كل وحده عندنا عيال بالابتدائي تتفضل بقولها شي يمكن يغير حياة ولدها او بنتها للاحسن :*

[SaD FaCe]

قـــــــــــــوه يا امهات

ان شاءالله تكونون بصحه وعافيه وعيالكم معاكم يارب :*

توني كتبت موضوع بقسم المعلمات اتمنى تقرونه لان له علاقه بموضوعي هني

http://q8yat.net/showthread.php?p=13930541#post13930541


الموضوع وما فيه

اني اخصائيه نفسيه متدربه

وشغلنا نعالج الطلبه اللي يعانون من صعوبات بالنطق او تعثر دراسي والرسوب المستمر او الخوف والحالات النفسيه وغيرها ..

لاحظت بالمدرسه ان في طالبات اهلهم يرفضون يفتحون لهم ملف عشان نتابع حالتها ..

خل اقولهم سالفه وحده :-

هالبنت كان عندها رسوب مستمر من اولى ابتدائي كلمنا اهلها قلنالهم ان البنت عندها صعوبه تعلم ..

مو قادره تستوعب مناهج الابتدائي ..! طبعا الاهل رفضو ان ينقلونها حق المدارس الفكريه لبطيئي التعلم ..

على قولتهم ما يبون يحسون ان بنتهم فيها نقص ..! والضحيه بنتهم للاسف

اذا البنت ما استوعبت مناهج الابتدائي شلون تستوعب مناهج المتوسط .......؟؟؟!؟!؟!

حرام عليهم .. جذي يهدمون مستقبل البنات ..


وغير ان في اهل عيالهم عندهم صعوبة نطق ما يرضون يفتحون لهم ملف عشان نعالجهم ..!


يا امهات احنا مو خسرانين شي بالعكس اذا انتو رفضو ان نعالج عيالكم من صالحنا ان ماعندنا شغل وافضل لنا ..

والخسران اهوه ولدكم اولا وثانيا انتو ! مو احنا :eh_s(1):


خلونا نتعاون يا امهات مع بعض عشان نغير حياة عيالكم للافضل وينتقل للمرحله اللي وراها واهوه مرتاح ..

تدرون ان الياهل لما ينطق الاحرف غلط ربعه يضحكون عليه بالحصه ..

عبالكم وناسه @@ ..؟

اتيلنا الطالبه تبجي من الاحراج مسكينه والسبب ان انتو رافضين فكره الاخصائيه النفسيه وعبالكم انها حق الميانين بس ..!:eh_s(14):

اذا حق الميانين ليش حاطينا بالمدارس @@

غيرو فكرتكم عنا واذا على كلام الناس ترى ماراح ينفعكم لان محد راح يتضرر غير ولدكم مو الناس لان ما همهم اذا ولدكم صار زين ولا مو زين..


بهالموضوع اتمنى ان تحطون اييدكم بيدي وتساعدون عيالكم عشان انتو ترتاحون مو بس اهمه

اذا لاحظتو ان عيالكم ما ينطقون الاحراف عدل

ولا يتحجون حجي طفولي مثلا (( بدال لا يقول ارنب يقول انب )) (( بلوح = بروح )) (( طماط = طمات )) (( قزاله = غزاله ))

اذا عنده 4 احرف واكثر مو قادر ينطقهم بلغو الاخصائيه النفسيه

شلون تعرفون ..؟ سولفو معاه عادي وخلوه يقول الاحرف من الـ أ الى الـ ياء وخلوه يعد من 1 الي 20 .. وراح تلاحظون ..


واذا عنده تعثر دراسي مو قادر تستوعب بلغو الاخصائيه عشان اتابع حالته مع مدرساته ..

واذا عنده حاله نفسيه مثلا يجرح نفسه لما يعصب .. او دايما يخاف او انطوائي .. وغيره

اذا عنده نشاط زايد يعني نشاط غير عادي كله يتحرك ما يقعد بمكانه يسمونه هايبر آكتف لازم تبلغون عنه

اذا يعاني من مرض معين عشان نبلغ معلماته بهالشي

وغيره من هالمشاكل ..

ودورنا كـ اخصائيات نفسيات ان نتابع حالته مع اهله ومعلماته ومع الطفل نفسه نساعده ونعالجه عشان يقدر يكمل حياته بشكل طبيعي ..


لا تتهاونون بهالشي وتقولون يهال عادي لا والله مو عادي كله يأثر على درجاته وحياته الاجتماعيه

ما شفتو الحالات اللي عندنا الله يشافيهم يارب ..

