روايــتي الثــالثـه / خطــايــا القلــب / وهالمــره قصــه حقيـقيـه

[miss limoona]

لا لا نزليه ميخالف حتى لوقصير
المهم في بارت
يعطيج العافيه

 

[طال الهجر]

هموس نزلي

 

[shaja]

لا نبي بارت طويل ننطرج يا قلبي اخذي راحتج <<<<< ما عندها دوام عادي تنطر

 

[kity]

خلاص همووس نزلي اغلب البنات يبوووون

نزليه بليز

 

[Bq]

هموس نزلي البارت حتى لو قصير بليز كمليها أليوم

 

[طال الهجر]

خلاااص هموس نزلي

 

[همســات حالـمه]

فديــــــــــت كل اللي كااانووااا ينطرووني .... اســفه على التأخيــــــــر

البارت السابــع عشـــر

روابي عند الدكتور النفسي.....

دكتور سعد: اهدي اهدي شوي

روابي تبجي بصوت عالي ومنهاره حيل.....

دكتور سعد : ما أقدر أبدى بالتنويم وانتي بهالحاله!!! اهدي شوي

روابي من كثر البجي مو عارفه تتكلم.....

الدكتور كان يحاول يهديها بس مو قادر يسيطر عليها......

دكتور سعد: خلاص خلاص ما راح أقدر اسوي التنويم وانتي بهالحاله !! اليوم شكلج تعبانه حيل.... روابي ابيج تستمرين تاخذين المهدئات اللي وصفتلج اياها....انزين؟؟

روابي تحرك راسها بمعنى " انزين"


دكتور: وراح اوصفلج الحين بعد حبوب ضد الاكتئاب عشان يساعدونج شوي.....لا نكمل الجلسه اليوم عشان تهدين واعرف اقعد معاج المره اليايه بس على الأقل الحين هدي شوي عشان تقدرين تسوقين

روابي واهي تبجي : دكتور انا تعبت .... كل يوم اتخيل نفسي مع بنتي وسعود...انهم معاي واسولف معاهم....احس اني بديت اين

دكتور سعد: تخيليني انا بدالهم

روابي بقلبها : امبيه هذا شيقول؟؟!! وقته يضحك معاي!!!!

وظل الدكتور شوي يحاول يهديها وبس هدت شوي طلعت من العياده وراحت البيت....

دخلت البيت وكانت عيونها متفخه من كثر البجي وويهها أحمـــر...

أم عبدالله: ها شصار عند الدكتور؟؟؟

روابي : ما صار شي

أم عبدالله: سوالج التنويم؟؟؟

روابي: لأ

أم عبدالله: ليش؟

روابي : ما قدر لان وايد كنت تعبانه اليوم

أم عبدالله: اشوه الله احفظج منه!! ما يندرى شنو كان بيسوي فيج مع هالتنويم!! بس خلاص لا تروحيله وان دق لا تردين عليه لان بدا يخوفني هالدكتور

روابي : ليش يمه؟!! كل هذا عشان تنويم؟!

أم عبدالله: أختج قالتلي سالفه صارت حق وحده نومووها مغناطيسيا والعبوا بمخها !! اسم الله عليج بعد لا يصير فيج شي منه

روابي اخترعت شوي.....

أم عبدالله: بس خلاص مالج شغل فيه لا تروحيله...شوفي دكتور غيره

روابي : انزين

وطلعت غرفتها وصكت عليها الباب وقطت روحها على الفراش وكملت بجي...



أمـريكا.....

مر جم يوم وعذوب كل يوم تروح بنفس الوقت تنطره بره الكلاس اللي طلع منه تشوفه موجود او لأ بس ما تلاقيه وبدت تحاتيه.....

دقت على رهف....

عذوب: هاي رهوف شلونج؟

رهف: أهليــــن....شلونج انتي؟؟

عذوب: بخيـر....أقول رهف بسألج عن عبدالله

رهف اخترعت: شفيه؟؟؟؟ شفتيه؟؟؟

عذوب: اي شفته

رهف: لا والله!!!! شصار؟!

عذوب: مادري شفته بس مره وحده قبل 3 ايام وبسرعه بسرعه كلمته ومشى ومن وقتها ما شفته !!! ما كلمتيه؟؟

رهف: لا مادري ما دق علينا صارله جم يوم الحين!!!! خل ادق اشوفه الحين

عذوب: اي لان رهف صارله جم يوم ما يحضر !!

رهف: لا والله!!! انزين انزين الحين ادق عليه

عذوب: عفيه عادي اتطمنيني عليه بعدين

رهف: اي ولا يهمج.....أدق اكلمه وادق عليج

عذوب: مشكوره حبيبتي

رهف: ولوو... يلا مع السلامه

عذوب: مع السلامه

وصكت من عذوب وعلى طول دقت على عبدالله....

اول ما شاله رهف انفعلت: عبدالله

عبدالله: هلأ

كان صوته مقموت وتعبان وحست بالشي رهف...

رهف: شلونك؟؟؟ انت فيك شي؟؟؟

عبدالله: هاه؟!! لا عادي ما فيني شي

رهف: عذوب تقول صارلك جم يوم ما تحضر كلاسك!!

عبدالله: اهي شعرفها اني ما أحضر؟!

رهف: مادري المهم درت.....ليش مو قاعد تحضر؟؟

عبدالله سكت شوي....

رهف: عبود شفيك قولي؟؟

عبدالله: رهف انتي ليش ما قلتيلي انها تدرس اهني مع ريلها؟؟

رهف ابلعت ريجها: شسوي خفت عليك وبعدين قلت يمكن ما تصادفها كلش اهناك فليش أقولك!!

عبدالله: اااخ يا رهف تعبان وايد

رهف : حبيبي انت تكفى دير بالك على روحك وشد حيلك ولا يهمك شي

عبدالله: ماني قادر والله ماني قادر.....احس اني بموت من كثر ما انا مخنوق

رهف: عبدالله يعني على اخر كورس راح تضيع نفسك جذي؟! ما تسوى!!! خلاص بعد شتسوي وشالفايده اتعب روحك جذي؟!

عبدالله: والله أقولج ماني قادر!! شفتها ذاك اليوم اهي وريلها...بغيت اموت

رهف تقطع قلبها على اخوها ومو عارفه شتقوله!!

رهف: اهي الحين وايد قاعده تحاتيك وتبي تعرف ليش مو قاعد تحضر!!! شقولها؟!

عبدالله: بس قوليلها تعبان....مريض اي شي

رهف: عبدالله بس خلاص حاول تنسى

عبدالله: رهف بس قوليلها خل تخليني بحالي....لا تسأل عني

رهف: ااااه المشكله راح تستغرب اذا قلتلها هالشي لانها ما تدري انك تحبها....بس بحاول

عبدالله: بس رهف ما أقدر اشوفها بعد مره !!! هالمره اللي شفتها فيها اذبحتني

رهف: حبيبي خلاص راح احاول اكلمها انا بس انت عشاني ابيك تشد حيلك

عبدالله: ان شاء الله

رهف: وعفيه دير بالك على روحك

عبدالله: حبيبتي وانتي بعد ووصلي سلامي للأهل

رهف: يوصل ان شاء الله

عبدالله خانقته العبره : والله حيل ولهان عليج

رهف: بعد عمري والله وانا بعد أكثر .... ان شاء الله كلها كورس وترجع

عبدالله: ان شاء الله

رهف: يلا مع السلامه

عبدالله: مع السلامه

وصكت منه الخط ودقت على عذوب.....

عذوب: اهلين...ها شقال؟؟؟ كلمتيه؟؟؟ فيه شي؟؟؟!

رهف: اي اي كلمته .... ما فيه شي بس تعبان شوي

عذوب اخترعت: تعبان!!! ليش ؟؟ شفيه؟!

رهف: لا عادي بس مريض شوي

عذوب: انزين يعني مريض شفيه بالضبط؟؟؟

رهف: عذوب ما فيه شي عادي بس انفلونزا ومحتاج يريح شوي

عذوب: انزين راح المستشفى؟؟؟ عنده احد يوديه؟؟؟

رهف: حبيبتي والله عادي يعني انتي ما تنتشلين كلش؟!

عذوب: انزين وكلاساته مو قاعد يحضرهم؟! شلون!! قاعد يطوفه وايد ؟!

رهف: مادري عنه بس ان شاء الله راح يقدر يدبر نفسه

عذوب: رهف حرام بعد يعيد مواد ويتأخر كورس!! قوليله يشد حيله

رهف: اي والله قلتله شكثر بس الله يعينه

عذوب: رهف بس شفته كان صج باين عليه تعبان!! يبيله احد يهتم فيه !! حرام جذي احسه بروحه

رهف: لا عذوب اشدعوه عبدالله مو ياهل ويقدر يهتم بروحه.....وبعدين انتي حطي بالج بالله ريلج يشوفج تكلمينه ولا شي اكيد راح يعصب عليج !!

