البــارت الثـالـث عشــر
روابي قاعده تصرخ من العوار وسعود خاف وارتبك بالبدايه وما عرف شلون يتصرف....
سعود خايف : قومي خل اوديج المستشفى
روابي بصراخ وبجي: اااي بطني سعود بطني يعوورني
سعود يبلع ريجه: حبيبتي قومي شوي شوي
ومسكها يبي يرفعها ويمشيها....
روابي: سعود عباتي
سعود متدوده: اي وينها؟؟ قعدي شوي اهني خل اييبلج اياها
وراح ركض اييبلها العبايه ولبسها اياها وركبها السياره وراحوا المستشفى...
بالمستشفى....
سعود خايف: ها دكتور شفيها؟؟؟ الياهل فيه شي؟؟؟
الدكتور: لا لا الحمدالله يات سليمه وما فيها شي بس شكلها قاعده تعاني من ضغوطات واجهاد نفسي وهالشي خطر على صحة الياهل وصحتها بعد
سعود سكت وبلع ريجه: يعني دكتور الحين ما فيها شي؟؟
الدكتور: لا لا تحاتي بس قلتلك اذا استمرت جذي نفسيتها تعبانه فيها خطوره على صحة الياهل يعني دير بالك على مرتك وخذها البيت الحين وخل تحاول ترتاح كثر ما تقدر
سعود: ان شاء الله دكتور....أقدر ادخل اشوفها الحين؟؟
الدكتور : اي تفضل
دخل سعود عليها وكانت على الفراش وواضح عليها التعب....
سعود: روابي شلون صرتي؟؟؟
روابي : احسن
بدت تبجي.....
سعود: حبيبتي لا تبجين.....ما تشوفين شر ان شاء الله
من غدر الايام جيتكـ كارهه نفسي
لوقلت وش فيكـ بكيت وقلت محتااجكـ
روابي: الشر ما اييك
سعود: سامحيني بس انتي نرفزتيني وخليتيني اسوي اللي سويته
روابي: مو مشكله
سعود حط ايده على راسه وبدا يقرا عليها قران...... خذاها بعدين البيت...
سعود: تبين شي؟؟ محتاجه اييبلج شي؟؟
روابي: لا مشكور بنام الحين
سعود: خلاص ... اذا احتجتي اي شي قوليلي
روابي: انزين....مشكور ما تقصر
سعود: انا بالصاله ناديني اذا في شي هاا
روابي: لا تروح خلك معاي
سعود انكسر خاطره: خلاص انزين
قعد معاها وظل طول الليل يقرا عليها.... وروابي على كثر ما تعبت في ذاك اليوم بس كانت مرتاحه لوجوده يمها...
رهف عند عذوب في بيتها....
رهف: شلون كانت طلعتكم أمس؟؟
عذوب: والله كانت حلوه واستانسنا
رهف: زين حلوو
عذوب: اي ورحنا خوش مطعم والأكل كان اينن بس ما عرفت اكل مثل الناس
رهف: هههههه ليش؟
عذوب: شسوي كنت مرتكبه حدي
رهف: ههههههه اي عادي شي طبيعي..... انزين وشنو تحسين فيه ؟؟
عذوب: اممممم مادري والله بس مرتاحه اكثر من اول
رهف: الحمدالله زين اشوه
عذوب: اي والله
رهف: خلااص ما بقى شي هااا
عذوب: ايييه كل ما يقرب الوقت اخترع اكثر
رهف: اي اكيــد شي يخرع
عذوب: شفيج؟؟ احسج وايد هاديه اليوم؟
رهف: لا عادي يمكن عشان مو نايمه عدل فدايخه شوي
عذوب: اهاا اوكي
رهف: عذوب بسألج
عذوب سألي
رهف: انتي مقتنعه مليون بالأميه ؟؟؟
عذوب: اووه رهف وبعدين؟؟ جم مره تسأليني هالسؤال؟؟!
رهف: لا بس ما ابيج تسوين شي انتي مو مقتنعه فيه
عذوب: لا للمره الألف وايد مقتنعه انااا
رهف: خلاص اوكي بس بغيت أتأكد
روابي يومـين ما داومت بالكليه عشان ترتاح....مثل ما ذكرت قبل سعود ما يخليها تطلع الا حق دوام الكليه وبيت اهلها اليمعه.... سعود بهاليومين عندها كان احن عليها من كل مره....
