محد تكلم عن مرتفعات الكاميرون بماليزيا (تعالو شوفوها)

[ريمه الكويت]

رحت ماليزيا 3 مرات واذا الله كتب بروح لها وبعد البحث والتدقيق :eh_s(20): قريت على منطقه مارحت لها بماليزيا ووايد يمدحون فيها وانشالله هالسنه بزورها
مرتفعات الكاميرون

مرتفعات الكاميرون
حيث تقع هذه المرتفعات فى الشمال الغربي من ولاية باهانج على ارتفاع يبلغ 1500 الي 2000 متر عن سطح البحر على بعد ما يقارب من 60 كم شمال مدينة تابا ، تعد المرتفعات اكبر المحطات الجبلية التي تم إنشاءها من قبل البريطانيين ، المنطقة تم اكتشافها في عام 1885 من قبل البريطاني وليم كاميرون ، وتم تطوير
المنطقة في عام 1931.
طرق الوصول

1 -من مدينة كوالالمبور
بالامكان الوصول لمرتفعات الكاميرون بواسطة التاكسي أو الباص ..
بواسطة التاكسي :
تبلغ قيمة التاكسي تقريبا في حدود 350-400 رنجيت من المطار .. أما من وسط البلد فحوالي 300-350 رنجيت ..
بواسطة الباص :
سعر التذكرة :
العادي تقريبا 18 رنجيت للشخص للإتجاه الواحد - الأطفال 8 رنجيت ..
أما الباص الVIP فالتذكره ب 22 رنجيت للإتجاه الواحد

3- من مدينة بينانج
- التاكسي : حوالي 3 ساعات و نصف تقريبا .. و السعر في حدود 300- 350 رنجيت
- الباص : من المحطة الواقعة وسط جورج تاون بجانب مبنى سوق كومتار
و الوقت تقريبا أيضا 4 ساعات من بينانج الى الكاميرون بالباص ..
سعر التذكرة في حدود 20 رنجيت..
الأماكن السياحية
أكثر ما يلفت نظر الزائرفي منطقة مرتفعات الكاميرون هي الجبال العالية هناك و من أشهرها جبل قوننق برانشانق و الذي يصل ارتفاعة الي 2032 متر عن سطح البحر ، في كثير من الايام و بالذات في الصباح الباكر لن يستطيع الزاير للمنطقة روية قمة هذا الجبل التي تكون السحب قد غطتها بالكامل ..
كما تكثر بالمنطقة مزارع الشاي والفراوله والغابات المطريه والشلالات الرائعه .

هذي مزارع الشاي

بعد هذى

مزارع الفراوله هناك

وهذي مزارع الصبار عندهم

 

[ريمه الكويت]

http://daleel-malaysia.com/modules/Gallery/data/media/33/tn_مزارع شاى شركة بهارات

cameronhighlandpen-cam-buk_411malaysia.jpg

أقراص العسل



وهذا فندق من الفنادق

مطعم

 

[فراولة^فوشيا]

يا الله عالخضار كأنه سجاده سبحان الله

خوش صور تهبل شوقتينيي والله

مشكوووره

 

[\ بدوية ذووق /]

شحلاتها فعلا صور تهبل والكير من الناس غافل عن هالمنطقة الساحرة في ماليزيا وانا ماعرفت عنها الا لما رديت من السفر وتحسفت انها طافتنا ؟؟ بس يالله ان شاء الله الجايات اكثر

 

[أم الطيب]

يهبلوووووووووووووووووووون هالمرتفعات

يعطيد العافيه حياتي

 

[^^ ريان^^]

رحت لها تطلع روحج على ما توصلين لها 4 ساعات وانتي تصصعدين جبل بشكل دائري تخيلي فيلم رعب

