تجمع لبنات الشريعه ^-^ ...

[صراع اللحظات]

اهليين المهندسه

اللقاء التنويري حتى انا ما رحت

وايد يعني مهم ؟؟

لا و انا حده شكلي فزه من الصبح بروح ان شاء الله

 

[أصدق شعور]

هلا فيج حبيبتي ..

انا بالنسبة لي مو مستجده .....

وبقولج شغله ترا الشريعه ماتسوى كل هالعنوه حدها ماتضيع يعني القاعات ماتضيع ... كلهم مبنين ...

انا عندي الاداب تضيع من قلب وهم الخالديه ... أجي المكان مره مرتين وجنى أول مره :d

 

[صراع اللحظات]

اهاا,, المهندسه ادري انج مو مستجده

بس قصدي ما صار فيج شي لأنج ما رحتي اللقاء التنويري صح ؟

س : اسمج المهندسه و داخله شريعه , و الصيدلانية و داخله شريعه

هل هي مجرد نك نيم و لا طموحات سابقه و تغيرت ؟

 

[أصدق شعور]

حابه اشكر الاخت اللي وضحت لي حكم قراءة القرآن للميت ..... جزاج الله خير

 

[أصدق شعور]

لا والله تبهدلت من قلب لدرجه بغيت ابجي .... صج اذا المكان جديد عليج تحسين انج ضايعه وماكانوا معاي رفيجاتي انا الوحيده دشيت الجامعه واهما تطشروا

اي انا قاعد اضحك ع اسامينا وحده مهندسه وال2 صيدلانيه ههههههههههه ..

انا بالنسبة لي بس جي حاطه الاسم طبعا ماكان طموحي ولاهدفي ...........

 

[صراع اللحظات]

لااااااا تقولين :'( المشكله ان احنا شلتنا كلها ماراحت اللقاء التنويري

اها =) لأن نكج ما يوحي انج شريعه

اقوول شلون عالغياب و جذي اخذيني على قد عقلي شوي :$

الحين اذا غبت و عندي مرضيه نفس الثانوية

المهم مريضه و غبت و بعدين ؟

مو صح في انذارات و جذي ؟؟؟

 

[صراع اللحظات]

مع السلامة بكمل نومتي

 

[أصدق شعور]

ع حسب الدكتور في دكاتره عادي عندهم الغياب .... يعني تغيبين واجد واخر شي يعطيج درجة الحضور كامله ... وفي دكاتره يحاسبون وفي يدققون حيل ... وفي بعضهم اذا عطيتهم طبيه يشيلون الغياب وفي يعطونج جم يوم تغيبين مايحاسبونج .... والانذارات اكثرهم ينزلووووون

تذكرت د.عصام فديته روعه هالدكتور ينحب ..... اهوا اللي قلتلج انه مايحاسب عالغياب .... يونس

 

[أصدق شعور]

ترا حتى انتي قاعد تطولين بالرد ....

 

[منتدى كويتيات]

بنات

انا سجلت هالكورس بس 3مواد(9وحدات)

مايسحبون جدولي عادي ؟؟

لإني سمعت اللي تسجل بالكورس الإعتيادي اقل من 12يسحبون جدولها؟؟

بنات صج هالكلام ولا لا؟

 

[أصدق شعور]

اي يسحبونه روحي ضيفي ماده 3 وحدات

 

[أصدق شعور]

اقول ............ اريد أن أذهب ..... الى قسم ن آخر في المنتدى .... قسم الشعر بشوف الصبغات ....

اراكم في وقت لاحق .......استودكم الله

 

[منتدى كويتيات]

المهندسه

من صجج!!!! صدمتيني كنت مستانسه بالجدول

بس شلون انا سألت مكتب التوجيه والأرشاد بالتربيه قالتلي اقل شي تاخذين بالكورس الإعتيادي 9 وحدات اقل مايصير

؟؟؟؟

 

[ضحاوي الديره]

السلام عيلكم بنات شلونكم شخباركم وااااي حدي ولهانه عى سوالفكم الحلوه
بس عندي سؤال اول يوم وين نروح على طووووووول محاضرات انا ماماتي تضحك علي تقولي شعبالج تحيين العلم هههههه
اخاف اضيع و اتاخر و اتبهدل امانه علموني ترا ولا مره دخلت الكليه انشالله بس الدكاتره ما يحاسبون اول يوم

 

[looty5]

هلا ضحـآوي ..

