~ .. خذيني معاج ..~ .. راويتي الاولى .. قصه واقعيه ..!

[دلوعة vvip]

ناطرتج ومتابعة

 

[Danya =)]

البارت 23

عمي : ها يا بنيتي .. الولد ينطر .. شرد علييهم ؟؟
انا : عمي انا قررت
عمي : شنوو ؟
انا : عمي انا مو موافقه ..
عمي : لييش ؟!!!
انا : مو موافقه الا اذا سمعت راي ابوي بالاول
عمي : اكيد يا بنيتي بنقول لأبوج بس الراي رايج بالاول والاخير
انا : لا عمي ودي اعرف راي ابوي بالاول
عمي : طلبج غريب .. بس ولا يهمج اقول له
انا : أي عمي قول له
عمي : خلاص الحين ادق علييه جدامج واكلمه بالموضوع
انا : صجج
عمي : أي صج
انا : مشكووور عمي والله
عمي : ولو ما سويت شي

طلع عمي موبايله ودق على ابوي وحطه سبيكر ..


عمي : الو السلام علييكم
ابوي : هلا وعلييكم السلام
عمي : شخبارك ؟
ابوي : الحمدالله انت شخبارك ؟ وشخبار دانيا
عمي : الحمدالله بخيرر
ابوي : آمر بغيت شي؟
عمي : أي بكلمك بموضوع مهم يا اخوي اذا كنت فاضي
ابوي : أي فاضي تفضل
عمي : فيصل طالب دانيا للزواج ويبيها على سنه الله ورسوله
ابوي : شنو شنو فيصل ؟! ولد اختي ؟
عمي : أي في غيره
ابوي : شنو طالب يدها واي زواج تتغشمر انت ؟
عمي : لا ما اتغشمر الولد كلمني وينطر بس جواب البنت
ابوي : خووش خوش .. هذا كان مشروعك لبنتي .. تاخذها وتزوجها !! ليش قلت ما تبيها من اول
عمي: لا حول ولا قوة الا بالله .. استغفر الله
ابوي : شووف بنتي ما تتزوج مو بكييفك .. واذا مو قادر تتحملها خلاص خل ترد البيت
عمي : شفيها لو تزوجت ؟
ابوي : البنت توها 17 شنو تزوجها على كييفك ؟
عمي : أي شفييها ؟
ابوي : انزين ودي اعرف اهيه موافقه ؟
عمي : الصراحه اهيه قالتلي اول شي اقول لك واسمع رايك
ابوي : يعني موافقه .!!

عمي طالعني بنظره .. جنه يسألني موافقه لو لا ..

هزيت راسي إني موافقه ..

عمي : أي دانيا مواافقه .....!
ابوي : امم دام اهيه موافقه بكيفهاا مالي شغل
عمي : البنت كانت تبيني ادق واسمع رايك
ابوي : والله كيفها راحت ولا يت مالي شغل فيها بالطقاق ما يهمني
عمي : استغفر الله شتقول انت
ابوي : زين دام اهيه موافقه خلاص بكيفكم .. واذا محتاجين توقيعي لو شي قولولي هذا اللي اقدر اسويه بس ..

وسكر الخط بويه عمي ..

عمي : مممممم
انا : عمي ساامحني .. ما كنت ادري إن ابوي بيكلمك جذي سامحني
عمي :ميخالف ميخالف يا بنيتي انتي تدرين ابوج عصبي وما يدري باللي يقوله
انا : أي والله
عمي : خلاص انا معاج لا تحااتين
انا : مشكور عمي والله
عمي : ولو ما سويت شي .. ها الحين ارد على فيصل عشان اييونا ونتفق على كل شي؟
انا : ايه عمي .. خلاص انا موافقه

عمي يه لي ولمني ..

