( الفتاة الهاربة ) قصة واقعيه عن بنت كويتية هربت من الدنيا الى الشارع

[مجنونة قطط!]

وربي كسرتي خااطري حلي واجبااتج و سوي البيربوينت و ناامي والله مسكيينه

بس ناا طرين الباارت تكفينن الحين weekend لا تاخرين اووكي

 

[XxSaruxX]

mashkouuuuuraaa w na6reiniiiich la e6awlein 3leinaaa

 

[sindrella]

يعطييج العافيه


وااي فديت علي حددده طيب !!

 

[baby johnson]

وااااااااااااااااااااااااااااااي ونااااااااااااااااااسه
الاحداث تشووووق
تكفين لاتعلقيييييييييييييييينا

 

[ReRez]

وربي كسرتي خااطري حلي واجبااتج و سوي البيربوينت و ناامي والله مسكيينه

بس ناا طرين الباارت تكفينن الحين weekend لا تاخرين اووكي

لووول ظحكتيني ايييه الا ليت الشباب يعوود يوما .. اي واجبات وانا عمري 23 خلصت الكليه والحين داشه معهد ماكو
واجبات بس حضور وامتحانات ^_^ بس مشغوله اسوي بوربوينتات حق ابلات وبنات يعني بزنس شخصي
شسوي احلل شهادة الكلية دام ماتوظفت علييها :eh_s(10):
وتره للعلم والله انا للحين سهرانه عشان جذي بنزل اللي كتبته وان شاءالله بس اقوم اكمل لكم

 

[خـوخه]

:s142:


صج صج صج ماقصرتي يالل لا طولين عينا صيري مثل :RoadRunner: يالله بسرعه

 

[ReRez]

مشكورين بنات فردا فردا على التعليقات الحلللللللللللوه والله اني اقراها وحدي مستانسه من تواصلكم معاي ^_^
بس الموقع بطييييء مايخليني ارد على وحده وحده واشكرها ^_^

 

[baby johnson]

وااااااااااااااااااااااااااااااي ونااااااااااااااااااسه
الاحداث تشووووق
تكفين لاتعلقيييييييييييييييينا

 

[خـوخه]

متى بتنزلين بارت يديد ؟؟؟

 

[baby johnson]

صاااااااااااجه بطئ

 

[خـوخه]

ماعلي بنتحمل لعيوون منار وعلي كل شي يهون ..

 

[ReRez]

** البارت الرابع عشر **
علي : منار انا بدش بالموضوع من غير أي مقدمات
منار : والله بديت اخاف اشفيك؟
علي : ابي عنوان ابوج
منار : ( انصدمت اتطالعه ) مافهمت
علي : شنو اللي مافهمتيه ؟ منار انا احبج ( مسك ايدها ) والله العظيم احبج وابيج
منار : ( منصدمه ) بس انا .. انت تدري ان انا ... اشلون ؟
علي : ( تضايق حيل و حس ان في شي قاعد على صدره ) ادري ان انتي حامل وادري ان مو من ظهري طالع .. بس دام هالدنيا اظلمتج و دام هالياهل من بطنج والله بيكون ولدي مثل ما اهو ولدج
منار : ( انزلت ادموعها وماقالت ولا شي )
علي : عطيني العنوان وخلي الباجي علي
منار : علي انت ماتدري اشقاعد تقول .. هالشي مايصير .. اشلوون؟؟
علي : ( يمسح دموعها بيده ) مابي اشوف هالدموع خلاص .. وكل شي راح يتصلح وهالياهل ماله ذنب واذا كان مقدر له ينولد بهالدنيا فبيدنا انخلي حياته حلوه بدل لا يعيشها واهو مظلوم
منار : علي انت مو مجبور تستر علي وتاخذني وانا بطلع من اهني واخليك تعيش حياتك مرتاح مثل ماكنت عايشها قبل لا ادخلها واعفسها
علي : ( عصب وصرخ عليها ) منار انتي دشيتيها وخلاص صار اللي صار والحين انا ماقدر اخليج تروحين
منار : ( تبجي ) بلى تقدر وراح اروح اليوم
علي : ( سكت مده عشان لايزفها وتبجي اكثر ) ماراح تروحين مكان .. ( يكلمها بصوت هادي ) منار انتي دشيتي بكل خليه فيني والله انج تطلعيلي حتى بالحلم وبكل وقت وانا صاحي افكر فيج .. و اذا خليتج تروحين بتعذب وانا افكر باللي صايرلج .. خلاص عاد رحميني تره والله تعبت من التفكير وتبعت من كل شي خلينا نرتاح وعطيني العنوان
منار : ( تسمح دموعها ) علي انا مشاكلي وايد ويمكن راح تلحقنا لي بعد الزواج ويمكن تخسر اهلك بسبتي .. لا ماقدر والله ماقدر اسوي فيك جذي
علي : ( مسك ايدها وباس راحة ايدها من داخل ) انا راضي فيج وبمشاكلج
منار : ( قطت نفسها على علي ولمته واقعدت تبجي حييل )
علي : ( اول شي انصدم بس بعدين ابتسم و حوطها بيده ) خلاص لاتبجين ماراح يصير الا الخير
منار : ( وهي لامته وتبجي ) علي ليش انت طيب معاي لهالدرجه
علي : ( يهمس باذنها ) لأني احبج واحب كل شي فيج
منار : ( وخرت عنه وابتسمت وامسحت دموعها ) وانا بعد أ..
علي : ( حط ايده على حلجها ) اششششش .. لاتكملين مابيج تقولين شي انتي مو حاسه فيه .. انا ادري اني قدرت اكسب معزتج وادري اني صرت غالي عندج بس الحب لا تطرينه الا اذا حسيتيه .. وابيج توعديني ان ماتقولين هالكلمة الا لي اطلعت من قلبج مو من السانج وبس
منار : اوعدك
علي : ( ابتسم لها ) يللا العنوان
منار : علي لاتروح وانت تعبان انطر جم اسبوع لين يروح كل اثر بجسمك
علي : ( تضايق وطالع بطنها ) لا ماقدر انطر اكثر
منار : ( اسكتت افهمت ان يقصد اللي ببطنها وان صارله شهرين وكل ما طول اكثر بتصعب عليه السالفه خصوصا مع اهله )
منار : انا ما اعرف العنوان بس ادل البيت و... واخاف اروح اهناك
علي : قعدي ورا ماتبينين انروح اهناك بس اتدليني البيت ونرجع
منار : بس انا مابيك تروح اهناك ماتدري شنو ممكن يسوون
علي : وليش انا مينون اروح بيتهم و اقولهم بنتكم عندي؟؟
منار : عيل شنو بتسوي؟
علي : خلي هالسالفه علي .. بس لاتخافين مايصير الا كل خير
( تم علي قاعد معاها ويسولفون لي الساعه 12 طلب غدا وكلو وخلاها تاخذ الأدويه ورد البيت )
قعد مع العايله بالصاله اهم يتغدون واهو عالقنفه يلعب مع عمور منزمان مولاعب معاه
ام علي : عمور ماما لاتطق علي مريض مسكين بعدين يبجي
عمر : انا قوي ( ويطق علي )
علي : يمه خليه يلعب معاي والله منزمان مالعبنا صح عمور؟
عمر : اطقك طق
علي : ( يظحك ) اي انا اكسرك تكسر
عمر : ( نطح علي نطحه قويه على صدره )
علي : اخ ... خلاص انت الفايز يللا روح
ام علي : ( تصرخ ) عمور؟ وخر عن اخوك خلاص
علي : يمه لاتزفينه ياهل
ابو علي : ( ياكل واذنه معاهم ) انت اشكبرك غيرك عنده 4 يلعبهم وانت قاعد تلعب مع اخوك
علي : قريب بتزوج ان شاءالله
ام علي : ( مو مصدقه ) صج ؟؟ والله فرحتني لو اعرف ايبب جان يبتت
عثمان : ايي عليوي والله انك مو هين اخوي طلع بلوه
علي : ( فهم غصد عثمان ) اقول كمل غداك واكرمنا بسكوتك
ابو علي : خلاص بنخطبك ساره اشرايك؟
علي : لا يبه انا اختارها بنفسي
ابو علي : واشفيها بنت عمك ساره من شنو تشكي يعني؟
علي : يبه ماتشكي من شي بس مابيها
عالية : تزوج ندى عشان انصير انا واهي بنفس البيت وناسه
علي : شبي فيها اربيها يعني؟
عالية : اللي يسمعك يقول عمرك 50 عادي بينكم 10 سنين مو وايد حيل
عثمان : يبه انا ابي غلا
ام علي : والله انك انت البلوه حاط عينك عالبنت وماتقولي عشان نحجزها لك؟
علي : اي والله يمه زوجيه لأن ان ماتزوج ينحرف
عثمان : والله اني سيده ولا عندي شقق ولا شي
ام علي : اشهالكلام عيب استح على ويهك
علي : ( يخز عثمان بس ساكت ماقال شي )
ابو علي : يستاهل عثمان ازوجك غلا متى ماتبي انت بس قرر
عثمان : ( مستانس ) اي بتزوجها اول مانتخرج بس ودي تخطبها رسمي
ابو علي : ان شاءالله ومايصير خاطرك الا طيب
عالية : غلا اصغر منه بسنه وحده .. اخطبله ندى احسن
عثمان : اتزوج ندى عشان تقعد اليوم كله عندج وتخليني؟؟ خوش زواج والله
علي : ( يطالع عثمان ويقول بقلبه ) جان زين سالفتي سهالات مثلك
( رن تلفون علي وكان رفيجه صلاح )
علي : الو هلا صلوح
صلاح : هلا فيك .. ها اشلون صرت؟
علي : تمام الحمدلله
صلاح : ودنا انيي نلعب اورقه عندك
علي : لا انا اللي ودي اييلكم تعبت من البيت
صلاح : يعني امرك اخذك؟
علي : لا أجرت سياره وانا بمركم
صلاح : خلاص صار تعال 4 دوانية محمد كلنا اهناك
علي : اوكي بس ييب السي دي معاك
صلاح : أي سي دي؟
علي : تره انا ما انسى
صلاح : ( ظحك ) خلاص اييبلك بداله 10 سيديات بمناسبة طلعتك بالسلامه بس تعال
علي : اوكي 4 اكون عندكم ( سكر الخط )
ام علي : علي يللا قولي متى اخطبلك يعني؟
علي : قريب ان شاءالله
-----------
صارت الساعه 3 ونص علي طلع من البيت رايح حق ربعه ودق بالطريج على منار
علي : الو ها مو نايمه؟
منار : لا قاعده احاول انام
علي : لاتفكرين وايد وراح تنامين
منار : علي .. متى راح تروح لهم؟
علي : اليوم بالليل راح اتدليني المكان وباجر الصبح اروح لهم
منار : بس انا خايفه عليك
علي : لاتخافين ان شاءالله خير انتي بس ادعيلنا
منار : ان شاءالله
علي : يللا الحين نوم العوافي يالغالية .. انا بروح عند الربع
منار : اوكي ... مع السلامه
علي : مع السلامه
( علي وصل عند الدوانية وسفط السياره ونزل )
علي : السلام عليكم
الشباب : ( قامو يسلمون عليه ) وعليكم السلااااام الحمدلله عالسلامه
علي : الله يسلمكم
محمد : انا ماني قاعد بشوف السياره اللي أجرتها ( طلع بره شوي ورد )
الانفينيتي لك؟
علي : اي
محمد : ايي هذي الناس تدعم بالاكس فايف وتأجر انفينيتي عقب جم يوم تشتري بنتلي
علي : والله محد بيفقرني الا انت يخي انت ليش كل سوالفك عن الفلوس
محمد : اشفيك اتغشمر معاك افا عليك بس
( اقعدو كلهم العبو جنجفه جم قيم وطلع علي عشان يروح حق منار وياخذها تدليه البيت )
------
وصل حق منار ودق عليها عشان تنزل .. بعد دقيقتين انزلت واصعدت معاه السياره
منار : علي والله انا خايفه حيل ماودي ادش المنطقه بكبرها
علي : خلاص سمي بالله وقوليلي يللا الوجهه أي منطقه؟؟
منار : كيفان
علي : اوكي يللا بسم الله ( حرك السياره ومشى )
( قربو يم كيفان ومنار خافت ازياده .. علي مد ايده عالكشن اللي وره وعطاها جريده )
علي : هاج شريتها عشان تفتحينها جنج تقرين ومحد راح يشوفج
منار : ( خذت الجريده وبطلتها و ادفنت راسها فيها حتى السيارات اللي على يمينها مايشوفون غير الجريده )
علي : ( يظحك ويحاول يلطف الجو ) زين جذي الناس تقرا جريده الله يهداج لافتها عليج جنج هديه مغلفه
منار : ( ماوخرت الجريده ) علي اسكت عني والله خايفه
علي : زين بالله اشلون بتدليني وانتي لافه نفسج فيها .. اسويلج فتحات حق عيونج؟
منار : ( تظحك واهي خايفه نزلتها شوي بس طلعت عيونها )
علي : ( يظحك ) والله شكلج نكته
منار : خلاص علي لاتظحك امانه والله بموت من الخوف ( صعدت الجريده على ويهها بسرعه ) هذي .. هذي اللفه فوق تحت يسار
علي : ( لف ) والحين وين ؟
منار : ( نزلتها شوي ) الحين يمين
علي : زين؟؟
منار : ( صعدت الجريده لي السقف عشان مايبين منها شي ) البيت العود على يسارك لونه بني بأبيض
علي : عندهم بره طراد؟؟
منار: اي .. عفيه يللا امش
علي : اوكي ( ورجع فوق تحت وطلع عالخط السريع ) يللا نزليها خلاص
منار : ( نزلت الجريده وقلبها يرقع من الخوف )
علي : لاتخافين منور طلعنا من اهناك ( مد لها ايده )
منار : ( حطت ايدها بيده جان يضغط عليها وتم طول الطريج ماسك ايدها )
علي : يللا نزلي ارتاحي ولاتنسين تاخذين ادويتج انا بروح انام هذي قعدتي من الصبح ( يبتسم لها ) وباجر عندي مشوار مهم
منار : علي امانه دير بالك على نفسك والله لو صارلك بعد شي بسبتي صدقني راح..
علي : خلااص منار ماراح يصير شي يللا نزلي
منار : اوكي
( نزلها علي ورد البيت )

 

[جنى الحربي]

كملي حبويه كلنا معاااااااااااج..

صج قصه تشووووووووووق,,

 

[خـوخه]

.................... waitting .........................

 

[b6ooo6a*_*]

نبيييييييييييييي بااارت يديد ابلييييييييييييييييز يلا لايوقف حبوو

 

[خـوخه]

واي بررررررووووووح بيت ماما عوده غصبن علي بس تكفى لا ترديني لمن ارد من الزوارع ابي اكمل هالبارت بليييييييييييييز عفيه لا تكسرين بخاطري <<<<<< يعني مسكينه اكسر الخاطر

 

[ReRez]

عفيييييييييييييه بنات الرحمه والله للحين مانمت من امس لأن اليوم يمعه فنطرت صلاة الظهر تسبحت وصليت وقريت الكهف
وبعدين حطو الغدا وماخلوني انام الا تاكلين دام قاعده :eh_s(14): وبعدها كتبت هالبارت ونزلته والحين اذن العصر
وبصلي واناااااااااااااااااااام والله جد جد مادري متى اقوم بس انا بحط المنبه على صلاة المغرب والله يستر المهم يمكن
اذا شبعت نوم وكتبت انزله بالليل متأحر السمووووحه منكم يا حبيباااااتي :ssssso:

 

[P!NKia]

يعنى فى ناس مثل على ؟؟؟
كملى لاطولين بليز

 

[ReRez]

يعنى فى ناس مثل على ؟؟؟
كملى لاطولين بليز

اول شي : روحي اقري البارت التحذيري عشان لاتحاولين تقلدين القصه :dddds:
وبعدين : اي والله فيه واطيب منه بعد .. فيه اللي يسامح حتى اذا انجرح جرح قوي من حبيبه ( مثل الخيانه )
بس هم يسامح ويحاول يتناسى لأنه صج يحبها ..
بس عاد هذيله ناااادرين بهالزمن بس موجودين .. :eh_s(21):

 

[ReRez]

خلاص بنات انا قررت .. قراااار
دام ماباقي الا ساعه على أذان المغرب ماراح انام وبنطر .. وبعد الصلاة ماراح يبقى الا ساعه ونص على صلاة العشى
فهم بنطر .. وهذا يوصلني الى نقطة مهمه واهي اني رااااح اعدل نوووومتي واخييرا
بس السؤاااال الأهم اشلووون علييكم؟؟؟ مثل ما انتو عارفين السهران يصير مخه فاصل وخارج نطاق التغطيه
يعني ماقدر اكتب بارت ... ولا اشرايكم ؟؟؟؟؟؟؟؟