ملتقى عرايس 2010 شهر 3 مارس

[كبرياء انثى]

احساس شنووو خلصتي وشنو اللي ناقصج؟؟؟

 

[Toulin RTN]

مرحباا بنوتات شلونكم

اخيرا لقيت البدله البيضه,,احس هم وافتكيت منه,,

تخيلوا ماعندى ولا ربع دينار..وقمت اخذ مصروف من ابوى

والله عيب مهر وعروس وفلست بسرعه

والمشكله باجيلى بدلتين استقبال والمصوره والبرنامج والمسكه,,

مع اشياء خفيفه كثيييييير مثل كعوب القمصان واغراض بودى شوب والجمعيه وهالسوالف,,

اول ما اخذت المهر بدعت بالعطور والمكياج والداخليه ولما وصلت للاشياء المهمه فلست,,

والحين ادور قطيات وسلف..(

صج فشله لوووووول


ايه نسيت والدخله ماسويتها لوول

عليج بالعافية البدلة
والله يعينج على المصرف كلنا مرينا بنفس الحالة :friends:

 

[أحساس مجروحهـ]

هلا كبرياء

خلست تقريبا كل شي بس اللي ناقصني بس قمصان النوم ونفنوف حق ثاني يوم المسائيهـ .. والمسكهـ ,, والصالون ماحجزت ماسويت اي شي ,, ومصوره للحين ماحجزت ,,ودراريع ,,لاني ماالبس ابد بس قلت ابي افصل ع الاقل 2 كشخه و 2 للبيت احتياط
وناقصني كريم اساس لوجهي استعمال يومي ابيه خفيف ويفتح درجة ويهي لاني سمرا , حنطاويه يعني بس مو عارفه اي كريم يناسبني وبودرته ابيها تكون معاهـ

وجوتي ( اكرمكم الله) حق نفنوف العرس الابيض ماادري من وين اشتريه ؟

وفيهـ اشياء بعد كل شوي اتذكر شي ههههههـ

الله يعين ويتمم على خير ونخلص من هالعرس ودووختهـ

 

[Manarz]

هذي بضاعتي عباره عن شنط كلجات للسهرات والأعراس بس ضغطوا على هالرابط http://www.q8yat.net/showthread.php?t=559182 وراح تلقوني في المعارض علشان اتشوفونهم عالطبيعه انا اقول حياج الي قاعده اتجهز او الي عندها عرس:

معرض سفير الرقعي من 21-1 الى 25-1

معرض بيت ديفا من 23-1 الى 29-1

معرض سارا ستايل في جنوب السره من 28-1 الى 31-1

وفيه أشياء يديده من الكلجات والتراجي الحلق والحزم.........

 

[amoola~]

مساء الخير
شخباركم بنات؟

قريت هالدعاء (دعاء الحاجه) قلت أنقله لكم


أستغفر الله العظيم الذي لاله الاهو الحي القيوم وأتوب اليه,اللهم ياجامع الشتات ويامخرج النبات ويامحيي العضام الرفات ويامجيب الدعوات وياقاضي الحاجات ويامفرج الكربات وياسامع الاصوات من فوق سبع سموات ويافاتح خزائن الكرامات
ويامالك حوائج جميع المخلوقات ويامن ملأنوره السموات ويامن أحاط بكل شي علما واحصى كل شي عدداً وياعالماً بما مضى وماهو آت .اسألك اللهم بقدرتك على كل شي وباستغنائك عن جميع خلقك وبحمدك ومجدك يآ الاه كل شي واسألك اللهم ان تجود علي بقضاء حاجتي انك قادر على كل شي يارب العالمين ياعظيم يرجى لكل عظيم ياعليما انتا بحالنا عليم اللهم اصلح لنا شأننا بما اصلحت به شأن عبادك الصالحين ولا تكلنا لأنفسنا طرفة عين ولا اقل من ذلك
اللهم اقضي حاجتي ونفس كربتي ومانزل بي من حيرتي (ثم يسمي الحاجه) وصلى وسلم على سيدنا محمد صلى الله عليه وسلم وعلى آله وصحبه وسلم تسليماً كثير

