مـراهقة جريئة .. قصة تدور عن احداث حياتي آنا

[أروسا]

ملوكه

سؤال زغنطوطو

جم معدل الاي كيو عندج ؟ (معدل الذكاء)

 

[ام سعود ديكسون]

توني باول بارت بس تتسنع ظروفي باتابعج

احييج علي شجاعتج الادبية اعترافج بالحق فضيلة ودليل علي انج تجاوزتي هالمرحلة وبديتي بمرحلة النضج

لا تتوقعين ان محد بينتقدج بس لكل واحد نظرته للموضوع ولكل واحد بيئته

لا يوقف

لا يوقف

لا يوقف

 

[DALLY]

ياااااااااي تهبلين كملي احداثج تشوق

بس سؤال من باب حب المعرفه لوووول هو احمد جم عمره حزتها؟وهالسالفه جم سنه مرت عليها؟

ويتنننننننغ سويتي

 

[Candy Stealer]

ملوكه

سؤال زغنطوطو

جم معدل الاي كيو عندج ؟ (معدل الذكاء)

لووول مادري ما فحصت ذكائي:eh_s(22):

 

[Candy Stealer]

ياااااااااي تهبلين كملي احداثج تشوق

بس سؤال من باب حب المعرفه لوووول هو احمد جم عمره حزتها؟وهالسالفه جم سنه مرت عليها؟

ويتنننننننغ سويتي

لووول شكثر قالولي بالخاص جم مر عالسالفة أو جم عمرج لوول .. أحمد على ما اذكر آنا انه كان عمره 19 .. ومر عالسالفة تقريبا تقريبا 4 سنين:eh_s(3):

 

[تيناا]

ما شاء الله عليج على صغر سنج لكنج احسنتي التصرف

تشوووووووووووق الاحداث لا يوووووووقف

نبي بارت اليووووم

 

[UNiQe^PRiNceSs]

يا انتي يا ذكيه :ceaf32e183:

كملي حبيبتي ناطرييينج

 

[Candy Stealer]

الــبارت العاشر




((ملاك وفرح و وفاء قاعدين يدورون حل وطبعا ملاك بالها كلش مو معاهم))


وفاء : اممممم لا هالحل ما ينفع
فرح : تخيلي نمسكه احنا البنات ونطقه طق هههههااااااااي
وفاء : ههههههههههه تخيلي
فرح : والله لو آنا صبي ادوس ابطنه .. بس المشكلة انه لو اروح جدامه بس يهف علي اطير كاااك
وفاء : هههههه أي حده ,, والله مادري شبنسوي بهالمشكلة
فرح : ملوك معانا؟ شدعوه قلنا متأزمه بس فكري معانا عالاقل
ملاك : هاا أي معاكم قاعده افكر خو ((قاعده تفكر شراح يصير وخايفة انه خالد يقول حق اهلها))



((بعد ساعه رن تليفون ملاك وخالد كان قاعد يدق))
ملاك : شوي بروح اتكلم اهناك مع ابرار رفيجتي
فرح : روحي تكلمي أي شوراج تسولفين واحنا نفكر لج بحل ههههه


........................................................

ملاك : هلا
خالد : هلا اخت ملاك
ملاك : هلا فيك
خالد : أخت ملاك انتي وينج فيه الحين؟
ملاك : فبيت عمي
خالد : اممممم تقدرين تطلعين؟
ملاك : ليش !!!!
خالد : تقدرين ولا لأ؟
ملاك : مادري
خالد : مو انتي تبين المشكلة تنحل بدون فضايح ولا شي؟
ملاك : أي
خالد : خلاص عيل يا تطلعين يا اييلج !!
ملاك : ((حدها اخترعت اول شي وحست انه في شي)) مادري امبييه !!
خالد : الحين شلون؟
ملاك : آنا ماقدر اطلع بس انتي تقدر اتيي .. بس ليش؟
خالد : عطيني العنوان اللي انتي فيه وآنا بيي الحين
ملاك : خالد لو سمحت اذا ما تقدر تحل لي المشكلة خلاص ماله داعي
خالد : اخت ملاك .. انتي مو واثقة فيني؟ عيل ليش دقيتي وقلتيلي المشكلة؟ ترى والله اذا مو واثقة احل لج المشكلة بدون ما ايي بس آنا اللي ودي اسويه اني ابرد جبدج بس
ملاك : شلون ما فهمت ؟
خالد : الشي اللي بتشوفينه راح يبرد لج جبدج
ملاك : اوكي شوي وادق واقول لك باي

.............................................................................

