شــنو كليتــي اليــــوم ((لشهر رمضان المبارك)) تعـــالي و شاركينـــــا بالصـــــــور؟

[غروب]

يعطيكم العافيه

غـــــــــــــــــــــــروب :: تسلم ايدج .. ودي اهجم عالديايه ههههههههههههه شكلها يشوووق :roadrunner:
اليوم عالفطور طق براسي اسوي معكرونه والحمدلله اطلعت يمي يمي ...







شوربة عدس



بف باسترى بالكيري



توست محشي بجبنة فيلاديلفيا وزيتون



القيمات



عقب الفطور ::: حب مصري



حلويات القرقيعان





وهذا القرقيعان







​

الله يسلمج حبيبتي اكلج يشوق وقرقيعانكم حلو ومرتب ماشاء الله عليكم بالعافية

 

[Om-Bashaar]

عليكم بالعافيه

 

[^^عاشقة النوتيلا^^]

عليكم بالعااااااااااااااااافيه

 

[غروب]

السلام عليكم


سويت جيز كيك وايد حلو ماخذة طريقتة من المنتدى



الحمد لله على النعمة ​

وعليكم السلام
ماشاء الله شكللللللله يشوق عليكم بألف عافية

.
.

ربيان بخلطة الثوم وليمون ومادري شنو بعد عججججيب

سبيطي بالثوم والليمون لذيذ

ربيان مشوي ولا احلى

عليكم بالعااافية ام حسوون بس بغيت اسأل وين صاير هالمطعم ؟ أنا ادور السمج دواره

.
.

وينك ياغرووووووووب

سووووووري حبيبتي والله صارلي فترة مو داشه الموضوع ماكنت أدري .. وسياسية ماقصرت

.
.

غالية و الطلب همبة

مقادير الفتة

بإضافات لذيذة مني

بيديان مقطع مكعبات

بطاط مقطع مكعبات

فلفل أخضر بارد مقطع مكعبات

بصل أبيض مقطع مكعبات ..

نص علب فلفل أخضر حار مفروم فرماً مبرحاً

نخي من راعي الباجيلا و النخي بس تبردينه بالثلاجة.

بقدونس مفروم..

---

الطريقة :

تقلين البطاط و البيديان و البصل بزيت زيتون (أنا استخدم قلاية أكتي فراي تبع تيفال اللي تقلي كل شي بقفشة زيت وحدة) صحية أكثر

تصفين طبقة البطاط بالماعون.. وفوقه الفلفل الأخضر البارد.. و ترشين بيدج الفلفل المفروم الحار ..يتوزع بجميع النواحي فوق الفلفل البارد..

وتحطين البيديان فوقهم..ومعاه البصل المشوح بالزيت ( البصل أخليه ذهبي على بني مقرمش عشان يكون كرسبي)

وتالي تاخذين النخي بعد ما تبردينه بالثلاجة ..تغسلينه بماي عشان تنظفينه من ماي النخي و الفلفل الأحمر اللي معاه وتصفينه بمشخال.. وعقب و تحطينه فوق البيديان و البصل..

فوق النخي ترشين البقدونس المفروم تقريبا راح يغطي لج الماعون..

وتبردينها بالثلاجة..

الصلصلة :

قوطي روب كي دي دي (استخدم خالي الدسم ) عشان تكون الفتة دايت

3 ملاعق أكل مايونيز دايت او العادي برغبتج..بس أفضل الدايت

2 ملعقة أكل لبنة بينار

2 ملعقة صغيرة هردة (طحينة بلهجة أخرى).

تخلطينهم و تضيفين لهم ثوم مفروم بحدود ملعقتين صغار.. و ليمون و ملح حسب رغبتج ..

لوقت التقديم..تحطين الصلصلة فوق الفتة.. و ترشينها بشوية سماق .. و تحطين فوقها صنوبر محموس.. و تالي الخبز المحمص بالفرن (عشان لا يشرب زيت اذا كان مقلي)

وهني و عافية على قلبج..

جربيها و عطيني رايج
​

شكلي أنا اللي بجرب اضافاتج يمي تسلمين

.
.

سااااااااالي 86 تصويرج حلوماشاء الله وأكلكم يشوق .. عليكم بألف عافية

.
.

