هل كلمه اسف تمحي الجرح ؟؟

[ام ناصر 2009]

السلام عليكم ورحمة الله وبركاته

هل كلمة (( آسف)) تمحي الجرح ....


في هذه الحياة ومع أحداث العصر وتجمد المشاعر


أحيانا نتعرض لمواقف مؤلمة


ومن أعز الناس
وهذه المواقف تكون بمثابة الجرح الدامي


الذي كلما تذكرت هذا الموقف سالت دماؤه من جديد


ولكن ؟؟؟؟


حينما يأتي هذا الإنسان العزيز و الغالي


من تسبب بجراحك بندم وحرقة ولهفة من أجلك


وتحس بمصداقية مشاعره


مع أنه سبب ما يكفي من الألم النفسي


ليبقيك وحيداً أو عاجزاً عن الاستمرارية في العطاااء


حينها يكون هنا السؤال


هل كلمة آسف تمحي الجرح ؟؟؟؟،،

ياليت أعرف أرائكم

 

[كعبية]

انا بعد ابي اعرف مشكوره عالموضوع ؟

 

[عمشه جآكسون~]

كل واحد يقول وجهة نظره الناس اجناس مثل مايقولون ...

انا من ناحيتي على حسب بس انتي قلتي جرح اكيد شي قوي ...

انا اذا احد داش لي على طرف او طعني مستحيل اسامح مستحيل بس اذا سالفه عاديه حتى لو انجحرت فيها اسامح بس ..... مستحيل انسى وانا من طبعي اذا شفت الانسان اذا كان جارحني تلقيني اسولف واضحك معاه بس الي سواه فيني بمخي وما أأمن عليه بعد ...


مشكوره ع الموضوع الحلو

 

[(كويتيه عسل)]

لأ لانه الجرح يروح الا اذا تعالج

كلمة آسفه ما ماتعالج الجرح

 

[الحــــياة]

اذا الجرح كبير ماأتقبل الاعتذار...
اذا الغلط بسيط اتقبل الاعتذار..

 

[SeLf^CoNfiDeNce]

من وجهه نظري تفيد كلمه اسف و لكـــــن في حدوود
انسان اخطأ و تعلم من الخطأ و اصبح يخطي خطاه بعيدا عن الخطأ الذي وقع فيه بأختصار انسان يشعر بالندم نحو ما اخطائه
مقارنه بالانسان الاخر
اخطأ و يعلن بأعلى صوته انه على صواب و لكن تأسف فليس للأسف فائده و سيعيد الخطا و يتكرر لانه مبدأيا لم يكن لديه قناعه بأنه اخطأ
و في حالات اخرى يستمر الخطأ بسبب عدم وجود العقاب و هذه اصعب الحالات
لان من اخطأ و بدى على وجهه علامات اليأس و الندم فمن الممكن ان يعترف بخطأه و لا يرتكب غيره
و لكن من لم يلقى العقاب فسيخطأ و سيعيش على الخطأ لانه اعتاد على الخطا
و من وجهه نظري الاسف يفيد و يمحي الجرح ان اتى من شخص ندمان و لن يعيد ما فعل
و لن اقبل الاسف ان اتى بمجرد الغفران
اتمنى تتقبلين وجهه نظري بصدر رحب
تقبلي تحياتي اختج : دمعه حزن

 

[دلوعة أبوهآ]

ما توقع ان الأسف يمحي كل جرح صار بالقلب ..,
خاصة اذا كان من شخص عزيز ع القلب ..,

ممكن تخفف من اللي صار بس ماتمحي كل شي ابد
الا مع الوقت والايام .. الانسان ينسى ..,​

 

[so_what]

على حسب الشخص اليي جارحني ، اذا انسانه قريبه مني واايد مثل اختي او رفيجتي حييل الاسف يفيد ومع الوقت راح انسى لان بني ادم نساي ماتوقع اخسر رفيجه عمري او اختي عشان هالشي واهم شي تكون اسفها من قلب وما تعيد الغلطه، بس اذا انسانه بعيده عني او علاقتي معاها عاديه خل يفيدها اسفها لان ماراح يفيدني :eh_s(6):