لا تجنون على عيالكم وخلونا نساعدهم


ونسيت اقولكم لان وايد ناس يخربطون احنا اخصائيات نفسيات مو اخصائيه اجتماعيه لان غيييير

ويعطيكم العافيه

 

[الذاهبه]

يعطيج الف عاافيه

والله يقويكم فعلاااا انا معاااااااااااااااااج

بس بغيت اسئلج ولدى بثانيه ابتدااائي وعنده تبول لاارااادى بالليل ودايم يتفشل لان اخوانه يتطنزون عليه

فسالت دكتوره نفسيه قبل سنه قالت بعد خمس سنوات لازم قبل ماينام لاتشربينه سوائل وبالليل تقعدينه من النوم

سويت هالطريقه اول الليل اقعده يروح الحمام بس قبل لايقعد من النوم يكون سراها مره ثانيه يعنى لازم اقعده مرتين بالليل؟

تعبت معاه وعلي فكره موكل يوم التبول عند ه
عندكم علاج له بالمدرسه؟

 

[طال السكوت]

نفس السؤال

 

[om al ghaleen]

.,, انا عندي بنيتي كانوا متابعينها بالروضه لانه عندها 6 حروف ماتنطقهم عدل
وكانت انطوائيه حيل حيل ولي الحين على قوله ابلاتها يقولون شفنا ناس تستحي بس مثلها ماشفنا
يطرون منها الكلمه طر ..حتى تسميع الايات تكون بغرفه بروحها بعد مراجعه الاخصائيه ولاكانوا رافضين هالفكره على قولتها خليها تتعلم تتكلم مع البنات , بس بالبيت ماشاء الله فصيحه وتلعب بس الحيا ذابحها

المهم الروضه ماقصرت تابعتها سنتين
بآولى ابتدائي ماصار اسبوع الا الاخصائيه متصله تقولي ترا سكرنا ملف بنتج لانه الحمدالله النطق عندها ممتاز !
بس ماانتبهوا انه البنت حتى من الحيا مااااااااااتاكل ولاتلعب مع احد يعني انطوائيه حيل
واعليا بأولى كل يوم تييني زعلانه هذي طقتني وهذي زفتني وهذي خذت اغراضي اخيه كانت تقطع قلبي
بس الحين معاها اختها فالوضع شوي احسن من قبل بس امنيتي تكون عندها ثقه بالنفس
البنت شاطره وهاديه ومؤدبه .. ماامدحها لانه حتى بالبيت معااي بنفس الترتيب
فياليت الابلات والاخصائيه هم تهتم بالامر هذا ..,,

,ومشكوووره موضوع روعه ومميز "


\\

 

[أم عبووووود]

يعطيج العافية حبيبتي على هالموضوع وبصراحه معاج حق احنا وللاسف الشديد ان لي الحين عندنا بعض الامهات يخشون الصج عن عيالهم ومايدرون انهم راح يجنون عليهم بعدين

والمفروض ان الكل يعرف ان كل شخص بالمدرسة له دور يعني ماحطوا الاخصائية النفسية عبط ولا الاخصائية الاجتماعية عبط

كل وله دوره

ان شالله يتشجعون الامهات اللي عندهم حالات وساكتين عنها يروحون يبلغون بحالات عيالهم والله احسن لهم حتى الياهل بعدين راح يتعدل مع الوقت

ماقصرتي حبيبتي على هالموضوع لان كلامج 100 % عدل

وعساكم عالقوة

 

[manarah]

والله كلامج عين العقل .. يعطيج الف عافيه انشالله .. بس بسأل الحين المدراس صار فيها اخصائيه اجتماعيه وااخصائيه نفسيه والا أثنينهم تحت نفس المسمى والمهام ؟

 

[الجفول&]

موضوع مفيد الله يجزاج خير

 

[لمار اسماعيل]

انزين اختي انا لاحظت من اولى ابتدائي ان ولدي ما يركز بالصف وكان يلعب وما يقعد على الكرسي
وفي الصف الثاني قلت عنده هالشغله يعني يقعد مكانه بس ما ينتبه وما يسمع كلام الابله وما يحل الامتحان وما ينقل من السبوره
وفي الصف الثالث نفس الشي بس آخر السنه تحسن مستواه وايد ..
وكنت دايما اروح عند الدكتوره النفسيه وقالت ان ما في شي وسوت له اختبار وقالت ضعفه بس في اللغه العربيه وهذا اللي مسويله تشتت
بس اتوقع ان هذا نتيجة اللي حصل في السابق نتيجة عدم تركيزه في الفصل .
الحين هو في السنه الرابعه ويقعد مكانه ويحاول كثر ما يفدر ان يدرس بس يسرح مرات في الصف ويمل بسرعه...
اذا بودي عند الخصائيه راح تقول ما في شي

