عمليتي عند دكتور اسامه الصانع تحويل مسار

[أم عبدالوهاب]

هاااااااااي بنااات شلوووووووووونكم؟؟






بنات انشاء الله موعد عمليتي يوم الخميس عند دكتور اسامه
بسوي تحويل مساااار
وخاايفه نفس الوقت قي بنات سوو عنده العمليه ونجحت معاهم وضعفووو وااايد؟؟
لاني سويت سيرج عن الدكتور نسبه قليله مسويه عنده
بليييز الي سامع عنه او يعرف احد سوى عنده العمليه يقولي

 

[فوفو00]

مااعرفه بس العملية ماشالله انا كنت 117 والحين 70 انشالله يسهل امورج واقومين بالسلامة وترى سهالات

 

[ii DareeN ii]

ماقط سمعت فيه للاسف

 

[أم عبدالوهاب]

مشكورين حبايبي
بس بغيت اعرف عند منو سويتو العمليه ؟؟؟؟

 

[عاشقة الكاكاو]

ليش تجازفين عند دكتور محد سمع عنه ؟؟؟

ترى الدكتور اهم شي ان تكون سمعته سااابقته ويكون معروووف

 

[شموووخ بدويه]

مادري والله,بس اسمع عن د.هيثم الخياط ود.سلطان التمياط ممتااااااااااااااز (سعودي)يسويها لج بدار الشفا
بالتوفيق

 

[أم عبدالوهاب]

لانه اهوا الوحيد الي يرخص بعد العمليه بيوم
الكل يقعدونهم بالطبيب 3 او 4 ايام
وانا ماقدر اخذ اجازه لازم اداوم بسويها بالويك اند

 

[شاكليته]

عمليه تحويل ويرخصج في يوم ؟؟ لا حبيبتي مب منطقي انتي اللي بتعبين..ومثل ماقالوا الخوات لازم سمعه الدكتور وكم عمليه مسويب غاسترك باي باس ,, رفيجتي مسويه عمليه حلقه المعده ونزل وزنها بس عقب سنتين زاد وزنها ومعدتها صادها تقرح بسبب الباند واقترح عليها الدكتور نفسه عمليه تحويل مسار واهو دكتور بحريني معروف جدا يسوي بالثلاث عمليات باليوم.. بس بعد العمليه تمت بالمستشفى مده اسبوعين عشانها مدخنه ودليعه فتمت اكثر من الوقت الللازم بس الحمدلله بانت النتيجه بعد كم شهر .. انا اقولج سوي بحث وقعدي مع ناس مسوينها هذي عمليه فيها تغير مسار واسلوب حياتج... ايه نسيت اقولج ترى اللي يكلف ادوات العمليه توصل الى 3 الاف دينار بحريني

 

[Elizabeth]

من صجج يرخصج بيوم !! اول مره اسمع فيه لا تجازفين هذي عملية مو شي بسيط لا تستعيلين العيله من الشيطان تاني وفكري وسالي اللي حوالينج انا بنت خالتي سوتها عند هيثم الصراحة ضعفت وفكرتها عن العملية كانت غلط على بالها تاكل وبس فرد وزنها الدبل لانها ماحافظت وقامت تحس بالالام بين فترة وفترة واظن انها ردت تراجع الدكتور هذا اللي حبيت افيدج فيه

 

[carrot^cake]

اول مرة اسمع فيه

وترا قويه انج تطلعين عقبها بيوم
واداومين بعد؟؟؟؟؟؟
من صجج؟؟
اذا اول يوم العملية حاطين لج بربيش البول ما تتحركين وايد
اما ثاني يوم هم تتحركين بس مو وايد والي عقبه تبين اداومين
ما تقدريييييييييييييييييييييييين
والله حرام عليج تسوينها واتعبين نفسج عقب اكثر منها
مادري شلون بيرخصج ؟
اخذي مرضية من حقج وطقاق بطق الداوم اهم شي صحتج

انا سويتها عند باسل السميط وااااااااايد زين هالدكتور

استخيري

 

