اي استفسار لطلبة الحقوق - جامعة الكويت

[Miss Law Q8]

.

‏Miss Law Q8

قصتج تعور القلب وحسبي الله عالمتخلفين اللي مجابلين السستم السكه !

الناس وصلوا القمر وحنا ليلحين سستمنا مريض !

وسوري اسمحيلي اقولج انتي اتحملين جزء من الخطأ ,,

لانج ماسعيتي وسكتيلهم

كان المفروض لما تشوفين الـ f تروحين الكلية وتنشبين لهم نشبه وماتفجيييييييين

وخل يعابلون بالرافة او يعيدون جمع درجاتج ، الـ f كلش مو هينة

بس شنقول بعد ، مقدر ومكتوب وهذا امر الله

شدي حيلج الحين وفالج التوفيق انشالله :**

اي والله صاجة انا تحبطت وتوقعت انه خلاص وتعرفين شعور اوله تحسين انج ضايعه ومهما تسوين ماكو فايده وانا تحبط وسكت حته الكل يطق علي الباب وحاقرتهم مابي اتكلم بالموضوع .. بس جد المفروض نعرف اكثر عن النظام وو يعدلون هالسستم التعبان يعني محد قالي والله حدي كنت ضايعه ومتوهقه اولى كانت بالنسبه لي ظلمه والثانيه والله حدها عجيبه ومتحسفه عليها خلصت لوووول

 

[L a w y e R]

لوول عيل انا نفسج شفت الـ f بالسستم واستانست لوول

قلت ماعليه امر الله ، بس انصدمت صدمة حياتي وبجيت بجي لما شفت معدلي تحت السبعين

كان 66 لووووووول

امبيه كنت اشنع فترة بحياتي من غير مبالغة ، والحمدلله عدت السنة وكانت خيرة لي اني اعيدها الحمدلله

بالحقوق دايما توقعي غير المتوقع لوول

 

[قانوينة89]

بنااات الحقوق سؤااااااااال ردوا علي بلييييييييييييز
انا دبلوم قانون من التجاري يايبه امتياز اقدر اكمل بالحقوق؟؟؟

 

[anjelena]

ايفاااااا مشكورة حبيبتي ما تقصرين



الووووووووو منو موجود ؟؟

 

[anjelena]

قانونية والله ما ادري اتمنى البنات يساعدونج
موفقة حبيبتي

 

[kamelia]

هااي بناتو

مبروك على نزول الجدول ..
ودرجات التكميلي امس الاربعا رحت الكلية اشوف اذا معلقينهم.. ماكو شي !!
رحت حق الارشاد قالو اليوم اخر يوم واكيد راح تنزل .. قلت اوكي ..
رديت البيت وللحين ماكو شي

بعطيهم مجال لي باجر الخميس .. اذا مانزلت بروح حق الكنترول الاحد

 

[Miss Law Q8]

الي اعرفه الحقوق بس يقبلون الاااا التحويل الداخلي يعني من داخل كليات الجامعة فقط

 

[anjelena]

قوة كاميلا شلونج حبوبة

ممكن سؤال ؟؟

انتي اي سنة

^^
سألت وخلصت خخخخخخ << ما تصبر

 

[L a w y e R]

هااي بناتو

مبروك على نزول الجدول ..
ودرجات التكميلي امس الاربعا رحت الكلية اشوف اذا معلقينهم.. ماكو شي !!
رحت حق الارشاد قالو اليوم اخر يوم واكيد راح تنزل .. قلت اوكي ..
رديت البيت وللحين ماكو شي

بعطيهم مجال لي باجر الخميس .. اذا مانزلت بروح حق الكنترول الاحد

هلا حبيبتي

درجات التكميلي نازله بممر البنات يم باب اللوبي دايركت

 

[L a w y e R]

بنااات الحقوق سؤااااااااال ردوا علي بلييييييييييييز
انا دبلوم قانون من التجاري يايبه امتياز اقدر اكمل بالحقوق؟؟؟

يقبلون اعداد بسيطة جدا جدا جدا

راجعي العمادة او دقي عالتوجيه والارشاد بالكلية وانشالله يفيدونج

 

[anjelena]

لويررررر شلونج حبيبتي شخبارج ؟؟

دريتي يقولون اجلوا الانتخابات لي 28-10
يقولون عشان انفلونزا الخنازير وحفاظا على سلامة الطلبة

شرايج ؟

 

[anjelena]

لا لا لا مو عاجبيني :eh_s(14):

بنات وينكم نمتوا :0bee2e8d89:

