روايــتي الثــالثـه / خطــايــا القلــب / وهالمــره قصــه حقيـقيـه

[مـ سهله ـو]

وييييييييييييتنق :>

 

[أم الصبيان الثلاثة]

صراحه انا اوقف لج احترام وتقدير على هالابداع لا اله الا الله مشالله لاقوه الا بالله الله يحرسج من العين الحاسده
كل مره تتحفينا بقصه بس صراحه ......هالمرة نزلتي دمعتي وبحرقه بس تدرين على منووو
منو تتوقعين ؟؟؟؟؟؟؟................اكيد على روابي ماغيرها صحيح كل هالشي من فعل ايدها بس كل الموجودين مشاكلهم محلوله الا هي
اللي انقطت في بيير مسكينه وكله من امها الله لا يسامحها دامها مو كفو اتكون ام ليش اتصير وتضيع البنت تخليها تدور حنان برى بيتها
والمشكلة قطت نفسها بحضن ذيب من هالذيابه المتروسين بهالدنيا الوصخه
وتوهقت بياهل و عمرها ماعاشت حياتها مثل الاوادم كله غير الناس حقيقه الوحيده اللي عورت قلبي ولا
عذوب علاجها سهل اللي اهو النسيان وعبدالله نفس الشي وريم خوو في وايد بنات مثلها يتلزقون يدورون ريل ولا منو تكون متربية عدل
اتقط عمرها جذي جنه تعالوو غصب بصير منكم قطيعه حقيقه لمن تنذكر بالقصه احس بغصه جنها شوكه في بلوعمي
لوووووووووول حدي اندمجت بس تسلم ايدينج بدعتي يا همسات ناعمه وحلوه ورقيقه على قلوبنا الله يحفظج انشالله

 

[كاسبرينوو]

لا حول ولا قوة الا بالله
ولين مع عالسعود ويع بذبحه
وخلصنا من سعود ياتنا ريم حدها خفيفه وقاطه روحها ويع شنو ما كو كرامه
وعبدالله عجبني لمن قنع ابوه بس انشالله يرد حق روابي
ناطرييييينج

 

[دكتوره دلال]

ناااااااااااطرين

 

[It'S Me]

واااي هموووس عوار قلب البارت

على كثر ما انا حاقده على روابي على كثر ما اهيا كاسره خاطري

و هذا عبووود باااط جبدي يليته يحس باللي عذوووب تحسه شوي و بعدين يردووون حق بعض

 

[همســات حالـمه]

يااااااي توني اقراا الباارت عذوب تكسر الخاطر:0bee2e8d89::0bee2e8d89:

يااي رييم اي شي شنو هذاا:eh_s(1):

وروابي كلللللش مااعندي تعلييق عليهاا مادري كااسره خاطري ولاا بااطه جبدي لووولز

يعطيج العاافيه~~|\|.....

لوووووووول اي وايد ناس جذي مشاعرهم متضاربه :dddds:

الله يعاافيــــــــج يااا عسل انتي :***

 

[kity]

مشكورة حياااتي ع الباارت وننطر البارت الي بعدوو

 

[miss limoona]

امبيه ريييييييييييييم باطه جبدي ويييييع مليقه وفارضه عمرها عليهم بالغصب
وهالمليق الثاني سعود عما بعينه شايب ويتشرط بعد وياويهه يحمد ربه حبته حلايا ويهه
بس انشالله تتطلق منه عقب ماتولد وتتزوج اخوه لووووووووووول احسه خوش صبي بس المشكله خذا عنها فكره خايسه
همووووسه البارتات كل واحد احلى من الثاني والله حدي متشوقه حق البارت الياي
بعد عمري والله حدددج اتيننين وقصتج اتينن
ووبعرف بس من وين يايبه الاشعار حدددهم عجييييييبين
ويييييييتنق

 

[طال الهجر]

لاااال اللاااالالالا <<< اغني

يالله هموسه طق طق ناطرينج!!

