تجمع المسافرات الى دبي عطلة الربيع 2010

[* فطامي *]

أنا بعد بنضم معااااااااااكم

ان شاء الله رايحه دبي 25 الشهر

وناوية ارووح المشي و المارينا و القريه العالمية اشكثر اسمع عنها ودي ارووح لها

ووايد امامن ودي افره بالامارات

وبتاجر ان شاء الله بشارقه اممم بفندق جنه اسمه صحاري وليلته سعرها معقول تقريبا اقل من 25 دينار

وبالنسبة للمتروو اشوف ولد عمي شكثر يمدحة ويقول روح فر فيه عجيب

 

[أم العيش]

صباح الخير يا حلوين

وانا بعد وياكم - إن شاءالله رايحين دبي 30 يناير و رادين بإذن الله 6 فبراير

حجزنا على الإماراتية - و الإقامة إن شاءالله بفندق نوفوتيل ديرة سيتي سنتر

بالنسبة للجدول هناك - ماقصروا الخوات كويتيات و إماراتيات على المعلومات اللي جمعتها من مواضيعهم

و لي عودة إن شاءالله عقب ردتنا بموضوع كااااااامل عن سفرتي مع الصور

إجازة سعيدة للجميع بدبي ولا بأي مكان ثاني :tek:​

إي على فكرة - هاذي أول سفرة لي و أول مرة بحياتي بصعد طيارة - الله يكون بعون اللي معاي شبسوي فيهم بالطيارة

​

فضحت نفسي - يمكن وحدة تقرا الموضوع و بتكون معاي بنفس الرحلة - أبيييييييييييييه فشيلة :tomato2:​

 

[لوازم العائلة]

ام العيش جم اخدتي اليله وجم غرفه

 

[لوازم العائلة]

فطامي انا بجرب المترو ان شاءالله

 

[ايمان80]

بتنورالامارات يا خواتي ويا ألف مرحبا فيكم ماشالله الخوات ما قصروا سيروا كل المولات اللي خبروكم عنها وترى اذا بتأجرون سيارة ارحم لكم من المترو والتاكسي ولا تنسون تمرون على القرية العالمية رووووووعة والجو اروع وبعد لا تنسون تاكلون خبز الخمير والقيمات من القرية و اجازة سعيدة انشالله

دبي منورة بأهلها يا بنت زايد

واحنا اللي يشرفنا نزور احلا بلد بالخليج
وياريت تفيدينا اكثر عن اماكنكم الحلوة وبعدها عن دبي مول:gr4uu:

وانشالله تشرفينا بديرتج الثانية الكويت
:q8:

 

[ايمان80]

لوااااااااااااازم

متابعتج حبيبتي

بس ابي احد يرتبلي جدول بو اريع ايام مو بس شوبنغ
ابي اماكن حلوة ثانية
ومعلومة بسيطة عن هذي الاماكن(القرية العالمية.الاسواق القديمة .الاوت لت شكثر يبعد بالسيارة عن برج دبي)
واذا في اماكن ثانية بلييز ساعدوني

 

[لوازم العائلة]

القريه العالميه والاوت لت ياخد عليج التاكسي من 60 لي 50 روحي الاوت لت من الصبح لي الظهر بعدها روحي القريه العالميه
انا ناويه هالمره ارح حديقة الخور وزعبيل لاتكثرين روحات للمجمعات لانه الجو ماشاءالله عندهم عجيب استغلي بطلعات الي تونس والمجمعات روحي بصيف المجمعات واتلانتس
مادري شكثر يبعد برج دبي عنهم ان شاءالله البنات يفيدونج

 

[مفرفشة]

بناااااااات ....

أبي شقة حلوة ديلوكس بدبي 3 غرف وصالة أو الشارقة ؟؟؟؟

هلا حبيبتي انا عن تجربه جربة فلورا بارك ويمدحون فلورا كريك

 

[مفرفشة]

وانا بعد وياكم بروح دبي لمدة اسبوع بنسكن بفندق قمر الدين يم دبي مول ليلته شي واربعين مع الريوق حق شخصين

هلا حبيبتي وين حصلتي العرض هذا؟؟؟؟؟؟؟؟والله زين:ggdw:

 

[لوازم العائلة]

بالنسبه لفلورا بارك الخور بس متوفر عندهم غرفتين
اما فلورا بارك سيتي سنتر عندهم 3غرف

 

[MiSs_6a7LooSHA]

وأنا بعد معاكم

انا صغيرة عاد ورايحة مع اختي وعيالها ولا مرة بحياتي سافرت الا العمرة بس بحياتي ماركبت طيارة

وراح نمشي تاريخ 27 أخلص امتحان وأروح بس أخاف من الطيارة ولا مرة ركبتها

مشكورين بنات ..

 

[لوازم العائلة]

وأنا بعد معاكم

انا صغيرة عاد ورايحة مع اختي وعيالها ولا مرة بحياتي سافرت الا العمرة بس بحياتي ماركبت طيارة

وراح نمشي تاريخ 27 أخلص امتحان وأروح بس أخاف من الطيارة ولا مرة ركبتها

مشكورين بنات ..

