بليز تجمع للمصابين بالقولون وامراض واضطرابات المعده والجهاز الهضمي

[FRuiT ZaBaDi]

سلامات بنات ماتشوفون شر كلكم
وانا معاكم بالهوا سوا

 

[سموي ملكي]

حبيبتي ماشتوفين شر اعراضج وايد قويه يعني القولون يخف مرات بس على كلامج منتكسه على طول لازم تشوفيلج حل وتعالجين
الله يعينج الحين صبري روحج بالعلاج بالقران اقري دايما لفاتحه على مكان الالم

اشر مايجيج حبيبتي

والله قريت قرآن ودايم اقرا على نفسي

بس تعبت صارلي 3 شهور الالم مايخف كلش عشان جذيه افكر اسافر برى

ياليت اي وحده تعرف دكتور باي ديره تفيدني والله يجزاها الف خير والله يشفيها بشفاه

 

[روروو]

يسعد اوقاتكم حبايبي
في احد فيكم اذا تعب قولونها تحس انها بتغص باكلها وانها مو قادره تتحمل الاكل ؟؟
ماتحسون القولون يزيد برمضان بالذات الصبح عند النوم ؟؟
لاتقولون خففي اكل لان اكلي خفيف انتو ماشين ع نظام معين؟؟​

 

[** الحب كله **]

انا بعد نفس الحاله كله بطني منفوخه ووايد اتأذى والله ان بطني ترهلت من هالشي مو من زيادت الوزن تنتفخ وتفش وهذي حالتي

 

[faith09]

يسعد اوقاتكم حبايبي
في احد فيكم اذا تعب قولونها تحس انها بتغص باكلها وانها مو قادره تتحمل الاكل ؟؟
ماتحسون القولون يزيد برمضان بالذات الصبح عند النوم ؟؟
لاتقولون خففي اكل لان اكلي خفيف انتو ماشين ع نظام معين؟؟​

شلونكم بنات
روروو أنا بديت أحس بتعب من ثالث يوم من رمضان المشكلة مو بعد الأفطار مشكلتى تبدأ أذا أنتصف النهار أحس أن قولونى يتقطع . بس مانى عارفة شسوى . أول رمضان يصير جذى فينى . أنا خايفة لأنى يمكن قاعدة الخبط فى موعد أدويتى . الله كريم الله يعطينا الأجر انشاء الله ..

 

[شخبوطه]

بنات انا امس سويت منظار للقولون وفحص جرثومة معدة

طلع معاي التهاب بالقولون وجرثومع بالمعده

بنات عفيه اللي تعرف تفاصيل عن جرثومة المعده تقولها بالتفصيل الممل ابي وحده مجربه مابي وحدة تييبلي معلومات من المواقع

بليز مكتئبة وضايق خلقي حيييييييييل

 

[الكرملين]

شخبوطه انا مثلج واخذ الدوا الثلاثي يعني 3 انواع حبوب

اخوي كانت فيه وعالجها ورجعت مره ثانيه والله خوفني

بس شنو الاعراض اللي تحسينها ؟

 

[flower._.girl]

أنا عندي قولون ويصير عندي انتفاخ فيه واتوقع انه السبب في كروشتي الحبيبه المهم انه يصير فيني منه غازات وحارج (حموضه) وامساك احيانا واحيانا اسهال أنا صارلي تقريبا ثلاث سنين
وطبعا انا وحده اللي خرب علي من البدايه الفلفل انا مدمنه فلفل وغير هذا الحين اي اكل اكله ينفخ قولوني
المهم انا ما رحت لأي دكتور بشوف منو تمدحون وشنو تجمعون عليه عشان أروح

واحيانا من العصبيه ينتفخ ماني عارفه نوعه اذا قولون عصبي والا شنو :0bee2e8d89:

والله يشافينا كلنا يااااااااااااااارب​

 

[الاسطورية]

