استفسار بخصوص القهوى بالاستقبالات ؟

[leza_q8]

السلام عليكم ورحمة الله وبركاته ..


خواتي الحوامل والامهات العزيزات الله يسهل عليكم وييسر امركم اولا

ويسعدكم بالدارين .. آمين ثانيا

خواتي انا واختي مختلفين بخصوص القهوه الي تتقدم في استقبالات بالمستشفى او البيت

بصراحه من فتره هبوا الناس بهبه او طريقه انا ما تعجبني بس يمكن تعجب الغير وهي موضوع القهوه الي يصبونها لج وانتي طالعه عند باب الخروج مع الحلو

اختي تقول كل المدر والناس الراقيه تسوي جذيه بان تكون القهوه وحلاها يقدمونها لج عند باب الخروج وانتي طالعه

وانا بصراحه اشوفها فشله ومو حلوه الحركه " قهوه عند الباب " ليش هالضيج وعند الله السعى وبسرعه بسرعه علشان تمشين ودور وراج يبي يطلع

وحلاته تكونين منقبه تعالي فصخي دسوسج ونقابج وشربي بسرعه القهوه وحلاها جنج بمسابقه " هاذي صارت لي " لويتي ودثرتي وايد عبايه راس فوق عبايه العاديه او بدله " بصراحه تبهدلة

انا براي القهوه والحلا يتقدمون لضيوفج وهم قاعدين ومرتاحين .. كلها دقايق ما تضر ولا تزحم

واختي تقولي انتي قديمه وموديل قديم الحين بس يقدمون عصير وماي والقهوه عند باب الخروج

مممممم وانا مو راضيه اقنع ابي اسوي الي تعلمت عليه من سنين

وقمت وبحثت باصول الضيافه والاتكيت العربيه والغربيه مالقيت ان هالحركه هذي من الاتكيت او الاصول في التقديم عند كل من العرب وغرب

وحتى بالغرب عيب مو مفروض تقدمين لضيوفج اي شي للاكل او شرب عند انتهاء اومسيتهم في منزلج او انتهى عزيمتج او وليمتج او مناسبتج

الا الهدايه البسيط " يسمونه كدوه او سوفنونير " للذكرى

بس الاكل والشرب يكون داخل مكان العزيمه __ وعند الباب الناس تسلم ويودعون بعض بس

حتى الحركه مو موجوده لا عند حضر وله بدوا

وانا احضريه مو مستسيقتها ابد

وبنات صار لي موقف انا واختي هذي وامي لحبيبه رايحين استقبال ولاده بالمستشفى المهم تونى قاعدين بعد ما سلمنا وتحمدنا لهم بالسلامه ودعينه لهم بالصحه والعافيه تونى قاعدين ما صار لنا ربع ساعه وله نشوف هالفلبينيه الي عند الباب تأشر لنا بالقهوه والفنيال وانا امي نطالع بعض شتبي المهم ما فهمنى الحركه اشوي وله لا المره مستمره اختي تقولي يعني تقول لكم قوموا خلاص اقولها من صجج انتي لا مو مستحيل

اشوي وله تجينى الفلبينيه وتقولنا مدام قهوه ردت امي قالت اي يزاج الله خير وله تأشر على الباب الخروج لامي يعني واضحه قومي شربي قوهتج عند الباب وروحي

بصراحه تضايقة شنو هذا احنى ما صار لنا رب ساعه من قاعدين بعدين والله ما مدى امي ترتاح من طريج امي مره كبيره وجزاها الف خير يايه ومتعنيه وماشيه وراكبه دري وموجبتهم تالي جذيه ؟؟

طولت عليكم بالكلام اسموحه


بنات انتوا شرايكم مع راي او راي اختي ؟

اسوي طريقتي وله طريقتهم ؟

ومنكم ان شاء الله نستفيد ونتنور والي عندها راي او تشوف الموضوع من زاويه مختلفه تبصرنا ؟

واكون شاكره لكم جدا

 

[أم القمرين]

حبيبتي يسعدنس وسشرفني اكون اول من رد علة موضوعج الحلو

انا بعد مفسج كلش موعاجبتني الحركه هذي مع اني مسويتها بس شسوي غصبن علي

شوفي اذا سويتي طريقتج القديمه على قولة احتج بانه تقدمين القهوه والحلو والناس قاعدين ترى محد راح ينقد ولا راح يستغربون لان هذا الاساس وهذى المتعارف عليه محد راح يقول والله حركه قديمه بالعكس راح يستانسون اكثر بانج ضيفتيهم واهم قاعدين

اما اذا سويتي الطريقه الموددرن على قولتهم هم ماراح احد يتكلم

بس تدرين شنو الهدف من انه الناس صارت تقدم القهوه والحلو عند الباب وقت الطلعه لان الناس داخله طالعه وفي ناس تكون توهم ياين وناس صارلهم فتره قاعدين فمايقدرون يقدمون للي توهم ياين قهوه ولا يصير يطنشونهم ويقدمون للي من زمان موجودين يعني صارت لويه الساله عشان جذي قالو احسن شي اللي طالعه تشرب قهوتها واهي طالعه واهي قاعده في ناس تقدم عصير وناس تقدم جاي مع معجنات صغار والقهوه تصير عند الطلعه عشان ما تطول القعده هذي اهي السالفه كلها

 

[بنت الجليب]

اكيد عيب وفشلة شنو هذا انا اول مرة اسمع فية بس المفروض تقولي للاختج هذا عيب يا عمري وانا افضل ان اكون متواضيعة لاني مو بنت شيخ

 

[meen_ana]

ماادري كلش مو حلوة الحركه احس جنها طردة

 

[بدوره 22]

اممممم


الطريقتين ما فيهم شي

بس الطريقه الي كلنا متعودين عليها الي هي تفترون بالحول ودلال القهوه

انا احس انها محتاجه لمكان شوي كبير ومحتاجه لمتابعه من اهل المكان

يعني الفلبينيه ما راح تنتبه على منو توها دشت ولا منو صار لها ساعه قاعده

لازم انتوا اتابعونها لان ما يصير تقهوي الكل بوقت واحد

 

[دلوعة المطران]

اول مره اسمع بهالطرييقه شنو ماي سبيل عند الباب اتقهوى واكيد انا ضدها شدعووه تقهوى المراا عند الباب انا اللي اعرفه ان المرا تقهوى وهي قاعده وتسولف وشدعوه الحريم يطولون بالقعده حدهم ربع ساعه وتمشي وفوق هذاا تبوون تقهوونها عند الباب جنها تطر .. مادري هالطريقه من وين ماخذينها ..

والله اذا هالطريقه هبوا فيها موبعيده يجي وقت مايقووهونج ويعطونج عند الباب دله قهوه تقهوين في بيتج .. <<قرقيعان مو قهوه ههههههههه

 

[معشووقة السفر]

مادري بس احس فشله هالحركه اضيفهم عند الباب
المعروف القهوه والحلو ضيافه للضيف بوجوده مو بطلعته وهذي عادات العرب

 

[leza_q8]

مشكورين يابنات ماقصرتوا حبايب


يعني الأغلبيه مأيده رأي مممممممممممممم حلو كثير

 

[ياوحشة غيابك]

امبيه والله فشله تقهوينهم عند الباب جنج تطردينهم لا حبيبتي قهويهم وهم قاعدين احسن

 

[جوري 2007]

انا نفسج موعاجبتني الحركة كلش كلش اكلي الحلو بسرعة وتقهوي بسرعة وانا نوعي احب اشرب القهوة على راحتي ، انشالله اذا ولدت ماراح اسوي الا اللي انا مقتنعة فيه الحلو والقهوة والضيوف قاعدين ، وموشرط الفليبينية تقدمه اي احد يقدمه الخوات او القرايب عشان يعرفون منو اللي توة داش ومنو اللي صارله فترة
مشكورة على الموضوع لانه صارلي فترة افكر فيه
والمشكله يقدمون شاي والضيوف قاعدين واحنا نعرف ان الشاي يطول شربه اكثر من القهوة ، اما الحلو يقدمونه عند الباب عشان لايطولون الاوادم
اشهالمنطق

 

[leza_q8]

مشكورين عساكم على القوه

للرفع


سبحان الله وبحمده سبحان الله العظيم

 

[ماسة الاسلام]

آنا صراحه معاج

اصلا هذي مو من عادات العرب ولا اظنها من الاتيكيت

امبيه قاعده اتخيل الحريم عند الباب

لوووووووووول شكلهم غلط

آنا أعرف بس التوزيعات عند الباب

بس القهوه والشاي العصاير فطاير حلو قهوه كله داخل

 

[um khaled]

كلش مو حلوه هالحركه حلات القهوه مع السوالف والتحمد بالسلامه مو طرده
بس صح التوزيعات عند الطلعه

