التجمع الثاني للاربعينياااات طوَل الله بعمرنا مع<<فوفو22 حياكم

[تم مشاري]

ام مشاري انتي شنو اكثر اكله شاطره فيها نزليها لي عاد حطي في بالج انج تقولين حق وحده عليميه


ماتعرف شي موليه

شنو تبين عادي اي شي الي تبينة عيوش او اي شي الحين النت فيه كل شي حطي الطبخة وتطلع لك

 

[بنت المنصور]

ادري بس لا ابي الاكله تكون فيها نفس حريم في اكلات تاكلينها تحسين صج طباخ بيت وفي اكلات مافيها نفس


عاديه

 

[غلاتي ♥ الكويت]

باك
اليوم السوالف كلة عن الطبخ اي شي انا جاهزة بعد

ولكم بااك يا ام مشاري
انا ابيج تعلميني
شلون اسوي كيكة كلهااا ككاو ؟​

 

[مباركيه]

بنت المنصور أحنا بالكويت نسميه مطبق هامور000تنظفين السمكة بالسكين وتعكسينها من الذيل الى الرأس

وتفتحين البطن لازالة الأحشاء00وتغسلينها وتفركينها بقليل من الملح وتغسلينها مرة ثانية00

وتجهزين الحشوة وهي مكونة من (البصل مقطع صغير،،والكزبرة الخضرة والشبنت مقطع صغير

والبهار المشكل والفلفل الأسود والكركم ويخلط ) نحشي السمكة ونخيطها

نضع قليل من الزيت في المقلاة ونقلي السمكة 000ونضع ماء في القدر الذي سوف نطبخ السمك وارز فيه

نسخن الماء 00واذا انتهينا من قلي السمكة نضعها بالماء الحار ونتركها لمدة نصف ساعة أو ساعة الا ربع

ونضع معها 2لوي أسود

ثم نخرج السمكة من الماء ونزيل الماء بقدر أخر00 ونضع قليلمن الزيت في القدر ونضيف بصلة مقطعة صغيرا

ونضيف ملعقة وسط من الكركم ويحمس ثم نضع الرز ونخلطه بالبصل 000ثم نضيف الماء الى الرز ويكون يرتفع عن الرز ب2او 3 سم

ويترك على نار عالية الى أن يتشف الماء وبعد ذلك نخفف النار ونضع الحديدة وننتظر الى ان يتسكر الرز يعني 10 دقايق تقريبا


وبالهناء والعافية

 

[غلاتي ♥ الكويت]

عاد انا امووت بالسمج بس ما احبه مقلي
احبه لما يكون بالفرن مشوي :dddds:​

 

[تم مشاري]

شوفي غلوية هذي طريقة كيكة كاكاو هشة ووايد حلوة جربيها وقولي لي رايك
المقـــــــــادير:
قلاص سكر
قلاص زيت
قلاص ماء
4 ملاعق شكولاته بودره
4ملاعق حليب بودره
هذه الاشياء توضع بالخلاط (خلاط الطماطم)
بعد ماتخلطينها عدل تاخذين من هذه الخلطه 3/4 القلاص وخليهم على جنب .بعدين ضيفي الى الباقي بالخلاط 2 بيضه
وقليل من الفانيليا.اخلطيهم جيدا ثم صبي هذا الخليط على 1قلاص دقيق وملعقه كبيره بيركنج بودر
بعدين ادخليها الفرن لحد ماتستوي الكيكه.وبعد ماتخلص ونخرجها من الفرن.صبي الخلطه اللي انتي رفعتيها على جنب
ودعيها تبرد واكليها
وتقدرين تصبينها باي قالب وصبي عليها صوص كاكو وعليك بالعافية



وهذي صورتها

هذي انا حافظتها عندي دايما اسويها لعيالي
عليك بالف عافيه عاد سويها

 

[تم مشاري]