 

[مـــــاسة]

والله جنج حاسة فيني بنتي اولى ابتدائي وعندها وايد احرف ما اتعرف اتقولها ولمن قلت حق المدرية ابي اخصائية نفسية اتعالجها قالولي ييبي تقرير انا اصراحة اول مرة اسمع بسالفة التقرير

 

[78MariMar78]

يعطيج الف عافية

 

[SaD FaCe]

يعطيج الف عاافيه

والله يقويكم فعلاااا انا معاااااااااااااااااج

بس بغيت اسئلج ولدى بثانيه ابتدااائي وعنده تبول لاارااادى بالليل ودايم يتفشل لان اخوانه يتطنزون عليه

فسالت دكتوره نفسيه قبل سنه قالت بعد خمس سنوات لازم قبل ماينام لاتشربينه سوائل وبالليل تقعدينه من النوم

سويت هالطريقه اول الليل اقعده يروح الحمام بس قبل لايقعد من النوم يكون سراها مره ثانيه يعنى لازم اقعده مرتين بالليل؟

تعبت معاه وعلي فكره موكل يوم التبول عند ه
عندكم علاج له بالمدرسه؟

بالنسبه حق التبول اللارادي
في وايد طرق حبيبتي تقدرين تعالجينه فيه
اول شي من اخوانه لا تخلينهم يتطنزون جذي ثقة بنفسه راح تنقص
شجعيه بالبيت كافئيه (( لان احنا نعتمد على مبدأ المكافأه )) اذا ما سواها او قوليله بوديك الالعاب مثلا
طريقتج هذي صح لا تشربينه سوائل قبل لا ينام وقبل النوم خل يروح الحمام تكرمين واهوه نايم قعديه بوقت معين خل يروح الحمام
يمكن بالبدايه راح تكون صعبه عليه ويسويها بس مع التعود ان شاءالله يتركها

واذا مافادت كل هالطرق في عيادات بكل مستوصف حق التبول الارادي اخصائيتنا تنصح فيها

وحياج الله

نفس السؤال

الجواب فوق وحياج الله :*

يعطيج العافية حبيبتي على هالموضوع وبصراحه معاج حق احنا وللاسف الشديد ان لي الحين عندنا بعض الامهات يخشون الصج عن عيالهم ومايدرون انهم راح يجنون عليهم بعدين

والمفروض ان الكل يعرف ان كل شخص بالمدرسة له دور يعني ماحطوا الاخصائية النفسية عبط ولا الاخصائية الاجتماعية عبط

كل وله دوره

ان شالله يتشجعون الامهات اللي عندهم حالات وساكتين عنها يروحون يبلغون بحالات عيالهم والله احسن لهم حتى الياهل بعدين راح يتعدل مع الوقت

ماقصرتي حبيبتي على هالموضوع لان كلامج 100 % عدل

وعساكم عالقوة

ان شاءالله حبيبتي الله يسمع منج لان احنا نبي مصلحة عيالهم اولا واخيرا

مشكوره عالمرور الحلووووو

والله كلامج عين العقل .. يعطيج الف عافيه انشالله .. بس بسأل الحين المدراس صار فيها اخصائيه اجتماعيه وااخصائيه نفسيه والا أثنينهم تحت نفس المسمى والمهام ؟

الاخصائيه الاجتماعيه غير والنفسيه غير ومهامهم تختلف حبيبتي

اذا الطفل يعاني من مشكله لازم تبلغين الاخصائيه النفسيه واهيه تشوف على حسب المشكله شتسوي

ومو كل المدارس فيها اخصائيه نفسيه لان في نفص عندنا يعني الاخصائيات النفسيات يكونون بمدرسه ثابتين فيها ويوم او يومين بالاسبوع يروحون مدرسه ثانيه عشان يعالجون الحالات الموجوده ..

موضوع مفيد الله يجزاج خير

مشكوره :*

انزين اختي انا لاحظت من اولى ابتدائي ان ولدي ما يركز بالصف وكان يلعب وما يقعد على الكرسي
وفي الصف الثاني قلت عنده هالشغله يعني يقعد مكانه بس ما ينتبه وما يسمع كلام الابله وما يحل الامتحان وما ينقل من السبوره
وفي الصف الثالث نفس الشي بس آخر السنه تحسن مستواه وايد ..
وكنت دايما اروح عند الدكتوره النفسيه وقالت ان ما في شي وسوت له اختبار وقالت ضعفه بس في اللغه العربيه وهذا اللي مسويله تشتت
بس اتوقع ان هذا نتيجة اللي حصل في السابق نتيجة عدم تركيزه في الفصل .
الحين هو في السنه الرابعه ويقعد مكانه ويحاول كثر ما يفدر ان يدرس بس يسرح مرات في الصف ويمل بسرعه...
اذا بودي عند الخصائيه راح تقول ما في شي

اذا اهوه الحين مافيه شي بس سرحان هالشي عادي حبيبتي

لان في صبيان عندهم نشاط زايد يسمونه هايبر اكتف ما يقعدون بمكان واحد وعادي يطلعون بره الصف او يسوون ازعاج بالصف وحركتهم مستمره ..

بس مدام قلتي ان ولدج راحت منه هالمشكله الحمدالله مافيه الا العافيه

الكل يصير عنده ملل وسرحان هالشي عادي لان قاعدين يدرسون وتلقين الماده او المدرس ما يدرسهم بطريقه حلوه او نفسيته مو حلوه و الحين الباجي عليج اهوه يعتبر طفل صغير يبي تشجيع بالبيت

لا تخلينه يدرس ويحل واجبته بالصراخ والزف

قوليله اذا خلصت بوديك الالعاب او بشتريلك حلاو او بشتريلك لعبه مثلا
ولا حطيله جدول وعلقيه بالصاله او بدارج وكل ما حل واجباته او درس حطيله نجمه وقوليله كل نهاية اسبوع (( يوم اليمعه )) اطلعك اذا لقيت عدد النجمات كامله ..

ولما ايي قوليله شنو عطوكم شنو سويت بالمدرسه سولفي معاه
وان شاءالله تنحل مشكلته يارب

والله جنج حاسة فيني بنتي اولى ابتدائي وعندها وايد احرف ما اتعرف اتقولها ولمن قلت حق المدرية ابي اخصائية نفسية اتعالجها قالولي ييبي تقرير انا اصراحة اول مرة اسمع بسالفة التقرير

تقرير شنو ...؟؟

احنا عندنا من اتيلنا وليه الامر وتبلغنا عن هالمشكله نفتح لها ملف دراسه حاله حق بنتها عشان نتابع حالتها ونسأل ابلاتها ونقول حق ابلاتها ان البنت عندها مشكله من هالناحيه ..

حبيبتي روحيلها مره ثانيه وسأليها عن التقرير اللي تبيه .. وقوليلها انا ابي افتح ملف حق بنتي

يعطيج الف عافية

الله يعافيج ويخليج

 

[SaD FaCe]

.,, انا عندي بنيتي كانوا متابعينها بالروضه لانه عندها 6 حروف ماتنطقهم عدل
وكانت انطوائيه حيل حيل ولي الحين على قوله ابلاتها يقولون شفنا ناس تستحي بس مثلها ماشفنا
يطرون منها الكلمه طر ..حتى تسميع الايات تكون بغرفه بروحها بعد مراجعه الاخصائيه ولاكانوا رافضين هالفكره على قولتها خليها تتعلم تتكلم مع البنات , بس بالبيت ماشاء الله فصيحه وتلعب بس الحيا ذابحها

المهم الروضه ماقصرت تابعتها سنتين
بآولى ابتدائي ماصار اسبوع الا الاخصائيه متصله تقولي ترا سكرنا ملف بنتج لانه الحمدالله النطق عندها ممتاز !
بس ماانتبهوا انه البنت حتى من الحيا مااااااااااتاكل ولاتلعب مع احد يعني انطوائيه حيل
واعليا بأولى كل يوم تييني زعلانه هذي طقتني وهذي زفتني وهذي خذت اغراضي اخيه كانت تقطع قلبي
بس الحين معاها اختها فالوضع شوي احسن من قبل بس امنيتي تكون عندها ثقه بالنفس
البنت شاطره وهاديه ومؤدبه .. ماامدحها لانه حتى بالبيت معااي بنفس الترتيب
فياليت الابلات والاخصائيه هم تهتم بالامر هذا ..,,

,ومشكوووره موضوع روعه ومميز "


\\

الحمدالله اهم شي نطقها زين

بالنسبه حق مشكلتها الثانيه الانطوائيه علمي الاخصائيه النفسيه اهيه عندها طرق وحلول حق هالسالفه لان هذي تعتبر مشكله نفسيه

قوليلهم حتى لو ماتبون تفتحون ملف قولولي شلون اتعامل مع هالحاله شلون اخليها جريئه واهمه ماراح يقصرون ان شاءالله

بس انتي قوليلهم انج تبينهم يتابعون حالتها ويقولون حق ابلاتها عشان يشجعونها بالصف


شغلنا مثل المثلث بين وليه الامر والابله واحنا وكل وحده لها دور

اللي عليج من وجهة نظري انج تشركينها بدورات او لعبيها مع عيال اهلكم خليها تختلط فيهم

سويلهم مسابقات واهيه موجوده عشان تتعلم ( المشاركه )

سأليها عن رفيجاتها منو ..؟ سولفي معاها عن المدرسه شتسوي هناك

اشتري علبه كاكاو مثلا قوليلها ابيج توزعينه على بنات صفج عشان الحيا يروح


وان شاءالله تصير واثقه من نفسها يارب

 

[حبوبة وطيوبة]

السلام عليكم ، الله يعطيك العافية ويجزاج خير على الموضوع
أنا عندي ولد أختي ماشا الله عليه لوووية وما يقعد كثر ما يتحرك بالصف واهو برابع ابتدائي
يشتكون منه المدرسين ما يركز أبدا ويتحرك بالصف على راحته يحط ريوله على الطاولة ويشبك ايديه ورا راسه ويغني
ولا هامه أحد .

وتصوري بالفرصة يقعد يفرش كل يوم كتبه ويبيعهم على 100 فلس لوووووول
وبالحصة يكور بهاللاوراق ويقطهم على المدرس ، كل يوم مطرود ملينا منه ، بالاخر عقب ما تعبنا اكتشفا انه مخه مو على عمره .
شنو تنصحينا شنسوي معاه ، مع انه طيب واااايد وحبوب .

 

[الحراير]

يعطييييييييييج العافيه

 

[بتبوتااا]

اول لمن كنت بالابتدائي والمتوسطه حسبالي انه الاخصائيه نفس الوكيله والناظره ماكنت ادري انها للحالات هذي :\
وبالعكس انا اشوف انه احسن شي الي تقولينه لانه بالاول والاخير عشان مستقبل عيالناا
ويعطيج الف عافيه يا قلبي ,

 

[SaD FaCe]

السلام عليكم ، الله يعطيك العافية ويجزاج خير على الموضوع
أنا عندي ولد أختي ماشا الله عليه لوووية وما يقعد كثر ما يتحرك بالصف واهو برابع ابتدائي
يشتكون منه المدرسين ما يركز أبدا ويتحرك بالصف على راحته يحط ريوله على الطاولة ويشبك ايديه ورا راسه ويغني
ولا هامه أحد .

وتصوري بالفرصة يقعد يفرش كل يوم كتبه ويبيعهم على 100 فلس لوووووول
وبالحصة يكور بهاللاوراق ويقطهم على المدرس ، كل يوم مطرود ملينا منه ، بالاخر عقب ما تعبنا اكتشفا انه مخه مو على عمره .
شنو تنصحينا شنسوي معاه ، مع انه طيب واااايد وحبوب .

اتوقع فيه هايبر آكتف

حبيبتي لازم تروحون عند الاخصائيه النفسيه وتشرحون لها حالته واهمه راح يعرفون شلون يحلونها ان شاءالله

عشان لا يتطور اكثر بالمتوسط والثنوي

 

[SaD FaCe]

ما قصرتو بنات

 

[سيدة الكويت]

الله يعطيج العافيه ما تقصرين وان شاء تسيرين فرحانه والله يشيل عنج الحزن

الى عنده ضعف فى القراءه ؟؟شنو الحل

 

[عهود الحب]

الله يعطيج العافية
بس اذا كانت بالروضة اولى روضة
ونطقها للاحرف كله غلط عادي ولا هم فيها خلل ؟

 

[الصابرة المحتسبة]

بارك الله فيج على طرح هالموضوع

وعلى أولياء الأمور عدم السكوت على تأخر أو بطء تعلم أولادهم لأن كل ماكان العلاج مبكر كل ماكانت النتائج أفضل وأنجح .
<<<<وموعيب أو حرام ان احنا نتكلم عن مشاكل عيالنا للشخص المختص وعنده دراية أكثر منا .