ريمه حبيبتي تسلم ايدج على هالأطباق الحلوه وعليكم بألف عافية

 

[ABEER FLOWER]

دمي خفيف هني و عاااااااافية يارب

ريمه الله يخليلج بنتج و يحفظها و تشوفينها عروووووس يارب
و عوااافي على قلووووبكم
بجرب الهريس بالدارسين شوقتووووني عليه كويتياااات
احنا نحط عليه زبدة الكرسي لووووووول

سااااالي عليكم بمليووووووون عااااافية

 

[قطوة@@]

عواافي بناات

 

[aBoOoRa]

بحط لكم عشانا يوم الخميس

السفره عااامه لاني افتشلت اصور طبق طبق لول

وهذا كيك كان يصادف عيد ميلاد اخت مرت اخوي

كيكه اوريو برد

فطورنا اليوم


اول شي طبعا التمر واللبن

سلطه سيزر

فطيره الدجاج بالكريمه

كبه باللبن

دجاج بالصلصه

عيش اشبنت

وعواااااااااااااافي

 

[**بيت النور**]

مشكووووووووووووووووووره عروس الدنيا على الدعايه و ما تقصريييييييين
هذا من ذوقج انج حطيتي صور الحلو الي اسويه تستاهلون اكثر والف عافية عليكم

 

[miss_art]

مشكووووووووووووووووووره عروس الدنيا على الدعايه و ما تقصريييييييين
هذا من ذوقج انج حطيتي صور الحلو الي اسويه تستاهلون اكثر والف عافية عليكم

بيت النور الصراحه تسلم ايييييدج والله عن جد ماشالله عليج مو مبين ان شغل بيت

انشالله بطلب منج حق العيد :ggdw:


​

 

[عروس الدنيا]

مشكووووووووووووووووووره عروس الدنيا على الدعايه و ما تقصريييييييين
هذا من ذوقج انج حطيتي صور الحلو الي اسويه تستاهلون اكثر والف عافية عليكم

و انا اقول الصفحه منوره ... اثاري هذا نورج يا بنت النور .. الصراحه اني ما سويت دعايه .. قلت الصج
الحلو من زماااااااااااااان عاجبني ... تسلم الايادي

 

[krkooora]

ســــــــالي86

عليج العافيه

واااااااااااي انتي نفسي اموت باكل الهنووود خاصه هالاكله واااااي اتينن امي متعلمتها من سنين من خدامتهم و اكلات بعد وااايد اتينن شكلي بسوي موضوع اكل الهنود و الفلبن و اعرض الافكار و الله فكررة

 

[ريمه الكويت]

الله يعافيج بتبوتاااااااااااااا

يابختي جانزين جيرانا خووووووووش شي @@

 

[ريمه الكويت]

غروووب الله يسلمج يالغلا

شكرا عبيرررررررررررررر ويسلم غاليج شيطلع الكرسي @@

سفره عامره ودايمه عبوره وعجبتني فكره الطاسه الخشب للسلطه


krkooora اي سوي هالموضوع انا اشجعج @@

 

[ABEER FLOWER]

عبووووره عليكم بمليووووون ألف عااااااافية
أطبااقكم روووووووووعة ما شاء الله تبارك الله
تسلم الأياااااادي

كركوره أوافقج الراي لوووووووووول
مع إني مو لهناااااااك مع أكل الهنوووود
بس حلوووووة نتعرف

 

[Reem_q8]

عوااافي بنات

 

[أم@الحلوين]

بحط لكم عشانا يوم الخميس

السفره عااامه لاني افتشلت اصور طبق طبق لول

وهذا كيك كان يصادف عيد ميلاد اخت مرت اخوي

كيكه اوريو برد

فطورنا اليوم


اول شي طبعا التمر واللبن

سلطه سيزر

فطيره الدجاج بالكريمه

كبه باللبن

دجاج بالصلصه

عيش اشبنت

وعواااااااااااااافي

سفره دايمه عبووووره وعليكم بالعافيه

ممكن طريقة فطيرة الدجاج بالكريمه؟؟

 

[bambena]

عليكم بالعافيه اجمعين

 

[كويتيه مذهله 87]

بالعاافيه حبوبات

 

[l0o0ov]

haloooooooo

عبووووووووووووووره :: شخبارج حبوبه ... شفتج ذاكره اسمي ؟؟؟ ههههههه اي ترى انا ام الأجرام حطووو بالكم .. عبوره تعرفني عدل ههههههههههههه _03ba:

bnt_7waa :: بالعافيه

awradali:: عساكم من عواده وبالعافيه القرقيعان

فطورنا وسحورنا بالأياااام ألي طافت ؟؟

كبه وربعها من ايد امي الله يحفظها





عيش وربيان



تشريبه



جريش



هذا البصل الي يحطونه فوق الجريش ... طعمه يمي يمي _03ba:




بعد شوي انزل باااجي الصور ... :tek:


​

تسلم ايد امك بس طريقة الكبب ولا عليك امر

 

[قوطي نيدو]

بالعااااااافيه عليكم