كافي صدماات بحياتي... قصة كويتية واقعية لأميرة البجع

[UNiQe^PRiNceSs]

دانيا
احمد حقيره ما تصير
احمد حقير تصير
لوووووول:dddds:
ناطرينج حبببي

 

[cute princess]

وااااااااااااااااااااي بدر نذل نذل نذل نذل
حقيييييييييييييييييييييييييير والله
بس حاسه بيتعدل معاها لووووووووووووووووووول

وتهون فديتج والله يالله عالبركه رووووووووووووحي الفال حق مرته الثانيه لوووووووووووووووووووووووووول ديري بالج اخاف متزوج عليج ههههههههههههههههههههههههههه

مشكوووووووووووووره اموره فديتج والله ناطرينج رووحي

لا بعد ما تزوجنا :$ قصدي ما تزوج :$

 

[DALLY]

لوووووول كيوت بدعتي

 

[جمال رباني]

الله يتمم على تهاني

والله يعوض هاجر

بس صج بدر مو صاحي

يله حبوبه ننطرج

لايوقف

 

[NoNy aLM]

Waaaaain eLPART

 

[cute princess]

لوووووول كيوت بدعتي

حدي لوووووووووول :krkrkr:
:krkrkr:

 

[miss-sponga]

waaaaaiting

 

[zooz92]

تستااااهل تهااااني الف مبرووووك الله يتمم علييييها

مسكييينة هاااجر بس اتووقع بدر راح يصيير زين الحين معااهااا يمكن حس بغلطه

يعطيييج العاافية على الباااارت الحلووو

ناااااطرينج

 

[Danya =)]

دانيا
احمد حقيره ما تصير
احمد حقير تصير
لوووووول:dddds:
ناطرينج حبببي

لوووووووووووووول

ويييه :$

هذي بدليات الفير :dddds:

 

[super model]

امورة وين البارت ><

 

[T-flower]

وااااااااااااي بدر وللي يرحم والديك لا تعيش الدور وايد
وامه عفيه خل تصحى من الفلم معيشه روحها فيه
امبيه موصج
يارب يتسنع معاها وماتصير مشكله
وعفيه شنو صار مع مريم واحمد ناطرين اناملج الذهبيه حبوبة

 

[Asrarie]

مريومه واخير كملتي قراية القصه مابغيتي

لووووووووووووووووول شفتي شلوون واخيرا :dddds:

 

[T-flower]

waiting
waiting
ya 7elwa

 

[UNiQe^PRiNceSs]

لوووووووووووول دانيا ميخالف سامحتج :$

كيوتوووووووووو
اخر انذار
يوزي !!!

 

[**كويتاويه وافتخر**]

البارت عجيب .....بس الله يستر ع مريوم من احمد طلع مو هين ........
وعليه ع هاجر المسكينه والله يصبرها ويارب يعقل بدر ....
والله يهني تهاني وجراح يحلاتهم يننون ماشالله عليهم .........
ويلا ناطرين انا متشوقه .. حدي ...........

 

[نملة زقرتية]

يالله نبي بااااااااااااااااااااااااااااارت

نحن بالانتظاااااااااااااااااااااااااااااااااااااار

طولتييييييييييييييييييييييييييييييييييييييييييييييييييييييييي

 

[أم@الحلوين]

أموووووره ناطرين البارت على ناااااار مو طولين علينا يالغاليه

up

up

 

[أميرة البجع]

السلالالالالالالالالالالالالام عليكم
اشتقتلكم.. يوم ونص جنه سنة ونص
حبايبي بس بسألكم عن شي.. وابي كل وحدة تقرا البارت قبل لا تعلق عليه تعطيني رايها بسؤالي.. ماعليكم أمر
بنات القصة فيها بعد وايد أحداث.. وأحس انكم مليتو وحسيتو القصة طولت.. شرايكم أختصر الأحداث.. واحذف بعضها.. عشان أخلصها بسرعة؟؟

والحين تفضلو
*****

البارت الثلاثون
**********


بعد شهر، هاجر للحينها في بيت أهلها وبدر لا حس ولاخبر.. هاجر صايرة كئيبة وكله تبجي..