ملاك : فرووووح .. وفائووووو
فرح : هااا خرعتيني
وفاء : شتبيين
ملاك : في واحد بيي
وفاء : الله الله عليج شنو واحد بيي
فرح : وفوي لا تفهمينها غلط يمكن طالبتلنا مطعم وراعي المطعم بيي
ملاك : هههههه جب مو وقت غشمره .. واحد من المباحث الجنائية بيي
وفاء : هاااااااااااااااااااااااااا !!
فرح : مباحث الـمنو؟
ملاك : هههههه لا اتنحون ترى مخترعه آنا ((قالت لهم انها دقت عليه وجذي وجذي))
وفاء : وانتي متأكده انه خوش واحد؟
ملاك : هاذا اللي سمعته من واايد ناس وقريته بعد
فرح : خل ايي بس شلون و وين توقفون؟
وفاء : يامعوده اهوا خل ايي بس خل نشوف شعنده .. نخليه يوقف بالباب الخلفي
فرح : أي صح الباب الخلفي احسن
ملاك : الباب اللي ورا محد يشوف؟
فرح : شفيج غبية؟ خو احنا ورانا روضه ماكو شي ثاني يعني الروضه شعندهم بيداومون الحين؟
ملاك : انزين و امج؟
فرح : مادري اهيا قالت بتتأخر
وفاء : اصلا ماما رايحه بتطلع شوي وبعدها بتروح استقبال بنت مريم
فرح : ويييه يكون احسن بعد .. يعني راح تتأخر
ملاك : انزين خل ادز حق خالد العنوان مسج
فرح : انزين اهوا شيبي بالظبط شلون نوثق فيه مثلا؟
ملاك : مادري خوو اووش سكتي بس آنا مخترعه والله
وفاء : ملووك دام انتي سامعه انهم هذول مباحث جنائية و حالين جم مشكلة من قبل بس بدون فضايح عيل خلااص
ملاك : مادري الله يستر

..........................................................................



((بعد ساعه تقريبا وصل خالد ومعاه 4 شباب و واحد فيهم كان احمد !!))

خالد : الوو
ملاك : هلاا
خالد : آنا عند الباب اللي ورا
ملاك : اوكي كاني يايه باي
فرح : ترى بنيي وياج ها
ملاك : أي اكيد عيل تخلوني بروحي مثلا



""طلعو برا طبعا ملاك انصدمت لما شافت احمد معاهم و وحده دايخ وطاقينه طق"" !!

