ملتقى عرايس 2010 شهر 3 مارس

[adore.life]

عليج بالعافيه حلاتي انتي لي راح تحلينها وتزهينها

 

[غلاوي الديره]

عليج بالعافيه خيتو وانتي تزهين اي لبس واي لون بس ماتخافين تسوين البدل من الحين احس مبجر وراح يلبسونها الناس ..

 

[حلاتي بحركاتي..]

هذا بعد مشغل شغله حلووو اختي مسوي عنده من فترة

اسم المشغل:دار الزين
رقم المشغل:66692016
عنوان المشغل:مبارك الكبير
أسعار المشغل:غالي تقريبا


مشغل فصلت عنده بدله وهالمشغل انا امووووت فيه كل احيانا اروح ودي اخذ كل البدل راااقيه حيييل ووخاماتها روووووعه شويه

اسم المشغل: رزان(ام خالد)
رقم المشغل:99550209
عنوان المشغل:خيطان
أسعار المشغل:غــــاليــه بس تستاهل



اتوقع حطيت لكم كل المشاغل اللي مجربتها وشغلها يسوى واتمنى انتوا بعد ماتقصرون حطولنا كل المشاغل
وكل وحده تروح تفصل بدله ترجع وتحطلنا المشغل اللي سوت عنده يعني ابي هالمتلقى من هالفترة لي اخر فترة التجهيز كل مافصلت وحه بدله تكتب المكان اووووووووكي بليــــــز اأبي تفــــاعل

 

[حلاتي بحركاتي..]

الله يعافيكم فديتكم هذا من ذوقكم

غلاي ليش تو الناس بالعكس انا اللحين همي وهم هالبدل ابي اخلصهم لان الخياطين عله يمكن يمر شهرين وانتي ليلحين تروحين وتردين عالتصليح والتغيير وماتدرين تضبط ولا ماتضبط وترى خلاص اعتبري نفج بشهر 1 والايام تمشي وانا خذيت بنصيحه العرايس اللي قبلي الكل قالي هالفترة جهزي بدل لان البدل ياتكون من تصميمي او من مشاغل وطبعا انا بروح حق مشاغل مايعرفونها معارفنا يعني عادي انا متاكده ان محد راح يلبسها والقطعه اللي خذيتها قطعه وحده بس بالمشغل
في وحده اعرفها بعد فبمارك الكبير اسمها مشغل زمرده حلوه ملابسها وغريبه بس ما أفكر اروحلها لان كل معارفنا وجماعتنا يعرفونها حسافه عاد بدلها حلوه
رقمها مو عندي بجيبه وبحطه لكم اهني اخذوا منها انتوا عوضوني

 

[غلاوي الديره]

الموقع معلق

 

[غلاوي الديره]

ماادري يمكن انا جماعتنا عندهم مناسبات ولا ماعندهم شغالين لبس بدل وتفصال وتفرفر على كل المشاغل فراح ابديشهر 1 افتر على المشاغل اللي احس محد يمرها من جماعتنا ..
اي زمرده حلو شغلها بس كلن عندها كرهتها

 

[لبيـــه]

شجعتونى ما اطلع للبر,,خلاص بسمع كلامكم,,

بنات انا اليوم رحت وشريت الذهب,,خفت يرتفع,, والحين سعره زين,,

مع انى اخاف ينزل واتندم..

بس توكلت على الله.. وشريت طقم ,, وقلب ,, ومضاعد ..طلعوا بالفين..


,,

شماليه طلعتى من اهل الجهرا وناسه,,

اذا خيطتى عند حريم بالجهرا وزينيين قوليلى,,لانى ما ابى اخيط برى..

وترى بدت التنزيلات عند امل الكويت,, وخاصه بخور المعاريس روعه,,

وفيه تنزيلات عند ريفا اللى بالمنار مول هم حلووه..


واذا صدتى شى حلو قوليلنا

 

[عيا زماني]

موفقااااااااااااااااااااات عرااايس عسى الله يوفقنا وياكم ويبعد عنكم شر كل عين وأذى ياارب

 

[لبيتلك]

شلونكم بنااااات شخبااااركم

انا رحت يوم الخميس حولي اتيليه الرقى اسمها اعتدال
رحت بسوي نفنوف كشخه حق تحوالي << من باجر

بس لقيتها ماتستقل لان بتسافر وبتسكر مشغلها وبتروح سوريا وبعد شهر بترد بس بتغير مكانها << مادري وين بالضبط

المهم طلعت من عندها وانا محتاره وين اسوي نفنوفي ومرينا كذا محل نفانيف العرس الابيض جان اقول حق امي واختي امشو بشوفهم واختي اتقول تو الناس سبحان الله حنيت عليهم ودشيت محل ماعجبني شي جان اطلع وادش محل اللي يمه وشفت النفانيف البيض ماعجبني شي جان اتقولي تعالي في واحد ابيض قاعدين نشتغل فيه المهم واول ماشفته انجنيت عليه حده حده راقي وعجيب لونه اوف وايت جان اقول حق امي ابيه لان جد عجبني وما اضن بلاقي احلا منه التنورع عجيبه بس البدي احس مو لايق
جان اتقولي تبين اتصممين البدي من ذوقج كيفج جان اقعد انا واختي مع المصمم وسويت البدي من تصميمنا والطرحه قالنا انتي اختاريها وانا اصممها لج ولي الحين محتاره بطرحتي
المهم تخيلووو بدله اول يووم النفنوف الابيض تنوره راقيه وبدي تصميمي وانشاءالله الطرحه تصميمي بس قاعده افكر بموديلها لي الحين اتوقعوون جم كلفني ؟؟؟؟؟؟؟؟؟؟؟؟؟