بنت المنصور بعد اذن اختي مباركية انا اسوي مطبق الهامور مثل ما علمتني ووحدة كبير بالسن وزوجي لايمكن يخلي احد يسويه غيري

اول شي اييب الهامور منظف ومقطع الى 3 او 4 قطع بالعرض اغسله عدل وافركة بالملهح والليمون واخليه نص ساعة
طبعا تكونين حاطة جدر فيه ليمون اسود عدد 3 وتخلينه ليما يغلي راح يصير لونع مدوعم

بعد تغسلين السمك وتفركينه بالدارسين الناعم وتقلينه راح تشوفينه صار ادعم غامق
بعدين الحين تحطين بصل مقطع صغار وثوم وهيل عدل ودارسين عدل وورق غار (مطبق السمك ما نحط مسمار )
وبهارات خاصة للسمك شويه وهيل ناعم بعدين قطي السمك بالدهن وقلبيه شوي شوي بعدها حطي عليه الماي المغلي مع الليمون الاسود
حلو
يالله الحين خلي السمك يقلب بس قلبه وحدة عشان ما يتفتت رفعي السمك بره وقطي العيش خلي الماي يصير فوق العيش قد اول خط من صبعك (مو تحطين صبعك بالماي وتبلشيني ) يعني قيسي صبعك باي ملعقة عندك وبس بعدها
بما انك جديدة حطي السمك فوق العيش قبل لا يخلص يعني اول ما تقيسين الماي قطي السمك وخلي النار حامية اول ما تشوفين الماي خف شوي
حطي حديدة وغطي الجدر بقصدير
وبعدين تعالي قولي لي رايك

 

[بنت المنصور]

مباركيه قلبي نخيطها شلون ؟؟ ميخالف يمكن سؤال غبي بس جد ترى ماعرف

 

[غلاتي ♥ الكويت]

شوفي غلوية هذي طريقة كيكة كاكاو هشة ووايد حلوة جربيها وقولي لي رايك
المقـــــــــادير:
قلاص سكر
قلاص زيت
قلاص ماء
4 ملاعق شكولاته بودره
4ملاعق حليب بودره
هذه الاشياء توضع بالخلاط (خلاط الطماطم)
بعد ماتخلطينها عدل تاخذين من هذه الخلطه 3/4 القلاص وخليهم على جنب .بعدين ضيفي الى الباقي بالخلاط 2 بيضه
وقليل من الفانيليا.اخلطيهم جيدا ثم صبي هذا الخليط على 1قلاص دقيق وملعقه كبيره بيركنج بودر
بعدين ادخليها الفرن لحد ماتستوي الكيكه.وبعد ماتخلص ونخرجها من الفرن.صبي الخلطه اللي انتي رفعتيها على جنب
ودعيها تبرد واكليها
وتقدرين تصبينها باي قالب وصبي عليها صوص كاكو وعليك بالعافية



وهذي صورتها

هذي انا حافظتها عندي دايما اسويها لعيالي
عليك بالف عافيه عاد سويها

بعد عـــــــــــــــــــــــــمـــــــــــري والله يااا ام ام مشاااري انا جذي احب كيكة مثل الصورة اللي حاطتها

زين شنو يعني شوكولاتى بودرة مافهمت ؟








تبيعين :krkrkr: الكيكة
؟؟​

 

[بنت المنصور]

ام مشاري اخلي ماي فوق السمج!!!! عادددي؟؟؟ ولا انا فهمت غلط قلبي؟؟

 

[غلاتي ♥ الكويت]

الذين تشاهدون محتوى الموضوع الآن : 8 ( العضوات 2 والزائرات 6)
‏غلاتي الكويت, ‏تم مشاري

 

[تم مشاري]

بعد عـــــــــــــــــــــــــمـــــــــــري والله يااا ام ام مشاااري انا جذي احب كيكة مثل الصورة اللي حاطتها