ملاك : امبييه .. شنو هاذا .. خالد منو أي واحد فيكم
خالد : انتي ملاك عدل؟
ملاك : أي
فرح : امبييه شسالفه
وفاء : أي شسالفة
ملاك : هاذا احمد شيايبه
خالد : الأخ المحترم احمد .. أول شي امممم تدرين شلون ماله داعي اتكلم .. تفضل احمد قول لها ليش انت اهني
أحمد : ((واهوا حده دايخ غصب واقف)) ملاك آنا آسف
ملاك : ((متنحه اصلا موووو مستوعبة الوضع))
خالد : وبعد؟
أحمد : وما كنت اقصد اني اسوي جذي والفيديوات اللي بالتليفون والكاميرا مو موجودين عندي
ملاك : ((متنحه))
خالد : لا تخافين ملاك اصلا كسرنا التليفون والكاميرا واللابتوب بعد
ملاك : ((حدها ميته خرعه وللحينها مو مستوعبة)) انزين الحين شنو شلون ما فهمت @@
خالد : والله ماكو .. بس آنا جدا استمتع لما اشوف واحد واطي مثل هاللي جدامج يعتذر لما يسوي شي غلط
وفاء : امبييه بس خل ندش داخل
فرح : لحظة لحظة .. يعني الحين ماكو فيديو ولا شسالفة فهموني
خالد : كـاااان اكوو فيديو ((طبعا كان فعل ماضي للي ما يعرف لوول))
فرح : امبييه ((متنحه))
ملاك : انزين احنا الحين ندش ولا شنو؟
خالد : تبينه يعتذر مره ثانية؟
ملاك : لا بس خلاص روحو ...!!!!!
خالد : لأ جد اذا تبينه يعتذر قولي
ملاك : لأ مابي شي بس اهم شي عندي الفيديوات
خالد : الحين انسي شي اسمه فيديوات وخلاص ماكو شي .. وأنتا يا الاخ اللطيف ((عن احمد)) ماتتعرض لها مره ثانية ولا لك شغل فيها وانتا عارف مدة السجن والغرامة اللي راح تدفعها اذا تعرضت لها صح ولا اعيد لك المحاضرة اللي صارت بالسيارة؟
أحمد : ((ساكت))
خالد : امممم السكوت علامة الرضا .. اختي ملاك .. آنا صج صج اشكرج على جرأتج انج دقيتي وعلى كل شي سويتيه .. لو وحده كبرج جان يمكن خلت الصبي يسوي اللي يبيه ولا يفضحها .. لكن انتي صج انج متهورة بس فيج جرأة وذكاء وصج صج اشكرج اج اعتمدتي علي
ملاك : ((ساكتى اصلا مستحية ماتدري شتقول))
خالد : يلا لو سمحتو صلوح ملوح اللي يدل بيته يرووح ((خالد كان واايد ماخذ راحته عشان لا يتضايقون ويستحون)) يلا دشو البيت وآنا ماشي
وفاء : مشكور واايد
فرح : صج صج مشكور والله اصلا آنا للحيني منصدمه من اللي صار
ملاك : يلا امشو ندش داخل

.................................................................................................



""دخلو البيت ولي اليوم الثاني ما نامو وضلو يسولفون بالسالفة ليييين الصبح""

((الصبح))
أم فرح : ملاك اخوج بيي ياخذج بعد شوي
ملاك : اوكي البس يعني؟
فرح : لا عاااد لا تروحين ما استانسنا صارلنا يومين واحنا متضايقين ((وتغمز حق ملاك))
أم فرح : وييييه شاللي مضايقكم؟ خوو انتو كل ما قلت لكم تعالو نطلع قلتو ما نبي
فرح : ماما الحين بنطلع شرايج؟
أم فرح : عقب ما البنية بتروح؟ لا حبيبتي قعدي بالبيت
فرح : افففففففف
أم فرح : فرووح .. ربج قال " ولا تقل لهما افا ولا تنهرهما وقل لهما قولا عظيما"
فرح : ماما آنا ما قلت افف آنا شعري يا جدام ويهي جان اهفه وااي
أم فرح : هههههههههههههههههههه
ملاك : بنتج ماتعرف تجذب ترى



.............................................................................................................................

((ملاك ردت بيتهم .. وبعدها بأسبوع كانت قاعده تدرس وقافلة الباب جان يرن تليفونها ولا خالد داق))

ملاك : الوو
خالد : قوة
ملاك : هلاا .. خالد؟
خالد : شلونج ملاك؟
ملاك : تمام .. هلا خالد صاير شي؟
خالد : لا مو صاير شي بس حبيت اتطمن عليج
ملاك : امممم اوكي
خالد : ملاك
ملاك : هلا
خالد : ملاك ممكن سؤال؟
ملاك : تفضل؟
خالد : من بعد السالفة .. لو يالج واحد مثلا يعني .. وقال لج ملاك آنا أبي نرتبط وجذي ترضين؟ مجرد سؤال ترى
ملاك : ههههه .. سوري بس داق تسألني هالسؤال؟
خالد : ههههه خلاص على راحتج ماله داعي اعرف
ملاك : امممم اذا ودك تعرف .. جوابي اهوا لأ طبعا ماراح ارتبط .. آنا اصلا هالخط بقطه ماعتقد اني محتاجه تليفون من ورا اهلي بعد كل اللي صار عرفت
خالد : امممممم .. انزين ليش تكسرينه يمكن آنا بدق اتطمن؟
ملاك : ماعتقد انه بيصير فيني شي عشان تتطمن علي
خالد : خلاص على راحتج
ملاك : خالد
خالد : هلا
ملاك : مادري احس انك تضايقت .. اذا بتدق تتطمن خلاص عادي دق
خالد : اكييييد؟
ملاك : ههههه أي اكيييد
خالد : خلاص عيل آنا اخليج
ملاك : امممم اوكي يلا باي
خالد : باي
..........................................................................................................