تفكر ببدر. وتشتاقله.. بس لما تتذكر اللي سواه فيها تحس انها تكرهه.. وتكره نفسها لأنها تدري انها تحبه وما تقدر تكرها


هناء (طقت الباب عليها): هاجر.. حبيبتي قاعدة

هاجر (مسحت دموعها بسرعة): أي يما حياج

هناء (لاحظت الدموع.. وضاق خلقها على بنتها زيادة): يما حبيبتي ليش تسوين بعمرج جذي؟؟ ماكو شي يستاهل.. واذا على العيال.. انتي توج صغيرة والعمر جدامج.. "وعسى أن تكرهوا شيئا وهو خير لكم"

هاجر ساكتة ومنزله راسها.. ودموعها تنزل بغزارة غصب

هناء( راحت قعدت يم بنتها.. وقامت تمسح على راسها): يما حبيبتي.. لا تضيقين خلقي عليج

هاجر (مسحت دموعها ورفعت راسها مبتسمة حق أمها): سامحوني.. تعبتكم وياي

هناء: لا تقولين جذي.. احنا ربيناج صغيرة.. ومحنا عيزانين عنج كبيرة.. بس يما بكلمج بموضوع

هاجر(انقمت قلبها.. ماتدري ليش حست ان الموضوع عن بدر): تفضلي

هناء: يما بدر دق على أبوج قبل شوي

هاجر: شيبي؟

هناء: يما بدر يبيج ترجعين له.. ووده يتفاهم وياج

هاجر (غصت بصوتها): يما الله يخليج.. مابي أرجعله.. كافي اللي ياني منه.. والزواج مو غصب

هناء: يما ليش ما تقعدين معاه وتسمعينه؟ شكله متحسف وشاريج.. يبيج

هاجر (غورقت عيونها بالدموع.. وتكلمت بصوت راجف): يما الله يخليج.. لاتزيدون همي

هناء: يما آنا أدري انج تحبينه.. وموقادرة تعيشين من غيره.. يما آنا أمج وأحس فيج.. ليش تعذبين نفسج.. وتعذبينه معاج؟؟ اهو يحبج بعد

هاجر (قامت تبجي): لالا آنا أكرهه ما أحبه.. نسيتي يما ذبح ولدي.. آنا اكرهه

هناء: لا حول ولا قوة الا بالله العلي العظيم.. استغفري ربج يا يما.. كل شي بيده سبحانه.. واهو مو كاتب.. وبعدين لا تقصين على عمرج وتقولين تكرهينه.. انتي تحبينه.. شوفي انا بخليج الحين عشان تهدين.. وبخليج جم يوم عشان تفكرين.. واللي تبينه بيصير.. (طلعت هناء بعد ما باست بنتها على راسها)

هاجر (تمت تبجي.. ومسكت تليفونها دقت على بدر.. تبون الصج مو قادرة مشتاقتله.. تبي تسمع صوته.. وبنفس الوقت فيها غل وكره ودها تفجره فيه)

بدر (أول ما شاف رقم هاجر شاله على طول): ألوووو

هاجر (بعد ما سمعت صوته.. حنت له زيادة.. بس قامت تبجي وتصارخ من القهر): انت شتبي بالضبط؟؟ تبي تذبحني؟؟ مو كنت تقول ان شاء الله يطيح الياهل عشان أطلقج وأفتك؟ خلالاص الياهل راااااااااااح.. طلقني وريحني آنااااااا

بدر (منكسر قلبه حيل): هجورة.. حبيبتي اهدي شوي.. خليني أكلمج

هاجر: مابي أهدى.. ولا أبيك تكلمني.. يا خي ما بييييييك غصب.. عوووووووع زعتك.. فكني.. طلقني

بدر: آنا مقدر حالتج النفسية.. بس أبيج تهدين شوي.. عشان أفهمج

هاجر: شقالولك؟؟ مينونه؟ وبعدين مابيك تفهمني.. شتفهمني شتقوووووووول؟ والله ماكان قصدي.. العب غيرها يا شاطر

بدر: هاجر.. الظاهر بعدج تعبانه.. أخليج لين ترتاحين وتهدين.. وبعدين انا بالشوفة.. متى ما تبين تتفاهمين آنا حاضر

هاجر رقعت التليفون بويهه.. وقامت ترجف.. لكنها حست ان بدر بدا يتحسف وانه صادق.. اهي تحبه الا تمووت فيه.. بس مو قادرة تنسى انها فقدت ضناها بسببه...
********************


مريم للحين ما كلمت أحمد من السالفة.. وهو بعد ما بين...

لكن مريم كانت تعبانه وايد.. نفسيتها.. وجسدها تعبانين معاها

مريم تحبه بس قامت تخاف منه.. بعد اللي سواه فيها..