روابي: اليوم رايح عندها صح؟؟
سعود: اي لازم
روابي كان ضايق خلقها شوي....
سعود: امشي خل اطلعج أغديج بره
روابي: والله؟؟؟
سعود: ههههه اي شفيج؟؟ والله
روابي استانست : يلا الحين ارووح البس
ولبست وطلعوا تغذوا بره وقامت تحس ان جنه رجع سعود اللي كانت تحبه قبل...
سعود: تبين تروحين السنما بعدين؟؟
روابي مو قادره تصدق: صجج؟؟
سعود: اي صج ... ما ودج؟؟؟
روابي: اي امبله اكيييد ودي
سعود: اليوم انتي بس تدللي
روابي: بعد عمري والله
سعود: ها باجر راح ترجعين تداومين صح؟؟
روابي: اي مضطره
سعود: يلا ميخالف هانت ما بقى شي ويخلص الكورس
روابي: اي اشوه
سعود: يلا عاد شدي حيلج عشان تتخرجين
روابي: ان شاء الله
وقعدوا يسولفون وبعدين راحوا مجمع عشان يدخلون سنما... روابي كانت تحس هذا من أسعد أيام حياتها....مو مصدقه انها طالعه جذي علني معاه جدام الناس وماسك ايدها بعد....بغت تبجي من كثر الفرحه....
مـر أسبوعين وسعود ماسك نفسه وكلش مو قاعد يعصب عليها ولا يطقها بس ساعات يكون مزاجي معاها وينفس عليها فجأه....
سعود معصب: وينج؟؟
روابي: شفيك؟؟ في بيت اهلي انت عارف هالشي
سعود: ليش وايد هدوء؟؟؟ ماكو صوت؟!
روابي: سعود شفيك لان قاعده بغرفتي!!
سعود: حلفي انج في بيت أهلج؟؟؟ والله شكلج هايته مادري وين
روابي: من صجك انت؟؟؟ تعبانه ودخلت انسدح
سعود: خلاص خلاص
وصك الخط بويههااا...
اهيه عادي قامت تتحمل ووتعودت منه هالحركات وتطوفله بس عشان لا تخسره....
تعال اظلمني بلاذنب وحســــــــــــــــــاب
ظلمك ولاعـــــــــدل الزمن في غيــــــــــــــــــابكـ
روابي كانت تحاول ترضيه بأي طريـقه....كل شي قاعده تسويله من غير ما تشتكي او يضايقها هالشي....حاطته بعيونها ورافعته فووق...وتحاسب نفسها على كل شي عشان لا يتغير عليها مره ثانيه ويرجع جاف وقاسي معاها...
بالشقه....
سعود: روابي
روابي: يا عيون روابي....ااامرني
سعود: بغيت بس اعرف وين الملف اللي كنت يايبه معاي اليوم
روابي: اي جنه كان موجود بالغرفه...اروح اييبلك اياه؟؟
سعود: ياريت والله بس تتأكدين اذا موجود
روابي: بس جذي؟؟ الحين أقوم ادورلك اياه
راحت شافت وينه وارجعت....
روابي: اي لقيته بالدرج
سعود: تمام اشوه
روابي: سعود تبي أسويلك شي؟؟؟ ما تبي تتعشى؟؟
سعود: والله اي يوعان
روابي: شنو تبي اسويلك؟؟
سعود: امممم مادري فاجأيني بشي من ايدج الحلوه
روابي كل ما تسمع منه كلمه حلوه ودها تقط نفسها بحضنه....
روابي: حاااضر الحين احضرلك شي
لبيه حاضر وش اللي تطلبه قلي
قلي وش اللي تبي وابشر بمطلوبك
بس انتبه ..؟ لا تناديني وانا اصلي
اخاف اترك صلاتي والتفت صوبك
حضرتله العشا وقاعده معاه بس تطالعه وساكته لان ما ودها تتكلم وتزعجه...