حياج الله ياصغيره جم عمرج كتكوته
اختي عمرها 21واول مره تسافر بحياتها لا وبتركب طياره بعد:dddds:
عادي لاتخافين وناسه

 

[بدور الربيع]

وبنضم معاكم بدام سفرتنا لدبي بتكون في عطلة الربيع
احنا حجزنا فندقنا وطيرانا كله من النت واحنا قاعدين في بيوتنا
حجزنا على أول شهر فبراير لمدة ست ايام بفندق جراند موف مع الافطار وعلى طيران الوطنيه
الحلو فيه انه اربع نجوم وسعره رخيص بالنسبه لفنادق الاربع نجوم
وهالمره بتكون سفرتنا نسائيه عائليه يعني خواتي وبناتنا
وضبطنا جدول رحلاتنا لانه صار عندنا خبره من المنتدى ومن روحاتنا كل سنه مره أو مرتين
يعني انشاءالله بنروح مجمع امارات مول - دبي مول -سيتي سنتر-- قرية البوم- القريه العالميه أول مره بنروح لها كثر ما يمدحون فيه- والسوق الصيني علشان نشتري شوية أجهزه وموبايلات والعاب حق عيالنا
وبس سلامتكم

 

[ناسي626]

هلا حبيبتي وين حصلتي العرض هذا؟؟؟؟؟؟؟؟والله زين:ggdw:

هلا والله انا اخذته من فندق دوت كوم اللي ياخذون بس رقم الفيزا واذا وصلتي هناك يقصون المبلغ
والتذكره اخذناها 42 الشخص الواحد على الكويتية من اكسبيديا والله اريح النت

 

[غاويـــة الإماراتـــ]

اتييون و ترجعون بالسلامة عاد انا ودي ايي الكويت =(

 

[لوازم العائلة]

اتييون و ترجعون بالسلامة عاد انا ودي ايي الكويت =(

حياج الله تعالي بمهرجان هلا فبراير:68_asmilies-com:
ادا كان الهدف من زيارتج لنا انج تشوفين بنات المنتدى فلا تحاتين راح انيي تعشى عندج:dddds:

 

[مدرسة طفشانة]

ما شاء الله عليكم بنات
الله يهنيكم وتروحون وتردون بالسلامة
بس انا بتكون رحلتي غير >>> عيل ليش داشه؟
اقصد بروح دبي مع ريلي بروحنا ابي استانس فيها
كل مرة اروح لها مع لوية اليهال والحوسة ما استانس
هالمرة غير ان شاء الله بحجز في اتلانتس >>> وايد عاجبني احسه رومانسي
السفرة بتكون 4 ايام بس عشان جذي بستانس بمكان حلو
وبتنقل بالمترو واروح مجمعات ما رحت لها قبل
بس راح تكون السفرة اكثرها راحة مو تسوق
والله يوفق الجميع يا رب

 

[ناسي626]

عاشوااا يلا نبي اماكن يديده مو متعودين عليها
انا بروح
دبي مول- الامارات مول - ابن بطوطه - الوافي - سوق مرشد - القريه العالميه - اتلانتس - اوت لت - قرية الجميرا - الووك
نبي اماكن فيها عبي حلوه وعطور حلوه مو عندنا بالكويت ويييين؟
انا قالولي مجمع ساره بالشارقه في عبي حلوه

 

[Love \ Hate]

هلووو بنات شلوونكم ؟؟

ابيه انا متردده !! عندي سفرتييين !! وحده دبي وحده لبنان " بروحي قررت لوووول "

بس مادري ايهو اول ؟؟ بروح دبي 3 ايام .. وبروح لبنان 5 ايام ..

ودي اروح بالعيد الوطني حق لبنان وشهر 3 حق دبي ؟؟ بس خايفه تصير دبي خيسه وحر شهر 3 انا قلت شهر 2 يمكن احسن !!

ابيييه الوقت يمر وانا ماقررت

بس بليز فيدوني ابي فندق حلووو وسعره مناسي ويم الوووك ؟؟

 

[سنا الفضه]

حياج الرحمن لوازم العائله يااحلوج وياخف طينج كلما دخلت الموضوع ارد اقراه من الاول اسلوبج يوونس اسمله عليج

وبخصوص ستار بوتيك اي مافيه 3 غرف بس اذا الخدامه مو وياكم استغلوا غرفتها خلوا واحد من اليهال المغضوب عليهم ينام فيها لووووووووووول


والصاله بعد ممكن تستفيدون منها يوفرون اسره اضافيه

كسره عود الله يسهل لج واتحصلين الي تبينه بعد هالدنيا حياج الرحمن

بنت زايد فديت طيبه اهل الامارات ينحطون على الجرح يبرى والله انهم اياوييد وخووش ناس اتذكر كنت اتمشى بالاوت لت وعجبتني طريقه بوشيه وحده سألتها وحلفت علي الا تييون معاي البيت اتقهوون دامكم ضيووفنا واصرت تاخذ رقمي وتعطيني رقمها اتطرش سايقهم لي تعطيني نفس بوشيتها على قولتهم الطرحه بس انا استحينت على ويهيي وضفيت اشباهيي وخشتي بعيد عن المره وخزيتاه صج صج كريمين ويهبلوون يااحلووهم الله يوفقهم ويعمر دارهم ويعلي شانهم ياارب