النظرة .. أكبر همنـــا .. وأكبر مشكلة بالنسبه لنا !!

[HearT ChocolaTe]

السلام عليكم ورحمة الله وبركاته



أخباركم بنات ..أنا بدخل بالموضوع بدون مقدمات
بصرااحه أنا أشوف واايد مشكلات تنطرح بالقسم تعتبرونها هم وعسى الله يفرجها عليكم

أنا بقولكم شي ..عن النظرة السلبيه ..!!

شنو يكون موقفج لو تتمشين بالسوق أو الجمعيه أو حتى بمكان ترفيهي مثل حولي بارك ... أي مكان كان
وتلقين فجأة وحده تفصفـص فيج وفي عيالج .. وكل ما صديتي عنها ترد عينج بعينها ..!!

:eh_s(14)::eh_s(14)::eh_s(14):

نظرة تتكلم .. نظرة وكأنج نازله من الفضاء الخارجي ..!! سرااايكم فيها ... ؟؟
شنو قولكم عنها ..؟؟ تقتلج وودج تعرفين شنو قاعده تقول ..؟؟



طبعاااااا ردكم رااح يكون أكيد .... أي ودي أعرف


شرااايكم إذا قلت لكم إن أمهات ذوي الإحتياجات الخاصه يصرخووون من هذي الآآآآآآه وتعبوا منها ..!!
شرااايكم لو أقول لكم إحناااا نرفض هذي النظرة وبقوة بعد ونقول لكم :

 

[FOZQ8]

استغفر الله شيطالعون بالله ؟؟
حسبي الله عليهم بلاغة الشف هذي الماصخه
عاد صج ماحب هالنوعيه ...
حبيبتي طنشي ولا كأنها موجوده كلش

واحنا نقول لهالنظره السلبيه ألف لأ
اشفيها لو ضحكت للياهل وابستمت للطفل وأمه كأنها تقولها قواج الله وتمشي بطريجها .. او تخليها لحالها
ليش الخز

 

[كوكاو بو نجوم]

و عليكم السلام و الرحمة
اي فعلا هالنظرة هذي تجرررررررررررررررررررح و تعور حيل ..
يعني احنا الصاحين ما نحب اللي يخز فينا شنو حالهم اهم .. استغفر الله
متى الناس تتطور و تغير نظرتها السخيفة هذي
تدرين انا لما اشوفهم ما اطالعهم اتعامل معاهم عادي كانهم طبيعين ..
و بس الحمد لله على العافية .. هالدنيا ما كملت لاحد عسى الله يرفع عنهم

 

[*FaRaWlA*]

في ناس فيهم بلاغة شف استغفرالله

و احسن حل انه نعاملهم كانهم مثلنا و مافيهم شي وحالهم حالنا

من غير نظرات بايخه

 

[كريستال ليدي]

و الله هالنظرة وايد تجرح
اللي ما فيه شي اذا خزوه يتضايق شلون ذوي الاحتياجات الخاصة

الله يعينهم يا رب

 

[بنات حواء2]

عاد تدرين اني لمن اطلع وااااااااااااااااااااايد يخزوني و بشكل مو طبيعي معني مافيني شي يلفت لبسي عادي و متستره الحمد لله
و لمن اطلع مع ريلي احس انه الناس يبون يهجمون علينه من النضرات و ناس يبون يتناجرون معانه ما ادري شنو السبب بس فعلن الخز ضاهره منتشره بين الناس بس عمري مافكرت هذي ليش تطالعني و لا شتو تقول بقلبها عني لانه مايهمني يهمني اني امشي بثقه رافعه راسي

اما بنسبه حق ذوي الاحتياجات الخاصه
تدرين لو مرت علي اي حاله عمري مافكرت اخز بالعكس الف ويهي و اسوي نفسي ما اشوف و بعض المرات تدمع عيوني عليهم

 

[شندوخه]

والله قليله ادب اللي تشوف جذي
ولو انا منج ماخليها اقولها خير نعم شتشوفين كائن فضائي نازل ؟

 

[عاشقة_الجمال]

تصدقين عاد انا اذا شفت احد من ذوي الاحتياجات الخاصه

صغير او كبير اسوي روحي جني مو شايفته او ان شخص عادي ما فيه اي شي

وما اقعد اتخزززز

ليش اني احط نفسي بمكانه واقوول شنو يكون احساسي لو احد خزني بالطريقه هذه

الله يشافي كل مريض يا رب

 

[جوك احلى جو]

المجتمع بكبره خازوووووووووز كائنات بصريه غير عقليه من صجج معوره قلبج هذوله فاضين

 

[HearT ChocolaTe]

استغفر الله شيطالعون بالله ؟؟
حسبي الله عليهم بلاغة الشف هذي الماصخه
عاد صج ماحب هالنوعيه ...
حبيبتي طنشي ولا كأنها موجوده كلش

واحنا نقول لهالنظره السلبيه ألف لأ
اشفيها لو ضحكت للياهل وابستمت للطفل وأمه كأنها تقولها قواج الله وتمشي بطريجها .. او تخليها لحالها
ليش الخز

اول شي مشكورة على كلامج فديتج .. وياريت لأ الناس تسمعها وعن نفسي الإبتسامه أنا أبديها عشان تنحرج من نفسها وتدفن وجها بالقاع ,,

 

[* Na3oMa *]

خخخخخخ اللي يخزني اخزه افا عليج ..

