كافي صدماات بحياتي... قصة كويتية واقعية لأميرة البجع

[أميرة البجع]

بنات حبايبي البارت طوييييييل حيل فقررت أقسمه الى أثنين
الحين بنزل بارت وبعد شوي البارت الأخير
لا تحاتوون اليوم راح تخلص القصة
****************

البارت التاسع والثلاثين

هاجر: آ..ن..ا ح..اامل.. آنا.. حاامل يا بدر
بدر (طالع بعيونها مو مصدق.. وفجأة شق حلجه من الفرحة): صج.. صج حبيبتي انتي حامل؟
هاجر: اي صج (طلعت ورقة التحليل تراويه)
بدر(ماشافها.. لم هاجر حيييل): الحمدلله.. الف الحمدلله يارب (باسها على راسها) مشكورة حبيبتي
هاجر (تبجي بس من الفرحة): حبيبي انت مستانس؟
بدر: أكييييييييييييييد.. هذا ولدي شلون ما تبيني أستانس؟ احبج والله العظيم أحبج.. سامحيني
هاجر: مسامحتك يا نظر عيني
بدر (عيونه دمعت وباس راسها وتم لامها مده)

يوم ولادة تهاني.. بالليل الساعة 2 ونص .. تهاني قعدت على عوااااااار ما ينطاق
تهاني (تهز جراح عالخفيف): جراح . جرااااح قوووم.. (تمسك بطنها) آآي..عمري قوووم
جراح: هممممممممممم
تهاني: جراح قوووم تعبانه
جراح (نايم مو مستوعب): تهاني خليني انام تعباااااااان.. موقادر افتح عيوني
تهاني: قوووووووووم جراح عوااااااار.. ماقدر ماقدر
جراح (فتح عيونه): شفيج؟
تهاني: مادري بس عواار.. موقادرة اتحمله
جراح: بتولدين؟
تهاني: مادري مادري.. بس ودني المستشفى مو قادرة اتحمل.. آآآآآآآآآآآي
جراح (قام مختبص): نزين انزين.. يلا قعدت
راح ركض غسل ويهه وبدل لبسه عالسريع.. وخذه عباة تهاني.. قطها عليها
نزلها وياه.. وفتح قفل السيارة وفتح أربع بيبانها
تهاني: انت شيتسوي؟
جراح: شسوي؟؟ بصعدج السيارة
تهاني: وليش فاتح الأربع بيبان؟
جراح (استوعب): اوووووووووو.. بالي مو وياي.. يلا ركبي انتي وانا أسكرهم
ركبت تهاني السيارة.. وجراح سكر البيبان وطاار فيها للمستشفى.. طول الطريج تهاني تتأوه من الألم وودها تصارخ بس ما تبي تتدوده جراح أكثر من جذي
وصلو المستشفى.. دخلو الطوارئ وبعد الفحص.. الدكتورة سوت لها دخوول لان فيها ولادة
تهاني (تبجي): جراح دق على أمي
جراح (ماسك ايدها.. ويمسح على راسها): وين أدق عليها الحين حبيبتي؟ اهي نايمة مابي اخرعها
تهاني: لا اهي قالتلي انها هالأيام ماراح تسكر جهازها.. لأن تدري ان ولادتي قربت.. الله يخليك دق عليها انا خايفة
جراح: ان شاء الله .. ان شاء الله يا عمري
جراح دق على عمته وعقب جم رنه شالته.. وقالها ان تهاني بالولادة.. وقالتله انها الحين يايه
هناء وصلت مع بو حسين عند تهاني.. بوحسين وقف بره غرفة الولادة مع جراح.. وهناء دشت عند تهاني تقرا عليها قرآن
جراح كان وايد يحاتي وكل ما طلعت الدكتورة أو وحدة من الممرضات سألها عن تهاني.. كان خايف عليها وايد
الحمدلله تهاني ولدت بالسلامة ويابت ولد مثل القمر
الدكتورة: الحمدلله على سلامتج يا تهاني
تهاني (تعبانه وبالغصب تتكلم): الله يسلمج
هناء (مستانسة): الله يسلمج دكتورة مشكورة
الدكتورة: العفو على شنو؟ ما سويت الا الواجب.. خل أروح أبشر رشدي أباظة اللي قاعدة يحاتي بره.. هههههههههههههه
بس طلعت الدكتورة بره.. ناداها جراح
جراح: دكتورة طمنيني.. مو جنه تهاني طولت؟
الدكتورة: ههههههههه.. لا ماطولت ألف مبروك يا اخ جراح.. زوجتك ولدت ويابت ولد مثل البدر
جراح: صج؟؟الحمدلله يارب ألف الحمدلله
بوحسين: مبروووك ما ياك.. يتربى بعزكم
جراح: وعزك عمي مشكور ما قصرت
بوحسين وهناء راحو البيت بعد ما تطمنو على تهاني ونامت.. وقالو انهم بيرجعون الضحى.. وطبعا مع أغراض تهاني اللي كانت مزهبتهم عند ظامها وموصية عبير عليهم من زمان
جراح قعد بغرفة تهاني.. ومن التعب نام عندها عالغنفة

