منو مثلي تحت عيونها اسود وخطوط وتجاعيد ؟؟؟؟؟؟ ( صور انشالله تفيدكم )

[الفجر البعيد222]

السلام عليكم
شلونكم سيدات وانسات وبنوتات الكويت

بدون مقدمات

اكيد اغلبنا نعاني من مشكلات العيون من هالات وخطوط وتجاعيد وانتفاخات وتخرب علينا المكياج
ما اعتقد في وحدة عانت كثري لدرجة اني صرت اكره اطلع من البيت والبنهار ما اقط النظارة الشمسية
حتى بالميكب شكله تحت عيوني وع خطوط وتجاعيد مع اني عمري 23

وبعد هالحوسه كلها جربت كريمات الدنيا على امل اني الاقي حل يريحني

وحطيت لكم بعض هذي المنتجات بعضها نفعني وبعضها لا

بسم الله نبدي

جربت هذا وهو عبارة عن سيرم يستخدم الصبح وبليل وينفع ينحط قبل المكياج بس ما نفع معاي وسعره تقريبا 12


وجربت الماسك من كانيبو حلو نوعا ما يستخدم مرتين بالاسبوع بس انا مرات استخدمه اكثر بس مو ذاك الزود سعره 21



استخدمت ليراك اشتريته مرتين حلو وخفف الهالات شوي سعره 7 بس استخدمته بفترة المدارس كنت معدله نومي وانام مبجر يمكن عشان جذي نفعني يستخدم الصبح وبليل


جربت سوسكن اهو 3 في 1 يعني للهالات والتجاعيد والانتفاخات بس كلش ما نفعني سعره 18 من بوتس



استخدمت بوندس بعد اشتريته مرتين حتى الدكتور طلال العلي قال زين للتجاعيد وسعره رخيص 3 او 4 متوفر بالجمعيات
بس ما وصلني للغرض المطلوب بس ارجع واقول انه حلو

وهذا شكله من داخل الوردي للتجاعيد والابيض للهالات


وتوني شاريه هذا من ايفين امدحته لي الصيدلانية قالت حطيه قبل الميكب يرطب المنطقة تحت العين ويطلع الكونسيلر والميكب مرتب
بس طلع خرطي خرطي خرطي يلوع الجبد حطيته قبل الكونسيلر صار لوعه رديت البيت غسلته ورديت الدوام :0bee2e8d89:


واللي ميته واستخدمه هذا من كلينك البنات بالمنتدى وايد يمدحونه
بس ما اعرف سعره
اللي استخدمته وتعرف سعره تفيدنا جزاكم الله خير

وسلامتكم :ggdw:

 

[الفجر البعيد222]

المطلوب الحين اللي مثل حالتي ياليت تكتب لنا تجربتها سواء من كريمات او كونسيلر او لوس باورد نفعها

المشكله الحين ابي كريم او سيرم ينحط قبل الكونسيلر يخفي الخطوط والتجاعيد ؟؟؟؟

او اللي جربت اي كريم من اللي انا حاطتهم وفادها ياليت تكيتب مشاركتها وتفيد البنات

واللي تستفيد من موضوعي امانة تدعيلي ان الله يوفقني بشغلي وارتاح بمكاني
وجزاكم الله ألف خير

 

[الفجر البعيد222]

اي ونسيت اقولكم مرت علي فترة برمضان كنت كل يوم احط على ويهي كله روب اكتيفيا


والله انه يهبل يهبل يهبل شوي عليه
حتى الهالات تقريبا اختفت حتى امي تقول ما فيج سواد
كنت كل يوم احطه لمدة ساعة كاملة لين ينشف
وما ينشف البشرة مثل الروب العادي المراعي او كي دي دي
لا يرطب انا بشرتي جافة ما ينفعني الروب
بس اكتيفيا غير
ويفضل يكون منتهي الصلاحية حطيته بثلاجتج وكل يوم دهني ويهج منه

 

[قلـــ نوني ـــب]

الله يعينج اختي بعدج صغيره على التجاعيد
انا اشتكي من سوااد تحت العين
جربة كريم للهالات من شيسيدو حلو نات باااد
بس كثير اسمع بنات يمدحون زيت جنين القمح
وناويه اجربه ^^

 

[عز النفس يغنيني]

انا قاعده استخدم مال كلينك سعره 13 .. بس الحمدالله مافيني سواد بس احطه قبل الكريم اساس عشان ما يتشقق تحت العين

والبنات حييييل يمدحونه وهو علاجي تحطينه مرتين باليوم ...