((مرت تقريبا سنه وخالد وملاك داااايما يدقون على بعض .. خالد دقو عليه بنات وايد من قبل وساعدهم بحكم شغله لكن ملاك حس انها غـــيـــر وكان يدري انه توها صغيرة وبريئة صج وماعندها سوالف وهاذي كانت مجرد غلطة .. طبعا ملاك خذت تليفون من جدام اهلها والوضع صار عادي لانه شافو انها قام تكبر وعقلها قام يكبر وشوي شوي قاعده تفهم الصح من الغلط))


خالد : ألوووووووو
ملاك : ويعووووووو لا تصرخ جذي بطيت اذني
خالد : هههههههههههههه ملوكه شدعوا آنا صوتي البلبلي بط اذنج
ملاك : صوتك الشنو؟ خلني ساكته بس
خالد : ملاك
ملاك : هاااا
خالد : ويعاا .. خلاص هونت ماني قايل صج دفشة
ملاك : الحين آنا اللي دفشة ولا انتا اللي داق تقول الوو وصوتك جنك داق على واحد بأفريقيا تصارخ عبالك ما اسمعك
خالد : أحبج !!
ملاك : خالد جم مره تكلمنا بهالشي؟ هالسوالف بيني وبينك ما تنذكر اوكي؟ احنا مجرد ربع وبس
خالد : أدري يباا صارلنا سنه ربع وصارلي سنه احبج يعني شنو شفيها؟ مو آنا السوبرمان مالج علا قولتج ههههه عيل لازم تحبيني
ملاك : افففففف ملييق واااي بس مليون مره قلت لك هالموضوع لا يتبطل
خالد : اوكييي انزيييين
ملاك : انزين يلا بلبس بروح عند فروح
خالد : انزين روحي يبا روحي
ملاك : أي بروح يعني بنطرك تدزلي كتاب موافقة؟
خالد : ملاك
ملاك : هلا
خالد : يلا باي ههههه
ملاك : ههههههههههههه اوكي باي


.......................................................................................................



((مــرت الأيام لــي وقتنا هاذا .. خالد تقدم حق ملاك رسمي .. وحيل حييييل يحبها وحاس انها صج غير عن البنات كلهم))

خالد : ملوك
ملاك : هاا
خالد : لي متى بتتسنعين؟ لما اناديج قولي نعم
ملاك : نعم؟
خالد : نعامه ترفسج
ملاك : وييييع سخيييف
خالد : ملوكه تتذكرين اول مره دقيتي علي؟
ملاك : ولييين ردينا حق سوالف قبل
خالد : اييي ههههه كنتي داقه تتبجبجين هههاااااااااي صج كنتي ياااااااااااهل
ملاك : افففف يلا باي
خالد : خلااص لحظة لحظة تعالي هههههههه اتغشمر شفيييج
ملاك : لا تتغشمر جذي اففففف
خالد : انزين قولي حق امج يلا عاد بشوفج بنقعد مع بعض ((خالد وملاك من اول ما عرفو بعض لي هالوقت ماشافو بعض الا 5 مرات وكلها من بعيد لي بعيد عشان وماكانت ترضا تقعد معاه بروحهم عشان جذي حييييل تعلق فيها وخطبها ............. وطبعا بخصوص ابرار .. لما درت انه خالد يحب ملاك قامت تزلغ وايرات وتألف حجي عن خالد وتحاول تخرب ليما تهاوشت مع ملاك وقطعو صداقتهم))