[أم عبدالوهاب]

والله بنااات وااايد محتاااره
ماني عاارفه عند منو اسوي العمليه

 

[أم عبدالوهاب]

بلييييز بنات الي يعرفه خيقولي عنه
انا وااااااااااااايد ارتحتله
بس متردده
اهوا برويال حياة
وكلامه حلو ومنطقي شرحلي كل شي عن العمليه
بس في سؤال بنات؟؟؟؟؟
يوم شرحولكم طريقة العمليه
اكيد قالولكن الدكاتره جم متر يخلون من الامعاء
تذكرون جم متر 5 ولا اقل ولا اكثر ؟؟؟

 

[marshmallow]

انا امسويه عنده العمليه د اسامه وايد شاطر او انصحج فيه انا سويت السليف و عمليتي ناجحه حمدالله
لا تحاتين
ابوي كان ناوي ايوديني حق خالد الشرف بس مارتحتله كلش

 

[marshmallow]

انا خلاني انام بالمستشفى 3 ايام او انا سليف
لوول او انا اصغر مريضه عنده

 

[al3alya]

انا اخاف من هالسوالف

 

[أم عبدالوهاب]

شكلي بتوكل على الله وسوي العمليه عنده
اهم شي عندي النتايج حلوه

 

[Kuwaitigirl1973]

لأني أنا سويت العملية عنده وطلعت بعد العملية بيوم وبعد أربع أيام رجعت شغلي مثل ما قال، بقولكم شلون عرفت عنه:
أول شي رحت لموقعه وقرأت عنه وعرفت إنه من أكبر الإستشاريين في السعودية وتوه ييي للكويت لرويال حياة وبعدين خلاني أتكلم مع مرضى سواهم وعرفت ليش طلعوا بعد يوم لأنه ما تحتاجين لا لصبغة بعد العملية ولا بربيش وعلى فكرة أهو والدكتورين في دار الشفا أصحاب ومدحهم لي الخياط والتمياط كانوا يشتغلون مع بعض في السعودية
بعدين الدكتور هو الوحيد اللي خلص البورد والزمالة من أمريكا وعنده ٣ زمالات (روحوا لموقعه الإلكتروني) وأنا من كثر ما هو طيب قلتله أبي أقول للناس عنه وترى زحمه عنده وبعدين يشتغل مع فريق كامل فيه دكتور وسام وأخصائية التغذية سحر، ترى أنا من أخبر الحريم في السمنة لأني جربت الكل وإسألوا الجارالله والشرف والسميط عن أم فيصل المزعجة وبيقولون لكم إني ذبحتهم بالأسذلة
ترى كل اللي قلت إسمهم من الدكاترة توب لكن محد مثل دكتور الصانع والله يشهد على سعة باله وشرحه ما يزعل من أي سؤال
يا حظي فيه
بنات إدعوا لي أحمل بالصيف واللا بييبلي شريجة تحمس جبدي على كل هلي أسويه له

 

[غلا 7373]

حبيبتي انا يمل سويت تحزيم بعد اخف من السليف والتحويل نمت بالمستشفي 3 ايام

 

[بنت السلطان]

دكتور اسامة الصانع من اشطر الدكاترة اللي شفتهم بحياتي ويقعد يشرح لج كل شي بالتفصيل يريح المرضى ويطمنهم وعنده ضمير بشغله صدقيني توكلي على الله وسوي عنده كافي نفسيته العسل اللي تخلي الوحده تسوي العملية وهي مرتاحة مو الدكاترة الثانيين نفسية وغصب يجاوبون على السؤال

 

[Azzurra]

هلا ام وهابي والله قرار جريء منج انا متردددة وايد لاني خوافه وادور وابحث عن الدكتور الزين والكل اتفق على هيثم بس اشوف ردود البنات هم تدح الصانع استخيري والله يكتب اللي فيه الصالح ويحققلج اللي ببالج وانا عقبج ههههههه
بنات اللي سووها عند الصانع حياكم شاركوا نبي نضضضضضضضضضضضضضضضضضضعف اووووووف