كانت قاعدة بغرفتها تفكر فيه.. ياها مسج

فتحته.. لقته من أحمد.. (سامحيني.. آنا تعبان واايد.. بس انتي اللي حديتيني على هالشي)

مريم قامت تبجي.. غصب عليها باست التليفون.. رن تليفونها والا أحمد داق عليها

مريم (بسرعة شالته.. واهي تبجي): ألووو

أحمد (صوته فعلا تعبان): أحبج والله أحبج.. سامحيني

مريم (تبجي): أحمد ليش سويت فيني جذي؟ ليش ظلمتني؟

أحمد: كوني مكاني شيتسوين؟؟ يدقون عليج يقولون لج اني واقف حق بنات وأسولف معاهم وأضحك لهم.. شيتسوين؟

مريم(تبجي بحرقة): بس هذا مو عذر.. انت طقيتني وهنتني.. واعتديت علي.. أحمد شلون اعتديت علي؟؟

أحمد: الله ياخذني ان شاء الله.. انا مينووون.. حماار .. غبي.. سامحيني حبيبتي والله ما عيدها..

مريم: قولي شلون تبيني أسامحك؟؟ شلون تبيني أنسى؟؟ آنا قمت أخاف منك

أحمد: أفاااااا تخافين مني؟؟ تخافين من حبيبج؟؟ صدقيني يعل ربي ياخذ عمري اذا أذيتج.. مريم آنا لو بأذيج جان الحين انتي مو بنت..بس من حرقة قلبي يوم سمعت الموضوع سويت اللي سويته

مريم: هذا مو عذر.. لا تتعذر حق نفسك.. وانت ما رضيت حتى تسمعني.. واااااااااااي من أتذكر شنو صار في ذاك اليوم كل مافيني يرجف.. كل مافيني ينأرف منك.. كل ما فيني يكرهك ويخاف منك

أحمد (ضايق خلقه حيل): يعني وصلنا لطريج مسدود؟؟ يعني ما تبيني؟

مريم (مو قادرة ودها تطلع من التليفون وتلمه.. بس اكتفت من هالحب الضايع): انت اللي وصلتنا لي هالمرحلة

أحمد: صدقيني حبيبتي ماراح أعيدها.. لا تتركيني أضييع من غيرج

مريم: عبالك ان سهل علي.. صدقني حتى آنا أحبك وأمووووت عليك.. بس ماقدر أحمد.. صدقني ماقدر

أحمد: عطيني فرصة

مريم: انت قولي جم فرصة عطيتك؟؟ جم فرصة وفرصة ضيعتها؟؟ تبي فرصة؟؟ ماعندي مشكله أعطيك فرصة.. يلا متى بتخطبني

أحمد: عمري ليش تمسكيني من الايد اللي تعورني.. تدرين اني ماقدر الحين

مريم: ليش ما تقدر؟؟ أحمد شالسالفة؟؟ ليش ما تبي تتزوجني؟؟

أحمد: ماقدر قتلج ماقدر.. لا تضايقيني أكثر

مريم: يعني متى راح تقدر؟؟ بعد اسبوع شهر شهرين؟؟ سنة سنتين؟؟ متى قوووول

أحمد: مادري صدقيني مادري.. بس اللي أعرفه اني أحبج.. وماقدر أعيش من غيرج

مريم: انت ما تحبني.. انت تحب ان فيه حمااارة تنطرك.. ترووح تلف تلف وتلعب ليما تشبع وبعدين ترجع لها.. ما تبي ترتبط.. ولا تبي زواج.. ولا تبي استقرار

أحمد: مريم كافي انتي قاعدة تذليني

مريم: آنا ما أذلك.. آنا أقوول الواقع.. الواقع يقول انك ما تبيني.. ولا تحبني

أحمد (سكت فترة): انزين واذا طلبت منج مهلة؟؟

مريم: يعني جم؟؟

أحمد: سنة

مريم: شنووو؟ أكثر من هالثلاث سنين؟؟ يعني تبي بعد سنة؟

أحمد: انتي صبرتي 3 سنين.. كملي جميلج وصبري سنة.. ووعد أول ما تخلص السنة.. تلقيني عند بيتكم

مريم (سكتت فترة طويلة)

أحمد (استانس.. حس انه قلبها بدا يلين.. تكلم بصوت حنون): يلا حبيبتي سامحيني.. ونطريني بس سنة. وصدقيني ماراح تشوفين الا اللي يرضيج.. يلا عاااد خل نرجع مثل قبل.. أحلى أثنين.. خل نرجع حبايب.. ترى اشتقتلج واايد.. والله لج وحشة.. أحبج

مريم (تضحك بصوت ناعم): ههههههه أي قص علي بهالكلام الحلو..