ويعطيييييييييييج العافيه على الكريمات ...ما قصرتي

 

[sara miller]

حياااااااااااااااتي احسن منتج جربته هذي صورته

راااااااائع

 

[um fawaz]

انا استخدم بوندس ... وبس

 

[(كويتيه عسل)]

انا جربت bonds صج اينننننننننننن

بس بنااااااااااات ديروبالكم

اللي مكتوب بالانجليزي اهوا الاصلي

واللي صناعتة سعوديه تقليد

 

[بنت الأصايل]

لاتجربون اي منتج الافضل يكون استشارة من طبيب لأن هذا المكان حساس

 

[الفجر البعيد222]

يسلموووو

بنت الاصايل
اغلبهم من وصف دكاتره بس للحين مو لاقيه الحل المثالي وبشرة عن بشرة تفرق
مشكورة على مشاركتج

كويتية عسل
مشكورة على التنبيه حبيبتي
صحيح اغلب المنتجات تقليد منها السعودي والاندونيسي والهندي

 

[pure_angel]

انا جربت كلينيك حلةو للترطيب بس اما هالات او خطوط لا
عندي بوندس واستعمله حاليا حلو
من زمان استعملت كريم للهالات وانا هالاتي قويه وراحت كلها تقريبا بس رميت العلبه ومااتذكر الاسم للاسف دورت كثير بس مالقيت
وبعد من زمان جربت كريم من لوريال اسمها ريفايتا ليفت للتجاعيد (انا ماعندي تجاعيد بس خطوط مثلج وعمري20) وجاب نتيجه بس لما تركته رجع كلشي مثل ماكان
انصحج بلعسل الطبيعي حلو كثير
والله يعين لان هذي مشكلتي من زمان وما لقيت حل جذري

 

[شوق شوقى]

بوندس ما عليه كلام

 

[كيوت_25]

كلينك روعه قاعد استخدمه

و استخدمت اغلب الكريمات الي حطيتيها بس تبين نصيحتي

و الله ثم و الله ثم والله

ما على زيت جنين القمح

روحي الحواي و قوليله ابي هالزيت للبشره مو الشعر

راح يعطيج غرشه صغييييييره 30 مل (جنه بدينار او دينار و نص)

حطيها على كوميدينتج و كل يوم قبل لا تنامين غمسي صبعج فيها و مسحي تحت عينج

ديري بالج لا يدش داخل العين و خلي الزيت لليل و كريم كلينك للنهار و ادعيلي

و اذا بالنهار ما راح تطلعين مو مشكله تحطين من الزيت

بس طبعا بهالفتره حافظي على النوم امبجر و شرب الماء و الله يوفقج حبيبتي

 

[بحر الرمال]

انا جربت كريم كلينيك ترا حلو للترطيب بس للهالات مافاد بشي و سعره 13 و نص

 

[كنوشة 2009]

احسن شي يغطي الهالات اهو خافي عيوب لونه برتقالي من ماك فور ايفير وفوقه كونسلير من نفس الماركة او اي نوع زين عندج وايد يخفف من السواد تحت العين وهذا عن تجربة انا من سنين استخدم هذه الطريقة
وبعد سمعت ان العسل زين حق السواد تحطين نص ساعة بعدين تمسحينه بماء ورد انا ما جربتها بس سمعت فيها ويقولون النشا مع ماء ورد تخلطينهم وتحطينهم اشوي على السواد وبعدين تغسلينه هم يخفف السواد

 

[شيهانه]

مشكوووووورين بنات ..

 

[بنت الاحلام]

هلا والله بنات انا جربت كريمات كلهم خرطي


بس قاعد احط بطاطا نفس طريقه بنت هني ابشرها وتصير رفيعه واحس في فرق


صدقوني افضل من هذول الي ما منهم اي فايده

 

[BshBshanea]

بوندس الاصلي صناعة اي دوله ؟؟؟

 

[غاية مرامي]

المشكله حبيبتي ان ساعات الهالات السودا يكون سببها وراثي عشان جذي صعبة تروح ومع التعب والسهر تزيد

كثري من السوائل خصوصا الماي للاسف احنا وايد نهمله خلى دايما وياج ماي صحة

وحطي شرايح بطاط على عيونج وايد قريت انها تخفف او خيار وكل شي يبيله وقت يعني اللي يقولج وحتى لو الطبيب راح يخف بشهر ولا شهرين جذاب....هالاشياء سولء طبيعية اوكريمات يبيله صبر وماتقطعينها وماتبين نتيجتها الا بعد 6اشهر

اتمنى اني فدتج ياقلبي

 

[* موناليزا *]

بوندس الاصلي صناعة اي دوله ؟؟؟