شــنو كليتــي اليــــوم ((لشهر رمضان المبارك)) تعـــالي و شاركينـــــا بالصـــــــور؟

[om al ghaleen]

عووووووافي بنات

 

[aBoOoRa]

عليكم بالعافيه بنات


غروب عليكم بالعافيه شكل الاكل لذيذ

ابي طريقه هالكيك

شكله حلو وانا شاريه الزينه الملونه ومادري شسوي فيها

 

[قطوة@@]

بالعافية بناات

 

[جنى q8]

بالعااااااااااافيه بنات

غروب عليكم بالعافيه اكلكم يشوق هني هني

تقبل الله

 

[ريمه الكويت]

بالعافيه بناااااااااااااااااااات انسات وسيدات وتقبل الله صالح الاعمال

والله يعافيكم ياب

 

[ريمه الكويت]

*[Be_True]* بالعافيه سحوركم ودي اتفطر فيه احب الحمص وهالسوالف بس ترا يعطش خصوصا الكباب والحمص@@

غروووووب اكلج يسيل اللعاب ههههههههههههههه

مشروووووووووووووومه مادري من وين تطيحين على هالصور هههههههههههههههه الخرفان عجيبين

 

[ريمه الكويت]

قطوة@@ الله يعافيج وميزه الرنجينه ريحتها تبط وفيها شبه بالعصيده اثنينهم فيهم طحين اسمر محموس

 

[سارونه87]

البريوش لذيذ
ابي طريقه الحشوه اللي داخل

 

[digital]

عليكم بالعااااااااااااااااااااافيه

بي ترو و


غروب سلطة الحلوم تشووووق

 

[دلوعة بنتي]

مساء الخير
عندي صور اطباق كلها سويييييييت قلت احطهم واخليكم تيوعون شوي ..

هذي الكيكة سويتها بمناسبة عيد زواجنا .. تضحك لوووووووووول


وهذاك اليوم يوني رفيجاتي غبقة وماصورت الا الحلو بس

هذا حلو الفليك انا سويته

 

[دلوعة بنتي]

وهذا الحلو اختي عروس سوتلي ياه يعطيها العافية .. قالوا لذيذ ووايد عجبهم





وهذي كيكة الاوريو من ايد رفيجتي



ومس ارت سوتلنا حلو المارشميلو

 

[@حوريه86@]

عليكم بالعافيه

 

[flafl-6e7ena]

خووووووش موضوع
دلوعه ممكن طريقة حلو الفليك ؟

 

[digital]

عليكم بالعافيه

دلوعة بنتى الحلويات عذااااااااب وانا نمله ادبي على الحلو عليكم بالعافيه


عروووووس نبي طريقة الحلو

كوسة باللبن



وعيش شعريه




ونسيت اصور الاطباق الثانيه

بنت التميمي اللبن: 4 روب والاحسسن يكون انتاج قبل يومين او 3 علشان شوي يكون حامض

2 فص ثوم مبشور او مدقوق

1 او 2 قفشة نشا وملح

فى يحطون بيضه بس انا ما احط


اول شي تخلطين المكونات كلهه مع بعض و بعدين تحطينهه على النار اذا شفتيههه خفيفه زيدى النشا بس شوي شوي

وان شاء الله تضبط معاج

 

[مس اموله]

عليكم بالف عافيه بنوتات

ماشاءالله تبارك الله شغل سنع ومرتب

كلكم بدون استثناء وباختصار روووووووووووووووووووووووووووعه

 

[سارونه87]

عوااااااااافي
نعومه كيكة اخوج شلون طريقتها تشووووووووووق

 

[Hambka Q8]

زلابيا و مادري شنو :krkrkr:

بسكوت نقصه من رفيجة اختي (عجيييب)
و الثاني الاوريو من شاتو دي جاتو

حلو تمر

قطايف

ميني بسبوسه من رفيجة اختي

حراء اصبعو من بيت ييرانا (لذيييييييييييييييذ) :eh_s(1):

فطاير جبن و زعتر و علوب _03BA:

صمونة حلوم من مطعم 55

مولتن كيك من chocoleteness ابيييه عجيب انصحكم فيه !
رقمهم على العلبه و هذا قروبهم بالفيس بوك
http://www.facebook.com/group.php?gid=61160777216

 

[غروب]

بالعافيه بنات وماشاء على ورق عنب غروب ياليت اتجيبين لنا الطريقه

الطريقة: عيش مصري مكيالي قلاص جبن صغير احط اثنين ونص حق غرشة ورق العنب الوحده- شدة بقدونس مفروم- شبنت مفروم يكون أقل من البقدونس بس للنكهه يعني- مرات احط كزبر شويه اذا متوفر مو ضروري يعني- وشوية نعناع طازج أو ناشف بس للنكهه- بصلة كبيرة مفرومه- طماطه كبيرة مفرومه-فصين ثوم مفرومين ناعم- فلفل اسود تقريبا قفشة متوسطة- ملح- شوية كزبره وكركم وحطيت هالمره شووووية كاري واذا ماحطيت كاري احط شوية لومي أسود ورشة دارسين مانبي الطعم يكون واضح وكنت شاريه من مركز سلطان ملح بنكهة الثوم حطيت منه بعد (حاولي البهارات تكون شويه عشان ماتخرب طعم ورق العنب)-نص قلاص صغير ليمون- نص قلاص صغير زيت زيتون - دبس رمان تقريبا 3 قفاش كبار--> هذا كله بخلطة العيش وبعد ما تلفين ورق العنب وتصفينه بالجدر سوي خلطة نص قلاص صغير عصير ليمون- نص قلاص صغير زيت زيتون ومرات أخلط الزيت النباتي معاه- وصبي شوية دبس رمان بعد وزيدي الخلطة ماي حار وغطي ورق العنب بصحن ستيل عشان مايتبطل وقت الطبخ وصبي الخلطة وخليه على نار عالية أول شي لما يغلي بعدين حطي حديده وقصري عالنار خليه يستوي على راحته تقريبا ساعة ونص واذا حسيتي محتاج ماي زيديه شوي وقت الطبخ وبس بالعافية

 

[غروب]

عليكم بالعافيه بنات


غروب عليكم بالعافيه شكل الاكل لذيذ

ابي طريقه هالكيك

شكله حلو وانا شاريه الزينه الملونه ومادري شسوي فيها

الله يعافيج حبيبتي وتسلميييييين .. الطريقة سهله:
كيكة كراتين العادية اللي تحطين معاها زيت وماي وتخلطينها وبعدين تخبزينها، ولما تطلعينها تفتتين منها الكمية اللي تبينها، وضيفي عليها شوية قيمر وخلطيها .. واذا حسيتي الخلطة متماسكه، سوي كور منها بعدين ذوبي بحمام مائي كاكاو آرو ونوتيلا وشوية كريمه، وصبيه عليه وزينيه ودخليه الفريزر شوي يجمد وبعدين قدميه بماعون ثاني وبالعافية وتقدرين نفس الطريقة بكيكة ساراكيك او أي نوع كيك جاهز.

 

[غروب]

بالعااااااااااافيه بنات

غروب عليكم بالعافيه اكلكم يشوق هني هني

تقبل الله

تسلمين جنى والله يعافيج ويهنيج يارب

.
.

*[be_true]* بالعافيه سحوركم ودي اتفطر فيه احب الحمص وهالسوالف بس ترا يعطش خصوصا الكباب والحمص@@

غروووووب اكلج يسيل اللعاب ههههههههههههههه

مشروووووووووووووومه مادري من وين تطيحين على هالصور هههههههههههههههه الخرفان عجيبين

لووول شكرا عالمديح رييييييمه

.
.

عليكم بالعااااااااااااااااااااافيه

بي ترو و


غروب سلطة الحلوم تشووووق

تسلمين ديجتال .. اشتهيت كوسا باللبن عليكم بالعافية، أمي الله يطول بعمرها تسوي كبة باللبن لذيذذذذذذذة

.
.

ومس ارت سوتلنا حلو المارشميلو

هذا الحلو اللي تسويه مس آرت ولا ذقته لي الحين عليكم بالعافية دلوعة