زين شنو يعني شوكولاتى بودرة مافهمت ؟








تبيعين :krkrkr: الكيكة
؟؟​

غلوية روحي الجمعية صوب الي يبيعون نسكافيه وكابتشينو تلقين كاكاو جالاكسي بودر او النستله الاصفر كيفك في كادبوري الي قوطيه برتقالي او بنفسجي كيفك

للاسف انا ما ابيع لا بقيتي من غيني

بس لا نجحتي اسوي لك وحدة من عيني

 

[بنت المنصور]

انا بصراحه امييييل حق طباخ الحريم الكبار اي وحده منكم تعلمت مع حرمه كبيره خل تفيدني امانه وبطلب

طلب ميخالف استحملوني الطريقه ابيها بنقاط يعني اوحد كذا اثنين كذا وابي كل شي تذكرونه لا تنسون شي

 

[تم مشاري]

ام مشاري اخلي ماي فوق السمج!!!! عادددي؟؟؟ ولا انا فهمت غلط قلبي؟؟

اي تحطين السمك بعد ما تقيسين الماي على طول نزلي السمك بالعيش وعدي كم قطعه حطيتي لانهم مع الطباخ راح يكونون دشو بالعيش عشان ما يتفتتون دلي مكانهم عشان وقت النشاب
انا اقول لك جذيه لانك اول مرة تسوينه اما اذا حشيتيه راح يكون صعب عليك وانتي اول مره تسوين سمك
ترى وااايد سهل بس فهميه وطبقي عدل واي شي انا حاضرة بعد

 

[مباركيه]

مباركيه قلبي نخيطها شلون ؟؟ ميخالف يمكن سؤال غبي بس جد ترى ماعرف

الله يسلمج تاخذين أبرة كبيرة حق السمك العادي غير الهامور بس سمك الهامور تكون كبيرة شوية اذا ما قدرتي تخيطينها لفيها بخيط


البكرة بس يكون دبل 000شوفي حبيبتي السمك مو كلم من يقدر يسويه بس مدام أنتي طالبته وتحبينه ومشتهيته ان شاء الله يضبط معاج

وانا نست أقولج الهامور يقطع الى قطعتين أو ثلاث قطع000والمطبق بعد يسون له حشو بس بصل خالي تحمسينه بمقلة من غير دهن

بين كل وقت والثاني ترشين عليه شوية ماي لين يدوعم وتذرين عليه سوية ملح وهيل وفلفل أسود حسب الرغبة

 

[بنت المنصور]

اوكي نشوف بابتدي يوم السبت وبقول لكم شنو صار معاي مشكوررين حبايب قلبي وبعد في اكلات واايد ابيهم بس خل اعرف

هاذي بالاول بعدين ننتقبل للبعدو وسوري على التاخير في الرد بس النت

 

[غلاتي ♥ الكويت]

غلوية روحي الجمعية صوب الي يبيعون نسكافيه وكابتشينو تلقين كاكاو جالاكسي بودر او النستله الاصفر كيفك في كادبوري الي قوطيه برتقالي او بنفسجي كيفك

للاسف انا ما ابيع لا بقيتي من غيني

بس لا نجحتي اسوي لك وحدة من عيني

ام مشاري صرتي رفيجتي اي شي اقولها تقولي لا نجحتي اسويلج اللي تبين :dddds:​

 

[بنت المنصور]

زين انا استاذن بتعشى وبرجع ميييته يوووع ماتغدديت اليوم ، بتكونون موجودين ولا بتنامون ؟؟ الكلام لج انتي اكثر


يا مباركيه

 

[بنت المنصور]

ولهت على ملوحه ومهرة وبقلاوة

 

[تم مشاري]

الله الله يا كبرها عند ربي يا بنت المنصور هذا وانا اكتب واتعب واعلم وانتي بالفم المليان تقولين خصوصا انتي يا مباركية
مشكوووووووووووووووووووورة اشدعوه يعني احنا نطلع منها