تجمع للي عندهم جهاز الاوربترك

[مدرسة طفشانة]

السلام عليكم ورحمة الله وبركاته
اشلونكم بنات عساكم بخير؟
أكيد في بنات عندهم هالجهاز العجيب وراكنينه على جنب والا تلقون مضايقكم بالمكان مثلي
اشرايكم نسوي لنا تجمع عشان نشجع بعض ونلعب عليه وان شاء الله بحيل الله راح نضعف ونشد جسمنا
لأن هالجهاز يهبل ينحت الجسم نحت ويشده بشكل مو طبيعي
يالله شدو الهمة وحطو الجهاز بمكان فيه تلفزيون على محطة المسلسل اللي تتابعينه عشان ماتحسين بالملل
نبي نبدي من الأحد 4/10 بإذن الله ونسجل يومياتنا
والحلوة الشاطرة اللي تقيس محيط خصرها أو زندها أو فخذها أو المكان اللي تبي تضعفه
ونتابع مع بعض وان شاء الله تنزل هالمقاسات ونستانس بالرشاقة
ناطرتكم لا تطولووووووووووووون علي

 

[دموع-الاصايل]

ما عندى بس ناويه اشتريه ان شاء الله
مع انى مو متينه بس ودى اشد جسمى

بس بغيت اسالج حبيبتى اى نوع اللى عندج اللى بمقعد والا بدونه لانى سمعت ان اللى بمقعد احسن .. صحيحه هالمعلومه؟؟
و سوال ثانى بجم خذيتيه؟؟ابى اقارن السعر
و مشكوره مقدما

 

[دمعة اشتياق]

حتى ناويه اشتريه لشد الجسم لانه وايد يمدحونه
دموع الاصايل انا سامعه يمدحون اللي بدون مقعد

 

[الحمد لله]

وانا بعد وياكم وان شاء الله بشتريه وابتدي معاكم
بشتريه من دايس سعره ب39 والمطور ب49
باخذ المطور ان شاء الله

 

[شلبديه]

بصراااااااااااحه انصحكم فيه لان صج رووووووووووعه

 

[مدرسة طفشانة]

الصراحه حبايبي اهو جهاز مو طبيعي كثر ما أمدحه ما راح تصدقون الا لما تجربونه
وأنا نسيت أقول لكم ان نبدي الأسبوع الياي نلعب عالجهاز ربع ساعة
والأسبوع الثاني نص ساعة
والأسبوع الثالث ساعة الا ربع
والأسبوع الرابع ان شاء الله بنكمل ساعة ونستمر عليه
لأن ما راح نقدر نلعب عليه مرة وحدة فترة طويلة راح نتعب
وبالنسبة للجهاز اللي عندي فيه مقعد وخذيته من شركة بالوسيط بـ 50 مع التوصيل دينارين بس حيل قوي
واللي عندها كريمات للتخسيس حق السليوليت تستخدمها قبل اللعب عشان تعطي مفعول أكثر
وموفقين حياتي

 

[دمعة اشتياق]

بصراحه الجهاز رخيص عندكم بالكويت انا سالت عليه بشركه عندنا بالسعوديه قالي 80 دينار غالي كثير راح ادور ارخص من هذي الشركه وان شاء الله الاقي

 

[توته وااااااااو]

والله حلو بس صج ينحت ويشد ومع رجيم ولا عادي

 

[مدرسة طفشانة]

يالله بنات وينكم ما بقى شي عالأحد؟
up
up
up

 

[شلبديه]

يلا ويااااااااااج ويااااااااج نبي نضعف تعبنا من الشحم شدواااا الهمه وخلونا نتساعد بنااااااااااات ووووووووووووووووووينكم !!!!

