استفسار حق بنات البدو ولاهانو الباجييين :)

[JnJoOona]

.
.
.
.

.

.




السلام وعليكم .. شلونكم ياحلويين ؟؟
والله ما عرفت وين احط الموضوع بس بحطه مني ..

احنا بيتنا احترق صارله جم يوم والحمد لله ماكو اي اصابات بس بالاثاث وجذي >> وااااي حدي قرقه
المهم اليوم انطق باب بيتنا ولا وحده ما اعرفها سلمت وقالت خطاكم السو وسألت عن امي المهم قتلها امي نايمه قالت انا ما اعرفكم بس احنا بيت فلان وتوني ادري بالخبر اعيالي اليوم قالولي لان كنت مريضه فيت اطمن عليكم واشوفكم وهذا القهوه تقهوو وخطاكم السو وانا بمشي طبعا قتلها قعدي وجذي بس قالت انها تعبانه وبتروح .. ومسكينه يايبه معاها معجنات وحلو وجاي وقهوه .. وراحت المرا ..

المهم يابنات احنا حضر ومانعرف بهسوالف كلش اللحيين شنو انسوي انرد انسوي قهوه وجاي ونشتري حلو ومالح وامي اتروح اتزورهم ولا شلوون ابييي عفيه علمونا ترا كللش مو بهالسوالف ويحليلها يزاها الله خير مع انهم مايعرفونا توهم ساكنيين .. يلا عاد همتكم لاتردوني :**

 

[@شمس الضحى@]

ههههههههههههه عادي ماتفرق اذا حبيتوو تزورزنهم وتقهوونهم

 

[JnJoOona]

حيااتي والله بردتي جبدي انتي الوحيده الي رديتي الكل اطالع وينحاش مادري ليش :**

يعني عادي بنفس مطاراتها نترسهم ونوديهم ؟ مع حلو ومالح ؟

 

[Snow angel]

هلا حبيبتي انا جارتي مثلها ومره طيوبه وعسل لكن ما سويت معها كذا ما رديت مثلها سويت طبق حلو ومالح واخذته معي بس

وصارت اذا تجيني ما تكلف نفسها مره تجيب حلا ومره ولا شيء ولا احلى من البساطه

 

[كويتيه رزتها ملكيه]

اولا الحمدالله على سلامتكم وخطاكم السوء

لووووووووول فديت البدو 00حبيبتى ترى هالشى من سلوم وطبايع البدويات و الى جارتها بدويه لازم توجبها بكل الظروف فرح ولا غيره
00 اذا تحبين تردين الواجب نفس الشى يعنى ردوا مطاطيرهم نفس ماوصلتكم ومعاهم صحن حلو ومالح 0 او ردوهم بمطاطيركم الى يريحكم:eh_s(8):

 

[كويتية وكيفي]

اول شئ يا قلبي خطاكم السوء
عادي حياتي خلي الوالدة تأخذ قهوة وحلو وتروح ترد لها الزيارة بعد تكون حلوة من امج لان المرة مثل ما قلتي كان تعبانه وان شاء الله تكونون جيران حلوين واهل لووووول

 

[طيرشلوا]

خطاكم السوء وحمدالله علي سلامتكم
مثل ماقالولج البنات او انكم تردون مطاطيرهم وعقبة ثانى يوم تزورونهم وتاخذون معاكم صحن حلو وموالح للتعارف
وترا الانسان من غير جيران مايعيش يحس انة وحيد ياحلو الجار لاطل عليج وانتو نفس الشئ​

 

[العود والبخور]

الحمدالله على سلاااامتكم

حبيبتى القهوة والحلااااا على سلااااامتكم

يعنى اذا وحده جت من سفر .. ولا نزلت بيت جديد ولا مريضه ولا مثلكم ,, حريق

يقهووونهاااا على سلااااامتهااا ,, وعااادى ردوهمــ فاااضيه ,, ممكن الوااالده بعدينــ

تزورهاااا وتشكر منهاااا وتاااخذ قهوة وحلااا معاااااهااا .. اذااا تبى ,, عااادى

وهذى قهوة على سلااااامتكم ومااااااتشوفون شر

 