الضحى عبير (توها قاعدة من النوم.. وسمعت حوسة تحت.. نزلت لقت امها مزهبة اغراض تهاني): السلام يما.. وين على الله؟
هناء: وعليكم.. نامي يما نامي.. خو انتي ما تشبعين من النوم.. انا بروح المستشفى.. اختج ولدت
عبير: صج؟ أي اخت
هناء: شفيج الحمدلله والشكر.. اختج تهاني بعد اي اخت؟
عبير: ايييييييييي ياحليلها الحمدلله على سلامتها وناسة.. اي صح طا آنا خو هجوور توها حامل
هناء (انصدمت من اللي سمعته.. لنها ما تدري عن هاجر من زمان.. وقايلتلهم لحد اييب طاريها جدامها): شنووو؟؟ هاجر حامل؟؟ من متى؟
عبير (توهقت): ويي شفيني مطفوقة؟ سامحيني يما آسف زت لسان
هناء: قوليلي اختج من متى حامل؟
عبير: صارلها ثلاث شهور ونص تقريبا
هناء (عيونها غورقت): تهاني تدري؟
عبير: اي تدري
هناء: وليش ماقلتولي؟؟ مو آنا أمها؟
عبير: مادري يما آسفين عبالنا ما تبين تعرفين عنها شي
هناء(قامت تبجي): ليش يعني؟؟ آنا صخر ليهالدرجة؟؟ مو بنتي ومحتاجتني؟؟ ليش ما تتكلمووون؟
عبير (باست راس امها): آسفين يما
هناء (مسحت دموعها): انزين خلينا من هالسالفة الحين.. دقي على هاجر وقوليلها ان تهاني ولدت..وبلغي خالاتج وحريم خوالج.. وروحي بدلي بسرعة.. بروح حق اختج بالمستشفى
عبير: ان شاء الله يما.. وصعدت فوق بسرعة أول شي سوته دقت على هاجر
هاجر (شالته صوته تعبان.. ونايم): ألوو
عبير(تصارخ): ألوووووووووووووو
هاجر: أوووووف عبور لا تصارخين آنا بروحي تعبانه
عبير: اي تعبانه اي بطيخ قومي قومي.. تهنو ولدت
هاجر (صحصحت): صج ياحليلها متى ولدت؟ وليش ما قلتولي؟
عبير: أصلا انا مادري متى ولدت.. وتوني ادري من أمي .. واهي قالتلي أدق عليج أقول انها ولدت
هاجر (سمعت طاري امها قلبها عورها): صج عبور؟ حلفي اهي قالتلج تدقين علي
عبير: اي والله شفيج؟؟ حتى زل لساني وقلتلها انج حامل.. وعصبت علي ليش ماقتلها
هاجر (غورقت عيونها فرح): صج؟؟ ليش عصبت؟
عبير: تقول مو آنا أمها ولازم أوقف ووياها اذا احتاجتني
هاجر: حبيبتي أمي والله..انزين عبير.. أقدر ايي المستشفى أشوف تهاني؟
عبير: طبعا مو اختج؟
هاجر: بس أخاف أضايق أمي
عبير: شفيج انتي هبلة؟؟ اقولج أمي قالتلي أدق عليج.. يلا عن الدلع خل أروح الحين آنا طولت.. أمي تنطرني تحت.. لاتطولين تعالي بسرعة
عبير سدته من هاجر.. لبست ونزلت حق أمها.. بعد ماركبت السيارة دزت حق كل اهلهم تبلغهم بولادة تهاني

وهاجر (سدته من عبير.. والتفتت على مكان بدر مالقته نايم.. استغربت.. وقامت تدوره.. راحت الصالة لقته قاعد ياكل صمونة جبن)
هاجر: صباح الخير
بدر: صباااح النووووووور والنوييييييير.. هلا حبيبتي.. شمقعدج من الصبح؟
هاجر: ماكو عبير دقت علي تقولي ان تهاني ولدت
بدر: لالا ألف الحمدلله على سلامتها.. والفال حق حبيبتي تقوم بالسلامة
هاجر:هههههههه الله يسلمك يا عمري.. بدر ممكن أطلب منك طلب
بدر: عيوني لوتامرين عليها لج
هاجر (مبتسمة..باسته على خده): تسلم عيونك.. ممكن اروح حق اختي بالمستشفى
بدر (سكت شويه): اي حبيبتي عادي.. بس أكيد عمتي بتكون هناك
هاجر: اي عادي.. اي اهي الليي قالت حق عبير تدق علي تقولي
بدر: الحمدلله دام جذي.. يلا لبسي خل أوديج عندها
هاجر: ان شاء الله حبيبي