 

[Candy Stealer]

وبجذي اكوون خلصت الـقصه .. بس ودي أقول شي واااحد بس حق اي وحده بعمري وتحس انه اهلها صاكين عليها لااا تتضايقون كلش لانه بتعرفون قيمة الاهل وبتعرفون ليش اهما خايفين عليكم لما تصير لكم مشكلة .. وكاني آنا الحمدالله الحمدالله تليفون وسياره وروحه ورده وقزز لووول لأني كبرت خلاص ولما الواحد يكبر عقله يكبر ترى فا البنات اللي اعمارهم 14 و 15 لا تستعيلون ترى الخير يايكم لوووووووووووووول

 

[DALLY]

لوووووووول عادي لازم تكونين متوقعه هالاسئله من قبل لاتنشرين الروايه

وعيني عليج بارده لو ماانتي طيبه جان ماالله ستر عليج عسوله


بس تدرين الصدمه ان احمد كان عمره 19 وبهالخبث واللعانه امبيه لا حده اي شي

خساره ماتمنينا القصه تخلص لووووول ونستينا

 

[Candy Stealer]

لوووووووول عادي لازم تكونين متوقعه هالاسئله من قبل لاتنشرين الروايه

وعيني عليج بارده لو ماانتي طيبه جان ماالله ستر عليج عسوله


بس تدرين الصدمه ان احمد كان عمره 19 وبهالخبث واللعانه امبيه لا حده اي شي

خساره ماتمنينا القصه تخلص لووووول ونستينا

لوووول والله في شباب اصغر واخبث بعد .. الله يستر علينا وعليكم ان شاااء الله:eh_s(22):

 

[الاحاسيس المبهمه]

بصرااااحه اعجبتيني واايد وحدي حبيت صرااحتج وربي يوفقج وترى اسلووبج حلووو فكمليي نزلي روااياات

وخاالد نادر مانلقى وااحد مثله بهل الوقت

ربي يستر على كل البناات ويهدي كل الشبااب

اميييييييييييين

حبيييتج والله مع اني مااشفتج لوووول بس حبييتج حسيتج برييئه وطيووبه

 

[حياتي معاناة]

الحمدلله ^_________________^

الله يسعدكم يااااااااااارب

 

[تيناا]

يسلموووووووووووووووو على القصه الروووووووعه

والله يتمم عليج يارب تستاهلين كل خير والله

 

[الليدي ديانا]

ماشالله قصتج روعه


الله يخليلج خالد

 

[UNiQe^PRiNceSs]

ثااانكس و يعطيج العافيه

 

[badraa_85]

الله ونااااااسه استمتعت بقصتج كانت خفيفه ولذيذه

ذكرتيييييييني برفيجاتي بأيام الثانويه كانوو قصص بس براءه والله

والحمدالله شلتنا كانت 7 كلنا تزوجنا بقت وحده ويااااااااارب تتزوج

عاد ان شاء الله انتي مرت خالد الحين <---- فضووول لوووول

وترى الاهل الي مايرضوون بناتهم يطلعوون وياييون على راحتهم ويزوررون رفيجاتهم ترى بالعكس هذيل الاهل الصح
ولي اهلها يخلوونها تطلع وترووح بلييييييييز حل تكوون قد ثقه اهلها

وموفقين كلكم يارب

 

[ريـ’ـآنـهـ‘]

وييي ليش تخلص!!

بس هذا الخالد ماشالله عليييه خطييير على قولتج سووووبرمااااان زين يسوي بأحمد قليل أدب
وملاكوو بعد مو هينه افكاار عليها ما شالله اللهم لا حسد عيني عليييج بارده
بس القصه حدددهااا حلووه واسلوووبج يشوق وماتمنيتها تخلص
وربي يوفقج

 

[om-HaSsoOon]

مشكوره على هالقصه الخفيفه لوول وربي يوفقج

 

[T-flower]

الللللللللللله وناسة
الله يتمم عليكم تزوجتو مو ؟؟>>> دايخه حدي لووول