عمي : عالبركه حبيبتي .. ان شاء الله فيصل ينسبج كل شي صار لج
انا : الله يبارك فييك .. إن شااء الله
عمي : يالله تامريني على شي ثاني بعد
انا : أي عمي
عمي : قوولي ؟
انا : عمي انا عندي شروط !
عمي : أي خلاص باجر لما اييون تقولين لهم الشروط اوكي؟
انا : اوكي

طلع عمي من الغرفه .. وانسدحت بفراشي افكر ..

الله يستر من اللي ياي .. ذكرت رزان .. خل ابشرهاا

حملت موبايلي ودقييت

رزان : الوووووووووووو
انا : يمه شفييج
رزان : اكييد وافقتي على فيصل
انا : يممممممممممه مننج انتي شعرفج ؟
رزان : احساااااااس .. وافقتي ؟ قولي أي
انا : امممممم أي
رزان : صججججججججججججج قولي والله قولي والله
انا : والله
رزان : كلولولولولولولوش مبروووووووووووووك مبروك يا احلى رفيجه في الدنيا
انا : الله يبارك في حياتج .. هههههه ما ادري منو اللي بيتزوج انا والا انتي
رزان : جب يالله جب لو مو انا ما وافقتي على فيصل
انا : ههههههههه أي من حنتج
رزان : زين ورديتي على فيصل ؟
انا : أي قلت لعمي واهوه بيقول له عشان ايوون يتفقون على كل شي
رزان : وناااااااااااسه واي دانيووو ما اتخييلج بتتزوجيين
انا : ههههههههه ليش؟
رزان : ما ادري ما ينااسبج كللش
انا : جب لا اهون الحين
رزان : لالا لا كل شي ولا تهونين خلاص عالبرركه
انا : الله يباررك في حيااتج

سولفنا تقريبا ساعتيين .. ليما سكرت الخط ..

وفجأه دخلت علي نوف ..

نوف : دانيووو يقولون وافقتي على فييصل
انا : أي
نوف : وااااااااااي يا حظج عاد فيصل ما يتفووت
انا : ههههه
نوف : ياربي عقبالي اخذ اللي في بالي
انا : إن شاء الله
نوف : المهم يقولج ابوي باجر بييونا جهزي نفسسج
انا : إن شاء الله
نوف : اصلا فيصل ما يناسبج والا انتي تناسبينه
انا : همم ليش؟
نوف : ما ادري .. اصلا فيصل يناسبني اكثر لأني احلى منج وانسب له
انا : اهاا شي حلو
نوف : يالله بروح انا باي

وطلعت من الغرفه .. ما ادري شكو تقولي هالكلام غيره والا شنو ..
بذيج الليله ما قدرت انام كنت احااتي اشياء وايد .. وافكر واييد .. ليما يه اليوم الثاني ..

دشت علي بنت عمي .. اخت نوف وريم .. منى

منى : صباح الخير شلون عروستنا
انا : ها .. هلا هلا صباح النوور
منى: شخبارج ؟
انا : الحمدالله تمام
منى: كبرتي والله من زماااان مو شايفتج .. سامحيني ما قدرت امر عليج المستشفى كنت توني والده وبالنفاس
انا : لا عااد شدعوه .. والحمدالله على سلامتج وسلامه البيبي
منى: الله يسلمج .. يالله قومي ورانا شغل
انا : شغل شنو ؟
منى: بنروح السوق نشتري لج فستان حلوو حق اليوم
انا : ليش ؟
منى: شنو ليش ههههههه مو اليوم بييونا عمتي والحرييم لازم تكشخيين
انا : ها أي صح
منى: يالله شنو تنطريين قومي بدلي خل نمشي
انا : إن شاء الله
منى: الا تعالي تقدرين تمشين زين والا تتعبين بسرعه ؟

كان هالسؤال يضايقني وايد ..