بالمستشفى الناس داشة طالعة على تهاني
وهناء وعبير.. مو قادرين يحكون راسهم.. ماشاء الله مسرع ماانتشر الخبر والناس يت
بهالوقت طلعو اللي كانو موجودين.. وما تم الا هناء وعبير
شوي انطق الباب ودشت هاجر
هاجر (مترددة): السلام عليكم
الكل: وعليكم السلام
هاجر (راحت حق تهاني.. باستها): الحمدلله على السلامة ومبروك ما ياج
تهاني: الله يسلمج حبيبتي الفال لج تقومين باسلامة
هاجر (ابتسمت بويهها وفرت ويهها على امها وبعيونها دموع)
هناء (مدت ايدها حق هاجر.. ودمعت عينها): تعاي حبيبتي
هاجر(ركضت صوب امها وقطت روحها عليها.. وقامت تبجي.. وتهاني وعبير دمعت عيونهم)
هناء (تمسح على راسها): لاتبجين حبيبتي.. خلاص اللي صار صار. والحمدلله الله ستر وانيت الحين في بيت ريلج
هاجر باستها حيييييييل وردت قطت روحها عليها.. تبي تعوض كل اللي فاتها
هناء: مبرووك.. قالولي حامل حبيبتي الله يتمم عليج ان شاااء الله
هاجر: الله يسلمج يما .. ويخليج لنا يا أغلى ام بالدنيا
هناء: حبيبتي والله
وقعدو يسولفون ويضحكون.. والناس ردو يزورون تهاني.. وماشاء الله المكان ازدحم بالناس
بعد يومين تهاني طلعت من المستشفى.. وراحت تتنفس في بيت اهلها
جراح كل يوم يدق عليها يبيها ترجع.. بس أمها قالتلها مافي روحه قبل أربعين يوم
وبعد الأربعين تهاني رجعت شقتها مع ولدها اللي سموه حسين(يختييي قمر هالولد.. اسم الله عليه ياخذ القلب)

هاجر بحمالها واايد تعبت..طبعا كانت مسويه سونار وقايلين لها ولد.. وأساسا كان فيها ضغط بس بالحمال الضغط ارتفع عندها واايد
لما وصلت الشهر الثامن ما قدرت تتحمل.. وطلبت من بدر يوديها المستشفى
بدر: تو الناس حبيبتي شفيج مستعيله؟
هاجر: مادري ماني قادرة أتحمل.. الله يخليك ودني
بدر: ان شاء الله ان شاء الله.. يلا خل أقوم ألبس
لبسو.. وبالطريج للمستشفى هاجر دقت على امها وقالتلها انها تعبانه وايد.. وهناء قالتلها انها بتلحقها الحين للمستشفى
بالمستشفى دخلو هاجر بسرعة غرفة العمليات.. بعد ما كشفت عليها الدكتورة
الدكتورة عند الغرفة
بدر: طمنيني دكتورة شلونها؟
الدكتورة: والله مادري شقولك.. زوجتك تعبانه وايد.. والله كريم ان شاء الله.. بس ترى مانقدر نولدها طبيعي لازم قيصرية
بدر (خاف): ليش عسى ماشر
الدكتورة: اهي بصراحة حيل تعبانه ولازم نسويلها قيصرية
بدر: خلاص دكتورة اللي تشوفينه.. بس المهم تقوم بالسلامة
الدكتورة: ان شاء الله.. بس نحتاج توقيعك
بدر: ان شاء الله
الدكتورة (راحت يابت الأوراق ووقع عليهم بدر): عن اذنك
بدر: دكتورة لو سمحتي
الدكتورة: هلا.. تفضل
بدر: أقدر أدش عليها الحين بسرعة أشوفها
الدكتورة: مايخالف بس دقيقة لأن محتاجين نسويلها العملية بسرعة
بدر: ان شاء الله (دش على هاجر.. لقاها حيل تعبانه.. مسك ايدها وباس راسها)
هاجر (دمعت عينها): بدر بيسوون لي عملية
بدر: مايخالف حبيبتي.. ان شاء الله بتقومين بالسلامة
هاجر (باست ايده اللي ماسكها فيه): أحبك
بدر: آنا امووت عليج.. يلا عاد قوميلنا بالسلامة
الدكتورة: يلا يا اخ لازم تطلع الحين بنسويلها العملية
بدر (باس راسها وهمس لها): أحبج.. ناطرج

بدر طلع بره لقى عمته وعمه ناطرين.. سلم عليهم وباس راسهم
هناء: لاتخاف يما وايد حريم سوو القيصرية وقامو بالسلامة.. ان شاء الله هاجر بتقوم بالسلام
بدر الله يسمع منج عمتي.. بس ماكان متطمن وقلبه ناغزه
بعد ثلث ساعة طلعت الدكتورة من غرفة العمليات
الكل راح صوبها
بدر: طمنينا دكتورة
************

شوي وينزل البارت الأخير حبي..