وعقب دخلنا الفندق إلا فاضي مع انة 5نجوم وريحتة موشي

الصبح رحنا مزارع الشاي والفراولة والفراشات

ممممممممممممممممممملة حداها ما انصحكم فيها

لامطاعم سنعة وكلها اهنوود ريحتهم ووساختهم بكل مكااااااااااان
حجزنا فيها 3 ايام قعدنا يوم واحد من باجر انحشنااااااااا

ما كوووو شي طبيعة وغلقة لاقهاوي لاالعاب لا اكل سنع لا جمعيات

رحنا بعدها جنتنغ فرق السما عن الارض وناسة والعاب كفيهات مطاعم

 

[ريمه الكويت]

الله يرزقنا يافراوله

[/url][/IMG]

 

[ريمه الكويت]

يعني سامعه عنها بدويه؟؟؟ شقالو عنها []

 

[ريمه الكويت]

يسلمج ام الطيب

 

[ريمه الكويت]

ضيقتي خلقي ياريوف امبيه عيل بكنسلها @@ متى رحتيلها اختي

 

[lolo77]

عاد انا ودي اروحلها
رحت 2 مره ماليزيا مارحت الكاميرون
واذا مافيها شي يمكن مو مال احد يسكن فيها
كافي يوم واحد من الصبح حلاتهها وبس ترجعين كوالالمبووور

 

[زهرة اللوتس]

اهلى راحو لها يمدحونها بس على كلامهم حدها يومين للان ما فيها مطاعم ومنطقة هادية

 

[banota]

انا رحلتها العام الماضي
ويكفيها يومين وما ينفع الواحد يروح لها وبليل يرجع لان الطريج بروحة 5 ساعات
تقريبا توصلين الظهر
وما يمديج تروحين كل الاماكن نفس اليوم
ومن الاماكن اللي ممكن تروحين لها مزارع الشاي هذي طبعا كانت رووووووووووعة
ومزارع الفراولة طبعا احنا انخبلنا من كثر الفراولة اللي عندهم
ومزرعة الفراشات
والشلال ومزارع الزهور عجيييييييييييب
وجوها حلو بارد مثل جنتج
وانا سكنت فندق وهذا الفندق جديد واسمة سنتري باينز
Century Pines Resort
والمنطقة فيها مطعم واحد وجبات سريعة اسمه ماري براون
مثل كنتاكي
و اي سؤال انا حاضر

 

[ريمه الكويت]

لولو انا بعد رايحه ماليزيا 3 مرات ومارحت الكاميرون ومن قريت عنها ودي اروح بس بشوف ردود البنات ورايهم

 

[ريمه الكويت]

هلا والله زهره
يعني اهلج ينصحون احد يروح لها ولا لاء

 

[ريمه الكويت]

بنوتا مشكوره اختي يعني اروح لها يومين كفايه وبلالنسبه للفندق مالكم عسى ارتحتو فيه حلو ولا فيه فنادق احلا ؟؟؟

 

[ريمه الكويت]

نسيت اسال اهو قريب من جنتنج ولا بعيد

 

[banota]

ريمه
بالنسبة لجتنج ما ادري شكثر المسافة
بس يفضل الذهاب الى جنتج من كوالا بالباص ارخص
الكاميرون يكفيها يومين
الفندق اللي قعدنا فية كان احدث فندق وكان جديد ونظيف ويمه محلات ويمة مطعم ماري براون وجبات سريعة

هذي صور الفندق
Century Pines Resort
سنتري باينز

وهذا موقع الفندق

http://www.cameronhighlands.com/century_pines_resort/

وفية فندق ثاني جديد بس غالي شوي
اسمة كاميرون هاي لاند
cameronhighlandsresort
وهذي صور الفندق

وهذا موقع الفندق
http://www.cameronhighlandsresort.com

 

[ريمه الكويت]

ماقصرتي حبيبتي بنوتا ردج يبرد القلب يعني اروح لها وانا مطمنه
انا احب الطبيعه مومهم السوق السوق اروح له بكولالمبور

 

[بنت النوخذة]

يعطيج العافية حبيبتي ماقصرتي