MC ANFAL
New member
♥ الــزيــن ♥
New member
*FaRaWlA*
New member
- إنضم
- 15 يوليو 2009
- المشاركات
- 709
- مستوى التفاعل
- 0
- النقاط
- 0
الذين تشاهدون محتوى الموضوع الآن : 48 ( العضوات 15 والزوار 33)
*FaRaWlA*, al7yzabona, bintq8, CuP__CaKe, Findy Girl, inspiring-girl, lolo^.^, MC ANFAL, ريوق بلاش, سيتي, سهر الليل, PINACOLADA, saro_on25, همســات حالـمه, وحيدة بأحزاني
اللهم زد وبارك لوووووووووول
عااشت هموووس
*FaRaWlA*, al7yzabona, bintq8, CuP__CaKe, Findy Girl, inspiring-girl, lolo^.^, MC ANFAL, ريوق بلاش, سيتي, سهر الليل, PINACOLADA, saro_on25, همســات حالـمه, وحيدة بأحزاني
اللهم زد وبارك لوووووووووول
عااشت هموووس
طال الهجر
New member
- إنضم
- 6 يوليو 2009
- المشاركات
- 1,401
- مستوى التفاعل
- 0
- النقاط
- 0
55 ( العضوات 24 والزوار 31)
طال الهجر, !pink-card!, al7yzabona, bintq8, الروح والريه, cat ., CuP__CaKe, Findy Girl, inspiring-girl, karbonish, kristin, lolo^.^, Loooo, MC ANFAL, miss limoona, ريوق بلاش, سيتي, سهر الليل, saro_on25, Xx Na3oOoma Xx, فتاة الجبل, zozeya, همســات حالـمه, وحيدة بأحزاني
طال الهجر, !pink-card!, al7yzabona, bintq8, الروح والريه, cat ., CuP__CaKe, Findy Girl, inspiring-girl, karbonish, kristin, lolo^.^, Loooo, MC ANFAL, miss limoona, ريوق بلاش, سيتي, سهر الليل, saro_on25, Xx Na3oOoma Xx, فتاة الجبل, zozeya, همســات حالـمه, وحيدة بأحزاني
miss limoona
New member
- إنضم
- 1 يونيو 2009
- المشاركات
- 815
- مستوى التفاعل
- 0
- النقاط
- 0
طال الهجر
New member
- إنضم
- 6 يوليو 2009
- المشاركات
- 1,401
- مستوى التفاعل
- 0
- النقاط
- 0
الذين تشاهدون محتوى الموضوع الآن : 49 ( العضوات 16 والزوار 33)
alMzYona, آخر حبيبة, al7yzabona, bintq8, cat ., CuP__CaKe, Findy Girl, lolo^.^, MC ANFAL, ريوق بلاش, saro_on25, Xx Na3oOoma Xx, Zoz.Q8, همســات حالـمه, وحيدة بأحزاني, طال الهجر
Zaaadaaw zaadaaw maShala
HeeeeeeeeeeeYaa hamsms mwjoooda Wyanaa heeeYaaaaaa
WaiTinG WaiTinG
alMzYona, آخر حبيبة, al7yzabona, bintq8, cat ., CuP__CaKe, Findy Girl, lolo^.^, MC ANFAL, ريوق بلاش, saro_on25, Xx Na3oOoma Xx, Zoz.Q8, همســات حالـمه, وحيدة بأحزاني, طال الهجر
Zaaadaaw zaadaaw maShala
HeeeeeeeeeeeYaa hamsms mwjoooda Wyanaa heeeYaaaaaa
WaiTinG WaiTinG
miss limoona
New member
- إنضم
- 1 يونيو 2009
- المشاركات
- 815
- مستوى التفاعل
- 0
- النقاط
- 0
يلا ناطرينج هموسه
عاشت هموسه عاشت هموسه عاشت هموسه
عاشت روابي عاشت روابي عاشت روابي
لوووووووووووول فصلت
جكجكجكجكجكجكجك
عاشت هموسه عاشت هموسه عاشت هموسه
عاشت روابي عاشت روابي عاشت روابي
لوووووووووووول فصلت
جكجكجكجكجكجكجك
همســات حالـمه
New member
البـارت الثـامـن عشــر
الأخيـــــر
روابي تمشي بالجمعيـه و فـجأه صادفت سعود.... اهو كان واقف بس ما انتبه لها ....
قلبــها بدا يرقع بقووه.....كاان ودها تركض عليـه وتحضـنه وتقوله شكثر اهي بعدها تحبه ومحتاجـته.....
جسـمها كله بدا ينتفض وصارت ايدها ترجـف من الخوف !! وظلت واقفه بس تطالعه من بعيد ... متردده....خايــفه..... مو عارفه تروحله او لأ؟!
لاجيــت انـا باسامــحــك
تبكي الجــــراح مـاودهــا
مشتــاق ودي اصــافحك
وعيـــت يــــدي لامــدهــا
روابي كانت متجمده بمكانها وتطالعه من بعيـد وعيونها غورقت.....
روابي بقلبها : ماني قادره أصدق هذا سعود.....جدامي وقريب منـي...سعود لو تعرف شقاعد يصير فيني الحين....لو تعرف شكثر انا تعبت بغيابك...بغياب بنتي.... أخذني وطلعني من اللي انا فيـه....سعود انا محتاجتك....هيييييه انتي لي متى بتظلين هبله جذي؟؟! وخري عنه....طلعي بره قبل ما يشوفج..!!!
وعلى طول هدت روابي العربانه والأغراض اللي فيها وطلعت بره تركض قبل لا يشوفها.....
اركبت سيارتها وارجعت قري بسرعه من غير ما تشوف بالمنظره!!! واطلعت من الموقف جان تدعم هاف لوري تبع المطاحن و كان موقفها هندي.....
عصبت وانزلت من السياره بسرعه......
روابي معصبه وتصرخ : انت شفيـــك؟؟ شفيـــك؟؟؟ الشكوو موقف السياره اهني؟؟؟ شايف هذا موقف؟؟؟ ماا تفهم انت؟؟؟ شووف شصاار بالسياره؟؟!
الهندي كان من الخرعه ساكت ومصدوم وخايف.....
روابي تسفل بالسايق مع ان تدري انها الغلطانه بس كانت متوتره من وقت ما شافت سعود وجسمها كله ينتفض....
روابي تصرخ: انت مال أشتكي عليك.!!! انت أصلا شلوون معطينك الليسن؟؟! وخرر سيارتك يلااا.... شنو بأي مكان انت توقف؟؟؟
واركبـت السياره ومشـت عنـه.....
وطول الطريـج بجـت بـجي حتى باليالله كانت قادره تسوق.....
وصلت البيت وادخلت غرفتها بسرعه ولاحظت امها ان فيها شي....
ادخلت عليها امها وكانت منهاره وتبجي....
أم عبدالله مخترعه: شفيج ؟؟؟ شصار؟؟.....قوليلي شفيج؟؟؟ روااابي اسم الله عليج هدي شوي
روابي تتكلم وتبجي : يـمه شفته...شفته
أم عبدالله: منو هذا؟؟؟؟ سعود؟؟
روابي :اييي
أم عبدالله: انزين بس خلاص حبيبتي هدي....ليش قاعده تضايقين روحج؟؟ يعني اذا اهو مو متضايق وعايش حياته ليش انتي قاعده تتضايقين عليه؟!
روابي: ااااااه يااا يمه مو هذاا اللي ذابحني !! اهو عايش حياته وبنتي عنده وبتكبر جدامه واناا اللي قاعده اتحسر!!! انا اللي قاعده ادفع الثمن بروحي
أم عبدالله: ياا روابي بعد خلاص الحين هذا كله صار وانتهى حاولي تنسين وتطلعين من اللي انتي فيه
روابي تبجي وتشاهق بصوت عالي.....غصون ادخلت الغرفه من الخرعه...
غصون : يمه شفيها؟؟؟ شصار؟؟!
روابي : ابيييييي بنتي....ييبولي بنـتييي
أم عبدالله: روابي حبيبتي هدي
روابي: يمه ابووس ايدج دقي عليه قوليله اييبلي جوري ... ابيييي بنــتي
أم عبدالله: لا حول الله....بعد قلبي مو زين تسوين بنفسج جذي
غصون راحت عندها وقعدت يمها ولمتها وروابي مسكتها حيل وقامت تبجي على حضنها....
أمـريـكا.....
عذوب : مـي يلااا عااد لازم اتيين معاي
مي : امبيه عذوب اليوم كلش مالي خلق !!
عذوب: ما أقدر اروح واقعد معاه بروحي
مي: ليش يعني؟؟ عاادي
عذوب: لا مو عادي....يلا تكفيــن مي حبيبتي عشااني
مي: والله عذوب تعبانه وكلش مالي خلق اروووح المكتبه اليوم
عذوب: يلا ميخالف لان حرام قلتله اليوم اني راح ايي...يلاااااا
مي: مابي
عذوب: اووف مي لا اتيننييي...حراام عليج قوومي
مي: لأ مابي
عذوب: امتحاناته قربت وبس بعدين يمتحن ويخلص وبفكج
مي: عذوب قلتلج اليوووم ماااا أبي اروح
عذوب: اذا ييتي معاي اليوم ... بيوم راح اطلعج المكان اللي تبينه
مي: امممممم يعني نروح المول اللي كان ودي اروحله؟؟؟
عذوب: وااي مي هذا طريج ولا ساعتين
مي: خلاص عيل
عذوب: اووف اووكي انا احاول مع سليمان اخليه يودينا
مي: بالله ما رضى يروح؟؟
عذوب: خلاص اناا اوديـــج انزيــــن
مي: صج؟؟
عذوب: اييييه
مي: حلفي
عذوب: اناا لله....والله راح اوديج
مي: امممممم
عذوب: مي حبيبتي يلا بس لا تمصخينها
مي: يلا اووكي
عذوب: بعد عمـــري انتــي....يلا قوومي
مي: انزين بس خل اييب كتبي
عذوب: اوكي انطرج بره
وطلعت عذوب وراحت حق سليمان اللي كان قاعد يتجهز عشان عنده دوره من 5 لحد 7 ....
عذوب: سليمان حبيبي انا بروح الحين ادرس مع مي وماي فريند بالمكتبه
سليمان: اي اوكي مو مشكله
عذوب كل مره لما بتروح حق عبدالله تقوله جذي... " مي وماي فريند" واهو عمره ما سألها منو هذا الفريند؟ وشيطلع؟!!! ولو سألها جان قالتله الصـج لانها ما تقدر تقص عليـه....
عذوب: شلون دورتك؟؟
سليمان: والله تمام اعجبتني احس قاعد استفيد منها...
عذوب: يلا زين اشووه
مي: يلا انا جاهزه
عذوب: يلا تمام.....سليمان احنا ماشيين
سليمان: اووكي قود لاك
عذوب: بااي
سليمان: تيــك كيـر....بااي
طلعوا عذوب ومي من الشقه رايحين المكتبه..... عذوب كانت كل مره تروح ملهوفه حق عبدالله مع ان ضميرها يأنبها باللي قاعده تحس فيه و تحاول انها تتحكم بروحها بس هالشعور كان أقوى منها.... وبالنـهايـه أكثر شي يهمها انه ينجح بمواده ويتـخرج.....
وصـلوا المكـتبه.....وكانت زحمـه شوي لان الكل قاعد يدرس حق الامتحانات...
عبدالله كان واقف ينطرهم عند المدخل.....
عذوب: هااااي
عبدالله شاق الحلج : أهليـــن.... شلونكم؟؟؟
عذوب ومي : تمام بخير
عبدالله: اليوم ازدحام وايد المكتبه
عذوب: اي لاحظت
عبدالله: ان شاء الله نلقى مكان نقعد فيه
عذوب: اي ان شاء الله
مي : انزين ليش ما نقعد بحديقة الجامعه؟؟؟؟ في كراسي وطاولات بره شكثر والجو وايد حلووو
عذوب: اممممممم
مي: يلااا تغيـير عفيـه
عذوب : عبدالله شرايك؟؟
عبدالله: ااااه انا كله واحد عندي
عذوب: خلاص يلا امشوا نقعد بره
عبدالله: يلا
وراحوا وقعدوا بالطاولات اللي بالحديقه وكان الجو اينن وفيه هوا بارد شوي.... ومي كانت قاعده وحاطه الهيدفون وتسمع أغاني....
عبدالله: انا اسف احس وايد أذيتكم معاي
عذوب: لا عبدالله شالكلام؟؟ انت مثل اخوي
ااااخ لما قالتله " انت مثل اخوي" ياا كثر ما اجرحته هالجمله وتذكر لما كان كل مره يقولها هالشي .... تضايق شوي....
عبدالله: عذوب انزين امممم و سليمان ؟؟ مو قاعد يتضايق انج قاعده تقعدين معاي؟؟؟
عذوب: هاه؟! لا عاادي مو قاعد يقولي شي
عبدالله: اهاا زين اشوه
عبدالله بقلبه : والله لو انا كنت مكانه وعندي "انتي" لا اخليج بس حقي بروحي
هـذا [الحنان] اللي له {القلب}.. محتاج.. }~
أرجوك. زيد {بالعـطا} و[احتويني] ..
وان كان{ شفت} في[ وصالي] لك ..احراج ..
}~
فـي {صمت}..[ أحبك ].. بين{ قلبي} وبيني
عذوب: ها درست اللي قلتلج عنه؟؟؟
عبدالله: قطـعت الدراسه
عذوب: هههههه والله خايفه أسألك
عبدالله: لا شفييج أقوولج قطعت الدراسه
عذوب: هههههه مو هذا اللي مخوفني... عمرك ما قلتلي قطعت الدراسه وطلع منك شي
عبدالله: ههههههه ياا عذووب ليش هالاحباط؟؟؟ لا اناا اليووم شاد حيلي ويايج بقووه
عذوب: ههههههه الله يسـتر
عبدالله: يلاا سأليـني
وعبدالله رفع نفسـه ومبقق عيونه وخذا وضع استعداد جـنه متحمس حق السؤال.......
عذوب: ههههههههه شفيك جذي؟؟؟ اقعد عادي السؤال راح اييك وانت بمكانك
عبدالله متحمس : هههههه يلاا انطلقي ... أقصد سألي
عذوب: هههههههه انزين..... what is the effect of ph on increasing concentration of the acid or base؟ (اسيد او بيس )
عبدالله : اسيد...لأ بيس ...لا لا اسيـد... لا خلاص بيـس
عذوب: هههههههههههه
عبدالله: لا لا شنو غلط؟؟؟ لا لا خلاص اسيد !!
عذوب: هههههههه عبدالله
عبدالله: لا بس خلاص اسيد...أصلا انا قلت انه اسيد من البدايه ما يصير مالي شغل حسبيها
عذوب: ممكن تهدييي شوووي.... انت سمعت السؤال أصلا؟؟؟
عبدالله: ايييه سمعته!! عيل بالله انا شلون جاوبت؟!
عذوب: ههههههههه عبدالله حبيبي ركز معاي
عبدالله: لا تقولين حبيبي استحي
عذوب بعدين انتبهت انه قالتله " حبيبي " بس ما كانت تقصدها وانحرجت ....
عذوب: هههههههه أقووول بسسس ركزز معااااي شوي
عبدالله: والله انا مركز من زمان انتي اللي مادري شفيج؟؟!
عذوب: لا والله!!! ... اسمعني انا الحين سؤالي بالعربي كان شنو تأثر على زيادة تركيز الحمضي او القلوي!!! ما قلتلك اختار الاجابه الصحيـحه اناا !!! ph
عبدالله: ههههههههه لا والله؟!.... لا لا السؤال كان فيه خدعه!!
عذوب: ههههه اي انت بدع بامتحانك وجاوب غلط على الأسئله وروح قول حق الدكتور الأسئله فيها خدع خل نشوف شنو بسويلك !!
عبدالله: لا لا انتي وايد قاعده تخدعيني بأسئلتج ما يصير جذي!!! يعني وبعدين معاج؟؟؟
عذوب: خلاص انزين انا اسفه
عبدالله: لا عذوب عاد ما يصير جذي !!! قاعده تخليني أعصب
عذوب : ميخالف هالمره اسمحها بويهي
عبدالله: يلا انزين بطوفها
عذوب : أشـكرك الصراحه على تفهمك
عبدالله: ههههه لا عادي عساج من عواده
عذوب: هههههههه.... أقووول صج تعاااال أشوفك ساكت مره وحده عن امتحان الستاتستك اللي طاف؟! شسويت فيه؟!
عبدالله: طااافج الامتحااان شنوو كاان يونس ... شنوو كاان ممتع...من كثر ما استمتعت فيه اخر واحد بالكلاس سلم الورقه أنا
عذوب: هههههههههه امبيــه عبدالله لا تقول انك ما حليت!!!
عبدالله: أمبله حليت والله بس اخر سؤالين ما حليت شي فيهم
عذوب: ليــــش؟؟!
عبدالله: شسوي ما امداني !!! الامتحان كان وايد طويـــل
عذوب: يعني تركتهم فاضييـن !!
عبدالله: لا كتبت تحت السؤالين " نو تايم "
عذوب: هههههههههه بالله هذي " نو تايم " وين راح يصرفلك اياها الدكتور؟!
عبدالله: هههههه شسوي فيه مع ان تصدقين كنت حاسس اني اعرف احلهم
عذوب: هههههههه اي روح قوله عن احساسك يمكن يعطيك عليه
عبدالله: والله فكره تصدقيـن !! بقوله دكتور كنت حاسس بالاجابه بس الله يخس ابليسك نو تايم
عذوب: ههههههه المهم قولي متى النتايج؟؟؟
عبدالله: امممم باجر الصبح قال راح يعلقهم عند مكتبه
عذوب: اهااا يلاا ان شاء الله ما تكون هببت فيه
عبدالله: لا لا تحاتين قطعت الورقه تقطع من كثر ما حليت بضمير
عذوب: هههههههه الله يسـتر,,,,, انزين متى رايح تشوف النتيجه؟؟
عبدالله: اممم على الساعه 11 الصبح عقب كلاسي
عذوب: عند دكتور ماكسويل صح؟؟
عبدالله: اي صح
عذوب : اوكي..... يلا الحين السؤال اللي بعده
عبدالله متحمس ويطق على الطاوله: يلااااا .... يلاااااا
عذوب: ههههههه عبدالله اهدى شوي....ليش كل هالحماس الزايد!!!
عبدالله ياخذ نفس عميق : يلا
عذوب: بس ابيك تركز بالسؤال كله...من الأول لي الاااخر
عبدالله: أفاا عليــج راح أقطع نفسي من التركيز
عذوب: هههههه بسك تقطع....خلاص رجاء ما ابيك تقطع شي بعد
عبدالله: ههههههه اوكي خلاص
عذوب: خلاص عبدالله الحين سولفنا وضحكنا وشبعنا والحين نبدا بالجد...اوكي؟؟
عبدالله: اووكي أبله عذوب
عذوب: ترى من صجي لا تخليني اعطيك النظره هاا!!
عبدالله: لا لا الااا النظره عااد
عذوب: اي دير بالك
عبدالله: هههههه اوكي يلا عطيني السؤال
عذوب: What is pH?
عبدالله: باور هورس
عذوب سكتت وعطته النظره ....
عبدالله: ههههههه شنوو؟؟ خطـأ؟؟
عذوب بس قاعده تخزه...
عبدالله: اوووه عذوب لا تطالعيني جذي.....خلاص خلاص راح احترم نفسي
وظلت ساكته وتطالعه واهي معصبه....
عبدالله: عذوب....عذوب.....عذوب....تصدقين توني الاحظ ان اسمج غريب!! شنو يعني عذوب؟؟؟
عذوب فيها ضحكه بس ماسكه نفسها.....
عبدالله : ههههههه بس عاد طلعتي ليزر من عيونج ....عذوب خلاص انا اسف....لا صج خلاص بصير من صجي والله
عذوب: ترى راح أقوم وأخليك
عبدالله: يعني شسوي والله مادري شنو يعني ph
عذوب: تقوم تقول باور هورس؟!
عبدالله: اي مادري قاعد اجرب حظي
عذوب: لا والله!!! يعني
potential of Hydrogen Ph
عبدالله: عاااد كانت في بالي وبغيــت أقووولهاااا
عذوب: احلــف!!!
عبدالله: اييه بس خفت تكون غلط
عذوب: اهاا جان تقوم تقول باور هورس لان في احتمال قوي تكون أصح!! ياريت أصلاا في شي اسمه باور هورس !!!
عبدالله: هههههههه يا عذوب....ياا عذوب كنت أضحك معاج شفيج !!
عذوب: بــس مااكوو ضحك خلاااص
عبدالله: لا لا خلاص الحين بصير من صجي
عذوب: يلا نشوووف
عبدالله: راح تشوفين....راح أعجبـج
عذوب: ههههههه انزين يلا
عبدالله: يحليلج عذوب....انزين ما قلتيلي شنو معناة اسمج؟؟؟
عذوب : عذوب يعني ليس بينها وبين السماء ستر
عبدالله : اهاااا والله حلوو بس شنو معناة ليس بينها وبين السماء ستر؟؟
عذوب : اناا لله .... عبدالله بس اوص
عبدالله : ههه يلا يلا اوكي
وكملت تدرسه بس لازم بين فتره وفتره يستعبط عليها ويننها......