 

[انا خطر]

انا مو كاسره خاطري الا مريم

مسكينه واايد متفائله

و ناطرين بارت الفاينل

 

[أميرة البجع]

مرحباااااااااااااااااااااااا "انا رديت يااميره "
مشكوووووووووره عالبارت
احمد عمى بعينه مريم ؟؟؟؟؟؟؟؟:
هاجر وبدر الله يعينهم عالمشاكل الحين بعد مافضحتهم امه [/b:
ناطريييييييييييييييييييين البارت

حياج الله ومن طول الغيبات ياب الغنايم يا عمري
العفووووووو تستاهلون كل خير
الله كريم حبي
تفضلي

طمنيناا على ابوكم اشصار علية ؟
الله يشافية ان شاء الله
لا تطولين علينا اميرة اوك

حبيبتي أبونا ما فيه شي.. بس كنت مشغولة معاه شوي
تفضلي حبي

waiting
waiting
waiting

ناطريينج لا تطوليين

waineeech ameeeeeeeera

waiting

تفضلو حبي

يالله خوووو يالله
نبي بااااااااااااااارت

انا بروح السينما وبرجع بلاقيج منزلة 4 بارتات
اوكييي ؟؟؟؟

اي صج نسيت اقولج
ديري بالج على بنتي وانا بالسينما
ترى قررت اييبها عندج وانتي كيفج
خخخخخخخخخخخخخخخ

اذا طقت بنتج انا مالي شغل

عاد خلج خوووش بيبي ستر

لووووووووووووول

لوووووووووووووووووول
اي وانا صايرتلج بيبي ستر حضرتج انتي وبنتج
عاد مردودة يوم السبت ههههههههههههههههههههه
ليلة كاملة بتنام بنتي عندج
بنتج مجرمة كفخت بنتي على راسها ليما قالت بس

waiting

waiting

waiting
waiting
waiting
waiting
amora

حبايبي تفضلو

 

[عذبه الصوت]

 

[فوز وفواز]

لاااااااااا حبيبتي هجووووور ماابي اخيل شنو بيصير

 

[أميرة البجع]

يلا حبايبي هذا البارت الأخير
تفضلو
***********


البارت الأربعين والأخير
*************

تهاني كانت بالبيت مع حسين وجراح

جراح (قاعد يلعب مع ولده): كربوووونه ولد البابا.. كربووونه حبيب الماما

تهاني: ههههههههههههه خله ينام شوي يا ريال.. لا بالليل يتعسر علينا

جراح: مابي مابي.. مشتاقله بلعب معاه

تهاني: اي الحين بلعب معاه.. وبالليل شوي وتحذفنا من الدريشة آنا وولدي

جراح: ههههههههههههه انتي ممكن بس حسووووووون لا مستحييييييل

تهاني: انزين ييبه خل أعطيه حق الخدامة تنومه شوي

جراح (يعطيها حسين): هااج.. وتعالي بسرعة أبيج بموضوع

تهاني: هههههههههه اعرف مواضيعك ما عندك سالفة

جراح: رووووووحي انتي الحين وتعالي بسرعة

تهاني ودت الياهل حق الخادم ودشت عند جراح.. قعدو يسولفون شوب.. والا يرن تليفون تهاني

تهاني(مبتسمة): أوووه هاذي أمي.. ألووووووو

هناء (صوتها ميته من البجي ومقطع): تهاني لحقيني.. لحقييييني

تهاني (مستغربة الرقم رقم امها والصوت صوت هاجر): منو انتي؟

هناء: آنا امج تهاااااني تعالي بسرعة تعااالي

تهاني (قامت قعدت عدل على السرير وطقت على صدرها وقامت تصارخ): يمااااا شفيج شصاااااااير؟

جراح (عدل قعدته اهو بعد): شفيج.. شفيها عمتي؟

هناء تتكلم بس حجيها مو مفهوم

تهاني: شفييييييييييج؟؟ يما وضحي كلامج

جراح (سحب منها التليفون): عطيني.. ألووو هلا عمتي خير شصاير؟

تهاني (تطقه تبيه يطالعها):شصاير.. جراح قوولي

جراح (يأشر لها يعني صبري): لالا حول ولا قوة الا بالله العلي العظيم

تهاني (قامت تصارخ): منو قولي منو؟

جراح(ماسكها): يلا عمتي كاننا يايين الحين مع السلامة

جراح (مسك تهاني من جتوفها.. وبدال لا يكحلها عماها): تهاني لا تبجين.. أختج هاجر ماتت

تهاني (قامت تتطامر على السرير): لالالالالالالالالا جراح لا تقووول.. هاجر مافيها شي.. لا تقووول ماتت