 

[امواج الكويت]

ناطرينج حياتي

 

[couisn but twin]

:ggdw: ناااااااااطرين البارت يامبدعه :ggdw:

 

[fa6m al-s]

Hmoos mta elpart

????El89a klha chum part

Wa8ting

Hmoos ethe ma tgdreen tnzleen part bsbt el-mdars leesh ma tnzleen parten bl-week endl*

 

[كويتية و النعم]

ريييم بصراحة ملييقة و دلووووووعة بكل معنى الكلمة :0bee2e8d89:

و حركاتها تغث اللي ما ينغث و تبط الجببببد :cxxxp::cxxxp::cxxxp:

و الحمدلله سعود تزوج روابي بس شكله بيطلع روحها على هالزواااج

حدج مشكوورة يا قلبي و يعطيج العافيه و عساج عالقوة على هالقصة ال :s142::s142::s142:

 

[اخت-اخوها]

انا اشبك من تليفون واقرا
وصج انغث من الريم الملييييييييييييييييييييييييييييييييييقه

 

[سيتي]

القصــــــــــــــــــــــــــــــــــــــــــــــــــــــــــــــــــة وااااااااااااااااااااااااااايد حلوووة هموووس
ابدااااااااااااااع يعطيييييييييييييييييييييييييييج العااافية
اتيننننننن واااااااااااااااايد

 

[همســات حالـمه]

البارت الـحادي عشــر

رهف تكلم عذوب على التلفون....

رهف: وااي لأ ما أتخيل كورس من اول ويديد

عذوب: اي وانا كلش بعد مودي مو مود دراسه

رهف: وهذا وانتي شاطره وتقولين جذي عيل انا شقول !!

عذوب: رهف بسألج

رهف: هلا

عذوب: عبدالله متى مسافر؟؟

رهف: عقب باجر

عذوب انفعلت: لا والله

رهف: اي

عذوب: ما قلتيلي !!

رهف: اممم مادري ما توقعت تبين تعرفين

عذوب: ومتى راح ايي؟؟!

رهف: أتوقع على كريسماس يعني بعد حوالي 4 أشهر جذي

عذوب: اهااا

عذوب حاشها احباط وسكتت....

رهف حست ان ودها تشوفه قبل لا يسافر: عذوب تعالي عندنا اليوم

عذوب: هاه!! امممم

رهف: يلا تعالي عفيه

عذوب: امممم اوكي

رهف: صجج!!! يلا اوكي عيل انطرج

عذوب: امممم شيسمونها راح تكون موجوده؟؟

رهف: لا لا وتدرين شلون من الحين بكلمها وبقولها اني بكون طالعه طول اليوم عشان لا تطب علينا فجأه

عذوب: والله جااان زيــــن صراحه أكون شاكرتلج

رهف: هههههههه ولا يهمج...مسببتلج أزمه هالريم هاا

عذوب: اووف فوق ما تتصورين

رهف: شوفي هالريم احسها بس جذي ومؤقته لان شكله أخوي الخبل قاعد يمر بمرحلة الحمدالله والشكر وانعجب بشكلها ودلعها وتعرفين بعد الشباب شلون ينثولون لما يشوفون بنت جذي وبسرعه ينقص عليهم
عذوب: لا رهف يعني هم انا بعد ما أرضى على نفسي اقعد انطره على ما يستوعب اني أحبه وخلاص دام شاف غيري ما بأيدي أسوي شي ... صج ان بعدني أحبه واحس اني راح اتم احبه لو شنو بس مصيري اكمل حياتي من غيره

رهف: اوووف انا اللي قاهرني اموت واعرف شاللي قلبه جذي فجأه!!

عذوب: والله شكله محد غيره الا شسمها

رهف: مادري عنه!!! انزين يلا لبسي وتعالي

عذوب: اوكي يلا باي

رهف: باااااي

جنوب السره.... ومر يوم على زواجهم

روابي: سعود تبي اييبلك شي؟

سعود بنفسيه: مابي منج شي

روابي كانت قاعده معاه بالصاله وبس يطالعون تلفزيون وزهقت.....

سعود: انتي متى راح تتخرجين؟؟

روابي: بعد جذي سنتين

سعود:..........

روابي: تبي اييبلك تاكل شي؟؟

سعود: قلتلج مابي شي

روابي : انزين على راحتك

دق تلفونه وكان ولده اللي داق...

سعود: هلا بابا..... اي بابا ميخالف روحوا..... اي باجر ان شاء الله اييكم واطلعكم....حبيبي دير بالك على ماما واختك وزين.....يلا بابا باي

وصك الخط.....

روابي تضايقت شوي....حست ان فعلا خذته من مرته وعياله بس هم تظل تقول بينها وبين نفسها انها اهيه ما غلطت وانخدعت فيه....

سعود يطالعها بنظره احتقار : يرضيج جذي؟؟؟ عيالي ما أشوفهم الا كل يومين

روابي سكتت مالها خلق تتهاوش معاه....

سعود: انتي غلطة حياتي .. حسافه اني تعرفت عليج

روابي قامته البجيه وساكته.....

سعود: لو يرجع فيني الزمن حتى ويهج ما أطل فيه

روابي ما قدرت تسكت اكثر من جذي : لا تسوى روحك الحين انت الضحيه في كل هذا

سعود: اها يعني انتي الضحيه المسكينه اللي مالها ذنب بشي

روابي: اي انت خدعتني من البدايه وخليتني احبك

سعود: على العموم خلاص سكتي اثنينا غلطنا

وقام سعود من مكانه وراح الغرفه.....

عذوب وصلت بيت رهف وقاعدين بالصاله يسولفون.....

عذوب: تعالي ما قلتيلي شلون جدولج؟؟

رهف: اشوه كامل وسجلت كل شي وانتي؟؟

عذوب: وااي انا بقالي ماده ومو راضين يدخلوني فيها

رهف: وي بعدج ما سجلتيها!!! خلاص حاولي فيهم لان هالأسبوع كله سحب واضافه

عذوب: أمس حاولت ماكو فايده بس بحاول بعد معاهم

رهف: ان شاء الله يسجلونج عاد ... خو احنا حتى اخر سنه لازم نتبهدل

عذوب: اييييه!!!......أقول شلون اختج مع ريلها؟؟

رهف: سكتي أصلا لحد الحين مو مصدقه انها تزوجت!!

عذوب: اي يعني من صجها حبت واحد متزوج ومعيل!! خلصوا الرياييل!!! ما اتخيل شعور مرته الصراحه

رهف: اي والله لو انا منها جان قلبت الدنيا

عذوب: اي يعني انا عبدالله وهذا مو ريلي ويات وحده وخذته مـت الصراحه عيل شلون مرته!!!

رهف: ما يندرى عنها !!

عبدالله توه واصل من بره واسمعوا صوته يتكلم مع غصون.....

عذوب ارتبكت حيل وقلبها قام يرقع ورهف لاحظت.....

رهف: شفيــج؟؟؟

عذوب: رهف مادري مادري

عبدالله: قوه

رهف: هلا والله.... الله يقويك

عذوب: الله يقويك

حزين .. بس .. لاشفتك .. أكابر .. ياهلا حيــــــاك
وأنا اللي .. بـ داخلي .. أكبر .. من الترحيب .. بـــــ أعيـانــــــك !!

أنا .. ياكثرهم جنبي .. ياكثر اللي يقول .. أهـــــواك
وتميل ..... أوزانهم فينــي .. ولا قد .. مــالت ... أوزانـــــــــــك !!

عبدالله: ها عذوب شلونج؟؟

عذوب: بخير الحمدالله

عبدالله: الحمدالله

عذوب: ها يقولون مسافر عقب باجر

عبدالله: اي والله مسافر أمريكا ان شاء الله

عذوب: الله يعينك راح يتغير عليك المكان والدراسه على اخر سنه

عبدالله: اي والله مخترع شوي بس لان صج معهد الكاراتيه اللي انقبلت فيه ما تتصورين شكثر قوي ومعروف ومو اي احد يقبلونه فحسافه اطوف علي الفرصه

عذوب: يلا الله يوفقك ان شاء الله

عبدالله: وانتو شلون جداولكم واستعداداتكم حق الجامعه؟؟

رهف: انا جدولي خالص بس عذوب مسكينه بقالها ماده

عبدالله: ليش ما سجلوج!! مو انتي خريجه؟؟

عذوب: اي بس ما رضوا يقولون ضغط وايد على الشعبه واخذيها الكورس الياي

عبدالله انفعل: لا شنو!! انتي اولى من غيرج

عذوب: خلاص ما عليه بعد يمكن خيره

عبدالله: لا لا راح تاخذينها يعني تاخذينها

عذوب: شنو راح تسوي ؟!

عبدالله: بشوف اكلم احد

عذوب: لا لا والله ماله داعي

عبدالله: لا له داعي ونص

عذوب: لا عبدالله جنه فشله حقك تكلم احد!!

عبدالله: مو فشله ولا شي اهم شي تاخذين اللي تبينه

عذوب اسكتت وفرحت حيل....حست انه جنه رد عبدالله اللي كانت تعرفه....

عبدالله: انتي بس كتبيلي اسم الماده ورقمها وانا أتصرف

عذوب: والله عبدالله مو حابه اتعبك معاي

عبدالله على ضحك يعلي صوته: عذوب بس عاد لا تخليني أعصب عليج الحين

عذوب: هههههه خلاص اوكي

وكتبتله اسم الماده ورقمها على ورقه وعطته اياها وكانت حيل مستحيه منه....

عبدالله: يلا عن أذنكم

عذوب ارجعت مكانها وبس مبتسمه وسرحانه....

رهف تطالعها وتضحك بقلبها وبنفس الوقت منكسر خاطرها عليها ...

رهف: ترى اخوي لما يقول بيسوي شي يسويه فان شاء الله راح يدخلونج

عذوب طالعتها وعضت على شفايفها....

عبدالله دق على رفيجه وليد....

عبدالله: ها بوخالد شلونك؟؟

وليد: هلا والله

عبدالله: وليد طلبتك لا تردني

وليد: أفاا عليك بس امرني

عبدالله: مو أبوك له شغل بتسجيل الجامعه وجذي؟

وليد: اي صح

عبدالله: عيل تكفى مساعد في شخص محتاج ماده وخريج وضروري يسجلها

وليد: اهااا اممم عاد ابوي الحين مسافر

عبدالله: لااااه!!

وليد: اي بس خل أشوف اذا أقدر أخليه يوصي احد

عبدالله: ياريت والله لانه خريج واهوه اولى من غيره

وليد: صح كلامك مفروض أصلا يسجلونه....خلاص أشوف وارد عليك خبر

عبدالله: حبيب يا بوخالد

وليد: ما يصير خاطرك الا طيب

عبدالله: حبيبي تسلم وادري راح أأذيك معاي

وليد: أفـا عليك ...انت عزيز يا بو بدر ... شوي واكلمك ان شاء الله

عبدالله: على خيـر ان شاء الله

وصك الخط منه....

روابي كانت قاعده بالصاله وضايق خلقها....دخلت الغرفه وشافت سعود قاعد يدعي ربه وصوته كان عالي....

سعود: ياارب لا تحرمني من عيالي.....يارب يكبرون جدام عيني....ياالله سامحني انا غلطت وايد سامحني

روابي ما تحملت تسمعه ووخرت عن الغرفه وقعدت بالصاله تبجي من غير صوت..... مو مصدقه ان كل هذا قاعد يصيرلها.... وين ما تروح محد يبيها...تحس انها بحالها بهالدنيا ... حتى سعود اللي ما قام يبيها وصارت بالنسبه له مجرد غلطه يمكن اكثر انسان تحس معاه بأمان ومن غيره راح تكون وحيـده بهالدنيـا....

نكتم , ونشكي من الأحزان في خلـوهـ ..
واليــــوم في صمت لا نكتم ولا نشكي ,,

لو إن / دنيا الشقى / ياصاحبي حلوهـ !
ما كان شفت الطفـــل يولد وهو يبكي ،،

وليد دق على عبدالله....

عبدالله: هلا بو خالد

وليد: أقول كلمت ابوي وقال في واحد هناك روحله وقولهم انك من طرفه وان شاء الله يساعدك

عبدالله: خلاص اوكي شسمه؟؟

وليد: سعد الـ.....

عبدالله: خلاص ماشي.... تسلم أخوي ويعطيك العافيه

وليد: لا بالعكس سامحني على القصور

عبدالله: بالعكس ما قصرت والله

وليد: واذا صار معاك اي شي عطيني خبر

عبدالله: ان شاء الله ولا يهمك

وليد: لا أشوفك عيل

عبدالله: ان شاء الله....مع السلامه

وليد: مع السلامه

ونزل عبدالله الصاله وما لقى احد وراح المطبخ وشافهم....

عبدالله: عذوب!!

عذوب اخترعت وكانت ماسكه برد بايده وطاح منها....

عبدالله: هههههه ويييه حرام البرد

رهف: الله يهداك عبدالله شفيك جذي !! خرعت البنت

عبدالله: شتبين انتي ما قلت شي بس ناديتها

رهف: ها اشتبي الحين؟؟ خير ؟؟ نعم؟؟

عبدالله: محد كلمج انتي....عذوب ان شاء الله باجر يضيفونج بس ما كتبتيلي جم رقمج

عذوب: اي صح نسيت

وراحتله تبي تاخذ الورقه جان تقوم تدعم بالطاوله اللي جدامها...

عبدالله: ميخالف ميخالف ما شافتج الطاوله

عذوب: هههههههه

مسكت نفسها وضحكت مع ان تعورت حيل....

عبدالله: وكتبيلي بعد اسم الدكتور مره وحده

عذوب: اوكي

عبدالله: وكتبي بعد أي ساعه الماده

عذوب: ان شاء الله

عبدالله: ورقم السيكشن بعد ما عليج أمر

عذوب: ههههههه في شي بعد؟؟؟

عبدالله: اممممم

عذوب: هههههه وبعدين

عبدالله: اي عطيني بعد بطاقة الطالب اذا معاج مره وحده

عذوب: اممم اوكي معاي بالبوك

عبدالله: تمام يبيها

وراحت يابتها وعطتها اياه....

عذوب: تبي شي بعد؟؟ شهادة ميلادي مثلا؟؟!

عبدالله: ههههههههه لا بس كافي

عذوب: زين اشوه

عبدالله اول ما شاف صورتها على البطاقه قام يضحك.....

عبدالله: ههههههههههههههههههههههههههههه

عذوب اشهقت لان توه تستوعب صورتها على البطاقه : هئئئئئئئ

عبدالله: عذوب شنو هذا؟!

عذوب: لاااااااااه هاتها هاتها خلاص مابي الماده

رهف: هههههههههههههههههه اي صج انا ما رضت توريني اياها بشوووف

عبدالله يوخر عنها عشان لا تاخذ البطاقه واهيه تحاول تاخذها....

عبدالله: عذوب منو هالمخلوق اللي بالصوره؟؟ هههههههههههه

رهف: بشووف بشوووف

عذوب: لاااااااااااه عبود بس هاتها

عبدالله: بس سؤال ... انتي بهالصوره شنو كنتي قاعده تحاولين تسوين بويهج؟؟

عذوب: اشتبي كنت ابتسم

عبدالله: هههههههههه اشوف ابتسمي الحين

عذوب: طاع هذاا!!! بس عبدالله خلاص عاد

عبدالله: انزين بس بقارن مع الصوره...يلا ابتسمي

عذوب: ما راح ابتسم

عبدالله: عيل رهوف تعالي تشيكي الصوره

عذوب: لاااه لاااه خلاص ببتسم

رهف: لا شنو بشووف!!

عبدالله: يلا اشوف

عذوب ابتسمت بسرعه وارجعت اعفست ويهها...

عبدالله: شالابتسامه الخاطفه!!! ما شفت شي

عذوب: هههههه بس عاااد

عبدالله: يلا خلاص بحطها بالبوك ما راح ارجع اطل فيها

عذوب: اي بس لا تشوفها بعد مره

عبدالله: لا بس خلاص جم مره تبيني أخاف !!

عذوب: ههههههه لاااه لان مصورتها بالجمعيه وكلنت مستعيله واي كلام

عبدالله: اي اي رقعي حق روحج

عذوب: ههههههههه

رهف: يعني شلون انا ما راح اشوف الصوره؟؟! يلا عاد ودي أضحك

عبدالله: طلي بالصوره اللي بجوازج

رهف: ههههههههه لا لو بشوفها راح أبجي

عذوب: هههههههههههه

عبدالله : يلا اخليكم تاخذون راحتكم الحين

عذوب ما كان ودها يروح وبغت تناديه بس مسكت نفسها....

رهف: مصيري أشوف صورتج يعني

عذوب كانت سرحانه وما سمعت رهف....

رهف: هااالووو عذووب
عذوب: هلا؟!

رهف: بشنو سرحتي؟؟

عذوب خذت نفس عميق: بشنو يعني مثلا!!

رهف: امشي خل نروح نطالعنا فلم

عذوب: يلا

رهف: تدرين خل أدق على روابي اشوف شلونها

عذوب: وييه توها عروس عاد فاضيتلج الحين

رهف: خل اقعد اتفلسف عليها

وقامت تدق على موبايلها بس ما اسمعته لان سعود كان يصرخ...

سعود: اي بطلع مع ربعي يعني شنو!!

روابي: سعود تونا امس متزوجين حس فيني شوي

سعود: يبه أي زواج اي بطيخ!!! يلا انا طالع

روابي: وانا شقعد اسوي اهني بروحي!!

سعود: شسويلج يعني؟؟؟

روابي: انزين عيل هم انا بطلع

سعود: طاع هذي!! وين تبين تروحين ان شاء الله؟؟؟ لا ماكو طلعه

روابي: ليش جذي صاير انت؟!

سعود يصرخ: اي خو انتي اذا بتطلعين انا شعرفني وين تروحين وشبتسوين؟؟ حسبالج أثق فيج انا؟!! عبالج سايبه اهي ... هييييي اصحي ترى انتي مو في بيت أهلج الحين واذا اهم ما اعرفوا يربونج انا اربيج

بعض الكلام احيان خنجر وسكين
ان ماطعن شق الصدر حيل وادماه

وطلع سعود وقفل عليها الباب بالمفتاح.....

وقعدت روابي على الأرض وبس تبجي....مو مصدقه هذا بس ثاني يوم وصار كل هذا عيل بعدين شبيصير فيها!!!!

بعدين اسمعت صوت تلفونها وقامت من على الأرض ومسحت دموعها وامسكت نفسها....

روابي وصوتها كان يرجف: الوو

رهف: هااااي

روابي: هلا

رهف: فيج شي؟؟

روابي: لا لا ما فيني شي

رهف: بس بغيت أسأل عنج وأشوف شلونج

روابي: تمام بخير

رهف: مادري احس فيج شي

روابي: لا رهف ما فيني شي صدقيني بالعكس مستانسه ومرتاحه

رهف: اااه اوكي عيل اشوه

روابي: يلا حبيبتي أشوفج

رهف: اوكي يلا مع السلامه

روابي: مع السلامه

واول ما صكت الخط قامت تبجي بقوووه....

مخنوق ! لكن ماادري ليه انا مخنوق
ضايق ! ولا ادري ليه بالحيل ضايق !!
ثوب الصبر من حزن الأيام مشقوق
واليا سألوني ، قلت : بالحيل رايق !
احيان ، ودك ترتفع للسما فوق ...
تطيييير / تبعد ، ماتشوف الخلايق

ثـاني يـوم راح عبدالله الجامعه الساعه 9 الصبح عشان يسجلها الماده اللي تبيها...

عبدالله: السلام عليكم

موظفه: وعليكم السلام

عبدالله: اختي بغيت أسأل عن سعد الــ..... وين ألاقيه؟؟

موظفه: اي هذا مكتبه بس بعده ما يه

عبدالله: اها اوكي مو مشكله راح انطره

وقعد عبدالله ينطر على ما ايي

وظل ناطر ساعه....ساعتين....ساعتين ونص وبعده ما يه!! واستحى يدق على رفيجه...

بعديـن عقب 3 ساعات وأخيرا يـه....

عبدالله: السلام

سعد: وعليكم السلام

عبدالله: بس بغيت اكلمك شوي ممكن؟؟

سعد: اي تفضل حياك

روابي قعدت الصبح وما لقت سعود يمها وطلعت من الغرفه شافته نايم بالصاله...