أحمد (استانس وااايد): هيااااااا.. امممموووووووااااااه.. أحبج

مريم: هااااااااا؟؟ هاااااااااا؟؟ بدينا؟؟

أحمد: لابدينا ولا انتهينا.. خلاص من يوم ورايح ما ناديج الا أم شهاب.. يا حياتي يا أم شهيب

مريم: ههههههههههههههه خل نتزوج عشان ايي شهيب

أحمد: ان شااااااااااااء الله
************


بعد 3 أسابيع تهاني النساااة كانت ذابحتها ومتعبه نفسيتها ونفسية جراح معاها

الساعة 10 بالليل.. تهاني قاعدة عالغنفة بالصالة تطالع تلفزيون وتكسر حب

جراح توه طالع من الحمام عزكم الله.. ماخذله شاور.. يه قعد يمها.. ومد ايده على الغنفة ورا ظهرها

تهاني (لايعة جبدها): وااااااااااااي جراح وخر.. مختنقة

جراح: شفيج حياتي؟

تهاني: قوم اقعد هناك.. موقادرة أتحمل

جراح: تتحملين شنو؟؟

تهاني: واااااااااااااااي عااااد لا تغثني قوم اقعد هناك.. مابيك تقعد يمي

جراح: آنا بعرف انتي شفيج؟؟ ليش ما تبيني أقرب صوبج؟؟ شفيني آنا؟؟ فيني جرب؟؟

تهاني: مافيك شي بس مو متقبلتك

جراح (معصب): تهاني عيب شهالكلام؟؟ ليش مو متقبلتني؟؟ شنو انتي تكرهيني؟

تهاني (عصبت اهي بعد.. وقامت تبجي): أي أكرهك.. أكرهك ولا أشتهي أشوفك.. وأكره نفسي بعد

جراح (مصدوم وما استوعب الا انها تكرهه): شنووووووو؟ انتي تكرهيني؟ من متى؟

تهاني: من زماااااااااااان ارتحت الحين؟؟ يلا وخر عني

جراح (قرب منها زيادة .. وعيونه حمرة): لييييييييييييش؟؟ شنو سويييت ؟؟ شنو غلطتي؟

تهاني ما ردت عليه بس ركضت الحمام تكرموون ترجع

جراح ركض وراها.. شافها ترجع كسرت خاطره.. فتح الماي وغسل ويهها.. ومسح بشوية ماي على شعرها.. وقام يفرك ظهرها

جراح: مايخالف حبيبتي.. ما يخالف.. خلاص الحين ترتاحين

تهاني (تبجي): بسسسسسسسس. بسسسسسسس تعبت.. مابيك.. وخر عني.. مااابييييييك

جراح (وخر وهو يطالعها منصدم): عمري.. انا أدري ان كل هذا من النسااة.. انا أدري انج ما تقصدين

تهاني: لا أقصد.. آنااااااا اكرهك.. ما أحبك..مااابيك.. اطلع بره.. بررررررره

جراح معصب.. وقف يطالعها فترة.. وبعدين طلع من الشقة وصفق الباب وراه


تم فترة طويلة.. يفتر بالشوارع.. تليفونه رن.. طالعه بسرعة عباله تهاني.. لقاه سعود.. ما شاله.. ماله خلق أحد

قرر يرجع البيت.. وليما رجع لقا الشقة ظلمة.. راح غرفة النوم.. لقى تهاني نايمة

دش الحمام غسل وبدل ملابسه.. وانسدح يمها.. ولمها.. حاول ان يقرب منها شوي

تهاني (فزت من النوم.. او بالأحرى من تمثيلها بأنها نايمة): انت شتبي تسوي؟

جراح: يعني شبسوي؟؟ مشتاقلج

تهاني (قعدت على السرير): شفيك انت ما تفهم؟؟ أقولك.. مابيك.. ما اشتهيك.. ليش مقرب صوبي؟

جراح (خلاص تحمل بما فيه الكفاية.. قعد عالسرير.. وفر جسمه صوبها): يعني ليه متى؟؟ تهاني.. انتي زووجتي.. تدرين من متى مو صاير شي بيننا..