قامت تركض بالغرفة ماتدري شيتسوي.. تتطامر وتطيح على الأرض تبجي: لالالالا تقووول جراح تكفى لا تقول

جراح (يحاول يهديها ويلمها بس مو قادر): حبيبتي لا تسوين بعمرج جذي.. خلاص الله خذا أمانته

تهاني (صارخت زيادة وتبوس ريوله): لالالالالا جراح ابوس ريولك لا تقول جذي اختي ما ماتت.. هاجر ماراحت

جراح (يحاول يقومها): قومي حبيبتي الله كريم.. خل نروح امج تقول نييب عبير من البيت ونروح المستشفى

تهاني حاولت توقف ولبست على السريع.. جراح دق على امه وقالها وطلب منها تيي تاخذ حسين عندها

جراح وتهاني طارو حق عبير بالبيت

تهاني دقت على عبير.. وعطت التليفون حق جراح عشان يتكلم

جراح: يلا عبير نزلي

عبير (نزلت وركبت معاهم واهي ميتة من البجي): قولولي صج هاجر ماتت؟؟

تهاني: لا ان شاء الله الله لايقول الله لايقول

جراح: لاحول ولا قوة الا بالله العلي العظيم
*********************


بالمستشفى قبل ساعة

الدكتورة طلعت من غرفة العمليات والكل راح صوبها

بدر: طمنينا دكتورة

الدكتورة (منزلة راسها): زوجتك ولدت يابت ولد الحمدلله بصة بس يحتاج الحضانة شوي

بدر: الحمدلله على كل حال.. انزين دكنورة وزوجتي؟

الدكتورة سكتت ماعرفت شيتقول

بدر: دكتورة مرتي فيها شي؟

الدكتورة: آنا ادري انكم ناس مؤمنين بقضاء الله وقدره.. زوجتك ارتفع عندها الضغط.. وصار فيها نزيف داخلي.. وماقدرنا ننقذها.. اطلبولها الرحمة وشدو حيلكم

هناء من سمعت الخبر طاحت من طولها.. وبوحسين طاح عالأرض يبجي

بدرانصدم ولما استوعب حجيها ركض دش الغرفة

بدر (قرب من السرير اللي نايمة عليه هاجر.. يطالعها وحابس دموعه ابتسم): كاهي حبيبتي.. شلون يقولون ميته؟؟ كاهي نايمة

الممرضين درو ان هذا الريال اللي واقف زوج المتوفاة.. ياله ممرض: شد حيلك يالأخو.. اطلبلها الرحمة

بدر (وخر ايده ما يبي يصدق): وخر انت ما تعرف شي.. هاجر هاجر.. حبيبتي قومي.. هاجر يبتي نصور.. قومي شوفيه

قام يهزها بقوة: حبيبتي قومي.. الله يخليج فتحي عيونج.. قومي خل نروح نشوف ولدنا.. هااجر.. هااااااااااجر

بدر (شالها من الفراش. ولمها على صدره.. وقام يبجي): لالالا هاجر لا تخليني.. لا تحرميني .. منج.. هاجر بعدنا ما عشنا بسعادة.. بعدنا ماربينا ولدنا.. بعدج ما يبتيله اخوان وخوات

هاااجر لا تخليني.. قومي قوليلي شنو تبين؟؟ تبين فلوووس؟؟ تبين نغير الشقة؟؟ تبين تسافرين؟؟ شنو تبيين؟؟ قوليلي.. آمريني خل أسوي اللي تبين

حبيبتي قومي آنا أسف بعد ما ازعلج.. قومي عاقبيني قومي طقيني بس لا تموتين .. لالالالالالالا تموووتيييييين هاجر .. هاااااااجر.. لالالالالالالالالالا

التمو عليه الدكاترة واللممرضين وبالغصب قدرو يوخرونه


تهاني وعبير.. قامو يركضون ورا جراح وهم يبجووون.. يدورون على غرفة العمليات بويههم شافتهم مرة.. وحست انه عندهم حالة وفاة من شكلهم

المرة (مسكينه على ويهها): عظم الله أجركم

تهاني وعبير (التفتو عليها وصرخو بويهها): لالالالالالالا تقوووووولين جذيييييي

مسكينة المرة اخترعت ومشت بدربها

جراح: خلوها خلوها.. امشووو.. وصلنا

تهاني و عبير شافو أمها على الرض تبجي .. وأبوها يبي يمها

وبدر مقعدينه على الكرسي يبجي بحرقة

قامو يصارخون: لالا تقولون هاجر راحت.. هاجر ماراحت..

وبلحظة انترست المستشفى من اهلهم.. يت مريم وعالية.. الكل قام يبجي بهستيرية ومو مصدقين

وصارت ضجة ولوية وصراخ

وبوحسين طلب من جراح والرياييل انهم يودون الحريم بيت بو حسين

وبالغصب الحريم وافقو يروحون

بعد ما كملو الاجراءات.. ودوها للمقبرة.. غسلوها.. وثاني يوم الصبح كان الدفان

وبعد مادفنوها .. طاح بدر على قبرها ما يبي يروح.. يحاولون يقومونه

بدر: خلوني.. خلوني.. بقعد عندها.. بقعد عند حبيبتي.. مابي أروح

جراح: اذكر ربك. قول لااله الا الله.. يلا قوم يا بدر.. الحريم بييون يقرون الفاتحة عند القبر

وأخيرا قام بدر.. ويو أمها وخواتها وعماتها وخالاتها

وطاحو على القبر

تهاني(تبجي. وتمسح تراب القبر بويهها): هجوووورة.. حبيبتي هجووورة لا تخلينا

عبير: هاجر يا عمري .. احبج أحبج.. ماراح أنساج.. حللينا وسامحينا.. هجووورة ردي علينا


العزا كان في بيت بو حسين.. وكان كئيب والكلمة ماكانت تطلع من احد

محد كان ياكل ولا كان يشرب

أم بدر أكثر وحدة كانت متأثرة.. وتحسفت وايد انها سوت في هاجر اللي سوته.. ودرت ان الدنيا صج قصيرة وما تسوى

وبدر بعد حالته حاله الله يكون بعونه.. بس يبجي.. حده منقهر من نفسه على اللي سواه بهاجر.. صج كان يحبها.. بس ما عبرلها الا آخر فترة.. وكانت قصيرة 7 شهور بس
*************************


عقب ثلاث سنوات كانو الخطاطيب اييون حق مريم وترفضهم.. متأملة ان أحمد اييلها

لكن هالمرة الشاب كان كامل والكامل الله.. كان ممتاز من كل النواحي.. وقعدت معاه وارتاحتله

دشت غرفتها وفكرت " آنا ليه متى جذي؟؟ ليه متى بنطره؟؟ خل أدق عليه وأقوله؟"

دقت عليه.. وبعد جم رنه شاله

أحمد: ألووو

مريم: ألوو السلام

أحمد: وعليكم السلام هلا حبيبتي.. شلونج؟

مريم: الحمدلله.. أحمد بسألك

أحمد: آمريني

مريم: احنا متى بنتزوج؟

أحمد: ليش هالسؤال الحين؟

مريم: بس جاوبني وأقولك

أحمد: مادري.. انتي تدرين اني الحين مافكر بالزواج

مريم: أحمد آنا خطبني شاب.. واحس انه ملائم من كل الجهات.. واذا ما قررت متى نتزوج راح أوافق عليه.. لا تقولين انتي تضغطين علي. والا انتي تحديني.. لا احنا صارلنا ست سنين مع بعض وانت ما تحركت ولا شعره.. وانا من حقي اكون أسرة وأبي عيال

أحمد (انصدم من كلامها.. بس حس ان الحقيقة.. واهو مو مال زواج): مريم انتي مرتاحة منه؟

مريم (ودها تبجي): اي احس ان زين

أحمد (خنقته العبرة): الله يوفقج حبيبتي والله أتمنالج كل خير

مريم (قامت تبجي): أحمد ليش جذي؟؟ ليش ما نتزوج؟

أحمد (يبجي بس بصمت عشان لا تحس.. بس اهي حست من صوته): حبيبتي والله أحبج.. بس ماقدر اتزوجج.. آنا مو مال زواج.. الله يهنيج ويوفقج

مريم (تحبه بس خلاص ما تقدر تنطره العمر كله.. فقامت تبجي بصوت عالي): والله أحبك.. بس ليه متى؟؟ عطني موعد وانطرك

أحمد: مافي موعد روحي بنصيبج الله يوفقج

مريم: عيل أحمد هاذي آخر مرة تسمع فيها صوتي.. مع السلامة

وسكرت التليفون.. قامت تبجي على أحمد.. على حبها.. على سنينها اللي ضاعت

بس بالأخير مسحت دموعها ونزلت تحت عند امها

مريم: يما

أم خالد: هلا حبيبتي

مريم: يما آنا موافقة
***********

تهاني وجراح: للحين عايشين مع بعض.. وعندهم ولد وبنتين

بدر: ما تصدقون اذا أقولكم للحين عايش على ذكرى هاجر.. ومو ناوي يتزوج.. والحين ساكن في بيت أهله.. وولده عنده.. بس بين فترة وفترة يروح ينام بيت يده ابو هاجر

مريم: تزوجت والحمدلله حياتها مستقرة والحين حامل.. وماتدري اي شي عن أحمد.. بس قبل فترة دقت عليها بنت خالها وقالتلها انها شافت أحمد وسأل عنها وان يسلم عليها.. بس مريم طلبت من بنت خالها انها ما تقولها أي شي عن أحمد حتى و كان صدفة