 

[قطوه مكحله]

بنات آسف عن آسف تختلف يعني بعض المرات الناس يقولونها بنفس خايسه وبعض المرات الناس يقولونها واهما حاسين بالذنب وتأنيب الضمير


بنات امانه ادعولي اجيب نسبه باختباراتي

 

[غلاتي ♥ الكويت]

والله مو اي جرح ينمحي بكلمة اسف
احيانا يكون الجرح اعمق واصعب من كل

كلمات الاسف في الدنيا

طرح مميز يسلمووووووووو

 

[Dam3t Daloo3a]

من رااي ..
كلمه اسف بالنسبه لي لو كان الموضوع بيني وبين الي اعزه موضوع عادي ومايستاهل اكيييييييييييد بسامح وبنسى << معني ما احب احد يتاسفلي احس اني قللت من شخصيته خصوصا اذا كنت احبه حيييييييييييييييييييل ..:eh_s(3):

اما اذا الموضوع كان حيل قوي ويجرح بوفر عليه وبقوله لا تتاسف لاني ما راااح اقبل اسفك الا اذا الزمن اثبتلي انك صج قصدك تتاسف مو بس كلااام

بعدها اقبل اسفك بس ما اتوقع اني بانسى الجرح الي جرحتني فييييه .. :eh_s(22):

 

[puppet]

لازم واحد يسامح .. ما تتذكرون الريال اللي صفح عن قاتل ولده ؟؟

واحنا نزعل على كلمة .. الله يقول

إِن تُبْدُواْ خَيْرًا أَوْ تُخْفُوهُ أَوْ تَعْفُواْ عَن سُوءٍ فَإِنَّ اللَّهَ كَانَ عَفُوًّا قَدِيرًا (149)

 

[*امووونه*]

المسامح كريم

 

[طرطعانه]

على حسب الشخص اللي يتأسف ..اذا صديق او او احد من الاهل ...ينمحي الجرح وبسهوله مهما كاان حجم ووضع الجرح

لان في ناس ماتقدرين تفقدينهم ..


اما في ناس ماينمحي الجرح لو شنو ماصار والسبب ان مالهم اهميه بحياتي


وتسلمين على طرح هالموضوع

 

[• قلبه نصيبي •]

علي حسب في ساعات تمحي الجرح وفي لا !

 

[baby johnson]

على حسب الجرررح والشخص نفسه


بس المساامح كرييييييييييييم

 

[امورة زماني]

كلمه اسفه اذا تكررت من نفس الشخص اكييييييييييييد ماراح اقبلها ولا راح ارضى علييه ليه انا عندي مشااعر يعني كل مره بتخطي وتتاسف واسامح وتخطي مره ثانيه وخطا اكبر واسامح ولمتى الين تنهااان كرامتي عنده لا انا صرااااحه ماااحب كلمة اسفه واحسها تطلع مو من قلب الشخص
اووكي تبي تصحح الغلط صححه وبعدين قول اسف لكن تخطي وتقول اسف وانتي ماصححتي الغلط صراحه ماااقبلها

 

[Bent lq8]

على حسب اذا كان الجرح من احد قريب مني يعني من اهلي اختي اخوي اسامح ... اما اذا كان الجرح من رفيجتي ولا وحده بعيده ما اسامح لان كلمة اسف ما تكفي اذا كااااااااااان جرح مو بس غلطه

 

[توتا كويتيه]

تفيد اذا الانسان غلط مرا وماعدها
اما اذا تعود يسوي نفس الغلط وكل مره يقول اسف اكيد ماتفيد
وانا عن نفسي اذا الغلط اول مرا يسير اقبل الاسف
لكن اذا تكرر نفس الغلط اكثر من مرا لا ما اقبله
وتحياااااااااااااااااااااااتي لكم

 

[كادي بنت الكادي]

الانسان المجروح ماينسى طول عمره لكن اذا ام او اب او اخت لازم نسامحهم والجرح اهم يعالجونة اذا يبونا ننسى