تهاني: ولا راح يصير

جراح: يعني ليه متى؟

تهاني: للأبد.. مو كافي اللي سويته فيني؟؟ كرهتني بعيشتي

جراح: استغفر الله.. وانا شسويت؟؟

تهاني (تأشر على بطنها. وتصارخ): مو كافي هالبلوة؟

جراح (لا شعوريا رفع ايده.. وطقها طراق.. أول مرة يمد ايده عليها.. قام يصارخ): انتي ما تحمدين ربج عالنعمة؟؟ في ناس يتمنوون ظفر ياهل.. وانتي تسمينه بلوة؟؟ ليش انتي يايبه نغ..؟؟ يايبته من الحررااااااااام؟؟

تهاني (حاطه ايدها على خدها.. تطالعه وعيونه متروووسة دمووع.. حاولت تقوم من الفراش.. لكن جراح مسكها وقعدها غصبا عليها)

جراح: قعدي وين بتروحين؟؟ انا للحين ما خلصت كلامي.. دام ماتبين هالياهل.. ليش حملتي؟؟ والا غلطتي بروحي بعد؟؟ قولي الحمدلله.. الله يرزقنا هالياهل بصحة وعافية.. يارب لا تبلينا فيييه

تهاني (هالمرة قدرت تقوم.. وتركض للصالة واهي تبجي)

جراح قعد بالغرفة منزل راسه.. ومنقهر من نفسه " انا شلوون مديت ايدي عليها.. حرام فوق اللي اهي فيه.. أزيدها هم؟؟ وانا المفروض أراعيها"

وقرر ان يطلع الصالة يكلمها....
***********************

لا تنسون سؤالي.. وردودكم الحلوة؟؟

 

[أميرة البجع]

لوووووول اي والله ذابحني جراح وايد :wqedqw:
خليهم يحترون كيفهم الحب مو عيب
لوووووووووول الي يطقج علميني بس وين القاه واروحله لي بيتهم اموته المهم ما انحرم من اخبار حبي الاول والاخير




لوووووووووووووول مو انتي ما تدرين انا شمسويه بالمسنجر جان تهاني يت لي بيتنا وذبحتني لوووووووول
بس ميخالف كله يهون عشان حبي :wqedqw:



امييييييييييييين يا رب والمعرس جراح :yaaaaaarb:

لووووووووووووووووووول والله شكلي بنطق :krkrkr::::krkrkr::krkrkr:
بس خلاص خلاص اتوب واسترجع قواي العقليه مره ثانيه :ada:
المهم نرد حق البارت :ada:

اول شي وقبل كل شي
جراااااااااااااااااح :wqedqw: يختي زوغه لووووووووووووووول
لووووووووووووووووووووووول <---- بو طبيع مايوز عن طبعه
لا لا صج خلاص البارت حده اينن ومبروك تهاني عالبيبي
وهاجر مسكينه :0bee2e8d89:
انشالله بدر مايقط خيط وخيط ويفضحها عند اهلها :rgewrg:

لووووووووووووووووووووووووووول
لوووووووووووووووووووووووووووول
بدعتي والله
يا ويييييييييييييييييلييييييييييييييييي.. لووووووووووووول انتي تتغشمرين واهي صج تحتر
الحمدلله والشكر.. ينوووو بعض النااس

البارت حده خطير

الله يستر بدر اشناوي يسوي بهاجر ليكون بيعلقها


وتهاني وجراح يستاهلون كل خير


وخلج على نفس النمط اساسا ماكو اي جرأه شي بسيط اللي قاعده تكتبينه وين الجرأه كلها رؤوس اقلام


ناطرررررينج اموره

الله يستر
لا اليوم ما كتبت الجرأة بس خفييييييف وتلميح..
تفضلي حبي

هجورة كسرت خاطري حياتي وبدر الله يهديه بس امممممممممممممممه شنو تقههههههههههههههههههههههههههههههههههههههههههر
عفية لا تتاخرين نزلي البارت بسرعة

تفضلي حبي

حيااتي هاجر الله يعينها.!!

وووناسه تهاني وجراح الله يخليهم حق بعض..,

ثانكيووو حبي:tek: ​

العفوووووووووووووووو

 

[MeeMeeYoo_2]

انا اقووول لا تختصرين
حلاة القصه بتفاصيلها واحداثها
علشان نستوعب عدل لووووول

هاجر .. بدر
كسروا خاطري انشالله يرجعون حق بعض

مريم .. احمد
نشوووووف شنو ورى هالسنه

تهاني .. جراح
امبييه مو صج النساة @@ اخااف شي ثاني @@

يعطيج العاااااااافيه حبيبتي