انا : همم لا اقدر امشي عادي
منى: سوري مو قصدي اضايقج بس خفت عليج
انا : لا عادي شدعوه
منى: يالله عيل تجهزي وانا انطرج بره اوكي؟
انا : اووكي

لبست هدومي وتجهزت .. وطلعت مع منى ورحنا السووق وشرينا اللي نحتاجه وردينا البيت

انا : لا منى استحي البسه
منى : @@ بييييه دندووشه شفييج
انا : لا مابي مابي
منى : مو على كيفج شريناه وتلبسينه يعني تلبسينه
انا : استحي البس قصير لا وجدام الحريم لالا
منى : يا خبله عادي مافييه شي .. ترى ايننننننننن الفستان علييج

كانت منى مختارتلي فستان اسود قصير .. حلو وناعم حييل ..

انا : اوكي خلاص بلبسه
منى : أي عفيه عالشطوره يالله لبسيه وخل اعدل شعرج واحطلج مكياج ترى ماكو وقت
انا : اووكي


بعد ساعتين ..

منى : يااااااي اتهبلييييين شوفي نفسج بالمنظره
انا : تسلميين منى تعبتج معاي
منى : لا عادي شدعووه ..

فجأه دخلت نوف ..

نوف : هي ترى ..
منى : شنو
نوف : اووله دانيو شمسويه بروحج ؟
انا : شفيني؟
نوف : صايره حلوة .. يالله المكياج والفستان ماخذين دور هع هع
منى : جب سكتي .. يو ؟
نوف : أي يو من زمان وابوي يقول لج دانيو نزلي
انا : انزل وين
منى : تنزلين تقعدين مع الحريم يشوفونج بعد شنو
انا : زين شافوني
منى : يا حظظظظظي عيل ليش لابسه ومتشخه
انا : ههههه أي صج .. والله ما ادري شفيني
منى : يالله خل ننزل تعالي

نزلنا تحت .. وعند الباب قبل لا ادخل

انا : منى استحيي
منى : من شنو تستحيين يالله دخلي عاد عماتي اللي هني ماكو غريب
انا : انزين مو احسن ابدل هدومي
منى : دشي دشي يالله عليتي جبدي

ودشيت .. كانت مرت عمي قاعده و عماتي ثنتينهم وبنات عماتي خوات فيصل .. أمل ومريم ..

منى : احم العروس اوصلت
عمتي ( ام فيصل ) : ماشاء الله صايره حلووة دندووشه
انا : :$
مرت عمي : ههه يحليلها مستحيه
عمتي : حياج قعدي يا بنيتي
انا : الله يحليج

سلمت على اللي بالصاله كلهم وقعدت يم مرت عمي ..

عمتي لفت لمرت عمي : والله مثل ما تدرين احنا يايين نطلب يد دانيا حق ولدي فييصل
مرت عمي : أي .. ها دانيا شراييج ؟

حسييت الارض بتبلعني من الخجل .. اقول بخاطري اوف مو انا قايله لعمي اني موافقه شكو بعد يسألون
عمتي : هههههه تستحي .. بس اخوي قالي انها موافقه
مرت عمي : أي خلاص عالبركه
تموا يسولفون ويحددون الملجه وكل شي ..

عمتي : قبل لا نكمل كل شي .. دانيا جنج قلتي عندج شروط صح ؟
انا : أي صح عمتي
عمتي : خلاص حبيبتي الحين انادي فيصل وتقعدون بروحكم ووقوليله اللي في بالج
انا : ان شاءا لله

يابتلي منى عبايه ولبستها وغطيت شعري .. وطلعوا كلهم ويه فيصل ..

قعد جبالي وكلمني ..