الكويـت.....
روابي كانت طول اليوم تبـجي..... تفكر بكل اللي مرت فيه....وشلون صار حالها !! عمرها ما توقعت ان طيشها ممكن يوصل الأمور معاها للهدرجه...!! تحــس انها وحيــده خصوصا ان غصون اللي كانت ممكن أكثر وحده تشكيلها عقب ما املجت وشافتها مستانسه ما حبت تضيق خلقها بمشاكلها....
جلست البارحه اقرأ حروف داخل كتابك..
وأراجـع ما حصل فيني وأحاسـب يُومي وأمسي،،
وفجـــأه ( الكـرسي ) يتكلم عن التقصيـر وأهدابك
كأنه ودهـ يحرجني .. ويقول : لـ " دنيـتي ....حـسي "
“سأل عنك"
ولا عندي عـذر يشفع لك غيابك
سأل وينك ..؟
سكـت قلبي حبيبي ..
وإستحـت نفسي ..
تخيَّـل لما يسألني [ جمـاد ] .. راحـوا أحبابـك ..!!
تطيـح الدمـعـهـ من عيني على أطـراف
هالكرسي
اكثر من واحد من الشباب اللي تكلمهم بالتلفون يدقون عليها بس كانت مطنشه لما طق جبدها وردت.....
روابي : نعم؟
خالد : ها حبيبتي شفيج ادق عليج ما تردين؟!
روابي : مشغوله
خالد: شفي صوتج؟؟ شكلج تعبانه!!
روابي : متضايقه شوي
خالد : وي حبيبتي ليش ؟؟ شفيج؟؟
روابي: بس صايرتلي ظروف مضايقتني وحاسه اني مخنوقه
خالد : وي قلبي....انزين قوليلي شنو اهي الظروف يمكن اساعدج!!
روابي: لا محد يقدر يساعدني
خالد: انزين اذا انتي مخنوقه خل اطلعج شوي تغيرين جو
روابي : هاه؟!
روابي اخترعت شوي لان على كل الشباب اللي تكلمهم بس ما ترضى تطلع ولا واحد فيهم....
خالد: بس اطلعج تشمين هوا...ما راح اسوي فيج شي
روابي ابلعت ريجها : امممم لا لا ماله داعي
خالد: شفيج روابي ما راح اسوي فيج شي والله....بس بطلعج خل نتمشى شوي على البحر يمكن أقدر أطلعج من اللي انتي فيه لو شوي
روابي كانت حاسه انها حيل مخنوقه ومحتاجه تقعد مع احد.....
روابي : انزين
واتفقوا على المكان اللي يلتقون فيه عند مواقف البحر وانزلت من سيارتها واركبت سيارته......
خالد : ماني مصدق انج الحين قاعده معاي
روابي : اي صدق
روابي كانت بايعتها....مو هامها اذا احد تعرفه يشوفها او لأ!!!
خالد كان موقف سيارته وفاتح الدرايش شوي.....
خالد: اي يلا قوليلي شفيج؟!
روابي: بس قلتلك صايرتلي ظروف
خالد: يعني مع أهلج؟؟
روابي : لا ظروف خاصه فيني
خالد: يلا المهم خلاص لا تزعلين روحج ماكو شي بالدنيا يسوى
روابي : ادري ...أصلا الدنيا بكبرها ما تسوى عندي شي
خالد: الله عاد ليـش؟؟
روابي : بس!! ما فيها شي يستاهل أعيش عشانه
خالد: انتي ليش جذي محبطه وايد؟؟ خلاص انسي المشاكل...قطيها ورا ظهرج
روابي عصبت : الكل بس يقولي انسي وانسي....شنو النسيان حسبالكم سهل؟!
خالد: ادري انه مو سهل بس يعني خلاص وبعدين ليش متى بتظلين تذكرين نفسج فيها؟!
روابي سكتت وما كان لها خلق شي....
خالد: تدرين روابي احس اني مرتاحلج بطريقه مو طبيعيه....اول مره احس بهالشعور
روابي تضحك ضحكة استهزاء.....
خالد: شفيج؟؟؟ قاعد اتكلم من صجي انا
روابي : اهاا اوكي كنت من صجك!!! سوري كمل
خالد: لا يعني جد احسج غيـر
روابي : اوكي وبعد؟
خالد: هههههه اشوفج استانستي
روابي : اوووه فوق ما تتصور خصوصا ان الكلام يديد علي
خالد: حبيبتي ترى انا مو قاعد أضحك عليج
روابي تطنز : اي ادري مصدقتك
خالد: حبيبتي والله
روابي ما كانت حاسه بأي مشاعر اتجاهه كأن كل المشاعر عندها اختفت...
أنا حبيت بس مره وخان الحب ظني فيه
وقلبي أنكسر مره ولين اليوم أجمع فيه
وتبت وتاب أحساسي وصرت أقسى من القاسي
وبدا خالد يقرب منها....
روابي : خلك مكانك لو سمحت
خالد: شفيج ؟؟
روابي : ليش قاعد تقرب علي؟!
خالد: بعطيج بوسه على خدج
روابي: نعم؟؟؟ لا مابي مشكور
خالد قرب صار الا يبي يبوسها....
روابي عصبت ودزته...
روابي : شفيك انت؟؟؟؟ غصب؟؟؟
خالد : شفيها يعني؟؟ كلها بوسه على خدج
روابي : ايي موو اول شي بوسه على خدج...بعدين على رقبتج وبعدين تقومون تتمادون وتبون اكثر
انزلت من سيارته واركبت سيارتها ومشـت.....
طول ما اهيه بالسياره كانت تبـجي من اللي صار.....
صدمة شعوري بالبشر ماهي غريبه
بس الغريب انا ليش ما تعلمت
ثـاني يـوم....
عبدالله كان رايح عند مكتب الدكتور يشوف نتيجته ولقى عذوب واقفه بره لابسه جينز وتوب أبيض ناعم ومموجه شعرها...اهيه دايما بسيطه بلبسها ويحب فيها هالشي عبدالله....على كثر ما لبسها بسيط وعملي....ولو شنو ما تلبس يطلع اينن عليها.....
كانت واقفه تدور على نتيجته على الورقه اللي معلقه بره....
عبدالله: هاا شتسوين اهني؟!
عذوب: بشوف نتيجتك
عبدالله: ههههههه يعني كنت بقولج النتيجه بعدين ما كنت راح اخشها عنج
عذوب: ادري بس بعرف الحين
ولقت اسمه وشافت النتيجه.....
عذوب: اشووووه باااااس
عبدالله: لاا والله!!!
عذوب مستانسه : اييييييه
عبدالله: والله زين يعني يطلع مني
عذوب: هههههههه اي اشووه
عبدالله: البركه فيج والله .... يعطيج العافيه الصراحه
عذوب: الله يعافيك....ما راح تراجع نتيجتك مع الدكتور؟؟
عبدالله: تدرين من اول ما ييت الجامعه ولا مره راجعت نتيجه مع دكتور
عذوب: ليش؟
عبدالله: ما اعرف اتكلم معاهم على بعضى !! يعني ادري اني فلته بالانجليزي وجذي بس تعالي ييبيني اتكلم مع دكتور!! تضيع انجليزيتي كلها
عذوب: ههههههههه امش انا اروح معاك
عبدالله: جنه فشله !!
عذوب: ما راح اتكلم بس اذا شفتك تأزمت أتكلم عنك
عبدالله: يلا اوكي
ودخلوا عند مكتب الدكتور....
عبدالله من البدايه ما قال جمله انجليزيه صـح وانحرج وسكت وقامت تتكلم عذوب عنه....
عذوب : what’s the class average ?
الدكتور : about 70
عذوب: what are the chances for abdallah in getting a C ?
( عنده فرصه انه يطلع من الماده اب c )
الدكتور : loool amm if he gets at least 75 in his finel he could get a C loool
(اذا اخد في امتحانه الفايل أقل شي 75 )
عبدالله يكلم الدكتور : ههههههههه 75 شكلك
عذوب : اهاا اوكي
الدكتور : so I think he should work harder cause it seems that he is not working very hard for this course and it shows in his exam that he doesn’t understand a lot of things loool
( يحتاج انه يدرس اكثر لان واضح انه مو قاعد يجابل الكورس وبين بامتحانه انه في أشياء وايد مو فاهمها لوووول )
عبدالله : الشكو يضحك هذا؟؟
الدكتور : لوووووول
عبدالله : شفيه هذا؟؟
عذوب : ههههههه عادي انت أضحك معاه
عبدالله: هههههههههه والله مالت عليك هههههههههه
عذوب : هههه اوكي دكتور ثانكس
الدكتور : لووووول يور ويلكم
عبدالله: وبعدين؟؟ بعده يضحك!!! الله يخسـك ثانكيو
طلعوا من المكتب ....
عبدالله: هذا اللي بطقه الحين!!! شوفيه عذوب بعده يضحك!!
عذوب: هههههههه انت شفيك؟؟ خلك لطيف مع دكاترتك
عبدالله: اهو من اول ما قال 75 واهو يضحك.... انا أوريـه...ان ما سويتها وخذيت 75 ما اكون انا
عذوب: يااااريت....يلا انت شد حيلك بس
عبدالله: ولا يهمج
عذوب: يلا انا بروح....مع السلامه
عبدالله: وين بتروحين؟؟
بعدين استوعب على نفسه....اهو الشكو يسألها اهي وين رايحه؟!
عذوب: بروح حق ريلي ناطرني
بس سمعها قالت " ريلي " حس بدمه يغلـي.... وتحسف ليش سألها !!
عبدالله: اهاا... يلا مع السلامه
ومشى على طول حتى ما عطاها مجال ترد عليه.....
ارجعت عذوب الـشقه....
لقت سليمان واقف ينطرها وكان باين عليه معصب....
عذوب : هااي سليمان
سليمان : وين كنتي؟؟؟
عذوب ارتبكت : كنت قاعده اشوف نتيجة امتحان ماي فريند
سليمان : منو هذا اللي قاعده تروحين تدرسين معاه؟؟؟
عذوب : شنو؟؟
سليمان : في ناس شايفينج قاعده مع واحد امس بالمكتبه....منو هذا؟؟؟
عذوب : هذا اخو رهف وبعدين انا مو قاعده ادرس معاه ... قاعده اساعده بدراسته
سليمان كان حيل معصب : شلوون جذي قاعده تروحين تقعدين مع واحد من غير ما تقوليلي؟؟؟
عذوب : اول شي انا كل يوم كنت أقولك اني بروح ادرس بالمكتبه مع ماي فريند وانت ولا مره اهتميت وسألتني منو يطلع هالشخص
سليمان : اي بعد انا واثق فيج ما توقعت هالشي منج
عذوب : سليمان حبيبي معاك حق تعصب بس دايما اختي كانت معانا يعني ما مره قعدت معاه بروحنا....واهو كان حيل متوهق ومحتاج احد يساعده فاضطريت أساعده وبعدين انا اعرفه من سنين ومثل اخوان ماكو شي بيني وبينه
سليمان : حتى لو بس اخواان ما ابيج تقعدين معاه مره ثانيه او حتى تكلمينه ... فاهمه؟؟؟
عذوب : غريبه يعني مع ان عادي في أمريكان يكلموني وياخذون ويعطون معاي وما أشوفك تقول شي وولا مره قلتلي وخري عنهم
سليمان : بس عذوب هذا ما أبيج تقعدين معاه
عذوب : ليش يعني؟؟ عشان كويتي؟؟
سليمان معصب: عذوب بس لا تناقشيني ما أبيج تقعدين معاه يعني ما أبيج تقعدين معاه
عذوب : خلاص انزين
سليمان : من صجي لو مره اشوفج معاه راح تشوفين شي ما شفتيه
عذوب : خلاص سليمان قلتلك انزين ما راح اشوفه ولا اكلمه ولا أقعد معاه
سليمان : انزين
عذوب لما قالتله جذي حست بقلبها يتقطع بس هم حست ان جذي أحسن عشان لا تتعلق فيه أكثر ولازم تبـعد لان مهما كان خلاص اهي تزوجت وأملها ان تكون مع عبدالله خلاص انقطع ومستحيـــل الحيـن واهي تحب زوجها واهو يموت عليها فلو تبعد أحسن....
ومهما ابعدت ما راح تنساه وراح يظل حبها الأول اللي كان....
الكويـت.....
الساعه 1 الفير وروابي كانت بالسياره تحوس بالشوارع وتفكر وتبجي....
ارجعت البيت...
روابي : السلام
أم عبدالله: الساعه 1 الفير الحين !!! وين كنتي؟؟؟
روابي : بدرس ديني
أم عبدالله سكتت وما قالتلها شي....
روابي بغرفتها وقاعده تدخـن وتـبجي....هذا حالـها.... بس تبـجي وتتحسر على نفسها وتضيـع أكثـر....
أم عبدالله دخلت عليها على طول....
اهي خذت منها مفتاح الغرفه عشان لا تقفله لان أكثر من مره قفلت الباب واغمى عليها وما كانوا يدرون عنها ولا كانوا قادرين يوصلونلها.....
أم عبدالله شافتها تدخن وعصبـت....
أم عبدالله تصرخ: رواابي !! شنو هذا؟؟ رجعتي تدخنين!!!
روابي ببرود: اي رجعت ادخن
أم عبدالله: مالت عليج هاتي الزقاره
روابي : اووه يمه خلااص خلووني على كيفي اشتبون مني!!
أم عبدالله: ينيتي انتي؟! شفيج جذي وايد استخفيتي؟!! على كيفج قاعده تروحين وترجعين باخر الليل.....حجابج لازم كل يوم اتهاوش معاج عشان تلبسينه!!! والحين قاعده اتدخنيـن بعد!!! تبين تذبحيني انتي؟؟؟
روابي تبجي وتصرخ: بـــس خلااااص كيــفي كيـــفي محد له شغل فيني
أم عبدالله: انتي شنو هذا اللي قاعده تسوينه بروحج؟؟؟ اصحي...اصحي
روابي تصرخ: يمه بس خليني بروحي
أم عبدالله: وطي صوتج لا تقومين خواتج من النوم !!
روابي: يمه مالي خلق الحيــن.... طلعي بره
أم عبدالله: والله يا روابي على هالطلعات والروحات والييات لو اكتشفت ان في وراها شي راح أذبحج
روابي : ذبحيـني يمه يااريت تذبحيني ... فكيني من هالحياة اللي انا عايشتها
روابي طاحت على الأرض وقامت تبجي بقوه....
روابي تصرخ وتشاهق : اااه ياا يمـه
أم عبدالله شافتها جذي على الأرض عورها قلبها....سكتت....قاعده تشوف بنتها صايره شضعفها....ومنهاره....
واهي جذي تذكرتها لما كانت صغيره وكانت تنزل على الأرض وتبجي تنادي امها ما تبيها تسافر وتخليها .......
تقطع قلبها وقامت تقول بقلبها : يمكن انا السبب بكل اللي قاعد يصير فيها!! ما كنت اهتم...ما كنت موجوده لما كانت بنتي بحاجتي !!! بنتي قاعده تضيع مني وانا السبب....
خذت الزقاره اللي كانت بايدها وطفتها وانزلت معاها على الأرض واحضنتها وبدت تبجي معاها....
روابي تبجي وتشاهق : ااااه ياا يمــه تعبانه....يا يمه ساعديني
أم عبدالله تبجي: حبيبتي بحاول أساعدج كثر ما أقدر.....روابي ما يهون علي أشوفج جذي جدامي قاعده تهدمين حياتج....
روابي : يمه ابي امووت...ابي ارتااح
أم عبدالله: اسم الله عليج يا قلبي.... عسى يومي قبل يومج....قومي ماما قومي
وحاولت ترفعها وحطتها على الفراش واول مره تنسدح يمها وتنومها على صدرها.... قرت عليها وباست يبهتها وظلت تمسح على شعرها ليـن بنتها من التعب غفت...
ثـاني يـوم.....
أمـريكا...
عبدالله كان واقف عند مدخل المكتبـه وينطر عذوب واختها اييون....مرت نص ساعه على الموعد وبعدها عذوب ما يات.....
قـــــال بيجــي وأخلــف في وعــده ونســاني ...
مو عــادته ينســى أني على الوعــد أنتظــر ...
أكيــد مو منه أكيد ... وأرجع وأرددها وأعيد ...
هي الظــروف
آه يا الظروف ...
شاف مي يايه بروحها.....
عبدالله اخترع : ها مي....وين عذوب؟؟ فيها شي؟؟؟
مي : لا لا ما فيها شي بس اممممم
عبدالله: شنو في؟؟ قولي
مي ابلعت ريجها : عبدالله عذوب ودها تساعدك بس تقولك انها اسفه من يوم ورايح ما راح تقدر تدرسك
عبدالله تفاجئ : ااااه انزيـن صار شي يعني؟؟
مي : ااااه لا بس....ريلها مانعها انها تشوفك وتقعد معاك
عبدالله بلع ريجه : اهااا
مي : تقولك عشانها شد حيلك وتخرج
عبدالله سكت وما رد عليها لان قاعد يحاول يستوعب ان خلاص من يوم ورايح ما راح يقدر يقعد مع عذوب او يشوفها.....
مي : عبدالله ترى والله غصبن عليها
عبدالله سرحان....
مي : عبدالله
عبدالله: هاه؟!
مي : اهي كان ودها تساعدك بس غصبن عليها
عبدالله: اي اي ادري معذوره اكيد.....خلاص مي روحي انتي
مي : شد حيلك ها.... الله يوفقك
عبدالله: ان شاء الله ... ويوفقكم انتو بعد
مي : مع السلامه
عبدالله ابتسم : مع السلامه
عبدالله كانت خانقته العبره..... .دقات قلبه اسرعت.....اختـنق!! مو قادر يستوعب ان خلاص ما عاد يشوف عذوب....ما عاد يكلمها...ما عاد يضحك معاها....!!
http://www.4shared.com/file/43090158/9b26e223/__online.html?s=1
وابتدت لحظة جفا وانتهت لحظة وصال ..
وأنطفى نور السعادة واحسب إنه ضوى ..
ما تقبلت الفراق وما لـ يدى فيه حيلة..
اااه لو ان الظروف المقبلة تكشف قدرها..
لو يعرف الشخص منا وش مع الغيب بيجيله ..
كان تجنبنا المشاكل من قبل ما يوقع ضررها..
والعذاب اللى يذوب بعين من يفقد خليله..
عندى اكبر من عذاب العين لو تفقد نظرها..
لا حصل بالحب قسمة ولا جا لي مجال ..
غير اشوف معاند الجرح وعناد الدوى
ماهقيت ان السعادة خيال في خيال
تروى قلوب الحبايب وقلبي ما روى
الشـقه...
عذوب كانت واقفه بالصاله ومدخله ايدها الأثنين في بعض ومتوتره....
مي ادخلت الشقه....
عذوب راحتلها بسرعه : ها شصار؟؟؟ شنو قالج؟؟؟
مي : ما قال شي بس قال انج معذوره
عذوب قلبها يطق حيل : انزين وقلتيله خل يشد حيله؟؟
مي : اي قلتله وقال ان شاء الله
عذوب راحت وقعدت على الطاوله وحطت ايدينها على شعرها.....
مي : عذوب ترى جذي أحسن
عذوب: اي ادري
مي : يعني لازم تنسينه خلاص
عذوب انفعلت : مي ادرري والله ادري
عذوب كانت حاسه انها مخنوقه حيـل.....وعلى أعصابها مو قادره تقعد على بعضها...
وغورقت عيونها....
مـر حوالي أسبـوعين وفي جم مره صادفت عبدالله بس من بعيد لي بعيد ما يتكلمون .....
عــقب ماكنتي أمــل صـرتـي سرآآآب
كل مأقــرب منج فجأهـ تختفيين
عذوب ما تدرى عن أخباره.... الا نتايجه اللي معلقه بره عن مكاتب الدكاتره كانت تروح تطل عليها....
الكليه...
الكورس قرب ينتهى وراح تبلش امتحانات الفاينل...
عذوب كانت قاعده تمشي بالممر مع ريلها......
سليمان : حياتي شرايج..... ما ودج نتعشى بره اليوم؟؟
عذوب : اي يلا اوكي
سليمان : نروح جذي مطعم راقي حلو
عذوب : اي والله يبيله
سليمان : عذوب انتي بردانه؟؟؟
عذوب : يعني شوي
سليمان : هاج لبسي جاكيتي
عذوب : وااي سليمان حبيبي مشكور
فصخ الجاكيت وحطه عليها..... بعدين انتبهت على عبدالله كان واقف بالممر قريب منهم وقاعد يشوفهم
اهو كان ناطر بره قبل ما يدخل محاضرته....
اول ما شافته وصارت عينها بعيونه.... وقف قلبها.....حست بجسمها كله ينتفض.... عبدالله على طول شال عيونه من عيونها ونزل راسه ومشـى...
وشلون بـ غفآ و غيري نآم حآضنهآ ..!
............ يآ لييييت جآني قبل مآ ضمهآ موووته ~
لآ رحت آدور عليهآ في آما ا ا اكنهآ ..!
.............. تلقاني دمووع وسط آلعين مكبوووته ~
منهو يبشر هوآاآاآجيس آلغلآ عنهآ ..!
................ مليت آفضفض شعر و آشوفهآ بيوته ~
مآ كنت سآكن خفوقي كنت سآكنهآ ..!