انا انصدمت بالسعر هذا كله وتصميمي قالت لي 800 وامي نظام اتكاسر وخذين نفنوفي الابيض ب 500 بــــــس وانا حاسبتله ألف لان اعتقد جذي الاسعااار بس جد جد انصدمت وهذا البدي والطرحه تصميمناااا

وهم رسملي بدله تحوالي وكلفني 250 واهو سعره 350 بس اشوا امي تعرف اتكاسر لووووووووول

والحين قاعده افكر بطرحتي شلون نظامهااا اذا عندكم فكره جديده علموني

وهذاااا اللي عندي

 

[حامله القنديل]

مششاءلله خووش والله

انششاءلله يضبط
شسم المحل؟

موفقين يارب

 

[حامله القنديل]

الطرحه الحين حلاتهااا قصيره

شوفي الكتلوج عنده صور عرايس نقي الطرحه الي تعجبج

 

[غلاوي الديره]

لبيتك زين تسوي وعليج بالعافيه

 

[adore.life]

صباحكمــ وردــ

 

[adore.life]

موفقه ليتك تهنيتي الله تمم لج علي خير

 

[نور nour]

أحبائي

عرايس شهر 3
انا ما عم اعمل دعاية او اي شي
بس

كنت حابة انصحكم ان كان عرسي 3/10/2008

لقد حجزت تصوير عند المصورة اميرة عباس 65120041
بس روعة في التصوير
فوتو وفيديو

بنصحكم فيها تصويرها لا يعلى عليه

شوفوا اسعارها رخيصة لدرجة تناسب الجميع

 

[adore.life]

يسلمووو ما قصرتي

 

[قَلبڪْ صًخرْ]

صباح الورد
جيس الاندروير ب ماكس كان علي دينار ومسوين سيل صار ب نص

شلون شكله ؟؟؟

اخاف اروح وماعرف
وي صوب هو ؟؟
عند الاندروير ؟؟

 

[قَلبڪْ صًخرْ]

بنات لقيت أكيااااس نفس أكياااااس الملابس مالت الحفلات اللي يجي لونها بيج

للجواتــــــــــــي تهبل تحطين كل لبســهـ في كيس من أبو 100 فلـــس تخيلوووو

QUOTE]


الجيس قصدج للجواتي ؟؟

وعند اي بو أمية ؟؟ واي صوووب ؟؟:ggdw:

 

[ريوق بلاش]

بنات لقيت أكيااااس نفس أكياااااس الملابس مالت الحفلات اللي يجي لونها بيج

للجواتــــــــــــي تهبل تحطين كل لبســهـ في كيس من أبو 100 فلـــس تخيلوووو

quote]


الجيس قصدج للجواتي ؟؟

وعند اي بو أمية ؟؟ واي صوووب ؟؟:ggdw:

عليج بالعافية
بس حبيت اعرف من اي بمية

 

[شماليـــــة]

شجعتونى ما اطلع للبر,,خلاص بسمع كلامكم,,

بنات انا اليوم رحت وشريت الذهب,,خفت يرتفع,, والحين سعره زين,,

مع انى اخاف ينزل واتندم..

بس توكلت على الله.. وشريت طقم ,, وقلب ,, ومضاعد ..طلعوا بالفين..


,,

شماليه طلعتى من اهل الجهرا وناسه,,

اذا خيطتى عند حريم بالجهرا وزينيين قوليلى,,لانى ما ابى اخيط برى..

وترى بدت التنزيلات عند امل الكويت,, وخاصه بخور المعاريس روعه,,

وفيه تنزيلات عند ريفا اللى بالمنار مول هم حلووه..


واذا صدتى شى حلو قوليلنا

اهلا هلا جهراويه دوت كوم<لوووووولز

ياطويلت العمر والسلامه
انسي تطلعين البر
حرام تردين لو يوم واحد جاحه ملحه



ام الحريم ما احب اخيط عندهم
جذابات يحلفن ويتكفرن ما يطلع
ويردن يطلعنه


مختصره الطريج على عمري
رحت قبل مده معرض رمادا واخذت اثنين
ناعمات ذربات كشخه


والباقي حق البيت طقطقت من العربيد
والمعارض


الذهب اف يالذهب
شريتلي طقمين مو من الكويت من برا
باقيلي اشتري خواتم واسواره


السلال اخذت اربعه
ودي احط فيهم الأندوير والملابس الداخليه
شكل مرتب بالكبت بسلال


بأخذ كرمكم الله نعال العرس قبل البروفه ب20 الشهر