 

[مدرسة طفشانة]

بعد عمري والله شلبديه عفية حبيبتي شجعيهم خل نتحمس ونضعف مع بعض

 

[نور الشمس 75]

انا ناويه اشتريه ان شاء الله وابدي معاكم

 

[مدرسة طفشانة]

حياج الله يا نور الشمس
وبانتظارج

 

[شلبديه]

عااااااااااااااااااااااشوا البنات يلا همتكم بالله انك تكثرهم وترفع معنوياتهم

 

[مدرسة طفشانة]

up
up
up

 

[حرووف]

مرحبا صبايا الجهاز عندي له اكثر من ست شهور شاريته وهو فعيلا يشد الجسم وروعه بس انا يوم استعمله وشهر لا وشاريته تلي سين ال لي عندنا بالجهرا 66 دينار بس صج يتعب وانا خصوصا عندى ربو بسرعه اتعب منه وعلى فكره كنت ناويه اليوم العب فيه بس راح ابدا معكم

 

[موزة ام فارس]

عندي الجهاز حده عجيييييييييييييييييب عجييييييييييييييب

استعمله كل يوم 5 دقايق بس شد جسمي عدل عدل وفظيع

بس لاحظت ملاحظة خواتي اللي اذكروا عنه بالمنتدى ان يعور الركبة
بالبداية ماحسيت كلش بعوار ركبي بس بعدين صج حسيت انها تتعب الركبة
وخفت اكمل عليه من جذي وقفت التمرين عليه


اشرايكم بنات تأيدوني والا لا !!
بس هم وياكم انا بالتجمع بس تكفون طمنوني :لأن فيني التهاب مفاصل

 

[شوق و حنين]

:ggdw::ggdw::ggdw:
ئي جذي:eh_s(15):
طاح حظي وآنا أحوس بالقسم أشجع البنات على العنايه بجسمهم
كل اللي قاعده أشوفه بالمواضيع تحلطم وبس...ولي عطيتيهم الحل السهل اللي بتناول إيدهم إخلونه ودورون عالشي اللي صعب الوصول له أو شي بديره ثانيه أو شي محد قادر يوصله:eh_s(1):

بعد المقدمه اللي كانت تقرقع بقلبي:dddds:
أقولكم الجهاز عندي من زمااااااااااااااااااااااااااان
إينن
إهبل
عجيب
مو طبيعي
إنسق الجسم وبالذات الحوض والفخوذ
آنا حاطته جدام التلفزيون وألعب عليه يوم وترك لمدة 45 دقيقه وقبلها أدهن جسمي بكريم نيفيا
وفوق هذا كله قاعده أسوي مساج تخسيس عند مركز الغرشوب والله بنات الكل صار إحسبني إني مسويه عملية تجميل أو شد حق جسمي:dddds:
بالضبط بديت قبل رمضان بيوم وماااااااازلت وراح أستمر انشالله

بس نصيحتي كثفوا البرنامج شوي وخلوا معاها مشي
الجو صار عجيب وهذي فرصه
خلوها يوم الجهاز واليوم الثاني مشي
وما أنصح تلعبون عليه يوميا بالبدايه عشان آلام الاعضلات

وآنا معااااااااااااااكم ولو إني باديه من قبلكم:friends:
والتفاصيل بتوقيعي

 

[مدرسة طفشانة]

مرحبا صبايا الجهاز عندي له اكثر من ست شهور شاريته وهو فعيلا يشد الجسم وروعه بس انا يوم استعمله وشهر لا وشاريته تلي سين ال لي عندنا بالجهرا 66 دينار بس صج يتعب وانا خصوصا عندى ربو بسرعه اتعب منه وعلى فكره كنت ناويه اليوم العب فيه بس راح ابدا معكم

حياج الله حروف معانا وان شاء الله نستمر مع بعض ونشجع بعض:ggdw:

 

[مدرسة طفشانة]

عندي الجهاز حده عجيييييييييييييييييب عجييييييييييييييب

استعمله كل يوم 5 دقايق بس شد جسمي عدل عدل وفظيع

بس لاحظت ملاحظة خواتي اللي اذكروا عنه بالمنتدى ان يعور الركبة
بالبداية ماحسيت كلش بعوار ركبي بس بعدين صج حسيت انها تتعب الركبة
وخفت اكمل عليه من جذي وقفت التمرين عليه


اشرايكم بنات تأيدوني والا لا !!
بس هم وياكم انا بالتجمع بس تكفون طمنوني :لأن فيني التهاب مفاصل

حياج الله أم فارس معانا:ggdw:
وبالنسبة حق الألم اذا كان وزنج زايد يسوي لج ألم ويمكن الالتهاب يزيده
أنا أقول استشيري دكتور أحسن وان شاء الله ما كو الا العافية