اللي عندها معلومات عن العلاج بالخارج ممكن تدش وتفيدنا

[دنياالوله]

:68_asmilies-com:



شلونكم
ان شاء الله بخير
يارب ترزقكم الذريه الصالحه عاجلا غير اجل
بنات


انا اليوم سويت موعد حق اللجنه الطبيه للعلاج بالخارج
بس انا ابي اسويها بالكويت مابي برا
عطوني موعد بعد شهر بالضبط
اشلون اروح ولا بس الواسطه
او متى ايي دور الواسطه
مو فاهمه الموضوع عدل؟؟؟
ياريت تفهموني:0bee2e8d89:

 

[bint_al8omar]

ماعندي فكره
الله يرزقج الحمل عاجلا غير اجلا يارب

 

[احب الخير للناس]

اختي المشكله عندج ولا من ريلج ؟؟؟؟؟؟؟؟؟
وجم عدد الحيوانة المنويه عنده

 

[دنياالوله]

اب
أب
أب

 

[كيكه^_^]

اختي المشكله عندج ولا من ريلج ؟؟؟؟؟؟؟؟؟
وجم عدد الحيوانة المنويه عنده

ماااااااله شغل المشكله عندها والا عند ريلها وماله داعي هالسؤال!


اختي صاحبة الموضوع زهبي واسطتج من الحين كلميلج احد قبل موعد اللجنه علشان يكلمون الدكاتره اللي اهناك والا اي احد اهناك باللجنه

وسالفة منو منه السبب ماله شغل المهم انج صارلج سنه تتعالجين بدون نتيجه وسويتي محاولة طفل انابيب واللي اشوفه حاليا ان مو شرط انج حتى مسويه محاولة طفل انابيب المهم انج مرت عليج سنه وانتي اتعالجين وعندج تقاريرج من المستشفيات اللي عالجتي فيها بغض النظر عن حالتكم لأن في ناس سليمين 100% وما يحدث حمل

وبالتوفيق.

 

[ام جنى 2005]

حبيبتي لا تروحين الا بواسطه قوية لا يصير فيك مثلي انا كان موعدي قبل اسبوعين الدكتور حازم الرميح اهوا حولني على العلاج داخل الكويت واهوا اللي وهقني كتب ان العلاج موجود ((مع العلم انه رئيس اللجنه)) فلا تفكرين تروحين الا بواسطة الوزير او رئيس اللجان واذا بغيتي اسمه ادزه لك

 

[ام جنى 2005]

وترى يوم الموعد لازم تروحين الصبح تاخذين رقم ولا ينلغي اسمك انا خليت زوجي يروح ورد خذاني ورحنا .ولازم حضوركم اثنينكم
واول ماتدشون بيقول شتبون حاولي تفهمينه الموضوع والاسبوع اللي وراه تاخذين النتيجه

 

[دنياالوله]

مشكووووووووووووووووووورين ماقصرتوا
والله كريم
ام جنى انا ابي بالكويت مابي برا

 

[كيكه^_^]

اختي يعطونج بره ما عليج والسالفة اللي يكررونها ان ما قمنا اندز الا دول عربيه ماعليج منهم كله كلام ولحد اليوم في ناس قاعده تروح بلجيكا

وبالتوفيق.

 

[نــعــوومــه]

لاموشرط تروحون اثنينكم عادي انا زوجي راح بروحه ...وبالنسبه للواسطه لازم من الحين ادورون واسطه ...

وشرطهم إنكم مسويين طفل انابيب من قبل لومره وحده على الأقل . والله يوفقكم...

 

[نــعــوومــه]

اختي يعطونج بره ما عليج والسالفة اللي يكررونها ان ما قمنا اندز الا دول عربيه ماعليج منهم كله كلام ولحد اليوم في ناس قاعده تروح بلجيكا

وبالتوفيق.

احنا بالبدايه كنا نبي لندن ...ومرتين نسوي لجنه ويرفضون ودايماا يقولون لنا خلاص وقفنا الدول الأوروبيه


وبعدين خلاص رضينا بالأردن ...ويالله وافقو لنا عالأردن بعد طلعة الروح....

 

[Coffee-Girl]

الله يرزقج ياقلبي من غير علاج

 

[البارونات12]

مرحبا الله يرزقج بالذريه الصالحه والسليمه المعافى شوفي حبيبتي انا كنت موظفة بالعلاج بالخارج 3 سنوات اول شي لازم تكونين مسويه طفل انابيب هذا اول شي وبعدين اللجنه الطبيه اللي راح تكون بالمستشفى لازم حضورج انتي وزوجج مع بعض لان الموضوع يخصكم انتوا الأثنين واذا خلصتوا اللجنه الطبيه اذا قدرتي تاخذين صوره من اللجنه يكون احسن وترى على فكره اذا اللجنه الطبيه وافت على علاجكم بالخارج ادارة العلاج بالخارج تدخل معاملتج لجنه ويطلعلج قرار بس وتسوين اجراءات السفر واذا كنتي تبين تغيرين الدوله لازم تكتبين كتاب يدخل لجنه لان القرار اذا المستشفى مو ذاكرين لج دوله العلاج بالخارج يودونج لندن على طول...........@

اتمنى اني فدتج باللي تبين تعرفينه واذا عندج استفسار انا حاضره.........@

تقبلي مروري

 

[راقية باخلاقي]

نفس حالة اختى تبى علاج بالكويت ومسوية لجنه

بنات الموضوع سهل ولا لا ؟


فيدونا منو الواسطة اللى تمشية؟

 

[كيكه^_^]

احنا بالبدايه كنا نبي لندن ...ومرتين نسوي لجنه ويرفضون ودايماا يقولون لنا خلاص وقفنا الدول الأوروبيه


وبعدين خلاص رضينا بالأردن ...ويالله وافقو لنا عالأردن بعد طلعة الروح....

قصو عليكم شوفو بلجيكا لي اليوم الناس قاعده اتروح وكل شي بالواسطه يصير.

 

[البارونات12]

صباح الخير انا لماكنت موظفه بالعلاج بالخارج سمعت ان ممكن يعالجون بالكويت بس في البدايه انتوا اللي تدفعون تكاليف العلاج وبعدين تاخذون الفواتير باللي صرفتوه واهم يعوضونكم ...........@


تحياتي