تجمع موظفات البنوك

[ma3moolah]

السلام عليكم ورحمة الله وبركاته
شلونكم جميعا:eh_s(6):

خلونا نسوي تجمع حق موظفات البنوك ونقعد نفضفض حق بعض :gathering:

آنا توني موظفة يديدة بالبنك تعينت بالفروع


حياكم يا موظفات
بانتظار ردودكم

أشوفكم على خير

 

[kuwaitya-frawla]

هلا والله اختي



بغيت اسالج اي بنك انتي؟


و جم معاش الدبلوم عندكم؟


وشلون الدوام متعب؟؟؟؟؟؟و الدوام دوامين ولا دوام واحد؟

 

[كلي رومانسية]

هلا حبوبه ،، أنا بعــد موظفة بس نص دوام part time ،، بالأوسط وإن شاء الله بعد إسبـــوع نبدي دوام . ​

 

[ma3moolah]

هلا حبايبي

آنا ببنك الكويت الدولي

ومعاش الدبلوم أتوقع فوق 750 لأني بصراحة ليحين ما إستلمت المعاش كامل توني يديدة :eh_s(6):
وبالنسبة للدوام دوامين صبح وعصر والله يعين

 

[أم عبدالله Q8]

هلا والله وانا توني متوظفة بالاهلي من 4 شهور بس انا بالرئيسي دوام واحد ومن باجر دوام الفروع اللي بالمناطق السكنية راح يكون من 8:30 لي 4:30

 

[ma3moolah]

إي صاجة ام عبدالله بس للأسف آنا بفرع بمنطقة تجارية ودوامي راح يكون من 8 ونص الصبح لين وحدة ونص
والعصر من 5 لين الثمان الله يعين

 

[تمنيتك]

الله يووفقكم

والفال لي .. انا دقو علي الوطني بس يستفسرون علي شهادتي وقالولي دزي سي في علي اميل معين وبس لوول

 

[كلي رومانسية]

هلا والله وانا توني متوظفة بالاهلي من 4 شهور بس انا بالرئيسي دوام واحد ومن باجر دوام الفروع اللي بالمناطق السكنية راح يكون من 8:30 لي 4:30

تصحيح معلومــة من
استقبال العملاء من 8:30 إلى 3:30 عصرا دوام واحد هذا بالأفرع ، أما ال Head Office من 8:30 إلى 1:30 ظهرا . ​

 

[كلي رومانسية]

إي صاجة ام عبدالله بس للأسف آنا بفرع بمنطقة تجارية ودوامي راح يكون من 8 ونص الصبح لين وحدة ونص
والعصر من 5 لين الثمان الله يعين

بس في علاوة حق الدوام المسائي ،، بس اللي يبي راحته أحسن شي يداوم بالرئيسي دوامهم أخف من الأفرع ​

 

[ma3moolah]

صح كلامج إختي كلي رومانسية في علاوة حق الدوام المسائي والله كريم ويرزقنا نداوم بالرئيسي

 

[ma3moolah]

الله يووفقكم

والفال لي .. انا دقو علي الوطني بس يستفسرون علي شهادتي وقالولي دزي سي في علي اميل معين وبس لوول

موفقة حبيبتي والله يرزقج بالوظيفة اللي ترضيج
ونشوفج معانا بتجمع موظفات البنوك بشرط تكونين موظفة بشكل رسمي

أتغشمر حياج بأي وقت:dddds:

وحياكم كلكم بنات منتدى كويتيات

 

[كلي رومانسية]

بسألج ((معموله)) .. شلون عن البنك الدولي عسى كانت سهالات لما قبلوج لانه وااايد اسمع الدولي يبيله واسطه قويه يالله تتوظفين ،، وأفرع البنك اذا مو غلطانه حيل محدودة يعني مو مثل باجي البنوك لانه بالاساس بنك مختص بالعقار ؟؟؟ ​

 

[فتاة الجبل]

بنات بليز ولا عليكم امر مدام كلكم تشتغلون بالبنوك جان زين لو كل وحدة تقولنا متى يسير عندهم اعلان للوظايف عشان نقدم
ومشكورين

 

[ma3moolah]

بنات بليز ولا عليكم امر مدام كلكم تشتغلون بالبنوك جان زين لو كل وحدة تقولنا متى يسير عندهم اعلان للوظايف عشان نقدم
ومشكورين

هلا حبيبتي طريقة التقديم تكون بإنج تدخلين على الموقع الرسمي تبع البنك اللي تبين تتوظفين فيه وتسجلين إسمج وبياناتج مكان الوظائف وسلامة عمرج

 

[ma3moolah]

للرفع

 

[كلي رومانسية]

Up Up

 

[فتاة الجبل]

هلا حبيبتي طريقة التقديم تكون بإنج تدخلين على الموقع الرسمي تبع البنك اللي تبين تتوظفين فيه وتسجلين إسمج وبياناتج مكان الوظائف وسلامة عمرج

مشكورة حبيبتي ما قصرتي
انا قدمت قبل فترة على الاوسط والاهلي بس اثنينهم مادقو علي فمادري شنو اسوي بهالخصوص

قلت اقدم مرة ثانية بس هم مترددة عشان جذي سألت

 

[ma3moolah]

بسألج ((معموله)) .. شلون عن البنك الدولي عسى كانت سهالات لما قبلوج لانه وااايد اسمع الدولي يبيله واسطه قويه يالله تتوظفين ،، وأفرع البنك اذا مو غلطانه حيل محدودة يعني مو مثل باجي البنوك لانه بالاساس بنك مختص بالعقار ؟؟؟ ​

هلا والله آنا لمن قدمت كان وقت صيف والحمدلله كان توهم فاتحين فرع يديد ومحتاجين موظفين فصار من نصيبي
وعلى فكرة آنا توني صار لي شهر ونص من تعينت توني يديدة:eh_s(6):

وصاجة افرعنا محدودة وكلها تجارية ما عندنا أفرع بمناطق سكنية

وسلامة عمرج

 

[ma3moolah]

مشكورة حبيبتي ما قصرتي
انا قدمت قبل فترة على الاوسط والاهلي بس اثنينهم مادقو علي فمادري شنو اسوي بهالخصوص

قلت اقدم مرة ثانية بس هم مترددة عشان جذي سألت

العفو بعد قلبي ما سويت شي:eh_s(6):
حاولي تقدمين مرة ثانية وإهو الموضوع يبيله صبر آنا عقب شهرين وشي يالله دقو عليي وعلى ما وديت أوراقي وقدمت الإمتحان وسويت المقابلة ورديت وديت اوراق مرة ثانية وتالي وقعت العقد معاهم وهمن ضليت شهرين يالله توظفت
فالموضوع يطول و يبيله طولة بال
والله يعينج ويصبر قلبج حاسة بمعاناتج ملل وضقة خلق

والله يرزقج بالوظيفة اللي تسر قلبج قولي آمين

 

[ma3moolah]

up
up
up
up
up