................ يعني كذآ دآخل آلآعمآاآاق منحوته ~
رآحت و خلت بقآيا ا ا قلب مآ كنهآ ..!
.................. تعزف فرح دنيتي و آحلآمنآ نووته ~
اآآآآنسان ضيع حيآته يووووم يآمنهآ ..!
............ و آصبح رغيف الحزن يا صاحبي قووته ~
في دآخلي زفرة ٍ آزرييييييت مآكنهآ ..!
.......... لآشفت سليمان ينآدي / ليتني صوووته ~
ميت قهر يوووم شفته مقترب منهآ ..!
............ و على كتوف آلعذووب آلبآرده كووته ~
وشلون بغفا و غيري نآم حآااضنهآ ..!
............. يآليت جآااااني قبل مآ ضمهآ موووته ~
عذوب كانت بتمووت تبي تكلمه...تبي توصيه على نفسه وعلى دراسته...!!
عذوب : اااه سليمان تروح انت السياره وانا احصلك
سليمان : ليش؟؟
عذوب : شوي ويايه
سليمان : انزين انا أقرب السياره عند الباب
عذوب : خلاص اوكي
وراحت بسرعه تحاول تلحق على عبدالله قبل ما يمشي.....
عذوب تناديه : عبدالله!!
عبدالله لف ويهه بسرعه وشافها وسكت...
عذوب : ليش ما دخلت محاضرتك؟؟؟
عبدالله: هاه؟! بس مالي خلق اليوم
عذوب : يلا روح الكلاس قبل ما تبلش المحاضره
عبدالله: عذوب انتي ليش لاحقتني ؟؟ روحي
عذوب : عبدالله لازم تشد حيلك وتتخرج حرام جذي
عبدالله معصب : لا تحاتيني عذوب....يلا روحي حق ريلج
عذوب : مو معناته الحين اني مو قاعده اجابل دراستك تقعد تخورها
عبدالله: عذوب روحي يلا
عذوب صوتها بدا يرجف لان شوي وتبجي : عبدالله عشاني شد حيلك وتخرج.... ما يصير تتأخر بعد أكثر من جذي!!!!
عبدالله: ان شاء الله لا تحاتين
عذوب : عفيه ادرس عدل وحاول كثر ما تقدر
عبدالله منفس : ان شاء الله يلا روحي الحين
عذوب انزلت دمعه من عينها وانتبه عليها عبدالله...
عبدالله تقطع قلبه : عذوب!!! ليـش....؟
عذوب : سامحني ما كان ودي اخليك جذي فجأه
عبدالله: وي لا عذوب عادي والله.... أصلا معاه حق ريلج ولو انا مكانه جان سويت نفس الشي .... وبعدين انتي مو ملزومه فيني !! وكافي اللي سويتيه معاي والله ما قصرتي كلش
عذوب : عبدالله تخرج هالكورس ها
عذوب مو بس عشان خايفه على مصلحته اهي كانت بعد تبيه يتخرج لان ما تتخيل انه يقعد بعد كورس وتشوفه ويشوفها من غير ما تكون قادره توصله وبجذي تتعب أكثر.....
عبدالله : ان شاء الله ولا يهمج
عبدالله بعد كان يبي يتخرج هالكورس بأي طريقه عشان يرتاح من اللي اهوه فيه...
عذوب : توعدني؟؟
عبدالله: وعـد....يلا عذوب روحي حق ريلج ما يصير جذي
قالها بصوته المبحوح..
فمان الله يانصيب الغير..
عذوب : مع السلامه
ومشـت عـنه....
طول ما اهيه كانت ماشيه كان عبدالله واقف يطالعها.....خلاص ودعها....ودع كل لحظه معاها....كل واحد فيهم الحين يروح بطريجه ويشوف حياته....
اصعب اللحظات فرقا من تحب
====لامشى وانت احكمت فيـك الظروف
وقتــــها يكويك في قلبك لهب
======غير قـول الاااه مع صفق الكفوف
ساعة الفـــــــرقا ثوانيها ذهب
======وقتــها في وقتها ضيقن وخوف
ان تصبرت الوداع امـــره صعب
=======لازم الذكرى على بالك تطوف
الحسافه والمـــــلامه والعتب
=====لا مشى المحبوب وعيونك تشوف
وقتها هــذي كانـت اخــر لحظـه اجمعت فيها عبدالله و عذوب......
بـــعد مــرور أكثر من ثـلاث سنيــن.......
روابي تحسـن حالها وايد عــن اول......بعدها تعبانه بس وين اول ووين الحين.....
تخرجت وقامت تشتغل......هدت عن اول.....تقربت من ربها.....ما قامت تكلم شباب كلش....طلعاتها قلت....النجره مع امها وايد خفت.....تصالحت مع ابوها عقب ما اخوها تدخل وأصلح بينهم.....وعلاقتها مع اخوها وايد احسن من اول....
الحيـن قاعده تحاول تعـيش.....تطلع.....تخفف عن نفسها.....تقعد من الناس وتضحك......حتى لو الجرح بعده موجود!!
أم عبدالله: روابي حبيبتي عندي لج خبر
روابي : شنو؟؟
أم عبدالله: تعرفين ولد عمج حامد؟؟
روابي : اي....شفيه؟؟؟
أم عبدالله: يبي يخطبج
روابي تفاجئت : شنوو؟؟!!
أم عبدالله: يقول يبيج ويبي يخطبج
روابي اخترعت : لا لا يمه مابي
أم عبدالله: ليش؟؟؟؟
روابي : بس يمه مابي ادش بتجربه
أم عبدالله : ترى حامد خوش ولد وشاريج
روابي : يمه الله يخليج لا تضغطين علي
أم عبدالله: خلاص بس على العموم انا ابيج تفكرين بالموضوع
وطلعت من الغرفه....
روابي عارفه ان ما راح يفيدها التفكير لان كل ما تبيه واهي من زمان مو متقبلته شلون راح توافق تتزوجه؟!
أنا مابي من الدنيا مظاهر أصـلها كذاب
ابي صدرٍ إلى ضـاق الزمـان أنـام بأحضانه
دقت روابي على اخت سعود عشان تطمن على بنتها....
روابي : السلام
ساميه : هلا
روابي : شلون جوري؟؟
ساميه : تمام بخير الحمدالله يا حلوها كبرانه
روابي استانست وابتسمت....
روابي : شلون صاير شكلها؟؟؟
ساميه : اسم الله عليها بطه وحلوه
روابي : يحليلها
ساميه: ودج تشوفينها؟؟
روابي : هاه!؟
ساميه : اذا تبين تشوفينها من بعيد تعالي اواعدج بمكان
روابي اخترعت وقلبها قام يرقع : لا لا بس اكتفي بأخبارتها أحسن
ساميه : على راحتج
روابي : يلا مشكوره ساميه
ساميه : العفو
وصكت الخط منها....
اهي تخاف لو تشوفها تتعب أكثر....تفضل انها تطمن عليها من بعيد لي بعيد أحسن....
سعود طبعا كلش ولا مره حاول يدق عليها او يتطمن عليها او يقولها اي شي عن بنتها.....
أرسلت لك أبليس يوسوس لك عشان تنساني ..
رجعلي يقول ما يحتاج حبيبيك ناسي
بالصـاله.....
رهف : بس عبدالله يننتني وخر عنيي
عبدالله: هههههههه والله مستمتع حدي
عبدالله كان يمسك راسها ويهزه حيـل...جنه حاطه راسها على هزاز....
رهف : اووه عبدالله والله صدعـت بـــــــــس
أم عبدالله: اترك راس البنت حرام عليك
عبدالله: يلا بس خلاص.....الحين راسج حرق 500 سعره حراريه
رهف : اووف والله العظيم صــدعت
عبدالله: تبين اسويلج حركه تشيلج الصداع مره وحده؟؟؟
رهف : لااااااااااء لاااء تكفى خلاص راح الصداع
عبدالله: كيفج انتي الخسرانه
عبدالله تـخرج من ذاك الكورس ومن يومها ما شاف عذوب كلش....عذوب ادرست سنتين ماجستير مع ريلها بأمريكا وبس خلصت وارجعت الكويت ولا مره يات حق رهف البيت...... علاقتها مع رهف مو نفس اول يعني مو كل يوم والثاني عند بعض لان كل وحده فيهم انشغلت بحياتها.....يشوفون بعض بين فتره وفتره.....
عبدالله : امشي رهف خل اطلعج مكان
رهف : يلاا اوكي
عبدالله: شوفي روابي اذا تبي اتيي
رهف : انزين
وراحت حق اختها وطقت عليها الباب....
رهف : روابي انا وعبدالله بنطلع تيين؟؟؟
روابي : لا مشكوره مالي خلق
رهف : اوكي كيفج....يلا باي
روابي : باي
روابي كانت قاعده بغرفتها تطالع تلفزيون......
فجأه رن تلفونها....
( سعود يتصل بك )
انصـــدمت وصار جسمها كله ينتفض وقلبها يرقع بقوه....
كانت متردده ما تدري ترد أو لأ!!!
روابي : ليش داق؟؟؟ ليش داق؟؟؟ ارد أو لأ؟؟؟ اخاف بنتي صار فيها شي...!! خل اشوف شيبي أحسن....
روابي تبلع ريجها : الوو.....الووو
...........: لااا ماابي
سعود: ليش بابا مو عاجبتج؟؟؟
...........: لا مو حلوه ماابي
سعود: انزين جووري جووري حبيبتي شوفي هذي اللعبه مو حلوه؟؟؟
جوري : لأ لأ مابي مو حلوه......بابا خل نروح محل ثاني
روابي قلبها وقف.....حست بروحها طلعت.....كان واضح ان سعود داق بالغلط لان ما يدري ان الخط مفتوح.... او بنتها تتعبث بالتلفون ودقت على أمها كأن قلبها حاسـها.....
كانت ماسكه التلفون وايدها ترجف....قامت تبجي من غير صوت....حست بأشواك تغز بقلبها......اختنقت وما قدرت تتحمل أكثر وصكـت الخـط....
>>> تخيلوا مدى صعوبة الموقف عليها....
كانت تحت صدمـه.....ظلت قاعده على الفراش وما تحركت ولا حركه....بعدين انسدحت تبي تنام.....
المستشفى......
أم عبدالله: لحقوني بنتي مادري شفيها؟؟؟؟
روابي كانت توها قاعده تحاول تصحى وما وعت الا اهيه بالمستشفى وبيجامتها ومن غير حجاب وامها قاعده تتراكض فيها ومخترعه عليها....
الدكتور : شفيها؟؟
أم عبدالله: احاول أقومها ما تقوم ولا ترد علي....وعرقانه حيل وحرارتها عاليه
الدكتور : انزين خل اشوفها
وفحصها الدكتور ولقى حرارتها وصلت 39....
الدكتور : اهيه من متى جذي حرارتها عاليه؟؟؟
أم عبدالله: اليوم كلمتها العصر ما كان فيها شي !!!
ودوها غرفه وحطولها مغذي وهم ما نزلت درجة حرارتها.....
أمها كانت واقفه يم الفراش ولقتها فجأه قاعده تبجي....
أم عبدالله : يمه حبيبتي شفيج؟؟؟ اسم الله عليج شصار؟؟
روابي تبجي : سمعت صوتها
أم عبدالله : صوت منوو؟؟
روابي : جوري
أم عبدالله: شلون ؟؟؟ متى ؟؟؟!
روابي : بنتي الظاهر كانت قاعده تتعبث بالتلفون ودقت علي بالغلط لان صوت سعود كان بعيد واسمع صوتها عدل....
ام عبدالله مصدومه وساكته ما تدري شتقولها....
روابي : يمه سمعتها تسولف.... وسمعتها تقول بابا
وقامت تبجي روابي حيــل....
أم عبدالله : حبيبتي بس رحمي نفسج
روابي : كانت تتشرط بعد
أم عبدالله مو عارفه شتقولها وتحاول تهديها....
روابي : رايح يشتريلها لعبه ومو عاجبها شي
روابي بدت تبجي وتضحك......هسـترت....وامها مو عارفه تهديها....
ظلت أسبوعين مريضه بالفراش من وقت ما اسمعت صوت بنتها...
أم عبدالله : الله ياخذه هالسعود اللى سوا فيج كل هذا
روابي : لا لا يمه لا تدعين عليه
أم عبدالله: من صجج انتي؟؟! يستاهل هذا ادعي عليه
روابي : لا لا يمه مابي يصير فيه شي اخاف بنتي تتعب!! الله يخليه حق عياله
أم عبدالله : انزين حبيبتي بس انتي هدي لا اتعبين نفسج
بالسـوق.....
عبدالله ورهف يتمشون....
رهف : عبدالله خل ندخل هالمحل
عبدالله : رهف مالي خلق أقعد انطر
رهف : يلا يلا بسرعه ما راح أتأخر وفيه ترى هدوم رجاليه بعد وكل شي
عبدالله: انزين امشي
كان المحـل كبيـر ورهف واقفه تشوف ملابس وعبدالله يتمشى فيه....
سمــع صوت احد يناديه.....
..............: عبدالله......عبدالله
لف ويهه بسـرعه جان يشوف ولد صغير يروح حق أمـه....
..........: عبدالله ماما مو قلتلك خلك معاي لا تروح بعيد
عبدالله ما كان غريب عليه الصوت.....
هز الحزن مفتاح الجروح .... وتذكرت شخصٍ هويته
له في ضميري حب مفضوح .... يصرخ عساه يرد ليته
الحرمه اللي كان معاها الولد لفت ويهها وشافت عبدالله..... ظلت واقفه متجمده بمكانها شوي وبعدين بسرعه مسكت ولدها ومشت......
عبدالله ما عرفها ومشى وما حط في باله منو ممكن تكون......
شوي واهو وقاعد يمشي جان يشوف نفس الحرمه واقفه تكلم رهف.....
اهو استحى وظل بعيد..... بعدين رهف ياته....
عبدالله: منو هذي؟؟؟
رهف : هاه؟؟؟ ااااه رفيجتي
عبدالله: اهااا....ولدها اسمه عبدالله
رهف : شعرفك؟؟؟؟؟
عبدالله: منساع سمعتها تناديه
رهف : اهاا اي
رهف ما كانت تبي تقوله انها " عذوب " حبه اللي لحد الحين ما نساها....واهو ما عرفها.....ليش ما عرفها؟؟؟ لأن لابسه عبايه ونقاب.... وما خطر كلـش في باله انها ممكن تكون عذوب !!
>>> وااااي سمت ولدها الكبير عبدالله
عذوب لما شافت رهف اعزمتها على بيت أبوها لان من زمااان حيل ما ياتهم البيت.....
بنفس اليوم رهف ياتها البيت وقعدت معاها بغرفتها....
رهف : واااي عذووب من زماااان ما قعدنا جذي بغرفتج !!
عذوب : اي والله ولهت على ذيج الأيام
رهف : والله يا حلوو ذيج الأيام..... ياريت ترجـع
عذوب : اي
رهف : بس انتي مستانسه مع ريلج صح؟؟
عذوب : اي اكيد ومريحني حيل ويحبني وايد
رهف : هذا اهم شي
عذوب : اي يعني صج وايد أشياء بحياتي تغيرت بس عادي انا راضيه
رهف : يعني اهم شي انج سعيده بحياتج
عذوب : اي الحمدالله
رهف : ااااممم اليوم شفتي عبدالله صح؟؟ كان معاي
عذوب : اي شفته يحليله متغير علي
رهف : اي ما اعرفج
عذوب : اها ما قلتيله انه انا؟
رهف : لأ
عذوب : أهااا
رهف : شنو حسيتي لما شفتيه؟؟؟
عذوب : بس تفاجئت لان من زمان مو شايفته بس ما حسيت بشي
رهف : اهااا.... والله يمكن هالسوء التفاهم اللي صار كان خيره
عذوب : اي سوء تفاهم؟؟؟؟
رهف استوعبت ان قالتلها " سوء تفاهم " وتوهقت....
رهف : لا لا ولا شي
عذوب : رهف أي سوء تفاهم؟؟؟؟؟
رهف : عذوب خلاص شي قديم ماله داعي أقوله الحين
عذوب : رهف فهميني شنو قصدج؟؟؟
رهف : عذوب والله خلاص قاعده اقولج سوء تفاهم قديم وانتهى
عذوب بدت تعصب : رهف قووولي
رهف : عذوب احسن لو ما أقول
عذوب : انا ابي اعرف قولي
رهف : انزين بس بتأكد من شغله
عذوب :شنو.؟؟؟؟
رهف : انتي مو متحسفه كلش انج تزوجتي سليمان صح؟؟؟
عذوب : صح
رهف : وتحبينه ومرتاحه معاه صح؟؟؟
عذوب : اي صح....الحين قولي شنوو؟؟
رهف : اممممم
عذوب : يلااا رهف قوولي
رهف : عبدالله كان طول عمره يحبج بس صار سوء تفاهم مع أبوج اهو اللي غيره عليج
عذوب انصدمت: شنوووو؟؟؟؟ يحبني؟؟!!! اي سوء تفااهم؟؟!!
رهف قالتلها كل الكلام اللي صار بينه وبين ابوها.....
عذوب انصدمت أكثر وظلت ساكته تحاول تستوعب كلام رهف...!!! مو مصدقه ان عبدالله طول عمره يحبها ويبيبها وكل اللي مرت فيه كان من غير سبب !!!
رهف : بس خلاص قلتلج يمكن كل هذا خيره ودام انتي الحين مرتاحه مع ريلج وتحبينه فخلاص يعني عبدالله انتهى بالنسبه لج
عذوب فجأه بدت تبجي حيــل....
رهف : امبيه عذوب شفيج؟؟؟ عذوب لا لا تبجين
عذوب بس تبجي وبقوه ورهف تحاول تهديها بس مو قادره....
رهف : امبيه عذوب ليش قاعده تبجين؟؟؟ مو قلتيلي انج مرتاحه مع ريلج وتحبينه!!
عذوب كانت بس تبجي لان عبدالله بعده بقلبها وبعدها تحبـه.....تمنت لو الزمن يرجع واللحظات اللي كانت معاه كلها ترجع بس خلاص لو تتمنى من اليوم لي باجر عارفه ان ما راح يفيدها بشي!!
بوفيصل سمع بنته تبجي ودخل الغرفه....
بو فيصل : عذوب بابا شفيج؟؟؟ شصاار؟؟؟ رهف شفيها؟؟؟
رهف : ااااااه
بوفيصل : عذوب بابا طالعيني شفيج؟؟؟ ليش قاعده تبجين؟؟؟
عذوب قامت ودخلت الحمام ( عزكم الله ) واقفلت عليها الباب....
بو فيصل : رهف شفيها عذوب؟؟؟
رهف: لا عمي ماكو شي
بو فيصل عصب : رهف خلصي قوليلي
رهف : اهو شي ما يسوى والله
بو فيصل: رهف بتقولين ولا شلون؟!
رهف قالتله السالفه كلها......
بو فيصل : والله صج أخوج خبل!!! يعني ما ايي يسألني....يكلمني !! على كيفه جذي ؟!
رهف : اي اهو يقول هذا اللي افهمه منك
بو فيصل: والحين عذوب ليش قاعده تبجي؟ّ! خلاص يعين هذا شي قديم
عذوب طلعت من الحمام وهدت عن اول....
بو فيصل: رهف قالتلي ليش قاعده تبجين .... عذوب يعني شنو افهم من جذي؟؟ متحسفه انج تزوجتي سليمان؟؟
عذوب : لا لا يبه لا
بو فيصل: خلاص عيل ليش قاعده تبجين؟؟ مو انتي تحبين سليمان؟؟
عذوب : اي
بو فيصل: وما تبين تطلقين منه صح؟؟
عذوب : لا لا يبه ما ابي اتطلق طبعا
بوفيصل : خلاص بابا بعد هذا نصيب لا تضايقين روحج
عذوب : اي بابا ادري
وطلع بو فيصل من الغرفه.....
رهف : انا اسفه اني قلتلج.... والله كان مفروض ما أقول
عذوب كانت حاسه انها مخنوقه حيــل....خانقتها العبره...... متضايقه ان حتى الحين عقب ما اعرفت ما بأيدها تسوي شي...ولو شنو ما تفكر تطلق من سليمان وبعد في ولد بينهم حتى لو ظل عبدالله حبها الأول بقلبها !!
هو الوحـيد اللي سكن في كيـــــاني****محتـــجت بالدنيـا من النــــاس غيره
الشــوق من زود الغـــلا له دعـــــاني****انشــهد اني في عيــــونه اســــيره
يبقـــــــى خياله لوحــــةً في زماني****ولولا خيــــاله كني اعمـــــى بصيره
اغليـــــه لو حظــــي بوصله عصاني****هــــو جنتـــي لو الخفـــايا مــــريره
اغلي غلا مغلــــي غلا من غـــزاني****في عشق واصل بالمشــــاعر مسيره
وهوي هوى هاوي هوى من هواني****وان قلتو شســمه قلت ماجيب سيره
تفــــداه روحن في غيـــــابه تعاني****وتفداه اوطــــان ومـــــدن والعشيره
عســــى الدروب اللي تشـــيد اماني ****تجمعني باللي دونه احدود ديره
هــــذي وصـــــيه كان موتي خذاني****ولا وصـــــايا جـــــــروح حبه كثيره
روابي كانت طالعه بالسياره تفتر بالشوارع ونفسيتها حيـل تعبانه وفاصخه احجابها.... كانت دايسه حيــل ومتهوره حدهاا..... وكل ما احد يكسر عليها فجأه او تبط جبدها سياقته تعصب عليه وتلحقه ووتهاوش معاه وبس تمشي وتسب العالم!!!