 

[HearT ChocolaTe]

و عليكم السلام و الرحمة
اي فعلا هالنظرة هذي تجرررررررررررررررررررح و تعور حيل ..
يعني احنا الصاحين ما نحب اللي يخز فينا شنو حالهم اهم .. استغفر الله
متى الناس تتطور و تغير نظرتها السخيفة هذي
تدرين انا لما اشوفهم ما اطالعهم اتعامل معاهم عادي كانهم طبيعين ..
و بس الحمد لله على العافية .. هالدنيا ما كملت لاحد عسى الله يرفع عنهم

جزاج الله خير على هالنظرة وعسى الله يكثر من أمثالح ,, مشكورة على المرور والمشاركة وصدقتي هالدنيا ماكملت وعيون البشر دايما تبحث عن الكمال

 

[أمواج البحر]

اقولج شي

انا اطالع يهال دذوي الاحتياجات الخاصه

اي نعم اطالعهم بس مو نظرة فضول او نظرة شفقه

لا والله بالعكس اطالعهم لانهم سبحان الله يجذبوني ما ادري ليش

احس فيهم طيبة وحنان الكون كله

احسهم بريئين سواء كبار والا صغار

و وااااااااااااايد استانس اذا تفاعل معاي هالياهل وضحكلي والا تحرش فيني ^_^

بس مو القصد اني احرج امه ... صراحه ما فكرت فيها من هالناحيه

ومن اليوم ورايح براقب نظراتي واحاول ما اطالعهم ولو ان هالشي مو بيدي لاني فعلا احبهم

عسى ربي يشافيهم و يعافيهم و يخليهم لاهاليهم و لج الدعوه بعد ام عزوز

 

[HearT ChocolaTe]

في ناس فيهم بلاغة شف استغفرالله

و احسن حل انه نعاملهم كانهم مثلنا و مافيهم شي وحالهم حالنا

من غير نظرات بايخه

صح لسانج ,, مشكورة على المرور والمشاركة

 

[tolay]

ظاهره الخز منتشره بدول العرب خصوصا عند الخليج

اللي يخز وحده معجب فيها

اللي يخز لبسها

البنت تخز واحد

البنات يخزون بعض غيره وحسد

البنت تخز اي شخص بدون سبب

لو انا وحده اتمشى مع شخص معاق وشخص جدامي يخزه بشكل كبير اقوله نعم في شي !!!

عشان يستحي على دمه


او الحل بالطنااااااااااااش

 

[HearT ChocolaTe]

و الله هالنظرة وايد تجرح
اللي ما فيه شي اذا خزوه يتضايق شلون ذوي الاحتياجات الخاصة

الله يعينهم يا رب

ويعين الجميع ,, مشكورة على المرور والمشاركة

 

[HearT ChocolaTe]

اما بنسبه حق ذوي الاحتياجات الخاصه
تدرين لو مرت علي اي حاله عمري مافكرت اخز بالعكس الف ويهي و اسوي نفسي ما اشوف و بعض المرات تدمع عيوني عليهم

مشكورة على المرور والمشاركة فديت دموعج أنا حبوبه ,,

 

[HearT ChocolaTe]

والله قليله ادب اللي تشوف جذي
ولو انا منج ماخليها اقولها خير نعم شتشوفين كائن فضائي نازل ؟

بالنسبه لي أنا ولله الحمد قادرة أحرجهم بنفس النظرة وأقدر أخاطبها بعيوني بدون كلمة وحده ،، لكن غيري ما يقدر ويظل مجروح من هالنظرة ،، مشكوررة فديتج على المرور والمشاركة

 

[HearT ChocolaTe]

تصدقين عاد انا اذا شفت احد من ذوي الاحتياجات الخاصه

صغير او كبير اسوي روحي جني مو شايفته او ان شخص عادي ما فيه اي شي

وما اقعد اتخزززز

ليش اني احط نفسي بمكانه واقوول شنو يكون احساسي لو احد خزني بالطريقه هذه

الله يشافي كل مريض يا رب

اللهم آمين فديتج ،، بارك الله فيج وبأمثالج

 

[HearT ChocolaTe]

المجتمع بكبره خازوووووووووز كائنات بصريه غير عقليه من صجج معوره قلبج هذوله فاضين

اي فديتج يعورني قلبي هذول عيالي ومو كائن فضائي تسرح فيه وتخاف منه ,, وبالنسبه لي أعتبرها قلة ذوق وعدم إحترام للغير.. مشكورة على المرور والمشاركة