اولا مبرووك القبول >>>متآخره حدي

اول يوم تدورين قـآعـآتج واذا لقيتهـآ تنطرين لين مـآ يبـدآ وقت المحـآضره وتروحين لهـآ يعني مـآ في طـآبور ولا شيء ..

الجـآمعه بتخليج تعتمدين ع نفسج لووووووووووول ..
يعني كـآنج رآيـحه السوف تشترين سيء معين من محل معين هع هع ..

واذا في اي استفسـآر حـآضره ^^

 

[أصدق شعور]

انا اللي اعرفه واسمعه دايم من البنات انج اذا مسجله 9وحدات يسحبون جدولج ... عشان جذي حطوا البايفورس للي نفسج هذا اللي اعرف

وبعدين حتى لو يصير انتي من صجج بس 9وحدات ترا صج مايسوون .... متى تخلصين اذا كل كورس جي ... انا اقول تزيدينهم وافضّل يكونون 15 .... أحسن لج

عندي سؤال انتي اي كلية وأي سنة ؟؟ ...

بالتوفيق .......

 

[صانعة المستقبل]

بنات اللقاء التنويري يقال أن امس الموعد
لكن للأسف انا رحت جان يقولون ما في
لقاء اليوم بس لكلية التربية بس صج تحسفت
أني رحت تغبرت و رديت البيت قاعدين يعدلون
الممرات وعمال ودنيا وتراب صج كان حوسه​

:rgewrg: :rgewrg: :rgewrg:

 

[قلبي لربي]

مسـآء الخـيــر ،،

بنـاااات بسألكـم عن الدكتور جميل المنيـع شنو نظامه =( ؟!

 

[ودي بالجنه]

على هونكم هووووووب هووووووب
شنو هذا تراكم خرعتوني مو لهدرجه انا خواتي تخرجوا من الكليه ماذكروا لي الا كل السهالات يامعودين حدي قاعدة ارجف
والله والله عورني راسي تكفون دخيلكم عبارات تريح الواحد ترى هم انا مستجده وتوكلوا على الله وماله داعي المبالغه
( لاحول ولاقوة الا بالله )

 

[توته999]

الســــــــــــــــلام عليكم ورحمة الله وبركااااااااااااااااااااته ...​

شلووووووووووووووونكم بنات كليتي؟؟اشتقتلكم حدددددددددددي:wqedqw:
من زمان موداخلة التجمع من خلصت الصيفي وانا لاهية بهالعطلة ماخليت مكان ماطلعته مومصدقه:eh_s(3):
المهم طمنوني عنكم وبالأخص نونا والمهندسة حبايبي مشتاقتلهم حيل:hjy5jewf:
والمستجدات حياكم الله بكليتنا وصدقوني راح تحبونها وااااااااااااايد مثل ماحبيناها

طمنونا عن جداولكم واللي عنده سؤال انا حاضر وبالخدمة:sfg:

وهذا جدولي ان شاءالله اصادف احد معاي :

يوم الاحد والثلاثا والخميس 135 عندي :
-فقه2 من 10 لي10,50 د.خالد العتيبي
- مبادىء تربية من11لي11,50 د.عيسى الأنصاري
-أصول تربية من2لي2,50 د.دعيج المطيري

ويوم الاثنين والاربعا 24 :
-معاملات مالية من 8لي9,15 د.علي الراشد
-الدعوة الى الله ووسائلها2 من 9,30 لي 10,45 د.عبدالناصر اللوغاني
وســــلامـــــــــــــتــــــكم