سعود: شفيج؟؟ ليش ما تاكلين؟؟
روابي: يلا الحين باكل
سعود: حلو والله لذيذ
روابي: بالعافيه يا بعد قلبي
سعود: ها شلون الفاينل؟؟
روابي: الحمدالله...باقي أسبوع واخلص
سعود: الله يعينج...موفقه ان شاء الله
روابي: ان شاء الله....وانت شلون دوامك؟؟؟
سعود: والله ماشي الحال
روابي: أصبلك بعد عصير؟؟
سعود: لا لا مشكوره....انا شبعت
روابي: بالعافيه حبيبي
سعود: الله يعافيج....انا رايح انام الحين لان ما نمت عدل الظهر
روابي: نوم العوافي بعد قلبي
سعود: الله يعافيج ... يلا تصبحين على خير
روابي: وانت من أهله
سـعود دخل الغرفه ونام وبعدها بساعه لحقته روابي ونامت....
اهيه ونايــمه وعت فجأه على صوت سعود.... كان قاعد يصلي الفير ويبجي ويدعي ربه بصوت عالي....
سعود: يارب خليلي عيالي....ياارب ما ينهدم بيتي....يارب ريحني وريح بالي وبال مرتي وعيالي.....ياارب صبرني على اللي انا فيه....ياربي انا تعبت وابي استقر فبيتي بين عيالي.....
روابي واهيه تسمعه يدعي ربه جذي بدت تبجي من غير صوت وسوت روحها نايمه وما قامت....اهني حست انها خلاص كأنها عله بقلبه....حست انها ولا شي بالنسبه له واهوه معاها بس عشان يشفق عليها.....حست انها أنانيـه و دام راحته مع مرته الأولى وعياله خلاص تبي تطلع من حياته.....قررت ان عقب ما تولد تطلق منه ويصير فيها اللي يصير....
ثـاني يــوم....
سعود: اي ساعه تخلصين من امتحانج اليوم؟؟
روابي: الساعه 11
سعود: اوكي
سعود دايما يسألها متى تخلص من الكليه عشان بس ترجع يقفل عليها الباب ويروح....لان بعده ما يثق فيها ويظل يشك فيها....
عبدالله كان مستانس انه بس باقي اسبوع ويرجع الكويت....
يكلم ريم بالتلفون...
عبدالله: ها ريم...شلونج؟؟؟
ريم: الحمدالله تمام وانت؟؟؟
عبدالله: شفيج لا تدقين ولا تسألين؟ كله انا اللي ادق عليج
ريم: شسوي والله غصبن علي بعد انت عارف ظروفي
عبدالله: اي ادري اضحك معاج ... شلون الأهل؟؟
ريم: والله كلهم زفت
عبدالله: وييه بعدها المشاكل؟؟
ريم: لي باجر
عبدالله: انا راجع الثلاثا الياي
ريم: لا والله!!!!
عبدالله: شفيج؟؟؟ انا قايلج من قبل
ريم: مادري والله نسيت
عبدالله: اهااا نسيتي....اي اوكي
ريم: شفيك عبدالله؟؟ ما أقصد بس يعني راح عن بالي...بس يلا الحمدالله ان شاء الله ترجع بالسلامه لان صج فاقدتك حيــل
عبدالله: وانا بعد فاقدج وايد
ريم: أقهر شي انه كلها شهر وبترجع تسافر
عبدالله: بعد شسوي غصبن علي والله!! عادي كورس واخلص من أمريكا
ريم: اي الحمدالله اشوه
عبدالله: مو قاعده تروحين حق رهف انتي؟؟؟
ريم: لا والله صارلي فتره ما رحت..... مو قاعد يمديني اسوي شي
عبدالله: اي والحين بعد فاينل!! شدي حيلج ها
ريم: ان شاء الله وانت بعد
عبدالله: اي... يلا عيل اكلمج بعدين
ريم: اوكي
عبدالله: مع السلامه
ريم: مع السلامه
بليـل كانت قاعده روابي بروحها وتدرس بالصاله..... ما كان سعود عندها لان اليوم عند مرته الأولى.....
اهيه وقاعده على القنفه ومندمجه تدرس جان ينفتح الباب بقووه ولا سعود داخل وعيونه حمررر ومعصب حيــــل.... روابي شافته جذي وماتت خوف....
روابي: سعود!!!
سعود ياه لي عندها وسحبها من شعرها ودزها على القفنه وبلش يطقها واهيه بس تصررخ وتبجي....
روابي: سعووود شفيك؟؟
سعود يصرخ: مرتي طرحت بسبتج!!! عيالي كانوا ينطرون اخوهم وشوفي شنو صار كله منج!!