فيصل : شلونج دانيا
انا : الحمدالله انت شخبارك ؟
فيصل : الحمدالله وايد ومستانس وايد
انا : عسى دووم
فيصل : ويااج ..
انا : فيصل انا وافقت عليك بس عندي شرووط
فيصل : شنو هالشروط ؟
انا : ان شاء الله تفهمني ​

 

[ReRez]

أول شي مبرووووووووك انج وافقتي والله انج تستاهلين كل خير
بعدين الله يستر من الشروط ان شاءالله تكون سهله ويقدر عليها فيصل

موووفقه يااارب

وناطريييييييييينج ^_^

 

[zooz92]

مبرووووك دندوووشة مقدماااا

بس شنوو الشروووط :eh_s(1):

يعطييج العااافية على البااااااارت

نااااااطرينج حووبي :tek:​

 

[قلبي وينك]

سلامتج دانا ما تشوفين شر

هههههههههههه طلعتي عيون منى يوم الشوفه مالت الحريم هههههههههه
يلا ناظرين البارت الثاني علي احر من الجمر

 

[انا خطر]

ايواااا

اخيرا وافقتي << كلوولوووش

بس شنو شروطج ؟؟؟<< حدي متشوقه

لا تطولين علينا

 

[noof>>]

مبروك حبيبتي

يسلمووووووووووووو علي االبارت الحلو

 

[cute princess]

شوفي دانيو :eh_s(14): اذا شروطج بتنحش الريال :eh_s(14):
بلحقج واطقج :eh_s(14): ما صدقنا اخيرا يصير شي يونس :eh_s(14): لا تنكدين لووووول
ناطرينج :ggdw:

 

[UNiQe^PRiNceSs]

:eh_s(1)::eh_s(1):
اذا بتخورينها :eh_s(14): بذبحج والله :eh_s(14): شروط تعجيزيه ما نبي :eh_s(14):
بلا دلع:eh_s(14):
لووووول كليتج ادري
يلا كملي خل نشوف شهببتي :krkrkr::krkrkr:
ناطريييييييييييييييييييييين :ada:

 

[مـ سهله ـو]

واخيرا بس ما ادري ليش خايفه من شروطج

 

[وردة في نهر الزمان]

ياسلالالالالالالام نبي نفرح نبي نستانس هذي الاخبار الزينه الحلوه ان شاء الله يجعل ايامج كلها افراح وناسه ناطرينج يالحلوه لاتاخرين علينا ياحلى عروسه كلووووووووووووووووووووووووووووووووووووش

 

[×...Fa6o0oma...]

واخيييييييييرا ع البركه مابقيتي توافقين:eh_s(6):

الله يستر من شروطج:eh_s(1):

 

[MeMo.318]

مبروووووووووووك دندووش خخخ
يالله حبيبتي نااااااطرتج

 

[um hamed]

مبرووووووووووووووك حبيبتي واخيرااا وافقتي
بس الله يسترمن شروطج لا تفركشين الزواج بسبتها

 

[0oR0R0 honeyo0]

مبرووووووووووووووك حياتي
بس صج نفس ماقالو البنات الله يستر من شروطج
ناطرينج وماتشوفين شر والله يشفيكي يارب

 

[البارونه*_^رونه]

مبررررررررررررروك حبيبتي ما بغيتي ههه بس مثل ما قلت لج اول بنوته تسمينهااا رونه >>>>>>>>مصدقه نفسج:tomato2:
والله يسترررر من شروطج بس عفياااا شوي شوي على فيصل

 

[واشوقاه]

دندووش مبروووووووك ..

شنوو شرووووطج .؟! :| ..


<< واااي مافيني صبر

 

[Low_Fat]

السلام عليكم
ما حبيت اطلع من القصه من غير لا اعلق
اول شي الله يعينج على هالحياه وبجيتيني وايد لول وان شاء الله الله بيعوضج وتتزوجين الريال الزين وتتهنين
ماشالله اسلوبج وايد حلوو
ويالله ناطرين شروطج بس لا تتشرطين عالريال وايد دام شاريج

 

[maadaa]

ناطرينج حبيبتي

 

[عيون عسليه]

تسلم ايدج على البارت

وناطرين الباجي ان شاء الله يكون مثل ما كنتي تبين


والله يوفقج