تجمع موظفات وزارة المالية

[kuwaitya-frawla]

بنات انا تخصصي دبلوم قانون وحبيت اعرف شنو افضل الادارات عندكم؟؟؟؟؟؟؟؟و جم معاش الدبلوم؟وشنو مميزات الماليه عن باقي الوزارات؟؟؟؟؟؟؟؟؟؟وبارك الله فيها اللي بترد علي

 

[milkey way]

أتوقع بإدارة الشؤون القانونية والدبلوم يبتدي معاشهم من 680 دينار والبونص 1100 دينار ​

 

[كـ غلا ــلي]

حبي التقييم شي والبونص شي ثاني التقييم اللي خلصنا منه كان على أول شهر 1 كان من ديوان الخدمة المدنية ماله شغل بحسبة البونص لأنهم يمشون على الغياب والأذونات مايدخل هذا بهذا ، وبعدين في جهات اتخلي الموظف يشوف تقييمه بس عندنا مالكم أمل السريه عندهم اللهم ياكافي بكل شي

اي والله صاجه سريه وتكتم مو طبيعي الله يعينا عليهم

 

[كـ غلا ــلي]

الضريبة - الميزانية - نظم الشراء - التخزين - التوجيه والنظم - الرقابة المالية - المحاسبة ​

ميلكي في اداره اسمها الفريق تندلاج تحت اي وحده من هذول الادارات اهما الحين حاطينهم ببلوكين وقايلين لهم بودونهم

دار العوضي عرفتي هاذي الاداره ولا لا الشي الثاني ابي اطلع من مركز المعلومات الزفت بنقل اي اداره تناسبني

وشاكرتلج

 

[كـ غلا ــلي]

بنات البونص راح ينزل 9/4
التقاييم لازم تعرفونها
أنا ماشفته بس حسبي الله ونعم الوكيل فيه مراقبنا الله ياخذ حقي منه قالي تقييمي بس ماقال لي جم درجه حاطلي
الله ينصرني على وعلى كل من ظلمني

منو مراقبج لا يكون اهواا نفس مراقبي حسبي الله عليه ياني سامعه عنه سوالف وجور وظلم شي شي

 

[miss-kwt]

مســــــــــــــــاء المــــــــــــــــــــــالية

 

[tolay]

بناااااااات شلونكم؟

انا اتمنى اتوظف بالمالية بس صج يقولون التوظيف صعب ؟؟؟

ولازم واسطه ؟؟

وشلون الشغل متعب ولا لا ؟؟؟

وجم راتب الدبلوم اللي اول ماتتوظف ؟؟

 

[إنسانه بكل حالاتي]

مرحبااااااااا
بنات ادارة التوجيه والنظم فيها خلط ولا البنات بروح والشباب بروح ضروري ردو
كلي غلا وحنطاويه وميلكي فيدوني متوهقه حدي
وشنو طبيعة عمل مساعد منسق اداري
وشنو الادارات اللي يكون البنات بروحهم بلييييييييييز

 

[كـ غلا ــلي]

للاسف الحال من بعضه حتا انا ما اعرف عن اداره التوجيه شي ولا حتا اب اي بلوك انشاءالله البنات افيدونج

 

[حنطاااويه]

مرحبااااا
والله مااااااادري
كل الادارات البنات ابصووب والشباب ابصوووب مو امجابلين بعض ؟

 

[شقردية ذهبية]

موفقييين بنااات ..

خبر عااااااااااااااااااجل صج بيفتحووون باب التسجيل للماليه شهر 4؟؟ سمعت من وحده( منقووووووووول)

والله يوفقكم مره ثانيه!!

 

[bent_7awa]

السلام عليكم خواااتي

بغيت اسأل ؟

المالية تقبل خرجين كلية العلوم الاداارية والا جميع الكلياااات ؟

وشلون اتوظف فيها يعني عن طريق ديوان الخدمه والا اعلان وينزل بالجرااايد ؟

واللي معاهم البكالوريوس جم معاشاتهم صاافي بدون بونصات ؟

وجزاكم الله خير ؟

 

[milkey way]

ميلكي في اداره اسمها الفريق تندلاج تحت اي وحده من هذول الادارات اهما الحين حاطينهم ببلوكين وقايلين لهم بودونهم

دار العوضي عرفتي هاذي الاداره ولا لا الشي الثاني ابي اطلع من مركز المعلومات الزفت بنقل اي اداره تناسبني

وشاكرتلج

صباح الورد

اي ادارة هذي اسمها الفريق ؟ اول مره اسمع فيها وأنا خابرة اللي ودوهم دار العوضي ادارة الأوفست لأنها صارت مثل شركة وبعد احتمال ادارة التوجيه والنظم ينقلونهم دار العوضي ، لكن الفريق مافي وانا متأكدة سألي عنها عدل وتأكدي من اسمها .

وبالنسبة لمركز المعلومات صج الله يعينكم على اللوية لايكون بعد انتي من اللي يفترون ويصلحون الأجهزة ، عاد أنا ذابحتكم بالفاكسات والاتصالات عندكم واحد اسمه اتوقع يوسف اهو رئيس قسم كل ماصار شي دقيت عليه احس انه لاعت جبده مني واذا كنتي تبين تنتقلين لازم تكون ادارة تناسب تخصصج مع ان والله المسأله كلها واسطات.

وحده توظفت عندنا اهي جامعية ومافي شواغر واشتغلت بالسكرتارية تخيلي وتوها منتقله الى ادارة الضيافه يعني اول ما واسطتج .

 

[milkey way]

بناااااااات شلونكم؟

انا اتمنى اتوظف بالمالية بس صج يقولون التوظيف صعب ؟؟؟

ولازم واسطه ؟؟

وشلون الشغل متعب ولا لا ؟؟؟

وجم راتب الدبلوم اللي اول ماتتوظف ؟؟

اهلين انشالله اتوظفين بالماليه ليش لا حبيبتي وايد اتيينا طلبات توظيف وكلها عن طريق الديوان عادي انتي حطيها من ضمن رغباتج واذا في شاغر يقبلونج ، وطبعا اذا كان عندج واسطه بعد احسن واحسن .

بالنسبه للشغل اذا كنتي حابته والله يصير عادي بالنسبه لإدارتي لويه من الصبح ايام يكون الشغل صج متعب وما تقدرين تقعدين براحه خمس دقايق ومرات اتمنين الشغل ومافي شي .

اما بالنسبه لراتب الدبلوم 680 د.ك

 

[q8ia_cutaa]

الضريبة - الميزانية - نظم الشراء - التخزين - التوجيه والنظم - الرقابة المالية - المحاسبة ​

صباح الخير حبيبتي

بسالج بس شنو احسن ادارة من هذول

؟؟؟

 

[milkey way]

مرحبااااااااا
بنات ادارة التوجيه والنظم فيها خلط ولا البنات بروح والشباب بروح ضروري ردو
كلي غلا وحنطاويه وميلكي فيدوني متوهقه حدي
وشنو طبيعة عمل مساعد منسق اداري
وشنو الادارات اللي يكون البنات بروحهم بلييييييييييز

حبيبتي ليش ليش اتوهقين خلج طبيعية كل الادارات خلط مافي ادارات فيها بس بنات لكن تلاقينهم حاطين الشباب كلهم بصوب والبنات بصوب ثاني يعني مالج شغل فيهم ، هذا اللي اشوفه بغالبية الادارات يعني ماراح تقعدين في مكتب وجبالج واحد قاعد لا ما اتوقع جذي وبعدين ادارة التوجيه والنظم وايد اتمنون انهم ايتوظفون فيها والله خوش ادارة واتوقع ان مافيها شغل وايد وكل البنات اتمنون ايتوظفون فيها .

انتي خريجة دبلوم وانا اللي اشوفه بغالبية الادارات ان الدبلوم دايما يشتغلون بالسكرتارية الا بعض الادارات ، انتي توكلي على الله وروحي شوفي وحطي في بالج لو الادارة خلط دايما نسبه البنات اكثر من الشباب .

 

[milkey way]

للاسف الحال من بعضه حتا انا ما اعرف عن اداره التوجيه شي ولا حتا اب اي بلوك انشاءالله البنات افيدونج

ادارة التوجيه والنظم بلوك (4) اللي فيه مكتب الوزير ​

 

[milkey way]

موفقييين بنااات ..

خبر عااااااااااااااااااجل صج بيفتحووون باب التسجيل للماليه شهر 4؟؟ سمعت من وحده( منقووووووووول)

والله يوفقكم مره ثانيه!!

فتح باب التسجيل بشهر (4) بالديوان لكن مو في وزارة المالية لأنها مالها وقت محدد للتوظيف على حسب الديوان ما يرشح اهي تقبل .

 

[milkey way]

السلام عليكم خواااتي

بغيت اسأل ؟

المالية تقبل خرجين كلية العلوم الاداارية والا جميع الكلياااات ؟

وشلون اتوظف فيها يعني عن طريق ديوان الخدمه والا اعلان وينزل بالجرااايد ؟

واللي معاهم البكالوريوس جم معاشاتهم صاافي بدون بونصات ؟

وجزاكم الله خير ؟

وعليكم السلام الظاهر اليوم مافي غيري ابيه بعد لا تقولون عني ملقوفه ارد على كل الاستفسارات بس والله حبيت أساعد ، المالية تقبل جميع التخصصات وكل الكليات لأن كل ادارة لها طبيعة عمل معينة يعني سواء كنتي تمويل - تسويق - محاسبة - ادارة - احصاء - اداب يقبلون عادي ، والتوظيف عن طريق الديوان افضل وبالنسبة لمعاشات البكالوريوس اتوقع 980 في الإدارات العامة اللي ذكرتها من قبل واهي 7 ادارات وباجي الادارت يمكن يقل الراتب 100 دينار .

 

[milkey way]

صباح الخير حبيبتي

بسالج بس شنو احسن ادارة من هذول

؟؟؟

هالادارات كلها زينه ما احس ان في وحده احسن من الثانية معاشاتهم راهية وشغلهم صج كراف ووايد بس والله حلووو بس في تفاوت يعني مثلا انا التخزين ما اعجبتني وايد يمكن لأنه فيها وايد موظفين والميزانية لويه ووايد شغل .