روابي: سعود ليش تطقني انا شعلي
سعود: ما طاح الياهل الا من كثر ما كانت مرتي نفسيتها تعبانه وكل هذا بسببج يا.......
روابي صارت على الأرض وتبجي.....
سعود: وانتي اللي محد يبي اللي ابطنج ما فيج شي مالت عليج
وبس يعطيها طراقات ويسبها واهيه صارت على الأرض مستسلمه....
اجرح مدام الجرح فيني يسليك
اجرح عساك تكون السبب في وفااتي
سعود يصرخ: انتي متى الله ياخذج ونفتك منج؟؟؟ قاعده على قلوبنا كلنااا...لاعت جبدي منج ماني قادر اتحملج خلااااص..... ما أحبج....ما أبيج...خسرت كل شي بسببج....ياريت عمري ما شفتج ولا التقيج فيج يا....
روابي حست بدوخه وتخدرت من كثر ما طقهاا بس ماسكه بطنها خايفه على الياهل..... حتى اخر شي رفع عقاله يبي يطقه فيهاا واهيه كانت على الأرض وتطالعه بنظره جنه تنطره وتقوله يلا طقني وخلص علي واذبحني خل ارتاح وريح الناس مني.....
اهوه ورافع العقال يبي يطقهااا بس ما قدر لان حس ان خلاص راح تروح من ايده ومسك نفسه ونزل العقال.....
يمينك نوت بالشر لكن خنجرك عيا !!
غريبة كيف يرحمني جماد وأنت ماترحم ..
سعود عصب ومشى عنها وقام كسر كل شي بطريجه........
سعود: هاج المفتاح
قط عليها المفتاح.....
سعود: ما ابي اشوف رقعة ويهج
وطلع من الشقه وخلاها على الأرض تصيح وتشاهق من كثر البجي....
روابي خلاص تمسكت في قرارها أكثر....اول ما تولد راح تبتعد عن حياته....
مـر الأسبوع وخلصت امتحاناتها الفايـنل.....من وقت اخر مره ما مرها سعود كلش ولا قاعد يسأل عليها...... كانت متضايقه وتحس انها لحالها.... تذكر الجم أسبوع اللي كان زين معاها ومريحها وتمنت لو يرجع لو شوي لان بهالحظات معاه كانت من أسعد لحظات حياتها.....
..::قاليـ ماتتـ الوردة..نسى احساسهـ الي ماتـ
نسـى حبـيـ وحنانيـ ..وقسوتهـ وكيف كانـ يعاملنــيـ
::
::
..::عطـاني وردة حمــرا الصبح..ومـاتتــ بعـدها بسـاعاتـ
وحتـى بموتتـ الوردة اعـز النــاسـ يعــايــرنيـ
عبدالله وصـل الكويـت وطلب ان محد اييله المطار عشان ماله داعي ويشوفهم بالبيت....
وصل البيت....
رهف صرخت: عبدالله
عبدالله: يالخايسه ولهت عليج
رهف: اووف وانا اكثر
ولمته حيــل.... وراح سلم على أمه وباجي خواته...
أم عبدالله: ما شاء الله عليك متغير علي
عبدالله: صج!!
رهف: اي صح زايده جنه عضلاتك
عبدالله: اي والله كنت العب هناك حديد اكثر من العاده
عبدالله صج معضل بس مو من النوع اللي يكون منتفخ وايد ويخرع !! لا معضل بس على حلو وخفيف....
رهف: هاا سولفلنا....شلون الوضع هناك؟؟
عبدالله: والله حلوو ووناسه وغير وايد عن اهني
غصون: صج ودي ادرس بره اذا تخرجت
عبدالله: لا صج ما انصح بنت تروح تدرس بره بروحها هناك
غصون: لا بروح ادرس بره ماي شغل
عبدالله: عاد انتي على ما تتخرجين يصير خير
أم عبدالله: مالت عليك والله ولك وحشه
عبدالله: هههه حبيبتي والله وانا صج مو مصدق ان مرت هالأربع أشهر... الا أبوي وينه؟؟؟
أم عبدالله: أبوك يعني يقعد بالبيت؟! طالع
عبدالله: وروابي شلونها؟؟
أم عبدالله: زينه بس ما اتيي الا كل يمعه بس
عبدالله: اي ادري
وياه تلفون كان من رفيجه مساعد....