روابي: سعود ليش نايم بره؟؟

سعود بعده ما وعى عليها....

روابي: سعود ليش ما تنام داخل؟؟

سعود: هاه!! الحين مو متحملج مالي نفس انام يمج

روابي اسكتت وطوفت: سعود انا قمت خلاص...روح نام داخل أريحلك

عقبها قام على طول ودش الدار....

على كل اللي شافته منه وقاعده تشوفه منه الحين تحس ان لحد تحبـه وما ودها تبتعد عنها.... تظل نقول حق نفسها لان متضايق وانجبر فيها بس اكيد مع الوقت راح يتغير ويتحسن....

ياقلبي الزمن هذا جحدني وانت ماتدري
يخونوني تضيق الدنيا بعيوني ولا تدري
واقول الاآآآآآآآآآآآآآآه
وتقول البشر الله...وماتدري
ياقلبي شوف هالدنيا تعتب ومابقالي حيل
اعشم حالي واتصبر واقول باكر جروحي تزين
ويجي باكر بلا فرحه ... يعاند قلبي وجرحه

عبدالله ما رجع البيت الا 1 الظهر....

رهف: ها عبود ... وين كنت؟؟

عبدالله: لا ماكو كنت طالع ... بس خلاص الحمدالله ضافوها بالماده

رهف: واللللله!!! واااي صج مشكووور حيل راح تستانس

عبدالله: تستاهل ... وهذا جدولها وبطاقتها عطيها ياهم

رهف: اوكي يعطيـك الف عافيه

عبدالله: الله يعافيج

وراحت على طول دقت على عذوب تقولها...

عذوب: واللللله صج!!!

رهف: ايييي...أقولج انا أخوي ما يقول بيسوي شي وما يسويه

عذوب: انزين بشكره شلون؟؟

رهف: امممم تبين تكلمينه؟؟

عذوب: اهو يمج الحين؟؟

رهف: لا لا بس عادي الحين اروحله

عذوب: امممم مادري

رهف : هاج هاج

عذوب: لحظه...لحظه

عبدالله: الوو

عذوب تصروعت: هلاا اي اهلين هلا والله

عبدالله: هههه أهلين فيج

عذوب: ااااه بس بغيت أشكرك صج ما قصرت

عبدالله: حياج الله ما سويت شي

عذوب: انزين بس عسى ما تعبتك معاي؟؟

عبدالله: لا لا تحاتين عادي

عذوب: مشكور واسفه على الازعاج

عبدالله: لا يا عذوب ما يصير هالكلام انتي مثل اختي ولو رهف كانت هم محتاجه اسجلها كنت راح اسوي نفس الشي.... موفقه ان شاء الله وشدي حيلج هااا

عذوب حاشها احباط شوي لما قالها انتي مثل اختي : ان شاء الله

عبدالله: هاج رهف

عذوب: الوو

رهف: هلأ

عذوب: احس فشله راح سجلي الماده وجذي

رهف: لا عادي شفيج!!! يلا المهم حصلتي اللي تبينه

عذوب : اي اشوه الحمدالله....رهف اهوه اي ساعه مسافر باجر؟؟

رهف: امممم اعتقد 10 الصبح راح يكون بالمطار

عذوب: اهااا اوكي.... راح توصلونه المطار؟؟

رهف: اي بروح انا وامي بس مادري عن الباجي

عذوب: اهاا حلو

رهف: تيين معانا ؟؟

عذوب ما صدقت تقولها رهف: اااه مادري مو فشله؟؟

رهف: لا الشكو فشله!!! عادي انتي يايه معاي

عذوب: اوكي عيل

رهف: خلاص امرج باجر؟؟

عذوب: اممم مادري احس فشله اركب معاكم السياره...فراح الاقيكم هنك احسن

رهف: امممم اوكي حبيبتي على راحتج

ثـاني يـوم راحوا كلهم المطار والتقت فيهم عذوب هناك....

ام عبدالله: حبيبي حط بالك على روحك والله يوفقك ان شاء الله

عبدالله: يمه لا تحاتيني

ام عبدالله: اي اجازه تصير عندكم تعالي فيها انزين

عبدالله: انزين يا يمه انزين

ام عبدالله: الله ينورلك دروبك ويسهل عليك ان شاء الله

عبدالله: حبيبتي يمه

وسلم عليها وباس راسها....

