تجمع موظفات البنوك

[ma3moolah]

إأممم قصدي الي قلتي عنه من ال4 لي 8 يومين بالاسبوع قصجد عن شنو هذآ؟ يعني ادوآم الصبح وهذآ دوآمي العصر على طول الي قلتي عنه وإلآ شنو؟

هلا حبيبتي بالنسبة لدوامنا يكون من الأحد لين الخميس و إحنا الموظفين نداوم من ثمان ونص لين ثلاث العصر إذا ما عندنا دوام عصر
وإذا عندنا دوام عصر من الثمان ونص لين الوحدة ونص
والعصر يبدي من أربع ونص لين الثمان هاذا بالنسبة لدوام الموظفين


أما بالنسبة لإستقبال العملاء يكون من 9 لين 1 الظهر والعصر من 5 لين 8 بالليل

والموظفين يشفتون بينهم بحيث إن الموظف يداوم بس يومين بالإسبوع عصر وهاذا يكون على طول جذي يعني الموظف مجبور يداوم هاليومين


وعلى فكرة الخميس مافيه دوام عصر بس صبح

بنات آنا أتكلم عن دوام بنك الكويت الدولي ما عندي فكرة عن دوام البنوك الثانية

أتمنى اكون افدتج :eh_s(6):

 

[ma3moolah]

انا بسأل

تنصحووون بدوام البنوك ولا لا؟؟؟

يعني تنصحوني اذا تخرجت اشتغل في بنك؟؟؟؟؟؟؟؟

بصراحة آنا انصحج بدوام البنوك بصراحة وايد حلو معاش اكثر وبونس أكثر وعلى كثر ما تشتغلين يكافئونج وبدل تذاكر وتامين صحي حق المستشفيات الخاصة وكفاية المكان يفتح النفس وحلو ومسفط سيارتج موجود على طول ومكتبج بروحج
محد يجيسه غيرج والمكان نظيف ويريح النفس وسلامة عمرج

هاذا بالنسبة لرأيي آنا مادري عن راي البنات

 

[ma3moolah]

ودي اتوظف ببنك بس يقوولون كراف وانا كسوله

هلا حبيبتي بالنسبة للكراف كل مكان موجود حتى بالبيت نكرف لوووووووووول:krkrkr:

بس ما عليه مع مرور الوقت راح تتعودين
وموفقة حبيبتي

 

[ma3moolah]

حبيباتي يصير اقدم على البنك وانا سعودية زوجي كويتي والدبلوم شرط من التطبيقي او الجامعة ولاعادي معاهد خاصة بلييييييييييييييز اللي ترد علي لها دعوووووووووووة

هلا حبيبتي
يصير تقدمين على بنك لأن في معانا موظفين سعوديين بس بالنسبة للشهادة والله ما عندي فكرة
وموفقة يارب

 

[ma3moolah]

رد: بلييز ردو علي

سلام

بنات بليز ردوا علي من امس سالت عن البنك الدولي محد رد علي ؟
ابي اعرف شلون مستوى البنك و شلون معاشات الجامعين و طبيعة دوامهم ؟ يصير يعينونج بالرئيسي على طول بلييز اللي عنده اي معلومات مفيدة يرد علي ضروري

هلا حبيبتي ولا تزعلين:eh_s(6):

مستوى البنك زييين إهو بنك إسلامي واكثر تخصصه يكون بالعقارات والشركات وفيه طبعا عندنا عملاء نفس باقي البنوك

وبالنسب لمعاشات الجامعيين أتوقع فوق 1100 لأني بصراحة دبلوم والله ما عندي فكرة متأكدة منها عن الجامعيين وطبيعة دوامهم تكون نفسنا صبح وعصر يومين بالأسبوع هاذا إذا كان فروع اما الرئيسي يكون من السبع ونص لين أربع كل يوم
ويصير يعينونج بالرئيسي على طول بشرط يكون عندهم نقص موظفين أو بواسطة قوية جدا جدا:eh_s(6):

وأتمنى اكون افدتج

 

[ma3moolah]

بنات امس رحت امتحنت في برقان طبعا خرتها عدل اللهم لاحسد

والله كريم

موفقة حبيبتي
والله يكتب لج اللي فيه الخير

ما عليه كلنا خرناها بالبداية :krkrkr:

 

[ma3moolah]

بنات انا رفيجتي دقو عليها البنك الاهلي بس اهيا مقدمه من زمان تقول وقالو لها عندها امتحان تحديد مستوى عشان يعرفون اي قسم يحطونها شنو ينعني ؟؟ وشنو تتوقعون الاساله ؟؟ هل اهما يقصدون نفس امتحانات البنك الوطني اللي انجليزي ورياضيات ؟؟

هلا حبيبتي
بالنسبة للإمتحان يكون بس إنجليزي آنا من فترة قريبة ممتحنته بالدولي والإمتحان يكون عبارة عن أسئلة عامة وبعض الأسئلة اللي متعلقة بمصطلحات البنوك
وبصراحة الإمتحان مو سهل وايد يبيله تركيز

والله يوفقها يارب

 

[ma3moolah]

السلام عليكم


حبيت أسال عن معاش جامعي في بنوك ؟؟

في معاش تقاعدي وجم ؟؟


يعطيكم العافيه ومفقين




​

هلا حبيبتي

بالنسبة للمعاش مومتأكدة بس يمكن 1100 أو فوق أو أقل لأني دبلوم
وبالنسبة للمعاش التقاعدي في عندنا تقاعد بس ما أدري جم بالضبط لأن يكون كل موظف غير عن الثاني على حسب معاشه وسنوات عمله
وأتمنى أكون أفدتج
وحياج حبيبتي

 

[ma3moolah]

أتمنى أكون جاوبت عالكل


أشوفكم على خير يارب

 

[فتاة الجبل]

تسلمين حبوبة ما قصريتي

 

[ツ Βαbŷ Fąčę ツ]

يعطيج العآفيه مآ قصرتي بس عندي سؤآل اخير .. إذآ مآنجحت بالاختبآر يوظفوني عآدي ؟

 

[{NoNa}]

بنات البنك الدولي.....انا مشتغلة في بنك الخليج سنتين وبوبيان هم سنتين وانشالله يقبلوني بالدولي
بس حبيت اسأل اشلون البنك ؟؟!! معاشاتهم اوكي و لا لأ؟!!
انا دبلوم محاسبة يعني جم راح يعطوني؟

 

[ma3moolah]

يعطيج العآفيه مآ قصرتي بس عندي سؤآل اخير .. إذآ مآنجحت بالاختبآر يوظفوني عآدي ؟

هلا حبيبتي
بالنسبة للإختبار مهم بس إحتمال إنتي تكونين زينة بالمقابلة فيقبلونج على أساس المقابلة
وكله توافيج من رب العالمين والله يكتب لج اللي فيه الخير
:eh_s(6):

 

[غلا الأيام]

هذي اكيد هنادي الرقم اللي قابلتج :dddds:

بعدين شكو القرار الحين يشمل حتى اللي يدرسون ماستر؟ خير ان شاء الله شصاير بالديره ينوا وقعدوا ولا شنو بالضبط؟

والله نسيت اسمها مو متأكدة اذا اهية الي تقصدينها ولا نووو ( بس هذي المتحجبة ) مو الثانية الي شعرها قصير


والله على حسب كلامها يشملني لان عمري 22 ، يا امعودة الله يستر بس


تنصحين في بنك التجاري ولا نوووو!!! ، انا خالي قال روحي حق شركات تأمين أحسن دوااام واحد ونفس معاش


البنوك ، بس المشكلة اني ما اعرف اي شركة تأمين زينة ، وما عندي واسطة وكل مكان واسطات


والله شكلي يضحك امصورة شهادتي واوراقي 3 نسخ وقاعدة افتر على البنوك جني مينونة

:bbbiu: الي بدرجة السايق قال لي اخر شي ماما انا راس مال انا يدور!!! انتي سنو يبي !!!

 

[بازوكه]

النظام المتكامل اللي هو تتسجلين بالتأمينات عشان يصير استقطاع من راتبج كل شهر حق التقاعد
انتي بس قوليلهم حطوني عالنظام المتكامل و بس هم يعرفون شغلهم

مشكوورهـ يالغاليه

 

[^^ROSE^^]

والله نسيت اسمها مو متأكدة اذا اهية الي تقصدينها ولا نووو ( بس هذي المتحجبة ) مو الثانية الي شعرها قصير


والله على حسب كلامها يشملني لان عمري 22 ، يا امعودة الله يستر بس


تنصحين في بنك التجاري ولا نوووو!!! ، انا خالي قال روحي حق شركات تأمين أحسن دوااام واحد ونفس معاش


البنوك ، بس المشكلة اني ما اعرف اي شركة تأمين زينة ، وما عندي واسطة وكل مكان واسطات


والله شكلي يضحك امصورة شهادتي واوراقي 3 نسخ وقاعدة افتر على البنوك جني مينونة

:bbbiu: الي بدرجة السايق قال لي اخر شي ماما انا راس مال انا يدور!!! انتي سنو يبي !!!