 

[Miss Law Q8]

هلا انجلينا شلونج ؟؟

 

[L a w y e R]

لويررررر شلونج حبيبتي شخبارج ؟؟

دريتي يقولون اجلوا الانتخابات لي 28-10
يقولون عشان انفلونزا الخنازير وحفاظا على سلامة الطلبة

شرايج ؟

حبييبتي انا بخير الحمدلله

انتي شلونج ؟ طيبة انشالله ؟ :*

انا مع التاجيل الصراحة .. مو عشان الانفلونزا لا

لاني اساسا مو مقتنعة ان انفلونزا الخنازير مرض وااااايد خطير ،

تدرون التضخيم الاعلامي وبعض الناس وايد خلوا الموضوع اوفر !

انا مع التاجيل عشان يقارن المستجد بين القوائم ويشوف منو الاحسن بين الموجودين

معني احبذ انهم يأجلون الانتخابات اكثر ، لان مستحيل المستجد يميز بين الزين والشين بسرعه سبيشالي باول سنة

كل التوفيق للجميع انشالله

 

[anjelena]

مس انا الحمد الله زينة انتي شاونج يبا شخبارج ؟
عشان نتعرف عليج اكثر انتي اي سنة


لوير حبيبتي انتي والله انا تمام الحمد الله
اييييه والله يا لوير كلامج عين الصواب انا معاج بكل كلمة قلتيها والله يعين المستجد والله مسكين ما يدري وين الله قاطه << مو كلهم طبعا
الا بغيت اسألج لوير شنو استعدادتج للسنة اليديدة ؟

 

[Miss Law Q8]

دووم ياارب
انا بخير دامج بخير .. انا بسنه ثالثة ..
متحمسة للدوام ولا لا ؟

 

[L a w y e R]

عساج دوم بخير انشالله

بالنسبة لاستعداداتي .. والله ولا شي ليلحين

اهم استعداد ان مالي خلق اداوم لووول

ماشبعت من العطلة ، مامداني اتهنى فيها

بس خلصت الصيفي يانا رمضان ، عقب يانا العيد .. ومادري ليلحين ماحس اني عطلت

ابي اسافر لوول

اهم شي .. ناوية ادرس اول باول انشالله والله يقدرني على هالشي يااارب

سبيشالي وان ثالثة مو هينة ، وانا انقرصت العام ، فانشالله اكون صج استفدت من الدرس

واي الله لايعودها من ايام ولا يحط احد بذاك الموقف

يبيلي امر المكتبة بعد ومتعيييييييييييزة بسبة الزحمة السخيفة اللي هناك

صايرة حدي ربادية لوول

.
.

انتي شنهي استعداداتج ؟

 

[Miss Law Q8]

لويار معاي بثالثة ...
بسالج سؤال الي الكل بثالثة يساله لووول منو عبيد ولا عبد الستار ترا حديي محتارة !!!

 

[anjelena]

اي ولا لأ
اي لان ابي شي يعدل روتيني خو الحين عطلة وقاعدين بس سهر واكل ونوم ما في انجاز !! << اختكم تحب تشتغل واايد
ولأ لان اول شي خايفة من التسجيل المواد والله ياوخيتج ما سنعتلي جدول حلو وزين وخايفة ما القى الدكاترة اللي ابيهم
وثاني شي خايفة من دراسة الحقوق خو الكل قاعد يخوفنا الحقوق صعبة وما ادري شنو بس انشالله بنشد حيلنا والله كريم


يلا بنات سولفوا وينكم << ما فيها نوم

 

[L a w y e R]

اي حبيبتي رايحة ثالثة انشالله

شوفي تبين السهالة والاعمال اخذي عند عبدالستار

تبين تنضغطين وتنسين انج ماخذه مواد غير مرافعات اخذي عند عبيد !!

وعزمي اكرهه بس يقولون مزاجي لاشتهى يعطيج حقج بيعطيج اياه ، معنه غالبا ظالم !!

وعموما ترى بالفاينل الكل ينصدم من الامتحان ايا كان الدكتور اللي يدرسهم

انا انشالله اذا الله كتب ناوية اخذ عند عبيد لاني احب هالدكتور ،

رفيجاتي شور توزعوا على كل الدكاترة ، فـ وايد امدحوا عبدالستار ، عبيد طريقته مو تقليدية ، يمكن البعض مايحبها لانها متعبة

يعني عادي تداومين بالويك اند ! وعادي تمتحنين بالويك اند ، الله يعطيه العافية انشالله