عبدالله: دقيقه شوي
وقام عشان يكلم رفيجه...
عبدالله: هلااااه
مساعد: هلاا فيـــــك....ها الحمدالله على السلامه
عبدالله: الله يسلمك ... يالخايس كلش ما تدق ولا تسأل وهذا انا معطيك خطي الأمريكي
مساعد: والله يا خوي سامحني وكل مره اقول بدق وانسى
عبدالله: يلا ما عليه
مساعد: ها بعد شلونك؟؟ وشلون الدراسه بره؟؟ احسن من اهني؟؟
عبدالله: اااه والله في أشياء أحسن بره وفي أشياء اهني احسن بس على العموم حلو ارتحت هناك
مساعد: عاد خل نشوفك ونقعد معاك
عبدالله: حبيبي ان شاء الله .. ولهان عليكم والله ... شلون الربع؟؟
مساعد: كلهم بخير الحمدالله....تعال اليوم كلهم موجودين بالدوانيه
عبدالله: والله تعبان شوي من السفره....خل ارتاح شوي واذا شفت نفسي قدرت ايي راح ايي
مساعد: اي اي ريحلك شوي اكيد تعبان
عبدالله: الله وكيلك 17 ساعه طيران
مساعد: اوووف والله وايد
عبدالله: اي صج كان تعب
مساعد: يلا ارتاح وحاول اتيينا بليل هاا واذا ما قدرت نشوفلنا طلعه على يوم
عبدالله: اي خوش
مساعد: يلا نشوفك عيل
عبدالله: على خير....مع السلامه
مساعد: مع السلامه
روابي كانت صاكه فيها الدنيا....خايفه تروح بيت اهلها وتبجي عندهم ويعرفون بحالتها.... كانت محتاجه تكلم احد ودقت على غصون...
غصون: أهليــن
روابي: هلا والله
غصون: شلوونج؟؟
روابي: تمام بخير وانتي؟؟
غصون: تمام....روابي ترى عبود وصل الكويت
روابي: لا والله!!!
غصون: اي .... اهو يمي تبين تكلمينه؟؟؟
روابي: هاه؟؟ اااه اوكي عطيني اياه
غصون: عبود هاك روابي
خذا التلفون.....
عبدالله: السلام
روابي: وعليكم السلام
عبدالله: ها شلونج؟؟؟ من زمان مو سامع صوتج؟!
روابي: تمام بخير... اي ولله من زمان عنك!! الحمدالله على سلامتك
عبدالله: حبيبتي الله يسلمج....ها شلونج وشلون ريلج وشلون البيبي؟؟
روابي ارتبكت واخنقتها العبره: اااه الحمدالله كل شي تمام
عبدالله: الحمدالله....عيل متى راح نشوفج؟؟ ما تقدرين تيين اليوم؟؟
روابي تحس انها وايد تعبانه ونفسيتها زفت وما حبت يشوفها جذي....
روابي: اااه لا والله اليوم صعبه....أشوف احاول باجر
عبدالله: خلاص على راحتج
روابي: تسلم
عبدالله: يلا هاج غصون
روابي: مشكور
غصون: هلا روابي
روابي: ااه غصون!!
غصون: هلا
روابي كان ودها تسولفلها وتشكيلها بس خافت غصون تقول حق امها واهيه مو ناقصه امها الحين...
روابي: لا خلاص ولا شي......يلا انا بصكه الحين اكلمج بعدين
غصون: اووكي....يلا باااي
روابي: بااي
صكت الخط وكانت ماسكه التلفون ميته ودها تكلم سعود.... كانت تحاول انها من الحين تعود نفسها على فراقه بس مو قادره....ودها تشوفه وتقعد معاه....اهوه بعيونها كل شي.... اهو بالنسبه لها دنيتها وشاده الظهر فيه بكل شي.....
مسكت التلفون ودقت عليه وما رد عليها اول مرتين بعدين رد...
سعود: نعم؟؟؟ اشتبين؟؟؟
روابي: سعود انت ليش زعلان مني؟؟ انا اكيد عمري ما تمنيت ان مرتك تطرح
سعود: ترى شوفي مو فاضيلج انااا!!!
روابي: سعود يعني حتى انا حامل واللي في بطني مو من الشارع منك انت
سعود: ترى مالي خلقج هااا.... يلا يلا
وصك الخط......
