يــالـعبــده ,, يالـــخـــالــه ,, يالــسوووده !!! هاهاها

[ĎєνiL.ĞιRL]

هـــاي بنات شلونكم شخباركم ..

اليوم حبيت اتكلم عن موضوع يه ابالي ..

وحبيت اعرضه لكم بصوره مبسطه ..

واخذ رايكم فيه لان معروف ومنتشر للأسف بمجتمعنا الكويتي ..

الله سبحانه وتعالى خلق الناس متفاوتين بالاشكال ..

ومختلفين بالهيئه الخارجيه وحتى بالمستويات المعيشيه ..

والسبب خلف ذلك مو تفضيل من الله ناس على ناس ..

لأ

السبب من هالطبقات والاختلافات اهو علشان يجعل المجتمع متعاون كحلقه وحده ..

كل واحد فينا يحتاج حق الثاني ..

وعلشان يعلم الانسان شلون يحترم الي جدامه ويشوف انجازاته ..

حتى وان كان مختلف عنه في كثير من الاشياء ..

للأسف في ناس عندها تفرقه ..

ونظرة استعلاء واستهزاء على غيرهم من البشر ..

خلونا نضرب مثال و نتكلم عن الناس الي لون بشرتهم غامجه السمر ..

ليش في اوادم يتطنزون عليهم ويقولولهم يالعبيد ؟!!

وغيرها من مصطلحات تفشل ..!

شنو يعني مو كلنا عبيد الله ؟!

يعني على ايام المدرسه بالهده بنيه واقفه يمي اهي سمره وايد ..

ولا يمرون شباب بالسياره ويصارخون يتطنزون عليها يالغورلا يالعبده يالسوده !! :S

البنت مسكينه ضاق خلقها كسرت خاطري وسكتت !

مشكله في بعض الناس الطنازه عندهم شي يونسهم على قولتهم تقزيره ..

مايدرون ان في يوم الله بيخفس فيهم على طنازتهم هاذي ..

عالعموم الطنازه مو حلوه بكل النواحي ..

واحنا ماشالله لا اله الا الله معروفين فيها بالكويت ..

خفواا شويه يا جماعه :eh_s(4):..

تره مافي فرق بينااا كلنا بشر..

انا ما اقول اني ما اتنطز واني كلش .. لكن طنازتي تكون على شغله مسويها الانسان بشكله يعني مو شي رباني ..

الواحد ما يتطنز على خلقة ربه ..

لان كلنا مخلوقين من تراب ومصيرنا واحد ..

آرائكم حبايبي ..

 

[ضحكتي هيبة بكاي]

الناس كلهم سواسيه ومافي فرق بينهم إلا بالتقوى

لكن مو الكل يمشي على هالكلام

والله اذا سمره فهذي خلقة ربي .. وبعدين شفيهم السمر دمهم خفيف واكبر مثال هيووونة الشعيبي ياحلوووها والله

 

[! بــدويه وآآيــد !]

،



تعجبني موآضيعـج وردودج ..~


احسـج صغيرهـْ بس فآهمه وعآقلـه وعقلج يوزن بلــد ..~

<~ دآشه عرض ادري ..~


انا بيضــآ واتمنىآ لو اني خآله تدرين ؟؟ أحب الخوآل ولونهم ودمهم الخفيــف وكل شي فيهم :$


لآفرق بين عربي ولآ اعجمي ولآ ابيض على اسود ألأ بـ التقوىآ





لآتحرمينآ من موآضيعـج الحلوهـْ ~



~

 

[laeya]

اي والله بس منو اللي يفتهم
اذكر قبل وقت الهده انطر الباص ايي ولا اشووف باص شباب واااحد مطلع راسه من الدريشه بس عشان بقول يالعبدااااااا ههههههههههههههه
عقولهم صغيره بعد شنسوي

 

[إنسانه وأكثر]

لاحول ولاقوة الا بالله

ذكرتيني بوحده الله يسامحها كل ماشافت احد اسمر تقول عنه شكله مؤرف واعليه ليييش في بعضهم عليهم طينه خفيفه وبعضهم محترم وبحترامه يفرض هيبته وتنسين حتى شكله

وفي سمر مللللللللللللح الدنيا فيهم

والعكس مع بعض البيض بياض وحلاة بس عشرتهم ماتنطاق

مادري لي متى نفكر بجمال الخارجي مثل ماقالوا بمسلسل نور عيني (( الجمال له وقت ويروح واللي يبقى جمال الروووح )) احلى شي بهالمسلسل اغنية المقدمه

الله يعينا بس على بعض العقول

يلا مشكوره حبوبه ادري انا قرقت مو مني من الكبت قاعده لاشغل ولامشغله والليل عندنا هني بأمريكا طويل والشتا عندهم مافيه روح

امبيييييييييييييييييييييييييييييه قرقه

يلا مع السلامه

 

[« لـ / غيـرگ »]

ْْ


هلي يمشي ويطنز يكسر خآطري لانوه ان دل يدل ع صغر عقله لانوه يقيس الامور بسطحيه



ْْ​

 

[(*(*بنت شيوخ*)*)]

صح كلامج وبالعكس السمر احسن نااااس واحسن رفجه

 

[برنسيسة زمااني]

الواحد ما يتطنز على خلقة ربه ..