أحمد: الحين عمره 38 وللحين مو متزوج
*****************

وبجذي خلصت روايتي.. وان شاء الله تعجبكم
بنات وايد ناس كانو يسألوني منو يقرا الرواية ومنو ما يقرا
ومابغيت أقول ان هاجر الله يرحمها ما تقرا الرواية عشان لا تستنتجون شي
اللي يقرا الرواية
تهاني وجراح ومريم فقط لا غير
طبعا.. اعتقد ان الكل فهم المغزى من روايتي
والمغزي ان الحب مو كل شي بالدنيا.. ولازم كل بنت تحافظ على نفسها
وصدقوني الحب اللي ايي بعد الزواج اهو الحب الحقيقي

وتسلموووووووون الله يعطيكم العافية.. تعبتكم معاي.. وطولت عليكم.. وسامحوني اذا هاذي مو النهاية اللي بغيتوها
**********************

 

[أم@الحلوين]

مشكووووووووووووووووره حبيبتي عالبارتات لالالا مانبي القصه تخلص حسافه

والله يقوم هجووووووور والبيبي بالسلامه يارب

 

[فوز وفواز]

مادري شقول قلبي معورني على هااااجر الله يرحمها بس كان مبين عليها مقرودة على قولتهم من بدايه القصة لمن زفها ذاك الخبل مادري شسمه>>>>قمت اخربط من القهر
بس بجيتينا يا اميرة والله يرحمها برحمته ويغفرلها يارب
يعز علينا فراقج بس مشكورة وااااااااااايد على قصتج وردودج الراقية
وميرسي بوكو

 

[تيناا]

هاجر
الله يرحمها ويغفر لها ويغمد روحها الجنه

ماقدرت امسك دموعي

 

[أم@الحلوين]

والله ما اعرف شنو اكتب لالا استغفر الله ليش هاجر يصير فيها جذي الله يرحمها ويغفر لها يارب

ماقدرت اتمالك نفسي بجيت من من قلب اخييييييييييييييييييييييييييه حبيبتي عورت قلبي

وانا ليلحين مصدووووومه

 

[عذبه الصوت]

مشكوره وماقصرتي والقصه كانت وايد حلوه والله يرحم هجور وامه المسلين

 

[انا خطر]

الله يرحمها

عورتي قلوبنا

مسكينه ما ارتاحت بحياتها

و الحمد لله مريم تزوجت و ريلها ما عرف

من احلى القصص اللى قريتها و شدي حيلج تبي وحده ثانية لا توقفين

 

[شروق أم يوسف]

مشكوره حبيبتي وتسلم ايدج على هالقصه الحلوه والله يرحم هاجر وجميع موتى المسلمين

 

[admant_7abk]

هاجر الله يرحمها ويغمد روحها الجنه انشاءالله ويصبر بدر والله عورتي قلبي

وتهاني وجرااح الله يوفقهم ويخليلهم عيالهم انشاءالله ويفرحون فيهم

مريم الله يهنيهاا انشاءالله

ومرسي حياااتي روعه

وبنفقدج

انشاءالله اشووفج في قصه ثاانيه

مرسي اقين

 

[أميرة البجع]

اموره واااااي القصه صارت تعور القلب اكثر

شاالاحداث المره


ناطرين اخر بارت وبعدها تبلش التعليقات النهائيه

يعطيج العافيه

سلامة قلبج حبي
الله يعافيج

يسلمووووووووووووووووووووووووووووووو على البارت

ياااارب تكون النهايه سعيده وترد المياه لمجاريها بكل بيت

<<كاشره خاااااااااااااااااطري هجوره

الله كريم حبي

سلآآآم
كنت متابعه من خلف الكواليس :eh_s(3):
قلت بداوم آخر بارت لازم استحي على ويهي وارد عاد
القصه حدهآآآ عجيييييييبه واسلوووبج آحلى
مريم الله يستر عليها والله البنت رآحت فيهآآ
احمد مرفوع عنه القلم غاسلة ايدي منه
اما بدر لوووووول ما ادري ليش حبيته مع ان كان حقيير بالبداية
اما هاجر كسرت خاطري والله
تهاني وجراح الله يوفقهم ان شاءالله ويهني تهاني فيه
ويالله ناطره البارت الأخيير عشان نعرف شبيصير
وان شاءالله ما تكوون هذي آخر تجربه لج بالكتابه =)​

حبيبتي حياج الله شرفتيني
مشكورة حبي انتي الأعجب والأحلى
حبيبتي حلو تحليل للأحداث

امبيه امورة صدمتيني ان اليوم اخر بارت امبيه ماتوقعت @@ امبيه يوم باجر بعطل ان شاء الله كل الروايات اللي تابعتهم خلصت لوول لا لا والله مااقدر على فراقكم تعودت حيل وتعلقت بصراحة بالابطال وهاجر اكثر وحدة حبيتها مع ان اول الرواية كانت باطة جبدي بس اللحين كاسرة خاطري خاصة وانها تابت الحمدالله وبدر الله يهدييييييييييييييييييييه واااي مااقدر اعلق للحين مصدومة اهىء اهىء