 

[باربي22]

والله خربتوا سلوم العرب يالجيل الجديد
شنو قهوه عند الباب وين الاحترام
سالفه جديده
ولاهي من طبع البدوا ولا الحضر
انا اعرف الاختلاف الوحيد بين البدو والحضر بالتقديم ان الحضر يقدمون الشاي قبل القهوه وحنا عندنا القهوه اول
من اصول الضيافه العربيه اول شي القهوه لين يشبع الضيف ويهز فنجاله مو طراره عند الباب لا واشربي وانتي واقفه
ترا العادات والتقاليد حلوه وكنز حااولوا تتمسكون فيها عشان ماايكون عندكم فقدان هويه

 

[MZajEyA]

انا سمعت بهالطريقة بس ما عجبتني


و سوي اللي يريحج مافي شي اسمه قديم و يديد بهالموضوع و اللي يبي ينقد ماعنده سالفه

انا لو وحدة بتقهويني عند الباب صراحة ماراح اتقهوى .. مو ميته عالقهوة عشان اتقهوى عند الباب

اقعد بيتنا على راحتي و اتقهوى .. في ناس تفهمها جذي نفس طريقتي

و في ناس تقول لا و الله فنتق و حركة يديدةة و مودرن نفس اختج
و الحريم الحين كل شي يديد و غريب فنتق عندهم و مودرن حتى لو شنو بس المهم طالعه طلعه

 

[Happy& butifull]

مساء الخير
انا رايي من رايج حدها بايخة حركة القهوه عند الباب واكيد محد راح يتقهوى اطلع ابرك لي من الوقفة عند الباب

 

[Om Noooono]

انا بصراحه مو مقتنعه بالقهوه عند الباب
وانشاءالله باستقبال ولادتي بقدم القهوه للضيوف واهما قاعدين ومرتاحين
واهم شي ان السيرفس يكون سريع ومنتبهين للضيوف

وتأكدي أختي أهم شي القناعه --ولاتسوين شي مومقتنعه فيه علشان انه مودرن

 

[om_dodo]

حتى انا مرت على .. ما حبيتها .. تقبلى مرورى

 

[aengineera]

حبوبة انا بنات خالاتي كلهم سوها سالفة القهوة عند الباب بس بصراحة وايد بايخه مثلا انا ماحب اشرب شي وايد حار احب القهوة دافيه شلون انطر عشر دقايق واقفه ولا يالله اخذي من هالحلو ولا هالحلو بسرعه بسرعه جنه احد يركض وراح لا والداهية لما ناس داشة وناس طالعه بنفس الوقت ويعرفون بعض شوفي اللوية اللي يم الباب تصير
ليش عاد الزحمة والناس واقفين يم الباب وعند الله سعه الكراسي كلها فاضية
انا مو متكلفه وحاطه هالمكان الراهي الا عشان الناس ترتاح وانا اسوي شي سنع
بس انا يوم ولادتي ما سويت هالحركة وبالعكس امي وخالاتي كلهم استانسو ايقولون جذي احسن
العيب الوحيد ان اللي يقدم ان كان من الاهل ولا الفلبينيه لازم يكون صاحي ومثبت منو اللي عطاه منو لا وهالحجي
احنا نقدم العصير والجاي اول شي مع الفطاير
وبعدها القهوة والحلو
ويم الباب يكون السيفونير

 

[الفرحه السجينه]

اول مره اشوف احد يقهوي عند الباب شنو طرده ؟ ناس عازمتهم المفروض احطهم على راسي واقدرهم مو اوقفهم دور عند الفلبينيه عشان فنجال قهوه جنهم طابور عند الخباز اصلا لو انا ما اتقهوى وين الواحد بيشرب القهوه عدل ولا ياكل الحلو واهو واقف اصلا قمة الاحراج وخاصه لا صاروا الناس داشين وطالعين بوجهج

يعني اهم قعدوا خمس دقايق ليش ما يقهوونهم واهم قاعدين يعني منشفين ريج الضيوف جنه معاقبينهم


وين اصول الضيافه والسنع اش هالعادات الغريبه ماكو ذوق كلش


عاد عند البدو عييييب ما تقهوين الناس وتباشرينهم اول باول يقولون هذي حاقرتنا ويزعلون وين امي وجدتي يشوفون هالعاده الجديده ههههه هذي فيها قباااايل ودم للركب خخخخخخخخخخخخخخخخخ