عذوب سكتت شوي : يلا رهف اكلمج بعدين انا

رهف: اوكي حبيبتي

عذوب: مع السلامه

رهف: مع السلامه

عذوب صكت الخط منها وكانت حيل متضايقه....لانها تحاتي عبدالله حيـل...وليش تحاتيه؟؟ لانها بعدها تحبه!! ما تحبه الا تموت عليه ومشاعرها من ناحيــته كلش ما تغيرت...نفس ما اهي...نفس ما كانــت!!!


كـــــــل شخص وله مكان وله قدر000 وأنت قدركـ بالصدرعندي كبـــــــــــير
في خفوقي مجلسكـ والله صدر000 كيف تجلس بالطرف وأنت الأمير؟؟!!

مــر 3 ايام.....

روابي طنشت موعدين وما راحت حق الدكتور....

كانت بغرفتها وقاعده تبــجي....ملت من كل شي.....ملت من حياتها....ازهقت من كلام الناس.....مو قاعده تلتقي بأي أحد لانها عارفه انهم قاعدين يتكلمون عليها ويعطونها نظرات من تحت لي تحت !!!
اللي يقول
" شالقسوه اللي فيها اللي تخليها تتنازل عن بنتها بهالسهوله!!! "
" حرقـة قلب مره شوفوا شصار فيها!!"

أحيان صدري من نظر عيني يضيق

وأحيان لا والله من اللي أسمعه

مدري أنا اللي غير واحساسي رقيق

والا صدور الناس مافيها سعه؟؟؟؟

وصـلها مـسج....

" روابي ويـنج؟؟؟ فـقدتــج !! طمنيني عليج....دكتور سعد "

قرت المسج وانصدمت!!! الشكو دازلها جذي مسـج؟! شاللي بيني وبينه أصلا؟!

ما كان مزاجها يسمح ترد عليه وطنشت..... وبعد جم ساعه ياها مسج ثاني منه

" روابي ليش ما ييتي موعدج اليوم؟! قاعد أحاتيــج "

روابي طالعت المسـج وبدت تضـحك....تضحك على حظها الردي....

روابي بقلبها : شالشياب اللي يتهافتون علي من كل صوب!!! اووف كرهتكم

وطنشت المسـج وما ردت عليـه.....

أمـريكـا.....

عذوب بهالثلاث ايام كانت تنطر بره كلاسه.....لما تشوف انه ما يه !!! تحضر المحاضره عنه بس استماع عشان تعرف شنو قاعد يطوفه وتكتب بالنوتس عنـه عشان تعطيه اياه بعدين.....

كانت ميـته خوف عليه....ما تدري عنه ولا تدري وينه وشفيه؟!

وفي ثاني يوم واهي تنطر بره واخيــرا حــضر.....

عبدالله شافها وتفاجئ : عذوب!!!!!

عذوب راحتله بسرعه ما صدقت انها تشوفه

عذوب تكلمه واهي مرتبكه ومنفعله : عبدالله وين كنت؟؟! شنو هذا كل هذا غياب؟!! شلون صرت؟؟ ان شاء الله أحسن؟؟

عبدالله كان قاعد يحاول يستوعب : هاه؟! اااه لا عادي احسن

عذوب: طوفت وايد محاضرات !! ليش جذي؟!

عبدالله كان حيل مرتبك: ااااه كنت تعبان شوي وما قدرت

عذوب: يلا اشوه الحمدالله انك صرت احسن الحين!!!

عبدالله: ااااه انتي كنتي قاعده تنطريني؟؟

عذوب : اي لاني ماني قادره احصلك وادري انا هذا كلاسك

عبدالله: اهاا بس ليش قاعده تنطريني؟!

عذوب سكتت شوي....شتقوله ؟؟ تقوله عشان أحبك وخايفه عليك واحاتي مستقبلك؟!

عذوب: هاك هالأوراق

عبدالله: شنو هذا؟!

عذوب: هذيله فيهم كل المحاضرات اللي فاتوك....انا كتبت اخر 3 محاضرات بس اللي قبل صورتهم من أحد

عبدالله استغرب وتفاجئ انها سوتله هالشي....

عبدالله: اااه انتي كنت تحضرين محاضراتي؟

عذوب: شسوي فيك بعد انت مو قاعد تحضر وانا أساسا ما عندي شي هالوقت

عبدالله بلع ريجه: عذوب ليش جذي؟؟؟ ليش قاعده اتعبين نفسج معاي؟!

عذوب: لا عادي ما سويت شي بس انت شد حيلك عفيه

عبدالله: اي اي ان شاء الله

وصارت لحـظه صمـت وبس واقفين يطالعون بعض.....

...{آه يآ
نظرآت الصمتْ
يآهي
تحكي حكآيآت
{...

عذوب: يلا ادخل الحين شوي وراح يبلش الكلاس

عبدالله: هاه؟؟! اي يلا بدخل..... مشكوره وايد

عذوب: حياك..... عبدالله اذا ما فهمت شي قولي عشان أشرحلك اذا تبي

عبدالله بلع ريجه: ان شاء الله.....مشكوره يعطيج العافيه

عذوب ابتسمتله : الله يعافيك

دخل عبدالله الكلاس وطول ما كان قاعد كان بس سرحان ويفكر فيها.....


كيف يرجع وقت رآح وآخذ معه حلو آلأيام


مآبقى غيرذكــــــــــــــــــريآت وبعض آلإشياء


طـلع من الكـلاس ولقى عذوب ناطرته بره وتفاجئ....

عذوب: ها شلون كان الكلاس؟؟ قدرت تفهم؟!

عبدالله : اااه يعني مضيع شوي بس عادي ادبر روحي انا

عذوب: ترى سهل ما يبيله شي!!! تبي أشرحلك؟!

عبدالله: عذوب والله مشكوره بس لا تحاتيني

عذوب: الدكتور قال الامتحان الأحد الياي...راح يمديك تفهم وتدرس؟!

عبدالله تفاجئ : اوله الامتحان الأحد الياي؟!!!!

عذوب: اييه مو عشان جذي اخاف ما تقدر تلحق...لو أشرحلك أحسن

عبدالله: اااه عذوب بس...... امممم

عذوب: شوف.....باجر تقدر اتيي المكتبه الساعه 5 المغرب ؟؟

عبدالله: عذوب ما ابيج تضيعين وقتج معاي

عذوب: عندك شي باجر الساعه 5 او لأ ؟؟

عبدالله: لا ما عندي شي

عذوب: خلاص عيل اشوفك باجر.....مع السلامه

عبدالله كان يبي يناديها يقولها ان ماله داعي لان منحرج منها بس مشـت....

ثــاني يـوم.....

روابي ازهقت من مسجات الدكتور!!! لحد الحين دزلها 6 مسجات ومع كل مسج يتمادى بالكلام أكثـر.....

راحتله العياده.....

دكتور سعد : هلا والله.....ما بغيتي اتيين

روابي معصبه : دكتور شنو سالفة هالمسجات؟!

دكتور سعد : ااااه الصراحه انا من اول ما ييتيني أحبج

روابي : شنوو؟؟!! تحبني؟!! انت شتقول؟؟ شتخربط؟!

دكتور: روابي انا جاد وابي اتزوجج

روابي: هاه؟؟!! تتزوجني؟!

دكتور سعد: اي بس.......

روابي : بس شنو؟!

دكتور سعد: خل نخليها تكون بالسر أحسن

روابي انصدمت : نـــــــــــــعم؟!!!! بالســـر؟!

دكتور سعد : اي بس والله انا ما راح أسوي فيج مثل ما كان يسوي فيج هذاك وما راح أهدج كلش بس خلي علاقتنا بالسر احسن

روابي : انت من صجك تتكلم؟؟؟؟؟ انا الحين يايتك عشان انسى....قلتلك قصة حياتي من اول ما انولدت لحد الحين واخر شي ياي تقولي تزوجيني بالسر؟!

دكتور سعد: روابي انا من صجي قاعد اتكلم!! والله أحبج

روابي معصبه وتبجي : وهذا وانا يايه عشان تساعدني وتبيني اكرر نفس الغلطه؟! لا لا مستحيــــل

دكتور : روابي لا انا مو نفس هذاك....هذاك ما كان يحبج !! انا أحبــج

روابي تسمع كلامه وتطالعه واهي منصـدمه ....وهذا واهو على أساس دكتور معروف ووايد ناس تتكلم عنه!!!


الجسد موجود والروح ارحلت
والزمن جبااار لكني صبور

عيني اللي من عناا الوقت ادمعت
حزنهاا يااخوي شيد لهـ جسور

وحدي بدنياا بهاا روحي اطلعت
فااقده الاحسااس مااعندي شعوور

الهووى ماا بيه اناا روحي اشبعت
وش يفيد الجرح لو كلي كسوور

روابي : الشرهه علي اني يايه اتعالج عندك

ومشت تبي تطلع ....

دكتور : روابي صبري

وما ردت عليـه ومشــت.....

واهي طالعه كانت تبجي حيـل....حست انها صـج وحيـده مالها احد!! الحين حق منو تروح؟؟ منو يسمعلها؟!!

اركبت السياره وحست انها مخنوقه بتمووت....كانت حيل معصبه ومتوتره!! افصخت الحجاب وقطــته ورا...... راحت الجمعيه واشترت علبة زقاير وراحت ووقفت سيارتها بمواقف البحر وقامت تدخـن وتبجي...... محد كان شايفها لان كان ظلمه ومافي احد.....وتفـكر بسعود وبنتها وكل اللي مرت فيه...

كل ضلع ٍ
لا طريت اسمك تغافلني وطــااااااااح
كن ربي ما خلق بالكون لك
غيري ضحيـّه


ثـاني يـوم عبدالله راح المكتبه من الساعه 4:30 ينطر عذوب....

وصلت عذوب الساعه 4:50 واول ما شافها أشرلها من بعيد عشان تشوفه......طول ما كانت يايته كان يطالعها.....منغرم فيـها....شكلها....شعرها.....ابتسامتها.......ستايلها الأمريكي!! وبعدين انتبه على اختها معاها.....

عذوب: هااااي

عبدالله وقف....

عبدالله : أهليــن

عذوب: هذي اختي مي....شايفها انت مره صح؟؟

عبدالله: هلا والله.....اممم اي صح جنه بس متغيره علي....شلونج؟؟

مي: تمام بخيـر

اقعدت عذوب بالكرسي اللي قبال عبدالله ومي يمها....

عذوب: ها درست من النوتس اللي عطيتك اياهم؟؟؟

عبدالله: اي درست

عذوب: فهمت شي؟؟؟

عبدالله: والله ولا جنه درست ... شالماده؟!

عذوب: هههههه ترى الماده مو ذاك الصعوبه بس انت ابيك تركز معاي...اوكي؟

عبدالله: اووكي ماشي

وبدت عذوب تشرحلـه واهو كان يحاول كثر ما يقدر يركز بالنوتس مو فيها.... ومي كانت يايبه كتبها معاها وتدرس...

بـعد جـم يـوم.....

أم عبدالله تصرخ: لا ما تطلعين من غير حجابج .... فاهمه؟؟؟

روابي تصرخ : يمه انتي شعليج مني؟؟؟ مالج شغل فيني!!! انا مو ياهل

أم عبدالله: ترى شوفي انا مالي خلقج!! طلعه من غير حجاااب ماااافي

روابي : اوووف

وراحت غرفتها والبست الحجاب....

روابي : ارتحتي؟؟ استانستي الحين؟؟؟

أم عبدالله: انتي وين رايحه أصلا؟؟؟

روابي تصرخ : بطلع أغير جو ... مو قادره اقعد بهالبيت

أم عبدالله: اووف طلعي روحي ذلفي بس فكيني

وطلعت روابي واركبت السياره....وبس بعدت شوي قطت الحجاب....

كانت واقفه عند الاشاره ولاحظت واحد كان يلاحقها من زمان.....

ادخلت لفه فرعيـه ولحقها داخل....وقفت عند محل عصير تبي تطلب ووقف يمها....

عقب ما افتحت دريشتها وطلبت فتح اهو دريشته وبدا يكلمها....


.........: قوه

روابي : الله يقويـك

.........: شلونج؟؟

روابي : بخير وانت؟؟

...........: انا بخير دامج بخيـر

روابي: تسلم

قعدوا يسولفون شوي جان ايي صاحب العصير وطقله هرن عشان يدفع عنها...

روابي: لا ليش؟؟؟ انا بدفع عن روحي

........: لا لا انا بدفع عشان هالفرصه السعيده اللي خلتني اتعرف عليج

روابي: مشكور ما قصرت

...........: انزين اخذي رقمي عندج عشان أسأل عنج

روابي كانت متخوفه اول شي بس حست انها بايعتها وعطته رقمها ومشى ومشت.....

أمـريـكا.....

عبدالله وعذوب خذوا على بعض أكثـر.....ردوا نفس ما كانوا اول مع بعض....كل يوم كانت تلتقي فيه عشان تشرحله مواده وكانت دايما تاخذ اختها معاها عشان لا يكونون قاعدين مع بعض بروحهم....

عذوب : هاا درست اللي قلتلك عنه؟؟؟

عبدالله: قطعت الدرااسه

عذوب: راح أسألك بكل شي على فكره

عبدالله: راح أسـكتج...بتشوفين

عذوب: اووكي نشووف جم راح تاخذ هالمره

عبدالله: اووف راح تتفاجئيـن

مي: والله انك متفائل وايد ههههههه

عبدالله: كلكم راح تشوفوون.... راح أصدمكم فيني

عذوب: هههههه ان شاء الله ما يكون بس كلام لان ساعتها راح أذبـحك

عبدالله: لا لا .... يلا سأليني

عذوب : how to Generate the random deviate from the distribution of a chisquare with "df" degrees of freedom random variable.

عبدالله تــنـح.....

عذوب ومي: هههههههههه

عبدالله: ماااره علي والله ماااره علي

عذوب: وبعديـــن معاااك يعني ؟؟؟

عبدالله: غيره .. غيره يلا بسررعه

عذوب: how to Generate the uniform float between low (exclusive) and high (exclusive)

عبدالله ويهه انصفق : عذوب انا شسويتلج؟؟

عذوب: عبــدالله بزنــطك

عبدالله: يعني شالأسئله الهبله اللي قاعده تسألينها؟؟؟؟

عذوب: بالله يعني انا يايبه هالأسئله من عندي؟؟؟

عبدالله: لا بس سألي أسئله فيها ثلاث أربع كلمات

عذوب: اووف منـــك.... هالسؤال عاد ان ما جاوبته مابي أشوفك مره ثانيه

عبدالله: لا لا بجاوبه يلا سألي

عذوب : how to Generate a random deviate

عبدالله: شيبيع هذا؟؟؟

عذوب صرخت: عبـــــــداللـه !!!!

عبدالله: عن أبوج شقاعده تقولين انتي؟؟؟ بس بس خلاص انا ماشي

عذوب: لااا احلــف!!!

عبدالله: اي يعني بس خلاص بديتي تنرفزيني الصراحه

عذوب: ههههه يا سلام اناا الحين اللي بديت أنرفزك؟!

عبدالله: اي يعني بس حاسس ان مافي فايده فيج .....بس تعبتيني معاج وايد...انا ماشي

وعبدالله قام سوا روحه بيمشي.....

عذوب تطنز: لا عفيه لا تروح خليك

عبدالله: لا بس خلاص وصلت حدي انا

عذوب: لا بس خلاص انا اسفه

عبدالله: يعني الواحد يطوف ويطوف بس خلاص راح يوصل مرحله اكيد بينفجر

عذوب: ميخالف انا اسفه سامحني....هذي اخر مره

عبدالله: اي يعني قاعد اطوفلج وايد انا

عذوب: ميخالف ادري انت طيب الله يعطيك العافيه....يلا استريح الحين

عبدالله : مره من المراير باخذ موقف منج....لو سمحتي تكلمي انجليزي عدل

عذوب: ههههههههه اهم شي ان مره من المراير....ان شاء الله

عبدالله: اللهم صبرك يا روح

عذوب: مشكور انك قعدت

عبدالله: لا عادي ولا يهمج .... يلا الحين شنو ؟؟

عذوب: الحين ابيك تصحصح معااي لان شكلي لازم ادرسك من اول

عبدالله: لا لا شنو من اول!!! مو فاضي انا

عذوب: بالله!!!! لا ياريت تخصصلنا جزء من وقتك الله يعافيك

عبدالله: خلاص يلا اوكي بضحي بوقتي عشانج

عذوب: لا كـريــم

عبدالله: اي والله شفتي شلون

عذوب: المهم..... تعرف ال normal distribution؟

عبدالله: من صجج ما اعرفه؟؟؟ أصلا في يوم قعدت يومين بس ادرس هالموضوع

عذوب: في يوم قعدت يوميـن!!! واااااي انت شنوو عياااار

عبدالله: كيفج لا تصدقيني.... اذا تبين سأليني فيه عشان تتأكدين بس ياريت ما تسألين لاني هالموضوع بالذات فاهمه عدل

عذوب: اهااا صــج!!! انزين شسمه ؟؟؟

عبدالله: شنو اهوه اللي شسمه؟؟؟

عذوب: الموضوع اللي سألتك فيه؟؟

عبدالله : اي واحد؟؟؟

عذوب بدت تنفعل : اللي في يوم قعدت يومين تدرس فيه

عبدالله: اهاا اللي مال توه

عذوب: ايييه اللي ماال توووه

عبدالله: اي شفيه؟؟؟

عذوب: شسمه؟؟

عبدالله: منو اهوه اللي شسمه؟؟؟

مي: عذوب انا أقولج شسم الموضوع بس خلصووني

عذوب: لا خل عبدالله يقول

عبدالله: انتي اشتبين مني بالضبط؟؟

عذوب ساكته وتعطيه العين الحمرا....

عبدالله: ليش قاعده تطالعيني جذي؟؟؟....ترى قاعده تخرعيني

عذوب: انا بسوي فيك شي اليوم

عبدالله: عذوب ترى عادي الحياه حلوه والدنيا ما تسوى....

عذوب: اووص ولا كلــمه

عبدالله: مي اووص سكتي شوي زعجتينا

عذوب: انا قاعده اكلمك انت

عبدالله: هلاا قولي ااامريني....شبغيتي؟؟؟ رقبتي سداده

عذوب: وااااااي

عبدالله: ههههه عذوب والله يعني قاعد احاول انا بس انتي لا تقعدين تزفيني وتحطيني تحت ضغط بعدين ارتبك

عذوب: بس خلاص انا ببدا أشد عليـك .... شكله ما ينفع معاك الا جذي

عبدالله: ههههههه لااااء.....انتي شصار فيج؟؟ ما كنتي جذي!! وين راحت الوداعه و البراءه اللي كانت فيج؟!

عذوب: لا بس ماكوو خلاص من يوم ورايح راح أصير شريره معاك

عبدالله: لا لا خلاص بس انتي لا تطالعيني بهالنظرات !!! قاعده تخرعيني

عذوب ساكته وتطالعه بنفس النظره اللي مخوفته منها.....

عبدالله: بس خلااص..... شفتي كل هالأقلام؟؟ ترى الحين أفرغهم بويهج

عذوب: ههههههههههه والله انت

عبدالله: تهبل...اتينن ... شي خيال

عذوب: اي انت ماكو مثلك

عبدالله: ادري فريد من نوعي اناا

عذوب: يلا الحين ان شاء الله تدرس

عبدالله: اي اي يلا سكتي شوي خل أركز

مـرت الأيام وعذوب وعبدالله بين فتره وفتره يلتقون عشان تدرسه ووايد يتناجرون مع بعض ويضحكون....واهو ما يصدق متى يقعد معاها وتدرسه عشان بس يشوفها.... وده يستفيد من كل لحظه قبل ما ينتهي الكورس ويروح كل واحد فيهم بطريجـه....
أحلى أوقاته واهو معاها حتى لو كانت بس لحظات.....

"دامه بخير"وخآلي الهم قلبه.~

"انا بخير" وهم قلبي مخليه...

سعادتي لوهي دقايق بقربه..,

تسوي العمر كله مع كل ماضيه..~

لاتسألوني ليش بالحيــــــل أحبه

ووشلون ما أحبه.~

وانا ميت فيه.!

روابي استهترت....حاشتها حالة جنون....صايره ما تتحكم باللي تسويـه...صارت تكلم شباب بس عشان تلتهي وتنسى..... ومع هذا ماكو فايده..... لا عارفه تنام ولا تاكل ولا تدرس.....بعدها يغمى عليها شكثر وتبجي يوميـا.....

روابي خذت رقم اخته من البنت اللي تصيرلهم اللي معاها بالكليه وتدق عليها بين فتره وفتره تسأل عن بنتها.....
الأخت ما تحبها ولا تواطنها بس برايها ان جوري مالها ذنب بكل هذا فتحبها وحنونه عليها....

روابي : السلام عليكم

ساميه : وعليكم السلام

روابي: اسفه على الازعاج بس بسألج....

ساميه: ادري ادري عن بنتج....زينه الحمدالله وكل شي بخير

روابي: يعني صحتها زينه وما فيها شي؟؟

ساميه: لا ما فيها الحمدالله.....وامها وابوها يعاملونها مثل ما يعاملون اخوانها

روابي ابلعت ريجها : امهاا!!!

ساميه : اي الله عطاها أم أحسن وأحن منج انتي

روابي تقطع قلبها من هالكلام وجسمها صار كله ينتفض وادمعت عيونها....

روابي: خلاص يلا مشكوره....مع السلامه
ساميه: مع السلامه

روابي عقب ما صكت الخط طاحت على الأرض وانهارت وبس تبجـي.....

بــعد جم يوم.....

كانت قاعده روابي بغرفتها وتدخن وتتذكر سعود وتبجي.... حست انها مشتاقتله حيل كل يوم كانت تتمنى ان يدق عليها يسأل عنها وعلى الأقل يعرف أخبارها...شالدنيا فيها؟؟ عايشه ولا لأ؟!

اقعد واشب النار واذكر وليفي ---
-- وبحجة الدخان ابكي على كيفي



ما قدرت تتحمل تقعد أكثر بالبيت والبست احجابها عشان لا تتناجر مع امها وطلعت راحت الجمعيه...

كانت قاعده تمشي بالجمعيـه جان فـجأه تصادف سعود واقف.... اهو كان واقف بس ما شافها....

قلبــها بدا يرقع بقووه.....كاان ودها تركض عليـه وتحضـنه وتقوله شكثر اهي بعدها تحبه ومحتاجـته.....

جسـمها كله بدا ينتفض وصارت ايدها ترجـف من الخوف !! وظلت واقفه بس تطالعه من بعيد ... متردده....خايــفه..... مو عارفه تروحله او لأ؟!

شفتك وغضيت النظر عنك خايـف

ماأبيك تلمح نقطه الضعـف فينـي

مسكت نفسي غصب ياأغلى الولايف

من كثر شوقي لك تراجف يدينـي



تــــــــم البــــارت الســابـع عشــر



بنااات فديتكم موتوني من الضحك وانتو تحسبون ... 10 و 10:01 و 10:02 و ..... لوووول حلاتكم وايد أحبكم حدي امممووااااه

بنات البارت الياي ان شاء الله اخــر باارت

فيبيله وقت فان شاء الله راح انزله يوم السبت لان راح يكون طويل وفيه وايد أحداث _03BA: :ada:

 

[همســات حالـمه]

بنااات فديتكم موتوني من الضحك وانتو تحسبون ... 10 و 10:01 و 10:02 و ..... لوووول حلاتكم وايد أحبكم حدي


اي وبقولكم ان شاء الله البارت الأخير راح اوضح علاقتي بكل شخصيه بالروايه


اممموواااااااه حق أحلى بناات بأحلى منتــدى

 

[PinKiSHo]

والله اني مت بجيييييييييييي

الله يعينها رواابي قطعت قلبييييييييي

بس ليش تنازلت ليييييييييييييييييييييييييييييييش

الله يسامح ابوها وسعوود حرموها من بنتها

 

[shaja]

واااي مو صج البارت يعطيج العافيه يا قلبي..

 

[طال الهجر]

واااااااااااي هموووس البارت قصير واااايد بس ما عليه حياتي انتي

كل شي ايي منج حلو مشكوره واااايد

وناطرتج يوم السبت حياتو ووو:eh_s(6)::eh_s(6):

وتصبحين على خير امواااااااااااااااه

 

[[لين]]

ثااااانكسسسسسسسسسسسس


​

 

[kity]

امبي روابي ليش جذي صااارت

والفاااينل ناطرينه ع احر من الجمر

بس سليمان ماله دور بهالباارت

وبعطيج العافيه وناطرينج

 

[اخت-اخوها]

كله منكم لو مطوله البارت جان عرفنا

واااي عذوب وعبود مو صج

 

[ღ TőOőma ღ]

والله حاشتني حاله كآبه من الي قاعد يصير بورابي

همووس حووبي تيك يور تايم لاتستعيلين ننطرج شورانا خخخ

البارت اينن نفس صاحبته يلا كيب ات اب

و توني تذكرت سالفه الايميل الي قتلج عنه عشان اذا بتنشرين روايتج<<فهمتي

الحين ادزلج ياها بالخاص كنت ناسيه سوري :$

يلا تيك يور تايم ولووف يووو مموااااااااااااااح

 

[~pYaar~]

مشكوووووره هموووسه حوبي عالبارت الروووعه :eh_s(6):

 

[فوفو الحلووه**]

يسلمووو هموس البارت رووعه
الله يعطيك العافيه قلبوووو:eh_s(6):

 

[UNiQe^PRiNceSs]

Wooooooooooooooooooooooi
ya 7laaat 3bdallah o0 3thooooob
alah yjm3hum e.b3a'9 golaw 2ameeeeeeeen
o0 rwabiii
shfehaaa lish chthiiii ga3da tdmr 7yat.ha o0 rou7ha !!
lish rdt 7g 6reeej el.5raaab ya rabii 3lehaaaa
mako fayda fiha ma tet3lm :0bee2e8d89:
hamoooood na6raaa youm el.aa7ad 7adiiiiii
bs 7safaaaa ra7 t5l9 el.qi9a
fi q9a thanya 6b3an 9a7:eh_s(1):
louvech o0 waiting u 3alla naaar
:ggdw::ggdw:
:ggdw::ggdw:

 

[P!NKia]

ياربى والله تعبت نفسيتى من روابى واللى يصير فيها
مالومها تستخف الله يعينها

 

[Bq]

لوووووول عبد الله حبيت شخصيته وااايد يضحك على قولته فريد من نوعي ماي نوعه

الصارحه روابي باطه جبدي لازم تسوي كنترول حق نفسها حرام جذي تسوي يعطيج العافيه

على البارت ناطرينج حدي متشوقه اعرف النهايه