شسوي حبيبتي قلت اعوضكم عن غيابي وانزلها اخلصها
اي والله حتى انا حسافة خلصو قصة ريريز ودانيا وموسهاة
بس يلا عندنا قصة كيييوووتووو وديفا شكلهم يشوق

احس ان بدر راح يرد مع هاجر نفس قبل
شكلة طيوب و يحب اليهال

الله كريم حبي

رووووووعه

ناطرين البارت الاخير

مشكورة حبي انتي الأروع

انا مو كاسره خاطري الا مريم

مسكينه واايد متفائله

و ناطرين بارت الفاينل

الله كريم حبي
تفضلي

لاااااااااا حبيبتي هجووووور ماابي اخيل شنو بيصير

الله يرحمها حبيبتي

مشكووووووووووووووووره حبيبتي عالبارتات لالالا مانبي القصه تخلص حسافه
والله يقوم هجووووووور والبيبي بالسلامه يارب

العفووووو حبي
شسوي لازم تخلص القصة
الله يرحمها حبي

مادري شقول قلبي معورني على هااااجر الله يرحمها بس كان مبين عليها مقرودة على قولتهم من بدايه القصة لمن زفها ذاك الخبل مادري شسمه>>>>قمت اخربط من القهر
بس بجيتينا يا اميرة والله يرحمها برحمته ويغفرلها يارب
يعز علينا فراقج بس مشكورة وااااااااااايد على قصتج وردودج الراقية
وميرسي بوكو

الله يرحمها واسم الله على قلبج
اسمه عزيز الخبل
حبيبتي مو قصدي ابجيكم.. بس بروحي بجيت وانا اكتب البارت
حبيبتي وانا أكثر.. والله راح اشتاقلكم
العفووووو.. وانتي الأرقى

هاجر
الله يرحمها ويغفر لها ويغمد روحها الجنه

ماقدرت امسك دموعي

حبيبتي والله دموعج غالية

والله ما اعرف شنو اكتب لالا استغفر الله ليش هاجر يصير فيها جذي الله يرحمها ويغفر لها يارب

ماقدرت اتمالك نفسي بجيت من من قلب اخييييييييييييييييييييييييييه حبيبتي عورت قلبي

وانا ليلحين مصدووووومه

استغفر الله ربي وأتوب اليه
اله يرحمها عمري
حبيبتي سلامة قلبج.. سامحوني بجيتكم
مو اسم القصة كافي صدماات بحياتي
كافي صدماات بحياة كل وحدة فينا

مشكوره وماقصرتي والقصه كانت وايد حلوه والله يرحم هجور وامه المسلين

العفووووووووووو.. انتي الأحلى
الله يسلمج حبي

 

[أم@الحلوين]

تسلمييييييييييييييييييييييين حيااااتي عالقصه وانتي اللي سامحينا انه اذيناج بالحنه كل يوووووم00

ممكن سؤال اهم رفيجاتج؟؟

 

[smecha]

وااااي لاااا بجيت بجي على هاااجر
الله يرحمها و يغمد روحها الجنة و يغفر ذنوبها و يوسع قبرها


للحين قاعده ابجي اهيء اهيء


مريم اول مرة تسوي شي بمصلحتها و اول مره تفكر بعقلها
بس صج صج كبرت بعيني لمن قالت ما تبي تسمع عن احمد شي

و بدر الله يكون بعونة و يثبت قلبة و يصبرة صج صعبة عليه ان يتزوج بعد اللي صار

مشكورة حبيبتي تعبناج وايد معانا
القصة اتين واتهبل وايد حلوة تسلم ايدج

والله يحقق لج كل اللي تتمنينة ياا رب

تحياتي لج سميجه

 

[am_kshaa]

الله يسامحج بجيتينى
القصه وايد حلوة ولها معانى
مشكورة وماقصرتى على البارتات وتسلم ايدج
والله يرحم هاجر ويجعل مثواها الجنه

 

[so_what]

مشكوووره على القصه الحلوه نفسج و تسلم ايدج ، والله يرحم هاجر ان شاء الله و يصبر قلب بدر و يوفق الجميع

 

[UNiQe^PRiNceSs]

واااااااااااااااااااااااااااااااااااااي
هااااااااااجر وااااااااااااي الله يرحمها مسكيينه ما فرحت بحياتها اااااخ يا قلبي بجيتيني حييييل والله

والحمدالله مريم تزوجت
وبدر !! ليلحيين على ذكراها صج صج وفي وين الواحد يلقى ريال جذي الحييين
تهاني وجراح اللله يخليهم لبعض ويخليلهم عيالهم


مابي القصه تخلص بس خلصت
ننطرج يديدج انشالله ومشكوره على هالقصه لاكثر من روعه
:friends: