بليز تجمع للمصابين بالقولون وامراض واضطرابات المعده والجهاز الهضمي

[الاسطورية]

بنت الاحلام ماتشوفين شر شصار عليج الحين؟

سارونه اكره شعور البروده يحسسني اني اضعف جسم بالعالم لونمله تطقني اطيح

 

[الاسطورية]

اي والله انا كله اشيل اشياء ثقيله واشتغل شغل رياييل لان ريلي بارد ومايسوي شي وحتى ابوي قالي ذاك اليوم المرا مو مثل الريال موزين تشيل اشياء ثقيله مع الوقت تتعبين وصج كلامه والله لاني هذاك اليوم شايله الكبت انا والخدم خخخخخخخخخ شسوي ريلي مايساعد

انا مثلج ريلي كله يقولي مادري شتستفيدين من العيله لوانطره عقب باجر او الاسبوع الياي يخلص هههههههههههه

 

[الاسطورية]

السلام عليكم
لو تدرون حاشني القولون فجأة سنة 1994 بعد وفاة الوالدة الله يرحمها
كنت نايمة قعدت بنص الليل فجأة من ألم فظيع في المستقيم عزكم الله ولوعة قوية رجعت بعدها - من قوة الالم يغمى علي
رحت حق دكاترة وايد و سويت منظار وجربت وايد ادوية بس كلها مسكنات وما تعالج القولون
طبعا اعاني من انتفاخ وامساك مزمن والى الحين تجيني هذه الآلام فجأة
طبعا لما يحوشني الألم تتغير حالتي وفجأة 180درجة الى درجة اني ما اقدر امشي من الالم ولو خطوة حتى لو ابي اروح آخذ مسكن ما اقدر
بس نصيحة سوي مطارة ماء حار وحطيها على بطنج وايد يخف الألم
والله يعينا على مرض القولون

حبيبتي سلامتج الله يرحمها يارب مشكله وقت الحزن ماتتحكمين بروحج ويحوشج المرض وماينفع الندم

 

[الاسطورية]

نسيت اقولكم
انا وزني ماينزل لما اتعب مادري ليش:0bee2e8d89:
وانا لي 3 سنين وانا اسهر وبشكل يومي وللاسف ماقدر اعدل نومي لاني عاطلة عن العمل
تتوقعون لو بعدلة برتاح شوي؟؟

انا اعطيج القارانتيييييييييي

عدلتي نومتج حياتج بيتصير حلوه بيختفي القولون بتتفاجئين بتقولين سحر راح شلون

عدلي نومج دايما يعني متواظب مو يوم مبجر يوم لا

كل يوم حطي الساعه 8 وقومي ولاتتنامين الظهر طلعي اشتركي نادي سوي اي شي بس قومي يوميا 8 ولعبي رياضه وشوفي حياتج

 

[الاسطورية]

مانانا من وين نلقاها السنا هذي

حبيبتيي لاتفكرين لاحقه سنتين شويه مووايد انتي حاولي تصيدين ايام التبويض بس وتسوين الي عليج والدعاء والله يرزقج

خل اقولكم شنو صار معاي اليوم

 

[الاسطورية]

هذي الصفحه كلها حقي هههههههههههه

رحت طبيب النسا لان الضغط مستمر عالرحم وزادت مرات روحتي للحمام عزكم الله ادرار للبول

وضغط عالرحم زاد علي امس تهاوشت هوشه موصج للاسف تعبتني زياده

المهم قتلها الي فيني ادوخ ضغط عالرحم وهوا قالت يمكن حامل قتلها شلون من الهوا؟؟؟؟؟ ماخذين احتياطات قالت عادي يمكن بديت احس انها غبيه مع انهم سحبو مني فلوس ابي احد يفهم المهم قالتلي افحصج قالت بسوي تحليل دم ويورنيون يعني ارقى لوووووول وانطر النتيجه بعد ساعتين ادق عليج بالسلام اهي

رحت البيت انطر ماتدق وانا خايفه حامل لان ماقدر الحين ولدي توه صغيره
المهم مادقت جان اطير السلام مره ثانيه وخذيت نتيجه الدم وادور احد يقرالي الدكاتره نطره ساعات والسسترات موراضين يقولولي مادري ليش وانا مخترعه ليما لقيت وحده رافت بحالي طلعت موحامل الحمدالله لان مووقته كلش


عاد ناطره تحاليل اليرونيون لان قالتلي فيج اعراض التهاب ومبين في التهاب فالظاهر كل هذا التهاب ورحمي مونازل

 

[MaNaNa]

الاسطوريه حبيبتي الله يشافيج يا حياتي
اشوه لحقت عليكم قبل لا انام :eh_s(6):
اولالالالالا انا صارلي متزوجة 6 سنوات بس بدت أعراض القولون القويه معاي من ثاني سنه زواج
الظاهر من كثر هذرتي ضيعتج بالحجي ههههههههههه
ثانيا عشبه السنا عند الحواي ويقولون افضل نوع الي ينزرع في مكه شرفها الله
وفي حديث ثاني عن الرسول عليه الصلاه والسلام يذكر فيه عشبه السنا وعشبه السنوت
قاعده احاول ادور العشبتين
ونسيت اقولكم .. جربت عشبه عجيبه زينه حق القولون وحق تعديل هرمون التبويض حق الي دورتهم مو منتظمه
اسمها (( البرقدوش )) مو المرقدوش السائل لالالالالا هذي عند الحواي نقعيها بماي حار وشربيها
قلت حق رفيجتي عنها جان تقولي ان دكتورها التغذيه ( طالب الشمري ) قالها عنها انها وايدد زينه حق القولون
وصج جربتها عجيبه وتريح ونظمت دورتي عدددددددددددددددل
>> جربت كل شي حاطه كل يوم لي عشبه واشرب ههههههه
بس ماجربت قشر الرمان والسنا ولا السنوت اذا لقيتها بالحواي اقولكم :eh_s(17)::eh_s(17)::eh_s(17):

 

[شوكلاتة سويسرية]

السنا المكي تراه مسهل اعزكم الله
انا جربتة ومالاحظت انة ابد مفيد بالعكس
الى وحدة خوفتني منة وقالتلي انة يسببب تقرحات بالقالون
واما قشر الرمان قالولي زين ويوم من الايام حطيتة مع الزبادي بس ماقدرت علية مررر حيل
(قلت وانا ليش اسوي بعمري كذا وش الله حاد) لووووووووول :dddds:وماشربتة
اما المرة فأنا من مؤيدينها بس للمعلومية تراها تسمن يعيني اللي ماتبي تمتن لاتشربها ابد
ويمدحوون اللبان الذكر عالريق اذا نقعتية بماي وخليتية بالثلاجة بس للامانة ماجربتة بس يقولون يقوي المعدة والقالون

وشي ثاني بفضفضلكم عنة باط جبدي:eh_s(14)::eh_s(14)::eh_s(14):
مايفقع مرارتي الى اذا دخلت على دكتور وقالي (ماتعمليش في نفسك كدة هدي نفسك انتي بتفكري فأية؟؟) :eh_s(14)انتي بتحبي؟)
لا وعقب يطالعني يعني ناطرني اقولة الحين
ولا ذاك الدكتور اللي يقول (انتي ماتجوزتيش لسى يمكن عشان كدة انتي بتفكريوعندك القالون طب اتجوزي ياستي يمكن تخفي وكل دة عوزة الجواز)لا ويقولهاد قدام ابوي بعد جليل الحيا:eh_s(14):
والله لولا الحيا كان فاتحة راسة صج بط جبدي
يعني لو اقدر اتحكم بنفسي كان ماسويت بعمري كذا
بس الكشوى الله غصب عني ذة شي نفسي وغصب
اي والله بتفكري بأية؟:eh_s(14):

 

[روروو]

الاسطوريه ياقلبي انا موقلتلك روحي لدايه شاطره الدكاتره مايعرفون بنزول الرحم تعرف تقولك قرحه بكويها اي شي يجيب فلوس والله انا ايام زواجي تعبت اول دكتوره تقول التهاب بالبول والثانيه تقوللي عادي يابنتي لازم التعب اول فترة الزواج
(لازم التعب هوا محرج والم فظيع مااقدر اتحمل الرجال) هالدايه قالتلي الدكتوره ماتعرف روحيلها بس وقت حبوب المنع ومتابعة الحمل
>>ترى طولتي
السنا المكي انا مجربته وامي وجدتي وكل واحد تعطيه امي السنا يدعيلها بس مو لحاله سنا مكي وكراويه تبون الطريقه اسئلوني والله يابنات يريح خذو نص ملعقة السكريه وتذكروني بخير يطلع الهوا كله حنا بالبيت عليه الحبوب للحالات الطارئه برى البيت بس موكل يوم تشربونه بس وقت الالم والكتمه​

 

[الاسطورية]

منانا حتى انا بعد الزواج ياني ودورتي ماتفيها مشكله بس هالشهر ولاحظت كل الي بالدوام مثلي يقولون من الجو مادري


رورو انا مبين معاي التهاب بالبول لاني قريت اعرضاه مثلي استغربت حيل ان اعراض التهاب البول مثل الحمل تحسين كان جنين برحمج ثقيل ولوعه ودوخه غثيان وبول مستمر

شوفي نفسي بس بدون دم ونتيجتي تطلع بعد يومين
واعراضه تكون كثرة التبول فى النهار والليل مع قلة كمية البول المتدفقة وحرقة اثناء التبول والم فوق منطقة العانه وايضا الم فى الجهاز التناسلى الخارجى للذكر والانثى وكذلك الم فى منطقة العيجان مع تغيير فى لون البول الذى يصبح معكرا او محمرا نتيجة لوجود الدم والصديد مع وجوج الم فى الظهر او الخاصره مع ارتفاع فى درجة الحرارة مع الشعور بالغثيان والقىء وهذا يفسر وجود التهاب كلوى.

 

[الاسطورية]

ههههههههههههههه شوكولاته ضحكتيني عالزواج

 

[بنت الاحلام]

هلا فيج والله تعبانه
للحين ومغص وعوار
والمشكله النفخه الي كل يوم تجيني بليل احس بطني بتنفجر

وما اكل دسم وقاعد اكل حبوب حق النفخه وما في فايده


ورجولي مثلجين



شوفوا لي حل حق النفخه يرحم والديكم

 

[MaNaNa]

مسسسسسسسسساء الورد يا احلا قولونيات :ggdw:
سمعوني يا حلوين .. السنا اهو العشرج سئلو يداتكم وامهاتكم اكيد يعرفونه
والاستخدام مووووووووووو يوووووووووووووووومممممممممممممممي
يعني مو كل يوم ...الي فيها مشاكل بالقولون تقدر تاخذه مره بالشهر
والي تبي الفايده ومافيها الاالعافيه خلها تاخذه مره كل 3 شهور لانه ينفض القولون نفاض على قوله امي
وغالبا مايستخدمونه في شاي الرجيم عشان جذيه ديروو بالكم لا تشربون اي شاي رجيم فيه سنامكي كل يوم
ترى فعلالالالالالالا يريح ومفعوله عجيب بس مو كل يوم ( لزقه عاد احنا ) ههههههههههه

ونسيت اقولكم انا سألت الحواي وقالي بشوفلج اذا في السنا الي مزروع بمكه اذا موجود بالكويت والا لا
لان يقولون اهو الافضل.. على قوله هالدكتور الي ضيعت موقعه >> خل اروح ادوره بقوقل
والله امس نمت وقلبي معاكم قاعده ادعي لكم بالشفا كلنا يارب وجميع المسلمين