 

[كشموووشه]

على راسي السمر محد احسن من احد كلنا سواسيه

 

[الحبيبة 2009]

لا فرق بين عربي أو أعجمي إلا بالتقوى


أنا بعتقادي أن هذه الظاهره ناشئه من مفاهيم خاطئة


بالمجتمع والمسؤل عنه الأسرة والمجتمع


والبعض لديه هواية تجريح مساعر الأخرين

 

[MiSsY HottY]

موضوعج حلو اذكر كان فيه وحده كاتبه موضوع انها اسمرت جان تقولللل وااااااااي صرت عبده انا رديت عليها بالموضوع وقلت ويييييييييييييه شخباري هالكلمة ناس طلعت القمر وانتي ليلحين عبدة اي شي اصلا الكلمة هذي محد يقولها الا العقددددددددددددددددد

وانا عن نفسي بما اني سمرا عايلتنا درجات السمر فيه الغامج وفيه الفاتح وكل واحد وحلاته وبالنهاية الجمال بالقلببببب
احنا بينا وبين بعض الخوال ترا معروف نادي بعض خالي خالتي حتن لو ما نعرف بعض حتن كلمة سودة نقولها لبعض على غشمرة بس الي كلوس معاهم انا

والله الي انا شايفتة انه الكل وده يصير اسمر كلهم مسوين تان عشان يسير لونهم نفسنا واشكرج على موضووعج الحلو

 

[Stylista_Q8]

امبيه احنا عايلتنا فيهم عقد لووول

خل وحده تصبغ تسوي مناااحة تقول صرت عببدددده *قصدهم جكر* !!

حريم شكبرهم وتفكيرهم جذي يالله لا تبلاناااا ..!

على قولة وحده من البنات الناس تطوروا واهمه عببدده

الجمال جمال الرووح, ومو كل بيضة حلوة ولا كل سمرة جيكرة بس وين اللي يفهـم ^^

 

[تعويذه الحب]

ايي والله حبيبتي صاجه

 

[هدولى]

ناس جاهله وعقولهم صغيره والله السمر مافى احلى منهم واحسن رفجه رفجتهم .

 

[LuLiTa]

بصراااحة اللي يعيبووون جذي هذوول يهال و ناقصين عقل,,,الله خلق الناس بالوان و اشكال و انساب مختلفة عشاان يختلطوون ببعض و يتعارفوون و يعمروون هالكون ,, و لو انحطيت بموقف جذي بعطيهم نظرة اشمئزاز من فووق لي تحت ,,,

 

[الصعيريه]

إي والله الناااس كلهم سواسيه ...
واللي يتطنز ويعيب على خلقة ربي هذا واحد سخييييييييف...
ويجهل عواااقب الآخره ...

واللي يعيب على الاسمر ولا الخاال يمكن هالخاال هذا ابرك وأحسن منه بالتقوى والعمل الصالح ...

" لافرق بين عربي ولا أعجمي الا بالتقوى"

 

[بدوره 22]

انا بيضه وبيضه قطنه بعد

وعمري ما تطنزت على السمر ولا حطيت لهم القاب !


شنو مو بشر مثلنا !!!!


صج الي تفكر هالتفكير عندها نقص كبير الله يشافيها منه

تسلمين يا صاحية الموضوع موضوعج حلو

 

[unreachable]

وانا اقرا موضوعج ذكرت الاية الكريمة

{ وَلا تَنَابَزُوا بِالألْقَابِ } أي: لا يعير أحدكم أخاه، ويلقبه بلقب ذم يكره أن يطلق عليه وهذا هو التنابز.


والواحد لو عنده ذرة ذوق ما يجرح الشخص الي جدامه ويثمن الكلمة قبل ما يقطها


ومشكووووووووووورة حبيبتي على الموضوع

 

[جوك احلى جو]

مقيوله مايعيب الا المعيوب

 

[Marka Store]

لا حول ولاقوة الا بالله
موزين جذي يعيبون على خلقة الله