصيبي عاللي ابيه

ابي اتزوج بعد ال 25

ابي اكون متخرجه ومب مشكله اسوي ماستر ودكتوراه وانا متزوجه

ابي ريلي يكون بعد خريج كولج مثلي، طموح، شكله مقبول! ويحبني لشخصي هذا اهم شي!

استقلاليتي اهم شي بالدنيا ،، انا وحده تربيت ع اني اكون مستقله بكل شي من بيت اهلي ف مستحيل ارضى بآني انربط بآحد وايد وايد

ابي 2 كدز بنت وصبي ومب على كيفه ريلي يطلب زود انا اللي بشلهم ببطني مب هو :/ < احس هالسالفه بتفق فيها مع الصبي

قبل الزواج

مخاوفي من الزواج .. واااي من كم يوم شفت مسلسل ام البنات لآول مره وصراحه صيحني وذبحني وعقدني من الزواج

مابي اتزوج واحد جذي =( باموت مابقدر اعيش معاه ابدا! احب الحريه والاستقلاليه والموده من الطرفين هاي شي اساسي

والاحتزام المتبادل والتقدير وتحمل المسؤوليه

بالنسبه للبنت متى برايي المفروض تتروج ،، صراحه اشوف ان الزواج قبل ال 23 ع اقل تقدير غلطه عمر

وسلامتكم