[اناتوت]

الحمدلله على السلامه خطاكم السوء

عادي ردوهم فاضيه

 

[كويتية والفخرلي]

خطاك السوء طلبي حلو ومالح وسوي القهوة وديهم لهم

 

[jomjom]

مرحبا جنجووون
بينا وبين جيرانا ما فيه كلافه وهذا واجب اللي سوته جارتكم .
وبداية تعارف , والحضر ندري عاداتهم غيرنا فلا تحاتين ردت فعلها اكيد هي مقدره ظروفكم
والمطارات احنا نردهم بنفس اليوم فاضين
بس لازم اتردون الزياره بعدين . وبراحتج تاخذين قهوه وحلو أو حلو بس

ان شاء الله اكون أفدتج بس جيرانكم أي قبيله ما عرفتي ؟

 

[النوري نور عيني]

خطاكم السو ... ردوهم فاضين ...وبدون اي شي ...

 

[& حبات اللولو &]

خطاكم السووو

 

[شيــوخه]

اول شي خطاكم السو

ثاني شي لازم ضوروري اتسون جاي وقهوه وصحن حلى ووموالح وترسلينهم واذا امج تبي تروح الي يودي المطاطير يقول لهم انه ماما تبي تجي لهم اذا امهم موجوده بتقول لكم حياكم الله واذا امهم مو موجوده الواجب وسويتوه

 

[ما أروعك!]

اول شي خطاكم السو

ثانيا مو حلوة تعبونهم وتردونهم مرة ثانية

مو حلوة هالحركة لانكم تحسسونهم ترى مالكم فضل علينا واحنا مو محتاجين قهوة و حلو !

المرة سوت الواجب وبداية تعارف

فردوها فاضية

وباقرب فرصة زوروهم لتوطيد التعارف وتشكروا منهم .. وياحبذا لو خذتوا معكم حلو

 

[sarona]

اي حبيبتي هالشيء من اطباعنا الحمدالله

لا تردون مطاطيرهم فاضيه سوو الجاي والقهوه والحلوو

سواء الوالده بترووح او لاا عادي مو اساسي

والحمدالله علا سلامتكم

 

[النهج الاسمى]

لا حبيبتي عيب تعبون المطاطير مره ثانيه وتردونها

ابدا 0000لا لا مو حلوه 0000شنو عطني واعطيك

ترا انا بدويه ابا عن جد وعروقي كلها بالبر لووووووووووووول وحتى خدامتنا صارت بدويه ههههههه

شوفي حياتي خطاكم السوء اولا

واهي قامت بالواجب وهذي طبايعنا>>>>ردوا مطاطيرها فاضيه ولا شي معاها واخذوا رقمها وخلي امج تتشكرلها

ودام اهي مريضه حاولوا تمرون عليها بعد كم يوم>>>>زيارة المريض واجبه على كل مسلم

واخذوا معاكم شي لا تروحون ايدكم فاضيه00000وراح تتعرفون على هالاجوديه وتتعلمون طبايعنا حبه حبه

 

[المدينه]

ماقصرو البنات وخطاكم السو

 

[بعيون مغليك]

خطاكم السوء

 

[الجفووول]

خطاكم السو حبيبتي



انا مع النهج الاسمى

مو حلووووووووووووه كلش تردون مطاطيرهم معبينها جاي وقهوه

اول شي بيقولون رادين قهوتنا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

واللي بيفكرون فيه ان قهوتهم ماعجبتكم وماتبون منهم شي

ديرييييييييييييي بالج تسوينها


انا بدويه ابا عن جد وسلومنا معروفه حتى عند الحضر لان مستحيل ماتلقين بالشارع حضري وبدوي طول عمرنا جيران


انا اقول ردوا مطاطيرهم فاضيه وحاولوا تاخذون رقم المره وامج تكلمها وتقولها ماقصرتي وبيض الله وجهج


وانشاالله بنزوركم ومن هالحجي


واذا زرتوهم ضروري معاكم قهوه وجاي اما الحلو والموالح براحتكم مو شي اساسي



ورب ضاره نافعه ياقلبي

انشاءالله تكون معرفه حلووووووه



ماجورين ياقلبي