شوكلاته >>> قصتج قصه تزوجي وريحي دكتورج ههههههههههههه
رورووو >>> حبيبتي كل دايات الكويت يشخصون كل البنات بنزول الرحم والا منقلب ماشاءالله :0bee2e8d89:
الاسطوريه >>> ياحياتي كل شي من الجو صاجين احنا بعد الغزو صرنا ضفادع مو بشر كل الامراض جربوها فينا عشان يلقون لها علاج واذا لقوه يقولون لنا تعالجو بره مو موجود بالكويت :0bee2e8d89:
بنت الأحلام >>> حبيبتي الحل السريع اهو الممممممممممره تريح بسرعه نقعيها بماي حار اشوي وشربي قلاص
وريولج دهنيها بفكس ولبسي دلالالالالالالالالاق ولا تفكرين تقطينه حتى لو دفيتي عشان لاتاخذين برد
انا كله اسوي جذيه

ونسيت اقولكم بعد روحو اشتروا بقردوش من الحواي صج صج رتحت عليه اسطوريه والله بتدعين لي انا ما اشريه كل يوم بس نظم دورتي ويريح قولوني بصراحه حتى بالدوام موديته معاي بس نقعوه لا تغلونه افضل

 

[MaNaNa]

من كثر ما هذرت قمت اكتب بدليات

اسمه برقدوش .. مو بقردوش >> فضحت عمرها مامداني اعدل
ههههههههههه

بر قدوش .... برقدوش .. اشوه عرفت اكتبه عدل

 

[--منوره--]

مساء الخير
انا صارلي 9 سنين اعاني من القولون وعندي امساك شديد يعني اقعد شهر مااحس بشعور عزكم الله اني بخرج ومااقدر اخرج الا بالملينات وطبعن ينتفخ بطني ويصير معاي الم بالمعده وبالبطن وحراره بالجسم وتنتفخ اريولي وصداع يعني مسكربه
وماكنت ادري ان قولون واتذكر مره حاشتني حراره ومسكت معاي 12 يوم كل ساعتين ترتفع ومع ترجيع وطبعن كل يوم اروح المستشفى ومايدرون شنو علتي لما حولوني على الامراض الساريه لان ارتفاع الحراره اكثر من 10 ايام هذا شي مو طبيعي طبعن خذولي تحاليل شامله يعني عن الامراض مثل الكوليرا وغيرها من الامراض بعدين قعدة وياي الدكتوره وسألتني عن كل شي فكتشفت ان سبت هالحراره اني ماخرجت مدة شهر اونص وسولي منظار وقالولي ماكوشي بس غيري نضام اكلج وغيرت نضام اكلي وماكو فايده لازم مولينات لما من قبل سنه سمعت عن دكتور بالغاري موجود بمركز الصفاة الامريكي كان يشتغل بمستشفى الاميري وقالنه عنه رفيج زوجي ورحناله دكتور صج فاهم اول مره اشوف دكتور يقعد اكلمني مدة ساعه كامله يسألج عن تاريخ حياتج كلها وعن اهلج وعن كل شي طبعن دخلني من بعد يومين منظار بس المنظار اللي عندهم طبعا مو نفس الحكومه منظار الحكومه اموت من العوار ومعاملته حلوه / وادري اني طولت عليكم بس اخر شي اكتشفت بعد المنظار ان اللي فيني كسل بالامعاء يعني ماعندي عملية هضم طبيعيه مثل غيري وبعد قولون عصبي قالي حتى لو تغيرين نظام اكلج ماكو فايده وعطاني كورس علاج وخلصته وبعد معاهم شراب لازم اشربه 3 مرات باليوم وحتى لو اكثر مايضر وشراب طبعن على طول والحمدالله الحين انا احسن من اول بوايد وانصح كل وحده تعاني من القولون تروحله لان وايد ناس راحوله من بعدي ورتاحو حتى بنتي كانت عمرها سنتين كانت كل ماتخرج تقعد تبجي واتموت من البجي وديتها حق اكثر من دكتور اطفال وماعرفو شنو فيها وبعدين وديتها حقه سألني عن حالتها وعرفت ان سبت العوار اللي فيها من التهاب بالمقعده لاني كنت احطلها تحاميل اتخفض الحراره لانها ماتشرب الدوه وقالي ان راح ادق على دكتورة الاطفال وشرحلها حالة بنتج وقولها العلاج واهي اتحدد الجرعات لانه اهو مايعرف بجرعات الاطفال ولاهو متخصص بعلاج الاطفال بس استقبلني لان ماخليت مكان مارحتله وماكانو عارفيين شنو فيها والحمدالله بعد 3 ايام حسيت ان البنت اتغيرت وصارت احسن بوايد وهذي تجربتي مع القولون واسفه مره ثانيه اني طولت عليكم