كسر عليها فجـأه مصـري من غير ما يعطي اشاره بعد....عصبت وينـت وصارت تلاحقه وتمشي وراه وتطقله هرنات عشان يوقف بس مو قاعد يرد عليها....اهيه اهني عصبت أكثر ومشت جدامه ووقفت وخلته يصفط وانزلت من السياره واهو نزل....
روابي تصرخ : انت شفيك؟؟؟ ما تعرف تسووق؟؟ ماكو شي اسمه اطق اشاره؟؟
مصري : ايه يا مدام .. ما حصلش حاجه يعني؟!
روابي : لا والله !! يعني اهو لازم يصير حاجه عشان تتعلم السواقه؟؟؟ انت أصلا شلون معطينك الليسن؟؟؟ أبلغ الحين الشرطه عنك عشان يسفرونك؟؟!
مصري : حصل خير يا مدام
روابي منفعله حيل وتصرخ : انت ما تفتهم؟؟؟ مالت عليك طق اشاره مره ثانيه قبل ما تكسر على الأوادم
روابي عقب ما سفلت فيه والعنت خير خيره اركبت السياره ومشت....
روابي بقلبها : مالت عليه حسافه ما طقيته!!
من وقت ما اسمعت صوت بنتها واهي بحاله مو طبيعيه..... تمشي ووتناجر مع الناس وحتى مع امها تخانقت وايد....
طول الليل ما اعرفت تنام....حاسه انها مخنووقه وخلاص مو قادره تتحمل بعد أكثر....
طلعت من البيت ثاني يوم الصبـح من غير حجاب واركبت السياره وراحت البحر....
انزلت من السياره ومشت لي البحر.....قطت جنطتها على الرمل....
قلبها كان يرقع حيــل....كانت تبي تنهي حياتها لان مو قادره تتحمل أكثر....تحس انها خلاص تعبت وتستحق الموت....
دخلت البحر واهي ما تعرف تسبح...... ظلت تمشي بهدومها لين وصل الماي لي نص جسمها.....
ياها فجأه فلبيني ومسكها......
فلبيني : نوووو....نووو.... وات ار يو دوينغ؟؟
روابي : اوف بس وخر عني
فلبيني : ااار يو كريزي؟؟؟ وات ار يو دوينغ؟؟
روابي تصرخ: اووف بس جووو نوت اوف يور بيزنس
فلبيني : نووو دونت دوو ذيس لايف از بيوتيفوول
روابي : امبيه انت شعليــك؟؟ ليف مي الووون
والفلبيني يحاول يمسكها عشان يطلعها من البحر واهي تدزه وتطقه....
الفلبيني : نوو مااام بليز ليت مي هيلب يوو
روابي : يا........ دونت تاتش مي الله ياخذك
الفلبيني : لايف از فيري واندرفول..... واي يو وانت تو كيل يور سيلف؟؟؟ يو هاف تو ثانك جود ذات يو ار الايف اند هيلثي
روابي : انت شقاعد تخربط علي؟؟؟ دونت توك تو مي
روابي بدت تسبه بالانجليزي.....
وظل يحاول معاها ويمسكها ويسحبها لين استسلمت....
روابي : اووكي اووكي اااي ويل نوت كيل ماي سيلف ناو....هابي؟؟؟
الفلبيني : يــس جوود
وطلعها من البــحر واهي كانت حيـل متنرفزه ومعصبه حتى مشت وخذت أغراضها من غير ما تشكره....
روابي : امبيه انا حظي عوي بكل شي؟!!! حتى اذا ابي اموت ما أقدر
كانت كارهه حياتها.... كارهه كل شي بالدنيا حتى نفسها!!
عقـب جــم شهــر قدرت تطلع نفسها من حالة الجنون اللي كانت فيها وهدت شوي.....
روابي طالعه مع عمتها وبنتها رايحين السوق..... اهي اللي كانت سايقه فيهم وفجأه جان يسمعون صوت من السياره....
عمتها ام محسن : وي شنو هالصوت؟؟!
روابي : مادري !!
أم محسن : اوقفي السياره على جنب
وقفت على جنب وانزلت من السياره تشوف ولا بنجر..!!
طبعا الف واحد رز ويهه ووقفلهم عشان يساعدهم بس ام محسن ما رضت الا تبي ولدها محسن يساعدهم....
أم محسن : كاهو يقول بالطريج
شيخه : يمه عادي يعني خل اي واحد يساعدنا أخاف يتأخر
أم محسن : لا ما غير محسن راح يشوفلنا السياره
بــعد حوالي نـص ساعه وصـل محـسن....
كان طويـل....جميــل....أنيـــق....عمره بأوائل الثلاثينات....مطلق بس بدون يهال....
اول ما وصل كلـش ما طالع روابي ولا انتبهلها....
اهيه بس شافته وايد انعجبت بشكله.....حسته مؤدب حيـل ومحترم...كانت تسمع عنه وايد انه حبوب والكل يمدحه بس عمرها ما شافته....
بدل التاير وخلـص وهم ما انتبه حق روابي.... كان بيمشي بس أمه وقفته....
أم محسن : انزين قبل لا تروح خل اعرفك على بنت خالك...هذي روابي
محسن شافها وكان هذي اول مره يشوفها وابتــسملها.....
روابي قلبها بدا يطق وبينها وبين نفسها : ياا حلو ابتسامتـه
محسن : والله هذي بنت خالي؟؟؟ اول مره أشوفج!! شلونج؟؟
روابي اول مره تحس نفسها جذي مستحيه حيل : تمام بخير
ابتسملها محسن ومشـى.....
طول الطريج كانت قاعده تفكر فيـه واول ما وصلت البيت دقت عليها عمتها...
أم محسن : شعليج محسن يقول بنت خالي هذي وين كنتو خاشينها
روابي : لا والله!!
أم محسن : اي يقول ما قلتولي عنها من قبل جان خطبتها
روابي انحرجت وظلت أم محسن تكلمها عنه
عقب صكت الخط وحست ان اول مره من فتره طويله تستانس جذي....
وكل شوي تدزلها بنت عمتها مسج تقولها ان قاعد يسأل عنج ويتكلم عنج..
كانت حيـل مستانسه وطول اليوم بس تضحك من الفرحه....
روابي : غصون تخيلي يقولون كل شوي يسأل عني وعاجبته
غصون متزوجه وعايشه في بيت ريلها بس يايه حق اهلها زياره....
غصون: امبيه هذا محسن ودي اشوفه !! كله اسمع عنه بس ولا مره شفته
روابي : واااي غصوون شنوو جميــل جمااال....أنيـق أناااقــه
غصون : ههههههه الله ونااااسه ابي اشوووفه
روابي : والله اليوم كانت احلى صدفــه
غصون : اي شكلج وايد مستانسه
روابي شاقه حلجها : اي
بعض المشـاعر تستحق الإبـاده
لا صـار قلبي من خطاياه نـادم ..!
توي بديت : أحس معنى السعـاده
و تـوَي عرفت آعيش مثل الأوادم
غصون : يعني لو يخطبج توافقين؟؟؟
روابي : اي أوافق
غصون: والله صج صج فرحتيــني
روابي : بس تدرين....اهو ما بعرف عن كل قصتي واللويه ولو يعرف اني متنازله عن بنتي اكيد ما راح يفكر يخطبني
غصون: لا روابي ما تدرين... ليش يعني؟!
روابي : بيقول عني قلبي قاسي وما استاهل
غصون: لا لا أذا في نصيب راح تاخذينه
روابي : مادري عاد الله كريـم
مــر حوالي أسبوعين وما صار اي شي يديد على روابي ومحسـن....
كانت معزومه بالمركز العلمي على عيد ميلاد بنت وحده معاها بالدوام وراحت عشان تغير جو...
دخلت المركز العلـمي واهي وقاعده تمشي جان تشوف سعود.... وانصدمـت
ماهو ضروري ألتفت وأناظرك بين "
الجموع مِن لذّة الطّعنة عّرفت إيدك وأنا ماا
ماشفتهـآ
بس ما وقــف قلبـها الا لما شافــت بنـتها ..... هذي كانت اول مره تشوف فيها بنتها.... قلبها كان يطق حيـــل.... سعود اول ما شافها بعدين مسك بنته وشالها ونادى عياله ومشى بسرعه وطلع بره....
اهي ظلت واقفه متجمده بمكانها..... تحت صدمــه....مو قادره تصدق ان بنتها كانت جدامها وقريب منها حيــل.... قالت بنفسها زين سوا سعود خذاها وطلع فيها على طول لان لو ما خذاها جان اركضت عليها وحضنتها....
روابي بعدين اركضت بره بسررعه واهي تبجي واركبت السياره.....
ظلت بالسياره تبجي حيـــل وتشااهق...
لما ارجعت البيت دقت على سعود على طول....
روابي : سعود بكلمك شوي
سعود: اشتبين داقه؟؟؟
روابي : سعود بنتي ابي اشوفها
سعود: شنو تشوفينها؟؟؟ انتي تنازلتي عنها خلاص هذي مو بنتج
روابي : سعود تكفى بس ابي اشوفها ما أقرب منها
سعود: لا لا مستحيل اخاف تتهورين وتروحينلها
روابي واهيه تبجي : لا سعود والله بس كل اللي اطلبه منك ان بين فتره وفتره تخليني اشوفها
سعود: روابي لو جوري تعرف انج امها اهيه اللي راح تتعب
روابي : ادري مو عشان جذي انا ما راح اقولها اني امها والله وأصلا ما ابيها تعرف اني عايشه بس كل اللي اطلبه منك انك تخليني اشوفها
سعود عصب : وبعدين يعني؟؟؟ انتي ماكو فكه منج؟؟؟؟ لازم ترجعين تطلعين بحياتي؟؟
ڪآنڪ نويت بخنجرڪ تـــ ف ــتــق
{.. آلـــ ج ـــرح !
آبشرڪ .. جرحي من أعــوام
مــ ف ـتــوق ..}
..............مــ ف ـتــوق ..}
.....................مــ ف ـتــوق ..}
روابي : سعود ارحمني....قدر شعوري يعني مهما كان هذي بنتي
سعود: اووهووو بس بس يلا باي
وصك الخط بويهها.....
روابي ينت ظلت أياام تدق عليه وتترجاه وتحاول معاه لين لوعت جبده ورضى.....
سعود: شوفي انا راح اخليج تشوفينها بس هااا انا أحدد الأوقات وأقول متى.... ولا يكون عبالج كل أسبوع لااااااه.....بين فتره وفتره انزين؟؟؟
روابي كانت راضيه بأي شي : انزين
سعود: والله يا روابي لو تدمرين حياة بنتي راح ادمرج
روابي: لا تحاتي هالشي ما راح أقرب منها
وصك سعود الخط بويهها.....
ارتاحت انه رضى.....اهي تدري انها راح تتعب أكثر لما تشوفها من بعيد وما تقدر توصلها بس عندها احسن من ولا شي.....
أنـا .. من "دمعة اليـــائــس" ,,
تعلمت الحيـــاهـ .. // اصـــرار ..
وأنا من " ضحكـــة الحالـــم " ,,
عرفــت ..
شــــ قد مأساتي
وانزلت تحت الصاله ولقت رهف تحت قاعده......
روابي مستانسه : رهف سعود رضى اني اشوف بنتي بين فتره وفتره
رهف : والله؟؟! زين الحمدالله
روابي : اي والله عقب ما ظليت أيام وانا اترجاه
رهف: ياربي هالانسان ما عنده قلب؟! ما يحس؟!
روابي : واااي بنتي لما شفتها تهبل اسم الله عليها ... كيووت حيــل ومربربه
رهف : يا حلووها
دخـل عبدالله عليـهم وماسـك بأيده وحـده....
عبدالله : قووه
روابي ورهف : الله يقويك
...........: هاااي
روابي : هلا والله
رهف : أهليـــــن نوال
عبدالله ونوال من شهرين املجوا.....تذكرون منو نوال؟؟؟ اهي بنت خالته الصغيره اللي كانت تحبه وما يدري عنها... خالتها وامه حاولوا يقربون عبدالله منها ليـن حبها.....
نوال بنت اتيننن....حيـــل حيـــل حبوووبه.....طيووبه....أخلاااق.....مثقـفه.....حلووه وجسـم وطوول....
لما كانت صغيره ما كان باين هذا كله وبس كبرت تغيرت وحلوت وايد وفرقت على عبدالله عن أول...
عبدالله ونوال قعدوا يم بعض على القنفه وواضح انهم يحبون بعض.....
عبدالله : ها عسى ما شر روابي يقولون بنجرت عليكم السياره ذاك اليوم !!
روابي : اي والله
عبدالله: ليش ما دقيتي علي؟؟؟
روابي : عمتي كانت مصره ولدها ايي يساعدنا ودقت عليه
عبدالله : اهاا انزين ما قلتيلي اوديها لج الجراج؟! لازم يبدلون التاير
واهو قاعد يتكلم نوال كانت كل شوي تتحرش بعبدالله....تاخذ كلينكس وتلفه وتدخله بأذونه...
عبدالله: ههههه نواال وبعدين معاج بس
يرجع عبدالله يتكلم مع روابي......
رهف تأشرلها : نوال بخشمه بخشمه ههههههه
نوال قامت تجرب تبي تدخله بخشمه.....
عبدالله: انــــتي اشتبيـــن تسويـــن؟؟؟؟ نواال راح أقوملج ترى الحين
نوال : وااي يااا حلااتك وانت معصب كتكوووت
عبدالله : انا جم مره اقولج لا تقولين كتكوت!!! كل هذا يصير كتكوت؟؟!
نوال وايد تحب تتحرش فيه وتستفزه نفس ما اهوه كان يسوي بعذوب.... وهذا اللي يخليه ميت عليها لان روحها وايد حلووه وتونس....
عبدالله يمسك خشمها بأيده ويسحب....
نوال : هههههه اااااي بــس
عبدالله : تستاهليـن.... راح تقعدين عاجل ولا شلون؟؟؟
تقوم نوال تقرصه على ايده...
عبدالله: اااااي يا المجرمه
نوال : والله بسك وانت تمط بخشمي حرام عليك شوفه صار ممطوط
عبدالله: اي ديري بالج ترى عادي اخربطلج ويهج كله
نوال : وااي ياا بخــتي ... شفتوه؟؟ كل يوم يسمعني كلام رومانسي حلوو جذي
رهف وروابي يضحكون عليهم لان أشكالهم تضحك ووكل واحد فيهم اينن الثاني ودايما يتحرشون ابعض....
رهف : والله نوال انا احييييج.... واخيرا عبدالله ياله من ايننه مثل ما ايننا
نوال تغمزلها : أعجبــج انااا
عبدالله: الللله غمزي بعد مره
وتقعد تغمز......
عبدالله : اللله اعجبتني على طول غمزيلي
نوال : شنو تعطيني على كل غمزه؟؟؟
عبدالله : بوسه
نوال : يا قليل أدب عيب
عبدالله: هههههه طاع هذي زوجتي انتي
نوال : بس بقوم من يمك اناا
عبدالله : لا تعالي ما تقومين
ويمسك ايدها عشان ما تقوم واهي تدزه ويضحكون مع بعض...
رهف فجأه لاحظوا ان فجأه لبست نظارة عبدالله الشمسيه وقامت تغني وتهز نفسها وتقلد عايشه المرطه : يا ناس دلوني درب السنع ويـنه بشوفلي مارقا من بير الهوالي......
عبدالله : هههههههههه انتي وبعدين؟؟؟ عن أبووج تطوري
رهف تغني : من صد مظنوني وأخلا بلا دينا أجاوب الورقه من ضيقة البالي
أم عبدالله ياتهم : اشفيها استخفت هذي؟؟؟
وقاموا كلهم يضحكون عليها وعلى شكلها.....
تــــم البــارت الــثامن عشــر
الأخيـــر
وهذي كانت روايتي " خــطايــا القــلب" والحين راح شنو علاقتي بكل شخصيه بالروايه.....
روابي....... اهي بنت من المنتدى هذا و طلبت مني اكتب قصتها عشان تستفيدون من تجربتها....كانت تبجي عقب كل بارت ووايد اتعبت نفسيتها هالروايه وكنت اقولها لا تقرا بس كانت تصر.....اهي قالتلي كل اللي صار فيها وما غيرت من المواقف شي بس وايد من الحوارات كانت من خيالي ومع هذا كانت تقولي انج تكتبين الحوارات كأنج كنتي موجوده بينا....
أم عبدالله وبو عبدالله ورغد وغصون اهلها وخذيت نفس شخصياتهم.....
أحداث قصتها توها من 3 سنين وفي أحداث صارت وانا واكتب الروايه يعني مثلا حدث ولد عمها محـسن اللي حيــل يديد فلحد الحين ما اوضحت الأمور وبعده ما تقدملها......وحدث يوم شافت بنتها بالمركز العلمي اللي وايد وايد اتعبها نفسيا.....
ما شاء الله عليها لما اكلمها ما يبين عليها فيها شي وصامده ودمها خفيــف وبنت صراحه احسها عسل مع ان ولا مره شفتها بشكل مباشر بس حسيتها حبوبه وعلى نياتها....
أما عبدالله ورهف اهم اخوان بالصج وانا دمجتهم في عايلة روابي....يعني عبدالله أخذ مكان اخوها بالواقع بس طبعا خذيت شخصية عبدالله وكل الأحداث اللي مر فيها ورهف اخته بالواقع وخذيت هم نفس شخصيتها..... عبدالله ورهف من أهلي وقريبيين حيــل علي واشوفهم على طول..... وعرفت الاحداث اللي صارت من رهف نفسها وضفت بعد مواقف وحوارات من خيالي....
رهف وعذوب رفيجات بالصج ووايد كانوا قراب من بعض بس الحين ابتعدوا شوي مو نفس اول.....
مره انا ورهف كنا بمجمع وصادفنا عذوب العام مع بنتها وسألتنا " شلون عبدالله " وقالتلها رهف انه بخير وعياله موجودين اهني بالمجمع ووالله بس رهف قالتلها جذي شفنا عيونها غورقت....حسيتها خوش وحده وطيوبه وكانت لابسه عبايه من غير نقاب لان لما ابوها عرف انها ما كانت راضيه على النقاب غصب ريلها ان يخليها تشيله....
على ان عبدالله يحب نوال وعلى ان قصته مع عذوب صارلها فوق العشر سنين بس رهف تقولي انه عمره في حياته ما حب وحده مثل ما حب عذوب .....
تزوج عبدالله نوال وياب منها ولدين وبنت.......بنته صغيروونه و تهبللل..... شيطاااانه حيـل وعليها حركات نفس ابوها....
والحيـــــــــن
كــلمـتي لــكم وشنو كنت حابه اوصله بهالروايه
يا حلوه دايما تذكري ان مالج غير سمعتج.....اذا كنتي تحبين؟؟ لا تفكرين انه هذا اللي تحبينه غير عن الشباب .... دايما حطي بالج واول ما تشوفينه انه بدا يتمادى معاج عرفي انه ما يحبـج.....لان اللي يحبج يخاف عليج ويصونـج.....
لا تحاولين ترضيـنه على حساب نفســج.... ولا توافقين على طلباته عشان خايفه وما تبين تخسرينه لأن تــــأكدي بمجرد انج تطيعينه باللي يبيه فأنتــي خسـرتيــه.....
البـنت مالها غير شرفها....سمعتها...والولد مهما يسوي ما يعيبه شي فبالنهايه انتي الخسـرانه!!
حبيبتي خليــج أذكى من جذي..... أرضي حق نفسج الأحسن.....لا تحبين أي أحد على بو أن غيرج يحب وعلى انهم قاعدين يمرون في تجارب وانتي لأ....صبري...راح ايي دورج بيوم وتحبين وتاخذين اللي يستاهلج واللي يحبج وشاريج.....
اهيه بـس غلــطه مـــنج.....غــلطه وحـده بــس ممكن انها تضيعج وتهدم حياتــج....وتظلين سنيــن تتحسفين على اللي صار وتتحسرين على نفسـج وحتى لو قدرتي اتطلعين روحج من اللي انتي فيه ذكريات الماضي راح تظل تلاحقج وتتعبج حتى لو ظليتي طول عمرج تحاولين تهربين منها....
فتذكري قبل ما تاخذين أي خطوه درسـيها....حسبيلها ألف حساب.....عشان لا ايي اليوم اللي تتمنين فيه ترجعين دقيقه وحده بس قبل الخطوه اللي خذيتها وقلبتلج حياتج....
سوي الشي الصح عشان تكونين راضيه على نفسج واهلج يكونون راضيين عليج....
وتذكري ان غضب الأم والأبو عليج أصعب شي وان لا دعوا عليج فأن دعوتهم ما ترد....
واذا فات الفوت واخطيتي وقاعده تتحملين نتايج غلطاتج....لا تستلمين.....اوقفي على ريولج واستمري......
اصحي الحيــن...قومي....استعيدي حيــاتــج ودوري على اللحظات الحلوه وعيشـيها....
الدنيا تنتظر منـج
"غلــطـه "
لا سويــتيها ممكن ما ترجع حياتج مثل ما كانت
وتعـطيـــج
"فرصــه "
لا خذيــتها ممكن تفتحلج أبواب وتعليج وتوصلج أحلى أماكن
والله يســتر عليــكم يا بــنات ويحفـظكم لأهلــكم
وبجذي خلصت كلـمتي وسامحوني اذا طولت عليـكم
روايتي
خطايا القــلب
اهي الأخيــره لــي في المنـتدى
لان من الحين لي سنه جدام للأسف كلـش ما عندي وقـت وان شاء الله ساعتها اكون تخرجت ويمكن مشروع الكتاب يــتم
رواياتي الثلاث كلهم حفظت حقوقهم ووثقتهم باسمي وما يندرى يمكن بيوم ينزلون بكتاب مع مجموعة روايات ثانيــه
بهمساتي المتواضــعه اتمنى اني اكون تركت بصمه بهالمنتدى وأثر في قلبوبكــم
اذا ما اجمعتنا الأيام تجمعنا الذكريـات
وكانت أيامي معاكـم من أحلـى ذكريــاتي
أحبـــكم وااايد وااايد
وصج ما قصروتوا معااي كلــش ولو مو انتو وتشجيعكم جان هالروايات ما كانت وما تتصورون شكثر كنت أفرح لما اشوف ردودكم الحلوه
راح أشتاقلــكم حيـــل يا قلبـي انــتو
لا تنســوني
انا
"همســات حالــمه "
وروايتي الثالــثه
x خطايــا القــلب x
تمـــــت
أخـــتكم / بـــدور
الأخيـــــر
روابي تمشي بالجمعيـه و فـجأه صادفت سعود.... اهو كان واقف بس ما انتبه لها ....
قلبــها بدا يرقع بقووه.....كاان ودها تركض عليـه وتحضـنه وتقوله شكثر اهي بعدها تحبه ومحتاجـته.....
جسـمها كله بدا ينتفض وصارت ايدها ترجـف من الخوف !! وظلت واقفه بس تطالعه من بعيد ... متردده....خايــفه..... مو عارفه تروحله او لأ؟!
لاجيــت انـا باسامــحــك
تبكي الجــــراح مـاودهــا
مشتــاق ودي اصــافحك
وعيـــت يــــدي لامــدهــا
روابي كانت متجمده بمكانها وتطالعه من بعيـد وعيونها غورقت.....
روابي بقلبها : ماني قادره أصدق هذا سعود.....جدامي وقريب منـي...سعود لو تعرف شقاعد يصير فيني الحين....لو تعرف شكثر انا تعبت بغيابك...بغياب بنتي.... أخذني وطلعني من اللي انا فيـه....سعود انا محتاجتك....هيييييه انتي لي متى بتظلين هبله جذي؟؟! وخري عنه....طلعي بره قبل ما يشوفج..!!!
وعلى طول هدت روابي العربانه والأغراض اللي فيها وطلعت بره تركض قبل لا يشوفها.....
اركبت سيارتها وارجعت قري بسرعه من غير ما تشوف بالمنظره!!! واطلعت من الموقف جان تدعم هاف لوري تبع المطاحن و كان موقفها هندي.....
عصبت وانزلت من السياره بسرعه......
روابي معصبه وتصرخ : انت شفيـــك؟؟ شفيـــك؟؟؟ الشكوو موقف السياره اهني؟؟؟ شايف هذا موقف؟؟؟ ماا تفهم انت؟؟؟ شووف شصاار بالسياره؟؟!
الهندي كان من الخرعه ساكت ومصدوم وخايف.....
روابي تسفل بالسايق مع ان تدري انها الغلطانه بس كانت متوتره من وقت ما شافت سعود وجسمها كله ينتفض....
روابي تصرخ: انت مال أشتكي عليك.!!! انت أصلا شلوون معطينك الليسن؟؟! وخرر سيارتك يلااا.... شنو بأي مكان انت توقف؟؟؟
واركبـت السياره ومشـت عنـه.....
وطول الطريـج بجـت بـجي حتى باليالله كانت قادره تسوق.....
وصلت البيت وادخلت غرفتها بسرعه ولاحظت امها ان فيها شي....
ادخلت عليها امها وكانت منهاره وتبجي....
أم عبدالله مخترعه: شفيج ؟؟؟ شصار؟؟.....قوليلي شفيج؟؟؟ روااابي اسم الله عليج هدي شوي
روابي تتكلم وتبجي : يـمه شفته...شفته
أم عبدالله: منو هذا؟؟؟؟ سعود؟؟
روابي :اييي
أم عبدالله: انزين بس خلاص حبيبتي هدي....ليش قاعده تضايقين روحج؟؟ يعني اذا اهو مو متضايق وعايش حياته ليش انتي قاعده تتضايقين عليه؟!
روابي: ااااااه يااا يمه مو هذاا اللي ذابحني !! اهو عايش حياته وبنتي عنده وبتكبر جدامه واناا اللي قاعده اتحسر!!! انا اللي قاعده ادفع الثمن بروحي
أم عبدالله: ياا روابي بعد خلاص الحين هذا كله صار وانتهى حاولي تنسين وتطلعين من اللي انتي فيه
روابي تبجي وتشاهق بصوت عالي.....غصون ادخلت الغرفه من الخرعه...
غصون : يمه شفيها؟؟؟ شصار؟؟!
روابي : ابيييييي بنتي....ييبولي بنـتييي
أم عبدالله: روابي حبيبتي هدي
روابي: يمه ابووس ايدج دقي عليه قوليله اييبلي جوري ... ابيييي بنــتي
أم عبدالله: لا حول الله....بعد قلبي مو زين تسوين بنفسج جذي
غصون راحت عندها وقعدت يمها ولمتها وروابي مسكتها حيل وقامت تبجي على حضنها....
أمـريـكا.....
عذوب : مـي يلااا عااد لازم اتيين معاي
مي : امبيه عذوب اليوم كلش مالي خلق !!
عذوب: ما أقدر اروح واقعد معاه بروحي
مي: ليش يعني؟؟ عاادي
عذوب: لا مو عادي....يلا تكفيــن مي حبيبتي عشااني
مي: والله عذوب تعبانه وكلش مالي خلق اروووح المكتبه اليوم
عذوب: يلا ميخالف لان حرام قلتله اليوم اني راح ايي...يلاااااا
مي: مابي
عذوب: اووف مي لا اتيننييي...حراام عليج قوومي
مي: لأ مابي
عذوب: امتحاناته قربت وبس بعدين يمتحن ويخلص وبفكج
مي: عذوب قلتلج اليوووم ماااا أبي اروح
عذوب: اذا ييتي معاي اليوم ... بيوم راح اطلعج المكان اللي تبينه
مي: امممممم يعني نروح المول اللي كان ودي اروحله؟؟؟
عذوب: وااي مي هذا طريج ولا ساعتين
مي: خلاص عيل
عذوب: اووف اووكي انا احاول مع سليمان اخليه يودينا
مي: بالله ما رضى يروح؟؟
عذوب: خلاص اناا اوديـــج انزيــــن
مي: صج؟؟
عذوب: اييييه
مي: حلفي
عذوب: اناا لله....والله راح اوديج
مي: امممممم
عذوب: مي حبيبتي يلا بس لا تمصخينها
مي: يلا اووكي
عذوب: بعد عمـــري انتــي....يلا قوومي
مي: انزين بس خل اييب كتبي
عذوب: اوكي انطرج بره
وطلعت عذوب وراحت حق سليمان اللي كان قاعد يتجهز عشان عنده دوره من 5 لحد 7 ....
عذوب: سليمان حبيبي انا بروح الحين ادرس مع مي وماي فريند بالمكتبه
سليمان: اي اوكي مو مشكله
عذوب كل مره لما بتروح حق عبدالله تقوله جذي... " مي وماي فريند" واهو عمره ما سألها منو هذا الفريند؟ وشيطلع؟!!! ولو سألها جان قالتله الصـج لانها ما تقدر تقص عليـه....
عذوب: شلون دورتك؟؟
سليمان: والله تمام اعجبتني احس قاعد استفيد منها...
عذوب: يلا زين اشووه
مي: يلا انا جاهزه
عذوب: يلا تمام.....سليمان احنا ماشيين
سليمان: اووكي قود لاك
عذوب: بااي
سليمان: تيــك كيـر....بااي
طلعوا عذوب ومي من الشقه رايحين المكتبه..... عذوب كانت كل مره تروح ملهوفه حق عبدالله مع ان ضميرها يأنبها باللي قاعده تحس فيه و تحاول انها تتحكم بروحها بس هالشعور كان أقوى منها.... وبالنـهايـه أكثر شي يهمها انه ينجح بمواده ويتـخرج.....
وصـلوا المكـتبه.....وكانت زحمـه شوي لان الكل قاعد يدرس حق الامتحانات...
عبدالله كان واقف ينطرهم عند المدخل.....
عذوب: هااااي
عبدالله شاق الحلج : أهليـــن.... شلونكم؟؟؟
عذوب ومي : تمام بخير
عبدالله: اليوم ازدحام وايد المكتبه
عذوب: اي لاحظت
عبدالله: ان شاء الله نلقى مكان نقعد فيه
عذوب: اي ان شاء الله
مي : انزين ليش ما نقعد بحديقة الجامعه؟؟؟؟ في كراسي وطاولات بره شكثر والجو وايد حلووو
عذوب: اممممممم
مي: يلااا تغيـير عفيـه
عذوب : عبدالله شرايك؟؟
عبدالله: ااااه انا كله واحد عندي
عذوب: خلاص يلا امشوا نقعد بره
عبدالله: يلا
وراحوا وقعدوا بالطاولات اللي بالحديقه وكان الجو اينن وفيه هوا بارد شوي.... ومي كانت قاعده وحاطه الهيدفون وتسمع أغاني....
عبدالله: انا اسف احس وايد أذيتكم معاي
عذوب: لا عبدالله شالكلام؟؟ انت مثل اخوي
ااااخ لما قالتله " انت مثل اخوي" ياا كثر ما اجرحته هالجمله وتذكر لما كان كل مره يقولها هالشي .... تضايق شوي....
عبدالله: عذوب انزين امممم و سليمان ؟؟ مو قاعد يتضايق انج قاعده تقعدين معاي؟؟؟
عذوب: هاه؟! لا عاادي مو قاعد يقولي شي
عبدالله: اهاا زين اشوه
عبدالله بقلبه : والله لو انا كنت مكانه وعندي "انتي" لا اخليج بس حقي بروحي
هـذا [الحنان] اللي له {القلب}.. محتاج.. }~
أرجوك. زيد {بالعـطا} و[احتويني] ..
وان كان{ شفت} في[ وصالي] لك ..احراج ..
}~
فـي {صمت}..[ أحبك ].. بين{ قلبي} وبيني
عذوب: ها درست اللي قلتلج عنه؟؟؟
عبدالله: قطـعت الدراسه
عذوب: هههههه والله خايفه أسألك
عبدالله: لا شفييج أقوولج قطعت الدراسه
عذوب: هههههه مو هذا اللي مخوفني... عمرك ما قلتلي قطعت الدراسه وطلع منك شي
عبدالله: ههههههه ياا عذووب ليش هالاحباط؟؟؟ لا اناا اليووم شاد حيلي ويايج بقووه
عذوب: ههههههه الله يسـتر
عبدالله: يلاا سأليـني
وعبدالله رفع نفسـه ومبقق عيونه وخذا وضع استعداد جـنه متحمس حق السؤال.......
عذوب: ههههههههه شفيك جذي؟؟؟ اقعد عادي السؤال راح اييك وانت بمكانك
عبدالله متحمس : هههههه يلاا انطلقي ... أقصد سألي
عذوب: هههههههه انزين..... what is the effect of ph on increasing concentration of the acid or base؟ (اسيد او بيس )
عبدالله : اسيد...لأ بيس ...لا لا اسيـد... لا خلاص بيـس
عذوب: هههههههههههه
عبدالله: لا لا شنو غلط؟؟؟ لا لا خلاص اسيد !!
عذوب: هههههههه عبدالله
عبدالله: لا بس خلاص اسيد...أصلا انا قلت انه اسيد من البدايه ما يصير مالي شغل حسبيها
عذوب: ممكن تهدييي شوووي.... انت سمعت السؤال أصلا؟؟؟
عبدالله: ايييه سمعته!! عيل بالله انا شلون جاوبت؟!
عذوب: ههههههههه عبدالله حبيبي ركز معاي
عبدالله: لا تقولين حبيبي استحي
عذوب بعدين انتبهت انه قالتله " حبيبي " بس ما كانت تقصدها وانحرجت ....
عذوب: هههههههه أقووول بسسس ركزز معااااي شوي
عبدالله: والله انا مركز من زمان انتي اللي مادري شفيج؟؟!
عذوب: لا والله!!! ... اسمعني انا الحين سؤالي بالعربي كان شنو تأثر على زيادة تركيز الحمضي او القلوي!!! ما قلتلك اختار الاجابه الصحيـحه اناا !!! ph
عبدالله: ههههههههه لا والله؟!.... لا لا السؤال كان فيه خدعه!!
عذوب: ههههه اي انت بدع بامتحانك وجاوب غلط على الأسئله وروح قول حق الدكتور الأسئله فيها خدع خل نشوف شنو بسويلك !!
عبدالله: لا لا انتي وايد قاعده تخدعيني بأسئلتج ما يصير جذي!!! يعني وبعدين معاج؟؟؟
عذوب: خلاص انزين انا اسفه
عبدالله: لا عذوب عاد ما يصير جذي !!! قاعده تخليني أعصب
عذوب : ميخالف هالمره اسمحها بويهي
عبدالله: يلا انزين بطوفها
عذوب : أشـكرك الصراحه على تفهمك
عبدالله: ههههه لا عادي عساج من عواده
عذوب: هههههههه.... أقووول صج تعاااال أشوفك ساكت مره وحده عن امتحان الستاتستك اللي طاف؟! شسويت فيه؟!
عبدالله: طااافج الامتحااان شنوو كاان يونس ... شنوو كاان ممتع...من كثر ما استمتعت فيه اخر واحد بالكلاس سلم الورقه أنا
عذوب: هههههههههه امبيــه عبدالله لا تقول انك ما حليت!!!
عبدالله: أمبله حليت والله بس اخر سؤالين ما حليت شي فيهم
عذوب: ليــــش؟؟!
عبدالله: شسوي ما امداني !!! الامتحان كان وايد طويـــل
عذوب: يعني تركتهم فاضييـن !!
عبدالله: لا كتبت تحت السؤالين " نو تايم "
عذوب: هههههههههه بالله هذي " نو تايم " وين راح يصرفلك اياها الدكتور؟!
عبدالله: هههههه شسوي فيه مع ان تصدقين كنت حاسس اني اعرف احلهم
عذوب: هههههههه اي روح قوله عن احساسك يمكن يعطيك عليه
عبدالله: والله فكره تصدقيـن !! بقوله دكتور كنت حاسس بالاجابه بس الله يخس ابليسك نو تايم
عذوب: ههههههه المهم قولي متى النتايج؟؟؟
عبدالله: امممم باجر الصبح قال راح يعلقهم عند مكتبه
عذوب: اهااا يلاا ان شاء الله ما تكون هببت فيه
عبدالله: لا لا تحاتين قطعت الورقه تقطع من كثر ما حليت بضمير
عذوب: هههههههه الله يسـتر,,,,, انزين متى رايح تشوف النتيجه؟؟
عبدالله: اممم على الساعه 11 الصبح عقب كلاسي
عذوب: عند دكتور ماكسويل صح؟؟
عبدالله: اي صح
عذوب : اوكي..... يلا الحين السؤال اللي بعده
عبدالله متحمس ويطق على الطاوله: يلااااا .... يلاااااا
عذوب: ههههههه عبدالله اهدى شوي....ليش كل هالحماس الزايد!!!
عبدالله ياخذ نفس عميق : يلا
عذوب: بس ابيك تركز بالسؤال كله...من الأول لي الاااخر
عبدالله: أفاا عليــج راح أقطع نفسي من التركيز
عذوب: هههههه بسك تقطع....خلاص رجاء ما ابيك تقطع شي بعد
عبدالله: ههههههه اوكي خلاص
عذوب: خلاص عبدالله الحين سولفنا وضحكنا وشبعنا والحين نبدا بالجد...اوكي؟؟
عبدالله: اووكي أبله عذوب
عذوب: ترى من صجي لا تخليني اعطيك النظره هاا!!
عبدالله: لا لا الااا النظره عااد
عذوب: اي دير بالك
عبدالله: هههههه اوكي يلا عطيني السؤال
عذوب: What is pH?
عبدالله: باور هورس
عذوب سكتت وعطته النظره ....
عبدالله: ههههههه شنوو؟؟ خطـأ؟؟
عذوب بس قاعده تخزه...
عبدالله: اوووه عذوب لا تطالعيني جذي.....خلاص خلاص راح احترم نفسي
وظلت ساكته وتطالعه واهي معصبه....
عبدالله: عذوب....عذوب.....عذوب....تصدقين توني الاحظ ان اسمج غريب!! شنو يعني عذوب؟؟؟
عذوب فيها ضحكه بس ماسكه نفسها.....
عبدالله : ههههههه بس عاد طلعتي ليزر من عيونج ....عذوب خلاص انا اسف....لا صج خلاص بصير من صجي والله
عذوب: ترى راح أقوم وأخليك
عبدالله: يعني شسوي والله مادري شنو يعني ph
عذوب: تقوم تقول باور هورس؟!
عبدالله: اي مادري قاعد اجرب حظي
عذوب: لا والله!!! يعني
potential of Hydrogen Ph
عبدالله: عاااد كانت في بالي وبغيــت أقووولهاااا
عذوب: احلــف!!!
عبدالله: اييه بس خفت تكون غلط
عذوب: اهاا جان تقوم تقول باور هورس لان في احتمال قوي تكون أصح!! ياريت أصلاا في شي اسمه باور هورس !!!
عبدالله: هههههههه يا عذوب....ياا عذوب كنت أضحك معاج شفيج !!
عذوب: بــس مااكوو ضحك خلاااص
عبدالله: لا لا خلاص الحين بصير من صجي
عذوب: يلا نشوووف
عبدالله: راح تشوفين....راح أعجبـج
عذوب: ههههههه انزين يلا
عبدالله: يحليلج عذوب....انزين ما قلتيلي شنو معناة اسمج؟؟؟
عذوب : عذوب يعني ليس بينها وبين السماء ستر
عبدالله : اهاااا والله حلوو بس شنو معناة ليس بينها وبين السماء ستر؟؟
عذوب : اناا لله .... عبدالله بس اوص
عبدالله : ههه يلا يلا اوكي
وكملت تدرسه بس لازم بين فتره وفتره يستعبط عليها ويننها......
الكويـت.....
روابي كانت طول اليوم تبـجي..... تفكر بكل اللي مرت فيه....وشلون صار حالها !! عمرها ما توقعت ان طيشها ممكن يوصل الأمور معاها للهدرجه...!! تحــس انها وحيــده خصوصا ان غصون اللي كانت ممكن أكثر وحده تشكيلها عقب ما املجت وشافتها مستانسه ما حبت تضيق خلقها بمشاكلها....
جلست البارحه اقرأ حروف داخل كتابك..
وأراجـع ما حصل فيني وأحاسـب يُومي وأمسي،،
وفجـــأه ( الكـرسي ) يتكلم عن التقصيـر وأهدابك
كأنه ودهـ يحرجني .. ويقول : لـ " دنيـتي ....حـسي "
“سأل عنك"
ولا عندي عـذر يشفع لك غيابك
سأل وينك ..؟
سكـت قلبي حبيبي ..
وإستحـت نفسي ..
تخيَّـل لما يسألني [ جمـاد ] .. راحـوا أحبابـك ..!!
تطيـح الدمـعـهـ من عيني على أطـراف
هالكرسي
اكثر من واحد من الشباب اللي تكلمهم بالتلفون يدقون عليها بس كانت مطنشه لما طق جبدها وردت.....
روابي : نعم؟
خالد : ها حبيبتي شفيج ادق عليج ما تردين؟!
روابي : مشغوله
خالد: شفي صوتج؟؟ شكلج تعبانه!!
روابي : متضايقه شوي
خالد : وي حبيبتي ليش ؟؟ شفيج؟؟
روابي: بس صايرتلي ظروف مضايقتني وحاسه اني مخنوقه
خالد : وي قلبي....انزين قوليلي شنو اهي الظروف يمكن اساعدج!!
روابي: لا محد يقدر يساعدني
خالد: انزين اذا انتي مخنوقه خل اطلعج شوي تغيرين جو
روابي : هاه؟!
روابي اخترعت شوي لان على كل الشباب اللي تكلمهم بس ما ترضى تطلع ولا واحد فيهم....
خالد: بس اطلعج تشمين هوا...ما راح اسوي فيج شي
روابي ابلعت ريجها : امممم لا لا ماله داعي
خالد: شفيج روابي ما راح اسوي فيج شي والله....بس بطلعج خل نتمشى شوي على البحر يمكن أقدر أطلعج من اللي انتي فيه لو شوي
روابي كانت حاسه انها حيل مخنوقه ومحتاجه تقعد مع احد.....
روابي : انزين
واتفقوا على المكان اللي يلتقون فيه عند مواقف البحر وانزلت من سيارتها واركبت سيارته......
خالد : ماني مصدق انج الحين قاعده معاي
روابي : اي صدق
روابي كانت بايعتها....مو هامها اذا احد تعرفه يشوفها او لأ!!!
خالد كان موقف سيارته وفاتح الدرايش شوي.....
خالد: اي يلا قوليلي شفيج؟!
روابي: بس قلتلك صايرتلي ظروف
خالد: يعني مع أهلج؟؟
روابي : لا ظروف خاصه فيني
خالد: يلا المهم خلاص لا تزعلين روحج ماكو شي بالدنيا يسوى
روابي : ادري ...أصلا الدنيا بكبرها ما تسوى عندي شي
خالد: الله عاد ليـش؟؟
روابي : بس!! ما فيها شي يستاهل أعيش عشانه
خالد: انتي ليش جذي محبطه وايد؟؟ خلاص انسي المشاكل...قطيها ورا ظهرج
روابي عصبت : الكل بس يقولي انسي وانسي....شنو النسيان حسبالكم سهل؟!
خالد: ادري انه مو سهل بس يعني خلاص وبعدين ليش متى بتظلين تذكرين نفسج فيها؟!
روابي سكتت وما كان لها خلق شي....
خالد: تدرين روابي احس اني مرتاحلج بطريقه مو طبيعيه....اول مره احس بهالشعور
روابي تضحك ضحكة استهزاء.....
خالد: شفيج؟؟؟ قاعد اتكلم من صجي انا
روابي : اهاا اوكي كنت من صجك!!! سوري كمل
خالد: لا يعني جد احسج غيـر
روابي : اوكي وبعد؟
خالد: هههههه اشوفج استانستي
روابي : اوووه فوق ما تتصور خصوصا ان الكلام يديد علي
خالد: حبيبتي ترى انا مو قاعد أضحك عليج
روابي تطنز : اي ادري مصدقتك
خالد: حبيبتي والله
روابي ما كانت حاسه بأي مشاعر اتجاهه كأن كل المشاعر عندها اختفت...
أنا حبيت بس مره وخان الحب ظني فيه
وقلبي أنكسر مره ولين اليوم أجمع فيه
وتبت وتاب أحساسي وصرت أقسى من القاسي
وبدا خالد يقرب منها....
روابي : خلك مكانك لو سمحت
خالد: شفيج ؟؟
روابي : ليش قاعد تقرب علي؟!
خالد: بعطيج بوسه على خدج
روابي: نعم؟؟؟ لا مابي مشكور
خالد قرب صار الا يبي يبوسها....
روابي عصبت ودزته...
روابي : شفيك انت؟؟؟؟ غصب؟؟؟
خالد : شفيها يعني؟؟ كلها بوسه على خدج
روابي : ايي موو اول شي بوسه على خدج...بعدين على رقبتج وبعدين تقومون تتمادون وتبون اكثر
انزلت من سيارته واركبت سيارتها ومشـت.....
طول ما اهيه بالسياره كانت تبـجي من اللي صار.....
صدمة شعوري بالبشر ماهي غريبه
بس الغريب انا ليش ما تعلمت
ثـاني يـوم....
عبدالله كان رايح عند مكتب الدكتور يشوف نتيجته ولقى عذوب واقفه بره لابسه جينز وتوب أبيض ناعم ومموجه شعرها...اهيه دايما بسيطه بلبسها ويحب فيها هالشي عبدالله....على كثر ما لبسها بسيط وعملي....ولو شنو ما تلبس يطلع اينن عليها.....
كانت واقفه تدور على نتيجته على الورقه اللي معلقه بره....
عبدالله: هاا شتسوين اهني؟!
عذوب: بشوف نتيجتك
عبدالله: ههههههه يعني كنت بقولج النتيجه بعدين ما كنت راح اخشها عنج
عذوب: ادري بس بعرف الحين
ولقت اسمه وشافت النتيجه.....
عذوب: اشووووه باااااس
عبدالله: لاا والله!!!
عذوب مستانسه : اييييييه
عبدالله: والله زين يعني يطلع مني
عذوب: هههههههه اي اشووه
عبدالله: البركه فيج والله .... يعطيج العافيه الصراحه
عذوب: الله يعافيك....ما راح تراجع نتيجتك مع الدكتور؟؟
عبدالله: تدرين من اول ما ييت الجامعه ولا مره راجعت نتيجه مع دكتور
عذوب: ليش؟
عبدالله: ما اعرف اتكلم معاهم على بعضى !! يعني ادري اني فلته بالانجليزي وجذي بس تعالي ييبيني اتكلم مع دكتور!! تضيع انجليزيتي كلها
عذوب: ههههههههه امش انا اروح معاك
عبدالله: جنه فشله !!
عذوب: ما راح اتكلم بس اذا شفتك تأزمت أتكلم عنك
عبدالله: يلا اوكي
ودخلوا عند مكتب الدكتور....
عبدالله من البدايه ما قال جمله انجليزيه صـح وانحرج وسكت وقامت تتكلم عذوب عنه....
عذوب : what’s the class average ?
الدكتور : about 70
عذوب: what are the chances for abdallah in getting a C ?
( عنده فرصه انه يطلع من الماده اب c )
الدكتور : loool amm if he gets at least 75 in his finel he could get a C loool
(اذا اخد في امتحانه الفايل أقل شي 75 )
عبدالله يكلم الدكتور : ههههههههه 75 شكلك
عذوب : اهاا اوكي
الدكتور : so I think he should work harder cause it seems that he is not working very hard for this course and it shows in his exam that he doesn’t understand a lot of things loool
( يحتاج انه يدرس اكثر لان واضح انه مو قاعد يجابل الكورس وبين بامتحانه انه في أشياء وايد مو فاهمها لوووول )
عبدالله : الشكو يضحك هذا؟؟
الدكتور : لوووووول
عبدالله : شفيه هذا؟؟
عذوب : ههههههه عادي انت أضحك معاه
عبدالله: هههههههههه والله مالت عليك هههههههههه
عذوب : هههه اوكي دكتور ثانكس
الدكتور : لووووول يور ويلكم
عبدالله: وبعدين؟؟ بعده يضحك!!! الله يخسـك ثانكيو
طلعوا من المكتب ....
عبدالله: هذا اللي بطقه الحين!!! شوفيه عذوب بعده يضحك!!
عذوب: هههههههه انت شفيك؟؟ خلك لطيف مع دكاترتك
عبدالله: اهو من اول ما قال 75 واهو يضحك.... انا أوريـه...ان ما سويتها وخذيت 75 ما اكون انا
عذوب: يااااريت....يلا انت شد حيلك بس
عبدالله: ولا يهمج
عذوب: يلا انا بروح....مع السلامه
عبدالله: وين بتروحين؟؟
بعدين استوعب على نفسه....اهو الشكو يسألها اهي وين رايحه؟!
عذوب: بروح حق ريلي ناطرني
بس سمعها قالت " ريلي " حس بدمه يغلـي.... وتحسف ليش سألها !!
عبدالله: اهاا... يلا مع السلامه
ومشى على طول حتى ما عطاها مجال ترد عليه.....
ارجعت عذوب الـشقه....
لقت سليمان واقف ينطرها وكان باين عليه معصب....
عذوب : هااي سليمان
سليمان : وين كنتي؟؟؟
عذوب ارتبكت : كنت قاعده اشوف نتيجة امتحان ماي فريند
سليمان : منو هذا اللي قاعده تروحين تدرسين معاه؟؟؟
عذوب : شنو؟؟
سليمان : في ناس شايفينج قاعده مع واحد امس بالمكتبه....منو هذا؟؟؟
عذوب : هذا اخو رهف وبعدين انا مو قاعده ادرس معاه ... قاعده اساعده بدراسته
سليمان كان حيل معصب : شلوون جذي قاعده تروحين تقعدين مع واحد من غير ما تقوليلي؟؟؟
عذوب : اول شي انا كل يوم كنت أقولك اني بروح ادرس بالمكتبه مع ماي فريند وانت ولا مره اهتميت وسألتني منو يطلع هالشخص
سليمان : اي بعد انا واثق فيج ما توقعت هالشي منج
عذوب : سليمان حبيبي معاك حق تعصب بس دايما اختي كانت معانا يعني ما مره قعدت معاه بروحنا....واهو كان حيل متوهق ومحتاج احد يساعده فاضطريت أساعده وبعدين انا اعرفه من سنين ومثل اخوان ماكو شي بيني وبينه
سليمان : حتى لو بس اخواان ما ابيج تقعدين معاه مره ثانيه او حتى تكلمينه ... فاهمه؟؟؟
عذوب : غريبه يعني مع ان عادي في أمريكان يكلموني وياخذون ويعطون معاي وما أشوفك تقول شي وولا مره قلتلي وخري عنهم
سليمان : بس عذوب هذا ما أبيج تقعدين معاه
عذوب : ليش يعني؟؟ عشان كويتي؟؟
سليمان معصب: عذوب بس لا تناقشيني ما أبيج تقعدين معاه يعني ما أبيج تقعدين معاه
عذوب : خلاص انزين
سليمان : من صجي لو مره اشوفج معاه راح تشوفين شي ما شفتيه
عذوب : خلاص سليمان قلتلك انزين ما راح اشوفه ولا اكلمه ولا أقعد معاه
سليمان : انزين
عذوب لما قالتله جذي حست بقلبها يتقطع بس هم حست ان جذي أحسن عشان لا تتعلق فيه أكثر ولازم تبـعد لان مهما كان خلاص اهي تزوجت وأملها ان تكون مع عبدالله خلاص انقطع ومستحيـــل الحيـن واهي تحب زوجها واهو يموت عليها فلو تبعد أحسن....
ومهما ابعدت ما راح تنساه وراح يظل حبها الأول اللي كان....
الكويـت.....
الساعه 1 الفير وروابي كانت بالسياره تحوس بالشوارع وتفكر وتبجي....
ارجعت البيت...
روابي : السلام
أم عبدالله: الساعه 1 الفير الحين !!! وين كنتي؟؟؟
روابي : بدرس ديني
أم عبدالله سكتت وما قالتلها شي....
روابي بغرفتها وقاعده تدخـن وتـبجي....هذا حالـها.... بس تبـجي وتتحسر على نفسها وتضيـع أكثـر....
أم عبدالله دخلت عليها على طول....
اهي خذت منها مفتاح الغرفه عشان لا تقفله لان أكثر من مره قفلت الباب واغمى عليها وما كانوا يدرون عنها ولا كانوا قادرين يوصلونلها.....
أم عبدالله شافتها تدخن وعصبـت....
أم عبدالله تصرخ: رواابي !! شنو هذا؟؟ رجعتي تدخنين!!!
روابي ببرود: اي رجعت ادخن
أم عبدالله: مالت عليج هاتي الزقاره
روابي : اووه يمه خلااص خلووني على كيفي اشتبون مني!!
أم عبدالله: ينيتي انتي؟! شفيج جذي وايد استخفيتي؟!! على كيفج قاعده تروحين وترجعين باخر الليل.....حجابج لازم كل يوم اتهاوش معاج عشان تلبسينه!!! والحين قاعده اتدخنيـن بعد!!! تبين تذبحيني انتي؟؟؟
روابي تبجي وتصرخ: بـــس خلااااص كيــفي كيـــفي محد له شغل فيني
أم عبدالله: انتي شنو هذا اللي قاعده تسوينه بروحج؟؟؟ اصحي...اصحي
روابي تصرخ: يمه بس خليني بروحي
أم عبدالله: وطي صوتج لا تقومين خواتج من النوم !!
روابي: يمه مالي خلق الحيــن.... طلعي بره
أم عبدالله: والله يا روابي على هالطلعات والروحات والييات لو اكتشفت ان في وراها شي راح أذبحج
روابي : ذبحيـني يمه يااريت تذبحيني ... فكيني من هالحياة اللي انا عايشتها
روابي طاحت على الأرض وقامت تبجي بقوه....
روابي تصرخ وتشاهق : اااه ياا يمـه
أم عبدالله شافتها جذي على الأرض عورها قلبها....سكتت....قاعده تشوف بنتها صايره شضعفها....ومنهاره....
واهي جذي تذكرتها لما كانت صغيره وكانت تنزل على الأرض وتبجي تنادي امها ما تبيها تسافر وتخليها .......
تقطع قلبها وقامت تقول بقلبها : يمكن انا السبب بكل اللي قاعد يصير فيها!! ما كنت اهتم...ما كنت موجوده لما كانت بنتي بحاجتي !!! بنتي قاعده تضيع مني وانا السبب....
خذت الزقاره اللي كانت بايدها وطفتها وانزلت معاها على الأرض واحضنتها وبدت تبجي معاها....
روابي تبجي وتشاهق : ااااه ياا يمــه تعبانه....يا يمه ساعديني
أم عبدالله تبجي: حبيبتي بحاول أساعدج كثر ما أقدر.....روابي ما يهون علي أشوفج جذي جدامي قاعده تهدمين حياتج....
روابي : يمه ابي امووت...ابي ارتااح
أم عبدالله: اسم الله عليج يا قلبي.... عسى يومي قبل يومج....قومي ماما قومي
وحاولت ترفعها وحطتها على الفراش واول مره تنسدح يمها وتنومها على صدرها.... قرت عليها وباست يبهتها وظلت تمسح على شعرها ليـن بنتها من التعب غفت...
ثـاني يـوم.....
أمـريكا...
عبدالله كان واقف عند مدخل المكتبـه وينطر عذوب واختها اييون....مرت نص ساعه على الموعد وبعدها عذوب ما يات.....
قـــــال بيجــي وأخلــف في وعــده ونســاني ...
مو عــادته ينســى أني على الوعــد أنتظــر ...
أكيــد مو منه أكيد ... وأرجع وأرددها وأعيد ...
هي الظــروف
آه يا الظروف ...
شاف مي يايه بروحها.....
عبدالله اخترع : ها مي....وين عذوب؟؟ فيها شي؟؟؟
مي : لا لا ما فيها شي بس اممممم
عبدالله: شنو في؟؟ قولي
مي ابلعت ريجها : عبدالله عذوب ودها تساعدك بس تقولك انها اسفه من يوم ورايح ما راح تقدر تدرسك
عبدالله تفاجئ : ااااه انزيـن صار شي يعني؟؟
مي : ااااه لا بس....ريلها مانعها انها تشوفك وتقعد معاك
عبدالله بلع ريجه : اهااا
مي : تقولك عشانها شد حيلك وتخرج
عبدالله سكت وما رد عليها لان قاعد يحاول يستوعب ان خلاص من يوم ورايح ما راح يقدر يقعد مع عذوب او يشوفها.....
مي : عبدالله ترى والله غصبن عليها
عبدالله سرحان....
مي : عبدالله
عبدالله: هاه؟!
مي : اهي كان ودها تساعدك بس غصبن عليها
عبدالله: اي اي ادري معذوره اكيد.....خلاص مي روحي انتي
مي : شد حيلك ها.... الله يوفقك
عبدالله: ان شاء الله ... ويوفقكم انتو بعد
مي : مع السلامه
عبدالله ابتسم : مع السلامه
عبدالله كانت خانقته العبره..... .دقات قلبه اسرعت.....اختـنق!! مو قادر يستوعب ان خلاص ما عاد يشوف عذوب....ما عاد يكلمها...ما عاد يضحك معاها....!!
http://www.4shared.com/file/43090158/9b26e223/__online.html?s=1
وابتدت لحظة جفا وانتهت لحظة وصال ..
وأنطفى نور السعادة واحسب إنه ضوى ..
ما تقبلت الفراق وما لـ يدى فيه حيلة..
اااه لو ان الظروف المقبلة تكشف قدرها..
لو يعرف الشخص منا وش مع الغيب بيجيله ..
كان تجنبنا المشاكل من قبل ما يوقع ضررها..
والعذاب اللى يذوب بعين من يفقد خليله..
عندى اكبر من عذاب العين لو تفقد نظرها..
لا حصل بالحب قسمة ولا جا لي مجال ..
غير اشوف معاند الجرح وعناد الدوى
ماهقيت ان السعادة خيال في خيال
تروى قلوب الحبايب وقلبي ما روى
الشـقه...
عذوب كانت واقفه بالصاله ومدخله ايدها الأثنين في بعض ومتوتره....
مي ادخلت الشقه....
عذوب راحتلها بسرعه : ها شصار؟؟؟ شنو قالج؟؟؟
مي : ما قال شي بس قال انج معذوره
عذوب قلبها يطق حيل : انزين وقلتيله خل يشد حيله؟؟
مي : اي قلتله وقال ان شاء الله
عذوب راحت وقعدت على الطاوله وحطت ايدينها على شعرها.....
مي : عذوب ترى جذي أحسن
عذوب: اي ادري
مي : يعني لازم تنسينه خلاص
عذوب انفعلت : مي ادرري والله ادري
عذوب كانت حاسه انها مخنوقه حيـل.....وعلى أعصابها مو قادره تقعد على بعضها...
وغورقت عيونها....
مـر حوالي أسبـوعين وفي جم مره صادفت عبدالله بس من بعيد لي بعيد ما يتكلمون .....
عــقب ماكنتي أمــل صـرتـي سرآآآب
كل مأقــرب منج فجأهـ تختفيين
عذوب ما تدرى عن أخباره.... الا نتايجه اللي معلقه بره عن مكاتب الدكاتره كانت تروح تطل عليها....
الكليه...
الكورس قرب ينتهى وراح تبلش امتحانات الفاينل...
عذوب كانت قاعده تمشي بالممر مع ريلها......
سليمان : حياتي شرايج..... ما ودج نتعشى بره اليوم؟؟
عذوب : اي يلا اوكي
سليمان : نروح جذي مطعم راقي حلو
عذوب : اي والله يبيله
سليمان : عذوب انتي بردانه؟؟؟
عذوب : يعني شوي
سليمان : هاج لبسي جاكيتي
عذوب : وااي سليمان حبيبي مشكور
فصخ الجاكيت وحطه عليها..... بعدين انتبهت على عبدالله كان واقف بالممر قريب منهم وقاعد يشوفهم
اهو كان ناطر بره قبل ما يدخل محاضرته....
اول ما شافته وصارت عينها بعيونه.... وقف قلبها.....حست بجسمها كله ينتفض.... عبدالله على طول شال عيونه من عيونها ونزل راسه ومشـى...
وشلون بـ غفآ و غيري نآم حآضنهآ ..!
............ يآ لييييت جآني قبل مآ ضمهآ موووته ~
لآ رحت آدور عليهآ في آما ا ا اكنهآ ..!
.............. تلقاني دمووع وسط آلعين مكبوووته ~
منهو يبشر هوآاآاآجيس آلغلآ عنهآ ..!
................ مليت آفضفض شعر و آشوفهآ بيوته ~
مآ كنت سآكن خفوقي كنت سآكنهآ ..!
................ يعني كذآ دآخل آلآعمآاآاق منحوته ~
رآحت و خلت بقآيا ا ا قلب مآ كنهآ ..!
.................. تعزف فرح دنيتي و آحلآمنآ نووته ~
اآآآآنسان ضيع حيآته يووووم يآمنهآ ..!
............ و آصبح رغيف الحزن يا صاحبي قووته ~
في دآخلي زفرة ٍ آزرييييييت مآكنهآ ..!
.......... لآشفت سليمان ينآدي / ليتني صوووته ~
ميت قهر يوووم شفته مقترب منهآ ..!
............ و على كتوف آلعذووب آلبآرده كووته ~
وشلون بغفا و غيري نآم حآااضنهآ ..!
............. يآليت جآااااني قبل مآ ضمهآ موووته ~
عذوب كانت بتمووت تبي تكلمه...تبي توصيه على نفسه وعلى دراسته...!!
عذوب : اااه سليمان تروح انت السياره وانا احصلك
سليمان : ليش؟؟
عذوب : شوي ويايه
سليمان : انزين انا أقرب السياره عند الباب
عذوب : خلاص اوكي
وراحت بسرعه تحاول تلحق على عبدالله قبل ما يمشي.....
عذوب تناديه : عبدالله!!
عبدالله لف ويهه بسرعه وشافها وسكت...
عذوب : ليش ما دخلت محاضرتك؟؟؟
عبدالله: هاه؟! بس مالي خلق اليوم
عذوب : يلا روح الكلاس قبل ما تبلش المحاضره
عبدالله: عذوب انتي ليش لاحقتني ؟؟ روحي
عذوب : عبدالله لازم تشد حيلك وتتخرج حرام جذي
عبدالله معصب : لا تحاتيني عذوب....يلا روحي حق ريلج
عذوب : مو معناته الحين اني مو قاعده اجابل دراستك تقعد تخورها
عبدالله: عذوب روحي يلا
عذوب صوتها بدا يرجف لان شوي وتبجي : عبدالله عشاني شد حيلك وتخرج.... ما يصير تتأخر بعد أكثر من جذي!!!!
عبدالله: ان شاء الله لا تحاتين
عذوب : عفيه ادرس عدل وحاول كثر ما تقدر
عبدالله منفس : ان شاء الله يلا روحي الحين
عذوب انزلت دمعه من عينها وانتبه عليها عبدالله...
عبدالله تقطع قلبه : عذوب!!! ليـش....؟
عذوب : سامحني ما كان ودي اخليك جذي فجأه
عبدالله: وي لا عذوب عادي والله.... أصلا معاه حق ريلج ولو انا مكانه جان سويت نفس الشي .... وبعدين انتي مو ملزومه فيني !! وكافي اللي سويتيه معاي والله ما قصرتي كلش
عذوب : عبدالله تخرج هالكورس ها
عذوب مو بس عشان خايفه على مصلحته اهي كانت بعد تبيه يتخرج لان ما تتخيل انه يقعد بعد كورس وتشوفه ويشوفها من غير ما تكون قادره توصله وبجذي تتعب أكثر.....
عبدالله : ان شاء الله ولا يهمج
عبدالله بعد كان يبي يتخرج هالكورس بأي طريقه عشان يرتاح من اللي اهوه فيه...
عذوب : توعدني؟؟
عبدالله: وعـد....يلا عذوب روحي حق ريلج ما يصير جذي
قالها بصوته المبحوح..
فمان الله يانصيب الغير..
عذوب : مع السلامه
ومشـت عـنه....
طول ما اهيه كانت ماشيه كان عبدالله واقف يطالعها.....خلاص ودعها....ودع كل لحظه معاها....كل واحد فيهم الحين يروح بطريجه ويشوف حياته....
اصعب اللحظات فرقا من تحب
====لامشى وانت احكمت فيـك الظروف
وقتــــها يكويك في قلبك لهب
======غير قـول الاااه مع صفق الكفوف
ساعة الفـــــــرقا ثوانيها ذهب
======وقتــها في وقتها ضيقن وخوف
ان تصبرت الوداع امـــره صعب
=======لازم الذكرى على بالك تطوف
الحسافه والمـــــلامه والعتب
=====لا مشى المحبوب وعيونك تشوف
وقتها هــذي كانـت اخــر لحظـه اجمعت فيها عبدالله و عذوب......
بـــعد مــرور أكثر من ثـلاث سنيــن.......
روابي تحسـن حالها وايد عــن اول......بعدها تعبانه بس وين اول ووين الحين.....
تخرجت وقامت تشتغل......هدت عن اول.....تقربت من ربها.....ما قامت تكلم شباب كلش....طلعاتها قلت....النجره مع امها وايد خفت.....تصالحت مع ابوها عقب ما اخوها تدخل وأصلح بينهم.....وعلاقتها مع اخوها وايد احسن من اول....
الحيـن قاعده تحاول تعـيش.....تطلع.....تخفف عن نفسها.....تقعد من الناس وتضحك......حتى لو الجرح بعده موجود!!
أم عبدالله: روابي حبيبتي عندي لج خبر
روابي : شنو؟؟
أم عبدالله: تعرفين ولد عمج حامد؟؟
روابي : اي....شفيه؟؟؟
أم عبدالله: يبي يخطبج
روابي تفاجئت : شنوو؟؟!!
أم عبدالله: يقول يبيج ويبي يخطبج
روابي اخترعت : لا لا يمه مابي
أم عبدالله: ليش؟؟؟؟
روابي : بس يمه مابي ادش بتجربه
أم عبدالله : ترى حامد خوش ولد وشاريج
روابي : يمه الله يخليج لا تضغطين علي
أم عبدالله: خلاص بس على العموم انا ابيج تفكرين بالموضوع
وطلعت من الغرفه....
روابي عارفه ان ما راح يفيدها التفكير لان كل ما تبيه واهي من زمان مو متقبلته شلون راح توافق تتزوجه؟!
أنا مابي من الدنيا مظاهر أصـلها كذاب
ابي صدرٍ إلى ضـاق الزمـان أنـام بأحضانه
دقت روابي على اخت سعود عشان تطمن على بنتها....
روابي : السلام
ساميه : هلا
روابي : شلون جوري؟؟
ساميه : تمام بخير الحمدالله يا حلوها كبرانه
روابي استانست وابتسمت....
روابي : شلون صاير شكلها؟؟؟
ساميه : اسم الله عليها بطه وحلوه
روابي : يحليلها
ساميه: ودج تشوفينها؟؟
روابي : هاه!؟
ساميه : اذا تبين تشوفينها من بعيد تعالي اواعدج بمكان
روابي اخترعت وقلبها قام يرقع : لا لا بس اكتفي بأخبارتها أحسن
ساميه : على راحتج
روابي : يلا مشكوره ساميه
ساميه : العفو
وصكت الخط منها....
اهي تخاف لو تشوفها تتعب أكثر....تفضل انها تطمن عليها من بعيد لي بعيد أحسن....
سعود طبعا كلش ولا مره حاول يدق عليها او يتطمن عليها او يقولها اي شي عن بنتها.....
أرسلت لك أبليس يوسوس لك عشان تنساني ..
رجعلي يقول ما يحتاج حبيبيك ناسي
بالصـاله.....
رهف : بس عبدالله يننتني وخر عنيي
عبدالله: هههههههه والله مستمتع حدي
عبدالله كان يمسك راسها ويهزه حيـل...جنه حاطه راسها على هزاز....
رهف : اووه عبدالله والله صدعـت بـــــــــس
أم عبدالله: اترك راس البنت حرام عليك
عبدالله: يلا بس خلاص.....الحين راسج حرق 500 سعره حراريه
رهف : اووف والله العظيم صــدعت
عبدالله: تبين اسويلج حركه تشيلج الصداع مره وحده؟؟؟
رهف : لااااااااااء لاااء تكفى خلاص راح الصداع
عبدالله: كيفج انتي الخسرانه
عبدالله تـخرج من ذاك الكورس ومن يومها ما شاف عذوب كلش....عذوب ادرست سنتين ماجستير مع ريلها بأمريكا وبس خلصت وارجعت الكويت ولا مره يات حق رهف البيت...... علاقتها مع رهف مو نفس اول يعني مو كل يوم والثاني عند بعض لان كل وحده فيهم انشغلت بحياتها.....يشوفون بعض بين فتره وفتره.....
عبدالله : امشي رهف خل اطلعج مكان
رهف : يلاا اوكي
عبدالله: شوفي روابي اذا تبي اتيي
رهف : انزين
وراحت حق اختها وطقت عليها الباب....
رهف : روابي انا وعبدالله بنطلع تيين؟؟؟
روابي : لا مشكوره مالي خلق
رهف : اوكي كيفج....يلا باي
روابي : باي
روابي كانت قاعده بغرفتها تطالع تلفزيون......
فجأه رن تلفونها....
( سعود يتصل بك )
انصـــدمت وصار جسمها كله ينتفض وقلبها يرقع بقوه....
كانت متردده ما تدري ترد أو لأ!!!
روابي : ليش داق؟؟؟ ليش داق؟؟؟ ارد أو لأ؟؟؟ اخاف بنتي صار فيها شي...!! خل اشوف شيبي أحسن....
روابي تبلع ريجها : الوو.....الووو
...........: لااا ماابي
سعود: ليش بابا مو عاجبتج؟؟؟
...........: لا مو حلوه ماابي
سعود: انزين جووري جووري حبيبتي شوفي هذي اللعبه مو حلوه؟؟؟
جوري : لأ لأ مابي مو حلوه......بابا خل نروح محل ثاني
روابي قلبها وقف.....حست بروحها طلعت.....كان واضح ان سعود داق بالغلط لان ما يدري ان الخط مفتوح.... او بنتها تتعبث بالتلفون ودقت على أمها كأن قلبها حاسـها.....
كانت ماسكه التلفون وايدها ترجف....قامت تبجي من غير صوت....حست بأشواك تغز بقلبها......اختنقت وما قدرت تتحمل أكثر وصكـت الخـط....
>>> تخيلوا مدى صعوبة الموقف عليها....
كانت تحت صدمـه.....ظلت قاعده على الفراش وما تحركت ولا حركه....بعدين انسدحت تبي تنام.....
المستشفى......
أم عبدالله: لحقوني بنتي مادري شفيها؟؟؟؟
روابي كانت توها قاعده تحاول تصحى وما وعت الا اهيه بالمستشفى وبيجامتها ومن غير حجاب وامها قاعده تتراكض فيها ومخترعه عليها....
الدكتور : شفيها؟؟
أم عبدالله: احاول أقومها ما تقوم ولا ترد علي....وعرقانه حيل وحرارتها عاليه
الدكتور : انزين خل اشوفها
وفحصها الدكتور ولقى حرارتها وصلت 39....
الدكتور : اهيه من متى جذي حرارتها عاليه؟؟؟
أم عبدالله: اليوم كلمتها العصر ما كان فيها شي !!!
ودوها غرفه وحطولها مغذي وهم ما نزلت درجة حرارتها.....
أمها كانت واقفه يم الفراش ولقتها فجأه قاعده تبجي....
أم عبدالله : يمه حبيبتي شفيج؟؟؟ اسم الله عليج شصار؟؟
روابي تبجي : سمعت صوتها
أم عبدالله : صوت منوو؟؟
روابي : جوري
أم عبدالله: شلون ؟؟؟ متى ؟؟؟!
روابي : بنتي الظاهر كانت قاعده تتعبث بالتلفون ودقت علي بالغلط لان صوت سعود كان بعيد واسمع صوتها عدل....
ام عبدالله مصدومه وساكته ما تدري شتقولها....
روابي : يمه سمعتها تسولف.... وسمعتها تقول بابا
وقامت تبجي روابي حيــل....
أم عبدالله : حبيبتي بس رحمي نفسج
روابي : كانت تتشرط بعد
أم عبدالله مو عارفه شتقولها وتحاول تهديها....
روابي : رايح يشتريلها لعبه ومو عاجبها شي
روابي بدت تبجي وتضحك......هسـترت....وامها مو عارفه تهديها....
ظلت أسبوعين مريضه بالفراش من وقت ما اسمعت صوت بنتها...
أم عبدالله : الله ياخذه هالسعود اللى سوا فيج كل هذا
روابي : لا لا يمه لا تدعين عليه
أم عبدالله: من صجج انتي؟؟! يستاهل هذا ادعي عليه
روابي : لا لا يمه مابي يصير فيه شي اخاف بنتي تتعب!! الله يخليه حق عياله
أم عبدالله : انزين حبيبتي بس انتي هدي لا اتعبين نفسج
بالسـوق.....
عبدالله ورهف يتمشون....
رهف : عبدالله خل ندخل هالمحل
عبدالله : رهف مالي خلق أقعد انطر
رهف : يلا يلا بسرعه ما راح أتأخر وفيه ترى هدوم رجاليه بعد وكل شي
عبدالله: انزين امشي
كان المحـل كبيـر ورهف واقفه تشوف ملابس وعبدالله يتمشى فيه....
سمــع صوت احد يناديه.....
..............: عبدالله......عبدالله
لف ويهه بسـرعه جان يشوف ولد صغير يروح حق أمـه....
..........: عبدالله ماما مو قلتلك خلك معاي لا تروح بعيد
عبدالله ما كان غريب عليه الصوت.....
هز الحزن مفتاح الجروح .... وتذكرت شخصٍ هويته
له في ضميري حب مفضوح .... يصرخ عساه يرد ليته
الحرمه اللي كان معاها الولد لفت ويهها وشافت عبدالله..... ظلت واقفه متجمده بمكانها شوي وبعدين بسرعه مسكت ولدها ومشت......
عبدالله ما عرفها ومشى وما حط في باله منو ممكن تكون......
شوي واهو وقاعد يمشي جان يشوف نفس الحرمه واقفه تكلم رهف.....
اهو استحى وظل بعيد..... بعدين رهف ياته....
عبدالله: منو هذي؟؟؟
رهف : هاه؟؟؟ ااااه رفيجتي
عبدالله: اهااا....ولدها اسمه عبدالله
رهف : شعرفك؟؟؟؟؟
عبدالله: منساع سمعتها تناديه
رهف : اهاا اي
رهف ما كانت تبي تقوله انها " عذوب " حبه اللي لحد الحين ما نساها....واهو ما عرفها.....ليش ما عرفها؟؟؟ لأن لابسه عبايه ونقاب.... وما خطر كلـش في باله انها ممكن تكون عذوب !!
>>> وااااي سمت ولدها الكبير عبدالله
عذوب لما شافت رهف اعزمتها على بيت أبوها لان من زمااان حيل ما ياتهم البيت.....
بنفس اليوم رهف ياتها البيت وقعدت معاها بغرفتها....
رهف : واااي عذووب من زماااان ما قعدنا جذي بغرفتج !!
عذوب : اي والله ولهت على ذيج الأيام
رهف : والله يا حلوو ذيج الأيام..... ياريت ترجـع
عذوب : اي
رهف : بس انتي مستانسه مع ريلج صح؟؟
عذوب : اي اكيد ومريحني حيل ويحبني وايد
رهف : هذا اهم شي
عذوب : اي يعني صج وايد أشياء بحياتي تغيرت بس عادي انا راضيه
رهف : يعني اهم شي انج سعيده بحياتج
عذوب : اي الحمدالله
رهف : ااااممم اليوم شفتي عبدالله صح؟؟ كان معاي
عذوب : اي شفته يحليله متغير علي
رهف : اي ما اعرفج
عذوب : اها ما قلتيله انه انا؟
رهف : لأ
عذوب : أهااا
رهف : شنو حسيتي لما شفتيه؟؟؟
عذوب : بس تفاجئت لان من زمان مو شايفته بس ما حسيت بشي
رهف : اهااا.... والله يمكن هالسوء التفاهم اللي صار كان خيره
عذوب : اي سوء تفاهم؟؟؟؟
رهف استوعبت ان قالتلها " سوء تفاهم " وتوهقت....
رهف : لا لا ولا شي
عذوب : رهف أي سوء تفاهم؟؟؟؟؟
رهف : عذوب خلاص شي قديم ماله داعي أقوله الحين
عذوب : رهف فهميني شنو قصدج؟؟؟
رهف : عذوب والله خلاص قاعده اقولج سوء تفاهم قديم وانتهى
عذوب بدت تعصب : رهف قووولي
رهف : عذوب احسن لو ما أقول
عذوب : انا ابي اعرف قولي
رهف : انزين بس بتأكد من شغله
عذوب :شنو.؟؟؟؟
رهف : انتي مو متحسفه كلش انج تزوجتي سليمان صح؟؟؟
عذوب : صح
رهف : وتحبينه ومرتاحه معاه صح؟؟؟
عذوب : اي صح....الحين قولي شنوو؟؟
رهف : اممممم
عذوب : يلااا رهف قوولي
رهف : عبدالله كان طول عمره يحبج بس صار سوء تفاهم مع أبوج اهو اللي غيره عليج
عذوب انصدمت: شنوووو؟؟؟؟ يحبني؟؟!!! اي سوء تفااهم؟؟!!
رهف قالتلها كل الكلام اللي صار بينه وبين ابوها.....
عذوب انصدمت أكثر وظلت ساكته تحاول تستوعب كلام رهف...!!! مو مصدقه ان عبدالله طول عمره يحبها ويبيبها وكل اللي مرت فيه كان من غير سبب !!!
رهف : بس خلاص قلتلج يمكن كل هذا خيره ودام انتي الحين مرتاحه مع ريلج وتحبينه فخلاص يعني عبدالله انتهى بالنسبه لج
عذوب فجأه بدت تبجي حيــل....
رهف : امبيه عذوب شفيج؟؟؟ عذوب لا لا تبجين
عذوب بس تبجي وبقوه ورهف تحاول تهديها بس مو قادره....
رهف : امبيه عذوب ليش قاعده تبجين؟؟؟ مو قلتيلي انج مرتاحه مع ريلج وتحبينه!!
عذوب كانت بس تبجي لان عبدالله بعده بقلبها وبعدها تحبـه.....تمنت لو الزمن يرجع واللحظات اللي كانت معاه كلها ترجع بس خلاص لو تتمنى من اليوم لي باجر عارفه ان ما راح يفيدها بشي!!
بوفيصل سمع بنته تبجي ودخل الغرفه....
بو فيصل : عذوب بابا شفيج؟؟؟ شصاار؟؟؟ رهف شفيها؟؟؟
رهف : ااااااه
بوفيصل : عذوب بابا طالعيني شفيج؟؟؟ ليش قاعده تبجين؟؟؟
عذوب قامت ودخلت الحمام ( عزكم الله ) واقفلت عليها الباب....
بو فيصل : رهف شفيها عذوب؟؟؟
رهف: لا عمي ماكو شي
بو فيصل عصب : رهف خلصي قوليلي
رهف : اهو شي ما يسوى والله
بو فيصل: رهف بتقولين ولا شلون؟!
رهف قالتله السالفه كلها......
بو فيصل : والله صج أخوج خبل!!! يعني ما ايي يسألني....يكلمني !! على كيفه جذي ؟!
رهف : اي اهو يقول هذا اللي افهمه منك
بو فيصل: والحين عذوب ليش قاعده تبجي؟ّ! خلاص يعين هذا شي قديم
عذوب طلعت من الحمام وهدت عن اول....
بو فيصل: رهف قالتلي ليش قاعده تبجين .... عذوب يعني شنو افهم من جذي؟؟ متحسفه انج تزوجتي سليمان؟؟
عذوب : لا لا يبه لا
بو فيصل: خلاص عيل ليش قاعده تبجين؟؟ مو انتي تحبين سليمان؟؟
عذوب : اي
بو فيصل: وما تبين تطلقين منه صح؟؟
عذوب : لا لا يبه ما ابي اتطلق طبعا
بوفيصل : خلاص بابا بعد هذا نصيب لا تضايقين روحج
عذوب : اي بابا ادري
وطلع بو فيصل من الغرفه.....
رهف : انا اسفه اني قلتلج.... والله كان مفروض ما أقول
عذوب كانت حاسه انها مخنوقه حيــل....خانقتها العبره...... متضايقه ان حتى الحين عقب ما اعرفت ما بأيدها تسوي شي...ولو شنو ما تفكر تطلق من سليمان وبعد في ولد بينهم حتى لو ظل عبدالله حبها الأول بقلبها !!
هو الوحـيد اللي سكن في كيـــــاني****محتـــجت بالدنيـا من النــــاس غيره
الشــوق من زود الغـــلا له دعـــــاني****انشــهد اني في عيــــونه اســــيره
يبقـــــــى خياله لوحــــةً في زماني****ولولا خيــــاله كني اعمـــــى بصيره
اغليـــــه لو حظــــي بوصله عصاني****هــــو جنتـــي لو الخفـــايا مــــريره
اغلي غلا مغلــــي غلا من غـــزاني****في عشق واصل بالمشــــاعر مسيره
وهوي هوى هاوي هوى من هواني****وان قلتو شســمه قلت ماجيب سيره
تفــــداه روحن في غيـــــابه تعاني****وتفداه اوطــــان ومـــــدن والعشيره
عســــى الدروب اللي تشـــيد اماني ****تجمعني باللي دونه احدود ديره
هــــذي وصـــــيه كان موتي خذاني****ولا وصـــــايا جـــــــروح حبه كثيره
روابي كانت طالعه بالسياره تفتر بالشوارع ونفسيتها حيـل تعبانه وفاصخه احجابها.... كانت دايسه حيــل ومتهوره حدهاا..... وكل ما احد يكسر عليها فجأه او تبط جبدها سياقته تعصب عليه وتلحقه ووتهاوش معاه وبس تمشي وتسب العالم!!!
كسر عليها فجـأه مصـري من غير ما يعطي اشاره بعد....عصبت وينـت وصارت تلاحقه وتمشي وراه وتطقله هرنات عشان يوقف بس مو قاعد يرد عليها....اهيه اهني عصبت أكثر ومشت جدامه ووقفت وخلته يصفط وانزلت من السياره واهو نزل....
روابي تصرخ : انت شفيك؟؟؟ ما تعرف تسووق؟؟ ماكو شي اسمه اطق اشاره؟؟
مصري : ايه يا مدام .. ما حصلش حاجه يعني؟!
روابي : لا والله !! يعني اهو لازم يصير حاجه عشان تتعلم السواقه؟؟؟ انت أصلا شلون معطينك الليسن؟؟؟ أبلغ الحين الشرطه عنك عشان يسفرونك؟؟!
مصري : حصل خير يا مدام
روابي منفعله حيل وتصرخ : انت ما تفتهم؟؟؟ مالت عليك طق اشاره مره ثانيه قبل ما تكسر على الأوادم
روابي عقب ما سفلت فيه والعنت خير خيره اركبت السياره ومشت....
روابي بقلبها : مالت عليه حسافه ما طقيته!!
من وقت ما اسمعت صوت بنتها واهي بحاله مو طبيعيه..... تمشي ووتناجر مع الناس وحتى مع امها تخانقت وايد....
طول الليل ما اعرفت تنام....حاسه انها مخنووقه وخلاص مو قادره تتحمل بعد أكثر....
طلعت من البيت ثاني يوم الصبـح من غير حجاب واركبت السياره وراحت البحر....
انزلت من السياره ومشت لي البحر.....قطت جنطتها على الرمل....
قلبها كان يرقع حيــل....كانت تبي تنهي حياتها لان مو قادره تتحمل أكثر....تحس انها خلاص تعبت وتستحق الموت....
دخلت البحر واهي ما تعرف تسبح...... ظلت تمشي بهدومها لين وصل الماي لي نص جسمها.....
ياها فجأه فلبيني ومسكها......
فلبيني : نوووو....نووو.... وات ار يو دوينغ؟؟
روابي : اوف بس وخر عني
فلبيني : ااار يو كريزي؟؟؟ وات ار يو دوينغ؟؟
روابي تصرخ: اووف بس جووو نوت اوف يور بيزنس
فلبيني : نووو دونت دوو ذيس لايف از بيوتيفوول
روابي : امبيه انت شعليــك؟؟ ليف مي الووون
والفلبيني يحاول يمسكها عشان يطلعها من البحر واهي تدزه وتطقه....
الفلبيني : نوو مااام بليز ليت مي هيلب يوو
روابي : يا........ دونت تاتش مي الله ياخذك
الفلبيني : لايف از فيري واندرفول..... واي يو وانت تو كيل يور سيلف؟؟؟ يو هاف تو ثانك جود ذات يو ار الايف اند هيلثي
روابي : انت شقاعد تخربط علي؟؟؟ دونت توك تو مي
روابي بدت تسبه بالانجليزي.....
وظل يحاول معاها ويمسكها ويسحبها لين استسلمت....
روابي : اووكي اووكي اااي ويل نوت كيل ماي سيلف ناو....هابي؟؟؟
الفلبيني : يــس جوود
وطلعها من البــحر واهي كانت حيـل متنرفزه ومعصبه حتى مشت وخذت أغراضها من غير ما تشكره....
روابي : امبيه انا حظي عوي بكل شي؟!!! حتى اذا ابي اموت ما أقدر
كانت كارهه حياتها.... كارهه كل شي بالدنيا حتى نفسها!!
عقـب جــم شهــر قدرت تطلع نفسها من حالة الجنون اللي كانت فيها وهدت شوي.....
روابي طالعه مع عمتها وبنتها رايحين السوق..... اهي اللي كانت سايقه فيهم وفجأه جان يسمعون صوت من السياره....
عمتها ام محسن : وي شنو هالصوت؟؟!
روابي : مادري !!
أم محسن : اوقفي السياره على جنب
وقفت على جنب وانزلت من السياره تشوف ولا بنجر..!!
طبعا الف واحد رز ويهه ووقفلهم عشان يساعدهم بس ام محسن ما رضت الا تبي ولدها محسن يساعدهم....
أم محسن : كاهو يقول بالطريج
شيخه : يمه عادي يعني خل اي واحد يساعدنا أخاف يتأخر
أم محسن : لا ما غير محسن راح يشوفلنا السياره
بــعد حوالي نـص ساعه وصـل محـسن....
كان طويـل....جميــل....أنيـــق....عمره بأوائل الثلاثينات....مطلق بس بدون يهال....
اول ما وصل كلـش ما طالع روابي ولا انتبهلها....
اهيه بس شافته وايد انعجبت بشكله.....حسته مؤدب حيـل ومحترم...كانت تسمع عنه وايد انه حبوب والكل يمدحه بس عمرها ما شافته....
بدل التاير وخلـص وهم ما انتبه حق روابي.... كان بيمشي بس أمه وقفته....
أم محسن : انزين قبل لا تروح خل اعرفك على بنت خالك...هذي روابي
محسن شافها وكان هذي اول مره يشوفها وابتــسملها.....
روابي قلبها بدا يطق وبينها وبين نفسها : ياا حلو ابتسامتـه
محسن : والله هذي بنت خالي؟؟؟ اول مره أشوفج!! شلونج؟؟
روابي اول مره تحس نفسها جذي مستحيه حيل : تمام بخير
ابتسملها محسن ومشـى.....
طول الطريج كانت قاعده تفكر فيـه واول ما وصلت البيت دقت عليها عمتها...
أم محسن : شعليج محسن يقول بنت خالي هذي وين كنتو خاشينها
روابي : لا والله!!
أم محسن : اي يقول ما قلتولي عنها من قبل جان خطبتها
روابي انحرجت وظلت أم محسن تكلمها عنه
عقب صكت الخط وحست ان اول مره من فتره طويله تستانس جذي....
وكل شوي تدزلها بنت عمتها مسج تقولها ان قاعد يسأل عنج ويتكلم عنج..
كانت حيـل مستانسه وطول اليوم بس تضحك من الفرحه....
روابي : غصون تخيلي يقولون كل شوي يسأل عني وعاجبته
غصون متزوجه وعايشه في بيت ريلها بس يايه حق اهلها زياره....
غصون: امبيه هذا محسن ودي اشوفه !! كله اسمع عنه بس ولا مره شفته
روابي : واااي غصوون شنوو جميــل جمااال....أنيـق أناااقــه
غصون : ههههههه الله ونااااسه ابي اشوووفه
روابي : والله اليوم كانت احلى صدفــه
غصون : اي شكلج وايد مستانسه
روابي شاقه حلجها : اي
بعض المشـاعر تستحق الإبـاده
لا صـار قلبي من خطاياه نـادم ..!
توي بديت : أحس معنى السعـاده
و تـوَي عرفت آعيش مثل الأوادم
غصون : يعني لو يخطبج توافقين؟؟؟
روابي : اي أوافق
غصون: والله صج صج فرحتيــني
روابي : بس تدرين....اهو ما بعرف عن كل قصتي واللويه ولو يعرف اني متنازله عن بنتي اكيد ما راح يفكر يخطبني
غصون: لا روابي ما تدرين... ليش يعني؟!
روابي : بيقول عني قلبي قاسي وما استاهل
غصون: لا لا أذا في نصيب راح تاخذينه
روابي : مادري عاد الله كريـم
مــر حوالي أسبوعين وما صار اي شي يديد على روابي ومحسـن....
كانت معزومه بالمركز العلمي على عيد ميلاد بنت وحده معاها بالدوام وراحت عشان تغير جو...
دخلت المركز العلـمي واهي وقاعده تمشي جان تشوف سعود.... وانصدمـت
ماهو ضروري ألتفت وأناظرك بين "
الجموع مِن لذّة الطّعنة عّرفت إيدك وأنا ماا
ماشفتهـآ
بس ما وقــف قلبـها الا لما شافــت بنـتها ..... هذي كانت اول مره تشوف فيها بنتها.... قلبها كان يطق حيـــل.... سعود اول ما شافها بعدين مسك بنته وشالها ونادى عياله ومشى بسرعه وطلع بره....
اهي ظلت واقفه متجمده بمكانها..... تحت صدمــه....مو قادره تصدق ان بنتها كانت جدامها وقريب منها حيــل.... قالت بنفسها زين سوا سعود خذاها وطلع فيها على طول لان لو ما خذاها جان اركضت عليها وحضنتها....
روابي بعدين اركضت بره بسررعه واهي تبجي واركبت السياره.....
ظلت بالسياره تبجي حيـــل وتشااهق...
لما ارجعت البيت دقت على سعود على طول....
روابي : سعود بكلمك شوي
سعود: اشتبين داقه؟؟؟
روابي : سعود بنتي ابي اشوفها
سعود: شنو تشوفينها؟؟؟ انتي تنازلتي عنها خلاص هذي مو بنتج
روابي : سعود تكفى بس ابي اشوفها ما أقرب منها
سعود: لا لا مستحيل اخاف تتهورين وتروحينلها
روابي واهيه تبجي : لا سعود والله بس كل اللي اطلبه منك ان بين فتره وفتره تخليني اشوفها
سعود: روابي لو جوري تعرف انج امها اهيه اللي راح تتعب
روابي : ادري مو عشان جذي انا ما راح اقولها اني امها والله وأصلا ما ابيها تعرف اني عايشه بس كل اللي اطلبه منك انك تخليني اشوفها
سعود عصب : وبعدين يعني؟؟؟ انتي ماكو فكه منج؟؟؟؟ لازم ترجعين تطلعين بحياتي؟؟
ڪآنڪ نويت بخنجرڪ تـــ ف ــتــق
{.. آلـــ ج ـــرح !
آبشرڪ .. جرحي من أعــوام
مــ ف ـتــوق ..}
..............مــ ف ـتــوق ..}
.....................مــ ف ـتــوق ..}
روابي : سعود ارحمني....قدر شعوري يعني مهما كان هذي بنتي
سعود: اووهووو بس بس يلا باي
وصك الخط بويهها.....
روابي ينت ظلت أياام تدق عليه وتترجاه وتحاول معاه لين لوعت جبده ورضى.....
سعود: شوفي انا راح اخليج تشوفينها بس هااا انا أحدد الأوقات وأقول متى.... ولا يكون عبالج كل أسبوع لااااااه.....بين فتره وفتره انزين؟؟؟
روابي كانت راضيه بأي شي : انزين
سعود: والله يا روابي لو تدمرين حياة بنتي راح ادمرج
روابي: لا تحاتي هالشي ما راح أقرب منها
وصك سعود الخط بويهها.....
ارتاحت انه رضى.....اهي تدري انها راح تتعب أكثر لما تشوفها من بعيد وما تقدر توصلها بس عندها احسن من ولا شي.....
أنـا .. من "دمعة اليـــائــس" ,,
تعلمت الحيـــاهـ .. // اصـــرار ..
وأنا من " ضحكـــة الحالـــم " ,,
عرفــت ..
شــــ قد مأساتي
وانزلت تحت الصاله ولقت رهف تحت قاعده......
روابي مستانسه : رهف سعود رضى اني اشوف بنتي بين فتره وفتره
رهف : والله؟؟! زين الحمدالله
روابي : اي والله عقب ما ظليت أيام وانا اترجاه
رهف: ياربي هالانسان ما عنده قلب؟! ما يحس؟!
روابي : واااي بنتي لما شفتها تهبل اسم الله عليها ... كيووت حيــل ومربربه
رهف : يا حلووها
دخـل عبدالله عليـهم وماسـك بأيده وحـده....
عبدالله : قووه
روابي ورهف : الله يقويك
...........: هاااي
روابي : هلا والله
رهف : أهليـــــن نوال
عبدالله ونوال من شهرين املجوا.....تذكرون منو نوال؟؟؟ اهي بنت خالته الصغيره اللي كانت تحبه وما يدري عنها... خالتها وامه حاولوا يقربون عبدالله منها ليـن حبها.....
نوال بنت اتيننن....حيـــل حيـــل حبوووبه.....طيووبه....أخلاااق.....مثقـفه.....حلووه وجسـم وطوول....
لما كانت صغيره ما كان باين هذا كله وبس كبرت تغيرت وحلوت وايد وفرقت على عبدالله عن أول...
عبدالله ونوال قعدوا يم بعض على القنفه وواضح انهم يحبون بعض.....
عبدالله : ها عسى ما شر روابي يقولون بنجرت عليكم السياره ذاك اليوم !!
روابي : اي والله
عبدالله: ليش ما دقيتي علي؟؟؟
روابي : عمتي كانت مصره ولدها ايي يساعدنا ودقت عليه
عبدالله : اهاا انزين ما قلتيلي اوديها لج الجراج؟! لازم يبدلون التاير
واهو قاعد يتكلم نوال كانت كل شوي تتحرش بعبدالله....تاخذ كلينكس وتلفه وتدخله بأذونه...
عبدالله: ههههه نواال وبعدين معاج بس
يرجع عبدالله يتكلم مع روابي......
رهف تأشرلها : نوال بخشمه بخشمه ههههههه
نوال قامت تجرب تبي تدخله بخشمه.....
عبدالله: انــــتي اشتبيـــن تسويـــن؟؟؟؟ نواال راح أقوملج ترى الحين
نوال : وااي يااا حلااتك وانت معصب كتكوووت
عبدالله : انا جم مره اقولج لا تقولين كتكوت!!! كل هذا يصير كتكوت؟؟!
نوال وايد تحب تتحرش فيه وتستفزه نفس ما اهوه كان يسوي بعذوب.... وهذا اللي يخليه ميت عليها لان روحها وايد حلووه وتونس....
عبدالله يمسك خشمها بأيده ويسحب....
نوال : هههههه اااااي بــس
عبدالله : تستاهليـن.... راح تقعدين عاجل ولا شلون؟؟؟
تقوم نوال تقرصه على ايده...
عبدالله: اااااي يا المجرمه
نوال : والله بسك وانت تمط بخشمي حرام عليك شوفه صار ممطوط
عبدالله: اي ديري بالج ترى عادي اخربطلج ويهج كله
نوال : وااي ياا بخــتي ... شفتوه؟؟ كل يوم يسمعني كلام رومانسي حلوو جذي
رهف وروابي يضحكون عليهم لان أشكالهم تضحك ووكل واحد فيهم اينن الثاني ودايما يتحرشون ابعض....
رهف : والله نوال انا احييييج.... واخيرا عبدالله ياله من ايننه مثل ما ايننا
نوال تغمزلها : أعجبــج انااا
عبدالله: الللله غمزي بعد مره
وتقعد تغمز......
عبدالله : اللله اعجبتني على طول غمزيلي
نوال : شنو تعطيني على كل غمزه؟؟؟
عبدالله : بوسه
نوال : يا قليل أدب عيب
عبدالله: هههههه طاع هذي زوجتي انتي
نوال : بس بقوم من يمك اناا
عبدالله : لا تعالي ما تقومين
ويمسك ايدها عشان ما تقوم واهي تدزه ويضحكون مع بعض...
رهف فجأه لاحظوا ان فجأه لبست نظارة عبدالله الشمسيه وقامت تغني وتهز نفسها وتقلد عايشه المرطه : يا ناس دلوني درب السنع ويـنه بشوفلي مارقا من بير الهوالي......
عبدالله : هههههههههه انتي وبعدين؟؟؟ عن أبووج تطوري
رهف تغني : من صد مظنوني وأخلا بلا دينا أجاوب الورقه من ضيقة البالي
أم عبدالله ياتهم : اشفيها استخفت هذي؟؟؟
وقاموا كلهم يضحكون عليها وعلى شكلها.....
تــــم البــارت الــثامن عشــر
الأخيـــر
وهذي كانت روايتي " خــطايــا القــلب" والحين راح شنو علاقتي بكل شخصيه بالروايه.....
روابي....... اهي بنت من المنتدى هذا و طلبت مني اكتب قصتها عشان تستفيدون من تجربتها....كانت تبجي عقب كل بارت ووايد اتعبت نفسيتها هالروايه وكنت اقولها لا تقرا بس كانت تصر.....اهي قالتلي كل اللي صار فيها وما غيرت من المواقف شي بس وايد من الحوارات كانت من خيالي ومع هذا كانت تقولي انج تكتبين الحوارات كأنج كنتي موجوده بينا....
أم عبدالله وبو عبدالله ورغد وغصون اهلها وخذيت نفس شخصياتهم.....
أحداث قصتها توها من 3 سنين وفي أحداث صارت وانا واكتب الروايه يعني مثلا حدث ولد عمها محـسن اللي حيــل يديد فلحد الحين ما اوضحت الأمور وبعده ما تقدملها......وحدث يوم شافت بنتها بالمركز العلمي اللي وايد وايد اتعبها نفسيا.....
ما شاء الله عليها لما اكلمها ما يبين عليها فيها شي وصامده ودمها خفيــف وبنت صراحه احسها عسل مع ان ولا مره شفتها بشكل مباشر بس حسيتها حبوبه وعلى نياتها....
أما عبدالله ورهف اهم اخوان بالصج وانا دمجتهم في عايلة روابي....يعني عبدالله أخذ مكان اخوها بالواقع بس طبعا خذيت شخصية عبدالله وكل الأحداث اللي مر فيها ورهف اخته بالواقع وخذيت هم نفس شخصيتها..... عبدالله ورهف من أهلي وقريبيين حيــل علي واشوفهم على طول..... وعرفت الاحداث اللي صارت من رهف نفسها وضفت بعد مواقف وحوارات من خيالي....
رهف وعذوب رفيجات بالصج ووايد كانوا قراب من بعض بس الحين ابتعدوا شوي مو نفس اول.....
مره انا ورهف كنا بمجمع وصادفنا عذوب العام مع بنتها وسألتنا " شلون عبدالله " وقالتلها رهف انه بخير وعياله موجودين اهني بالمجمع ووالله بس رهف قالتلها جذي شفنا عيونها غورقت....حسيتها خوش وحده وطيوبه وكانت لابسه عبايه من غير نقاب لان لما ابوها عرف انها ما كانت راضيه على النقاب غصب ريلها ان يخليها تشيله....
على ان عبدالله يحب نوال وعلى ان قصته مع عذوب صارلها فوق العشر سنين بس رهف تقولي انه عمره في حياته ما حب وحده مثل ما حب عذوب .....
تزوج عبدالله نوال وياب منها ولدين وبنت.......بنته صغيروونه و تهبللل..... شيطاااانه حيـل وعليها حركات نفس ابوها....
والحيـــــــــن
كــلمـتي لــكم وشنو كنت حابه اوصله بهالروايه
يا حلوه دايما تذكري ان مالج غير سمعتج.....اذا كنتي تحبين؟؟ لا تفكرين انه هذا اللي تحبينه غير عن الشباب .... دايما حطي بالج واول ما تشوفينه انه بدا يتمادى معاج عرفي انه ما يحبـج.....لان اللي يحبج يخاف عليج ويصونـج.....
لا تحاولين ترضيـنه على حساب نفســج.... ولا توافقين على طلباته عشان خايفه وما تبين تخسرينه لأن تــــأكدي بمجرد انج تطيعينه باللي يبيه فأنتــي خسـرتيــه.....
البـنت مالها غير شرفها....سمعتها...والولد مهما يسوي ما يعيبه شي فبالنهايه انتي الخسـرانه!!
حبيبتي خليــج أذكى من جذي..... أرضي حق نفسج الأحسن.....لا تحبين أي أحد على بو أن غيرج يحب وعلى انهم قاعدين يمرون في تجارب وانتي لأ....صبري...راح ايي دورج بيوم وتحبين وتاخذين اللي يستاهلج واللي يحبج وشاريج.....
اهيه بـس غلــطه مـــنج.....غــلطه وحـده بــس ممكن انها تضيعج وتهدم حياتــج....وتظلين سنيــن تتحسفين على اللي صار وتتحسرين على نفسـج وحتى لو قدرتي اتطلعين روحج من اللي انتي فيه ذكريات الماضي راح تظل تلاحقج وتتعبج حتى لو ظليتي طول عمرج تحاولين تهربين منها....
فتذكري قبل ما تاخذين أي خطوه درسـيها....حسبيلها ألف حساب.....عشان لا ايي اليوم اللي تتمنين فيه ترجعين دقيقه وحده بس قبل الخطوه اللي خذيتها وقلبتلج حياتج....
سوي الشي الصح عشان تكونين راضيه على نفسج واهلج يكونون راضيين عليج....
وتذكري ان غضب الأم والأبو عليج أصعب شي وان لا دعوا عليج فأن دعوتهم ما ترد....
واذا فات الفوت واخطيتي وقاعده تتحملين نتايج غلطاتج....لا تستلمين.....اوقفي على ريولج واستمري......
اصحي الحيــن...قومي....استعيدي حيــاتــج ودوري على اللحظات الحلوه وعيشـيها....
الدنيا تنتظر منـج
"غلــطـه "
لا سويــتيها ممكن ما ترجع حياتج مثل ما كانت
وتعـطيـــج
"فرصــه "
لا خذيــتها ممكن تفتحلج أبواب وتعليج وتوصلج أحلى أماكن
والله يســتر عليــكم يا بــنات ويحفـظكم لأهلــكم
وبجذي خلصت كلـمتي وسامحوني اذا طولت عليـكم
روايتي
خطايا القــلب
اهي الأخيــره لــي في المنـتدى
لان من الحين لي سنه جدام للأسف كلـش ما عندي وقـت وان شاء الله ساعتها اكون تخرجت ويمكن مشروع الكتاب يــتم
رواياتي الثلاث كلهم حفظت حقوقهم ووثقتهم باسمي وما يندرى يمكن بيوم ينزلون بكتاب مع مجموعة روايات ثانيــه
بهمساتي المتواضــعه اتمنى اني اكون تركت بصمه بهالمنتدى وأثر في قلبوبكــم
اذا ما اجمعتنا الأيام تجمعنا الذكريـات
وكانت أيامي معاكـم من أحلـى ذكريــاتي
أحبـــكم وااايد وااايد
وصج ما قصروتوا معااي كلــش ولو مو انتو وتشجيعكم جان هالروايات ما كانت وما تتصورون شكثر كنت أفرح لما اشوف ردودكم الحلوه
راح أشتاقلــكم حيـــل يا قلبـي انــتو
لا تنســوني
انا
"همســات حالــمه "
وروايتي الثالــثه
x خطايــا القــلب x
تمـــــت
أخـــتكم / بـــدور
التعديل الأخير:
مستخدمين موجودين حالياً يشاهدون الموضوع: 49 (19 أعضاء و30 ضيوف)
نـــدى, al7yzabona, bintq8, cat ., couisn but twin, CuP__CaKe, fa6m al-s, Findy Girl, inspiring-girl, kristin, lolo^.^, Loooo, MC ANFAL, miss limoona, ريوق بلاش, saro_on25, Zoz.Q8, همســات حالـمه, وحيدة بأحزاني
نـــدى, al7yzabona, bintq8, cat ., couisn but twin, CuP__CaKe, fa6m al-s, Findy Girl, inspiring-girl, kristin, lolo^.^, Loooo, MC ANFAL, miss limoona, ريوق بلاش, saro_on25, Zoz.Q8, همســات حالـمه, وحيدة بأحزاني
