كافي صدماات بحياتي... قصة كويتية واقعية لأميرة البجع

[Danya =)]

عظم الله اجركم حبيبتي

ميخالف اخذي راحتج

 

[ReRez]

عظم الله اجركم .. واسفين قلبناها ضحك :$ والله ماندري ..

اخذي راحتج القصه لاحقين عليها

 

[cute princess]

عظم الله اجركم والله يرحمه انشالله
بس بغيت اسالج جراح موجود بالعزا ؟ :×
تدرين عزا وبنيي نسوي الواجب :$

بنطق انا :× لا لا عظم الله اجركم واخر الاحزان انشالله :*

 

[T-flower]

عظم الله اجركم حبيبتي
اخذي راحتج
سامحينا

 

[smecha]

وييي عظم الله اجركم حبيبتي
البقى براسج

 

[admant_7abk]

--------------------------------------------------------------------------------

عظم الله اجوركم وجعله اخر الاحزان يارب

وخذي راحتج حبيبتي

 

[UNiQe^PRiNceSs]

عظم الله اجركم والله يرحمه انشالله
بس بغيت اسالج جراح موجود بالعزا ؟ :×
تدرين عزا وبنيي نسوي الواجب :$

بنطق انا :× لا لا عظم الله اجركم واخر الاحزان انشالله :*

:eh_s(1)::eh_s(1)::eh_s(1)::eh_s(1):
كيوتووووووو
ثقلي شوي :eh_s(1):

 

[ياعيون مغليك]

عظم الله اجرج ياقلبي
كنت متابعه بصمت
بس حبيت اعزيج
عساها اخر الاحزان واحنا ناطرينج على نار

 

[أروسا]

عظم الله أجركم

و عساها اخر الاحزان انشاءالله

 

[عذبه الصوت]

عظم الله اجرج حبووبه وان شاءالله اخر الاحزان

 

[أميرة البجع]

السلام عليكم حبيباتي
مشكورين ما قصرتو.. والله اني تعبانه
بس ما انساكم ولا أبي أعلقكم زيادة
تفضلو يا غالياتي
**********

البارت الثالث والثلاثون
************


هاجر: انت تدخن؟

بدر: اي

هاجر: غريبة أول مرة أشوفك تدخن!!

بدر: ماصارلي وايد

هاجر: ليش؟

بدر (متنرفز): بعد ليش؟؟ هاجر خلاص.. شفيج تسألين وايد؟

هاجر (سكتت وبعينها الدمعة)

بدر (حس ان ضايقها.. هدا شوي.. وغير نبرة صوته): حبيبتي.. تبين تعرفين من متى أدخن؟

هاجر: على راحتك

بدر: يلا عاااااد لا تزعلين.. سمعي.. بقولج من متى؟ من هديتيني ورحتي عني.. حسيت بالضياع وأول شي اتجهت له السجاير.. عشان تعرفين غلاتج عندي.. وآنا بالسجن ما دخنت.. بس ليما حسيت اني بفقدج.. فقدت روحي

هاجر (كسر خاطرها حييل): حبيبي والله آنا آسفة.. تعبتك معاي

بدر: أفاا عليج تعبج راحة.. (ابتسم لها) أحبج

هاجر: ههههههه وانا بعد

بدر: وانتي بعد شنو؟

هاجر: وانا بعد أحبك

بدر: أموووووووت عليج.. انزين عندي لج مفاجأة

هاجر: لي آنا؟؟ شنو اهي؟

بدر: يعني لو أقولج شنو بتصير مفاجأة؟؟ واااي مرتي ذكية.. (بدر يتقصد يقول كلمة مرتي.. عشان يفرح قلب هاجر)

هاجر (فعلا تستانس لما يقول مرتي): ههههههههههههههههههه آنا مو غبية.. آنا ذكية والدليل اني مرتك

بدر: فديييييييتها مرتييييي.. (وصلو عند منتجع هيلتون المنقف.. دخل من البوابة.. وسفط السيارة.. وافتر على هاجر) يلا نزلي

هاجر (مستغربة): ويييين؟

بدر: نزلي هني.. هاذي المفاجأة.. آنا حاجزلنا يومين

هاجر (حدها طايرة من الفرح): صج؟؟ مشكووووووور.. بس انت شدراك اني راح أوافق أرجع معاك؟؟

بدر: كنت متأكد.. لأنج تحبيني وتدرين اني أحبج.. حتى لو مارجعتي فدوة لعيونج.. أحجز مرة ثانية ليما ترجعين

هاجر مستانسة وتحمد ربها على ان بدر تغير وصار يحبها.. نزلت من السيارة ومشت يم بدر.. ومسك ايدها

دخلو اللوبي وسوا جك ان .. وراحو Honeymoon Suit مالهم..