روابي قعدت تبجي..... ما تدري ليش على كل اللي يسويه فيها تظل تبيه ومشتاقتله ودايما على أمل ان راح ايي يوم ويصير يبيها ويرفض ان يطلقها اذا طلبت منه الطلاق بعدين....
مهما تمادى بالغياب وغاب
لعل وعسى يمكن يجي بكره
عندي أمل فيه والرجا ما خاب
مصير الأيام تجمعنا وأشم عطره
ولو فرقتنا الليالي وانسدت الأبواب
يكفيني أعيش باقي العمر على ذكره
ثــاني يــوم....
عذوب كانت بالسياره بره تنطر رهف تطلع من البيت....
عذوب: يلا وينج؟؟ انا بره من 10 دقايق
رهف: عفيه عذوب تعالي داخل شوي لان شعري ملوع جبدي مادري شفيه مو قاعد يضبط!!!
عذوب: ويه رهف مالي خلق!!!
رهف: والله عفيه تعالي سويلي ايااه شوي ووببجي
عذوب: انزين انزين الحين يايه...
دخلت عذوب البيت عند رهف.....
عذوب: ما فيه شي شعرج بالعكس حلوو
رهف: لا لا عفيه سويلي اياااه
عذوب حاولت تضبط شعرها وسشورتلها اياه شوي..
رهف: حيااااتي مشكووووره...صج اموت عليج اناا
عذوب:انزين يلا امشي الحين
رهف: اوووكي
ونزلوا تحت يبيون يطلعون وصادفوا عبدالله عند الباب كان توه داخل.... عذوب اول ما شافته وقفت فجأه وتجمدت بمكانهاا....لان ما تدري ان وصل الكويت!!ومتى وصل؟!! رهف ما قالتلها شي واهيه من زمان ما سألت عن أخباره.... ارتبكت حيــل وحست انها قاعده تنتفض من داخل ... عقلها انشل وتفكيرها وقف.... حست ان كل الذكريات اللي تعبت واهيه تحاول ما تفكر فيها ياتها فجأه كلها دفعه وحده....
عبدالله اول ما شافها ابتسم وصدره انشرح وقلبه بدا يرقع: ياا حياالله عذووب
عذوب حاولت كثر ما تقدر تبين انها قويـه وشنو يعني رجع من السفر وشافته...بعدها ما ردت عليه لان كانت خايفه بس تتكلم تنفضح وتبين شكثر مرتبكه وكل اللي سوته انها ابتسمتله.....
عبدالله: هاا شلونج؟؟؟ شالدنيا فيج؟؟
يحسبني يوم سلم ما سمعته
سامعـه بس اتغلـى عليـه
قلت ابثقل بس ثقلي ما ستطعته
وابتسمت وجيت لمعانق ايديــــه
يحسبني يوم ما رديت بعتــــه
ما درى أني كل عمري مشتريه
والصراحة يوم سلم ما سمعته
كنت أفكر كيف أنا اسلم عليـــه
عبدالله بعده ناطر منها اجابه: عذوب شفيج؟؟ انا عبدالله !! مسرع نسيتيني ههههه
عذوب ابتسمت: هلا عبدالله...لا اشدعوه !!
عبدالله: ما قلتيلي شلونج؟؟؟
عذوب: الحمدالله تمام
عبدالله: دوم ان شاء الله..
عذوب: الحمدالله على سلامتك...متى وصلت؟؟
عبدالله: أمس
عذوب: اهااا
عبدالله: ها عيل وين رايحين؟؟
رهف: رايحين السوق
عبدالله: اهااا...يلا ديروا بالكم على نفسكم
رهف: ان شاء الله
عبدالله: يلا زين صادفناج عذوب
عذوب ابتسملته ومشت.....
عبدالله حس ان فيها شي وكان وده يسولف معاها اكثر ويقعد معاها لان يحس ان صج ولهان عليها بس هـون وبعد ما حب ان يعطلهم أكثر...
ريم دقت على رهف...
رهفِ بقلبها : اي اكيد بدق دام اخوي صار بالكويت....
رهف: هلا
ريم: هلا فيج.... ها شلونج؟؟
رهف: تمام بخير وانتي؟؟
ريم: الحمدالله....من زمان عنج !!
رهف: اي والله
ريم: ها عيل وينج؟؟
رهف: والله طالعه
ريم: اهااا.... ما قلتيلي
رهف: بالله!!! أصلا من زمان ما ييتيني او طلعنا مع بعض
ريم: اي والله انشغلت شوي هالفتره سامحيني بس حدي ولهانه عليج
رهف: اييه اوكي
ريم: عيل متى راجعه؟؟
رهف: لا والله شكلي راح أتأخر بس مو متأكده متى راده
ريم: اهااا....خلاص اوكي عيل أشوفج مره ثانيه
رهف: اي ان شاء الله
ريم: يلا حبيبتي عيل مع السلامه
رهف: مع السلامه
وصكت الخط....
عذوب: طبعا ريم اللي داقه صح؟؟
رهف: اي
عذوب اسكتت....
رهف: امبيه يعني مو من صجها!!! ما تحبني وتبيني الا بما يكون أخوي بالكويت
عذوب: اي اكيد بعد مو يحبون بعض
رهف: مادري عنهم
عذوب: المهم ما علينا كيفهم....
وظلت عذوب طول الطريج سرحانه وتفكر بعبدالله.....
بينها وبين نفسها: تغير شكله عن أول!! محلو ما شاء الله.... ليش ليش بعدني قاعده أفكر فيه .... ليش بعدني احس اني مشتاقتله!! ما يصير أفكر جذي خلااص.... عذوب انسي انسيه لي متى راح تظلين جذي؟!
رهف: عذوب...عذوب!!
عذوب: هاه؟!
رهف: بشنو تفكرين؟؟
عذوب: لا ولا شي
رهف: بشنو حسيتي لما شفتي عبدالله؟؟
عذوب: نعم؟؟ لا ما حسيت بشي عادي
رهف: اهاا اي اوكي
عذوب: قلتلج خلاص عبدالله انتهى من حياتي
رهف: اي ادري بس ليش قاعده تفكرين فيه عيل؟؟
عذوب انفعلت: من قالج اني قاعده افكر فيه؟؟
رهف: مادري حسيت
عذوب عصبت: رهف متى راح تفهمين ان انا واخوج خلاص ما في شي بينا...يعني مو معقوله لي يومج هذا حسبالج راح اكون بعدي منكسره وابيه وناطرته
رهف: عذوب ادري انج تعبتي وايد الفتره اللي طافت وما تنلامين
عذوب: رهف انا ظليت شهر أبجي عليه دم ولا انام ولا اكل ولا عارفه اسوي شي....بعدين صحيت واستوعبت على روحي وعرفت ان محد يستاهل كل هذا
رهف: ادري حبيبتي
عذوب: وخلاص انسي ان ممكن انا واخوج يصير بينا شي.... الحين خلاص فات الفوت أصلا
رهف: ادري ادري ان خلاص
عذوب: اي عيل لا ترجعين تفتحين الموضوع
رهف: خلاص انزين
عبدالله بليل التقى برفيجه مساعد بكافيه....
واول ما شافه سلم عليه عبدالله حيل ولمه....
عبدالله: والله ولك وحشه.... اكثر واحد من الربع ولهان عليه
مساعد: حبيبي والله وانت بعد تركت فراغ بالكليه يوم سافرت
عبدالله: ها سولفلي ... شلون كل شي معاك؟؟؟
مساعد: والله تمام الحمدالله
عبدالله: ما شاء الله ويهك منور واحسك مرتاح.... والله شكلك تحب صح؟؟
مساعد: ههههههههههه
عبدالله: صح هاا؟؟
مساعد: والله صح ... شلون عرفت؟!
عبدالله: مادري شكلك يوحي بجذي وبعدين لا تدق علي ولا تسأل أكيد في شي شاغلك
مساعد: اي والله تعرفت على وحده وحبيتها وايد وناوي اتقدملها
عبدالله: ها عيل شناطر؟؟
مساعد: يعني صاير معاها ظروف شوي بس الله كريم
عبدالله: والله انت تستاهل كل خير والله يتمم عليكم ان شاء الله
مساعد: ان شاء الله....الله يسمع منك
وقعد يسولف مع رفيجه ليـن الساعه 10 بليل ورجع البيت....
اول ما دخل البيت شاف امه بالصاله....
راح حق امه وقرصها على خصرها: شلونج يالبطه؟؟
أم عبدالله نقزت: وي عبدالله جم مره اقولك لا تييني جذي من ورا وتخرعني
عبدالله: هههههههه شسوي استانس احب اتحرش فيج
أم عبدالله : انزين بس وخر
وقام كل شوي يقرصها ويتحرش فيها...
أم عبدالله: عبدالله بس يننتييي وخر عني.... روح روح سلم على أبوك
عبدالله: اووه ابوي اهني!!
ام عبدالله: اي موجود بداره وسأل عنك
عبدالله: يلا الحين اروحله
وطق عليه الباب ودخل وسلم عليه وباس راسه....
عبدالله: يبه شلونك؟؟؟
بوعبدالله: الحمدالله ... زين رجعت البيت وشفتك....سألت عنك من الساعه 7 قالولي طالع
عبدالله: اي والله كنت مع رفيجي ولو ادري انك سأل عني جان ييت البيت والله
بوعبدالله: ما عليه.....
عبدالله: انت شكلك تبي تنام الحين صح؟؟؟ اخليك ترتاح احسن
بوعبدالله: اي والله تعرف بعد انا ما أسهر
عبدالله: خلاص يبه....تصبح على خير
بوعبدالله: تعال ترى احنا معزمين على عرس بنت بوفيصل يوم اليمعه مو تنسى
عبدالله اول ما سمع بنت بو فيصل وقف بمكانه ولف ويهه بسرعه .....
عبدالله متفاجئ: بنت بو فيصل!!! منوو عمي جاسم؟؟؟
بوعبدالله: اي عمك جاسم!! شفيك؟!
عبدالله انفعل: اي بنت فيهم اللي راح تتزوج؟؟ منوو؟؟؟
بوعبدالله: شفيك انت؟؟ انا شعرفني؟!
عبدالله قلبه قام يطق بقوه: انزين يبه وين بطاقة الدعوه؟؟!
بوعبدالله: هاه؟! مادري شعرفني وين حاطتها؟! اااه يمكن بالمكتب او بالسياره
عبدالله حس عروق دمه كلها انشفت وتوتر حيــل....
عبدالله: عن اذنك يبه
وطلع بره وعلى طول راح عند رهف يطق عليها الباب....
عبدالله: ررهف...رهف بطلي الباب شوي
رهف اخترعت لان كان يطق الباب حيل....
رهف: شفيك شصار؟؟؟
اول ما شافته كان ويهه قالب أصفر ومتوتر....
عبدالله: منو اللي من بنات بو فيصل راح تتزوج اليمعه؟؟؟
رهف سكتت لان مو فاهمه شفيه بالضبط....
عبدالله: منوو؟؟ قولي
رهف: عذوب
عبدالله اول ما سمع انها عذوب.... حس انه اختنق بس حاول يمكس نفسه جدام رهف....
عبدالله بلع ريجه: عذوب!! منو راح تاخذ؟؟
رهف: ليش تسأل؟؟
عبدالله: بس جذي قاعد أسأل!! قولي
رهف: واحد اسمه سليمان معاها بالكليه
عبدالله: سليمان!! سليمان شنو؟؟
رهف: ليش تبي تعرف؟؟
عبدالله: بس بسأل عنه بشوف منو يطلع واذا خوش واحد ولا لأ !!
رهف: هاو عبدالله شفيك!!! اهمه سائلين عنه وخلصوا والكل يمدح فيه وبعدين عرسها اليمعه خلاص
عبدالله: اهيه متى املجت أصلا؟؟؟
رهف: ااااه مادري من شهرين يمكن
عبدالله: ما قلتيلي
رهف: ليش يعني؟؟ يهمك هالشي؟؟
عبدالله: هاه!!! لا بس يعني عذوب مثل اختي واكيد تهمني
رهف: اها اووكي....أقول انا بنام الحين تبي شي؟؟؟
عبدالله: لا بس خلاص
دخل عبدالله غرفته وظل يفكر بعذوب واهو مصدوم انه مسرع كل شي صار ومسرع انخطبت وملجت وعرسها اليمعه!!!
حاس انه مخنوق وقلبه ينغزه على عذوب ومو قادر يصدق....!!!
قعد يكلم نفسه : شفيك ؟؟ مفروض تفرحلها!! عذوب اختك وانت مفروض تتمنالها كل خير....
تـــم البـــارت الثالث عشــر
لو شفت احد فيكم بعد قال ان البارت قصير بقعد أبجــي