عبدالله طالع عذوب ورهف: ها ديروا بالكم على بعض اوكي وشدوا حيلكم وتخرجوا هالسنه مو تصيرون نفسي

رهف: ان شاء الله وانت بس عاد يلا تخرج.. ان شاء الله بس تفلح بأمريكا

عبدالله: ههههههههه ان شاء الله

عذوب كانت خانقتها العبره وحاسه انها مخنوقه: يلا تيك كير عبدالله

عبدالله: ان شاء الله لا توصين حريص

رهف: مو يعجبك الوضع بأمريكا وما ترجع....يا ويــلك

عبدالله: هههههههه ان شاء الله

بعدين عبدالله عطى نظره حق عذوب ذوبتها بس ما افهمت شنو المقصود منها...

عذوب بغت تتكلم جان يلف ويهه عبدالله...

عبدالله: اووه ريم!!

عذوب لفت ويهها وشافتها يايه صوبهم....كانت ناسيه موضوعها بالمره...

عبدالله: ها شيايبج؟؟؟مو على أساس ما كنتي تقدرين

ريم: ما قدرت كنت لازم اشوفك قبل ما تسافر

عبدالله: انزين شفيج؟؟؟

وبدت تبجي ريم جدامه واهوه انكسر خاطره عليها ومن كثر ما كان متأثر قط الجناط اللي كان شايلهم على الأرض

عبدالله: شفيج ريم ؟؟ قوليلي

ريم: عبدالله الحين انت بتسافر كل هالمده انا شبسوي فيها!!! راح أكون بروحي

عبدالله: حبيبتي ميخالف راح ايي بالسبرينغ بريك

ريم: عبود الحين شلون بكلمك كل يوم ؟؟ حق منو اروح واشكي؟؟

عبدالله: ميخالف حبيبتي تحملي وانتي قدها اوكي وانا قلتلج راح احاول كثر ما أقدر اكلمج

عبدالله كان يحاول يهديها ويتفاهم معاها.....

عذوب حست نفسها صارت بالهامش....حست انها خلصت فقدته ومهما تحاول ترده لها وتقربه منها راح يظل بعيد عنها....

واهيه تشوفهم جذي واقفين يتكلمون غورقت عيونها وحست انها مخنوقــه وان خلاص لازم تستلسم.....عبدالله ما صار لها....عرفت انها خلاص خسرته للأبد ولازم تحاول ترضى بالواقع....


http://www.4shared.com/file/128663421/bbc0bed2/__-_.html?s=1


يعني أشوفك قدرت اليوم تنساني
وتحب بعدي وتنسى قلب مظنونك
هم علموك التجافي قبل تجفاني
أو فهموك بغيابي كنت أنا أخونك

صدمة ولا اقدر أفكر بعدها ثاني
صعبة أتخيل أعيش العمر من دونك
تدري حبيبي أحبك حب خلاني
أبيع كل من شراني لخاطر عيونك

ضحيت لجلك وصار الجرح عنواني
قدمت عمري هدية صرت مجنونك
والحين مهما أقول إنك ماتنساني
كل الخناجر تقول القلب مطعونك

تـــم البــارت الحــادي عشـــر

 

[همســات حالـمه]

بعد جبدي والله انتي على كل ردووودكم الحلوووه وراح ارد عليها ان شاء الله كلها واحد واحد فديــــــــــتكم

 

[inspiring-girl]

الللله نزل البااارت .. خن اقراااه

 

[عيون عسليه]

الله يعطيج العافيه وأنا وايد مستانسه اني أول وحده أقره البارت وأعلق عليه صراحه رووووووعه ومبدعه الى الأمام باذن الله

 

[» miss♥f6oum «]

واااااااااااااااااي حرااااااااااااام عذووووووووووب والله فديتها كسرت خااطري
رييييييييم الرقله كرهتهاا من كل قلبي
عبوووووود غبي علشاان حب هالرقله
رواااابي حدهااا كسرت خاااطري
والبااااااارت رووة ولااايوقف بلييييييز كملي