طبعا مثل ما انتو عارفين.. بدر ما جاس هاجر كلش واهي عنده كان ينام بالصالة واهي بالغرفة

عاد الحين مايحتاج أقولكم شنو صار.. بس الليلة تعتبر الليلة الكبيـــــــــــــرة
***********************************


مريم كانت قاعدة بالصالة.. يتها امها

أم خالد: السلام مريومه

مريم (وقفت باست أمها): هلا يالغالية وعليكم السلام

أم خالد: ليش قاعدة بروحج؟

مريم: ماكو.. نزلت تحت أطالع التلفزيون.. مليت من غرفتي

أم خالد: اي حبيبتي زين تسوين.. بس جان ناديتيني أقعد معاج!

مريم (ابتسمت لها): عادي يما شفتج بغرفتج ما بغيت أضايقج

أم خالد: انزين يما بكلمج بموضوع

مريم: آمريني يما

أم خالد: يما تعرفين أم فيصل جار بيت خالج؟؟ اللي دايما تكون موجودة هناك ليما نروح عزايم مرت خالج؟

مريم: اي يما أعرفها شفيها؟

أم خالد: اليوم اتصلت علي.. وقالتلي انهم بييونا

مريم: اي حياها الله

أم خالد: اي بس ما تبي تيي بروحها

مريم: حياها الله اهي واللي تبي تييبها معاها

أم خالد: مريم.. اهي بتيي مع ولدها فيصل

مريم (فهمت قصد أمها .. بس تتغيبى): ليش؟

أم خالد: ليش يعني؟ فيصل يبي يقعد معاج ويكلمج.. ان شاء الله يصير نصيب

مريم: بس يما آنا مابي أتزوج الحين

أم خالد: ليش حبيبتي.. دراستج وماباقيلج الا صيفي وتتخرجين ان شاء الله

مريم: اي يما بخلص وبنطر الوظيفة

أم خالد: عاد شدعوه بيمنعج من الوظيفة.. يما عيال هالوقت كلهم يبون مرة موظفة تساعدهم

مريم (تتهرب): يما انا بستانس بمعاشي بالأول وبعدين لاحقين على الزواج.. شنو مليتو مني؟

أم خالد: حشى يما ليش تقولين جذي.. بس مريووم انتي وايد اييونج وانتي ترفضين يعني ليه متى؟

مريم: يما الله يخليج تو الناس

أم خالد: انزين قعدي معاه.. يمكن يعجبج وترتاحين له

مريم: يما حبيبتي روحي انتي لا أقعد معاه ولا يقعد معاي.. والله يخليج سكري على هالموضوع..يلا انا تعبانة بنام.. تصبحين على خير

أم خالد: والناس اللي بييون شقولهم؟

مريم: يما قوليلهم أي شي.. قوليلهم ماتبي.. يلا تصبحين على خير

أم خالد: الله يهديج.. وانتي من اهله

مريم صعدت غرفتها.. قامت تفكر " والله آنا ليه متى برفض الناس؟؟ لين أعنس وأطيح بجبد نفسي؟ لا بس اهو قالي صبري سنة وباقي عليها 9 شهور.. نشوف شيصير عقبها"
*****************


جراح طلع من الشقة معصب ويفتر بالشوارع " بس خلاص اكتفيييييييت منها.. بس ليه متى بتحمل.. صايرة دعلة ودلوعة.. وعقب كل هذا تطعني برجولتي.. آنا أرااويييها" وقام يطق عالسكان

شوي خذه تليفونه ودق على سعود

سعود(طبعا لوية واغاني): ألوووووووووووووووو

جراح: ألو بو عزوز

سعود: هلالالالالالالالالا الجرحي.. انت وينك ياخي؟

جراح (منزعج): عفيه وخر شوي خل أكلمك

سعود (وخر عن الازعاج): هلا آمرني

جراح: انت بالشقة؟

سعود: اي

جراح: شنو في سهرة؟

سعود: امبلا فيه.. بس ليش تسأل؟؟ مو بطلت؟

جراح: ها؟ اي بس ضايق خلقي قلت بيي أفرفش شوي

سعود: افااااااااااا عليك.. العين أوسع لك من المكان.. حياك

جراح: يلا دقايق وأوصل.. باي

سعود: باي

جراح مشى دقايق لين وصل العمارة اللي فيها شقة سعود.. طفا السيارة وقعد متردد.. " مادري.. أنزل او لأ.. امممممممممم .. لا بنزل.. آنا اعلمها.. تقول اذا انت ريال هاا؟"

نزل جراح من السيارة وصعد الشقة.. دخل لقى كالعادة عند سعود.. أغاني وشباب وبنات وشرب ولووية.. وأشياء خايسة

جراح سلم على سعود.. وقعد على الغنفة.. يطالع شنو قاعد يصير.. " آنا كنت جذي بيوم من الأيام.. يا ربي شهالاستهتار؟؟ شهالسوالف؟؟" بس من يتذكر تهاني يطرد هالتفكير من راسه.. وبس يفكر انه ينتقم منها بطريقته

شوي يت قعدت يمه وحدة.. كانت تعرفه من قبل.. وتحبه.. بس حب الفرندز الضايع.. وهو كان يميل لها.. وكذا مرة غلطان معاها

سحر: قوة جراح

جراح: هلا سحر شلونج؟

سحر: بخير.. وانت بشرني عنك؟

جراح: تمام

سحر: شدعوه مالك بينه؟

جراح: لهيت شوي

سحر (بدلع): بشنو؟ أكو شي يشغلك عن سحووره؟

جراح (طالعها.. " صج فقدت هالدلع"): والله انشغلت بمسؤولية الزواج

سحر: اييي صج عالبركة.. خو انت من تزوجت.. ما بينت عالأقل عشان نبارك لك

جراح: ههههههههه لا سعود قام بالواجب.. ووصل سلامكم وتبريكاتكم مشكورين

سحر (تقرب منه شوي شوي): وشلونها العروسة؟

جراح: تمام.. اهي الحين حامل

سحر: لالالا؟؟ عالبركة بتصير أبو يعني

جراح (يحس فيها قريبة حيييل): اي

سحر: ما قتلي.. شيايبك اليوم عندنا؟

جراح: ضايق خلقي قلت أمر شوي

سحر: شفيك شكلك مو طبيعي؟

جراح: لا بس مصدع شوي

سحر (قدمت له الكاس اللي بيدها): تفضل ريح أعصابك. وانا أييبلي غيره

جراح (تم فترة يطالع الكاس.. بعدين وخره بايده): لا مشكورة.. آنا بطلت من زمان

سحر: وييييييييييه والله قدرت عليك

جراح (عصب ): آنا بكيفي قطعت.. ولو برد يكيفي بعد.. محد يقدر علي.. آنا ريال.. بس انا مابي

سحر (مسكت ايده ووقفت تسحبه بدلع يذبححححح): هههههههههههههه.. آنا ما قلت شي.. انت سيد الرياييل.. انزين عيل تعال نرقص

جراح تردد بس بعدين قام معاها.. كانو حاطين سلووو.. والكل داش جو.. لما صار عالبست.. سحر لزقت فيه ولفت ايدها ورا رقبته.. وحطت راسها على صدره ترقص شوي شوي معاه..

جراح كان حده تعبان ووده ياخذ سحر الحيييييين ويدش معاها اي غرفة..

سحر (تهمس بأذنه.): اشتقت لك

جراح ساكت يبولع بريجه.. وحاس بأنفاسها الحارة

سحر (عيارة حاسة فيه.. وتدري شيفكر فيه): انت ما اشتقت لي؟

جراح (قام يحس بحرارة.. ويتكلم شوي شوي): امبلا

سحر قربت راسها منه .. وشفايفها من شفايفه وغمضت عينها باسته.. جراح تجاوب معاها من أول لحظة.. قام يبوسها ويمسح على جسمها لأن كان مكشوف أكثر منه مستور

سحر عرفت شنو يبي.. وخرت عنه بدلع.. ومسكت ايده سحبته لغرفة من الغرف

جراح راح معاها.. سحر سكرت الباب.. كان معطيها ظهره..لمته من ورا.. وباسته على رقبته ورا حيل..

درت انه فاقد هالشي من زمان.. وتبيه يرد يتعلق فيها مرة ثانية.. قامت تعرضله جسمها.. وشوي شوي تقط ملابسه وملابسها

جراح (ماقدر يتحمل.. سحبها وياه ليه الفراش.. يبوسها): أحبج (؟؟؟)
******************************

يلا حبي رايكم؟؟

 

[MeeMeeYoo_2]

امبييييييييه اهم شي جراح لااااااااااااا @@

بدر وهاجر << امووت انا على طيور الحب

يعطيج العافيه حبيبتي

 

[أميرة البجع]

سوووووووري بناااااااااات
بنااااءا على طلب الغيووورة.. سوف يحذف أي جزء من القصة قد يحتوي على أحداث بين تهاني وجراح
نظرا لما سببه كلام البنات من مضايقات ومشاحنات بينهما
سووووووووووري والله مو بيدي توها الحيييين داقه علي زافتني.. بس قتلها اني توني منزله بارت
سامحوني بنات ماراح انزل لكم عنهم شي

 

[انا خطر]

مشكووورة عالبارت

و سحر كرهتها اففففففففف

و بدر و هاجر يحليلهم الله يتمم عليهم

و مريم و احمد فلم هندي و الله مصدقته

 

[تيناا]

اموره مشكوره عالبار ت

بس ليش تحذفين جراح وتهاني هم من اساسيات الاحداث بصراحه مايصير تحذفينهم

 

[ReRez]

تسلمين حبو اميره تعبناج معانا .. خوش بارت والله
--

التحليل :

1- مريم كاسره خاطري .. للحين حبه عاميها ويارب تستوعب ان مايبيها وقبل فوات الاوان

2- بدر وهاجر .. يارب يتمون جذي على طول ومايقلب عليها ويذكرها بالطريقه اللي خذاها فيها

3 - جراح .. صراحه مادري شقول بس اللي شافه من تهاني مو شويه قالتله كلام قوي ادري من النساة بس المفروض تتكلم معاه باسلوب
احسن .. بس يللا ان شاءالله ترد المياه لي مجاريها ويندم على خيانته لها
---

اما بالنسبة حق الغيوره .. فاشلون يعني بتحذفين كل مشهد بين تهاني وجراح ؟؟ اشلون يعني تتكمل القصه عدل ؟
اذا قصدج مشاهد غراميات فخلاص مو لازم نعرف بس المهم ندري متى ردلها اوكي ومتى لعب بذيله ..
اما اذا تقصدين كل مشهد بينهم.. يعني تشيلينهم من القصه ؟؟؟؟ ف صراحه نوووكومنت على هالكلام

ومشكوره حبو مره ثانيه

 

[UNiQe^PRiNceSs]

بدر و هاجر الله يتمم عليهم انشالله ويظلووون جذي على طووووول

جرااااااااااااااح ليش جذي
والله كنت حاسه هذا الي راح يصيييير


وعلى تهاني وجراح
ما يصير تحذفينهم واهم اساسييين ونبيهم
واذا قلنا شي ترى قاعدييين نتغشمر احنا والله مو قصدنا شي
ولا راح نحسدها ..
ومشكوره حبيبتي ما قصرتي ;**

 

[DALLY]

هههههههه يونيك جراح ماعاد صوبنا

امورررره عظم الله اجركم حبوبه واخذي راحتج


مريم لازم تتزوج
جراح اللي سواه غصب عنه مو قلنا تهاني جان انطقت بيت امها بلا اهانات الله يستر من تاليها معاهم
هاجر وبدر عسى دوم سعادتهم

 

[ReRez]

ارد واقول اذا منصجج و موغشمره فجد ضاع الحجي ماعندي شي اقوله !!

 

[DALLY]

كيوت الحين مالج روحه للعزا هههههههه



اموره لاتحذفين شغلات حيل نبي الاحداث واضحه وشوفي المناسب لكم