والله مادري جان تحجبت ولا لأ
بس الي اذكرها سمره مو متحجبه

عموما اذا تبين بنوك قدمي بوبيان والاوسط يبون حاليا
الاوسط ممتاز ومعاشات الجامعيين قويه
اظن 1350 اذا بفرع رفيجتي هناك و تداوم العصر بس يومين
بس الحين صار دوام البنوك شفت واحد نفس شركات التأمين يعني مافرق

وترى حالج حال اغلب الخريجين نفسج يفترون من مكان لي مكان شتسوين بعد

وعلى فكرة سالفه ان القرار يشملج لانج 22
مابي احبطج بس ترى انا عمري 30 بس لاني ادرس مايعطوني دعم عماله بغيت اذبحهم ذاك اليوم من القهر
تخيلي يقولون ماكو سن معين اي طالب يشتغل مايستلم دعم العماله
اكو اكثر من جذي ظلم؟

 

[غلا الأيام]

والله مادري جان تحجبت ولا لأ
بس الي اذكرها سمره مو متحجبه

عموما اذا تبين بنوك قدمي بوبيان والاوسط يبون حاليا
الاوسط ممتاز ومعاشات الجامعيين قويه
اظن 1350 اذا بفرع رفيجتي هناك و تداوم العصر بس يومين
بس الحين صار دوام البنوك شفت واحد نفس شركات التأمين يعني مافرق

وترى حالج حال اغلب الخريجين نفسج يفترون من مكان لي مكان شتسوين بعد

وعلى فكرة سالفه ان القرار يشملج لانج 22
مابي احبطج بس ترى انا عمري 30 بس لاني ادرس مايعطوني دعم عماله بغيت اذبحهم ذاك اليوم من القهر
تخيلي يقولون ماكو سن معين اي طالب يشتغل مايستلم دعم العماله
اكو اكثر من جذي ظلم؟

مشكورة حبيبتي وايد استفدت منج والله يعطيج العافية ، انا ابي اعرف شنو هل الظلم مو حرام عليهم ما يخافون من ربهم


صاير كل مكان في الكويت خرابيط وبلاليط



انزين حبيبتي ما تدرين وين مكان بنك الاوسط الرئيسي حق الموارد البشرية؟؟؟ أو شنو شروطهم ؟؟وشنو المستندات المطلوبة ؟؟بجرب حظي اهنااك شسوي بعد


انا ابي مكان شفت واحد، عشان احتمال اكمل ماستر بليل، ما ادري ليش وايد مدحولي شركات التأمين

 

[ma3moolah]

للرفع

 

[كلي رومانسية]

مشكورة حبيبتي وايد استفدت منج والله يعطيج العافية ، انا ابي اعرف شنو هل الظلم مو حرام عليهم ما يخافون من ربهم


صاير كل مكان في الكويت خرابيط وبلاليط



انزين حبيبتي ما تدرين وين مكان بنك الاوسط الرئيسي حق الموارد البشرية؟؟؟ أو شنو شروطهم ؟؟وشنو المستندات المطلوبة ؟؟بجرب حظي اهنااك شسوي بعد


انا ابي مكان شفت واحد، عشان احتمال اكمل ماستر بليل، ما ادري ليش وايد مدحولي شركات التأمين

مقر بنك الكويت والشرق الأوسط الرئيسي في مجمع البنوك المشترك ، قبل مواقف البلوكات للأقمشة ، وقسم الموارد البشرية الدور الثاني خاص للتوظيف . ربي يوفقج إن شاء الله .​

 

[LaDantel]

قوه بنات ...

بغيت اسألكم .. انا تخصصي بكلريوس كمبيوتر .. وحاليا اشتغل بالقطاع النفطي و معاشي تقريبا 1100

قاعده افكر اروح بنك بوبيان ... بس ما ادري .. ابيكم تعلموني شلو احسن للدوام ؟؟

فروع و لا قسم لاكمبيوتر ؟؟؟

جم فرق وقت الدوام بين الفروع و قسم الكمبيوتر ؟

جم فرق المعاش بينهم ؟؟

جم البونصات ؟ و متى تنزل ؟ وشنو المميزات بشكل عام ؟