رورو وفيث انتو مثلي بالضبطوقت الفطور يوعانه واكل بسرعه واكثر من اكله وبعدين وقت السحور ما ايوع بس اكل لمجرد السحور ومتاخر 12 او 11 اكون عاديه مجرد انام واقوم النهار تقطيييييييييييييييع مصاريني تتقطع الم الم لدرجه ان الحين الالم واصل للقفص الصدري عظم القفص الصدري يعورني وايد وبطني منفوخ جني حامل وانا مواول رمضان انا اساسا منت خايفه من رمضان عشان جذي خذيت اجازه لان رمضان الي فات صار معاي نفس الشي

انا اقولكم السبب

السهر- الاكل الفجاه عالمعده وبكميه كبيره-الفتره القصيره بين السحور والفطور

مجرد ينتهي رمضان ويرد الوضع طبيعي ان شاءالله يهدا القولون


وسلامات وماتشوفون شر باجي البنات ماعندي فكره عن جرثومه المعده بس في بنات معانا يفيدونج اقري كلامهم

 

[الاسطورية]

فلور جيرل انتي مافحصتي ولاراجعتي اطباء متخصصيين

 

[روروو]

ماتشوفون شر
الاسطوريه وفيث انا حافظه القولون برمضان بس فكرت انه بس انا
يبدا معي الصبح اذا حطيت راسي بنام تبدا الافكار واحس بالم كانه جرح وتعالو شوفو الاحلام اوقات احس نفسي صاحيه اي احد يتكلم عندي انتبهله انا اتوقع السبب لاننا 12 ساعه ماناكل وبعها رطب وشوربه يتعب القولون
وانا عكس الناس الناس بعد رمضان تسمن انا اضعف
الحمدلله ع كل حال​

 

[الاسطورية]

سلامات رورو شنسوي نقزر رمضان الحمدالله على كل حال انا الحين تعبانه قبل الفطور والم بطني والقفص الصدري

 

[sa7ab]

:b]شندوخة و sa7ab[/b] أنا معاكم فى الهوا سوا . تصدقون أنا تنبط جبدى من كلمة أنتكاسة . المرة الأخيرة فى المستشفى من كثر ما تعبت حسيت أنى بروح فيها لأن حسيت أن الأطباء عارفين المرض بشكل سطحى و بس ننتكس ما يعرفون غير الكورتيزون . أنا تناقشت مع دكتورى مرة وقلت له أكيد تعرف مخاطر الكورتيزون يسبب الالام فى المفاصل و........الخ . تدرون شنو رده .أحنا كأطباء عارفين هالشى بس الكورتيزن هو الحل الوحيد فى الأنتكاسة . . . وأنا مثلككم أعانى من الالام المفاصل . وزيادة صار لى فوق السنة حايشنى التهاب يالعين . رحت حق أكثر من أخصائى عيون يقولون أن هذا الألتهاب هو من أثار التهاب القولون التقرحى . .ما أقول الا الله يسهل أمورنا كلنا ويشافى كل مريض .

الأسطورية رحت مكتبة جرير أدور الكتاب اللى قلتى عنه بس ما حصلته لأن أعتقد أن هذا وقته لأن من أول يوم فى رمضان و مزاجى حده متعكر . تدرين ليش؟ لأن حضرتى فطرت أول يوم بعصير ليمون عجيب . والله لايوريكم عوار وأشتغل النزيف على . طبعا الحل كان اما أنى أروح الدكتور وحزتها راح أتنكد أكثر أو أنى اخذ اموديوم عشان يهدى قولونى وأشوف شبيصير ....بس بديت مع الأموديوم وقراءة القران والأدعية عشان اللله يسهلها ان شاء اللله :yaaaaaarb:

واااي ما اصدق حته العين @@ التهاب اوف قويه صدمتيني صراحه
لاحول الله وماتشوفين شر

 

[(ذلتهم عيوني)]

انا بعد وياكم بالهوا سوا

بطني عوار ومغص واصوات وينتفخ ومرة تكرمون يحوشني سهال ومرة امساك

ومرات يحوشني جم يوم ما ادش عزكم الله الحمام بس متفوخ

واذا في شي ضايقني وعصبت ينتفخ عليي حييييل وبشكل ملحوظ

واي شي اكله او اشربه ينتفخ بطني بسرعة حتى لو شربت بس ماي متضايقة حدي

وما عالجت عند ولا دكتور لي الحين ...

 

[دوناتس]

مرحبا بنات
القولون ذابحني برمضان
انا قبل راجعت عند الدكتور مساعد العصفور وقالي ان القولون العصبي ماله علاج يعني اتعايشين معاه وتسوين رياضه وتاكلين اكل صحي وقالي اهو ثلاث انواع
1- امساك
2- اسهال
3- امساك او اسهال مع الم
وانا النوع الاول امساك حاد وذابحني ومسببلي غازات وماارتاح باكلي ودايما اكل فواكه وخضروات ومافي فايده والله تعبت
وقلت لازم اخذ حبوب وقريت عن حبوب القولون
في حبوب اسمهم زلماك زينه بس امنعوها لانها تسبب ذبحه صدريه
وحبوب اسمها ليبر اكس بس تسبب الادمان يعني تدمنين عليها
بنات انتوا شنو تستخدمون حبوب؟
واستخدمتوا الحبوب اللي ذكرتها؟
والله تعبت حتى اكل قمت مااكل ...
وشكرا

 

[روروو]

عادي حبايبي انا اول يومين الله يكرمكم امساك ونفس الوقت معي الدوره تخيلو دم ينزل اخذت تحاميل بعد يومين يقلب مغص واسهال
واختي بعد نفس حالتي وامي بعد بس اختي الله يهديها تاكل فلفل حار
يهون الامساك عن المغص و الكوابيس اقوم شايفه مسلسل احلام​

 

[مطيرية متواضعة]

في علاج امي تشربة والحين ارتاحت عليها عشبة من عطار ينقال له بوعبدالله

وكانت تحوشها انتفاخات وقلة نوم وتعب والحين تقول على كلام امي انها ارتاحت واحسن من اول بكثيير

اسمها حبة الحياة او مثل هالاسم دقوا عليه واسئلوة والله امي ارتاحت عليه جربي ويارب ماتلقون الا كل خير

22413306 بوعبدالله عطار بسوق المباركية ​

 

[تنآهيد ..~]

السلام عليكم ورحمة الله وبركاته
بنات شلونكم ؟ الأسطوريه شلونج حياتي ؟!
أنا نفسكم بـ رمضان زاد علي عوار معدتي وكل ماتعورني ظهري يعورني معاها بالنص تخيلوا يذبح والله
الأكل صايره ماآكل واجد وحيل ضعفت وجتني فتره كله أستفرغ اللي آكله ورحت حطيت لي دريب [ مغذي ] وتحسنت شوي ورديت مثل ماأنا
وخاصة ً وقت الصبح بالسهر يمه تجيني ألآم مو طبيعيه لدرجة ماأقدر أتحملها وأحط مرات عليها وعلى ظهري كماده حاره تريحني شوي والحبوب كلها قطعتها لأنها مافادتني كلش الله يآجرنا ~

 

[سموي ملكي]

الله يشفيكم يارب صج القولون والقرحه يتعبون نفسيا

انا من كان وزني 75 والجسم اللي كلن يسولف عنه صار وزني 58 صرت هزيله اخرع حتى ملامحي تغيرت عقب الضعف

الله يرحمنا برحمته

والله كان مافيني الا العافيه وكنت رايحه عرس من دخلت مع الباب احس جنه سهم دخل بخاصرتي كان الالم بس بخاصرتي يوم رجعت البيت

حسيت ان كل جسمي يعورني عقبها تنومت بالمستشفى وطلعت عندي قرحه وقولون

يارب منك الشفاء اشفيني واشفي كل خواتي بالمنتدى واشفي جميع مرضى المسلمين

 

[روروو]

اختي سمو ملكي اولا سلامتك
بعدين ترى القولون يمكن يكون سببه عين اهم شي لاتقابلي احد الا وانتي محصنه نفسك بأية الكرسي والمعوذات ​