يقرأ الدعاء ثلاث مرات



وهذي كيفية صلاة الحاجة
عن ‏‏عبد الله بن أبي أوفى الأسلمي ‏ ‏قال: خرج علينا رسول الله ‏ ‏صلى الله عليه وسلم ‏ ‏فقال: ‏

" ‏من كانت له حاجة إلى الله أو إلى أحد من خلقه فليتوضأ وليصل ركعتين ثم ليقل لا إله إلا الله الحليم الكريم سبحان الله رب العرش العظيم الحمد لله رب العالمين اللهم إني أسألك موجبات رحمتك وعزائم مغفرتك والغنيمة من كل ‏ ‏بر ‏ ‏والسلامة من كل إثم أسألك ألا تدع لي ذنبا إلا غفرته ولا هما إلا فرجته ولا حاجة هي لك رضا إلا قضيتها لي ثم يسأل الله من أمر الدنيا والآخرة ما شاء فإنه يقدر" [سنن ابن ماجه: 1374]‏

لا تنسونا من الدعاء

 

[Dr.Nouf]

موفقين يارب !

 

[Doodoo.star]

هااي

انا بعد وياكم صج حدي متأخره بس صدموني بالواقع من يومين قالولي عرسي 10\3
وماخلصت غير الذهب قبل امس شريته مع المكياج والعطور

حدي متوهقه ونفسيتي تعبانه وعندي امتحانات الفاينل الحين بنات قولولي شسوي :eh_s(2):

hf]
ابدي بالبدل لان على اساسهم بتلبقين الجناط والجواتي والاكسسوار والبدل تاكل من مزانيتج انا اقصد بالبدل بدل استقبال ودراريع استقبال

هااايات يالغلا
انا بخير
عادي نفس حالتي نفنوفي احسه ثقيل بغرفة الفياس ماتحرك فيه مادري شلون بمشي فيه الله يعنيا بس نسحب اثقال هههههههههههه
انتي شلونج؟
شنو باقيلج؟

عاد نفنوفي قصة سمكة وكل الثقل تحت وفوق هذا في بفتين من تحت على قصة سمكة ولما لبسته قعت اشوت جني بمبارة اختي تقول علامج تمشين جذي فيه اقولها قاعدة ادرب<<<داشة حرب

حبووووووووووبه ..انا استخدمت كريم تريتو سبوووووووت هههههه ادري مغامرة بس حيل نفعني ,,استخدمه اربع ايام واترك يوم لين تتقشر المنطقه..وعقب رطبيها ..بس ماحطيته بالعميق..من فوق ههههه حلو الوصف ..ههههه
الله يوفقنا

وخري عن هل الكريم دمرني معني كنت استعمله مثل الي مكتوب بالعلبة
في استعمله حق المنطقة الحساس يهبل لايقشر ولا شي ونفعني وايد تبين النتايج من 15 يوم سعره 14ونص شريته من صيدلية السلام بجنوب السرة صورتة وهذه صورته

انا بشقة بروحي و وايد احاتي الطباخ
بس اول شهر اكيد الغدا >> اهوا البلا
من اهله او اهلي
اما التنظيف والغسيل وهالسوالف سهالات انشالله

بنات بستشيركم
انا توني متخرجه ومتردده اتوظف ولا انطر؟
ريلي يقولي سوي الي يريحج حدي محتاره
لوماتوظفت بتوظف ع شهر 9 الياي :ch12:
يعني وقت طووويل


الجوهره حبيبتي الاوفر تلاقينهم بالمعارض ماعرف ارقامهم لاني ما اخذت كروتهم

قدمي من الحين على مايطلع اسمج انا للحين ماطلع اسمي شكلي مطولة

أخيــــــــــراااااااا رضــاااا عني المنتدى وعطاني وجه

والله بنات اشتقت لكم جدا جدا انتوا اشتقتولي؟؟؟؟؟<<<<ياويلها اللي ماتشتاقلي
شوووشووو صديقتي يالخاينه صايرة تنامين مبجر وتقومين مبجر حدج عكسي عشان جذي من زمان مو متواجهين
على فكرة الجنطه اللي انتي حاطه صورتها تقولين طالبتها من الامازون نفس جنطتي بالضبط حتى انا طالبتها من الامازون بس انا لونها عنابي والدوائر الذهبيه لونها فضي
وترى ماسمعج دخلتج بسمعها واعطيج رايي
والكريم اللي انتي حاطتها مال الاماكن الحساسه من وين خذيتيه؟؟؟؟

غلاوي شفيــــــــــج ياقلبي؟؟؟؟ الله يفرج همج ولا تضايقج المشاكل عديييها عدييييها واهتمي بنفسج وادعي ربج وبـــــس<<<والله ضاق خلقي يوم قريت كلامج
فنتاستك!!!!!!! أصحــي أصحــي شنوووو ليلحين ماسويتي بدل ترى عرسج اول عرس فينا يعني مابقالج الا شهر 2 وبس تحركي يالبارده روحي افتري لاتقعدين<<<<عصبتيني ليتني عندج
الزين بنت راكان انا مثلج تقريبا خلصت الحمدالله بس بقالي بدله الاستقبال وشويه اكسسوارات وشويه صنادل والدي جي والمصوره <<<<ههههههههههه شبقا بعد
واحس مافي وقت انا وخواتي مخامط عالسايق يكسرون خاطري احيانا أأجل روحاتي عشانهم توهم بدوا يجهزون حق عرسي ومشتطين
شهامه وينج؟؟؟ ليش مختفيه

حلاي غير حلوه عطوراتج انا انشاءالله عالاسبوع الجاي بروح اشتري عطوراتي الفرنسيه وباقي المكياج

اي شفت العنابية بس ماخذيتها لاني شارية وحدة لونها احمر غامج بين الاحمر والعنابي
ماخذه الكريم من صيدلية السلام بجنوب السرة
انا خاينة افا بس والله عشان بشرتي تحسن
دخلتي غيرتها وحدة من الاهل حطتها من اسبوع غثتني بس الحين بحط حسين الجسمي الورد الابيض

ماشاءالله في وجووه جديده بالملتقى اللهم زيد وبارك

اي صج بنات بقولكم عن بدلاتي الحمدالله كلهم طلعوا ومضبوطين وحلوين عجبوني بس احس اني تقعدت يوم شفتهم سيييده طرا علي الصنادل والجناط ياربي شكلي بنطر الخبر بشتريهم من هناك

وبدله الاستقبال بنااات بلييييز انقذوووني من وين آخذها؟؟؟؟ مليت فريت كل الاتيليهات والمشاغل مالقيت شي حلو

ساعه اول يوم ماني عارفه شاخذ ماعجبني شي ليلحين غلاوي رحت ادور المحل اللي قلتي عنه مالقيت الساعه وسألت عنها قالوا مافي؟؟؟؟؟


إيـــــه صــح بنـــات شي مــهم حيـــل لاتنسووووونــــه
((((((((كـــل وحـــده فيــــكم تحســـب قبـــل عرســـها بأربعيـــن يوووم تبـــدا تقرا ســورة البقـــرة كل يووم كــامـــله ضــروووري يــابنااات نصيــــحه وبعد القرايـــه صلي ركعتيــن وأدعــي فيــــها اللي تبــين ومعــروف اي دعــاء بعــد سووورة البقــرة مستجاب ومع قيــام الليـــل واستمري يوميا بالقرايه لين يوم العرس اقريها وصلي ونامي وانشاءالله ربي بيوفقنا ويستر علينا من كل شر ومن العين)))))))))

انا حسبت متى أقراها وحاطه عندي تذكير عشان ماأنسى انشاءالله ببدا فيها 9/2 احنا بندعي ونصلي وانشاءالله ربي مايرد دعائنا
قوللوووا آميــــــــــن

انا بعد ناوية اقرها لاني قبل هل المرة جربتها بشغلة وتمت هل الشغلة عقب ختمتها بثلاث ايام
عاد انا اخلصها 34 دقيقة بالضبط متعودة اقراها

حلاتي زين يعني مخي مو ضارب قريبه حسبتي من حسبتج اشوه فيني رجا
ان شاءالله بقراها ويمكن بع قبل هالتاريخ عأساس ليما تيني الدوره ماتخرب على ال40 يوم...
وخلاص قررت باكل حبوب ترفع الدوره بعرسي لاني يوم عرسي اول يوم دوره او ثاني كلش مو وقته ...

انا بعد باكله حبوب ارفع الدورة مالت شهر 2 واخليها تنزل اخر 3 ايام من شهر 2 ويومين من شهر ثلاثة وابلش برقرم العروس
لان الدورة جذي بتجيني عقب العرس 3 ايام
زلاحظة شغلة دورتي تجيني كل 28 وعشرين يوم من شهر 12 واهي تجيني كل 24 يوم شكل النفسي شتغلت معاااي اول مرة تصير بحياتي

الجوهره كل يوم ناطه شغلات مو شغله الله يعين
بنات لاتنسون معاليق الملابس غير بدل الاستقبال راح تكون بمعاليق وباجياس الملابس
بس هم راح تحتاجين معاليق ويمكن اهم مو حاطين

برب بروح ادورلي شي اكل ميته من الجوع تخيلوا انسى اكل وضعفااااااااااانه الله لايوريكم الخياطه تقولي اهلج مايوكلونج ...
عاد ابو الشباب متين بس مغطيه طوله ولاعلوووووووم

نفس الحالة صايرة انسى اكل اله اذا تجمعوا اهلي كليت وساعات انتف نتفة ومااشتهي اكل
لا انا ابو الشباب عاصة مخمة من الضعف الكل يقولي اشتريلها قواطي فيتامينات
بس ولا يهمك ناوية عليه على خطة تسمين عقب العرس

جاري تحميل الصور لعيونكم
ثواني وتكون جاهزه

اهم شي السجادة تجنن<<لووووووووووووووول

تجهيزج حلو الله يباركلج فيه
انا جذي رديت عليكم وحدة وحدة

 

[Doodoo.star]

كبرياء انثى هذه تجهيزج عدلته لج

 

[Doodoo.star]

بس ليش ماخذه دلاغات جذي ترى ماراح يكون شتى وليش دلاغاتج عليها رسومات يويلج من التطنز بوجهج ومن وره وجهج

 

[Doodoo.star]

بقولكم شسويت بهل اليومين رحت اشوف برنامج العروس ومكياجهم بالصالون الي قلتكم عنه بس للاسف لقيته مصكر اهو يصكر على الساعة 8 وانا رايحة الساعة 8 وربع
رحت حق دكتور عشان ينفخ خدودي يقولي يبيلج امبولة وحدة بكل خد واذا دكتور يقولج حطي 3 هذه نصاب
لان الماكسمو للامبولات 3 ولازم يحطهم على دفعات مو مرة وحدة يحطلج الامبولة
ترى انا مادفعت ولا فلس للاستشارة هذه رفيجت اختي كان عندها موعد عند دكتور بشرة جان اقط وجهي انا واختي ودخلنه معاها وقمنه نتسال بالاول لما شاف خشتي وانا مبتسمة قال مايبيلج خدود بس لما بطلت ملفعي وماابتسمت جان يقول لا الحين صج يبيلج شوية خدود
قالي الامبولة عندة 100 بعد الخصم يعني متين دينار
وبيحطهم لي على دفعات يقول لو احط بدفعات يكون احسن لج ارخص لج واضبط لج تطلع خدودج طبيعية م مبين مسوية شي
وقال احسن نوع احماض الفواكة بس اهي مو احماظ فواكة احنا نسميه جذي الي اهم عامة الناس قالي اسمها بالانجليزي
انا عندي اختي طالبة طب وحدة ثانية طالبة طب مساعد يقولولي خليه يحطلج من المادة هذه لانها احسن شي وطبيعية وطلعت نفس المادة الي بيحطها
الدكتور عليه ضغط موطبيعي
الدكتور يشتغل مركز الزهير اسمه مادري شنو الهامي
مصري بس شكلة لبناني

 

[Doodoo.star]

قصيت خام حق بدلتي وكلفة لها وقطيتها عند خياطتي خلاص ردت من السفر وماراح تسافر وعلا حظي قالت بطلعلج البدلة بيومين ماعندها زباين اثاريها طايحة بالحمام من شهر ونص وبطلت تخيط لانها كانت مريضة من الطيحة
وانشالله بروح البلوكات اقص خام نفنوف الحفلة الصباحية واقط عليها دام فاضية واطلع دراعتي وبالي موديل من خيلاتي يوم السبت بروح البلوكات الصبح وبقط شوزي عند واحد يلبس جواتي عشان يلبسة على بدلتي ويلبس جنطة صغيرة مالت سهرة على البدلة شرايكم
باقيلي بس 3 بدل استقبال الدراريع خلصت منهم
وباقي جواتي وجناط وعطور فرنسية وشوية مكياج واكسسوار وعبايات ماخط ولا وحدة والمسكة والمصورة والصالون واغراض الجمعية وجم مجموعة من بدي شوب
وبس شرايكم

 

[بيادر أمل]

حبوبه ..انا حطيت رابط كتب الطبخ..
هذا هو ...بس الي عليك اضغطي على الكتاب وحمليه ..اذا ماضبط وياك ..ارسليلي ايميلك ادزه لك..

.
.
وه بس مشكوووورة حبوبة ما قصرتي
عسى ربي يخليج بعيون رجلج ملاااك وما يشووف من الحريم الا انتي وبس لوووووول :eh_s(9):
.
.​

 

[حلاتي بحركاتي..]

شوشو اللي باقيلج تقريبا نفس اللي باقيلي
انا بعد ياقيلي بدله الاستقبال
وعطورات فرنسيه وشويه مكياج
ومجموعات من بودي شوب ومن بودي سنتر ومن زهور الريف ومن نكتار
وعبايات عندي ثلاثه وناويه على ثنتين
وبدل الاستقبال خلصتهم فكه وبقايلي دراريع ناعمه ناويه اسوي خمسه بس
وجناط لان الصنادل تقريبا خلصت امس طلبت خمسه من الامازون
وباقيلي المصوره والدي جي والصالون وبرنامج العروس
وباقيلي استريتر واغراض الجمعيه وبث

وصج كعب العرس جم نشتريه يعني جم سانتي اختي تقول 25 سانتي مو جنه مرتفع احس بطلع عملاقه لاني انا اصلا طويله

شوشو الدكتور وين صاير مكانه ومتى ناويه تنفخين
شكلي بنطرج لنفختي وطلعت النتيجه حلوه رحت نفخت عنده

 

[حلاتي بحركاتي..]

يالله انا اللحين بروح احجز المصوره وافتك عالاقل اشيل شي من هالقائمه اللي موترتني
بروح حق حنان شيك

 

[الغلا الكايد]

مرحبا

فصلت 3 بدل وبدلة عشاي عند أهلي

ودراريع البيت مابلشت فيهم ليلحين

وعسى الله يعيين ويسهل

والنفسيه مايحتاج أزفت من الزفت نفسه

 

[الزين بنت راكان]

وصج كعب العرس جم نشتريه يعني جم سانتي اختي تقول 25 سانتي مو جنه مرتفع احس بطلع عملاقه لاني انا اصلا طويله

هههههههههههههههههههههههههههه شدعوا 25 سم!!!!

انا شريت 12 سم اصلا 14 و16 تطلعين جنج عملاقه و اصلا ما تقدرين تمشين!!!

 

[حلوه بكيفي]

هاااااي بنااات شلووونكم
اليوووم نت معزووومه وكشت بالعزيمه عااااد ابو الشباب رااح يكون هناك فكنت ناويه اكشخ من قلب على بو انه لي شافني بالغلط يمووت في دباديبي ويفكر فيني اكثر ويشتاق لي< بنات مو تقوم وتطقها

بس للاسف كنت داااايخه حدي

بنات غرفتي عفسه شوي ومضايقتني برووح اعدلها واتسبح واصور لكم جم غرض من جهازي

 

[Doodoo.star]

بنات سعر الذهب اليوم 8.850

 

[شبه ـآلغزآل]

السلام عليكم



بنات بليز عندي اسأله و ياليت تجاوبون عليها ..}

جناط اللي تودون فيهم الجهاز من وين تاخذونهم ؟ ( ابي كشخه و سعرها زين )

و ابي صناديق كشخه و مقاسات طقم وي القاهم ؟



الله يتمم لكم على خير

موفقيييييين ان شاء الله

 

[حلوه بكيفي]

الله يبشرك بالخير يا شوشو وانشالله اكثر واكثر يا رب


شبه غزال الجناط والله ما ادري وين اذا عرفتي وين قوليلي تكفين

بس صناديق والله انا اخذت من سنتربوينت يهبلووون وفي تلاقين بالمكتبات بعد