 

[KARI*]

بنات جربوا ما تاكلون عيش يتعب القولون وايد وإنشاءالله باذن الله ترتاحون ما تشوفون شر يارب

 

[MaNaNa]

منوره >> تسلمين خوووووش مشاركه والله يشافينا اجمعين يارب وشوقتيني اروح حق هالدكتور

كاري >> حبيبتي ههههههههههه اسمج روعه يهيج ابو القولون مو العيش
صج صاجه العيش الابيض والاسمر بس اهو الي يريح مو الي يصير مجبوس لانه متروس بهارات ودهن

بس يقولون العيش الاسمر عجيييييييييب مفعوله بس طعمه ... مو زود

الاسطوريه >>> حبيبتي لحقي على موضوعج ترى بسطت فيه جني استانست _03ba:هههههههههههه

 

[روروو]

نانا الله يعينكم اذا نفس التشخيص بصراحه عن نفسي كنت اعاني من الدوره من وانا بنت وبالزواج كنت مااقدر نهائي اتحمل الالم بس مع المشاكل التهيت والفتره الاخيره زادها التهاب البول والله يكرمك الافرازات ومدحولي هالدايه جاتني البيت قالتيلي السره متحركه والرحم والله احس فيها وهي تمرخها الم قوي بس اقول بنفسي تحملي تحملتي اقوى منه كل شهر عموما الواحد يسوي اللي عليه والباقي ع الله بس عشان مايقول خليت
السنا والله من تجربه خذوه بملعقه صغيره بس وقت مايتعب القولون انتو موتخافون بسرعه هو يسهل البطن اذا كثرتو يعني لو مو تجربه شخصيه وتجربة الاقارب ماانصحكم فيه بس الله العالم اني نصحتكم من محبه​

 

[روروو]

بنات تكفون طلب صغير ادري بطلع برى الموضوع بس مصخنه والحراره برجليني حطيتها بماي حار ودهنتها بزيت زيتون
بس المشكله صخونه داخليه ابي علاج ماايتعب القولون
والله ادعيلها اللي تقوللي وابي دعوه من اي وحده تقرى كلامي اني اتشافى منها العلاج يمغص ويتعب القولون نفسيااحس بنفضه وخوف ترض عليه بقوه​

 

[MaNaNa]

بنات تكفون طلب صغير ادري بطلع برى الموضوع بس مصخنه والحراره برجليني حطيتها بماي حار ودهنتها بزيت زيتون
بس المشكله صخونه داخليه ابي علاج ماايتعب القولون
والله ادعيلها اللي تقوللي وابي دعوه من اي وحده تقرى كلامي اني اتشافى منها العلاج يمغص ويتعب القولون نفسيااحس بنفضه وخوف ترض عليه بقوه​

رديت عليج بالخاص خفت ماتشوفين ردي هني

قلتلج كمادات الخل وايد زينه للحراره .. وشربي ماي وايييييد

وماتشوفين شر يا الغاليه.. بس السنا اذا ماني غلطانه ينشرب منقوع بماي مو لهوووووووووووووووووووم

والله يشافيج ويشافي كل المسلمين يارب وما تقطنا الاسطوريه بره موضوعها لان بسطنا فيه :gathering::hjy5jewf::hjy5jewf: